JKW-KABAB-01-KA-004-wylie
@#/__/rdzong sar 'jam dbyangs mkhyen brtse dbang po'i bka' babs kyi smin grol dkyus gcig tu 'bog pa'i bca' bsham bya tshul mthong bas don rtogs zhes bya ba bzhugs so/_/'pho chen ye shes sku can pad+ma skyes/__/snyigs ma'i 'gro ba'i skyabs mchog mtshungs pa med/__/dpal ldan bla ma mtsho skyes rdo rje 'chang*/__/'bral med bde chen 'khor lo'i rgyan du mchod/__/de la 'dir dus gsum gyi rgyal ba thams cad kyi spyi gzugs dpal o Di yA na'i slob dpon chen po pad+ma kA ras byin gyis rlabs pa la brten nas/__'jam dbyangs mkhyen brtse dbang po'am pad+ma 'od gsal mdo sngags gling pa la ngo mtshar ba'i bka' babs bdun bzhugs pa'i nang tshan/__zab gter skor gyi smin grol dkyus gcig tu 'bogs pa'i skabs kyi bcas bsham gyi rim pa mdor bsdus su bkod pa la gsum/__spyir ji ltar bya ba'i lag len/__nyer mkho'i yo byad sta gon/__bye brag dbang rnams kyi gsham bkod bstan pa'o/__/dang po ni/__'di nyid kyi smin grol bgyid par brtsam pa na/__slob dpon gyis rang gi rtsa ba'i yi dam mam dkyil 'khor spyi'i khyab bdag rdo rje sems dpa' lta bu'i bsnyen pa kha gso zhag bdun gyis nyung mthar byas te gnang ba stsol ba'i gsol ba gdab/__zhu ba po'i slob ma dad pa dam tshig thub nges nyams len dang 'chad spel nus pa ha cang mang po ma yin pa dgos te/__zhi khro rtsa gsum gu ru zhi ba thugs rje chen po sogs khyab gdal du bskur chog kyang zhu mkhan ha cang mang na lcogs thabs med pa dang*/__zab gnyan che ba'i rigs mang po la bskur mi rung ba 'ga' zhig brgyud 'dzin gcig gam gsum las mi spel bar gsungs pas dbye bsal thog ma nas phyed pa gal che'o/__/de nas dbang khrid ma tshugs pa'i snga rol du/__dpon slob thun mong nas rtsa ba gsum la tshogs skong dang sdig sgrib nyams chags sbyong ba yig brgya'i bsgom bzlas sogs gnang ba zhu zhing dge ba'i dpung bskyed ci 'grub tu byas pas gnas skabs bar chad mi 'byung ba dang phyin chad bkra shis pa'i rten 'brel du 'gyur ro/__/lag len dngos la rgyas pa sgrub chen gyi khong du btang ba dang*/__bsdus pa sgrub chen mi spel ba'i lugs gnyis bla slob 'khos dang longs skabs kyis gang lcogs bya chog cing gang ltar yang gza' skar dus tshes bzang po zhig la dbu btsugs/__dang po ltar na/__'brel dang dgos pa'i gnad shin tu che ba'i dbang gis rigs kun khyab bdag dpal rdo rje sems dpa'i sgrub thabs bka' gter zung 'jug smin lugs nyid kyis khog dbub dgos pas/__de'i sgrub khog rnam grol snye ma nas ji ltar 'byung ba bzhin/__nyin dang po'i snga dro sa chog nas mtshams gcod rjes 'brel bcas/__phyi dro lha sta gon dang rgyan bkod/__nyin gnyis par rdor sems sgrub mchod rgyas pa dzab bzlas nyul le skrod cing byin dbab pas mtshon sgrub chen gyi chings ji lta bar bya/__dgong mor grub thob bka' brgyad kyi sta gon grub par bya/__'di phyin chad bsnyen rgyun 'khyol dka' yang rdor sems sgrub mchod ma chags pa dgos mod bla mas longs khyab med cing mi lcogs na gzhan pa'i bla grwa kha shas la nyin re bzhin gong ltar bsgrub bcol/__'di nas brtsams mjug ma grub kyi bar dngos rol rjes 'brang gter srung rnams kyi gtor 'bul nyin re tshar re 'don mkhan zur du yod na legs/__dngos rol ma grub na dam can spyi gtor gyis go bcad/__sgrub gzhi yod pa'i gnas der go yul dogs na khang pa gzhan du mchod gtor rgyas bsdus gang lcogs la brten nas 'don chog go/__dgongs mo nas bka' brgyad dbang chas bshams la/__nyin gsum par dngos gzhi'i dbang rdzogs par bskur/__nyin bzhi par rtsa gsum bde gshegs 'dus pa'i dbang bskur ba nas brtsam grangs gang thon bya ba las spar bkab med/__dgongs gter 'chi med 'phags ma'i snying thig gi dbang rjes su bzhag__/dbang khrid yongs rdzogs grub pa'i nyin rdor sems cho ga rgyas par btang zhing sgrub pa'i dngos grub blang ba'i tshe slob dpon gzhan gyis mchog gi sbyin sreg bya zhing*/__de nas rdor sems kyi dbang rdzogs par byas la gtor ma btang ba sogs rjes rim rnams bya/__'chi med 'phags ma'i snying thig gi dbang chas bsham nas las byang gis bsgrubs la tshe dbang rgyas bsdus rnams kyis mthar dge byas te de'i rjes chog dang*/__sgrub pa'i tho 'grol sogs sgrub khog las 'byung ba ltar mtha' rgyas su bya ba yin no/__/gnyis pa spros 'byor longs khoms med pa dag gis sgrub chen dang mi sbrel bar bskur na/__thog mar dgongs gter grub thob bka' brgyad kyi dbang chen dngos sta phyes te nyin gnyis la rdzogs par bskur/__de nas smin gling rdor sems kyi dbang*/__mjug srid pa ma mo'i gnad tig gi dbang grub kyi bar nyin re bzhin dbang rgyas bsdus dang bstun pa'i gang 'gro snga dro sgrub cing phyi dro bskur/__dbang sgrub thams cad la'ang bsnyen bzlas brgya rtsa las mi nyung ba dang*/__bum bzlas zur du dgos rigs la'ang de ltar bya/__gter srung sgos mchod yod rigs so so'i thad kar sbyar/__dmigs bsal med pa la las byang rjes ma dang 'brel bar dam can spyi gtor gter gzhi bcas tshar re ma btang thabs med pas de kas 'thus par byed/__bdag 'jug re re bzhin mi lcogs pas ting 'dzin dbang len sogs dmigs bsal bshad pa rnams de kas 'thus shing*/__spyi la rig pa'i me tog dor/__gang la'ang slob ma gzhug par gnang ba zhu ba ma chad pa gal che/__chos skyong srog gtad rnams dam ldan gtor 'bul sogs ma chags pa byed mkhan ma gtogs khyab brdal du spel mi rung*/__khrid ni so so'i dbang bskur grub pa'i rjes su bshad dgos pa rnams dbang grub rjes mtshams sbyor bcas maN+Dal phul la khrid yig nyid dal bus go brda 'phrod par bklag nas dge bsngo sogs bya/__'di la bshar khrid dam khrid lung sbrags ma zer/__bshad mi shes mkhan nas nyab nyob mang po bshad na don 'bras med cing nyi ma 'phul/__bshad shes mkhan yin kyang don rtsa khrid yig nang ma 'dus pa med cing rnams grangs mang po rdzogs thabs med pas 'di yis go chod par byed/__spyir kha bshad dpe klog gang byed kyang sgom don yid la nges shing go brda 'phrod pa khrid kyi mtshan nyid/__tshig don re re bzhin yid la zin mi dgos par sgra thos kyi shes 'jug bar ma chad pa tsam lung gi mtshan nyid yin pa chos spyan ldan pa'i bla ma dag bzhed pas de dag gi gnad kyang shes par bya dgos so/__/bklag lung ni dbang gi bar bar du grub na'ang legs shing mi lcogs na dbang rnams grub zin pa'i rjes su dkyus gcig tu bklags pas chog__/gnyis pa nyer mkho'i yo byad sta gon ni 'di'i skabs su nye bar mkho ba'i yo byad snga tshags su bya dgos pa ni/__dkyil 'khor rnams kyi ras bris cha tshang dang*/__tsaka li cha tshang bcas med thabs med pas de dag tshogs pa gzhir byas/__rgyud dang gzhung pod kyi glegs bam so so la mkho ba 'dzom na rab/__ma 'dzom na rgyud gsang snying tsam dang so so'i sgrub thabs kyi yi ge dar gyis dril ba/__klong snying rig 'dzin srog 'khor/__sin+d+hu ra/__li khri/__chos sman/__rtsa brgyad stong sbyar dang*/__rak+ta so lnga/__gtor ma'i spod sman bzang drug sogs sman sna/__tshe rdzas phur ma/__byin 'bebs sbyar spos/__sta gon rdzas so shing*/__de dor ba'i gdan ras bris pad+ma 'dab brgyad dang*/__ku sha/__dpung skud kha dog so so las 'byung ba ltar dang*/__cod paN kha dog lnga pa dang mig dar slob ma'i grangs mnyam/__cod paN dor ba'i gzhi ras la phyogs bzhi dbus lngar phyag rgya bris pa/__mig thur/__phyag shing*/__bum pa kha rgyan mgul chings ldan pa bcu las mi nyung ba/__gzungs rdor/__dung chos gnyis gsum/__dbu rgyan/__rdo rje/__dril bu/__rdor dril lhan cig bcings pa/__me long kha shas/__shel rdo stegs can che chung gnyis gsum/__b+han+d+ha mtshan ldan kha shas dang mo thod gcig tsam/__dar kha dog sna tshogs gang 'dzom/__dbang phreng dung ngam shel/__pad rAg__/rak+sha'am thod phreng*/__gdab phur che chung*/__gri gug__/lcags hom/__bya 'ug gi sgro/__tho ba sgrol gri gtun khung sogs bsgral chas tshang ba/__thun rdzas sna tshogs/__zlog 'khor spyi 'gro/__'tshe yungs rtsang sogs zor chas/__rjes gnang la mkho ba'i gdugs dang phyag shing 'khor lo/__g.yab dar/__dgang gzar blugs dang sbyin sreg rdzas/__rdul tshon/__gu gul/__yungs kar/__til nag__/sgrub chen dang sbrel na de'i chas sgab skor ral gri bzhi mda' bzhi phur bu bcu bzhi stegs bcas rgyal tho sogs dang*/__mi sbrel yang dkyil 'khor gyi rgyan rgyal mtshan bzhi dar phan bzhi sogs bkod na legs pas gang 'dzom/__sman raka dang zhi mchod drag mchod snod sbreng thur bcas/__chang phud/__yol ba/__tshe bum/__tshe mda'/__dbang skabs nyer mkho'i sman raka gtor gsum chung ngu snod gcig tu bzhag pa/__phyi mchod rnam bdun gcig tu bsgrigs pa/__stegs khebs che chung*/_DA dril rnga gling*/__rol chas sogs mdor na 'og tu dgos pa rnams thad kar bab dus mi shol bar zhib par bsgrig__/dgos chas 'dang nges kyi mchod phye gtsang ma/__mar/__mchod 'bru/__mar me/__spos reng ngam spos phye dri