JKW-KABUM-18-TSHA-001-007-wylie
<div class="wylie-content"
dbang chos zhu ba sogs kyi legs 'bul stob pa'i tshe/ gzhan yang mjal phyag dang /__/dbang chos zhu ba sogs kyi legs 'bul stob pa'i tshe/__gong rgyan dang /__'bebs zhu dag yul gang yin pa de dang de'i dmigs bsal sngar smos pa rnams las blangs pas 'thus mod/__'on kyang 'dir yang spyir btang du cung zad dper brjod na/__oM swa sti bi dza yan+tu/__grangs med gong nas chos dbyings snying por gzung 'dzin mtshan ma sim gyur kyang /__/tshur mthong dag pa'i rtse dga' bzung la snying rje'i lang tsho dar babs pas/__dran pa tsam gyis rmongs pa'i 'jigs 'phrog srid zhi'i de nyid gcig gyur pa'i/__/zhabs stegs lha brgya'i thod kos mngon bsten nor bu'i ba gam g.yo ba'i drung /__/zhes sam/__bskal bzang rnam 'dren bzhi pa'i zhal sgo las/__/legs gsung sde snod bye ba'i rgyal thabs la/__/dbang bsgyur lhar bcas gtsug na mngon mtho ba'i/__/zhabs pad gdong lngas bteg pa ga la bar/__/zhes sam/__/gang zhig mkhyen brtse'i 'od rdul phra mos kyang /__/sgrib gsum she mun bcil dang chab gcig par/__/phan bde'i snang ba brgya phrag sbyin mdzad pa'i/__/mtshungs bral dpal ldan bla ma'i zhabs pad mor/__/zhes sam/__/dpal ldan stobs bcu mnga' ba'i bstan pa la/__/ston pa gnyis par snang ba'i phrin las kyis/__/'gro kun dam pa'i lam du dbugs dbyung ba'i/__/zhabs stegs phyogs las rnam par rgyal ba'i drung /__/zhes sam/__sras bcas rnam 'dren thams cad kyi/__/ye shes phung po gcig bsdus pa/__/ma 'dris 'gro ba'i 'dza' bshes mchog__/srid na mngon mtho'i zhabs pad mor/__/zhes pa lta bu gang rigs kyi 'bebs 'og nas/__mdzes par byas so sbrang rtsis mngon gtam skyed mo'i tshal du bung ba dang /__/pad+ma dkar po'i mu khyud rab g.yo dwang ba'i rol mtshor ngang mo bzhin/__/dag pa'i mig sman sar pas legs sbyangs ye shes gzigs pa'i mdun sa ru/__/dad gus kho na'i gzhan dbang las skyes don ldan gtam gyi sbyor bas so/__/zhes sam/__mtha' med 'khor ba'i 'dam rdzab kyis bsrung ba'i/__/kun rmongs chu ba gsar pa'i phang pa nas/__/thal mo'i me tog zum dang chab gcig par/__/zhu gsol tshig gi brjod pa 'di ltar 'bul/__/zhes sam/__gsal gsal rmad byung thugs rje'i zla gzhon gyis/__/yang yang reg pas dad gsum ku mu dA/__/dung dung snying dbus grol ba'i 'dzum dkar gyis/__/snyan snyan gtam gyi ge sar 'di skad bsu/__/zhes sam/__sen mo'i me tog dmar ba'i dogs pa yis/__/nye bar sgeg pa'i thal sbyar 'khri shing ni/__lan brgyar 'dud pa'i ngang tshul sngon 'gro bas/__/dad brgya'i mgrin pa bteg ste mchid 'di gsol/__/zhes sam/__/dal rten ljon bzang ldems pa las/__/thal mo'i ut+pal zum dang bcas/__/zhu gsol rkang pa drug pa'i glus/__/ye shes gzigs pa'i sgo 'phar dbye/__/zhes pa lta bu'i gsham du/__bsngags brjod sogs dkyus