JKW-KABUM-02-KHA-001-043-wylie
de bzhin gshegs pa'i sku gsung thugs yon tan phrin las mi zad rgyan 'khor lnga yi rnam par bzhag pa'i gtam dpyod ldan rna ba'i bcud len/
de bzhin gshegs pa'i sku gsung thugs yon tan phrin las mi zad pa rgyan gyi 'khor lo'i rnam par bzhag pa'i gtam dpyod ldan rna ba'i bcud len ces bya ba bzhugs so/_/oM swasti sid+d+haM/_yon tan me tog dpyid kyi dpal/_/dud pa'i gdengs ka la chags pa'i/_/thams cad mkhyen pa'i ke sa ras/_/shis pa mchog gi bcud len stsol/_/bde bar gshegs pa'i sku gsung thugs/_/yon tan phrin las mi zad pa/_/rgyan gyi 'khor lo las brtsams pa'i/_/gtam 'di dpyod ldan rna bar 'jebs/_/de'ang gang na srid dang zhi ba'i bsod nams kyi phung po gcig tu 'bar ba rdzogs pa'i sangs rgyas rnams kyi yon tan ni slob pa'i sa la bzhugs so cog gis kyang bgrang ba'i yul ma yin na so so skye bo'i blo gros nyi tshe ba dag gis lta smos kyang ci zhig dgos/_de ltar na'ang re zhig rang gi dad pa kho na gtsor byas te cung zad brjod na lnga las/_dang po sku'i yon tan mtshan dang dpe byad bcu phrag bcu dang bcu gnyis te/_'di 'chad pa la lnga/_gang gis 'grub pa'i rgyu/_ji ltar sgrub pa'i tshul/_gang bsgrub pa'i grangs nges/_de dag gi sgra don/_de gzhan las khyad par du 'phags tshul lo/_/dang po ni/_'di ltar rang sangs rgyas dang nyan thos slob mi slob rgyu gang las byung ba'i bsod nams dang 'jig rten pa thams cad kyi bde 'gro bskyed pa'i bsod nams gang yod ba de bcu 'gyur gyis ba spu'i bu ga gcig dang /_ba spu'i bu ga thams cad 'grub byed kyi bsod nams brgya 'gyur gyis dpe byad bzang po gcig__/de 'grub byed brgya 'gyur gyis mtshan bzang po gcig__/de 'grub byed stong 'gyur gyis mdzod spu/_de 'grub byed 'bum 'gyur gyis gtsug tor bltar mi mngon pa 'grub par gsungs la/_bye brag tu mtshan 'grub pa'i rgyu phar phyin 'grel ba don gsal las yum bar ma'i rjes su 'brangs nas/_sngon slob lam gyi dus su bla ma bsu skyel dang g.yog 'khor byin pa la sogs pa las phyag zhabs 'khor los mtshan pa dang /_zhes sogs bshad cing /_'phags pa klus rin chen phreng ba yang phal cher snga ma dang 'dra bar gsungs pa dang /_thogs med kyis byang sar mtshan gyi mdo'i rjes su 'brang ste/_tshul khrims dang /_brtul zhugs dang /_bzod pa dang /_gtong ba rnams la shin tu gnas pas ni zhabs shin tu gnas pa brnyes so/_/zhes sogs shin tu rgyas par bstan cing /_mdo sde bskal bzang las/_'khor lo'i mtshan gyi cha shas phyag zhabs la 'khor los spras pa/_rtsibs phan tshun ma 'dres pa/_'dod chags kyi dbang gis mi gos pa/_bum pa dang g.yung drung sogs bkra shis pa'i mtshan mas brgyan pa/_'khor lo'i 'od 'gyed pa/_'od sna tshogs gtong ba dang drug rim bzhin sbyin sogs phar phyin drug gi 'bras bur gsungs pas mtshon mtshan re re bzhin sbyar ba sogs mtha' yas so/_/gnyis pa ni/_spyir shes rab kyi phar phyin dang 'brel ba'i bsod nams kyi tshogs goms par byas pa'i gtso bo'i lag rjes dang /_bye brag tu mtshan so sor 'grub pa'i rgyu rnams bskal pa grangs med pa gsum du bsten goms byas pa las byung ba'i phyir bsam gyis mi khyab pa'i gnas so/_/gsum pa ni/_mngon rtogs rgyan du sher phyin gyi mdo dang /_rgyud bla mar bu mo rin chen gyis zhus pa'i mdo'i rjes su 'brangs te bgrang tshul cung zad mi mthun zhing /_byang chub sems dpa'i sar phal cher mngon rtogs rgyan gyi rjes su 'brang bar mdzad pa sogs mdo dang bstan bcos rnams las bshad pa'i tshul mi 'dra ba du ma zhig gsungs kyang /_de bzhin gshegs pa'i gsang ba ni bsam gyis mi khyab pa'i gnas yin pa'i phyir cir yang 'char bas na phan tshun 'gal bar mi 'du la/_'dir re zhig snga ma'i rjes su 'brangs te so so'i ngos 'dzin snying por dril ba la gnyis te/_mtshan bzang po sum cu rtsa gnyis bshad pa dang /_dpe byad bzang po brgyad cu'i ngos 'dzin no/_/dang po ni/_phyag mthil dang zhabs mthil gyi ngos la gser gyi 'khor lo rtsibs stong dang ldan pa'i ri mo 'bur du dod pa bcad shin tu gsal ba dang ldan pas phyag zhabs 'khor los mtshan pa 1dang /_rus sbal gyi lto ba bzhin du zhabs mthil gnyis la shas ma khengs pa'i khong seng med pas zhabs mthil mnyam pa 2dang /_phyag zhabs kyi sor mo nyi shu po rnams sor tshig dang po nas brtsams te sor mo'i bar la seng seng po yang med cing /_sor gdub la sogs pa'i rgyan kyang 'jug tu rung ba'i pags pa'i drwa bas ngang pa'i rgyal po bzhin du 'brel bas sor mo drwa bas 'brel ba 3dang /_phyag zhabs thams cad la gzhon sha shin tu chags shing pad+ma'i 'dab ma ltar 'jam pas phyag zhabs gzhon sha chags shing 'jam pa 4dang /_phyag zhabs kyi rgyab phyogs bol bzhi dang /_phrag gong gnyis dang /_ltag pa'i phyogs te gnas bdun po shas yongs su gang bas sku'i bdun mtho ba 5dang /_lha'i ljon shing gzhon nu'i lcug phran ltar sor mo ring zhing mnyen lcug dang ldan pas sor mo ring ba 6dang /_zhabs kyi mthil la cha bzhir phye ba'i cha gcig phyir 'phags shing dbyes che ba dang ldan pas rting pa yang ba 7dang /_ri'i rgyal po ltar gzhan las khru bdun tsam gyis sku mtho zhing che ba dang ldan la g.yas g.yon du yo ba med pa'i phyir sku che zhing drang ba dang /_zhabs kyi mkhrig ma la long bu'i rus pa 'bur po dang /_pus mo'i lha nga la'ang phyir 'bur po'i rus pa mi mngon par mnyam pa'i phyir long bu mi mngon pa 9dang /_'jam zhing phra ba'i ba spu'i tshogs gnyis gsum sogs 'brel ba med par re re nas skyes shing g.yas phyogs su rim gyis 'khyil ba'i rtse mo rnams sku la gyen du phyogs pas ba spu gyen du phyogs pa 10dang /_e na ya zhes pa ni ri dwags spyi'i byin pa'i ming ste de dang 'dra bar rim gyis je phra je phrar song ba la zlum zhing rgyas pa'i byin pa dang ldan pas byin pa e na ya lta bu 11dang /_phyag gnyis glang po'i rgyal po'i sna zhags ltar sku ma btud par drang por gnas kyang pus mo'i lha ngar sleb pas phyag ring zhing 12mdzes pa dang /_rta mchog cang shes ltar du mdoms kyi sba ba gsang gnas su nub pas bltar mi mngon pa'i phyir mdoms kyi sba ba sbubs su nub pa 13dang /_gser btso ma ltar kha dog gsal zhing rdul dang dri ma spangs pa'i 'od chags 'bar bas pags pa'i mdog gsal ba 14dang /_pad+ma'i 'dab ma ltar shin tu gzhon sha chags shing shing bal ltar reg na 'jam pas pags pa 'jam pa 15dang /_'jam zhing phra ba'i ba spu'i tshogs gnyis gsum sogs 'brel ba med par re re nas skyes shing g.yas phyogs su 'khyil bas spu re re nas skyes shing g.yas phyogs su 'khyil ba 16dang /_ston ka'i zla ba ltar shin tu dkar zhing 'od 'phro ba 'jam mnyen gyi mdzod spu drangs na khru gsum la sogs pa 'byung zhing /_gtang na g.yas phyogs 'khyil pas smin mtshams su phra btab pa ltar gnas pas mdzod spu 17dang /_sku stod seng ge ltar gyen du 'phel kha che zhing rgyas pa dang ldan pas ro stod seng ge dang 'dra ba 18dang /_dpung pa ni phrag pa dang /_de'i mgo ni mgrin pa ste/_de nyid gser gyi bum pa'i mgrin pa bzhin rtsa ba'i drwa ba mi mngon la legs par zlum zhing rgyas pas dpung mgo zlum pa dang /_'di mngon rtogs rgyan gyi rjes su 'brang ba ste/_gzhan du rgyud bla ma sogs su mgrin pa dung gi dbyibs 'dra ba dang /_dpung mgo zlum pa'i mtshan bzang so sor gsungs pa ltar na lag pa'i mgo dngos kyi dpung par 'jog go__/thal gong ni dpung mgo phan tshun gyi bar dang /_brang la'ang skabs 'gar bshad pas/_de dag shin tu yangs shing mi mnyam pa'i sha tshugs rgyas pas na thal gong rgyas pa 