ldan/__dkar gsum/__mngar gsum/__zas sna/__gos sna/__chang phud/__phyugs lta bu rang bzhin gyis shi ba'i gtor sha gtsang ma rnams kyang tshogs par bya'o/__/gsum pa bye brag so so'i gshom bkod bshad pa la'ang*/__thog mar dbang bskur tshugs nye ba'i nyin snga ma rnams su bka' brgyad kyis mtshon pa'i gtor ma 'og tu dgos pa rnams las thog mar mkho ba rnams dang*/__rtsa gsum spyi dang khyad par chos srung gter srung rnams re re bzhin 'phral 'phral gshom pa ma lcogs na/__bla ma yi dam mkha' 'gro/__chos skyong dngos grub rol mtsho rjes 'brang dang bcas pa'am bsdu na dam can spyi'i gtor ma legs par bzhengs/__las byang la dgos pa'i mchod gtor rigs tshang bar gal che/__dngos gzhi tshugs pa'i thog mar gnas khang phyags dar bya/__rtsa ba gsum gyi sku gsung thugs kyi rten byin rlabs can rnams dang*/__chos skyong gi rten sogs bkram/__bla bre dar 'phan sogs rgyan gyi bkod pas mdzes par bya/__sgrub chen dang sbrel na dkyil 'khor lding khri brtsegs mar byas pa'i 'og tu rdor sems dkyil 'khor rgyun bzhag gi mtha' bskor du phyi nang mchod pa brgya rtsa sogs bsgrig__/steng mar skabs so so'i dkyil 'khor dbang rdzas rnams res mos su bsham/__sgab skor sogs kyi chas rnams spyi ltar bya ba yin la/__sgrub chen dang ma 'brel na stegs bu rgya che ba khebs bzang pos bkab cing*/__dbang mang po sbrel skabs dkyil 'khor dang dbang rdzas rnams shong nges pa'i zur bzhi na rgyal mtshan dang*/__logs bzhir 'phan gzug__/steng du bla bre dar gdangs kyis mdzes par brgyan/__de steng dkyil 'khor gang yin bkram pa'i dbus su bum gtor brtsegs mar 'god dgos pa'i rigs la 'phrul stegs rim pa gnyis pa blang bzhag bde ba dang*/__bum gtor gang rung 'jog dgos pa spyi dang*/__sku tshab bzhugs gdan sogs rkang gsum 'jog dgos pas de'ang grangs ka mang du bsdogs/__gal te dkyil 'khor ras bris mi 'dzoms pa'i dbang byin rlabs chung ngu'i rigs la maN+Dal steng tshom bu lha grangs bkod kyang chog mod/__tshom bu'ang tshon gyis kha bsgyur ba'i 'bras la mar gyi snying po byas te lha mdog dang mtshungs par grub na legs/__bum pa la gsar ma'i lugs su gos bzang po dang srad bu sogs kyis dkri ba las dmigs su ma gsungs kyang*/__rnying ma gter ma'i phyogs phal mo cher mgul chings dmigs gsal du bshad cing da lta phyag len du'ang mdzad pas/__'di man chad dmigs su ma bshad pa rnams la mgul chings lha gtso bo'i sku mdog dang mthun par bcings/__bum rdzas kyang spyi khyab thams cad bla med kho na yin pas so lnga 'ba' zhig dang dri bzang gi chu sbyar/_so so'i skabs smos pa bzhin dmigs bsal dag la nyer lnga dang sbyar/__byin rlabs kyi rigs sogs kyi thod pa'i bdud rtsi chang dang bdud rtsi chos sman sbyar/__rig tsaka yod pa'i dbang bzhi'i rigs rnams la de steng mngar gsum ro bro nges par bya/__tshe dbang gi rigs la tshe ril tshe chang mngar gsum dang sbyar zhing*/__yod na tshe rdzas phur ma'ang 'debs/__dbang gi bgegs bskrad la gu gul/__byin 'bebs la 'dzom na 'bebs rdzas/__med na sbyar spos dri zhim pos bdug pa sogs ma chad par bya'o/__/mig dar me tog sogs kyang blang bzhag bde bar byas te nam dgos kyi skabs maN+Dal me tog bkram sdud dang lhan cig gtad chog par bya/__bka' brgyad lta bu'i dbang chen mtshams sbyar yod rigs la de dag bla mas brda sprad pa dang mnyam du 'gyed dgos/__spyir 'di dag gi skabs su las rdor bslab shes go ba phyag len zhib pa zhig gis bsham bkod rnams snga ma grub bstun de'i chas rnams bsdu zhing*/__phyi ma rnams 'phral 'phral mi shol ba bsgrigs thub pa dgos/__mchod g.yog lag bde zhig gis nyin re'i mchod gtor dkar bgegs/__chos srung rgyun 'bul gter gzhi/__las byang re re bzhin gtor gsos thebs kyu/__zhal zas/__tshogs/__chad brtan sogs spyi dang*/__bye brag gang dgos rnams bca'o/__/lag len rgyas bsdus gnyis ka la'ang gnas khang go yul yangs na sgrub dkyil dang bar mtshams bye ba'i rgyab phyogs su stegs bu rim pa gsum pa bstar dang po la/__bla ma yi dam mkha' 'gro chos skyong pho mo nor lha phyi rgyud bcas kyi gtor ma bdun tshar/__g.yas g.yon du sman raka phab ldan/__gnyis par dngos rol rjes 'brang chad brtan rgyun bzhag bcas/__gsum par zhi mchod drag mchod mjug sprod du bshams pa'i bar du many+dzi la chos skyong gtor spungs rgyun 'bul bkod/__'di dag ni mchod gtor spyi khyab pa yin pas gtor 'bul nam byed la thebs kyu sogs kyis gso ba dang*/__mchod pa nyin re bzhin brje/__las byang snga phyi'i bar mtshams lta bu la kha gso/__go yul gyis 'di ltar ma shong na'ang dkyil 'khor sger mchod dang gtor ma bsham dgos pas de kas 'thus so/__!__/de nas dbang bskur so so dang 'brel ba'i bshom bkod lag len dngos kyi dang po grub thob bka' brgyad kyi dbang la/__khyor chu/__so shing*/__dpung skud/__ku sha ste sta gon rdzas bzhi/__dkyil 'khor ras bris dbus many+dzi'i khar rnam bum so lnga'i bcud ldan mgul chings mthing ga kha rgyan ldan pa/__rdor sems dpal dgu bya khyung dpal mgon ma ning bcas kyi tsaka li bcu gnyis kha rgyan gseb tu bkod pa yin kyang mi bde na mdun du bzhag__/dbu rgyan/__rdo rje/__dril bu/__ming dbang rdor dril/__sngags byang*/__gnam lcags rdo rje rnams dang*/__g.yas phyogs su sman gyi pho brang g.yon phyogs su sgrub phur mdun ngos su thod pa'i nang zan kong sdong bu dgu btsug pa'i mar me/__de'i g.yas su khrus kyi bum pa nyer lnga'i bcud ldan chings dkar kha rgyan dang bcas pa/__g.yon du bam phyag len ltar bcas pa/__/gang bder nus dbang chas pusti/__phreng ba/__dung dkar/__phyag shing*/__khri gdugs sogs kyi tsaka li so so ba/__bza' btung 'gyed bde/__rgyab mdun gang bder zangs lcags snod du dmar gtor gnyis la 'khor gtor chung ngam theb kyu sum cu dang bco brgyad kyis bskor ba la 'dzom na dregs pa'i sde dpon dang dregs pa bco brgyad kyi gtso bo'i tsaka li btsugs pa la dar gdugs dang sha khrag gis brgyan pa dang*/__srung ma'i 'khor lo/__las phur/__thun rdzas ri rab me hom zor gtor rnams phyogs bsdus/__tshe 'brang*/__tshe ril chang*/__gsang thod/__bdud rtsi rig tsaka__/shel rdo rnams bkod legs su bkram/__lcags hom/__ling ga__/ral gri sogs nyer mkho rnams tshogs par bya/__mig dar me tog chu nan phyag shing las bum rnams dbang phal mo cher spyi 'gro yin pas logs su ma smos pas shes dgos/__'di yi dbang dpe pod/__ba)par bzhugs/__!__/de nas thog mar smin gling rdor sems thugs kyi sgrub pa la/__ras bris sam maN+Dal la tshom bu gcig pa'i steng khri'ur bum pa/__thod pa'i bdud rtsi/__sin+d+hu ra'i me long la chos 'byung lte bar mU~M yig bris pa dang shel rdo stegs ldan rnams brtsegs mar 'jog__!__/sa gter skor las rtsa gsum bde gshegs 'dus pa la ras bris/__many+dzi'i khar rnam bum dang thod pa'i bdud rtsi/__rig tsag__/rtsa gsum spyi 'gro'i gtor ma bcas/_!__/thugs chen sems nyid ngal gso la/__ras bris/__many+dzI khar rnam rgyal bum pa bcud ldan gyi khar b+hany+dza bdud rtsi'i gtams/__me long sin+d+hU ra la chos 'byung bsnol ma'i lte bar/__hrIHma/__ha ri ni sa/__ra tsa hri ya sa bon mjug sprod zhal sbyor gyi tshul du bkod pa dar dmar gyis bkab/__de steng rdo rje sems dpa'i me long rnams brtsegs mar bshams/__dkyil 'khor shar du khrus bum mgul chings dmar po/__lhor tshe bum/__tshe ril chang bcas/__nub tu thod par myong grol ril bu/__myos byed la sin+d+hU ra btab pas bkang zhing dar dmar bkab/__byang du dpal gtor dmar po dar gdugs rta mgrin gyi sku tsaka can dang*/__za ma tog ril bu'i bkang ba bum pa'i rgyab tu bzhag__/gzhan yang chu nan/__dbu rgyan/__rdo rje/__dril bu/__rdor dril bsnol ma/__lha tsaka yongs rdzogs/__sngags byang*/__me long rdo rje/__zhi chas/__sna tshogs rdo rje/__sgom dbang rten dkyil 'khor/__nyan dbang glegs bam/__sgrub dbang phreng ba bcas/__!__/phyi sgrub bar chad kun sel dbang rgyas pa 'dir mi bzhugs/__!__/'bring bsdus la ras bris sam tshom bu lha grangs many+dzi'i khar rnam bum dang thod pa'i bdud rtsi me long sin+d+hu ra'i thig le hrIHyig bris pa brtsegs mar bkod/__g.yas su gtor ma rin chen zur brgyad ma/__g.yon du gu ru'i sku tshab/__dbus sogs su lha tsaka tshang ba/__dbang phreng*/__me long*/__mtha' rten tshe dbang bskur na tshe bum tshe ril chang mda' dar bcas/__!__/thugs sgrub bla ma nor lha la dkyil 'khor ras bris sam tshom bu dbus su gtso 'khor dgu/__grwa bzhi dang sgo bzhir bzhi re bkod pa'i dbus steng khri'ur 'dzom na gzhung mthun bca' sgrub byas pa'i gter bum dang ma 'dzom na gtor ma gzhung mthun/__g.yas su rin po che'i snod du mngar gsum sbyar ba'i chang*/__g.yon du zas sna gos sna/__rgyab tu mda' dang*/__sku gsung thugs dbang sbyor na lha tsaka bcu bdun/__sngags byang*/__me long*/__rdzas rtags sna bdun bcas bkod/__!