JKW-KABAB-07-JA-007-wylie
_!__//drang srong dri med kun tu dge ba'i tshe sgrub dag snang ma'i khyad par gyi bka' srung 'chi med tsaN+DI kA mchod pa ni/__/gtor ma dmar po zla gam la ba lang gi sha dang chang phud ma nyams pas bran la byin gyis brlabs/__rang gi thugs ka nas 'od zer 'phros pas nags tshal drwa ba can gyi nub phyogs pad+ma drwa bas khebs pa'i mtsho rdzing nas 'chi med nye dbang tsaN+Di kA 'khor dang bcas pa spyan drangs par bsam la/__hU~M hU~M/__dad pa dang ni dam tshig gis/__/tshur gshegs 'chi med tsaN+Di kA/__/nye ba'i dbang mo bde chen lcam/__/mched bdun sprul pa yang sprul bcas/__/o rgyan pad+ma saM b+ha dang*/__/drang srong dri med kun tu dge'i/__/bka' dang tha tshig gnyan dgongs la/__/dam tshig dag pa'i gnas 'dir byon/__/pad nyi rin chen mdzes khrir bzhugs/__/phyi nang gsang ba bla med pa'i/__/mchod sprin rgya mtshos dgyes par mdzod/__oM ma hA su kha tsaN+Di kA tsit+ta hrIng hrIng dza dzaH__dzaHhU~M ba~M hoH__sarba pU dza sa ma ya hoH__hU~M/__sor rtog ye shes pad+ma'i rigs/__/gos dkar yum gyi rang gdangs las/__/bstan pa bsrung phyir 'jig rten tshul/__/dgyes chags sin+d+hA wA ra'i mdangs/__/srid gsum khyab pa'i gzi 'od can/__/phyag g.yas lcags kyus snang srid 'gugs/__/g.yon pas tshe bum 'chi med stsol/__/dar dang rin chen rgyan gyis mdzes/__/rin chen pad+ma nyi mo'i khrir/__/btsun mo rol pa'i stabs kyis 'gyings/__/rang 'dra'i sprul pa drug gis bskor/___/yang sprul 'khor tshogs bsam mi khyab/__/bde ba chen po'i phrin las kyis/__/tshe dbang dngos grub stsol la bstod/__/mchod gtor bdud rtsi 'di bzhes la/__/rnal 'byor bdag cag 'khor bcas kyi/__/'tsho ba'i tshe srings 'byor pa spel/__/khams gsum snod bcud dbang du sdus/__/snyan dang grags pas stong gsum khengs/__/mdor na yid la bsam pa'i don/__/'bad med myur du 'grub par mdzod/__/ces phrin las bcol/__mchod gtor gtsang sar gshegs/__'di ni bkra shis shing byin che la phrin las klog ltar myur ba yin no/__/'jam dbyangs mkhyen brtse'i dbang po'i dgongs gter bdag mi pham rnam par rgyal ba la gtad pa lags so/___mang+ga laM//__//__
