JKW-KABUM-17-TSA-003-004-wylie
bzhi pa bka' brgyud zhal thang gtso bo rje btsun mar pa nyi ldem sku tshad jo bo rje ltar/ bka' brgyud zhal thang gtso bo rje btsun mar pa nyi ldem sku tshad jo bo rje ltar/__nang gos dkar 'jam gser gyi me tog zlum 'jing /__sku chings dmar smug ber dmar smug mon kha/__zhabs rjen gdan 'bol khri bcas/__sku sha dkar mdangs/__de'i g.yas su mi la na bza' ras gos rkyang pa/__sgom thag dmar po rtsa 'khor ri mo can/_phyag g.yas pus mo steng du brkyang /__g.yon gdan la brten/__zhabs g.yas brkyang rol/__ri dwags pags pa'i gdan/__sku sha dkar mdangs/__g.yon du dwags po rin po che chos gos rnam gsum mtshal kha/__ber gser mdangs/__phyag mnyam bzhag__/dwags zhu can/__zhabs rdo rje'i skyil krung /__gdan 'bol khri/__gnyis ka sku tshad 'brom rngog gnyis dang 'dra/__gzhan sku'i nyams/__sha mdangs/__gzigs stangs/__phyag stabs/__bzhugs stangs/__na bza' gdan khri sogs kar phyogs kyi zung 'jug brgyud rim bris rgyun khungs dag ltar la/__dmigs gsal mar pa la seng khri dar 'bol/__pad gdan/__mdun du rdor dril/__DA ru/__nang mchod/__zhal dkar chang gis bkang ba/__tshogs rdzas nya sha dang la phug sogs yod pa'i pad gzhong bcas/__mi la la 'bol gdan ljang gu'i steng ri dwags pags pa dang /__dwags po la 'bol gdan dmar po'i steng gding ba bting ba/__steng gi dbus su rdo rje 'chang spyi ltar/__g.yas su tshe dpag med grub rgyal lugs sku mdog dmar po/__longs spyod rdzogs sku'i chas spyi 'grel/__phyag mnyam gzhag gi steng gser gyi bum pa dpag bsam shing lo ma dang me tog rab tu rgyas pa'i kha rgyan can bsnams pa/__zhabs rdor skyil/__gdan pad zla sogs spyi ltar/__'ja' sprin dang bdud rtsi'i char kha dog lnga ldan phyag gi bum pa las 'phyur ba'i tshul gyis 'bebs pa/__g.yon du grub chen sa ra ha bram ze'i gzugs mda' 'dzin pa sogs spyi ltar la/__mar pa'i mnal lam ltar na/__shing pak+shi'i ljon pa la sku rgyab brten pa/__dur khrod kyi chas dang /__ro gdan can zhes gsungs pa bri stabs bde na de ltar bri zhing /__dur khrod kyi chas rdzogs par bri stabs ma bde na spyi ltar rus rgyan drug dang stag sham tsam bris pas 'thus/__gang ltar yang 'ja' sprin gyi dbus na bzhugs pa/__zhabs phyed skyil/__me tog gi char 'bebs pa/__'ja' zer mar pa'i thugs kar zug pa bri/__'khor mi dgos/__rdo rje 'chang gi 'og g.yas su te lo/__g.yon du nA ro/__zung 'jug brgyud rim bris rgyun spyi ltar gang legs/__mi la'i dbu gtsug steng thad nam mkhar bde mchog lhan skyes/__dwags po'i dbu gtsug nam mkhar phag mo dmar mo gnyis kar thugs kyi sgrub thabs dang mthun pa'i bris rgyun spyi ltar/__so so'i thugs ka nas so sor 'ja' zer gyis sbrel ba sogs snga ma rnams ltar/__mi la'i steng mar pa'i g.yas zur du gro bo lung gi ri khrod dang /__sras mkhar dgu thog gi pho brang