__/thugs sgrub rak+sha thod phreng la maN+Dal tshom bu dbus su gcig 'khor bcus bskor ba'i steng rnam bum/__mdun du dpal gtor/__sku tsaka__/sngags byang ngam thod phreng*/__phyag mtshan rdo rje thod pa'i tsaka li bcas/__!__/thugs sgrub sgrol ljang 'jigs pa kun sel la ras bris sam maN+Dal tshom bu nyer gcig pa'i dbus su rnam bum/__mdun du dbang gtor cog zlum dkar po rgyan ldan/__sku brnyan/__shel phreng*/__phyag mtshan ut+pal ljang gu rnams ji ltar bde ba bkod/__!__/nang sgrub yid bzhin nor bu'am bsam lhun dbang rgyas pa la ras bris stegs khar rnam bum thod chang me long sin+d+hu ra'i thig le lnga tshom baM ha ri ni sas mtshan pa gu ru'i sku 'bag rnams brtsegs/__lha tsaka__/sngags byang tshang ma/__me long*/__lha gnas thad kar dngos grub kyi rdzas bcu gsum dngos sam tsaka li/__rgyab ngos su bla ma'i gtor chen gong mtshungs rig tsaka mtha' rten tshe dbang bskur na de'i chas gong mtshungs rnams bkod/__!__/rtsa dbang 'bring po la dngos grub rdzas bcu gsum dang rig tsaka mi dgos gzhan dbang chen dang 'dra/__gtor chen mdun du bkod/__!__/gtor dbang la maN+Dal steng gtor chen kho na bzhag__!__/tshe dbang zung 'brel du byed na maN+Dal la de'i chas rnams bsgrig__!__/gter gsar 'khor ba dong sprugs la/__pad+ma 'dab brgyad lte bar hrIHdmar bris pa'i steng rnam bum thod chang me long hrIHdmar bris pa rnams brtsegs la dar dmar gyis bkab/__mdun du myang grol dbang ril bu bum pa/__rgyab tu dpal gtor rgyan ldan bzhag__!__/rgyud sde bzhi dang 'brel ba'i rje btsun sgrol ma la/__ras bris/__gtor ma dkar zlum/__many+dzi'i khar bum pa thod chang*/__me long la sin+d+hu rar sngags phreng gis bskor ba/__shel rdo/__dbu rgyan/__rdor dril/__sku tsaka__/sngags phreng*/__me long*/__bkra shis rdzas rtags sna bdun so sor phyogs bsdus bcas/__!__/rtsa gsum spyi 'dus la/__ras bris sam 'bru tshom gtso bo gsum/__de rgyab sgo ba bzhi bcas bkod pa'i steng du khri'ur rnam bum/__mdun du lha tsaka bzhi/__g.yas su gsang thod/__g.yon du shel rdo me long dbang phreng*/__rgyab tu tshe 'brang*/__tshe ril chang mda' dar bcas bkod/__!__/rtsa gsum sgyu 'phrul drwa ba la/__ras bris/__de steng khri'u la gter bum mam ma 'byor na/__bum pa nyer lnga'i rdzas ldan chings ser kha rgyan can bkod/__dbus su gtso bo'i sku rten/__g.yas su sngags byang gser bris/__rgyab tu phyag mtshan bi dza pu ra dang 'bras snye/__g.yon du rin chen dar gos dang*/__bkra shis rdzas rtags zas sna tshogs/__gtor ma rin chen 'bar ba'i dbyibs can ser po/__dar gdugs ser pos spras shing zas sna bzang pos bskor ba bcas/__!__/yang gter rtsa gsum dril sgrub la stegs bur me tog sil ma bkram pa'i dbus su bla gtor dmar zlum rgyan ldan dar gdugs bcas pa/__mdun du tshe 'brang*/__g.yas g.yon tshe ril chang bcas/__!__/nyi ma seng ge'i pad+ma rgyal po la/__sta gon rdzas bzhi/__dkyil 'khor ras bris steng rnam bum chings dmar can gyi khar thod chang sin+d+hu ra'i me long la yig bdun bris pas bkab/__de'i steng 'phrul stegs la bla ma'i gtor chen/__mdun sogs su myong grol ril bum/__dbu rgyan/__rdor dril ming dbang*/__lha tsaka tshang ba/__phreng dmar/__me long*/__rgya gram bcas bkod/__!__/don dbang la/__dkyil 'khor dbus su bum pa/__g.yas g.yon du ril bum dang*/__bla gtor/__mdun du thod chang dang me long bzhag__/rtsa dbang dang sbrel skabs bsham bkod zur du mi dgos/__!__/de'i tshe dbang la dkyil 'khor ram tshom bu dmar po lha grangs kyi dbus su rnam bum chings dmar tshe rdzas kyi bcud ldan/__g.yas su tshe ril/__g.yon du tshe chang*/__mdun du tshe 'brang*/__rgyab tu tshe mda' bkod la gzungs thag gis sbrel/__!__/rgya lo tsA'i bla ma bstan gnyis skor gsum rtsa dbang la/__dkyil 'khor ras bris dbus rnam bum/__de'i don dbang la/__ras bris sam tshom bu lha grangs steng rnam bum/__g.yas g.yon du gsang thod/__rig tsaka__/shel rdo/__mdun rgyab gang bder tshe 'brang*/__tshe ril chang*/__mda' dar/__dbang phreng bkod/__!__/rong zom chos bzang mkha' 'gro ma rig byed rtsal la dkyil 'khor ram tshom bu gtso 'khor lnga pa'i steng bum pa chings dmar dbang gi ril bu'i rdzas ldan khar b+han+d+ha bdud rtsis bkang ba la/__sin+d+hu ra'i me long chos 'byung gi dbus hrIHdang phyogs bzhir ha ri ni sa bris pas bkab/__dar dmar gyi gur phub/__!__/o rgyan gling pa'i bka' 'dus don dbang la/__ras bris steng dbus 'bru lnga*/__shar sman lnga/__lhor rin chen lnga/__nub dri lnga/__byang snying po lnga rnams kyi bum pa snod gcig tu bzhag pa/__mdun du zhi ba rdor 'chang dang*/__gtso bo nyer gcig gi tsaka li/__bgrang phreng*/__g.yas su sha lnga bdud rtsi lnga so sor sbyar ba'i thod pa lnga snod gcig tu bzhag pa/__g.yon du rig ma'i gzugs dkar ser dmar ljang mthing lnga/__'ja' shel/__rgyab phyogs su dpal gtor rgyan ldan bzhag__/bsdu na bum thod rig tsaka rnams gcig la bsdu zhing lha dbang la sbyar yang chog__!__/mkha' 'gro gsang ba kun 'dus rtsa dbang la/__dkyil 'khor ras bris dbus many+dzi'i khar thod pa mtshan ldan chang la bdud rtsi lnga sbyar bas bkang ba'i khar/__sin+d+hu ra'i me long la chos 'byung bsnol ma'i lte bar ba~M/__mtha' bskor du thugs gsung sku'i sngags rim pa gsum du bskor bas bkab pa'i steng du shel rdo/__mdun du gtso 'khor so bdun gyi lha tsaka__/phyogs gang bder gsang dbang thod pa'i bdud rtsi/__dpal 'bar/__me long gsal ba/__gtso mo'i sku tsaka__/mda' gzhu/__mar me/__rig tsaka rnams dang rjes gnang chas/__phreng ba/__dung*/__glegs bam/__dur khrod chas brgyad sha lnga bdud rtsi lnga'i ril bu thod chang du blugs pa'am ma 'dzom na gzugs brnyan bris pa bcas bkod/__bka' srung bka' gtad la gtor ma zur gsum gtso 'khor gsum pa dar gdugs can yang bkod/__!__/gtor dbang la gtor ma gzhung gsal sku tsaka dar gdugs kyis brgyan pa dkyil 'khor kyi dbus su bkod/__snga ma'i zhar byung byed na dkyil 'khor rgyab phyogs lta bur bzhag__/gnyis ka la'ang slob ma la sbyin rgyu zas sna dang thod chang lhan cig tu bkod do/__!__/rdo rje mkha' 'gro'i tshe sgrub sogs bzhi la/__'dzom na ras bris dkyil 'khor/__ma 'dzom na mkha' 'gro bzhi la rim bzhin tshom bu lha mdog bkod pa'i steng so so'i dbang rdzas bsham dgos pas/__'di la tshom bu dkar po gcig__/de steng tshe 'brang*/__g.yas g.yon du tshe ril chang dang mda' dar bkod/__!__/rin chen mkha' 'gro'i nor sgrub la/__gtor ma rin chen 'bar ba'i dbyibs can nor bu mig gsum mang pos mdzes par bskor ba rgyan spros dar gdugs ser po can/__g.yas su thod pa'i bdud rtsi/__g.yon du thod pa mtshan ldan 'khor lo gzhung gsal dang g.yang rdzas sna tshogs pas bkang ba bzhag__!__/pad+ma mkha' 'gro'i dbang sdud la/__sku rten bris sku/__gsung rten srog 'khor/__thugs rten b+han+d+har dbang gi ril bus bkang ba rnams gzhung mthun byas la g.yas g.yon mdun gsum du bkod/__dbang gi me thab/__yam shing*/__mar khu/__mngar gsum la rdzas sbyar gyi ril bu/__me tog dmar po chang gis sbags pa/__lan tshwa bcas sreg rdzas rnams dang*/__dgang blugs/__gser skyems mchod pa bcas 'du bya/__!__/las kyi mkha' 'gro'i zor dbang la/__zangs lcags kyi snod du zor gtor khro mo'i zhal can gtor chung lha grangs nyer gnyis kyis bskor ba/__de rgyab zor kong zur gsum brgyad la/__shar du yungs kar/__lhor rtsang*/__nub tu dug__/byang du rdo/__shar lhor me/__lho nub dug khrag__/nub byang mda'/__byang shar phung sa'i zor rnams bkod/__'tshe nyungs sha khrag gis brgyan cing*/__dar nag gi gdugs phub la/__g.yas g.yon du/__sngags byang dang*/__gnam lcags rdo rje bzhag__/phyag rgya bzhi'i chas/__hom dang ling+ga/__byad thag__/dug khrag__/bsgral phur/__rtse gsum/__gri gug__/thod ngan du khrag thun sbyar ba rnams nye bar bsdog go/__!__/dag snang drang srong dri med la maN+Dal pad 'dab bzhi tshom bu gcig pa'i khar rnam bum/__sku tsaka__/g.yas su tshe ril/__g.yon du tshe chang*/__mdun du 'bul gtor dkar zlum shing tog dkar mngar gyis brgyan pa/__!__/ra mo shel sman gyi yang gter rdo rje bdud rtsi'i bla ma'i gtor dbang la maN+Dal tshom bu dkar po gcig bkod pa'i steng many+dzi'i khar bla gtor rin chen 'bar ba sku tsaka dar gdugs bcas bkod/__!__/rdo rje bdud rtsi'i dbang la sta gon rdzas bzhi dkyil 'khor bkram pa'i dbus su rnam bum chings ljang can gyi khar thod pa bdud rtsis bkang ba la sin+d+hu ra'i me long dga' 'khyil ba~M yig gis mtshan pas bkab la dar gur dbub/__mdun sogs su dbu rgyan/__rdo rje'i dril bu/__rdor dril/__thod chang rnams dang*/__shar du khrus bum/__lhor bdug pa/__nub tu ma da na btab pa'i chang*/__byang du thod par bdud rtsi ril bu bcas sngar nas so so'i sgrub pa thems pa can bkod/__sin+d+hu ra dang zhun mar dgang blugs dung dkar dril bu glegs bam rnams kyang bsdog__!