20dang /_ro mi zhim pa'i kha zas ci yin na'ang zhal zas ro brgya pa lta bu'i ro bro ba mchog myong ba'i ljags dang ldan pas na ro bro ba mchog dang /_/phyag 'dom gyi rtse mo phan tshun bar la ji tsam yod pa'i tshad de bzhin spyi gtsug nas zhabs kyi bar gyi tshad gnyis mnyam pas shing n+ya gro d+ha ste 'gro 'gog gi ljon pa ltar rgyas pa'i chu zheng zhes phan tshun gyi bar gab ste cha shas kyis dman par gnas pas sku chu zheng gab pa 22dang /_gtsug tor gyi rtse mo steng phyogs su mtha' dang mu med par 'phags pas de'i mtha' mi rnyed pa'i phyir gtsug tor ring ba 23dang /_ljags brkyangs pas snyan gyi bu ga dang skra mtshams kyi bar zhal gyi dkyil 'khor kun tu khebs par mdzad nus pas ljags ring ba 24dang /_tshangs pa'i dbyangs ni dum bu dum bur chad pa ma yin par yun ring du grags pa bzhin gsung yun ring por lhang lhang du grags pas na tshangs pa'i dbyangs 25dang /_'gram pa me long gi dkyil 'khor ltar zlum zhing rgyas pas na 'gram pa seng ge'i 'dra ba 26dang /_kha ba dang dung dang kun+da'i mdog ltar dkar zhing 'od zer 'phro bas tshems dkar ba 27dang /_tshad la mtho dma' med par gcig tu mnyam pas tshems mnyam pa 28dang /_so so'i bar mtshams seng seng por med pas tshems thag bzang ba 29dang /_yas mas su tshems nyi shu re yod pas grangs bzhi bcu tham pa tshang ba 30dang /_spyan dbus kyi 'bras bu nor bu rin chen mthon ka ltar mthing la gnag cing dbyibs zlum por gnas pas spyan mthon mthing 31dang /_rdzi ma'i spu rnams legs par gzhol zhing ma 'dres par thad kar gnas pas bsgrigs legs pa ste dper na khyu mchog gi rdzi ma ltar yid du 'ong bas na khyu mchog gi rdzi ma lta 32bu ste sum cu rtsa gnyis so/_/gnyis pa la gnyis/_dngos dang /_de dag gi ngo bo'o/_/dang po ni/_rgyan las/_thub pa'i sen mo zangs mdog 1dang /_/mdog 2snum mtho dang 3sen mo rnams/_/zlum 4rgyas 5byin 6gyis phra ba dang /_/rtsa mi mngon 7dang mdud 8pa med/_/long bu 9mi mngon zhabs mnyam 10dang /_/seng 11ge glang 12chen bya dang 13ni/_/khyu 14mchog stabs gshegs g.yas 15phyogs dang /_mdzes 16gshegs drang 17dang 'khril 18bag chags/_/byi dor byas 19'dra rim par 20'tshams/_/gtsang 21dang 'jam 22dang dag 23pa'i sku/_/mtshan ni yongs su 24rdzogs pa dang /_/sku yi kho lag yangs 25shing bzang /_/gom 26snyoms spyan gnyis dag 27pa dang /_/shin tu gzhon sha 28can nyid dang /_/sku zhum 29med dang rgyas pa 30dang /_/shin tu grims pa'i sku nyid 31dang /_/yan lag shin 32tu rnam 'byes dang /_/gzigs pa sgrib med dag 33pa dang /_/dku zlum 34skabs 35phyin 36ma rnyong dang /_/phyang nge ba dang 37lte ba 38ni/_/zab dang g.yas phyogs 39'khyil ba dang /_/kun nas lta na sdug pa 40dang /_/kun spyod gtsang dang sku 41la ni/_/sme ba gnag 42bag med pa dang /_/phyag ni shing bal ltar 43'jam dang /_/phyag ris 44mdangs yod zab 45ring 46dang /_/zhal ni ha cang 47mi ring dang /_/mchu ni bim+ba ltar dmar 48dang /_/ljags 49mnyen pa dang srab pa 50dang /_/dmar 51dang 'brug 52gi sgra nyid dang /_/gsung 53mnyen 'jam 54dang mche ba zlum/_/rno 55dang dkar 56dang 57mnyam pa dang /_/byin 58gyis phra dang 59shangs mtho dang /_/mchog tu dag 60pa dag dang ni/_/spyan 61yangs pa dang rdzi ma stug62/pad+ma'i 'dab ma 63'dra ba dang /_/smin tshugs 64ring dang 'jam 65pa dang /_/snum 66dang spu ni mnyam 67pa dang /_/phyag 68ring rgyas dang snyan mnyam 69dang /_/nyams 70pa rnam par spangs pa dang /_/dpral 71ba legs par 'byes pa dang /_/dbyes che ba 72dang dbu rgyas 73dang /_/dbu skra bung ba ltar 74gnag dang /_/stug 75dang 'jam 76dang ma 77'dzings dang /_/mi 78gshor dri zhim skyes bu yi/_/yid ni 'phrog par 79byed pa dang /_/dpal 80gyi be'u dang bkra 81shis ni/_/g.yung drung 'khyil pas 82brgyan pa ste/_/sangs rgyas dpe byad bzang por bzheng /_/ces gsungs pa ltar/_'di dag las sen mo mtho ba ni ma zhom pa dang /_long bu'i tshigs sbom par mi mngon pa dang /_zhabs gnyis ring thung phra sbom mnyam pa dang /_mi la sogs pa sa steng gi 'gro ba zil gyis gnon pas seng ge'i stabs dang /_klu la sogs pa sa 'og gi 'gro ba zil gyis gnon pas glang po che'i stabs dang /_mkha' la rgyu ba'i sems can dang steng gi 'gro ba rnams zil gyis gnon pas bya ngang pa'am mkha' lding gi stabs dang /_'khor rnams kyi sna 'dren pas khyu mchog gi stabs su gshegs pa dang /_mtshan thams cad dod cing gsal bas yongs su rdzogs pa dang /_phyam gyi dbyibs yangs shing mdzes pas phyang nge ba dang /_lte ba'i khung zab cing ri mo g.yas su 'khyil ba dang /_zhal gyi sgo ha cang ches ba'i skyon dang gsung thag ha cang ring pa med pa dang /_smin ma gnyis 'brel pas tshugs ring ba dang /_dpral ba legs par rgyas shing 'bur du ma dod pas dbyes pa dang /_skra mtshams mnyam par phyed pa dang /_phyag zhabs la dpal gyi be'u dang /_'khor lo'i mu khyud la bkra shis pa'i ri mo bar ma chad bdun rim dang /_g.yung drung 'khyil ba'i dbyibs can ri mo gru bzhis bskor ba ste/_gzhan rnams ni go sla'o/_/gnyis pa gong smos mtshan dpe 'di rnams kyi ngo bo nyid ni gang gi dngos po yin snyam na/_de la 'dod tshul tha dad pa las nyan thos sde pa dag gi ltar na/_rdul phra rab kyi chos can phyi don gyi bems po'i ngo bo nyid de gzugs kyi skye mched du 'dod/_theg chen rnam rig pa ltar na/_ngo bo ni ting nge 'dzin shes rab mtshungs ldan dang bcas pa dang /_byed las gdul bya la snang ba skyed par gsungs pas gzhan snang gi gdul bya'i rnam par rig pa tsam yin la/_'on kyang 'dir tha snyad du skye mched pa'i gzugs can lta bu'i rnam gzhag ni dgos so/_/de bzhin rnal 'byor spyod pa dang mthun pa'i dbu ma pa'ang /_yang dag pa'i kun rdzob tu snang ba ji ltar mos pas rab tu phye ba ste/_'di dag rang sems snang ba zhes/_/so so skye bos mi shes mod/_/de ltar na yang gzugs mthong de/_/de dag la ni don yod 'gyur/_/zhes sogs bshad pa ltar/_de bzhin gshegs pa ni chos nyid ngo bo nyid mnyam yangs chen po'i dbyings su gnyis snang spros pa'i 'du byed ma lus pa nub ste spros pa mtha' dag dang bral ba'i mkha' khyab mkha'i rdo rjer byang chub pas sku dang ye shes phrin las rab 'byams kyi snang tshul 'di dag slob pa lam gyi skabs su bsod nams kyi tshogs mtha' yas pas brgyan pa'i ye shes dang /_gzhan don du mtha' dang gting dpog par mi bzod pa'i smon lam rgya mtsho'i pha mthar phyin pa'i mthu dang /_ji skad du/_ji ltar baiDU'i sa gzhi gtsang ma la/_/lha dbang lus kyi gzugs brnyan snang ba ltar/_/de bzhin 'gro sems sa gzhi dag pa la/_/thub pa'i dbang po'i sku yi snang brnyan 'char/_/zhes gsungs pa ltar nye ba'i gdul bya las dag pa rnams kyi yang dag kun rdzob kyi snang ngor 'bad rtsol mi mnga' bzhin lhun gyis grub pa'i tshul du chu zla ltar snang ba'o/_/bzhi pa ni/_de lta bu la mtshan dang dpe byad ces pa'i sgras brjod pa la dgos pa yod de/_rang gang la ldan pa'i gang zag de skyes bu chen po mtshon par byed pa'i mtshan nyid lta bu yin pas na mtshan dang /_nang du 'du byed thams cad la chags pa dang bral ba'i yon tan de nyid gzhan la go bar byed pa'i dper phyi rol du sen mo zangs kyi mdog ltar snang bas mtshon nang gi yon tan gzhan la go bar byed pa'am/_pha rol la sku'i mdzes pa bskyed pa'am ston byed yin pas na dpe byad ces brjod pa'i phyir ro/_/lnga pa ni/_'khor los sgyur ba dang byang chub sems dpa' sogs la'ang mtshan dpe yod mod kyi/_de dag ni 'ol spyi tsam