JKW-KABUM-01-KA-002-074-wylie
o rgyan/__bi rU pa/__mi la gsum la gsol 'debs sh+lo ka re re/__
oM AHhU~M badz+ra gu ru pad+ma sid+d+hi hU~M/__rtsa gsum kun 'dus pad+ma 'byung gnas la/__/mi phyed snying nas gug pas gsol ba 'debs/__/'gal rkyen kun zhi bsam don lhun gyis grub/__/sku bzhi'i go 'phang thob par byin gyis rlobs/__/zhes pa'ang sgrub pa la rtse gcig tu gzhol ba'i rje btsun bla ma kun dga' chos kyi dbang po'i thugs bzhed ltar 'jam dbyangs mkhyen brtse'i dbang pos gsol ba btab pa de de bzhin du 'grub par gyur cig/__//_!
na mo gu ru biR+Wa pA dA ya/__gzhung lugs kun mkhyen mkha' 'gros rjes su bzung //_mngon gyur sa brnyes dpal ldan birU pa/__/grub rigs rgya mtsho'i gtso bor gsol ba 'debs/__bar chad kun sel mchog thun dngos grub stsol/__/ces pa'ang rdo rje 'dzin pa chen po kun dga' chos dbang gi gsung ngor 'jam dbyangs mkhyen brtse'i dbang pos gsol ba btab pa rang gzhan kun gyi rgyud la rnal 'byor dbang phyug gi byin rlabs 'jug pa'i rgyur gyur cig/___//_!
oM AHb+haT+TAr ka ta sa badz+ra sarba sid+d+hi hU~M/__rnal 'byor dbang phyug bzhad pa rdo rje la/__/bzod med gdung shugs drag pos gsol 'debs na/__/ye shes gzigs pas rtag tu rjes bzung nas/__/mgon po khyod dang mtshungs par byin gyis rlobs/__/zhes pa'ang nges don sgrub pa'i rgyal mtshan 'dzin pa kun spangs chos kyi rje A nan+da d+harmen+d+ras bka' stsal pa ltar bya bral ba many+dzu g+ho Shas gsol ba btab pa de de bzhin du 'grub par byin gyis brlab tu gsol/__/sarba su shre yo b+ha ba tu//_//_!