__/dpal rdo rje bdud rtsi yan lag lha gsum gyi rjes gnang rtsa dbang dang sbrel skabs bca' bsham logs su mi dgos/__!__/gter bdag sngags srung ma'i srog gtad la chos 'byung 'khor lo mthing nag rtsibs bzhi pa/__me ri phrag mtshos bskor ba'i lte bar thig le mthing nag rtsibs bzhi dkar ser dmar ljang bkod pa'i tshom bu gtso 'khor lnga pa'i steng du rten gtor sku gzugs dar gdugs kyis spras pa dang sngags byang bkod/__!__/sman bla longs sku'i gtor dbang la 'bru tshom lnga'i steng dpal gtor/__g.yas g.yon du dkar gtor dmar gtor bcas so/__!__/o rgyan dri med kun dga'i yang gter rgyal ba rgya mtsho la/__sta gon rdzas bzhi/__dkyil 'khor ras bris sam 'bru tshom lha grangs dbus su khri'u'i khar thod pa mtshan ldan myang grol ril bus phyur bur bkang ba dar dmar gyis bkab pa'i steng*/__sin+d+hu ra'i me long sngags byang bris pa bzhag mdun sogs phyogs mtshams rnams su rnam bum/__dbu rgyan/__rdor dril/__gtso 'khor rnams kyi lha tsaka dgu/__sngags byang phreng dmar/__me long*/__dar dang rin po che'i rgyan/__sna tshogs rdo rje/__glegs bam/__phrin las bzhi'i 'brang rgyas snod gcig bsdus/__gsang thod/__rig tsaka rnams bkod/__ril bu dang byang sems dkar dmar sin+d+hu ra rnams sbyar ba'i thig le bkod rgyu dang*/__mgul la btags rgyu myang grol thum bu slob ma'i grangs mnyam sogs bsdog go/__!__/dri med thugs sgrub yid bzhin nor bu la/__dkyil 'khor dbus su bum pa ching sngon can/__mdun du lha tsaka brgyad/__g.yas g.yon du bla ma'i sku 'bag dang gtor ma rin chen zur brgyad/__gsang thod/__rig tsaka__/dbang phreng*/__me long rdo rje/__tshe 'brang*/__tshe ril chang bcas bkod/__!__/yang gter bla ma bde mchog 'khor lo la dkyil 'khor ras bris sam maN+Dal la tshom bu dmar po gcig bkod pa'i khar many+dzi'i steng bum pa so lnga'i bcud ldan mgul chings dmar po kha rgyan dang bcas pa bkod/__mdun du gtso 'khor lha tsaka bdun/__dbang phreng dmar po/__me long*/__rgyab tu gsang dbang thod chang dang rig tsaka__/g.yas su sman gyi pho brang chas ldan/__g.yon du tshe 'brang dang thod snod du tshe chang*/__tshe ril rnams bkod/__!__/zhi byed skor bdun la thun mong du/__maN+Dal pad+ma 'dab brgyad tshom bu dkar po can gyi steng du bum pa chings dkar nyer lnga'i bcud ldan/__'dun rgyab gang bder zlum gtor dar gdugs dkar pos spras pa/__so so'i sku tsaka dang*/__phyag mtshan/__shel phreng*/__dar dang rin po che'i rgyan/__rdzas brgyad bcas/__skor bdun dus gcig sgrub bskur byed na de 'dra tshar bdun bsham/__mi 'dra ba'i khyad par dang po spyan ma la ril bu tshad ldan bsgrubs pa'am med na a ru ra slob ma'i grangs mnyam dang khrus chas/__!__/gnyis pa lo ma can la de'i sman ril lam/__spru nag shu dag gu gul la sngags btab pa/__!__/gsum pa 'od zer can ma la sing ldeng dbyug pa rdo rje tog can/__!__/bzhi pa gtsug tor la phur bu byad dkrol chas/__tshon skud/__gri gsar pa/__yungs dkar/__me hom/__khrus chas/__glud gtor sogs bsdog__!__/lnga pa sher phyin dkar mor bsgrubs pa'i sman mar ram/__shu dag dkar po sngags bzlas/__!__/drug pa sgrol dkar la/__phyag rgya bcings pas chog__!__/bdun pa rma bya chen mor/__tshe 'brang ril chang rnams bkod/__'chi bslu'i glud changs bu bcas pa dang khrus chas kyang nyer bsdogs bya'o/__!__/bal po AHhU~M dzaM nag la dkyil 'khor ram tshom bu gtso 'khor dgu/__de rgyab bzhi bkod pa'i dbus su thugs rten thod pa dum gsum nyer lnga sogs kyi bcud ldan nang gsung rten srog 'khor dar gyis dril ba'i rgyab tu sku rten bcas bzhugs/__steng du bum pa chings sngon can/__g.yas su rin chen snod du gtor ma rin chen 'bar ba zas sna bcas/__g.yon du rin chen dar gos/__g.yang rdzas sna tshogs/__rgyab tu mda' dar/__tshe 'brang*/__ril chang*/__rdzas rtags rgyal srid bcas bzhag__!__/mnga' bdag mol mi 'khyil gyi rta mgrin dpa' gcig la maN+Dal tshom bu dmar po gcig gi steng seng ldeng dbyug to thod skam rdo rjes mtshan pa gzungs ldan/__g.yas g.yon du me zhags dang me long*/__dpal 'bar dmar po rtse gsum bcas/__!__/g.yag phyar sngon mo'i sgrol ljang la maN+Dal tshom bu ljang gu gcig bkod pa'i steng many+dzi la bum pa nyer lnga'i rdzas dang chings ljang can/__mdun du dbang gtor dkar zlum/__sku tsaka__/sngags phreng*/__ut+pal ljang gu'i tsaka li bcas bkod/__!__/dbu ru ston shAka kyi rdo rje me 'bar la/__maN+Dal tshom bu sngo nag gcig pa'i steng rnam bum/__mdun du gtso 'khor bzhi'i tsaka li/__g.yas su rak+sha'i phreng ba/__g.yon du dpal gtor dar gdugs bcas/__!__/bka' brgyad dregs pa kun 'dul la/__ras bris steng many+dzi la bum pa rdzas so lnga can/__shar du dpal gtor gtso 'khor dgu dang sman rag__/dpal gyi lha tsaka tshang ba/__lhor dbu rgyan/__nub tu rdor dril/__dur khrod dpal chas/__byang du thod chang*/__rig tsaka__/shel rdo/__las phur bcas/__!__/phag dkar ye shes 'khor lo la/__sku mtshan ma'i dkyil 'khor gzhung mthun bris pa'am/__maN+Dal la me tog dkar po'i tshom bu gcig bkod pa'i steng khri'u la gsung bdud rtsi'i dkyil 'khor ka pA la a mr-i ta'i bcud ldan gyi khar/__thugs me long la sin+d+hu ra brdal bar chos 'byung bsnol ma'i dbus su hrIHgru bzhir dga' 'khyil re re bris pas dgab/__mdun du sku tsaka__/shel phreng*/__kha T+wA~M/__sgrub yig__/sna tshogs rdo rje dang bdud rtsi/__g.yas su thod pa mtshan ldan gzhung mthun tshe ril gyis bkang ba'i kha dar dmar gyis bkab pa dang tshe 'brang dkar mngar bza' btung*/__g.yon du bdud rtsi ril bus bkang ba'i sman gyi pho brang*/__skong chog dbang rten mar me rnams bkod/__!__/mi 'gyur las gling pad+ma gtum po la tshom bu gcig steng bum pa chings dmar kha rgyan sku tsaka gis brgyan pa/__mdun du dpal gtor/__g.yas su me long la bsnyen sngags mtshal bris can/__g.yon du rdo rje/__rgyab tu lcags kyu phur pa rnams bsham/__bsgral dbang byed na ling ga gdab phur sogs kyang bsdog__!__/ra zhi pad 'dzin khyung khra la dkyil 'khor ram tshom bu gtso 'khor lnga pa'i steng rnam bum/__g.yas su thod chang*/__g.yon du me long*/__rgyab tu khyung lnga'i ril bu slob ma'i grangs mnyam sbyin rgyu dang rke la 'dogs rgyu'i thum po bcas/__!__/gter ston dbon gsas khyung thog rtsal gyi yang gter/__rdzogs chen kun bzang snying thig las/__tshe sgrub ye shes srog tig gi dbang la dkyil 'khor ram maN+Dal tshom bu dmar po gcig bkod pa'i khar many+dzi la bum pa nyer lnga'i bcud dang chas ldan/__mdun du tshe 'brang*/__g.yas su tshe ril/__g.yon du tshe chang*/__rgyab tu mda' dar bcas bkod/__!__/rta'u rog rje gling pa'i rta mgrin yid bzhin 'bar ba'i tshe sgrub gsang ba rmad byung la/__zhi dkyil lam maN+Dal pad+ma 'dab brgyad lte bar sku'am tshe bum bris pa'i dbus su many+dzi'i khar bum pa nyer lnga'i bcud ldan mgul chings dmar po kha rgyan bcas/__mdun du dpal gtor rta mgrin gyi sku tsaka btsugs pa/__bum pa'i g.yas g.yon du tshe ril/__tshe chang*/__gtor ma'i g.yas g.yon du phreng ba/__rdo rje bzhag__!__/nyang gter mtsho skyes rdo rje la/__ras bris kyi dkyil 'khor ram ma 'dzom na maN+Dal la 'bru dkar gyi tshom bu lha grangs bkod pa'i dbus su many+dzi la rin po che'i bum pa chas bcud ldan pa'i khar thod pa bdud rtsis gang bar gzhung gsal tshe rdzas sum cu'i ril bu gtab pa'i khar me long la sin+d+hu ras chos 'byung gnyis brtsegs kyi dbus su hrIHla rtsa sngags dang badz+ra gu rus bskor ba dang*/__chos 'byung gi zur drug la g.yung drung re bris pas bkab pa'i steng du dar dmar po'i gur phub pa la gzungs thag rdo rje btags pa dang de'i g.yas su tshe rgyas rin po che zur brgyad pa'i rnam pa can ril bus bskor ba dang*/__g.yon du dpal gtor rin po che 'bar ba'i rnam pa can pad+ma 'dab bzhis bskor ba rnams bkod/__dbang bskur ba'i 'khor lo gzhung gsal bris nas bltebs chings g.yogs bcas byas pa 'dzom na slob ma'i grangs mnyam pa dbus kyi bum pa la brten te dgod/__gzhan yang tshe ril chang*/__tshe mda'/__bkra shis rdzas brgyad rnams kyang dgod/__!