ste/_sangs rgyas kyi mtshan dpe ni mi mthun pa'i phyogs kyi dri ma med pas dag pa dang /_yid du 'ong bas mdzes pa dang /_sgrib byed med cing cha thams cad kyi thams cad yongs su rdzogs pas gzhan gyis 'gran par mi nus te/_de'i rgyu mtshan yang /_'khor los sgyur rgyal gyi mtshan dpe ni sangs rgyas la sems dwangs pa gcig tsam las kyang 'byung zhing /_sangs rgyas kyi mtshan dpe lta zhog__/ba spu'i khung bu gcig kyang 'khor bsgyur gyi mtshan dpe 'grub byed kyi bsod nams bskal pa bye ba brgya phrag tu goms pas kyang bskyed nus pa ma yin pa'i phyir ro/_/de skad du'ang /_rin chen phreng ba las/_'khor los sgyur ba thams cad la/_/'di dag yod par 'dod mod kyi/_/dag dang mdzes dang gsal ba ni/_/sangs rgyas rnams kyi char mi phod/_/ces gsungs pa lta bu'o/_/gnyis pa gsung gi yon tan ni yan lag drug cu rtsa bzhi ste/_'di 'chad pa la bzhi/_gang gis 'grub pa'i rgyu/_gang 'grub pa'i ngo bo/_de ltar brjod pa'i rgyu mtshan/_gzhan yang bsam gyis mi khyab par bstan pa'o/_/dang po ni/_sngar smos pa'i gtsug tor bltar mi mngon pa 'grub byed kyi bsod nams bye ba 'bum phrag brgya 'gyur du bsgres pa'i bsod nams grangs med pa bcus yan lag drug cu dang ldan pa'i gsung dbyangs 'grub par gsungs so/_/gnyis pa ni/_gsang ba bsam gyis mi khyab pa'i mdo las/_zhi ba'i blo gros/_de bzhin gshegs pa'i gsung ni rnam pa drug cu rtsa bzhi dang ldan par 'byung ste/_rnam pa drug cu rtsa bzhi gang zhe na/_'di lta ste/_mnyen pa'i gsung 'byung ba dang /_zhes sogs grangs drug cu rtsa bzhir gsungs pa ltar cung zad 'chad na/_dper na/_snum pa'i mnyen pa dang chu yi rgyun gtsang ma rang nyid 'gro ba'i lam gang yin pa der zhugs pas rtsi shing nags tshal ma skyes pa rnams bskyed pa dang /_skyes pa rnams 'phel bar byed pa bzhin/_de bzhin gshegs pa'i gsung yang gdul bya thams cad kyi rgyud la khams dang 'tshams par zhugs pas dge ba'i rtsa ba ma bskyed pa skyed pa dang /_bskyed pa rnams 'phel zhing rgyas par byed pas na/_gsung mngon rtogs rgyan las dpe byad kyi gras su 'byung /_las su rung ba'i phyir gsung mnyen 1pa'am snum pa dang /_lha rdzas kyi gos la sogs pa'i reg bya 'jam pos lus la reg pa na bde bar byed pa bzhin gang gis thos pa'i mod nas yid bde bas tshims pa'i phyir 'jam 2pa dang /_bden bzhi dang /_rten 'brel dang /_byang chub phyogs kyi chos sogs don bzang po rigs can so so'i yid la 'bab par ston pas na yid du 'ong ba 3dang /_zur chag la sogs pa'i tshig cal col ma yin par lha dang /_'phags pa'i skad dang yi ger gsungs pa'i tshig bzang bas na yid du 'thad pa 4dang /_sgrib gnyis bag chags bcas pa spangs pa'i ji lta ba mkhyen pa'i mi rtog ye shes kyi rjes thob dag pa ji snyed pa gzigs pa'i ye shes kyi bdag po'i rkyen las byung bas na rnam par 5dag pa dang /_rtsa ba dang nye ba'i nyon mongs pa bag chags dang bcas pa spangs nas gsungs pas na dri ma med pa 6dang /_'jig rten na ma grags pa'i tshig dang yi ge spangs te/_grags pa'i tshig dang yi ges gsungs pas na 'od gsal ba'am rab tu gsal ba 7dang /_bdag tu lta ba sogs mu stegs can gyi lta ngan rnams 'joms par byed pa'i phyir snyan cing 'jebs pa dang /_ji ltar gsungs pa bzhin bsgrubs pas 'khor ba las nges par 'byung pa'i don gyis lci ba'i phyir mnyan par 'os pa 9dang /_mu stegs sogs phas rgol gyi zil gyis mi non pa dang /_sun 'byin par mi nus pas mi tshugs pa 10dang /_gsung thos pa rnams kyi yid la dga' ba mi zad pa 'char bas snyan pa 11dang /_dug gsum gyi spyod pa rnams kyi gnyen po bstan pa'i sgo nas nyon mongs pa 'dul bas na 'dul ba'am dul ba 12dang /_mu stegs byed kyi dka' thub dang brtul zhugs kyi bcas pa ni 'di phyi gnyis kar gnod pas rtsub pa yin la/_sangs rgyas kyis mtha' gnyis spangs pa'i bslab pa bcas pas 'phral dang yun du phan bde bskyed pa'i thabs ston pas mi rtsub pa 13dang /_gal te bslab las 'das na ltung ba de las ldang ba'i thabs dang sgo gzhan nas thar pa'i thabs med pa ma yin pa bshags sdom sogs kyi sgo nas phyir bcos pa'i thabs dang /_dge ba'i rtsa ba la rjes su yi rang ba sogs thar pa thob pa'i thabs gzhan ston pas na mi brlang ba 14dang /_rigs can gsum gyi gdul bya la rang rang gi ngo skal dang 'tshams pa'i theg gsum gyi lam du bkri bas na rab tu dul ba'am rab tu 'dul ba 15dang /_shin tu 'jam zhing snyan pas nyan pa po rnams yid rtse gcig tu rna ba gtad de nyan par byed pas na rna bar snyan pa 16dang /_sangs rgyas kyi gsung thos pa las sems mnyam par 'jog pa dang /_de las zhi gnas dang /_de nas lus la shin sbyang gi bde ba 'byung bas sim pa khyad par myong ba'i phyir lus tshim 17par byed pa dang /_gsung des bstan pa'i chos rnams rang spyi'i mtshan nyid la mkhas pa'i shes rab bsgoms pas lhag mthong bskyed cing /_des mi shes pa'i mun pa dang bral nas lhag par mkhas pa'i dga' ba bskyed pas na sems tshim par 18byed pa dang /_blo rtse gnyis kyi the tshom las byung ba'i yid kyi bde ba gang zhig__/sangs rgyas kyi gsung des the tshom thams cad bcad nas dogs pa'i gnas dang bral ba'i yid bde ba la mchod pas na snying tshim par byed 19pa dang /_chos kun gyi rang spyi'i mtshan nyid legs par bstan pa'i mthus ma rig pa bsal nas shes rab kyi spobs pa skyed par byed pas na dga' ba 20bskyed pa dang /_bden pa gnyis kyi gnas lugs tshul bzhin bstan pas rtag chad kyi lta ba ngan pa bsal nas yang dag pa'i shes rab khyad par can la 'god pas na bde ba bskyed 21pa dang /_ji ltar gsungs pa'i don thos nas bsam zhing bsgoms pas 'bras bu thob nas gnas lugs mngon sum du rtogs par 'gyur pa'i phyir bdag gis sangs rgyas kyi gsung nyan pa la don ma byung ngo snyam pa'i 'gyod pas nam yang gdung bar mi 'gyur bas na gdung ba med 22pa dang /_gsung nyan cing thos pa la brten nas thos byung gi shes rab phun sum tshogs pa skye ba dang gnas par 'gyur bas na kun tu shes par 23bya ba dang /_ji ltar thos pa'i don de la rigs pa bzhi'i sgo nas bsams na sgro 'dogs legs par chod nas don la nges shes lhag par rnyed pa'i bsam byung gi shes rab phun sum tshogs pa skye pa'i rgyu dang gnas su gyur pas na rnam par rig pa'am shes par 24bya ba dang /_chos kha cig la 'chad nas kha cig la mi 'chad pa'am/_tshig 'chad la don mi 'chad pa lta bu'i 'chab pa'am sbed pa'i sgo nas slob dpon gyi dpe mkhyud med par rnam gsal lhug par ston pas rnam 25par gsal ba dang /_gsung la brten nas nyan rang rnams myang 'das dang /_byang chub sems dpa' dag sangs rgyas kyi sar bkod pas rang don dang gzhan gyi don phun sum tshogs pa 'grub pa na rang gi 'dod don gyi 'bras bu grub par mthong nas dga' ba skyed par byed pas na dga' bar 26byed pa dang /_lam ma zhugs pa nas mos spyod la gcus pa'i bar gyi so skye rnams kyang bdag don gyi 'bras bu thob phyir 'jug 'dod skye bar byed pas na mngon par dga' ba'am mngon par 'dod par byed pa 27dang /_gnas lugs mngon sum du rtogs pa'i ye shes so so'i rang gis rig par bya ba bsam gyis mi khyab pa'i don yang dag par ston pa'am/_yang na las dang /_rnal 'byor pa'i ting nge 'dzin dang /_sangs rgyas kyi ye shes kyi spyod yul dang /_sman dang sngags kyi mthu bsam gyis mi khyab pa ste bsam du med pa bzhi ston par byed pas na kun shes par byed pa 28dang /_phung khams skye mched dang sa bcu lam lnga log par bsam par bya ba'am blo'i yul gyi chos de dag phyin ci ma log par ston par byed pas na