JKW-KABUM-23-'A-001-017

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 23, sde tshan 1, Text 17, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 23: . Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu

Tibetan Text

Wylie

[edit]

བདེ་ཆེན་རྡོ་རྗེའི་དེ་ཁོ་ན་ཉིད་བརྗོད་པའི་གླུ་བདེ་བ་ཆེན་པོའི་བྱིན་འབེབས། བདེ་ཆེན་རྡོ་རྗེའི་དེ་ཁོ་ན་ཉིད་བརྗོད་པའི་གླུ་བདེ་བ་ཆེན་པོའི་བྱིན་འབེབས་ཞེས་བྱ་བ། ཨེ་མ་ཧོ། བླ་མ་ཕྱི་ན་མི་བཞུགས་སྤྱི་གཙུག་གི་ཐིག་ལེ། །ཧཾ་ཡིག་བདེ་བ་ཆེན་པོའི་ཉམས་བརྒྱ་ཡིས་རོལ་པ། །སྙོམས་འཇུག་བདེ་བས་བསྐུལ་བའི་འདོད་ཡོན་གྱིས་མཆོད་ན། །བྱིན་རླབས་ཞུ་བདེ་ལྷན་སྐྱེས་ཆར་བཞིན་དུ་ཕོབ་ཅིག །ཡི་དམ་ཕྱི་ན་མི་བཞུགས་སྙིང་དབུས་ཀྱི་ཐིག་ལེ། །ཧཱུྃ་ཡིག་ཡེ་ཤེས་ལྔ་ལྡན་ཟེར་བརྒྱ་ཡིས་རོལ་པ། །འབར་འཛག་དབུ་མར་ཐིམ་པའི་ཚོགས་འཁོར་གྱིས་མཆོད་ན། །དངོས་གྲུབ་རང་བཞིན་ལྷན་སྐྱེས་མེ་ལྟར་དུ་སྦོར་ཅིག །མཁའ་འགྲོ་ཕྱི་ན་མི་བཞུགས་ལྟེ་འོག་གི་ཐིག་ལེ། །ཨ་ཐུང་མེ་ལྕེའི་རྩེ་མོ་འཁྱུག་བརྒྱ་ཡིས་རོལ་པ། །བྱང་སེམས་ཏི་ལ་དཀར་པོའི་སྦྱིན་སྲེག་གིས་མཆོད་ན། །ཕྲིན་ལས་ཕོ་ཉའི་འདུ་བ་སྤྲིན་ལྟར་དུ་སྡུས་ཤིག །ཆོས་སྐྱོང་ཕྱི་ན་མི་བཞུགས་གསང་གནས་ཀྱི་ཐིག་ལེ། །ཨཾ་ཡིག་ཁྲག་མཚོའི་དབུས་ན་གར་བརྒྱ་ཡིས་རོལ་པ། །དྲག་ཤུལ་ཁ་ཁ་མུ་ཁའི་སྐོང་རྫས་ཀྱིས་མཆོད་ན། །མངོན་སྤྱོད་བདེ་བའི་མཐུ་ནུས་སེར་ལྟར་དུ་སྙིལ་ཅིག །ནོར་ལྷ་ཕྱི་ན་མི་བཞུགས་རྩ་ཁམས་ཀྱི་ཐིག་ལེ། །དབྱངས་ཡིག་འདུད་པའི་སྦུབས་སུ་བཞད་བརྒྱ་ཡིས་རོལ་པ། །ནོར་བུ་པདྨར་བཅུག་པའི་འབར་བཞུ་ཡིས་མཆོད་ན། །དགོས་འདོད་བདེ་ཆེན་ཕྱྭ་གཡང་སྨུག་པ་ལྟར་དཀྲིགས་ཤིག །ཨ་ཧོ་ཆོས་འཁོར་གཙོ་བོ་བྲག་དམར་གྱི་བསམ་ཡས། །སྒྲུབ་གནས་བྱེ་བའི་རྒྱལ་པོ་མཆིམས་ཕུ་ཡི་ནགས་ཁྲོད། །མཁའ་འགྲོ་འཇའ་སྤྲིན་འཁྲིགས་པ་མཚོ་རྒྱལ་གྱི་ཕུག་ཏུ། །བརྟུལ་ཞུགས་བདེ་བས་མྱོས་པའི་རྣལ་འབྱོར་གྱིས་བླངས་སོ། །བདེ་ཆེན་རྡོ་རྗེའི་དེ་ཉིད། །བླ་མ་མཁའ་འགྲོས་གནང་བའི། །གསང་ཆེན་མཆོག་གི་སྙིང་པོ། །ཨེ་ཀ་ཛ་ཊཱིས་སྲུངས་ཤིག །ས་མ་ཡ། ། ༈

[edit]

bde chen rdo rje'i de kho na nyid brjod pa'i glu bde ba chen po'i byin 'bebs/ bde chen rdo rje'i de kho na nyid brjod pa'i glu bde ba chen po'i byin 'bebs zhes bya ba/__e ma ho/__bla ma phyi na mi bzhugs spyi gtsug gi thig le/__/haM yig bde ba chen po'i nyams brgya yis rol pa/__/snyoms 'jug bde bas bskul ba'i 'dod yon gyis mchod na/__/byin rlabs zhu bde lhan skyes char bzhin du phob cig__/yi dam phyi na mi bzhugs snying dbus kyi thig le/__/hU~M yig ye shes lnga ldan zer brgya yis rol pa/__/'bar 'dzag dbu mar thim pa'i tshogs 'khor gyis mchod na/__/dngos grub rang bzhin lhan skyes me ltar du sbor cig__/mkha' 'gro phyi na mi bzhugs lte 'og gi thig le/__/a thung me lce'i rtse mo 'khyug brgya yis rol pa/__/byang sems ti la dkar po'i sbyin sreg gis mchod na/__/phrin las pho nya'i 'du ba sprin ltar du sdus shig__/chos skyong phyi na mi bzhugs gsang gnas kyi thig le/__/aM yig khrag mtsho'i dbus na gar brgya yis rol pa/__/drag shul kha kha mu kha'i skong rdzas kyis mchod na/__/mngon spyod bde ba'i mthu nus ser ltar du snyil cig__/nor lha phyi na mi bzhugs rtsa khams kyi thig le/__/dbyangs yig 'dud pa'i sbubs su bzhad brgya yis rol pa/__/nor bu pad+mar bcug pa'i 'bar bzhu yis mchod na/__/dgos 'dod bde chen phywa g.yang smug pa ltar dkrigs shig__/a ho chos 'khor gtso bo brag dmar gyi bsam yas/__/sgrub gnas bye ba'i rgyal po mchims phu yi nags khrod/__/mkha' 'gro 'ja' sprin 'khrigs pa mtsho rgyal gyi phug tu/__/brtul zhugs bde bas myos pa'i rnal 'byor gyis blangs so/__/bde chen rdo rje'i de nyid/__/bla ma mkha' 'gros gnang ba'i/__/gsang chen mchog gi snying po/__/e ka dza TIs srungs shig__/sa ma ya/___/__!__