JKW-KABAB-03-GA-037-wylie
<div class="wylie-content"
@#/__/pad+ma 'od gsal mdo sngags gling pa'i zab gter rtsa gsum sgyu 'phrul drwa ba las/__bcom ldan 'das ma nor rgyun yab yum gyi phrin las 'dod rgu'i sprin gyi ting 'dzin chen po dang 'brel ba'i phrin dbang las tshogs kyi gsal byed zur rgyan nor bu rmad du byung ba'i char rgyun zhes bya ba bzhugs// shrI pad+ma nirti shwa ra le na mo/__/tshad med thugs rje'i nam mkha' las/__/rgyu 'bras dbul bas nyen rnams la/__/re skong nor dbyig rgyun 'bebs lhar/__/btud nas phrin dbang gsal byed spel/__/de la rtsa ba'i phrin las/__dbang bskur/__yan lag nyer mkho'i las phran bcas gsum las/__dang po phrin las la bzhi'i dang po sbyor ba ni/__ras bris zhi dkyil sgo rdzogs thams cad gser mdog__/rta bab snam bzhi ma'i lte ba zlum skor dmar ser/__de rgyab pad+ma 'dab brgyad gser mdog__/dbus dang phyogs mtshams rnams su thig le ser po zung 'brel re/__sgo bzhir g.yas bskor gyi thig le dkar mthing dmar ser re/__phyi rol pad rwa/__de rgyab nor bus mtshan pa/__de rgyab rdo rwa/__de rgyab nor 'dzin pa Tas bskor ba/__pho brang gi rgyan dang*/__rtsig pa sogs rin po che'i rigs kyis brjid cing mdzes par bkram/__ma 'byor na maN+Dal pad+ma 'dabs brgyad la tshom bu ser po dgu bkod/__de steng khri'u la gter bum/__g.yang sgrub nyi tshe bar gtor ma'i rtser gtso sku'i rgyab tu gnas yig__/sngags byang*/__phyag mtshan bris pa'i tsakli dar snas spras pa bzhugs/__mdun du gtor ma rin chen 'bar ba'i dbyibs can ser po/__dar gdugs ser pos spras shing zas sna bzang pos bskor ba/__g.yas g.yon du sman raka__/chu gnyis nyer spyod/__mchod pa'i maN+Dal tshom bu bdun pa bkod/__tsan+dan dkar po dang a ka ru sogs dri zhim sbyar ba'i bdug spos/__bsang chu/__sbyin bsreg 'bul na de'i chas dang*/__g.yang 'gugs sbyor na g.yang mda' dar ser ram sna lnga dang rin po ches brgyan pa/__sngon gtor/__dkar mngar gtso bor gyur pa'i thabs shes kyi tshogs rdzas la sogs mkho ba'i yo byad rnams tshogs par bya'o/__/gnyis pa sngon du 'gro ba la/__thog mar tshig bdun dang gsol 'debs rigs sngon du 'gro bas/__brgyud 'debs ni/__kun bzang zhi khro rdor sems gsang ba'i bdag__/rgyal po dzaHdang chos rgyal in+d+ra'i zhabs/__/dga' rab shri seng u pa go ma sar/__/gsol ba 'debs so sid+d+hi rnam gnyis stsol/__/sgeg rdor ku ku'i mtshan dang ro langs bde/__/bzhad pa pra has bud+d+ha dri med bshes/__/pad+ma kA ra mtsho rgyal khri srong rjer/__/gsol ba 'debs so dbang bcu'i dngos grub stsol/__/mdo sngags gling pa chos bdag DA ki'i rje/__/bka' bab sras slob brgyud par bcas rnams dang*/__/tan+t+ra bco brgyad rtsa gsum lha tshogs la/__/gsol ba 'debs so don gnyis lhun grub shog__/bcom ldan sems ma'i tshul ston nor rgyun ma/__/thabs dang bcas pa'i dkyil 'khor lha yi tshogs/__/bka' srung dam can gter bdag bcas pa la/__/gsol ba 'debs so gtan gyi dbul ba sol/__/bskyed sngags rdzogs pa'i rnal 'byor mthar phyin pa'i/__/phrin las rin chen sprin las 'dod rgu'i char/__/dbab pas bdag gzhan bde legs mchog gis 'byor/__/tshogs gnyis mthar phyin rgyal ba'i gnas thob shog__/tshogs zhing gsal gdab ni/__mdun gyi nam mkhar skyabs yul bla ma bcom ldan 'das nor rgyun ma yab yum la/__dkon mchog rtsa gsum rgya mtsho'i sprin phung 'phro ba mngon sum bzhugs pa'i spyan sngar/__rang gzhan sems can thams cad 'dun pa rtse gcig pas skyabs su 'gro zhing bsags sbyang gi las rim la 'jug par gyur/__skyabs 'gro ni/__na moH__bla ma yi dam bcom ldan ma:__mchog gsum rgyal ba rgya mtsho la:__bdag sogs 'gro kun byang chub bar:__rtse gcig gus pas skyabs su mchi:__lan gsum/__sems bskyed ni/__hoH__ma gyur sems can thams cad kun:__sangs rgyas go 'phang thob bya'i phyir:__nyes spyod kun sdom dge chos sdud:__gzhan phan byang sems rtag tu bskyed:__lan gsum/__tshogs bsags ni/__hoH__'phags ma yab yum 'khor bcas la:__lus ngag yid gsum gus phyag 'tshal:__phyi nang gsang ba'i mchod pa 'bul:__nyams chags sdig sgrib thams cad bshags:__gsang sngags sgrub la rjes yi rang :__smin grol gsang sngags chos 'khor bskor:__lhun gyis grub par bzhugs su gsol:__snying po sems can don phyir bsngo:__yang dag rdo rje'i don rtogs shog:__lan gsum/__sems can bde dang ldan gyur cig:__sdug bsngal kun dang bral bar shog:__bde dang rtag tu mi 'bral zhing :__chos kun mnyam nyid rtogs par shog:__/ces tshad med bzhi bsgom/__dza:hU~M ba~M hoHsa tshogs zhing rnams:__bdag thim sgrib dag byin brlab bsam/__a mr-i tas lha'i nga rgyal bzung la/__sngags de nyid kyis bsang chu bsgrub/__sngon gtor gzhung du ma gsungs kyang spro na legs pas/__ra~M ya~M kha~M gis bsang sbyang*/__oM AHhU~M hoHsa brlabs shing spel/__rang gi thugs ka'i 'od zer gyi rtse las khro bo 'dod pa'i rgyal po grangs med pa 'phros pas/__dbul 'dre gdon bgegs thams cad bkug par gyur/__sarba b+hU ta ang+ku shA dzaH__'dod yon gang la gang 'dod du 'char ba'i sprin mkha' khyab tu 'char ba bsngos pas/__lan chags byang zhing tshims par bsams la/__sarba big+h+nAn namaHsarba ta thA ga te b+h+yo bi shwa sogs/__gr-i h+Ne daM ba l+yA di swA hA/__lan gsum gyis bsngos la bka' bsgo ba ni/__hU~MH__gdod nas 'khor 'das dbyer med kyang :__glo bur 'khrul pa'i gdon bgegs kun:__mchod sbyin gtor ma 'di longs la:__rang bzhin med pa'i dbyings su dengs:__hU~M bzhi'i drag sngags rol mo'i sgra dang gu gul yungs thun bcas zhi brngan gyis mi 'gro ba'i rigs rnams/__khro bo'i ser sprin gyis bskrad gzir rdul du brlag par bsam/__srung mtshams bcad pa ni/__hrIH__snang srid snod bcud thams cad kun:__rdo rje srung ba'i gur khang dang :__lha sngags gnyug ma'i ye shes las:__mtshams kyi dkyil 'khor lhun gyis grub:__badz+ra dz+nyA na rak+Sha oM AHhU~M:__byin 'bebs ni/__phyogs bcu dus bzhi'i rtsa gsum lha:__'phags ma'i gsang gsum phyag rgyar sad:__bdag gnas sgrub pa'i rdzas la thim:__byin rlabs gzi byin 'bar bar bsam:__spos rol dbyangs dang bcas te/__trA~M:__chos kun rang bzhin mnyam pa'i dbyings:__ye shes sgyu ma'i rnam par 'phrul:__'dod rgu'i char 'bebs bcom ldan mas:__byin phob dbang dang dngos grub stsol:__dz+nyA na badz+ra sa ma ya A be sha ya a AH__hrIM hrIM pheM pheMH__zhes byin dbab/__hU~M hU~M hU~M gis byin bsdu/__mchod rdzas byin rlabs ni/__ra~M ya~M kha~MH__oM AHhU~MH__gnas yul 'dod 'byung rin chen bkod:__dag pa rab 'byams zhing gi dbus:__phyi nang gsang ba'i mchod rdzas kun:__nam mkha' mdzod kyi 'khor lor gyur:__oM AHhU~M sarba pU dza me g+ha sa ma ya hU~M:__zhes pas mkha' khyab tu spel/__gsum pa dngos gzhi la/__bdag mdun dbyer med kyi lta sgom ldan pas/__AH__'khor 'das chos kun mnyam pa nyid:__zung 'jug 'dus pa byas pa'i dbyings:__rig gdangs brtse ba'i snying rje'i rtsal:__rin chen sprin gyi ting 'dzin las:__rgyu yi sa bon ba~M ser po:__gser mdog nyi ma lta bur shar:__de las 'bros pa'i 'od zer gyis:__snod bcud tha mal snang zhen sbyangs:__stong gsal ngang las 'byung rim steng :__lha dang mi las khyad 'phags pa'i:__byang chub sems dpa'i nor bu'i