rnam par rig par byed pa dang /_ji ltar gsungs pa de la mngon rjes kyi tshad ma gnyis dang /_rang tshig snga phyi dngos shugs kyis 'gal ba sogs lung gi gnod pa med pa ste dpyad pa gsum gyis dag pa'i phyir 'thad pa'am rigs pa 30dang /_nyan thos kyi rigs can la theg chen gyi chos lta bu snod dang chos mi 'tshams par mi ston cing /_snod gang la 'os pa'i chos de nyid ston pa'i phyir snod kyi babs dang 'brel ba'am mthun pa 31dang /_skabs gcig tu yang don gcig la tshig sher phyin lta bu rnam grangs mang pos bstan pa zlos pa ltar snang yang /_don du chos nyan pa rnams la brda de dang de'i sgo nas bstan na go bar 'gyur pa'i rigs can du ma la phan par 'gyur ba sogs dgos pa'i dbang gis gsungs pa yin pas na zlos pa'i skyon bral ba 32dang /_seng ge'i sgras ri dwags rnams skrag par byed pa bzhin bdag med par gsungs pa'i sgra yis smra ba ngan pa'i mu stegs rnams skrag par byed pas na seng ge'i sgra lta bu 33dang /_lha'i glang po che'i sgra ni sub sub po ste dogs pa dang 'dzer ba ma yin par yangs par grags pa bzhin du sangs rgyas kyi gsung yang de dang mtshungs pas na glang po che'i sgra lta bu 34dang /_'brug gi sgra gzhan las lhag par tshogs che bas gting ring ba'i zab mo yin pa bzhin sangs rgyas kyi gsung yang shin tu don che bas gting dpag par dka' pa'i phyir 'brug gi sgra lta bu 35dang /_klu'i gnas na klu'i dbang po'i tshig 'jebs shing btsun la klu kun gyis nyan du btub pa bzhin de bzhin gshegs pa'i gsung yang 'jebs shing btsun la 'gro ba thams cad kyis nyan par byed pas na lag 'gro'i dbang po ste klu'i rgyal po'i dbyangs lta bu 36dang /_'gro ba phal pa'i skad kyi nang nas dri za ste lha'i klu mkhan gyi dbyangs las snyan pa dang 'jam pa med pa bzhin du sangs rgyas kyi gsung yang snyan cing 'jam pas dri za'i dbyangs lta bu 37dang /_rgya mtsho'i gling na gnas pa'i bya ka la ping+ka'i skad de nyid rgyun mi gcod bzhin du sgra gzhan du 'gyur ba ltar/_sangs rgyas kyi gsung yang rgyun mi gcod bzhin du snga ma dang phyi ma mi 'dra ba'i sgra snyan pa gzhan dang gzhan 'byung ba'am/_yang na bya ka la ping+ka'i sgra de nyid shin tu snyan drags pas rgyun bcad pa'i rjes su yang nyan 'dod skye ba bzhin/_sangs rgyas kyi gsung yang nyan po'i snying la 'bab drags pas rgyun gcod pa'i tshul bstan pa na slar yang nyan 'dod skye bas na ka la ping+ka'i dbyangs lta bu 38dang /_'jig rten gyi mes po lha tshangs pa chen po'i dbyangs ni dum bu dum bur chad pa ma yin par rgyun chags su 'byung ba bzhin de bzhin gshegs pa'i gsung yang yun ring du lhang lhang grags pas na tshangs pa'i dbyangs lta bu dang /_baiDUR+Ya'i mdog can 'dab chags shang shang te'u'i sgra ni sems can gang gis don gnyer du 'gro ba'i tshe thos na don thams cad 'grub par 'jig rten na grags pas bkra shis pa yin pa bzhin/_sangs rgyas kyi gsung yang sngar thos pas phyis 'jig rten dang 'jig rten las 'das pa'i dge legs thams cad 'grub pa'i phyir bkra shis pa'i snga ltas yin pas na shang shang te'u'i sgra dbyangs su grags pa lta bu 40dang /_'di'i don nyi khri nya par/_de la sgra smros pa ni de dang de'i sgra go bar bya ba'i don to/_/dbyangs smos pa ni don rtogs pa'i mtshan nyid kyi sgra yin pas go bar bya ba'i don to/_/grags pa smos pa ni sgra de dang de'i brda rjes su sgrogs par byed pa'i don yin no/_/zhes bshad do/_/mchan/_lha yi dbang po'i tshig lha gzhan gyis cung zad kyang 'da' zhing bkag par mi nus pa bzhin de bzhin gshegs pa'i gsung lha dang bcas pa'i 'jig rten sus kyang 'gal zhing bcag par mi nus pas na lha'i dbang po'i dbyangs ltar 41snyan pa dang /_'jig rten na g.yul 'gyed pa na phas rgol pham nas rang phyogs rgyal bar gyur pa'i tshe/_de'i mtshan mar dang por rnga'i sgra 'byin pa bzhin du sangs rgyas kyis kyang bdud dang mu stegs sogs las rgyal nas chos kyi 'khor lo bskor ba'i sgra phyung bas na rnga sgra lta bu 42dang /_de bzhin gshegs pas chos gsungs pa na gzhan dag gis legs par bshad do zhes sogs kyis bstod du zin kyang /_de la brten nas mchog tu 'dzin pa'i nyon mongs can gyi sems med pas na ma khengs pa 43dang /_de bzhin du gzhan dag gis nyes par bshad pa'o/_/zhes bya ba la sogs pas smad du zin kyang 'phang dma' ba'am zhum pa med pas na mi dma' 44ba dang /_ma 'ongs pa na sangs rgyas kyi bstan pa'am/_'jig rten gyi bde skyid la sogs pa 'di dang 'di lta bu 'byung ngo zhes lung ston pa sogs dus gsum gyi dngos po thams cad brda sprad nas lung ston pas sam/_lung ston pa sgra'i bstan bcos thams cad kyi tshul dang mthun par zhugs pas na sgra kun gyi rjes su zhugs pa 45dang /_de bzhin gshegs pa dus nam yang bsnyel ba mi mnga' bas chos 'di 'dra zhig brjed pas bshad du med do zhes pa'am/_'di 'dra ba bshad par bya'o snyam du dgongs pa la bsnyel nas ma bshad pa med pas na zur chag pa med par tshig zur phyin par 46bshad pa dang /_sems can gang zhig dge ba'i rtsa ba ma skyes pa rnams skyed/_bskyed pa gong du spel/_'phel zhing brtas pa rnam grol gyi sar dbugs dbyung ba'i gdul bya'i don la skad cig kyang mi g.yel bas de dag thams cad kyi don dus thams cad du byed pas na ma tshang ba med 47pa dang /_chos 'chad pa na mu stegs la sogs pa'i rgol ba gzhan gyis brgal zhing brtag pa la nam yang 'jigs pa'i sems mi skye bas ma zhum pa 48dang /_chos bshad pa'i phyir rnyed dang bkur sti la sogs pa la chags pa med pas na mi zhen pa dang /_chos ji tsam 'chad kyang thugs skyo ba dang sku la mi bde ba'i ngal ba med pas na rab tu dga' 49ba dang /_rig pa'i gnas lnga thams cad la mkhas pas de lnga dang legs par 'brel ba'i chos 'chad pas na khyab pa'am rgyas pa 50dang /_tha ba ste rengs pa dang bcas pa'i sems can dge ba'i rtsa ba ma skyes pa rnams la de gsar du bskyed pa dang /_tha ba med pa'i sems can dge rtsa skyes pa rnams kyi dge ba 'phel bar byed pa'am tshags su tshud par byed pas na chub pa 51dang /_skabs 'gar chos bshad dam snyam pa'am/_skabs 'gar mi bshad do snyam pa med par rgyun du 'chad par mdzad pa'am/_chos 'chad pa'i tshe bshad pa'i rgyun gyi bar thag bcad nas yang 'chad pa ma yin par tshig dang gsung gi rgyun mi 'chad pas na rgyun chags pa 52dang /_ming tshig yi ge gcig kho na ma yin par sna tshogs pa'i sgo nas 'chad pas na 'brel ba'am rol pa 53dang /_gsung gcig kho nar phyung yang lha klu dang mi dang byol song yi dwags sogs rang rang so so'i sgra skad dang mthun par go bas na sgra thams cad rdzogs par 54byed pa dang /_de bzhin du mi rtag pa lta bu'i don gcig ston pa na sems can rnams kyis rang rang gang la dad pa'i don de dang der khong du chud pas na sems can kun gyi dad sogs kyi dbang po kun mgu ba'am tshim par byed pas na tshim par byed pa 55dang /_ji ltar dam bcas pa las gzhan du 'gyur bar mi mdzad pas na dam bca' las nyams so zhes gzhan gyis smad du med ba'am/_chos 'di dang 'di lta bu bsgrubs kyi/_'bras bu 'di lta bu 'byung ngo zhes dam bcas par gdul bya gang gis bka' bzhin du bsgrubs kyang de las mi 'da' bar 'bras bu 'byin pas na ma smad pa 56dang /_gnas gang dang gang du dus nam gyi tshe sems can gang smin par bya ba'i dus la babs na skad cig kyang mi yol bar smin par mdzad pas na mi 'gyur ba 57dang /_chos 'chad la rings pa'i sems kyis tshig rtab rtab por mi gsungs pas na ma brtag ba'am brtan pa 58dang /_gang gsungs pa de nyid