__/nyang gter thugs rje chen po 'gro 'dul la/__sta gon rdzas bzhi/__khrus dbang la maN+Dal me tog gi tshom bu bkod pa'i khar bum pa dri chab nyer lnga'i rdzas dang chu shel gyi bcud ldan mgul chings dkar po kha rgyan rigs lnga'i phyag mtshan dang bcas pa bkod/__bkra shis rtags brgyad/__rgyal po sogs rin chen brgyad kyi tsaka li'ang bzhag__/dngos bzhi ras bris kyi dkyil 'khor bkram pa'i dbus su khri'u rnam bum nyer lnga'i rdzas dang chings dkar can bzhag__/de'i khar thod pa mtshan ldan chang dang a mr-i tas bkang ba'i steng me long la mtshal lam sin+d+hu ras yig drug bris pas bkab/__nang dbang rdzas/__dbu rgyan/__cod pan/__rdo rje/__dril bu/__shel phreng*/__sba lcags tshigs gsum/__khyad par rdzas/__lha tsaka nyer gnyis/__dngul gyis bris pa'i yig drug__/pusti/__khri gdugs tsaka li rnams ci bder bkod/__phrin las bzhi'i dbang rdzas shar du dngul bum nang dri sman rin po che chu sna 'o mas bkang ba chu shel dang bcas pa/__mgul chings dkar po kha rgyan me long ldan pa/__lhor tshogs gtor/__dkar gsum/__mngar gsum khur ba/__sha btsos sregs rlon pa dang bcas pa/__nub tu zangs gzhong du dbang gtor zla gam dmar po rgya skyeg dang sin+d+hu ras byugs shig chang dang sman sna bcas pa/__byang du zangs sam seng ldeng phur pa rta zhal can/__mdun ngos su tshe bum mgul chings dmar po dri chab dang so lngas bkang ba'i khar tshe'i 'brang rgyas bzhag pa dang tshe ril tshe chang*/__rgyab tu sman gyi pho brang rnams kyang de dag gi dbang bskur ched du bkod/__las byang nas bshad pa'i las bzhi'i 'bul gtor sogs tshogs par bya'o/__!__/sprul sku ra shag chen po'i ma mo sgang shar la sta gon rdzas bzhi dang mchod pa lnga*/__ras bris kyi dkyil 'khor steng phyogs bzhi dbus lngar thod pa chang gis bkang ba lnga'i nang du bdud rtsi lnga'i ril bu so so yod na dbang gzhung ltar so sor btab/__med na thams cad la chos sman btab pa bkod/__mdun du gtso 'khor bdun cu rtsa drug gi lha tsaka tshang ba/__phyag mtshan/__thod pa'i bdud rtsi/__sha chen/__thod rnga/__mda' gzhu/__phur pa/__ral gri mtshon cha'i 'khor lo rnams dngos sam phyogs bsdus kyi tsaka li/__g.yas su dbu rgyan cod pan rgyab tu rdo rje rtse dgu/__de'i g.yon du dril bu/__bar mtshams su gsang thod mngar gsum sman sbyar/__rig tsaka__/dur khrod chas tsaka__/rjes gnang me long*/__ral gri nas 'khor lo'i bar phyag mtshan lnga*/__rkang gling bcas bzhag go/__!__/byang gling kun bzang thugs gter gyi bla sgrub rtsa dbang la/__sta gon rdzas bzhi/__til sbyong*/__dkyil 'khor ras bris sam tshom bu dbus su gcig__/de rgyab brgyad rim bzhi/__de rgyab phyogs bzhir bzhi bkod pa'i dbus su rnam bum chings sngon/__dbu rgyan/__rdo rje/__dril bu/__rdor dril/__slob dpon dbang chas dung 'khor lo sogs mdor bsdus/__gsang thod/__me long sin+d+hu ra'i thig le can/__kha T+wA~M DAr dril bcas bkod/__!__/don dbang la tshom bu'i steng bla gtor/__g.yas g.yon du thod pa'i bdud rtsi/__sin+d+hu ra'i me long bcas/__!__/rtsa dbang mjug gi spu gri mched gsum dmar gtor gsum dar gdugs can/__dam can gtor ma mkhar thabs can spyi 'gro bkod/__!__/byang gling zhi khro phur gsum la/__sta gon rdzas bzhi/__mchod pa bzhi bsnol/__dkyil 'khor ram tshom bu dbus dang mdun du che chung gnyis bkod pa'i steng many+dzi'i khar 'bru snod du yang dag thod sku/__de'i g.yas g.yon du ru lu'i sngags byang*/__mar me rnams bkod/__de steng 'phrul stegs la rnam bum so lnga'i bcud ldan chings sngon kha rgyan bcas/__mtha' bskor du/__zhi ba'i phan dbang chas la/__kun bzang yab yum/__zhi lha tshang ba'am rigs lnga yab yum/__dpa' bo 'bru lnga/__dbu rgyan/__rnam bum/__rin chen phreng*/__dar dmar mthing cod pan/__rdo rje'i go khrab rgyal mtshan/__gdugs/__bza' bca' btung ba rnams dang*/__nus dbang chas glegs bam/__phreng ba/__rgya gram/__dung phyag shing*/__'khor lo/__rigs lnga'i phyag mtshan phyogs bsdus/__khro dbang chas thod skam dbu rgyan/__rdor dril/__kha T+wA~M rnge'u chung*/__thod khrag__/rgyu zhags/__khyung*/__khrag zhag thal gsum/__thod pa tshar gsum/__sbrul chun/__glang zhing stag lpags/__rdo rje'i gshog pa/__ral mthing*/__me phung*/__khrag 'thung rigs lnga/__thod pa bdud rtsi lngas bkang ba/__mdun du sras mchog__/phur bu/__nyungs gur rak+ta/__phreng ba dang 'dod yon lnga/__lcags kyu zhags pa ral gri mnan sreg 'phang chas/__rigs lnga'i phyag mtshan dril bu bcas phyogs bsdus/__rgyab sogs su gsang thod/__rig tsaka mgon po dang lha mo'i gtor ma dar gdugs mthing nag can bkod/__!__/de'i cha lag tshe sgrub sman mar gyi dbang la/__dkyil 'khor ci rigs dbus bum pa'i khar thod pa bcud len sman mar ril bus bkang ba kha rdo rje rgya gram gyis bcad pa bzhag go/__!__/gru gu yang dbang rta mgrin dregs pa kun sgrol la/__dkyil 'khor steng phur bu rta zhal can/__yungs kar dang cod pan gdags pa phur stegs la gzug__/de steng 'phrul stegs la bum pa chings dmar kha rgyan la gtso bo yab yum dang khyung tsaka bcas pa/__de steng thod pa'i bdud rtsi dar dmar gyi khebs ldan/__mdun sogs su lha tsaka cha tshang*/__rigs lnga'i dbu rgyan/__rig tsaka__/bud+d+ha he ru ka__/'bru gsum dkar dmar mthing gsum/__me long*/__shel rdo me phung*/__dur khrod chas so so ba/__rdzas rgod dong bu/__rdor dril/__thod rnga/__rkang gling*/__sman raka gtor gsum/__gzhung pod bcas/__!__/dregs pa bco brgyad rjes gnang la/__dkyil 'khor dbus su stegs bur dpal chen po'i sku dang bum pa/__shar du dpal gtor/__lhor rwa srung*/__nub tu mthing shog la sngags byang li khris bris pa/__byang du phur pa khro zhal can/__rigs lnga'i dbu rgyan dang me tog phreng ba/__dregs pa bco brgyad kyi sku tsaka__/gtor chung zur gsum de grangs/__dregs pa'i gtor chen kyang gzhi mdun bkod/__!__/rdor gling bla ma bka' brgyad 'dus pa la/__so shing*/__srung skud sna lnga/__ku sha rnams bsdogs/__dkyil 'khor sgo rdzogs sam bla ma'i pho brang gnam 'bab ma'i maN+Dal gyi dbus su rnam rgyal bum pa'i kha rgyan la thod phreng rtsal dang rta phag yab yum gyi sku tsaka gis brgyan pa dang*/__de mnyam thod phreng sde lnga dang mkha' 'gro rigs lnga yab yum phyogs bsdus kyi tsakli bzhag__/de ltar 'phrul stegs la b+han d+ha mtshan bzang dum gcig pa 'bru sman gyis bkang ba'i nang du gsang 'dus yab yum gyi sku bzhag__/de steng many+dzi la gtor ma rin chen zur brgyad dar gdugs kyis spras pa bkod/__shar du dpal gtor gu ru za hor ma'i sku/__lhor thod pa'i snod du dpal gtor dang*/__blo ldan mchog sred/__nub tu rma bya'i sgro/__mar me/__nyi ma 'od zer/__byang du ka pA' la chang gis bkang ba/__me long dang*/__seng ge sgra sgrog__/shar lhor thod chang dang pad+ma sam+b+ha/__lho nub tu me long dang pad+ma rgyal po/__/nub byang du rdor dril dang shAkya seng ge/__/byang shar du seng ldeng phur pa/__o rgyan dang*/__rdo rje gro lod rnams kyi sku tsaka__/mdun du me long*/__gtor ma la sku tsaka dar gdugs can dang*/__phur pa/__ral gri rnams bzhag__/gzhan gang bder gsang rdzas thod chang*/__rig tsaka__/chos bka' 'di nyid kyi glegs bam dang cod pan/__mar me/__bur chang*/__pad+ma 'dab drug steng mchod rten bang rim dgu pa/__rgyal srid dang rtags brgyad so sor bris pa rnams kyang bkod/__shar du chu gnyis nyer spyod/__lhor drag mchod/__nub tu sman gtor rak+ta/__byang du tshogs kyi yo byad rnams bsham/__!__/don dbang la dkyil 'khor dbus khri'u'i steng rnam bum mgul chings bcud dang ldan pa'i khar thod pa bdud rtsi la a mr-i tas bkang ba bzhag la me long sin+d+hu ra'i thig le lnga tshom gyis brgyan pas bkab/__de steng shel rdo dang gu ru'i sku tshab bzhugs su gsol/__mdun rgyab gang bder gtor ma rin chen zur brgyad sku tsaka dar gdugs kyis brgyan pa bkod/__!__/rdor gling hU~M skor snying thig gi pho sgrub dang 'brel ba bum pa'i dbang la/__maN+Dal pad+ma 'dab bzhi 'ja' ris mu khyud lnga ldan gyis bskor ba'i dbus su bum pa so lnga'i rdzas dang bcud ldan mgul chings dkar po kha rgyan gyis spras pa/__pad 'dab shar du ting phor chus bkang ba/__lhor sa gru bzhi/__nub tu mar me/__byang du rlung g.yab rnams bzhag__/de'i rgyab phyogs bla ma'i gtor chen bsham/__sngon 'gro sbyin sreg la zhi ba'i me thab spyi 'gre bris pa'am thab stegs dkar zlum 'bru tshom dkar po gtso 'khor lnga bkod pa'i khar bud shing zlum por brtsigs/__slob dpon gyi g.yon phyogs su 'bul gtor dkar zlum dang sman raka chu gnyis nyer spyod/__g.yas phyogs su ba lu sogs kyi yam shing bdun nam nyer gcig__/mar khu/__til dang yungs kar rnams bkod/__!__/gnyis pa zung 'jug dang 'brel bar gsang dbang la/__dkyil 'khor sgo rdzogs sam phyogs mdog gi thig le lnga tshom re re bzhin 'ja' ris kyi mu khyud lnga dang mtha' bskor mu khyud 'ja' ris sna lngas bskor ba'i dbus su/__bum pa so lnga dang sbrang chang gi bcud ldan kha rgyan mgul chings dkar pos spras pa/__shar du rdo rje/__lhor rin chen 'bar ba/__nub tu pad+ma/__byang du ral gri rnams dang*/__rigs lnga yab yum gyi tsaka li/__bgrang phreng*/__dbyangs gsal dang*/__'khor ba dong sprugs kyi sngags byang rnams bzhag__/rgyab phyogs su yi dam gyi gtor chen bsham/__!__/gsum pa mo sgrub dang 'brel bar sher dbang la/__maN+Dal pad+ma 'dab bzhi'i steng du thod pa'i bdud rtsi chos sman mngar gsum sbyar ba dang rdor dril/__rta mgrin he ru ka'i sku tsaka dang rgyab ngos mkha' 'gro'i gtor ma bsham/__!__/bzhi pa tshig dbang la/__dkyil 'khor 'ja' ris kyi thig le nyi shu rtsa lnga'i mthar mu khyud 'ja' tshon gyis bskor ba'i dbus su shel rdo dang rma bya'i mdongs bzhag__!