mchog:__rin chen tog gi blo gros kyi:__gzhal med khang chen nyams dga' ba:__bkod pa du mas 'phags pa'i dbus:__sna tshogs pad zla'i gdan gyi steng :__ba~M yig yongs gyur skad cig gis:__'phags ma nor rgyun lha mo ni:__gser mdog zhal gcig phyag gnyis pa:__phyag g.yas mchog sbyin phyag rgya yis:__dgos 'byung gang ba'i 'bras bu dang :__g.yon pas skyabs sbyin 'bras snye ni:__'dod rgu'i char 'bebs rab tu bsnams:__sna tshogs dar gyi na bza' dang :__rnam mang rin chen rgyan gyis brgyan:__mchog tu sgeg cing 'dzum pa'i nyams:__zhabs zung sems ma'i skyil krung bzhugs:__rang 'od thabs mchog dzam+b+ha la:__ser gsal zhal gcig phyag gnyis pa:__phyag g.yas yum gyi mgul nas 'khyud:__bI dza pU ra'i 'bras bu bsnams:__g.yon pas nor gyi rgyun stsol ba'i:__ne'u le yi mgrin pa bzung :__ut+pal dar dang rin chen brgyan:__sgeg cing rjes chags gtum pa'i nyams:__yab yum mnyam sbyor mkha' gsang nas:__dza~M dang ba~M yig phyogs mtshams 'phros:__so so'i gdan steng yongs gyur las:__shar du zla 'od nor bu bzang :__lho ru sbyin ma gang ba bzang :__nub tu rab sbyin nor sbyin che:__byang du 'phags ma rnam thos sras:__shar lho rab bzang rol pa'i phreng :__lho ru sbas ma 'jam po 'khyil:__nub byang mdzes ma gdong gi dbang :__byang shar dbyangs can spyod ba'i dbang :__kun kyang gser mdog rgyan cha lugs:__gtso bo yab yum rigs su bzhengs:__sgo bzhir 'jig rten skyong ba dang :__bar mtshams nor lha rab 'byams tshogs:__nyi ma dang ni 'od zer bzhin:__ma bskyed ye rdzogs 'phro zhing 'du:__'gro kun dbul ba'i gdung sel zhing :__'dod rgu'i dngos grub char bzhin 'bebs:__gnas gsum rdo rje'i 'bru gsum mtshan:__sku gsung thugs su lhun gyis grub:__byang sems bdud rtsi'i dbang bskur bas:__ye shes rigs lnga'i phyag rgyas btab:__oM AHhU~M:__tra~M oM hU~M hrIHA:__spyan drangs pa ni/__oM:__'phags ma kun gshegs snying rje'i bdag:__snyigs ma lnga yi mthar skyes pa'i:__'gro rnams dbul 'phongs bsal ba dang :__'dod rgu'i dngos grub stsol ba'i phyir:__bcom ldan lha mo nor rgyun ma:__yab yum sprul pa'i 'khor dang bcas:__sngon gyi thugs dam rjes dgongs te:__gnas 'dir myur du gshegs su gsol:__oM shrI sarba ba su d+hA ri dzam+b+ha la sa pa ri wA ra e h+ye hi:__ma hA ka ru Ni ka dr-i sh+ya hoH__sa ma ya hoH__sa ma ya s+t+waM:__bstim pa ni/__hoH__snying rje'i lcags kyus rgyud bskul zhing :__byams pa'i zhags pas rten dang bsre:__dga' ba chen po'i sgrog gis bcings:__btang snyoms dril bus dgyes pa bskyed:__dzaHhU~M ba~M hoH__brda phyag ni/__hoH__chos kun rang bzhin mnyam nyid dbyings:__ye shes sgyu ma'i rnam par 'phrul:__'dod rgu char 'bebs lha mo la:__mi phyed gus pas phyag gis 'dud:__a ti pU hoH__pra tIts+tsha hoH__mchod pa ni/__rang las sprul pa'i lha mo'i tshogs:__nam mkha' gang bar rab sprul te:__mchod pa'i sprin chen gtibs par bsam:__oM:__mchod pa'i phyag rgya chen po ni:__sems kyi yid bzhin rin chen gter:__nyer spyod 'dod yon bsam mi khyab:__kun tu bzang po'i sprin gyis mchod:__oM shrI ba su d+hA ri dzam+b+ha la sa pa ri wA ra ar+g+haM a:__pA d+yaM baM:__puSh+pe trA~M:__d+hU pe hU~M:__A lo ke hrI:__gan+d+he A:__nai bid+ya a~M:__shap+da ho:__ru pa:__shab+da:__gan+d+he:__rA sa:__spar+She:__d+harma d+hA tu ho:__sarba pU dza ga ga na me g+ha sa ma ye hU~M:__oM:__rtsa brgyad stong sbyar a mr-i ta:__khams gsum bsgral ba'i rak+ta'i bcud:__'dod yon lnga ldan ba liM tas:__dkyil 'khor lha tshogs mnyes gyur cig:__sarba pany+tsa a mr-i ta ma hA rak+ta ma hA ba liM ta khA hi:__zhes sman raka gtor ma 'bul/__AH__mchod bya mchod byed mchod yul sogs:__'khor gsum spros pa las 'das pa'i:__rang bzhin 'od gsal byang chub sems:__mchog gi mchod pa chen po bzhes:__sarba d+harma d+hA tu at+ma ko\u0f85ha~M:__zhes de kho na nyid kyi don mchod 'bul/__bstod pa ni/__hU~M:__rin chen rnam par blta ba yi:__ye shes gser mdog yid 'ong sku:__mtshan dpe'i sgyu 'phrul rol pas mdzes:__dkyil 'khor dbang phyug ma la 'dud:__AH__skye ba med pa'i yi ge'i sprin:__'gags med gzugs kyi sgra ru shar:__dran pas dngos grub mchog stsol ba'i:__rdo rje'i gsung la phyag 'tshal lo:__hU~MH__mi gnas mi dmigs 'od gsal ngang :__'khor 'das chos kun mnyam pa nyid:__rin chen sprin gyi ting 'dzin can:__'pho med thig le chen por 'dud:__trA~M:__dpag bsam shing chen rgyas pa ste:__bum pa bzang po che ba'i mchog:__byed po sems can kun don byed:__yon tan pha mtha' yas la bstod:__AH__gang gis khyod la bsnyen pa'i mod:__zhi rgyas dbang drag grub pa brgyad:__dbang bcu'i dngos grub 'dod rgu'i gter:__phrin las bsam mi khyab la 'dud:__hoH__ye shes dgu yi cho 'phrul las:__gtso 'khor sprul pa cir yang ston:__gnod sbyin nor lha'i tshogs rnams la:__gus pas bstod do dngos grub stsol:__bzlas pa bya ba ni/__b+h+rU~M bi shwa bi shud+d+he maN+Dal ba~M phaT dzaHsa dzaba? khang phyes la/__gtso mo'i thugs ka'i dpal be'ur:__brtan g.yo'i dwangs ma 'od lnga'i klong :__mi 'gyur thugs srog ba~M yig mthar:__sngags kyi phreng bas bskor ba las:__'od 'phros rgyal ba sras bcas mchod:__'gro kun dbul 'phongs sdug bsngal bsal:__'khor 'das 'dod rgu'i dge mtshan kun:__nyi ma 'char ka'i mdangs ltar bsdus:__nam mkha'i mdzod la dbang bsgyur ba'i:__yid bzhin dngos grub mchog thob gyur:__gzungs thag blangs nas/__oM ba su d+hA rI swA hA:__zhes gtso mo'i snying po lnga brgya/__oM dzam+b+ha la dza len+d+ra ya swA hA:__yab sngags brgya rtsa/__spro na 'khor gyi sngags ni/__oM tsan+d+ra kan+t+yai swA hA:__zla 'od ma dang*/__shar/__oM ma Ni b+ha drA ye swA hA:__nor bu bzang po'o/__oM da dA yai swA hA:__sbyin ma dang*/__lhor/__oM pUr+Na b+h+ra drA ya swA hA:__gang ba bzang po'o/__oM su da dA yai swA hA:__rab sbyin ma dang*/__nub/__oM d+ha na dA ya swA hA:__nor sbyin no/__oM Ar+Ya yai swA hA:__'phags ma dang*/__byang*/__oM bai shra ma NA ya swA hA:__rnam thos sras so/__oM su b+ha drA yai swA hA:__rab bzang ma dang*/__shar lho/__o ki li mA li ni swA hA:__rol pa'i phreng ba'o/__o gup+tA yai swA hA:__rab sbas ma dang*/__lho nub/__oM pi tsi kun+Da li ni swA hA:__'jam po 'khyil pa'am kuN+Da li'o/__oM dai byai swA hA:__mdzes ma dang*/__nub byang*/__oM mu khen+d+ra ya swA hA:__sgo'am gdong gi dbang po'o/__oM swA ra swa t+ye swA hA:__dbyangs can ma dang*/__byang shar ro/__oM tsar+yan+d+ra ya swA hA:__g.yo ba'am spyod pa'i dbang po'o/__/'khor gyi yum sngags rnams brgya rtsa re dang*/__yab sngags rnams lnga bcu re tsam gtso 'khor yum yab kyi cha phyed bar bzlas mthar gzungs thag bsdu/__dbyangs gsal/__yig brgya/__rten snying rnams sbrel ma lan gsum kyis kha bskang shing nus pa brtan par bya/__thun mtshams su maN+Dal gyi mchod pa ni/__maN+Dal tshom bu kha gso zhing*/__oM:__nor lha gter bdag 'khor bcas la:__stong gsum 'jig rten rab 'byams kyi:__snod bcud 'byor pa'i maN+Dal 'bulaH__bzhes nas 'dod rgu'i dngos grub stsol:__oM shrI ba su d+hA ri dzam+b+ha la sa pA ri wA ra sarba maN+Dal pU dza ho:__zhes grangs ji ltar 'os pa 'bul/__gtor ma'i mchod