nas 'byung ba ltar ram/__cung zad rgyas par spro ba'i dbang du byas na/__dpag yas yon tan gting mtha' gzhal bka' shin tu rdul bral chu gter che/__/gzhan phan nor rgyas thags pas legs sbrel yid can bsod nams man+dA ras/__/nye bar bsrubs pa'i ngal ba bsten las legs spyad dum bu rab rdzogs par/__/mkhyen rtse bdud rtsi'i do shal gyis mdzes ngo mtshar zla gzhon khyod gcig shar/__/de tshe rab 'byams rgya mtsho'i rdul snyed 'gro kun mos pa'i rna lung du/__/rmad byung zhi bsil mtshar sdug yongs rdzogs ming tshig yi ge'i ut+pa la/__/nye bar btab pa'i ngang tshul 'di ko rgyal kun gsung gi rdo rje'i dpyid/__/mgrin par rtsen pa'i ngo mtshar nyid las dngos po gzhan gyis ji ltar bskrun/__/gang thugs rdul dang shes bya las 'das bsam brjod spros pa'i pha mtha' la/__/dus gsum kun tu gzhar yang mi gnas mkha' khyab mkha' yi rdo rje'i dngos/__/zag bral bde chen phyag rgya la sbyor rnam pa thams cad mchog ldan zhal/__/rgyal kun thugs kyi thig ler yongs grub de slad kun du 'chang zhes brjod/__/bral smin bye ba'i sa bon las thon mkhyen pa'i me tog ci yang 'bar/__/rjes brtse'i yal ga phyogs brgyar g.yobs shing phan bde'i grib ma snum po ru/__/lus can srid zhi'i tsha gdung bsal te byang chub snying po'i dbyig gi char/__/'bebs mdzad mi zad yon tan phung po yongs 'du'i sa brtol nyid du 'khrul/__/ji ltar 'char ka'i dmar bas nyer drangs 'bras ldan dus kyi zla gzhon las/__/rab lhag thugs rje'i sim 'od g.yo bas snyigs spyod gdung ba bcil nas slar/__/don gnyis snang ba bla med sbyin la 'dren pa kun gyi phrin las khur/__/'bad dang rtsol ba'i ngal bas dub min lhan skyes nyid du bdag gir bzung /__/zhes sam/__gang khyod gzod nas shin tu rnam dag pa'i/__/ye shes chen po'i pha rol phyin mod kyang /__/tshad med snying rje'i gzhan dbang la 'chel bas/__/bsam bzhin sprul pa'i rnam rol ci yang bzung /__/khyad par 'dul bar dka' ba'i yul dus 'dir/__/yongs rdzogs bstan dang 'gro la sman mdzad pa'i/__/bsngags 'os tshangs pa'i blos kyang gzhal dka' phyir/__/srid rtse'i snyoms 'jug ngang du gnyid la g.yur/__/bag med rdul la za ba'i 'jug pa can/__/yang dag blangs pa'i khrims kyi chu gtsang gis/__/bshes las rnam grol me tog dgod pa yang /__/yon tan kun gyi bsti gnas gcig tu gyur/__/gting mtha' bral ba gang de chu yi gter/__/ma yin smon 'jug sems kyis brlan pa'i thugs/__/'gro kun phan bde'i sbyar gang nor bu'i dpal/__/min no khyod kyi byang chub spyod mchog lags/__/nges gsang smin grol mdzes ma'i 'gram chang gis/__/brlan las dam tshig sdom pa'i ba ku la/__/sgo gsum byed pa bcings pa'i mtshar sdug bcas/__/rdzogs pas dbang rnon rgya mtsho'i dpyid du mdzes/__/zhes sam/__gang tshe snying rjes shin tu mnyen byas pa'i/__/'jug pas sems can yal bar mi 'dor