nye ba dang ring ba med par 'khor gyi dkyil 'khor kun gyi drung na gnas pa ltar thos pa ste/_dper na bdag cag gi ston pa'i gsung 'phags pa maung+gal gyi bus sangs rgyas kyi zhing gang+gA'i klung dgu bcu rtsa dgu'i bye ma snyed kyi pha rol nas nyan kyang drung du gnas pa ltar thos pa lta bu dang ldan pa'i phyir 'khor kun tu grags pa 59dang /_de bzhin gshegs pas chos bstan pa'i mthus 'dod chags dang /_zhe sdang dang /_gti mug ste rtsa ba'i kun dkris chen po gsum sel bar byed pa'i phyir 'dod chags zhi bar byed 60pa dang /_zhe sdang 'dul ba 61dang /_gti mug sel ba 62dang /_gsung gi don nyams su blangs pas bdud bzhi las rgyal bar byed cing chos kyi sgras kyang bdud rigs pham par byed pas na bdud tshar gcod pa 63dang /_'jig rten na grags pa'i chos rnam pa sna tshogs dper bzhag nas/_de dang de sbyor zhing 'chad par byed pas na rnam pa kun gyi mchog dang ldan pa ste drug cu rtsa 64bzhi'o/_/skabs 'dir rnam bshad rig pa dang mdo sde rgyan rtsa 'grel nyi khri snang ba rnams su dug gsum sel bar byed pa/_bdud dpung tshar gcod pa'i yan lag bzhi med pas grangs drug cur 'byung zhing /_de yang gsang ba bsam gyis mi khyab pa'i mdo la brten par gsungs pas mdo'i dpe la rgyas bsdus kyi khyad 'byung bar sems so/_/gsum pa ni/_de lta bu rnams la dbyangs kyi yan lag ces brjod pa la rgyu mtshan yod de/_sangs rgyas kyi gsung gi dkyil 'khor rnam pa thams cad pa brjod pa kun gyi rgyur gyur pa'i de kho na nyid ni dbyangs te/_de yi rnam 'gyur ram yan lag gi chos khyad par ba yin pa'i phyir ro/_/bzhi pa ni/_'o na de bzhin gshegs pa'i gsung gi yan lag de tsam las gzhan med do snyam na/_re zhig mdor bsdus pa'i tshul gyis ston pa tsam ste gzhan du na mtha' klas shing bsam gyis mi khyab pa'i phyir tshad bzung yod pa ma yin te/_de skad du'ang mdo sde rgyan las/_bder gshegs gsung ni mtha' yas te/_/yan lag drug cu bsam mi khyab/_ces gsungs pa'i phyir ro/_/gsum pa de bzhin gshegs pa'i thugs kyi yon tan ni zag pa med pa'i chos sde tshan nyer gcig tu rnam par bzhag pa ste/_de nyid 'chad pa la gsum/_rgyu spyir smos/_sde tshan bye brag tu bshad/_khyad par bsam gyis mi khyab par bstan pa'o/_/dang po ni/_spyir lam lnga dang sa bcu la sogs pa'i mngon rtogs gong nas gong du yongs su rdzogs pa la brten nas/_theg gsum rang rang gi myang 'das dang /_khyad par dang por byang chub mchog tu thugs bskyed/_bar du bsod nams dang ye shes kyi tshogs gnyis rlabs po che bskal pa grangs med pa gsum la sogs par yongs su rdzogs par bsags te/_tha mar mtha' gnyis las mi gnas pa'i byang chub chen po mngon du mdzad pa'i ye shes chos kyi sku nyid ni gtso bor ye shes kyi 'bras bur grub pas/_spangs rtogs mdzad pa dang bcas pa'i chen po gsum de yi bdag nyid can te/_mngon rtogs rgyan las/_sems can kun mchog nyid sems dang /_/spangs dang rtogs dang gsum po la/_/chen po gsum gyis rang byung gi__/ched du bya ba 'di shes bya/_/zhes so/_/gzhan yang zag pa med pa'i yon tan thams cad dang ldan pa'i chos kyi dbyings rang bzhin gyis rnam par dag pa nyid glo bur gyi dri ma mtha' dag dang bral nas dag pa gnyis ldan gyi ngo bo nyid sku'am chos sku ste/_mngon rtogs rgyan las/_thub pa'i ngo bo nyid sku ni/_/zag pa med pa'i chos gang dag__/thob gyur rnam kun rnam dag pa/_/de dag rang bzhin mtshan nyid can/_/ces dang /_theg bsdus las/_de la ngo bo nyid kyi sku ni de bzhin gshegs pa rnams kyi chos kyi sku ste chos thams cad la dbang bsgyur ba'i gnas yin pa'i phyir ro/_/zhes gsungs pa ltar ye shes chos sku'i yon tan bral smin gyis bsdus pa mtha' dag de las byung zhing zag med kyi chos thams cad kyi 'byung gnas nyid yin no/_/gnyis pa don dam chos sku'i bdag rkyen las byung ba'am de'i yon tan mdo sde so so'i dgongs pa theg chen rgyud bla ma'i bstan bcos dang sher phyin rgyan gnyis las so sor bshad pa las/_'dir mngon rtogs rgyan 'bras bu chos sku bstan pa'i skabs su zag med sde tshan nyer gcig tu gsungs pa ltar bshad par bya ste/_de la sde tshan dang po de bzhin gshegs pa rang nyid kyi skus bsdus pa'i dran pa nye bar bzhag pa nas bzung ste/_'phags pa'i lam yan lag brgyad pa'i bar gyi byang chub kyi phyogs rnams sems can gyi dus bral stobs kyi cha shas yongs su ma rdzogs pas mi gsal ba lta bu min pa yongs su rdzogs pa dri ma dang bral ba/_zag pa med pa'i ye shes chos kyi dbyings kyis bsdus pa yin no/_/zag med ye shes kyi sde tshan thams cad la 'di bzhin du sbyar ro/_/gnyis pa byams pa la sogs pa tshad med pa skye bo gzhan rnams tshangs pa'i gnas bzhir skye bar byed pa rnams dang /_gsum pa ni/_nang shes pa gzugs can du 'du shes pas phyi rol gyi gzugs la blta ba dang /_nang gzugs can ma yin par 'du shes pas phyi rol gyi gzugs la lta ba ni gzugs can min pa gzugs la lta ba'i rnam thar zhes bya ba gnyis dang /_sdug pa'i rnam thar te yid du 'ong ba'i rang bzhin lus kyis mngon sum du byas te rdzogs par gnas pa zhes bya ba gcig dang /_nam mkha' dang rnam shes dang ci yang med pa dang 'du shes med 'du shes med min gyi skye mched ces bya ba bzhi dang /_'du shes dang tshor ba 'gog pa zhes bya ba gcig ste/_de ltar rnam par thar pa brgyad dang /_sde tshan bzhi pa gzugs khams kyi bsam gtan bzhi'i snyoms 'jug dang /_gzugs med pa'i snyoms 'jug bzhi dang /_'gog pa'i snyoms par 'jug pa zhes bya ba mthar gyis gnas pa'i snyoms par 'jug pa dgu dang /_lnga pa zad par sa dang /_chu dang /_me dang /_rlung dang /_sngon po dang /_ser po dang /_dmar po dang /_dkar po dang /_nam mkha' mtha' yas dang /_rnam par shes pa mtha' yas zhes bya ba zad par rnam pa bcu dang /_sde tshan drug pa nang shes pa gzugs can du 'du shes nas phyi rol gyi rnam pa thams cad so sor chung ngu dang chen po'i rnam pa dag tu phyi rol gyi gzugs rnams la blta zhing de dag zil gyis mnan nas zhes bya ba gnyis dang /_nang gzugs med par 'du shes pa dag gis so sor chung ngu dang chen po'i rnam pa dag tu phyi rol gyi gzugs rnams la blta zhing de dag zil gyis mnan nas zhes bya ba gnyis te bzhi dang /_nang gzugs med par 'du shes pa dag kho nas sngon po dang /_ser po dang /_dmar po dang /_dkar po dag zil gyis mnan nas mthong ba zhes bya ba rnam pa bzhi ste/_mdor na skal ba mnyam pa la 'byung ba bzhi kha dog bzhir snang ba de dag 'gog pa la mthu thob ste mi snang bar byas nas/_yul thams cad gser lta bu kho na'am 'ba' zhig gam zad par snang bar byed pa'i ting nge 'dzin ni zil gyis gnon pa'i skye mched rnam pa brgyad dang /_bdun pa pha rol gyi rgyud du gtogs pa'i nyon mongs pa'i dgra'i rgyun drung 'byin pa'i ting nge 'dzin zhes bya ba gang yin pa nyon mongs pa med pa dang /_brgyad pa yang dag pa spros pa'i mtshan ma thams cad dang bral zhing de lta bu'i rang bzhin las ma 'das kyang /_gdul bya spros mtshan du lta ba dag gi 'dod chags la sogs pa bcom par byed cing the tshom sel bar mdzad pa'i smon lam grub pas de bzhin gshegs pa'i ye shes 'khor ba ji srid pa'i gnas skabs su 'gro ba'i don la 'jug pa dang /_rnam par grol ba ji srid pa'i gnas skabs su'ang mkhyen pa de sems can la 'jug pa zhes bya ba smon nas mkhyen pa/_dgu pa da ltar gyi lus nye ring ji snyed pa shi nas gar skyes pa'i gzugs thams cad mthong ba lha'i mig dang /_sgra dang skad dang _brda sna tshogs thos shing go ba lha'i rna ba dang /_sems can gyi bsam pa