__/lnga pa gdams gtad dbang la bsham bkod zur du mi dgos/__bum pa sogs dbang chas rnams snod gcig tu bsdu dgos pa dang gzhung pod glegs bam gtod rgyur 'jog__!__/rin chen gling pa'i rdzogs chen chig chod kun grol ni mtshan ma'i dbang rdzas la mi ltos kyang mtshon byed tsam du maN+Dal pad+ma 'dab brgyad mdzes tshon 'ja' ris sna lngas bskor ba'i dbus su khri'u'i steng rin po che'i bum pa lnga tshan lnga'i bcud dang mgul chings mthing ga__/kha rgyan shing lo me tog 'bras bu dang bcas pa gzug__/mdun du me long g.ya' med pa'i steng shel sgong zur brgyad dang rma bya'i sgro mdongs bzhag__!__/mnga' ris grub chen gyi yig drug gsol 'debs kyi rig gtad la maN+Dal pad+ma 'dab ma drug pa'i steng khri'ur 'gro 'dul sku brnyan/__'dab drug la ma Ni 'bru drug gi tsaka li/__g.yas su bum pa chings dkar/__g.yon du shel phreng dang pad dkar tsaka li bkod/__!__/'gro 'dul las 'phro gling pa'i thugs chen don gsal sgron me la dbang gi rnams grangs bdun las/__dang po khrus dbang la/__stegs bu'i dbus su rnam bum mgul chings dkar po dang las bum dmar po can/__nyer lnga'i bcud ldan kha rgyan gyis spras pa bzhag__/gnyis pa bgegs sbyong sta gon dbang la/__dkyil 'khor gzhung gsal gyi dbus dang phyogs bzhir dpal gtor lnga la bud+d+ha sogs rta mgrin rigs lnga'i tsaka li btsugs pa dang*/__shar du dbang bum/__byang du khrus bum bkod/__phyi mchod bskor bsham/__dpung skud tshon sna lnga bsgrim mam gang 'byor/__ku sha'i chun po/__lcags snod du me thab gru gsum mthing nag me ris bskor ba'i steng du skyer pa sogs drag shing gru gsum du brtsegs pa/__mchod rdzas sman raka gtor ma/__me rdzas dug khrag mu zi gu gul nag po rta sbang phye rnams mar nag gam a rag gis ngar btags pa dang*/__spyi mthun nyer mkho'i yo byad du bya/__gsum pa bum dbang la/__dkyil 'khor gzhung gsal dbus khri'u'i steng rnam rgyal bum pa so lnga'i bcud ldan mgul chings can gyi khar 'od dpag med dang spyan ras gzigs rigs lnga'i tsaka li bkod/__shar du rdor dril/__lhor dbang gtor/__nub tu thod khrag__/byang du sman thod/__pad 'dab brgyad la zhal zas brgyad bkod pa la shar du lha dbang sogs thub drug tsaka li g.yas bskor du btsugs/__byang dang byang shar gnyis la mi dgos/__sgo bzhir dpal gtor bzhi la rnam rgyal/__gshin rje/__rta mgrin/__'khyil ba bzhi'i tsaka li btsugs/__rgyal srid dang rtags brgyad so so ba/__'di'i rgyal srid la 'khor lo'i tshab tu rgyal po rin chen phyag na gser 'khor bsnams pa dgos/__'di mtshungs rdor gling sogs gter rnying gzhan la'ang snang bas dkyus 'gres khyad gsod mi rung ba 'dra/__byang du dam chu/__shar du khrus bum bcas bsham/__bzhi pa gsang dbang la/__dkyil 'khor dbus many+dzi'i steng rnam bum du so lnga'i rdzas la yig bdun bzlas pas byin gyis brlabs pa'i bcud ldan mgul chings dkar po kha rgyan ldan pa dang*/__oM dkar po la yig drug gis bskor ba'i gsung dkyil bkod/__de rgyab 'dab bzhi'i shar nas brtsam hU~M sngon po/__trA~M ser po/__hrIHdmar po/__AHljang gu bzhi la re re bzhin yig drug gis bskor ba'i gsung dkyil bzhi bkod/__yig drug kyang oM dkar po sogs thub drug so so'i sku mdog ltar bri bar gsungs pa grub na legs/__de rgyab 'dab brgyad la phyogs bzhir bum pa mthing ser dmar ljang gi dar chings can byang sems dkar po dang*/__dkar gsum bcud ldan/__mtshams gzhir thod pa mtshan ldan bzhi chang dang byang sems dmar po mngar gsum sbyar bas bkang ba bzhag__/lnga pa shes rab ye shes kyi dbang*/__dkyil 'khor gzhung mthun bris pa'i zla gam dkar po la/__pho thod nang 'khor lo rtsibs bzhi'i dbus dang rtsibs la rigs lnga'i sa bon bris pa'i nang du byang sems dkar po dang dkar gsum byugs la dar dkar gyis bkab pa bzhag__/zla gam dmar por mo thod nang pad+ma 'dab bzhi'i dbus dang 'dab lngar yab yum lnga'i sa bon bris pa'i nang du byang sems dmar po dang mngar gsum blugs la dar dmar gyis bkab pa bzhag__/de rgyab 'dab bzhi'i shar du rnam bum/__lhor dbu rgyan/__nub tu dbang gtor/__byang du rdor dril dang khrus bum/__gzhan yang dpa' bo dang rig ma'i tsaka li 'du bya/__drug pa tshig dbang rin po che la/__dkyil 'khor dbus dang phyogs bzhir mchod rten dkar mthing ser dmar ljang gu lnga dang me long re re bzhag__/bdun pa rig pa'i rtsal dbang la/__dkyil 'khor dbus su spyan ras gzigs kyi sku rin po che las grub pa bzhag__/mthar dar kha dog lnga so sor bting ba'i steng du kha dog sna tshogs pa'i snod rnams su chu la tshon gyis kha dog bsgyur ba lta bu'i bcud kyang de mtshungs blugs pa dang*/__shel rdo me long bkod/__!__/mchog ldan mgon po'i gnyen po lha lnga la dkyil 'khor ras bris sam tshom bu gcig pa'i steng du bum pa chings nag can/__mdun du lha lnga'i tsaka li dang rta mgo ljang zhur rngog ma dmar ser mar zan la bcos pa/__g.yas su khyung lnga'i ril bu dang thod phreng*/__rgyab tu tshe 'brang ril chang bcas pa dang*/__gnam lcags rdo rje/__g.yon du me long*/__gdab phur stegs la gzug__!__/tshe g.yang 'gugs pa la/__gter bum/__gtor ma rin chen 'bar ba ser po _kha zas bzang rgus bskor ba/__tshe 'brang ril chang*/__phye mar/__mda' dar/__g.yang chang bcas/__!__/grol tig zhi khro la dkyil 'khor steng bum pa gsang thod me long sin+d+hu ra'i thig le can shel rdo rnams brtsegs nas bkod/__zhi khro'i lha tsaka tshang bar bcas/__!__/'chi med mtsho skyes snying tig gsang sgrub mtsho skyes rdo rje la ras bris sam maN+Dal tshom bu gcig pa'i steng rnam bum/__g.yas su gsang thod/__g.yon du me long dwangs pa dang rta phag yab yum gyi tsaka li/__rgyab tu bla gtor rnams bkod/__!__/'chi med 'phags ma'i snying thig dbang thams cad kyi mjug tu bzhag yod/__!__/'chi med 'phags ma'i snying thig las/__bla sgrub byin rlabs snying po'i dbang bskur bltas chog tu bkod pa la mtshan nyid ldan pa'i gnas khang gtsang ma rgyan gyis spras pa'i dbus su stegs bu la dkyil 'khor gzhi mthing ga la pad+ma 'dab brgyad kyi lte bar gtso bo'i sku'am phyag mtshan bris pa'i mtha' bskor 'od lnga'i mu khyud kyis bskor ba/__de'i dbus 'phrul stegs la bum pa mgul chings dkar po so lnga'i bcu ldan gyi steng du kA pa la mtshan ldan chang dang chos sman mngar gsum sbyar bas bkang ba'i khar me long sin+d+hU ra brdal ba'i lte bar a/__de rgyab sngags 'khor bris pas bkab/__de steng 'ja' shel bcas brtsegs mar bkod/__mdun du rig 'dzin gsum dang*/__kun bzang dang che mchog gi tsakli/__khri gdugs rdor dril sogs slob dpon chas/__g.yas su sman gyi pho brang*/__g.yon du tshe 'brang*/__tshe chang*/__tshe ril/__rgyab tu tshe mda' bcas/__sman rag gtor gsum phyi mchod sogs lag len ltar bsham/__las bum/__mig dar/__me tog_sngon gtor/__tshogs kyi yo byad/__srung ma'i gtor 'bul sogs las byang la dgos pa rnams kyang tshogs par bya'o/__!__/grub thob thugs tig la/__maN+Dal tshom bu gcig pa'i steng rnam bum/__mdun sogs su grub chen thang rgyal sku'am tsaka li/__A li kA li'i sngags byang*/__gsang thod/__mkha' 'gro sde lnga dang rig tsaka__/shel rdo 'ja' ris/__kha T+wA~M cang te'u thod pa/__rgyab phyogs bla gtor rgyan ldan bkod/__tshe dbang la/__bum pa/__thod chang*/__tshe ril/__shel rdo me long bcas phal cher snga mas 'thus par byas kyang chog__!__/grub thob thugs thig gi sgrubs thabs skor lnga la/__dkyil 'khor ras bris sam maN+Dal la tshom bu lha grangs bkod pa 'og ma rnams la'ang 'gre/__bla ma zhi ba la dkyil 'khor dbus rkang gsum steng rnam bum bcud ldan mgul chings dkar po kha rgyan bcas/__kha rgyan gseb bam mdun du gu ru za hor ma'i sku tsaka__/g.yas g.yon mdun rgyab rnams su dbu rgyan/__rdo rje/__dril bu/__rgyud kyi glegs bam/__me long*/__chos gos rnam gsum/__rin chen rus rgyan phyogs bsdus kyi tsaka li/__gsang thod bdud rtsi/__rig tsaka__/rgyab phyogs su bla ma'i gtor chen/__slob mar bkye rgyu'i dngos grub rdzas/__mdun du tshe 'brang*/__tshe ril/__tshe chang*/__rdzas rtags dang rgyal srid tsaka li/__stegs zur pa lta bur gar bder sgo 'byed khrus bum/__mar me/__chu bum/__rdo rje/__lhung bzed chos gos glegs bam phyogs bsdus/__rten 'brel bcu gnyis gzugs ris rnams bkod/__til sbyong sogs nyer mkho rnams kyang bsdogs/__!__/gur drag la dkyil 'khor dbus su bum pa chings dmar/__gur drag gtso bo'i sku/__sngags byang*/__phyag mtshan rdo rje'am me long*/__rgyab ngos su dpal gtor dar gdugs can/__las phur rnams bkod/__lcags hom/__ling ga__/bsgral chas rnams 'du bya/__!__/thugs rje chen po la dkyil 'khor dbus bum pa chings dkar/__'gro 'dul phyag bzhi pa yum can sku tsaka__/shel phreng sngags byang*/__phyag mtshan phreng ba pad dkar/__mdun ngos myong grol ril bum rgyab tu zhi gtor dar gdugs kyis spras pa bkod/__!