pa ni/__ra~M ya~M kha~M/__rin po che'i snod yangs shing rgya che bar gtor ma bdud rtsi'i rgya mtsho kha dog dri ro nus mthu phun sum tshogs pa 'dod yon mi zad pa'i sprin phung 'phro bar gyur/__oM AHhU~M/__lan gsum/__bcom ldan 'das ma nor rgyun lha mo yab yum 'khor dang bcas pa'i ljags 'od zer gyi sbu gus gtor ma'i bcud drangs te gsol bas dgyes par gyur/__oM shrI ba su d+ha ri ni dzam+b+ha la dza len+d+ra ye swA hA/__sa pA ri wA ra ma hA pU dza ba liM ta kha kha khA hi khA hi/__zhes lan lnga'am/__bdun gyis 'bul/__ar+g+haM sogs kyis mchod/__hU~M:__bde bar gshegs pa'i smon lam las:__'dod 'byung nor bu'i gzhal yas nas:__dpa' mo nor rgyun lha mo ni:__dpal ldan mgon po dzam+b+ha la:__gnyis med gtso dang mched brgyad 'khor:__rtsa gsum nor lha rab 'byams la:__mchod cing bstod de phyag kyang 'tshalaH__bdud rtsi mchog gi mchod yon dang :__me tog la sogs nyer spyod tshogs:__bza' bca' btung ba dang bcas pa'i:__'dod yon gtor ma 'di bzhes la:__bdag cag rnal 'byor bar chad sol:__tshe dang bsod nams snyan grags spel:__'dzad med 'bru nor longs spyod dang :__gnod sbyin gter gyi dngos grub stsol:__oM shrI ba su d+hA ri dzam+b+ha la sa pA ri wA ra sarba sid+d+hi pha la hoH__zhes mchod bstod phrin las gsol/__gtor ma phud dang bcas pa mdzod phug sogs gtsangs sar gshegs pa'am/__rang gi dngos grub tu rol/__phyir mi btang ba gnad do/__tshogs mchod 'bul ba ni/__dkar mngar la du shing tog sogs gtsang zhing gsod pa'i bza' btung dang*/__tshogs chang bdud rtsi bcas bshams la/__ra~M ya~M kha~M gis bsang sbyang*/__stong pa'i ngang las rlung me'i steng :__snod ni bde chen ka pA lar:__bcud ni rigs lnga'i dam tshig rdzas:__'dod yon bdud rtsi'i phung por gyur:__oM hU~M trA~M hrIHAH_ha ho hrIH__zhes byin gyis brlabs/__hrIH__sku gsum zhing khams rab 'byams nas:__bcom ldan nor sbyin dbang phyug yum:__rtsa gsum chos srung rgya mtshor bcas:__tshogs kyi 'du bar spyan 'dren gshegs:__sarba sa ma ya dza dzaH__/zhes pas spyan drangs/__hoH__rang byung b+hany+dza snang ba snod:__rtsa 'khor dbyings kyi ka pA lar:__bza' btung srid bcud byang chub sems:__rig pa rang gsal tshogs gtor bshams:__phyi nang gsang ba bla med pa'i:__tshogs kyi mchod pa bzhes su gsol:__rnal 'byor bdag cag 'khor bcas kyi:__gsang gsum dam tshig nyams pa bshags:__bdud bzhi'i bar chad dbyings su sgrol:__sku gsung thugs kyi tshe dbang dang :__yo byad dbang ba'i ting 'dzin 'phrul:__dgos 'dod re skong dngos grub stsol/__sa ma ya pany+tsa kA ma gu Na ma hA su kha dz+nyA na d+hA tu ga Na tsakra pU dza hoH__/zhes tshogs dang po mchod bshags bsgral ba phyogs 'thus su 'bul zhing dkyil 'khor lha tshogs mchod/__bar pa maN+Dal drung du bzhag la slar dngos grub bsdu ba ni/__lha tshogs bdud rtsis rab mnyes nas:__bde ba'i sgra dang 'od zer gyis:__srid dang zhi ba'i dwangs bcud bsdus:__dam tshig tshogs kyi rdzas la thim:__myang grol bdud rtsi'i phung po ni:__'dod 'byung dbang gi rgyal por gyur:__zhes gsal btab la/__oM AHhU~M dz+nyA na a mr-i ta ga Na tsakra sarba sid+d+hi hU~M hrIHTha:__brgya rtsa brgyad kyis byin brlabs nas/__lus kyi dkyil 'khor mchod par bya:__phyi nas dam ldan gzhan la yang :__byin na tshe bsod ye shes rgyas:__tshogs tha ma rnal 'byor pa'i lhag ma bsdus pa gtsang lhag gis mnan par zhal chab bam/__bdud rtsis bran te/__oM AHhU~M ha ho hrIH__lhag gtor ye shes kyi bdud rtsir brlab la/__hrIHpheM:__dpa' bo mkha' 'gro zhing skyong tshogs:__lhag gtor 'di bzhes bar chad sol:__tshe bsod dpal 'byor ye shes bskyed:__rnam bzhi'i phrin las myur 'grub mdzod:__uts+tshiSh+ta ga Na tsakra pU dza hoH__zhes lhag ma bsngo/__bde chen rdo rje'i dam tshig rdzas:__tshogs kyi mchod pa bla na med:__dgyes pa chen po'i longs spyod kyis:__bsod nams yongs rdzogs sku thob shog:__ces smon lam gdab/__bzhi pa rjes kyi rim pa ni/__slar mdun bskyed la mchod pa ni/__oM:__mchod pa'i phyag rgya chen po ni:__sems kyi yid bzhin rin chen gter:__nyer spyod 'dod yon bsam mi khyab:__kun tu bzang po'i sprin gyis mchod:__oM shrI ba su d+hA ri dzam+b+ha la sa pa ri wA ra ar+g+haM aH__pA d+yaM baM:__puSh+pe trA~M:__d+hU pe hU~M:__A lo ke hrI:__gan+d+he AH__nai bid+ya a~M:__shap+da ho:__ru pa:__shab+da:__gan+d+he:__rA sa:__spar+She:__d+harma d+hA tu hoH__sarba pU dza ga ga na me g+ha sa ma ye hU~M:__bstod pa ni/__hU~M:__rin chen rnam par blta ba yi:__ye shes gser mdog yid 'ong sku:__mtshan dpe'i sgyu 'phrul rol pas mdzes:__dkyil 'khor dbang phyug ma la 'dud:__ye shes dgu yi cho 'phrul las:__gtso 'khor sprul pa cir yang ston:__gnod sbyin nor lha'i tshogs rnams la:__gus pas bstod do dngos grub stsol:__dngos grub gsol ba ni/__bum pa sogs rten spy-i bor blangs la/__hU~MH__bcom ldan dpa' mo nor rgyun ma:__yab yum sras 'khor sprul pa bcas:__dang por gdung bas rtse gcig bsnyen:__bar du dngos grub ting 'dzin bsgrubs:__da lta gsol ba'i dus lags na:__sngon gyi zhal bzhes dam bcas ltar:__thugs rje'i thugs dam dbyings nas dgongs:__ye shes chen po'i mthu rtsal bskyed:__byin gyis rlobs shig bar chad sol:__'dod rgu'i longs spyod char ltar phob:__sku gsung thugs yon phrin las kyi:__dngos grub ma lus stsal du gsol:__oM ba su d+hA rI swA hA:__oM dzam+b+ha la dza len+d+ra ya swA hA:__kA ya wA ka tsit+ta gu Na karma sarba sid+d+hi pha la hU~M:__zhes dngos grub blangs/__nongs tshogs bzod gsol ni/__hoH__bcom ldan yab yum dkyil 'khor du:__mchod dang ting 'dzin phrin las sogs:__tshul bzhin ma bgyis nongs pa kun:__'od gsal gnyug ma'i ngang du bshags:__yig brgyas nyams chags bshags/__a a aH__dgongs nyams bskyang*/__oM:__'dir ni rten dang sogs kyis mdun bskyed ye shes pa rten la bzhugs/__'bru gsum brjod cing dam tshig pa rang la bsdu/__bsdu rim dang*/__lhar ldang rgyun khyer snying por dril ba bzhin bya/__dge bsngo ni/__hoH__gdod nas dag pa'i ye shes dang :__rten cing 'brel 'byung bsod nams tshogs:__zung 'jug 'dus ma byas pa'i klong :__byang chub snying po'i dbyings su bsngo:__smon lam gdab pa ni/__'di nas skye ba thams cad du:__'phags ma mchog gis rjes bzung nas:__yo byad dbang ba'i dngos grub kyis:__rang gzhan don gnyis lhun grub shog:__shis brjod ni/__me tog 'thor zhing*/__oM/__yid bzhin nor dang bum pa bzang po bzhin/__/'gro ba'i re ba 'bad rtsol med par skongs/__/'di dang gtan gyi phan bde mchog sbyin mgon/__/dpal ldan nor rgyun lha mo'i bkra shis shog__/rgyal ba'i thugs rje rin chen snying po'i sprin/__/tshe dang nor dang mthu yi dpal 'byor mchog__/'dod rgu'i nor bu'i dga' char mdzad med kyis/__/phan bde'i snang ba rgyas pa'i bkra shis shog__/chos dang mthun pa'i 'byor pa rgya mtsho yis/__/gnas skabs rang gzhan dga' skyid phun sum tshogs/__/mthar thug sku dang ye shes dkyil 'khor rgyas/__/'gro don thogs med yongs 'grub bkra shis shog__/ces pa la sogs pa'i tshig phreng rgya cher spel lo/__/gnyis pa dbang la rnam grangs bzhi las/__dang po sbyor ba ni/__dge ba'i gnas su bkra shis pa'i stegs bu'i