dang bag la nyal shas che chung kun shes pa sems kyi rnam grangs shes pa dang /_'bar ba dang /_'phur ba dang /_mang nyung dang /_bzang ngan dang /_chu la 'gro zhing sa la bying ba dag shes pa lus kyi rdzu 'phrul shes pa dang /_da ltar gyi lus nas bzung ste/_tshe rabs snga ma la gnas gang na gnas/_las ci byed pa'i lo rgyus dran pa ni sngon gyi gnas rjes su dran pa dang /_mthong ba dang sgom pas spang ba'i nyon mongs pa gang zhig spangs/_gang zhig ma spangs pa'i rim pa shes bzhin zad pa dang mi skye ba'i ye shes thob pa shes pa dag zag pa zad pa shes pa ste mngon par shes pa drug dang /_bcu pa sems can bsam pa tha dad dang 'tshams par chos kyi sgo mo brgyad khri bzhi stong ni gnyen po'i thabs sna tshogs su ston pa chos so so yang dag par rig pa/_mi rtag pa dang sdug bsngal ba dang stong pa dang bdag med pa ste chos spyi'i mtshan nyid dang /_skye 'gag med pa don gyi mtshan nyid de ming tshig gi brjod don shes pa don so so yang dag par rig pa/_'gro ba thams cad kyi brda dang skad dang de dag gi don la ma rmongs pa nges pa'i tshig so so yang dag par rig pa/_chos ston cing the tshom gcod pa la thogs pa med pa spobs pa so so yang dag par rig pa bzhi dang /_bcu gcig pa rten dang /_dmigs pa dang /_thugs dang /_ye shes yongs su dag pa zhes bya ba dag pa bzhi dang /_bcu gnyis pa/_tshe dang sems dang yo byad las/_/skye ba mos pa smon lam dang /_/rdzu 'phrul ye shes chos la dbang /_/zhes pa'i dbang bcu dang so gsum ni sbyin pa'i 'bras bu dang /_las dang skye ba ni tshul khrims kyi dang /_mos pa ni bzod pa'i dang /_smon lam ni brtson 'grus kyi dang /_rdzu 'phrul ni bsam gtan gyi dang /_tha ma gnyis ni shes rab kyi ste slob pa'i gnas skabs su cha mthun dang /_dngos ni sangs rgyas kyi sa kho na'o/_/bcu gsum pa stobs bcu dang /_bcu bzhi pa mi 'jigs pa bzhi dang /_bco lnga pa de bzhin gshegs pa'i sku gsung thugs kyi spyod pa la 'khrul pa yongs su dag pa ste/_sangs rgyas kyi rang bzhin 'di la phyin ci log gi kun tu spyod pa gzhan gyis yongs su shes par dogs pa'i ngo tsha'am bag tsha bas mi gsal bar bcab par bya'o snyam pa'i dgongs pa mi mnga' ba bsrung ba med pa rnam pa gsum dang /_bcu drug pa de bzhin gshegs pas chos ston pa na gus pas mnyan par 'dod pa dang /_nyan par mi 'dod pa dang /_res gus/_res mi gus pa gnyis ka dag la go rim bzhin du rjes su chags pa dang /_khong khro ba dang /_chags sdang gnyis ka cha mnyam par skye ba gnyis kas dben pa kho nar btang snyoms su dran pa dang ldan par gnas pa zhes bya ba dran pa nye bar bzhag pa gsum/_bcu bdun pa sems can gyi don mdzad pa'i dus las mi 'da' bar gang la gang 'dul du ston pas skabs der mdzad pa yol mi srid pa'i mtshan nyid ces bya ba bsnyel ba ste/_brjed pa mi mnga' ba'i chos nyid dang /_bco brgyad pa nyon mongs pa dang shes bya'i sgrib pa'i bag la nyal gyi ngo bo'i sa bon spangs pas bag chags yang dag par bcom pa dang /_bcu dgu pa skye bo mtha' dag la phan pa'i bsam pa nyid ces bya ba skye bo la thugs rje chen po nyid dang /_nyi shu pa 'phags chung 'og ma rnams dang ma 'dres pa'i sangs rgyas kyi chos ma 'dres pa bco brgyad dang /_nyer gcig pa rnam mkhyen ni rnam pa thams cad mkhyen pa nyid de/_'bras bu'i rnam mkhyen rnams spang bya'i gnas thams cad las rnam par grol ba'i chos kyi sku'i rang bzhin nyid yin no/_/gsum pa ni/_theg pa chen po dbu ma la 'jug pa las/_shes bya'i bud shing skam po ma lus pa/_/bsregs pas zhi de rgyal rnams chos sku ste/_/de tshe skye ba med cing 'gag pa med/_/sems 'gag pa de sku yis mngon sum mdzad/_/ces gsungs pa ltar shes dang shes bya mtha' dag ro gcig tu gnyis med mnyam pa chen po'i dbyings su spros pa'i drwa ba ma lus pa nub ste lhag pa'i bden pa dbyer med 'od gsal chos kyi sku'i zag pa med pa'i yon tan mdo tsam du dril bas gong smos zag med sde tshan nyer gcig tu rgyal ba nyid kyi dgongs pa 'grel pa la rgyal tshab kyi lung dang dbang brnyes pa mgon po ma pham pas bstan pa ltar gyis dad pa'i mig bsgrub cing /_de bzhin gshegs pa'i thugs mi zad pa rgyan gyi 'khor lo'i gsang ba zab mo'i tshul phyogs mtshon pa'i sgor 'gyur bar shes par bya zhing /_gzhan du rgyal ba'i thugs ye shes chos sku'i rang bzhin ni blo'i ra ba las 'das pas/_phyogs tsam 'phags chen sa bcu pa rnams dang /_ji bzhin pa ni de bzhin gshegs pa nyid kyi spyod yul las gzhan dag gis bsam gyis mi khyab par shes par bya ste/_theg pa chen po rgyud bla ma las/_thams cad mkhyen pa'i ye shes yul/_/sangs rgyas shes gsum yul min phyir/_/ye shes lus can rnams kyis ni/_/bsam mi khyab par rtogs par bya/_/phra phyir thos pa'i yul min te/_/don dam yin phyir bsam bya'i min/_/chos nyid zab phyir 'jig rten pa'i/_/bsgom pa la sogs yul ma yin/_/gang phyir gzugs la dmus long bzhin/_/byis pas de sngon mthong ma myong /_/btsas pa'i khyim gnas bu chung gis/_/nyi ma'i gzugs bzhin 'phags pas kyang /_/zhes gsungs pa ltar nges so/_/bzhi pa yon tan mi zad pa rgyan gyi 'khor lo bshad pa la dngos dang /_phyogs mthun mdor bsdus te bstan pa gnyis/_dang po la sku gsung thugs kyi yon tan nam che ba gsum las sku'i yon tan ni/_dpe la bstod pa las/_khyod sku mtshan gyis spras gyur pa/_/mdzes gyur mig gi bdud rtsi ni/_/sprin med ston gyi nam mkha' la/_/skar ma'i tshogs kyis spras pa 'dra/_/thub pa gser gyi mdog ldan pa/_/chos gos kyis g.yogs mdzes gyur pa/_/gser gyi ri bo'i rtse mo ni/_/mtshams kyi sprin gyis dkris pa 'dra/_/mgon khyod rgyan gyis ma brgyan yang /_/zhal gyi dkyil 'khor mdangs gang yin/_/zla ba'i dkyil 'khor rgyas gyur pa/_/sprin dang bral la'ang de ma mchis/_/khyod kyi zhal gyi pad+ma dang /_/pad+ma nyi mas kha bye ba/_/bung bas mthong nas pad+ma ni/_/the tshom dpyang thag la 'jug 'gyur/_/khyod zhal gser gyi mdog ldan par/_/tshems dkar mdzes par gyur pa ni/_/gser gyi ri gseb ston ka yi/_/zla zer dri med zhugs pa 'dra/_/mchod 'os khyod kyi phyag g.yas ni/_/'khor lo'i mtshan gyis mdzes gyur pa/_/'khor bas skrag pa'i mi rnams la/_/phyag gis dbugs 'byin mdzad pa lags/_/thub khyod gshegs par gyur pa'i tshe/_/zhabs gnyis dpal gyi pad+ma las/_/sa gzhi 'di ni bris gyur pa/_/pad+ma can gyis ji ltar mdzes/_/zhes gsungs pa ltar ro/_/gsung gi yon tan ni/_'jig rten gyi khams kyi sems can gang yod pas dus gcig car du dri ba mi 'dra ba kho na re re nas dris kyang sems kyi skad cig gcig dang ldan pa'i shes rab kyis bzung nas gsung gcig gis dri ba thams cad kyi lan mdzad cing de rnams kyis kyang rang rang gi skad du go bar 'gyur ba shin tu rmad du byung pa'i tshul mnga' ba ste/_bden pa po'i le'u las/_'di ltar sems can kun gyis nges pa'i tshig__/mang po dag gis dus gcig zhu zhus na/_/sems kyi skad cig gcig la thugs chud nas/_/gsung dbyangs gcig gis so sor lan kyang 'debs/_/de lta bas na 'dren pa 'jig rten na/_/tshangs pa'i sgra dbyangs gsung sgrog mkhyen par mdzod/_/de ni lha mi sdug bsngal mthar 'byin pa'i/_/chos kyi 'khor lo rab tu bskor bar mdzad/_/ces dang /_gzhan yang brgya lnga bcu pa las/_khyod zhal blta na rab sdug pa/_/de las mnyan na snyan pa yi/_/gsung 'di dag ni zla ba las/_/bdud rtsi 'dzag pa bzhin du 'byung /_/khyod kyi gsung ni 'dod chags kyi/_/rdul rab zhi mdzad char sprin 'dra/_/zhe sdang sbrul ni dbyung ba la/_/nam mkha' lding dang 'dra ba lags/_/yang