__/rta mgrin la/__dkyil 'khor dbus rnam bum bcud ldan chings dmar can/__rta mgrin gtso bo'i sku/__sngags byang dang rak+sha'i phreng ba/__phyag mtshan rdo rje kha T+wA~M ral gri sdigs mdzub mdung thung rgyu zhags phyogs gcig bris pa/__rgyab tu dpal gtor rta zhal can/__gdab phur/__lcags hom ling ga__/bsgral chas/__me hom/__gtor zor sogs 'du bya/__!__/phag mo la/__dkyil 'khor dbus khri'u la thod pa mtshan ldan bdud rtsis bkang ba'i khar sin+d+hu ra'i me long la chos 'byung ba~M yig sngags byang gis bskor bas bcad la/__dar dmar gyis bkab pa'i steng shel rdo bzhag__/gtso mo'i sku/__sngags byang thod phur/__me long*/__g.yas su b+han+d+ha kha sbyor bdud rtsi ril bus bkang ba chas ldan/__g.yon du sman gtor rak+ta mar me rnams snod gcig tu bzhag pa rnams bkod/__!__/rtsa gsum 'od gsal snying tig thun mong smin byed ye shes thig le la/__sta gon tshom bu/__rdzas bzhi/__dngos gzhi la ras bris steng du many+dzi'i khar bum pa/__shar du dbu rgyan/__lhor rdo rje/__nub dril bu/__byang du rdo dril lhan cig pa/__dbus su kun bzang*/__bka' bab rig 'dzin brgyad/__bka' brgyad dpal dgu/__thod phreng sde lnga/__gu ru mtshan brgyad bcas kyi lha tsaka lha dbang ye shes char 'bebs ltar/__mtshams rnams su gsang dbang thod pa chang dang a mr-i ta mngar gsum sbyar bas bkang ba/__rig tsaka__/me long*/__shel rdo/__sgrub pod/__dung dkar/__dril bu/__'khor lo/__seng khri sogs slob ma mnga' gsol chas/__dbang gtor ri rab rin chen zur brgyad nyi zla'i steng bla gtor rgyan spros tsaka gdugs can bcas/_!_/rtsa gsum 'od gsal snying thig gi byin rlabs brda yi dbang bzhi la/__rtsa dbang dang sbrel skabs bshams bkod dang dbang sgrub logs su mi dgos/__!__/gtor dbang byin rlabs dpal ster rtsa dbang dang sbrel skabs bshams bkod dang dbang sgrub logs su mi dgos/__!__/tshe sgrub 'chi med drwa ba'i dbang bzhi ye shes snying po la/__dkyil 'khor ras bris kyi steng many+dzi'i khar bum pa bcud ldan mdun du lha tsaka yongs rdzogs/__de'i g.yas g.yon du tshe ril tshe chang*/__gsang thod/__rig tsaka__me long*/__shel rdo/__dbang gtor/__bkra shis rdzas rtags rin chen bdun gyi tsakli/__mda' dar bcas/__!__/bud+d+ha thod phreng rtsal gyi sgos sgrub kyi dbang la/__ras bris steng 'phrul stegs la 'og tu rnam rgyal bum pa bcud ldan/__steng du b+han+d+ha kha sbyor nang tshul bzhin sgrub pa'i a mr-i tas bkang ba dar sna lngas g.yogs shing dbu rgyan dang*/__g.yas g.yon du rdor dril bcings pa'i sman gyi pho brang dang*/__sngags phreng me long*/__dpal gyi gtor ma gdugs mthing bcas/__!__/rdo rje thod phreng rtsal gyi dbang la/__dkyil 'khor dbus su many+dzi la zhi byed bdud rtsi'i bum pa mgul chings dkar po can/__nang bcud so lnga'i rdzas kyis gtams pa/__de'i mdun du rnam rgyal bum pa/__dpal gtor dar gdugs dkar po/__sngags phreng me long bcas/__!__/rat+na thod phreng rtsal gyi dbang la/__ras bris steng many+dzi la rnam bum dang*/__ban+d+ha gser mdog rgyas pa'i las la 'os pa 'bru sman dkar mngar gyi zas dang bdud rtsi chos sman gyis bkang ba la sngags byang gser gyis bris pa'i gzungs bsgril kyang bzhag__/dpal gtor dar gdugs ser po/__mda' dar/__sngags phreng*/__me long bcas/__!__/pad+ma thod phreng rtsal gyi dbang la/__ras bris steng many+dzi la bum pa/__dpal gtor dar gdugs dmar po/__sngags phreng*/__me long*/__dgang gzar blug bcas/__!__/karma thod phreng rtsal la ras bris bkram pa'i steng zor gtor thog mdel gyi dbyibs can/__gtso bos sum cha las dma' ba'i 'khor rang 'dra bzhi/__de las sum cha khri ba'i de rgyab bzhi bcas phyogs bzhir bkod/__bar rnams mtheb kyu khrag skong gis ltems shing thams cad kha dog nag po 'ba' zhig bya/__spro na gtso bo srin zhal phyungs legs dar gdugs mthing ga la gzhung mthun sku tsag dang nang khrol/__ba su tas brgyan/__mtshe rtsang sogs btsugs/__byang shar nas g.yas bskor gyis drag po'i nyer spyod mchod pas bskor/__g.yas g.yon du sman raka__thun gtor/__gtor chung*/__rnam bum/__dpal gtor dar gdugs nag po/__mda' dar/__sngags phreng*/__me long*/__lcags hom du ling+ga/__phur bu/__gser skyems kyi snod bcas/__!__/nang sgrub bla ma longs sku thugs rje chen po pad+ma drwa ba'i dbang la/__dkyil 'khor steng many+dzi la rnam rgyal bum pa/__lha tsaka yongs rdzogs/__me long*/__gsang thod/__rig tsaka__shel rdo/__sgrub skor gyi glegs bam/__dbang gtor bcas/__!__/gsang sgrub bla ma chos sku 'od dpag med kyi sgrub thabs 'od gsal drwa ba'i smin byedal/__ras bris steng many+dzi'i khar rnam rgyal bum pa/__gsang thod bdud rtsi'i sbag pa'i ma da na/__rig tsaka__/shel rdo/__lha tsaka tshang ba/__me long*/__sgrub pod bcas/__!__/gsang sgrub bla ma chos sku 'od dpag med kyi sgrub thabs 'od gsal drwa ba'i smin byed la/__ras bris kyi steng many+dzi'i khar rnam rgyal bum pa chas ldan bcud kyis sum gnyis bkang ba/__gsang thod bdud rtsi'i sbag pa'i ma da na/__rig tsaka__/shel rdo/__lha tsaka__/me long*/__sgrub pod bcas/__!__/yang gsang bla ma drag po dmar chen yi dam dgongs 'dus kyi smin byed la/__ras bris kyi steng many+dzi'i khar rnam bum/__gsang dbang gi rdzas/__bdud rtsi b+han+d+ha/__rig tsaka__/shel rdo/__sgrub gzhung gi glegs bu/__lha tsaka__/me long bcas/__!__/'jam dpal drag po gshin rje dmar po 'chi bdag zil gnon gy-i dbang la/__stegs bur maN+Dal me tog gi tshom bu gcig bkod pa'i steng many+dzi'i steng bum pa bcud ldan/__dur khrod dpal chas kyi tsaka li/__sngags byang*/__thod dbyug dang dung khrag phur pa rnams dngos saM tsakli gang 'byor bcas/__!__/rta mgrin 'chi med dbang chen 'dus pa'i ye shes sgo 'byed byin rlabs snang ba la/__ras bris bkram pa'i steng bum pa/__sngags byang*/__rdo rje'i kha T+wA~M ral gri b+han+d+ha mdung thung zhags pa bcas phyag mtshan phyogs bsdus/__tshe ril/__tshe chang*/__sgrol phur/__shel rdo me long*/__dpal gtor sman rag__/bsgral dbang rgyas pa spro na lcags hom du ling ga sogs 'du bya/__!__/rnam par 'joms pa'i dbang bskur la/__dkyil 'khor bkram pa'i steng many+dzi'i khar bum pa rdzas ldan dbang khrus sbrag ma byed na bum rdzas nyer lnga'i steng*/__shel/__rdo rje pha lam/__ut+pal sngon po/__shu dag__/gi wa~M/__ga bur bcas sbyar shing khrus rdzas blugs/__sngags phreng*/__phyag mtshan rdo rje/__shel dang me long*/__dbang gtor dkar zlum rnams dang*/__khrus blud byed na gtor snod du zan gyi gru bzhi/__zlum po/__zla gam/__gru gsum gyi dbyibs can gyi bshos bu bzhi rgyan ldan dang de'i mdun du/__sku glud ser po/__dkar po/__dmar po/__ljang gu bcas la chang bu ting lo nam rgyang mtha' 'phang 'bru sman dar ras rin chen sogs mthun rdzas kyis gtams pa bcas/__!__/yang phur sbrags ma khrag 'thung 'dus pa'i dril sgrub kyi dbang la/__ras bris dbus su mtshan dang ldan pa'i b+han+d+ha'i nang ro ras kyis dkris pa'i sdong bu dgu pa'i zhun chen gyi mar me byas pa bzhag te mdun du bla ma'i gtor chen bcas la sman raka dang nyer spyod kyis bskor/__phur pa bcas/__!__/phur pa 'dus pa'i dril sgrub kyi dbang la/__ras bris bkram pa'i lte bar phur gdan la lcags sam drag po'i shing gi sgrub phur mtshan nyid dang ldan pa dar mthing ga'i cod pan can btsugs/__mdun du bla ma'i gtor chen/__las phur bcas/__!__/phur pa 'dus pa'i dril sgrub kyi dbang la/__ras bris steng many+dzi la bum pa rgyan ldan bcud kyi sum gnyis bkang ba/__sku tsaka__/sngags byang*/__rdor sems sku tsaka__/dur khrod dpal chas/__rdo rje rtse dgu dang rtse lnga/__kha T+wA~M/__me phung*/__phur pa ste phyag mtshan phyogs bsdus kyi tsaka li/_gsang thod/__rig tsaka__/gdab phur/__lcags hom du ling+ga/__g.yab dar/__me hom/__zor chas phyogs bsdus mnan chas bcas/__!__/phag dkar ye shes gsal byed kyi byin rlabs la/__ras bris kyi chos 'byung dkar po bsnol ma dur khrod rdo ra me ri dang bcas pa'i dbus su pad+ma 'dab bzhi'i lte bar rdo rje dkar po rtse lnga pa ba~M yig gis mtshan pa dang*/__'dab ma bzhi la thugs srog ha ri ni sa zhes pa dgod/__de'i dbus su many+dzi'i steng bum pa bcud ldan mgul chings dkar pos spras pa bzhag__/de steng thod pa mtshan ldan bdud rtsis gtams pa'i khar sin+d+hU ra'i me long chos 'byung ba~M yig sngags phreng gis brgyan pa bcas/__!__/rdo rje phag mo bde chen dkar mo'i tshe spel ba'i byin rlabs la/__dkyil 'khor dbus su tshe 'brang thabs shes kyi rdzas tshe ril chang g.yas g.yon du bkod/__mda' dar bcas/__!__/bka' srung lcam dral dril sgrub kyi srog dbang la/__drag po'i dkyil 'khor spyi 'gro'am maN+Dal 'bru nag gi tshom bu gsum phreng tshar du bkod pa'i steng gtor ma dpung rong gru gsum/__g.yas su gru gsum g.yas dkyus/__g.yon du dmar gtor rtse bcad bcas la thebs skyu sha khrag shas snas brgyan cing*/__dar gdugs sku tsag gis spras pa dang*/__mgon po ma ning*/__gza'/__sngags srung gi sku tsaka__/sngags byang*/__phyag mtshan rnams dang bcas/__!