JKW-KABAB-08-NYA-007-wylie
@#/__/dri med bla sgrub brgyud 'debs bzhugs so/__rang byung chos sku pad+ma rdo rje 'chang*/__/longs spyod yongs rdzogs rigs lnga thod phreng rtsal/__/sprul pa'i skur bzhengs gu ru mtshan brgyad la/__/gsol ba 'debs so dbang bskur byin gyis rlobs/__/rgyal ba'i gdung 'tshob ye shes mchog grub rgyal/__/'od byed sar bzhugs sangs rgyas ye shes zhabs/__/thugs kyi gzung ma gsang bdag mtsho rgyal mar/__/gsol ba 'debs so dbang bskur byin gyis rlobs/__/gnubs chen yang srid dri med kun dga' dang*/__/bka' babs bdun ldan khyab bdag 'khor lo'i mgon/__/pad+ma 'od gsal mdo sngags gling pa la/__/gsol ba 'debs so dbang bskur byin gyis rlobs/__/byin rlabs 'byung gnas brgyud gsum bla ma dang*/__/dngos grub kun ster yi dam zhi khro'i lha/__/phrin las thogs med mkha' 'gro chos skyong la/__/gsol ba 'debs so dbang bskur byin gyis rlobs/__/dbang bzhis rgyud smin dam tshig rnam par dag__/rim gnyis mthar phyin sa lam gcig car bgrod/__/rang rig bla ma sku gsum mngon gyur te/__/bdag gzhan don gnyis mtha' ru phyin par shog__/ces pa'ang zab chos 'di'i smin grol thog ma'i snod rung gi skal bzang thob pa blo gros mtha' yas kyis gsol ba btab pa dge legs 'phel/