dbus su ras bris bkram pa'am/__ma 'byor na maN+Dal la/__rin po che'am/__me tog ser po'i tshom bu dbus su che ba gcig__de rgyab phyogs mtshams brgyad dang*/__de rgyab phyogs bzhir re re bkod pa'i khar khri'u la gzhung gsal gter bum tshad ldan bzhugs su gsol/__shin tu ma 'byor na/__bum pa nyer lnga'i rdzas dang*/__byin rlabs kyi rten bcas dri bzang gi chur sbyar ba'i bcud ldan chings ser kha rgyan can bkod/__gang ltar yang gzungs thag btags/__dbus su gtso bo'i sku rten/__g.yas su sngags byang gser bris/__rgyab tu phyag mtshan bi dza pu ra dang 'bras snye/__g.yon du rin chen dar gos dang*/__bkra shis rdzas rtags zas sna tshogs/__mdun tu gtor ma rin chen 'bar ba'i dbyibs ser po/__dar gdugs ser pos spras shing zas sna bzang rgus bskor ba/__g.yas g.yon du sman raka__/mdun ngos su chu gnyis nyer spyod/__mchod pa'i maN+Dal tshom bu bdun pa bkod/__dri zhim sbyar ba'i spos/__bsang chu/__las bum chings ljang*/__sngon gtor/__/dkar mngar gtso bor gyur pa'i thabs shes kyi tshogs rdzas sogs mkho ba'i yo byad tshogs par bya'o/__/gnyis pa dbang bskur gyi sngon du 'gro ba bdag rdzas nus ldan du bya ba ni/__tshig bdun nas bzung*/__bdag mdun dbyer med kyi bskyed bzlas/__tshogs dang po mchod bshags bsgral bstab bcas grub kyi bar gong gsal ltar btang*/__las bum 'khyil ba'i lha sngags kyis bsgrub/__rig me dor zhing gnang ba zhu'o/__/gsum pa dbang dngos la gsum gyi dang po sbyor ba rnams ni/__sgo phyi las rdor gyis slob ma la khrus chab btang*/__sngar bshad pa bzhin lan chags bgegs la gtor ma bsngo zhing*/__bka' bsgo bgegs bskrad/__srung 'khor bsgom/__me tog bkye bsdu zin nas/__'o/__ma gyur gyi sems can nam mkha' dang mnyam pa 'di rnams/__srid pa'i gnas ris gang du skyes kyang gnas skabs legs 'byor dang bral bas phongs shing*/__khyad par mi lus rin po che 'di lta bu rnyed kyang*/__thams cad bsod nams longs spyaud/___mnga' thang*/__gzi brjid la sogs pa'i 'byor pa ma tshang bas dbul zhing*/__mthar thug rnam grol gtan gyi 'byor pa sems kyi nor bu byang chub rin po che thob pa'i skal ba dang bral bas/__dbul phongs kyi sdug bsngal mi bzad pa'i rgyu 'bras la ngoms med du spyod pa 'di rnams/__ya nga ba'i sdug bsngal gyi duHkha 'di dag las bskyabs shing*/__gtan bde'i dpal yon phun sum tshogs pa la bdag kho nas 'god par bya/__de'i slad du bcom ldan 'das ma nor rgyun lha mo'i bsnyen sgrub kyi rnal 'byor la 'jug pa'i thog mar/__smin byed kyi dbang bskur nod par bya snyam pa'i kun slong bzang po gsal btab te gsan 'tshal/__de yang rgyal ba rnams kyi dmigs pa med pa'i phrin las gang 'dul gyi rnam rol 'gogs med du rgyun gyis rtag pa las/__sangs rgyas thams cad kyi thugs rje'i nus rtsal gcig bsdus/__khyab bdag bla ma ma hA gu ru pad+ma sam+b+ha wa nyid kyi ye shes sgyu ma'i cho 'phrul/__rgyal sras sems dpa' rgya mtsho'i thabs mkhas kyi rnam thar bsam yas kyi sprin bkod pa las/__tshe dang*/__las la dbang ba sogs rmad du byung ba'i dbang bcu'i yon tan gyi ya gyal/__yo byad la dbang bas 'gro ba rnams kyi bsam pa yid bzhin du skong zhing*/__'phral yun gyi dbul ba las skyobs pa'i phyir/__'phags ma lha mo nor rgyun ma dang*/__mgon po dzam b+ha la yab yum lha nyer gnyis ma'i bskyed rdzogs phrin las dbang bskur dang bcas pa kha tshar don 'dril 'di ni/__gter 'byin grub thob rgya mtsho'i 'khor los bsgyur ba/__bla med 'jigs bral gyi slob dpon chen po/__pad+ma 'od gsal mdo sngags gling pa la/__bka' babs chen po bdun du bzhugs pa'i nang tshan sa gter gyi khongs su gtogs pa ste/__de'ang mdo khams 'bri zla zal mo sgang gi gnas phran/__ma pham seng rgod g.yu mtsho nas khyad par 'phags pa'i 'dus pa du ma'i dbus su/__rdzu 'phrul gyi cho 'phrul ngo mtshar ba'i rtags dang bcas mtsho gter du spyan drangs pa/__rtsa gsum sgyu 'phrul drwa ba'i chos skor la tan+t+ra chen po sdai bco brgyad kyi sgrub thabs dang*/__dbang bskur sogs rmad du byung ba'i chos sde rgya chen po bzhugs pa thams cad rang cag rnams kyi spyod yul du ma gyur kyang*/__de'i las phran skor las byon pa 'di ni/__sprul pa'i gter chen o rgyan mchog gyur gling pa'i sku gsung thugs kyi sras mo ran+ta shrI dI pe la/__kun mkhyen bla mas chos bka' 'di nyid kyi bdag por bkas gnang ste/__sku gsung thugs yon tan phrin las kyi rten mchog__/smin grol rgyab brten dang bcas pa chig brgyud tshangs sprugs su bstsal nas zab chos kyi bdag por dbugs dbyung ba bzhin/__thugs nyams su bzhes shing rim par brgyud pa ste/__che ba'i yon tan dag kyang gter gzhung rdo rje'i gsungs las/__kun bzang pad+ma 'byung gnas kyi:__yo byad dbang ba'i cho 'phrul ni:__rin chen sprin gyi ting 'dzin las:__'dod rgu'i char 'bebs lha mor bshad:__bcom ldan nor gyi rgyun ma zhes:__mtshan tsam 'dzin dang dran pas kyang :__bar chad sdug bsngal kun zhi zhing :__srid zhi'i 'byor pa 'bad med thob:__ces dang*/__rin chen 'bru nor rigs brgyud dang :__rkang bzhi phyugs dang cang shes rta:__dar gos bza' btung la sogs pa:__'dod rgu'i 'byor pa 'bad med 'du:__tshe ring nad med snyan grags 'phel:__mthar thug bsod nams tshogs rdzogs pas:__ye shes snang ba lhug par shar:__zhes gnas skabs dang*/__mthar thug gi dngos grub yid bzhin du stsol bar mdzad pa/__nor rgyun lha mo shes rab gtsor gyur thabs dang bcas pa'i dkyil 'khor du dbang bskur bgyi ba la sogs kyis mtshams sbyar la maN+Dal 'bul du gzhug__/rdo rje slob dpon kun bzang nor rgyun sems ma yab yum gyi ngo bor bzhugs pa'i spyan sngar/__me tog dang bcas pa'i thal mo sbyor la gsol ba 'debs pa 'di'i rjes zlos/__hoH__rin chen sprin gyi ting 'dzin las:__ye shes 'dod rgur 'char ba'i sku:__bla ma nor rgyun lha mo yis:__dbang bskur dam pa bdag la stsol:__lan gsum/__de ltar smin dbang nod par 'dod na/__khyed rang rnam pa'i rgyud sdom ldan du bsgrub dgos pas/__de'i slad du sdom pa'i gzhi rten skyabs su 'gro ba'i slad/__bcom ldan 'das ma nor rgyun lha mo'i dkyil 'khor pa la/__rtsa gsum nor lha rab 'byams chos srung gi tshogs dang bcas pas bskor ba mngon sum du bzhugs pa'i spyan sngar/__'di nas byang chub kyi bar du bdag gzhan 'gro ba thams cad skyabs su 'gro ba'i 'dun pas 'di'i rjes zlos/__na moH__bla ma yi dam bcom ldan ma:__mchog gsum rgyal ba rgya mtsho la:__bdag sogs 'gro kun byang chub bar:__rtse gcig gus pas skyabs su mchi:__lan gsum/___sdom pa'i gzhung lam thugs bskyed pa ni/__ma gyur gyi sems can thams cad gnas skabs dang*/__mthar thug gi sdug bsngal las myur du bsgral nas/__yid bzhin mchog sbyin lhag pa'i lha'i go 'phang la 'god par bya/__de'i phyir du smin lam nod de/__grol lam gyi gdams pa nyams su blangs bar bgyi'o snyam pa'i blos 'di'i rjes zlos/__hoH__ma gyur sems can thams cad kun:__sangs rgyas go 'phang thob bya'i phyir:__nyes spyod kun sdom dge chos sdud:__gzhan phan byang sems rtag tu bskyed:__lam myur du bgrod pa'i mthun rkyen tshogs bsags yan lag brgyad pa'i ting 'dzin tshig ris dang mthun par gsal btab te 'di'i rjes zlos/__hoH__'phags ma yab yum 'khor