dang yang du mi shes pa'i/_/rab rib 'joms pas gdugs dang 'dra/_/nga rgyal ri bo rnam 'joms pas/_/rdo rje dang yang 'dra ba lags/_/don gzigs pas ni mi slu ba/_/nongs mi mnga' phyir rjes su mthun/_/legs par sbyar bas go sla ste/_/khyod kyi gsung ni legs gsung ldan/_/re zhig dang por khyod kyi gsung /_/nyan pa rnams kyi yid 'phrog mdzad/_/de nas yid la bsam bgyis na/_/'dod chags gti mug rnams kyang sel/_/phongs pa rnams kyi dbugs 'byin cing /_/bag med rnams kyi skyabs kyang mdzad/_/bde ba can dag skyo bgyid pas/_/khyod gsung kun dang 'tshams par 'jug__/mkhas pa rnams kyi dga' ba skyed/_/bar ma rnams kyi blo yang spel/_/tha ma'i rab rib rnam 'joms pas/_/gsung 'di skye bo kun la sman/_/zhes gsungs pa ltar ro/_/thugs kyi yon tan la gnyis las/_mkhyen pa'i yon tan ni shes bya ji lta ba dang ji snyed pa thams cad la lag mthil du skyu ru ra bzhag pa ltar mkhyen pa thogs pa mi mnga' bar 'jug pas shes bya mtha' dag la thub pa'i mkhyen pas khyab kyi/_de las gzhan pa rnams kyi ni shes bya rgya che la shes pa rgya chung bas ma khyab pa yin no/_/de yang bsngags 'os bsngags bstod las/_khyod 'ba' zhig gi ye shes kyis/_/shes bya mtha' dag khyab lags kyi/_/khyed las gzhan pa thams cad kyi/_/shes bya kho na lhag pa lags/_/zhes dang /_bcom ldan dus kun gtogs pa'i chos/_/rnam kun 'byung gnas thams cad ni/_/lag mthil skyu ru ra lta bur/_/khyod kyi thugs kyi spyod yul gyur/_/chos rnams g.yo dang mi g.yor bcas/_/gcig dang sna tshogs so so la/_/mkha' la rlung dag rgyu ba bzhin/_/khyod kyi thugs dag thogs mi mnga'/_/zhes gsungs pa ltar dang /_brtse ba'i yon tan ni/_sems can rnams nyon mongs kyis rang dbang med par bcings pa bzhin du thub pa yang snying rje chen pos rang dbang med par bcings pas 'gro ba rnams sdug bsngal bar gzigs pa na thugs rje chen po rgyun chad med par skye ste/_brgya lnga bcu pa las/_'gro ba 'di dag thams cad ni/_/khyad med nyon mongs rnams kyis bcings/_/khyod ni 'gro ba'i nyon mongs dag___/dgrol slad yun ring thugs rjes bsdams/_/dang por khyod la phyag bgyi'am/_/'on te gang gis 'khor bar khyod/_/skyon mkhyen yun ring de lta bur/_/bzhugs mdzad thugs rje can la bgyi/_/zhes dang /_bden pa po'i le'u las kyang /_gti mug mun pa mun nag gis rtag tu/_/sems ni bsgribs par gyur pa'i skye rgu dang /_/'khor ba'i btson rar chud pa rnam gzigs na/_/drang srong dam pa de ni thugs rje skye/_/zhes dang /_'dod pas zil gyis non pa'i yid ldan dang /_/sred pa che zhing rtag tu yul brkam dang /_/sred pa'i 'dod chags rgya mtshor lhung ba rnams/_/gzigs na rgyal ba'i thugs rje chen po skye/_/nad dang mya ngan rnam pa mang dag gis/_/shin tu gtses pa'i skye rgu nyon mongs rnams/_/gzigs na sdug bsngal ma lus bsal slad du/_/stobs bcu mnga' ba'i thugs rje rab tu skye/_/thub pa'i thugs rje chen po rtag 'byung ste/_/de mi 'byung ba nam yang srid mi 'gyur/_/'gro ba kun gyi bsam par gnas pa ste/_/de bas sangs rgyas de la skyon mi mnga'/_/zhes gsungs pa ltar nges shing /_phrin las kyi yon tan rgyas par 'og nas 'byung ste 'dir yang mdo tsam smos na/_rgyal ba'i sku gsung thugs kyi phrin las lhun gyis grub pa dang rgyun mi 'chad pa gnyis kyis sems can thams cad la phan 'dogs par mdzad pa ste/_de yang gdul bya'i ngos nas dkrir rung na thub pas gdul bya de phun tshogs dang ma sprad pa dang /_rgud pa las ma drangs pa cung zad kyang med pas bgyi par 'os pa thams cad nges par mdzad pa yin te/_brgya lnga bcu pa las/_khyod kyis nyon mongs gzhom pa bshad/_/bdud kyi g.yo dag bstan pa mdzad/_/'khor ba'i rang bzhin mi bzad brjod/_/'jigs pa med pa'i phyogs kyang bstan/_/phan dgongs thugs rje can gyis ni/_/sems can rnams la bgyi 'tshal ba/_/gang zhig khyod kyis ma mdzad pa/_/gzhan ko ci zhig mchis lags kye/_/zhes dang /_bsngags 'os bsngags bstod las/_khyod kyis gang las 'gro ba dag__/ma drangs rgud pa de gang mchis/_/gang dang 'jig rten ma sprad pa'i/_/phun tshogs de yang gang zhig mchis/_/zhes gsungs pa ltar shes par bya'o/_/gnyis pa yon tan mdor bsdus te bstan pa ni/_spyir spangs rtogs ma lus pa mthar phyin pa'i bdag nyid la sangs rgyas zhes pa'i nges tshig dang bcas pas yon tan mtha' dag kyang bsdus pa yin cing /_rgyud bla ma las/_sangs rgyas nyid ni dbyer med pa/_/dag pa'i chos kyis rab phye ba/_/nyi mkha' bzhin te spangs pa dang /_/ye shes gnyis kyi mtshan nyid do/_/zhes gsungs pa dang /_mdo sde rgyan las kyang /_gang la nyon mongs shes bya'i sgrib pa'i sa bon dus ring rtag ldan pa/_/spong ba shin tu rgya chen rnam pa kun gyi bcom gyur cing /_/gnas gyur chos dkar yon tan mchog ldan thob pa sangs rgyas nyid/_/ces dang /_gzhan yang /_ma rig gnyid las sangs phyir dang /_/blo rgyas gnyis phyir sangs rgyas yin/_/zhes pa ltar ro/_/bye brag tu chos sku'i yon tan mtshan nyid brgyad dang ldan te/_mnyam pa dang /_zab pa dang /_rtag pa dang /_gcig pa dang /_yang dag pa dang /_gtsang ba dang /_'od gsal ba dang /_longs spyod rdzogs pa dang 'brel ba ste/_rgyud bla ma las/_thog ma dbus mtha' med cing rnam dbyer med/_/gnyis med gsum bral dri med rnam rtog med/_/chos dbyings rang bzhin gang yin de rtogs pa/_/mnyam par bzhag pa'i rnal 'byor pa yis mthong /_/zhes dang /_mdo sde rgyan las kyang /_rang bzhin sku ni mnyam pa dang /_/phra zhing longs spyod rdzogs 'brel dang /_/zhes gsungs so/_/longs spyod rdzogs pa'i sku yang yon tan brgyad dang ldan te/_'khor dang /_zhing dang /_sku dang /_mtshan dang /_chos dang /_mdzad pa dang /_lhun gyis grub pa dang /_rang bzhin med pa rnams te/_mdo sde rgyan las/_longs spyod rdzogs pa khams kun tu/_/'khor yongs sdud dang zhing dang mtshan/_/sku dang chos rdzogs longs spyod dang /_/mdzad pa dag gis tha dad do/_/zhes dang /_mngon rtogs rgyan las/_mtshan ni sum cu rtsa gnyis dang /_/dpe byad brgyad cu'i bdag nyid ni/_/theg chen nye bar longs spyod phyir/_/thub pa'i longs spyod rdzogs skur bzhed/_/ces pa ltar ro/_/sprul pa'i sku yang yon tan brgyad dang ldan pa yin te/_rten dang /_rgyu dang /_zhing dang /_dus dang /_rang bzhin dang /_'jug par byed pa dang /_smin par byed pa dang /_grol bar byed pa'o/_/mdo sde rgyan las/_/bzo dang skye dang byang chub che/_/mya ngan 'das pa rtag ston pas/_/sangs rgyas sprul pa'i sku 'di ni/_/rnam par grol ba'i thabs chen po/_/zhes dang /_rgyud bla ma las kyang /_sprul pa'i rang bzhin sna tshogs kyis/_/skye ba mngon par skye ba dang /_/dga' ldan gnas nas 'pho ba dang /_/lhums su 'jug dang bltams pa dang /_/bzo yi gnas la mkhas pa dang /_/btsun mo'i 'khor la dgyes rol dang /_/byang chub snying por gshegs pa dang /_/bdud sde 'joms dang rdzogs par ni/_/byang chub chos kyi 'khor lo dang /_/mya ngan 'das par gshegs mdzad rnams/_/yongs su ma dag zhing rnams su/_/srid pa ji srid gnas par ston/_/zhes dang /_yang de nyid las/_'jig rten zhi ba'i lam la 'jug pa dang /_/rab tu smin dang lung ston rgyu yi gzugs/_/zhes dang /_mngon rtogs rgyan las/_gang gis srid pa ji srid par/_/'gro la phan pa sna tshogs pa/_/mnyam du mdzad pa'i sku de ni/_/thub pa'i sprul sku rgyun mi 'chad/_/ces dang /_gzhan yang mdo sde rgyan las/_de dag rten dang dgongs pa dang /_/phrin las kyis ni mnyam pa nyid/_/ces dang /_rang bzhin dang ni rgyun mi chad/_/rgyun gyis de dag rtag pa nyid/_/ces