__/lce btsun snying thig la/__'od lnga'i dkyil 'khor steng rnam bum a dkar gyis mtshan pa'i khar thod chang*/__de steng shel rdo bzhag__!__/rjes dran be ro'i thugs tig tshe sgrub zab rgya can la/__maN+Dal dkyil 'khor steng tshe'i 'brang rgyas/__g.yas g.yon du tshe chang*/__tshe ril dkar mngar bza' btung bcas bsham/__!__/dag snang tsaN+Da li la maN+Dal tshom bu dmar po gcig pa'i steng rnam bum/__mdun du tshe 'brang*/__thod chang dang bcud len ril bu g.yas g.yon du bkod/__!__/mi tra'i tshe dkar phyi sgrub kyi tshe dbang la me tog gi tshom bu bkod pa'am rgyas par spro na pad+ma 'dab ma brgyad pa'i dbus su many+dzi'i khar bum pa chas ldan sku tsag gi brgyan pa/__de'i g.yas su tshe ril/__g.yon du tshe chang*/__rgyab tu tshe mda' bcas so/__!__/mi tra'i tshe dkar nang sgrub kyi tshe dbang la stegs kyi khar rgyas par spro na gzhal yas spyi ltar gyi dbus su zla gam sgo gcig dmar po lte bar lha mtshan can nam tshom bu lnga bkod pa'i dbus su many+dzi la bum pa sku tsag gis brgyan pa/__mdun du gtor ma/__g.yas su gsang rdzas/__rgyab tu rig tsag__/g.yon du me long shel rdo bcas kyi mtha' phyi nang gi mchod pas bskor ba dang*/__ci bde bar tshe ril/__tshe chang*/__tshe mda' bcas so/__!__/bla ma'i rnal 'byor ye shes char 'bebs la/__stegs bu'i khar 'bru tshom dmar po'i steng du b+han+d+ha bdud rtsis bkang ba dang rdo rje sems dpa'i me long bcas/__!__/'jam pa'i dbyangs dngos chos rgyal tshangs pa lha'i me tog gi byin rlabs dbang la/__ras bris kyi steng du many+dzi'i khar bum pa thod pa'i bdud rtsi me long sin+d+hU ra la chos 'byung mtshan sngags shel rdo bcas/__!__/bla sgrub thig le'i rgya can la/__maN+Dal tshom bu lnga pa'i khar khri'ur b+han+d+ha dum gsum chos sman 'bru yis bkang ba'i nang rig 'dzin 'dus pa'i srog 'khor bcug pa la dar gur phub/__g.yas su rnam bum/__mdun du bla ma'i sku brnyan/__g.yon du gsang thod rig tsaka DA ru kha T+wA~M rus rgyan rnams kyi tsaka li/__rgyab tu shel rdo dang snying tig chen mo ma bu gang rung gi glegs bam rnams bzhag__!__/rdo rje sems dpa' la brten pa'i bla ma mchod pa la/__ras bris kyi steng khri'u'i khar sku bum pa/__gsung bdud rtsi/__thugs me long sin+d+hU ra/__ye shes rdo rje sems dpa'i me long rnams bzhi brtsegs kyi tshul du bsham/__!__/grub thob thugs tig gi khrag 'thung bde gshegs 'dus pa'i dbang gong du grub zin/__!__/sku gsum rigs 'dus zab tig dbang rgyas la/__ras bris steng many+dzi la bum pa bcud ldan mgul chings dmar po can gyi mdun du rdor dril bsnol ma/__g.yas su dbu rgyan/__rgyab tu rdo rje/__g.yon du dril bu dang*/__gzhung mthun lha tsaka rnams dang*/__gsang thod/__rig tsaka__/shel rdo/__sngags phreng*/__me long bar do drug gi ngo sprod kyi chas pad+ma'i myu gu'i sku'am/__zhi khro'i lha tsaka gcig bsdus/__mar me/__thig le dmar po hrIHsa mtshan pa/__a yig dkar po/__rdor sems lta bu'i sku/__de'i sngags byang*/__phyag mtshan gyi tsaka li rnams dang*/__tshe 'brang*/__tshe ril chang*/__chos srung gi gtor spungs bcas dang*/__chos 'byung bsnol ma'i steng dpal gtor rgyan spros dar gdugs can dang*/__!__/sku gsum rigs 'dus zab tig gtor dbang la dbang rgyas dang sbrel skabs bca' bsham zur du mi dgos/__!__/snyan brgyud gshin rje'i thugs tig la/__ras bris sam maN+Dal tshom bu mthing nag gcig bkod pa'i steng thod pa'i snod du bam lag len ltar bcos pa/__g.yas su rnam bum chings sngon can/__mdun du zhi khro gnyis kyi sku tsaka__/dur khrod chas/__phyag mtshan drug po g.yas g.yon so sor byas pa/__sngags byang bcas tsaka li drug_thod phreng*/__g.yon du mchod rten/__rgyab tu gsang thod rig tsaka shel rdo/__tshe 'brang tshe ril 'gyed bdes bskor ba/__mdun ngos dregs pa'i dmar gtor thebs kyus bskor ba rnams bkod/__!__/snyan brgyud rta mchog la/__stegs kyi steng du ras bris kyi dkyil 'khor gzhung mthun bkram/__med na maN+Dal la me tog gi tshom bu dmar po gcig bkod pa'i dbus su khri'u'i khar rta zhal ljang gu rngog ma dmar ser nang gzhug snying po'i sngags ldan sku rten tsakli bcas bkod/__g.yas su bum pa so lnga'i bcud ldan kha rgyan 'gul chings dmar po bcas pa/__g.yon du dpal gtor rta zhal can dar gdugs dmar po mdun du gsang thod chang dang mngar gsum sbyar ba dang rig tsaka__/dbang phreng dmar po/__rgyab tu snying po lnga dang tshe gal bsdeb pa'i tshe 'brang rta zhal can gyi g.yas g.yon du tshe ril tshe chang rnams dang*/__sman rag gtor gsum/__phyi mchod/__mda' dar/las bum/__bgegs gtor/__tshogs kyi yo byad/__gtor 'bul sogs nyer mkho rnams 'du bya'o/__!__/snyan brgyud yang dag zab tig la maN+Dal tshom bu gcig par thod sku/__g.yas bum pa/__g.yon thod chang rig tsaka__/mdun du mar me dang sman gyi pho brang*/__shel rdo/__rgyab tu tshe 'brang ril chang bcas bsham/__!__/snyan brgyud yang phur sbrags ma'i zab tig gi dbang la/__stegs bu'i dbus su e khrom la sgrub phur tshad ldan dar mthing nag gi cod pan can gzug pa'i steng du 'phrul stegs la bum pa so lnga'i bcud ldan mgul chings mthing ga la rgyan gyis spras pa dang*/__dpal gtor sku tsaka dar gdugs kyis brgyan pa bkod/__g.yas g.yon tu thod pa mtshan ldan chang dang mngar gsum chos sman sbyar bas bkang ba dang*/__rig tsaka__/las bum/__tshe 'brang*/__tshe ril/__tshe chang*/__mda' dar rnams ci bder bkram/__bsgral dbang chas las phur/__dbye rdzas bya 'ug sgro/__yungs dkar/__byad thag__/dug khrag__/sgrol gri/__tho ba/__hom gzar/___lcags hom du ling+ga/__gser skyems chas/__gtor zor gru gsum mtshe yungs kyis brgyan pa bcas/_!__/snyan brgyud bdud rtsi'i mchog tig gi dbang la/__stegs bu'i steng du ras bris kyi dkyil 'khor bkram pa'am ma 'dzom na maN+Dal dbus su gtso bo tshom bu mthing nag 'khor brgyad kyis bskor bar bzhag__/de steng khri'u'i khar thod pa mtshan ldan a mr-i tas bkang ba/_g.yas su sman gyi pho brang*/__g.yon du mar me/__mdun sogs su sku tsaka__/sngags byang dang phreng ba/__dur khrod chas brgyad/__dkyil 'khor tsakli/__sha lnga/__bdud rtsi lnga/__rtsa brgyad stong sbyar rnams ril bu'am phye mar sbyar bas snod so sor bzhags/__btags btsags sbol zhing gzhal ba'i yo byad phab rnams ri mo bris pa sogs gang bder phyogs bsdus/__rgyab tu snying po lnga chang gis sbrus pa'i tshe 'brang nang du bzla bya'i sngags kyi shog dril bcug pa'i g.yas g.yon du tshe ril tshe chang bcas bkod/__sman gtor rak+ta/__phyi mchod rnams spyi ltar/__las bum/__mda' dar/__tshogs dang gtor 'bul sogs phrin las la dgos pa'i rigs rnams tshogs par bya/__!__/snyan brgyud phur pa'i gnad tig la/__ras bris sam tshom bu dbus su gtso phur dang rnam bum brtsegs pa'am mdun rgyab tu bzhag__/sku tsaka__/sngags byang*/__dur khrod dpal chas gcig bsdus/__gsang thod rig tsaka gdab phur tshe 'brang brub khung nya bo rnams spyi ltar bkod/__!__/srid pa ma mo'i gnad tig la/__ras bris kyi steng du khri'ur khar gsang bum thod pa mtshan ldan la a mr-i tas bkang ba dar mthing nag gis bkab/__mdun ngos sogs su/__thod sku/__sngags byang dang phreng ba/__shel rdo'am tsit+ta/__bdud rtsi chos sman/__gtor snod du ri rab bang rim bzhi'i steng du dpal bshos/__g.yas g.yon tu sman raka__/rgyab ngos su nam mkha' btsugs pa'i mdos gtor rnams dang*/__rgyab mdun gang bder tshe 'brang*/__tshe chang tshe ril bcas/__!__/'phags ma'i snying thig gi rtsa dbang la/__sta gon rdzas bzhi/__slob ma mchod pa bsdogs/__ras bris kyi dkyil 'khor dbus khri'u la/__rnam bum nyer lnga'i bcud ldan mgul chings dkar po kha rgyan gzungs rdor dang bcas pa/__shar du dbu rgyan/__lhor rdo rje/__nub tu dril bu/__byang du rdor dril lhan cig pa/__gtso 'khor lha tsaka bcu gcig__/shel phreng me long*/__gsang thod/__rig tsaka__/shel rdo rnams spyi ltar bkod/__rje gnang chas dung*/__dril bu/__sgrub pod/__glegs bam/__gdugs rnams kyang zur du 'jog__!__/yang zab byin rlabs la/__ras bris dbus su thod par bcud len ril bu/__g.yas su rnam bum/__g.yon du tshe 'brang*/__!__thun mong rjes gnang la dkyil 'khor dbus su bum pa/__g.yas su thod chang*/__g.yon du tshe 'brang*/__mdun du tshe ril rnams bzhag pa bcas so/__/thub bstan lung rtogs yangs pa'i khyon du brdal/__/gsang chen smin grol srid pa'i mtha' ru 'bar/__/mi dang min bsam spyod dge la phyogs/__/bkra shis m-i nub sa gsum kun khyab shog__/ces pa'ang bka' babs skor gyi smin byed mthar chags su sbyin pa dag la nyer mkho'i ched du gter mdzod bcas bsham du bzhugs rigs khol du phyungs/__der mi bzhugs pa gsab ste phun tshogs rnam rgyal pas bsdebs pa dge legs 'phel//__//____