bcas la:__lus ngag yid gsum gus phyag 'tshal:__phyi nang gsang ba'i mchod pa 'bul:__nyams chags sdig sgrib thams cad bshags:__gsang sngags sgrub la rjes yi rang :__smin grol gsang sngags chos 'khor bskor:__lhun gyis grub par bzhugs su gsol:__snying po sems can don phyir bsngo:__yang dag rdo rje'i don rtogs shog:__lan gsum/__so byang sngags kyi sdom pa dam tshig mtha' dag deng 'dir tshul bzhin blangs nas/__nam yang mi btang bar 'dzin pa'i g.yar dam bcas te 'di'i rjes zlos/__bde gshegs sras bcas bdag la dgongs/__/deng bzung byang chub snying po'i bar/__/so thar byang sems rig 'dzin gyi/__/sdom pa ma lus bdag gis 'dzin/__lan gsum/__de rnams kyis sbyor ba'i chos rnams grub pa lags/__gnyis pa dngos gzhi la smin grol gnyis las/__dang po smin byed kyi dbang bskur ba la rnam grangs brgyad kyis/__dang po dbang gi rtsa ba ye shes pa'i byin dbab cing*/__sgo gsum rdo rje gsum ldan du bsgrub pa la/__yid gzhan du ma yengs par dmigs pa 'di ltar mdzod/__a mr-i tas bsang*/__swa b+hA was sbyangs/__stong gsal ngang las 'byung rim steng :__lha dang mi las khyad 'phags pa'i:__byang chub sems dpa'i nor bu'i mchog:__rin chen tog gi blo gros kyi:__gzhal med khang chen nyams dga' ba:__bkod pa du mas 'phags pa'i dbus:__sna tshogs pad zla'i gdan gyi steng :__ba~M yig yongs gyur skad cig gis:__'phags ma nor rgyun lha mo ni:__gser mdog zhal gcig phyag gnyis pa:__phyag g.yas mchog sbyin phyag rgya yis:__dgos 'byung gang ba'i 'bras bu dang :__g.yon pas skyabs sbyin 'bras snye ni:__'dod rgu'i char 'bebs rab tu bsnams:__sna tshogs dar gyi na bza' dang :__rnam mang rin chen rgyan gyis brgyan:__mchog tu sgeg cing 'dzum pa'i nyams:__zhabs zung sems ma'i skyil krung bzhugs:__rang 'od thabs mchog dzam+b+ha la:__ser gsal zhal gcig phyag gnyis pa:__phyag g.yas yum gyi mgul nas 'khyud:__bI dza pU ra'i 'bras bu bsnams:__g.yon pas nor gyi rgyun stsol ba'i:__ne'u le yi mgrin pa bzung :__ut+pal dar dang rin chen brgyan:__sgeg cing gtum pa'i nyams 'gyur rdzogs:__gnas gsum rdo rje'i 'bru gsum mtshan:__de rnams 'od kyis bskul ba'i mthus:__bdag mdun gtso mo'i gsang gsum gyi:__'bru gsum 'od kyis rtsa gsum lha:__thams cad bcom ldan 'phags ma yi:__rdo rje gsum gyi phyag rgyar bzhengs:__kha char bu yug 'tshubs bzhin byon:__slob mar thim pas byin brlab gyur:__spos btul rol mo'i sgra dang bcas/__oMH__'phags ma kun gshegs snying rje'i bdag:__snyigs ma lnga yi mthar skyes pa'i:__'gro rnams dbul 'phongs bsal ba dang :__'dod rgu'i dngos grub stsol ba'i phyir:__bcom ldan lha mo nor rgyun ma:__yab yum sprul pa'i 'khor dang bcas:__sngon gyi thugs dam rjes dgongs te:__gnas 'dir myur du gshegs su gsol:__oM shrI sarba ba su d+ha ri dzam+b+ha la sa pA ri ra e h+ya hiH__ma hA ka ru Ni ka dri sh+ya hoH__sa ma ya A we sha ya a AH__drag tu brjod pas byin dbab/__dzaHhU~M ba~M hoHsa brtan/__ye shes pa'i byin rlabs kyi rgyun byang chub bar du brtan par byas par mos/__tiSh+Tha badz+ras brtan/__gnyis pa dkyil 'khor yongs rdzogs bum dbang bskur ba ni/__de ltar byas pa'i ye shes kyi byin rlabs brtan cing 'phel ba dang*/__bskyed rdzogs las sbyor gyi ting 'dzin la brten pa'i phrin las rab 'byams bsgrub pa la dbang ba'i phyir/__lha dang slob dpon dbyer med pas/__dgos 'dod kun 'byung gi gter chen po'i bum pa/__dkyil 'khor chen po'i snod bcud yongs rdzogs byin rlabs dngos grub kun stsol yid bzhin nor bus dbang bskur bas/__'dod 'byung bdud rtsi'i rgyun sbyi bo nas zhugs/__lus thams cad la khyab pas/__bsod nams ma yin pa'i rgyu 'bras las byung ba'i bkra mi shis pa thams cad bkrus/__rgyal ba rgya mtsho rgyan 'khor lnga'i dngos grub rab 'byams la dbang thob par mos/__gter bum btegs la/__ba~MH__gter gyi bum pa bzang po na:__'phags ma nor rgyun lha mo bzhugs:__dkyil 'khor yongs rdzogs dbang bskur bas:__dongs grub rnam gnyis thob par shog:__oM ba su d+hA rI swA hA:__oM dzam+b+ha la dza len+d+ra ya swA hA:__ma hA ni d+hI ka la sha a b+hi Shiny+tsa hU~M:__gsum pa lha sku phyag rgya'i dbang bskur ba ni/__slar yang slob dpon dang mdun bskyed dbyer med pa'i dpral ba nas/__ye shes kyi phyag rgya gnyis pa re byon te/__slob ma'i spyi bo nas thim pas/__mtshan dpes brgyan pa'i sku 'grub/__rnam par rgyal ba'i gzi byin chen pos brtan g.yo'i dpal rnams sdud nus pa'i mthu dbang thob par mos/__sku spyi bor bzhag cing*/__oM:__bcom ldan nor rgyun yab yum gyi:__rdo rje sku yi dbang bskur bas:__gzi brjid mtshungs pa med pa yis:__brtan g.yo'i dge mtshan rgyas par shog:__oM ba su d+hA rI swA hA:__oM dzam+b+ha la dza len+d+ra ya swA hA:__kA ya a b+hi Shiny+tsa oM:__bzhi pa gsung sngags kyi dbang bskur ba ni/__bla ma dkyil 'khor pa'i mgrin pa nas gsung yig 'bru'i phreng ba dpag tu med pa rang sgra sgrogs bzhin par byon/__slob ma'i mgrin pa nas zhugs/__rtsa gnas thams cad la khyab pas/__rtsa rlung rang byung rdo rje'i sngags kyi 'khor lo byin gyis brlab par mos/__sngags byang mgrin par bzhag cing*/__AH__bcom ldan nor rgyun yab yum gyi:__nus pa sngags kyi dbang bskur bas:__rdo rje'i sgra dbyangs chen po yis:__srid gsum zil gyis non par shog:__oM ba su d+hA rI swA hA:__oM dzam+b+ha la dza len+d+ra ya swA hA:__wA ka a b+hi Shiny+tsa AH__lnga pa thugs phyag mtshan gyi dbang bskur ba ni/__bla ma dkyil 'khor pa'i thugs ka nas/__thugs kyi ye shes mi 'gyur ba'i bde ba chen po'i phyag rgya phyag mtshan gyi rnam par byon/__slob ma'i snying gar thim pas/__'gyur med 'od gsal snying po'i dgongs pa mngon du gyur par mos/__phyag mtshan snying gar bzhag cing*/__hU~M:__bcom ldan nor rgyun yab yum gyi:__'od gsal thugs kyi dbang bskur bas:__dran pas srid zhi'i dwangs bcud kun:__thugs kyi thig ler ro gcig shog:__oM ba su d+hA rI swA hA:__oM dzam+b+ha la dza len+d+ra ya swA hA:__tsit+ta a b+hi Shiny+tsa hU~M:__drug pa yon tan sgrub rdzas kyi dbang bskur ba ni/__bla ma dkyil 'khor pa'i lte ba nas nor rgyun lha mo'i yon tan 'gro ba'i re skong gang la gang 'dul/__rtsol med nam mkha'i mdzod du 'char ba'i bkra shis rin po che'i rdzas rtags/__dbyig gi snying po rnams char chen po'i rgyun bzhin byon/__slob ma'i lte bar thim pas/__bum pa bzang po dang*/__dpag bsam nor bu bzhin/__'gro ba rnams kyi 'di dang gtan gyi dbul ba sel nus pa'i yon tan mi zad pa'i gter gyi dbang bskur thob par mos/__bkra shis pa'i rdzas rnams lte bar gtugs shing lag tu gtad de/__trA~M:__yid bzhin nor bu bum pa bzang :__'dod 'jo'i ba dang dpag bsam bzhin:__gzhan don tshul bzhin sgrub nus pa'i:__yon tan pha mtha' yas par shog:__oM ba su d+hA rI swA hA:__oM dzam+b+ha la dza len+d+ra ya swA hA:__gu Na a b+hi Shiny+tsa trA~M:__bdun pa gtor ma la brten te phrin las kyi rjes gnang ni/__bla ma dkyil 'khor pa'i gsang ba nas 'gro 'dul phrin las kyi dngos grub thams cad sna tshogs nor bu 'od lnga'i zer sprin mtha' yas pa byon/__slob ma'i gsang gnas su thim pas/__zhi rgyas dbang drag mchog gi phrin las lnga dang*/__las chen