bzhin/__/thugs ni chos kyi dbyings su snyoms zhugs pas/__/srid dang zhi ba'i thig le gcig tu gyur/__/bsod nams mtha' yas rdzogs pa'i mtshan dpe'i byin/__/'gro 'di'i mos ngor shar ba'i de ma thag__/bsdus pa med par bsngags 'os rnam thar gyis/__/phyur bur gtams pa'i brjod pa pha mtha' yas/__/gsung gcig nyid las tha dad mos pa bzhin/__/chos phung bye ba'i mthas kyang mtshon min pa/__/spro la khyod dang rnam 'dren zas gtsang sras/__/dbus mtha'i yul gyi khyad par tsam du bas/__/ji snyed shes bya'i yan lag yod do cog__/zag bral mkhyen pa'i dpal gyis nyer bzung bzhin/__/yud rer ting 'dzin bye ba'i 'jug ldang gis/__/mtha' klas yid can thar pa'i grong du dkri/__/rmad byung rgyu las thob pa'i yon tan 'bras/__/lus can phan bde'i dpyid du smin pa las/__/mtha' gnyis dbul ba 'dor ba'i phrin las can/__/sngon med legs bris ljon pa de su zhig__/zhes sam/__ji ltar 'gro khams rin chen dag pa'i gzhir/__/tshad med snying rje'i gzugs brgya 'phos pa yis/__/bsod nams phye ba'i phung po 'du mdzad pas/__/gang gi rnam thar dpag dka'i pha mthar drangs/__/khyad par bsil ldan ri bo'i sman ljongs su/__ye shes lus can de bzhin gshegs pa'i gzugs/__/slob pa'i sar gnas gzhon nu'i rol rtsed kyis/__/mtha' klas theg pa'i rgyal rnga dus gcig brdungs/__/de tshe rang gnyid bslab pa'i shul lam la/__/'god mdzad 'di ni lus med thul lo zhes/__/lhar bcas bsngags pa'i me tog g.yo ba'i 'od/__/zhabs mthil pad+mo gsar pa'i zol gyis 'ong /__/la lar 'jam dang gzhan du 'bar ba sogs/__/gcig pu nyid las sman mdzad du ma'i gar/__/ya mtshan 'di 'dra rdzogs pa'i sangs rgyas las/__/'phags dang so skye gzhan gyis bskrun du med/__/mdor na thugs kyi ting 'dzin mi 'khrugs par/__/rjes thob sgyu ma'i sgo brgya dbye ba yis/__/gzhan phyir phan pa 'ba' zhig lhur len pas/__/sa steng ston pa gnyis pa'i rgyal sar 'dzegs/__/zhes sam/__gang zhig rmad byung yon tan gyi/__/bdud rtsi'i khur gyis rab lci ba'i/__/rin chen 'byung gnas chen po las/__/snying rje'i rba rlabs 'gogs pa med/__/lhag par deng dus lhar bcas kyi/__/skye dgu'i gdung sel zhi ba'i bcud/__/gtan pa med par 'jo ba gang /__/sngon med tsin+tA ma Ni dngos/__/mkhyen pa'i gting mtha' gzhal dka' bar/__/byams brtse'i 'od snang ring spro ba'i/__/bsil zer can khyod shar ba'i mod/__/thub bstan chu klung phyogs brgyar 'phel/__/de tshe yid can rdul snyed kyi/__/bde skyid ngang mo bos pa las/__/rdzogs ldan gsar pa'i 'jo sgeg kyang /__/dal gyi rgod pa'i ngo mtshar thob/__/'di na kun gsal yangs pa'i khyon/__/pha rol zad pa mi mngon bzhin/__/gang gi bsngags 'os rnam thar yang /__/byis blo'i brjod pas ji ltar drangs/__/zhes pa lta bu spyir btang nas/__/de mtshams nas dmigs bsal so so'i khyad par rnams sbyar bar bya ste/__/_!