gsungs so/_/de ltar na sku dang ye shes phrin las dang bcas pa'i spangs rtogs thams cad sangs rgyas kyi yon tan yin la/_mdor na theg gsum yongs kyi lam dang 'bras bu mtha' dag de bzhin gshegs pa'i yon tan kho na las nam yang ma 'das shing /_de yang dril na spang bya ma lus pa spangs shing rtogs bya mtha' dag yongs su rdzogs te mkhyen brtse nus gsum gyi rang bzhin du gyur pa sangs rgyas kyi yon tan yin pas/_yon tan mi zad pa rgyan gyi 'khor lo'i khongs su gzhan bzhi po 'du ba'ang yin la/_'dir rgyas par spror ma longs pas mdo tsam smos kyi/_zhib par shing rta chen po rjes 'brangs dang bcas pa rnams kyis bkral ba'i legs bshad kyi gzhung chen po 'grel pa dang bcas pa'i dgongs pa gung bsgrigs te blo gros dang dad pa'i mig bsgrub par bya ba kho na'o/_/lnga pa phrin las mi zad pa rgyan gyi 'khor lo'i rnam gzhag las brtsams te cung zad smos pa la gnyis/_mdzad pa'i don bdun rgyas par bshad/_gnyis kyis don bsdu ba'o/_/dang po ni/_rdzogs pa'i sangs rgyas rnams kyi phrin las ni 'di dang 'di lta bu bya'o snyam pa'i rnam par rtog pa dang 'bad rtsol gyi mtshan ma cung zad kyang mi mnga' bzhin du sngon gyi thugs bskyed dang smon lam rgya chen po'i mthus yid bzhin gyi nor bus 'bad rtsol med bzhin du 'od zer spro ba dang /_dgos 'dod 'byung ba dang /_lha'i rnga bo ches rtog pa med bzhin du chos kyi sdom bzhi ston pa dang mthun par/_rang rang gi khams dang bsam pa dang dbang po dang bag la nyal ci lta ba bzhin du sku gsung thugs kyi cho 'phrul mtha' yas pas gdul bya bsam gyis mi khyab pa'i don 'bad 1med lhun gyis grub par 'byung ba dang /_nyi ma'i dkyil 'khor la 'char dang mi 'char gyi phyogs ris med par chu'i snod dwangs pa dang mi dwangs pa thams cad du rang rang dang 'tshams par gcig car du 'char ba bzhin du/_sangs rgyas rnams kyi sku gsung thugs kyi mdzad pa'ang 'di la snang 'di la mi snang zhes phyogs 2ris cung zad kyang med par gdul bya rnams rang rang gi skal pa mchog dman dang 'tshams par gcig car du snang ba dang /_nyi ma'i 'od zer dpag tu med pa'ang 'dres nas pad+ma kha 'byed pa lta bu'i bya ba gcig la 'jug pa bzhin du sems can re re 'dul ba la'ang sangs rgyas thams cad kyi ye shes dang phrin las gcig 3tu 'dres nas 'jug pa dang /_'dus ma byas kyi nam mkha'i dbyings su 'dus byas kyi dngos po skye ba dang 'jig pa rgyun mi 'chad pa bzhin du zag pa med pa'i dbyings su mngon par rdzogs sangs rgyas nas kyang /_gdul bya dus la bab pa na phrin las 'jug cing /_ma bab na mi 'jug pa'i tshul gyis sangs rgyas kyi mdzad pa nam yang rgyun 4mi 'chad pa dang /_phyogs bcu'i zhing khams mtha' yas par 'khor ba ji srid kyi bar du la lar mngon par byang chub pa dang /_la lar chos 'khor bskor ba dang /_la lar mya ngan las 'da' bar ston pa sogs thabs 5sna tshogs pa'i sgo nas ji ltar rigs par gdul bya'i don mdzad pa dang /_ri mtho dman gyi khyad par las nyi ma'i 'od zer rim gyis 'char ba bzhin du gdul bya skal pa mchog dang bar ma dang dman pa rnams la'ang sangs rgyas kyi phrin las rang rang dang 'tshams 6par rim gyis 'jug pa dang /_sangs rgyas mthong ba tsam gyis 'tshe ba dang /_ngan song dang /_thabs ma yin pa dang /_khams gsum gyi sdug bsngal dang /_theg pa dman pa las skyob pa ste yongs su skyob pa 7rnam pa lngas sems can gyi don mdzad pa'o/_/gnyis pa ni/_rgyal ba'i phrin las kyi ngo bo rgyun mi 'chad par gang la gang 'dul gyi bkod pa nam mkha' dang mnyam pa dang /_byed las gdul bya mtha' yas pa cho 'phrul gsum gyis lam gyi rten mtho ris lha dang tshangs pa'i theg pa/_lam dngos tshogs sbyor la sogs pa/_mthar phyin theg pa gsum gyi 'bras bu la 'god par mdzad pa'i phyir mdor bsdu na lhun gyis grub pa dang rgyun mi 'chad pa gnyis su 'dus pa'i snga ma ni/_rgyud bla ma las/_gang zhig gang gis gdul ba yi/_/bya gang gang du gang gi tshe/_/de yi rnam rtog skye med phyir/_/thub pa rtag tu lhun gyis grub/_/ces dang /_phyi ma ni/_de nyid las/_gzhan gyi dbang gis nges 'byung dang /_/bdag dang sems can mtshungs gzigs dang /_/mdzad pa yongs su ma rdzogs phyir/_/'khor ba srid du mdzad mi 'chad/_/ces gsungs pa ltar ro/_/de ltar sku gsung thugs kyi mdzad pa'am phrin las kyi 'jug pa thams cad 'bad rtsol rtog pa'i 'du byed dang bral yang gdul bya so so'i snang ba la ji ltar 'char ba'i tshul yang /_ji skad du theg pa chen po rgyud bla ma las/_brgya byin rnga sprin tshangs pa dang /_/nyi ma nor bu rin chen bzhin/_/de bzhin gshegs pa sgra brnyan bzhin/_/nam mkha' dang ni sa bzhin no/_/zhes dang /_ji ltar bai DUr sa gzhi gtsang ma la/_/sogs dang /_de bzhin du/_ji ltar lha nang lha rnams kyi/_/sngon gyi dkar po'i mthu yis ni/_/'bad dang gnas dang yid gzugs dang /_/rnam par rtog pa med bzhin du/_/mi rtag sdug bsngal bdag med dang /_/zhi ba'i sgra yis bag med pa'i/_/lha rnams thams cad yang nas yang /_/chos kyi rngas ni skul byed ltar/_/de bzhin khyab bdag 'bad sogs dang /_/bral yang 'gro ba ma lus pa/_/sangs rgyas chos kyis khyab mdzad de/_/skal ldan rnams la chos ston to/_/ji ltar dbyar gyi dus na sprin/_/lo thog phun sum tshogs pa'i rgyu/_/chu yi phung po 'bad med pa/_/sa la mngon par 'bab pa ltar/_/de bzhin thugs rje'i sprin las ni/_/rgyal ba'i dam chos chu yi char/_/'gro ba'i dge ba'i lo tog rgyu/_/rnam par rtog pa med par 'bebs/_/ji ltar tshangs pa tshangs pa yi/_/sogs nas/_de ni de la rnam mi rtog__/ces pa'i bar gyis zhib tu bstan pa ltar lung rnam dag dang /_gzhan yang rigs pa'i dbang phyug rnam gnyis kyi gzhung gis bstan pa'i rigs pa dri ma med pa dang bcas pa'i lam nas tshul 'di dag legs par bsgrubs te/_sangs rgyas bcom ldan 'das nyid srid dang zhi ba'i khongs na che bar grags pa gang gis kyang sku'i ba spu nyag gcig la 'gran par mi bzod pa zla med pa'i ston pa tshad mar mthong ba'i nges shes the tshom gyi smags dang bral ba rnyed de/_gzhan gyis mi 'phrog pa'i dad pa rgya mtsho'i dbus na gnas par bya ba ni blo dang ldan pa'i skyes bus don du gnyer bya nyag gcig pu pa yin no/_/'di las 'phros te de bzhin gshegs pa'i gsang gsum phrin las dang bcas pa rjes su dran pa'i dgos ched dang phan yon las brtsams te smra bar 'os pa mang du mchis kyang mdo dang bstan bcos rgya mtsho lta bu las 'byams klas par gsungs pas de dang de dag tu shes par bya'o/_/rgyal ba'i gsang gsum yon tan phrin las bcas/_/mi zad rgyan gyi 'khor lo rnam lnga'i gtam/_/snying por dril ba'i legs bshad zla shel khams/_/rang gzhan gdung ba bcil pa'i dpal du grub/_/dad gsum 'chi ba med pa'i lam yangs der/_/bde gshegs che ba sprin phung 'dzum pa las/_/byin rlabs sbrang char bsnyil pa'i zil dngar gyis/_/phan bde'i lo 'bras g.yur du za gyur cig__/brjod bya zab dang rgya che'i don gyis spungs/_/rjod byed nyung ngu'i ngag tu dril 'dis kyang /_/phun tshogs mtha' dag rdzogs pa'i thub rnams kyi/_/ngo mtshar bdag gzhan rgyud la 'byor gyur cig__/ces pa'ang bde bar gshegs pa rjes su dran pa'i bsod nams rlabs po che 'du bya ba'i skor dmigs nas theg pa mchog gi bka' dang bstan bcos dri ma med pa rnams kyi dgongs pa ltar 'jam dbyangs bla ma dgyes pa'i 'bangs mkhyen brtse'i dbang pos nyung gsal snying por dril ba'i tshul gyis sbyar ba phyogs dus gnas skabs kun tu dar zhing rgyas la yun ring du gnas pa'i rgyur gyur cig__/sarba dA ka l+yA NaM b+ha ba tu//__//