brgyad/__tshe dang*/__gnas dang*/__yo byad sogs dbang bcu'i dpal 'byor rgya mtsho la brten pas/__gzhan don rab 'byams sgrub par nus pa'i las kyi rjes gnang thob par mos/__/gtor ma gsang bar bzhag cing lag tu gtad la/__hAH__gtor ma rin chen 'dod rgu'i dbyig:__zhi rgyas dbang drag las kun rdzogs:__grub chen brgyad dang dbang bcu sogs:__phrin las 'bad med 'grub par shog:__oM ba su d+hA rI swA hA:__oM dzam+b+ha la dza len+d+ra ya swA hA:__karma a b+hi Shiny+tsa AH__brgyad pa mtha' brten shis pa'i rol mos mnga' dbul ba ni/__bla ma dkyil 'khor pa'i lha tshogs phyogs bcu'i rtsa gsum dam can nor lha rab 'byams kyis dge legs rnam par bkra ba'i nor bu'i dga' char bsnyil/__shis pa'i dbyangs snyan mgrin gcig tu ldir pas/__slob ma rnams phyogs dus gnas skabs thams cad du/__bde bar gshegs pa'i dpal 'byor rgya mtshos 'byor zhing*/__bde legs kyi longs spyod mtha' yas pa'i mdzod la dbang 'byor ba'i rten 'brel bsgrigs par mos/__'dir 'brel chags pa'i shis brjod rgya cher spel lo/__de rnams kyi sgo nas rgyud smin byed dbang gi rim pa grub pa lags/__dngos gzhi'i gnyis pa grol byed kyi rim pa 'bog pa la/__dang po yid ches pa'i phyir lo rgyus dang*/__dgos ched/__gnyis pa lo rgyus dgos pa de ldan gyi lhag pa'i lha mo 'di nyid nye bar bsnyen pa la/__sngon 'gro sbyor ba gnas dang*/__dkyil 'khor/__yo byad 'du bya ba sta gon gyi rim pa dang*/__lam gyi gzhi rten skyabs sems tshogs bsags rnams mdor bstan/__dngos gzhir rgya che ba sku bskyed pa'i rnal 'byor yan lag dang bcas pa/__gsum pa gsung sngags ky-i rnal 'byor rtags tshad dang bcas pa/__bzhi pa zab pa thugs ye shes kyi rnal 'byor mtshan bcas kyi ting 'dzin rlung dang bsre ba dang*/__mtshan med 'od gsal chen po'i rnal 'byor/__lnga pa dngos grub bsgrub pa'i las rim/__drug pa las sbyor phan yon dang bcas pa rnams rim par 'byung ba lags pas snyan gtod cig__/kun bzang pad+ma 'byung gnas kyis:__yo byad dbang ba'i cho 'phrul ni:__rin chen sprin gyi ting 'dzin las:__'dod rgu'i char 'bebs lha mor bshad:__bcom ldan nor gyi rgyun ma zhes:__mtshan tsam 'dzin dang dran pas kyang :__bar chad sdug bsngal kun zhi zhing :__srid zhi'i 'byor pa 'bad med thob:__sa ma ya:__de nyid nye bar bsnyen 'dod pas:__nags tshal mtsho gling brag skyibs sogs:__dben zhing nyams dga' 'bab chu dang :__me tog dkar pos brgyan pa'i gzhir:__dbang thob dam ldan rnal 'byor pas:__byi dor bya zhing chag chag gdab:__dam tshig rten du bris sku'i mdun:__bdug spos bzang po legs pa 'bul:__skyabs sems tshogs bsags sngon 'gro bas:__dngos gzhi'i rim pa 'di ltar brtag:__AH__'khor 'das chos kun mnyam pa nyid:__zung 'jug 'dus pa byas pa'i dbyings:__rig gdangs brtse ba'i snying rje'i rtsal:__rin chen sprin gyi ting 'dzin las:__rgyu yi sa bon ba~M ser po:__gser mdog nyi ma lta bur shar:__de las 'phros pa'i 'od zer gyis:__snod bcud tha mal snang zhen sbyangs:__stong gsal ngang las 'byung rim steng :__lha dang mi las khyad 'phags pa'i:__byang chub sems dpa'i nor bu'i mchog:__rin chen tog gi blo gros kyi:__gzhal med khang chen nyams dga' ba:__bkod pa du mas 'phags pa'i dbus:__sna tshogs pad zla'i gdan gyi steng :__ba~M yig yongs gyur skad cig gis:__'phags ma nor rgyun lha mo ni:__gser mdog zhal gcig phyag gnyis pa:__phyag g.yas mchog sbyin phyag rgya yis:__dgos 'byung gang ba'i 'bras bu dang :__g.yon pas skyabs sbyin 'bras snye ni:__'dod rgu'i char 'bebs rab tu bsnams:__sna tshogs dar gyi na bza' dang :__rnam mang rin chen rgyan gyis brgyan:__mchog tu sgegs cing 'dzum pa'i nyams:__zhabs zung sems ma'i skyil krung bzhugs:__rang 'od thabs mchog dzam+b+ha la:__ser gsal zhal gcig phyag gnyis pa:__phyag g.yas yum gyi mgul nas 'khyud:__bI dza pU ra'i 'bras bu bsnams:__g.yon pas nor gyi rgyun stsol ba'i:__ne'u le yi mgrin pa bzung :__ut+pal dar dang rin chen brgyan:__sgegs cing rjes chags gtum pa'i nyams:__yab yum mnyam sbyor mkha' gsang nas:__dza~M dang ba~M yig phyogs mtshams 'phros:__so so'i gdan steng yongs gyur las:__shar du zla 'od nor bu bzang :__lho ru sbyin ma gang ba bzang :__nub tu rab sbyin nor sbyin che:__byang du 'phags ma rnam thos sras:__shar lho rab bzang rol pa'i phreng :__lho ru sbas ma 'jam po 'khyil:__nub byang mdzes ma gdong gi dbang :__byang shar dbyangs can spyod pa'i dbang :__kun kyang gser mdog rgyan cha lugs:__gtso bo yab yum rigs su bzhengs:__sgo bzhir 'jig rten skyong ba dang :__bar mtshams nor lha rab 'byams tshogs:__nyi ma dang ni 'od zer bzhin:__ma bskyed ye rdzogs 'phro zhing 'du:__'gro kun dbul ba'i gdung sel zhing :__'dod rgu'i dngos grub char bzhin 'bebs:__gnas gsum rdo rje'i 'bru gsum mtshan:__sku gsung thugs su lhun gyis grub:__byang sems bdud rtsi'i dbang bskur bas:__ye shes rigs lnga'i phyag rgyas btab:__oM AHhU~MH__tra~M oM hU~M hrIHA:__oMH__'phags ma kun gshegs snying rje'i bdag:__snyigs ma lnga yi mthar skyes pa'i:__'gro rnams dbul 'phongs bsal ba dang :__'dod rgu'i dngos grub stsol ba'i phyir:__bcom ldan lha mo nor rgyun ma:__yab yum sprul pa'i 'khor dang bcas:__sngon gyi thugs dam rjes dgongs te:__gnas 'dir myur du gshegs su gsol:__oM shrI sarba ba su d+hA ri dzam+b+ha la sa pa ri wA ra e h+ye hi:__ma hA ka ru Ni ka dr-i sh+ya hoH__sa ma ya hoH__sa ma ya s+t+waM:__hoH__snying rje'i lcags kyus rgyud bskul zhing :__byams pa'i zhags pas rten dang bsre:__dga' ba chen po'i sgrog gis bcings:__btang snyoms dril bus dgyes pa bskyed:__dzaHhU~M ba~M hoH__hoH__chos kun rang bzhin mnyam nyid dbyings:__ye shes sgyu ma'i rnam par 'phrul:__'dod rgu char 'bebs lha mo la:__mi phyed gus pas phyag gis 'dud:__a ti pU hoH__pra tIts+tsha hoH__oM:__mchod pa'i phyag rgya chen po ni:__sems kyi yid bzhin rin chen gter:__nyer spyod 'dod yon bsam mi khyab:__kun tu bzang po'i sprin gyis mchod:__oM shrI ba su d+hA ri dzam+b+ha la sa pa ri wA ra ar+g+haM aH__pA d+yaM baM:__puSh+pe trA~M:__d+hU pe hU~M:__A lo ke hrI:__gan+d+he AH__nai bid+ya a~M:__shap+da ho:__ru pa:__shab+da:__gan+d+he:__rA sa:__spar+She:__d+harma d+hA tu ho:__sarba pU dza ga ga na me g+ha sa ma ye hU~M:__hU~M:__rin chen rnam par blta ba yi:__ye shes gser mdog yid 'ong sku:__mtshan dpe'i sgyu 'phrul rol pas mdzes:__dkyil 'khor dbang phyug ma la 'dud:__AH__skye ba med pa'i yi ge'i sprin:__'gags med gzugs kyi sgra ru shar:__dran pas dngos grub mchog stsol ba'i:__rdo rje'i gsung la phyag 'tshal lo:__hU~MH__mi gnas mi dmigs 'od gsal ngang :__'khor 'das chos kun mnyam pa nyid:__rin chen sprin gyi ting 'dzin can:__'pho med thig le chen por 'dud:__trA~M:__dpag bsam shing chen rgyas pa ste:__bum pa bzang po che ba'i mchog:__byed po sems can kun don byed:__yon tan pha mtha' yas la bstod:__AH__gang gis khyod la bsnyen pa'i mod:__zhi rgyas dbang drag grub pa brgyad:__dbang bcu'i dngos grub 'dod rgu'i gter:__phrin las bsam mi khyab la 'dud:__hoH__ye shes dgu yi cho 'phrul las:__gtso 'khor sprul pa cir yang ston:__gnod sbyin