gnyis bris dpe ltar bkod pa gang legs dang /__de gnyis su sngags 'chang rdo rje 'dzin pa'i tshogs kyis 'chad pa dang /__rtsom pa'i bkod pa gang mdzes/__mar pa'i sku'i g.yon dwags po'i thad dwags lha sgam po bris dpe ltar dang /__der rab byung gi tshogs kyis 'chad rtsom mdzad tshul/__ri khrod du rab byung rnams kyis bsgom mdzad tshul/__de'i steng zur gang bder la phyi gangs kyi rwa ba bris dpe ltar la/__dkyil du gangs khrod dang gsham du brag phug tu ras pa'i tshogs sgrub pa la gzhol ba'i tshul/__mar pa'i mdun du 'jam mgon blo gros mtha' yas bris rgyun dkyus ltar la/__dbu zhwa dwags zhu/__phyag gnyis thugs kar chos 'chad kyi rgyas ut+pal bsnams pa'i g.yas snyan thad glegs ral dang /__g.yon tshe bum gyis mtshan pa/__zhabs rdor skyil/__de'i mdun du nye ba'i rin chen bdun/__khang 1bzang bkod pa gang legs kyi dbus su ral gri sngon 1po 'od zer sngon po 'phro ba/__lpags 3pa gser gyi spu ris can/__skyed mos tshal4/__gos phu dung can 5/__rin po che'i 6mchil l+h+wam/__gzim khri mal 7cha gzan lta bu bcas/__bkra shis rdzas brgyad kyi ri mo bcas bkod pa gang mdzes dang /__gzhan yang mchod pa'i rnam grangs du ma/__de'i g.yas su mgon po phyag bzhi pa/__gdan pad nyi bam ro bsnol ba'i steng /__mgon po sku mdog mthing nag__/dmar zlum spyan gsum/__khro gnyer bsdus shing mche ba gtsigs pa/__ljags bskyod pa/__dbu skra smar smin dmar ser me ltar 'bar ba/__phyag g.yas dang po'i be ta'i 'bras bu dbyibs snying 'dra ba thugs ka'i steng dang /__g.yon thod khrag 'og tu 'dzin pa/__g.yas 'og mas rdo rje ral gri 'debs tshul/__g.yon 'og mas kha T+wA~M rtse gsum dar dpyangs can 'phyar thabs/__mi mgo skam po lnga'i dbu rgyan/__rlon pa khrag 'dzag lnga bcu'i do shal/__dar dang /__rin po che dang /__sbrul dang /__dril bu g.yer kha'i phreng bas brgyan pa/__stag lpags gsar pa khrag dang bcas pa'i sham thabs can/__sku las skyes pa'i me 'bar ba'i klong du zhabs dpa' bo rol pa'i bzhugs stangs can no/__/g.yon du bkra shis tshe ring ma gtso mo sku tshad che ba/__'khor bzhi dzam dkar gyi lha mo bzhi lta bu'i chung ngu /__gangs mthon mthing rgyal mo'i bkod pa sogs kar lugs bris rgyun spyi ltar shin tu legs pa/__gzhan gnam sa bar gsum gyi yul snang /__'ja' sprin/__rin po che dang me tog gi char/__gangs ri/__seng ge/__brag ri/__spang ri/__dpag bsam ljon shing /__skyed tshal/__khrus rdzing /__rin po che'i ri/__ma rmos lo/__'dod 'jo'i ba/__gter bum/__glang chen/__bya ri dwags/__rma bya/__me tog gi bum pa/__ne tso mi skad smra ba zung sogs snga ma rnams ltar bkod pa rgyas mdzes su bri zhing /__rgyab tu gtso bo'i sku rgyab khri rgyab yol bar gyi tshad dang mnyam pa'i lha babs mchod rten thig rtsa ldan pa/__bum sgo thugs ka'i thad du yod pa zhig bri'o/__mang+galaM/____/_!_