nor lha'i tshogs rnams la:__gus pas bstod do dngos grub stsol:__ces bstod lha sku'i gsal snang la:__rtse gcig sems bzung dbyer med bsre:__snang ba lha sku rang shar na:__nam mkha'i mdzod la dbang bsgyur 'gyur:__sa ma ya:__yan lag bzlas pa'i rnal 'byor ni:__gtso mo'i thugs ka'i dpal be'ur:__brtan g.yo'i dwangs ma 'od lnga'i klong :__mi 'gyur thugs srog ba~M yig mthar:__sngags kyi phreng bas bskor ba las:__'od 'phros rgyal ba sras bcas mchod:__'gro kun dbul 'phongs sdug bsngal bsal:__'khor 'das 'dod rgu'i dge mtshan kun:__nyi ma 'char ka'i mdangs ltar bsdus:__nam mkha'i mdzod la dbang bsgyur ba'i:__yid bzhin dngos grub mchog thob gyur:__oM ba su d+hA rI swA hA:__oM dzam+b+ha la dza len+d+ra ya swA hA:__spro na 'khor gyi sngags kyang bzla:__'bum phrag gsum gyis las kun byed:__dngos nyams rmi lam zhal mthong dang :__rin chen char 'bebs gter rnyed sogs:__dngos grub ya mtshan ltas mang 'byung :__zla ba drug tu goms pa yis:__'phags ma nyid dang mtshungs par 'gyur:__zab mo don gyi rnal 'byor ni:__rang nyid 'phags ma yab yum gyi:__thugs kar ba~M dang dzam ser po:__shin tu phra ba'i yi ger brtag:__de la rtse gcig sems zin na:__'od kyi snang ba chen por smin:__nam mkha'i khams kun gang bar spros:__'dod rgu'i char chen 'bab pa yis:__sems can dbul ba'i sdug bsngal bsal:__tshur 'dus snod bcud thams cad kun:__mnyam pa nyid kyi ye shes dbyig:__gser zhun mdangs su rab tu zhu:__thugs kyi thig le mnyam par bstim:__kha sbyor rlung bzung yid bzlas bya:__de ltar yang yang spro bsdu'i mthar:__sa bon nyid kyang mi dmigs par:__srid zhi mnyam pa'i ngang du bzhag:__snang grags rtogs pa'i chos ji snyed:__'phags ma'i gsang gsum rang shar na:__ye shes rin chen ting 'dzin gyis:__gang 'dul phrin las stsol med 'char:__bsnyen pa sngon song rnal 'byor pas:__dngos grub sgrub pa'i man ngag ni:__mdun gyi dkyil 'khor tshul bzhin bzhengs:__bdag mdun dbyer med ting 'dzin gsal:__dzaba? khang phye zhing bzlas pas bskul:__thun mtshams maN+Dal gtor tshogs 'bul:__sa bcu'i mdo sde la sogs bklag: gser 'od dam pa/__khyad par me tog ser po dang :__rin chen 'bru sman bsreg blug bya:__des ni grub ba'i ye shes dbyig:__brtan cing nus pa ldan par 'gyur:__sa ma ya:__las sbyor gter gyi bum pa bzang :__rin chen 'bru sman byur bur gtams:__dbus su sku dang sngags byang dang :__khyad par 'khor lo 'dab brgyad zung :__dbus dang phyogs mtshams sa bon mthar:__gtso 'khor so so'i sngags kyis bskor:__mu khyud dbyangs gsal 'dod gsol bkod:__sbrang rtsis kha sbyar skud pas bsdams:__mar dang mngar gsum zhun ma'i dbus:__bzhugs su gsol zhing lhar bskyed la:__mchod bstod bzlas pas thugs dam bskul:__brtan bzhugs shis pa rgya chen brjod:__gang du bzhugs pa'i sa phyogs kun:__'og min lcang los brgyan par mtshungs:__rin chen 'bru nor rigs brgyud dang :__rkang bzhi phyugs dang cang shes rta:__dar gos bza' btung la sogs pa:__'dod rgu'i 'byor pa 'bad med 'du:__tshe ring nad med snyan grags 'phel:__mthar thug bsod nams tshogs rdzogs pas:__ye shes snang ba lhug par shar:__zhes gdams par mdzad pa bzhin/__rang don gnas skabs tshe 'di'i khe drag mi gnyer bar/__gzhan don gtan gyi 'dun ma bsgrub pa'i blos/__gzhung bzhin 'bad de nyams su len 'tshal/__gsum pa rjes kyi rim pa ni/__de ltar dbang bskur thob pa'i dbang srog dam tshig gi gnad kyang*/__rdo rje theg pa'i dam tshig rtsa ba dang yan lag gis bsdus pa spyi dang bye brag__/mchog dman bar ma'i zhing rnams la ci 'byor pa'i dngos po ser snas ma bcings pa'i mchod sbyin bya ba dang*/__nyam thag pa'i 'gro ba thams cad sbyin pa rnam pa bzhis tshims par bya ba dang*/__nang gi ting 'dzin gyi rim pa la brten nas zag med mchog gi ye shes sems kyi nor bu rin po che dus rtag tu bsten pa la sogs pa bsod nams dang*/__ye shes kyi tshogs spel ba'i thabs la brtson pa lhur len pa rnams mdzad dgos pas/__de ltar bya ba'i 'dun pas 'di'i rjes zlos/__gtso bos ji ltar sogs dang*/__gtang rag maN+Dal/__lus dbul/__dge bsngo bcas kyis grub/__bzhi pa cho ga'i rjes ni/__slob dpon gyis tshogs la rol pa nas dngos grub bsdu zhing rjes rim rnams mthar rgyas su bya'o/__/gsum pa las tshogs nyer mkho la gsum las/__dang po 'khor lo bca' sgrub bya ba ni/__gtso mo yab yum gyi srog 'khor ni/__'bri gzhi gser dngul la gzong gis 'bur bu brko ba'am/__bkra shis g.yang chags kyi dar ser po la dngul lam/__mtshal gyis yab yum gyi 'khor lo so sor mu khyud lnga rim bskor ba'i dbus kyi mu khyud dang po lte ba dang*/__gnyis par phyogs mtshams pad+ma 'dab brgyad rnams kyi lte bar ba~M yig re'i mthar dbu nas brtsams g.yas bskor gyis dbus su gtso mo nor rgyun ma/__shar 'dabs su zla 'od ma/__shar lhor rab bzang ma/__lhor sbyin ma/__lho nub tu sbas ma/__nub tu rab sbyin ma/___nub byang du mdzes ma/__byang du 'phags ma/__byang shar du dbyangs can ma ste/__yum brgyad kyi sngags dang*/__mu khyud gsum par dbyangs gsal/__spro na rten snying yang bri/__mthar/__gnas 'dir zas nor 'bru rigs dar gos rta nor rkang phran brgyud 'dzin 'khor slob la sogs pa yid la 'dod rgu'i longs spyod dang*/__mchog gi dngos grub yid bzhin sems kyi rin chen tshe 'dir thob pa'i dngos grub dam pa stsal zhing brtan par mdzad du gsol/__oM su pra tiSh+Tha badz+ra ye swA hA/__zhes pa rnams g.yas bskor yig mgo phyir bstan bri/__bzhi par nor phreng dang*/__lnga par nor 'dzin pa Ta g.yas bskor du bri/__de bzhin yab 'khor mu khyud lnga pa gong bzhin gyi lte ba dang*/__'dab ma rnams su+u dzAM/__dbus mar yab dzam+b+ha la'i sngags dang*/__shar du nor bu bzang po/__shar lho spyod pa'i dbang po/__lhor rnam thos sras/__lho nub tu gdong gi dbang po/__nub tu nor sbyin/__nub byang du 'jam po 'khyil/__byang du gang ba bzang po/__byang shar du rol pa'i phreng ba rnams kyi snying po 'god/__gzhan mu khyud gsum gong dang mtshungs/__de rnams bri bsub chad lhag med par bris la/__sbyong khrus byas te/__sbrang rtsi dang*/__mar dkar pos khyab par byug nas/__yum 'khor gtso bor byed pa'i dbang gis 'og dang*/__yab de la 'khyud pa'i tshul du steng ma byas la/__srog yig sogs ma 'dzol bar zhal sbyar/__dar skud ser pos rgya gram du bcings shing*/__dar ser po'i na bzas dril ba/__rin po che'i snod du mngar gsum zhun mar gyis bltams pa'i khar bzhugs su gsol ba gtso bo dang*/__sku gsung thugs rten bcas bzhugs pa'i rin po che'i bum pa gzhung gsal bzhin legs par bcas la/__ras bris sam tshom bu'i khar bzhugs/__mchod pa rnams bshams la/__bdag bskyed sngon 'gros/__slar mdun bskyed ting 'dzin gsum nas bzlas pa'i bar gter gzhung bzhin bskyang zhing*/__thun bzhi'am/__gsum gyis nyin gsum lnga bdun sogs bsgrub cing*/__thun mtshams su maN+Dal/__gtor 'bul/__tshogs/__me mchod rnams res mos kyis sbyor ba dang*/__thun so so'i mthar 'dod gsol brtan bzhugs ni/__bcom ldan 'das ma nor rgyun lha mo dang*/__yab dzam b+ha la/__'khor lha mo brgyad/__yab brgyad/__rtsa gsum nor lha gter bdag bye ba'i tshogs dang bcas pa rnams rten 'di la brtan par bzhugs nas/__sngon gyi thugs dam ma g.yel bar sgrub pa po'am/__sbyin pa'i bdag por/__stong gsum 'jig rten 'khor 'das rab 'byams thams cad kyi snod kyi 'byung ba'i dwangs ma/__bcud kyi 'byor ba'i dpal yon/__dbang po drug gi 'dod yon/__lha'i bdud rtsi/__klu'i nor bu/__gnod sbyin gyi gter chen/__gling bzhi'i mi/__phro brang mkhar/__rigs brgyud sras/__mnga' ris bde skyid/__dpa' rtsal stobs/__sra brtan go cha/__rkang bzhi phyugs/__lo tog 'bru bcud/__bzang shing sman/__zhim mngar zas/__bkrag ldan gos/__yid 'phrog rgyan/__brjid ldan nor/__mkhas pa'i mkhyen rab/__grub pa'i nus mthu/__'phags pa'i spangs rtogs/__dam pa'i chos/__bshad sgrub bstan pa/__'chi med tshe/__bsod nams dbang thang*/__snyan grags dpal 'byor/__nad med bde ba/__rgas med lang tsho/__mdor na ci bsam yid bzhin tu 'grub pa'i phya g.yang dngos grub ma lus pa thogs med myur du stsol bar mdzad du gsol/__zhes gsol zhing me tog ser po 'thor/__de ltar bsgrub pa mdzod kyi phug tu bkur sti dang bcas te bzhugs su gsol ba dang*/__rten gyi gzungs gzhug tu rgyas par bum pa dang*/__bsdu na 'khor lo gnod sbyin 'khor lo spyi ltar gyis bzhugs na/__gnod sbyin 'khor lo mchog tu 'gyur ro/__/gnyis pa nyer mkho'i me mchod mdor bsdus pa ni/__bkra shis pa'i stegs bur rgyas pa'i bsreg thab spyi khyab lha grangs kyi tshom bu can nam/__ma 'byor na sa ser brdal ba'i steng*/__me tog ser po'i tshom bu gtso 'khor dgu/__de rgyab phyogs bzhi re re bcas bkod/__shug pa/__kham bu la sogs pa'i las mthun gyi shing gru bzhir brtsegs/__slob dpon gyi g.yas ngos su mchod sreg gi rdzas rin po che/__'bru sman/__dar zab/__phye phud sogs gang 'byor dang*/__rang gi 'dod pa'i nor sna rnams gtsang mar sbyar ba'i rdzas spungs dang*/__spro na nyer spyod/__'dod yon lnga bris pa'am/__mar la spar btab pa dang*/__sman gtor rak+ta tsam 'du byas la/__kha byang du phyogs pas/__bsreg rkyang skabs/__'di nyid ni rgyun khyer tsam la brten pa'i bdag bskyed bzlas pa bsdu ldang grub kyi bar sngon du 'gro bas/__bsang chu 'khyil pa'i sngags kyis bsgrub/__thun mtshams su yin na bdag bskyed dang bsang chu sngon bsgrub de kas 'thus/__gong ltar mchod rdzas byin gyis brlab te/__bkra shis pa'am/__me shel gyi me la/__a mr-i tas bsang*/__trA~M rat+na dz+wa la ra~M gyis thab kyi shar lho nas me spar/__thabs las sngags kyis bsang*/__chos nyid rnam dag sngags kyis sbyang*/__stong pa'i ngang las mdun du rgyas pa'i thab khung gru bzhi ser po/__mtshan nyid yongs su rdzogs shing*/__me gser mdog tu 'bar ba'i dbus su/__bcom ldan 'das 'phags ma nor rgyun lha mo/__/dpal ldan mgon po dzam b+ha la dang thabs gcig pa'i 'khor rigs kyi lha mo brgyad/__rang rang gi yab dang rol pa/__bka' sdod rgyal po chen po sde bzhi/__gzhan yang rtsa gsum nor lha gter bdag bye ba'i tshogs dang bcas pa skad cig gis gsal ba'i gnas gsum 'bru gsum dang*/__thugs srog 'od zer 'bar bas mtshan pa dang*/__bdag gi thugs ka'i 'od kyis/__'og min gyi gnas dang*/__lcang lo can gyi zhing dang*/__pho brang gser gyi rgyal mtshan can la sogs pa nas/__ye shes pa'i tshogs spyan drangs par gyur/__e h+ya hi badz+ra sa mA dzaHsa drangs/__dzaHhU~M ba~M hoHdam tshig pa la bstim/__badz+ra sa ma ya tiSh+Tha lhan gyis thugs dam bskul zhing bzhugs su gsol/__trA~M oM hU~M hrIHAHsa dbang bskur/__a ti pU hoHsa phyag 'tshal/__oM shrI ba su d+hA ri dzam+b+ha la sa pa ri wA ra zhes pa sngon du 'gro bas/__ar+g+haM AH__pad+yaM pa~M:__puSh+pe trA~M:__d+hU pe hU~M:__A lo ke hrI:__gan+d+he AH__nai bid+ya oM:__shab+da hoH__zhes phyi mchod nyer spyod dang*/__rU pa:__shap+da:__gan+d+he:__ra sa:__spar+she:__d+harma d+hA tu:__zhes nang mchod 'dod yon lnga rnams so so'i mthar/__pra tIts+tsha swA hA:__zhes sbyar bas 'bul ba dang*/__sngags snga ma la/__ma hA a mr-i ta kha ra~M khA hi:__de bzhin du/__rak+ta:__ba liM ta sbyar bas sman raka gtor ma 'bul/__hU~M/__bde bar gshegs pa'i smon lam las/__/'dod 'byung nor bu'i gzhal yas nas/__/dpa' mo nor rgyun lha mo ni/__/dpal ldan mgon po dzam+b+ha la/__/gnyis med gtso dang mched brgyad 'khor/__/rtsa gsum nor lha rab 'byams la/__/mchod cing bstod de phyag kyang 'tshal/__/zhes pas bstod/__slar yang rdzas spungs la bdud rtsis bran te/__oM AHhU~M/__lan gsum/__bsreg rdzas zag pa med pa'i bdud rtsi:__mkho rgu'i longs spyod/__rgyan phreng na bza' sogs sprin phung ltar gyur nas:__nor rgyun lha mo 'khor bcas la phul bas mnyes shing 'dod rgu'i dngos grub char bzhin du 'bebs par bsams la:__rtsa sngags sam/__gong sngags sa pa ri wA ra'i mthar/__oM ag+ne ya sarba pU dza sa ma ya hoH__sarba rat+na ba su sid+d+hi sdus sdus puSh+tiM ku ru swA hA/__/zhes brgya rtsa sogs ci nus phul mthar/__ye shes pa srog 'khor sogs rten la thim/__dam tshig pa me 'bar ba rab tu rgyas pa las 'od zer mkha' la sprin bzhin tu chags pa'i gseb nas/__'dod rgu'i char chen po babs pas/__gnas khang bang mdzod/__yul phyogs phyur bur khengs par gyur/__/zhes bsgom zhing*/__dge bsngo bkra shis sogs byas la/__thal sol mdzod dang zhing*/__lhas/__ri bo 'phan bzang rnams su bskyal lo/__/gsum pa 'phros don la gnyis kyi dang po 'bru g.yang spel ba ni/__bla ma'i thugs sgrub bar chad kun sel zhal gdams snying byang gi nor sgrub rin chen bum bzang gi las tshogs 'phags ma nor rgyun ma'i 'bru spel ba'i cho ga 'dir sbyor bar 'dod na/__sbyor ba gong gi phrin las ji lta ba la/__nor rgyun yab yum mam/__yum rkyang gi sku rten byin rlabs can khri'u'i dbus su bzhugs su gsol/__snod bzang po'am/__bum par dri bzang dang*/__rin po che sna tshogs kyi phye ma chu gtsang la sbyar ba dang*/__khrus bum/__khrus chas me long*/__bzed zhal/__sku phyis/__gos zung sogs khrus chog gang yin gyi bshams bkod/__dngos bzhi'i phrin las bzhin tshang bar btang ba'i bzlas pa'i skabs/__sa bon la bsre rgyu'i 'bru gtsang ma yod na has gdab cing byin brlabs byas na legs par sems/__bdag bskyed grub pa dang*/__khrus bum la mchog gling khrus chog zla ba'i bdud rtsi bdag bskyed dang bcas pa'am/__spyi khyab tu rnam 'joms/__sme brtsegs/__'khyil pa gang rigs kyi bskyed bzlas 'od zhu bcas bya/__mdun bskyed kyi dmigs rten sku rten la dmigs pas gter gzhung gi ting 'dzin rnam gsum nas bzung*/__lha bskyed nas bzlas pa gtso bo yab yum rkyang pas 'thus/__rin po che'i snod du bdud rtsi'i rgya mtsho 'khyil pa'i zla dkyil la gnas pa'i sa bon ba~M dang*/__dza~M yig nyi ma'i snying po ltar rgyas pa'i mthar/__yab yum gyi sngags gser gyi phreng ba lta bur 'tsher bas bskor ba las/__bzlas pa'i sgra 'od kyis mkha' khyab kyi rtsa ba gsum dang*/__khyad par byang chub sems ma nor rgyun ma yab yum gyi sku gsung thugs yon phrin las nus bcud thams cad dang ye shes bdud rtsi gser zhun ma'i mdog ltar 'khyil ba spyan drangs/__sa bon gzungs sngags dang bcas par thim/__de las 'dod rgu nor bu'i sprin gyi snying po'i rgyun bab pa/__dri chab la 'dres pas dgos 'dod 'byung ba'i dbyig tu bsams la/__oM ba~M ba su d+ha ri NI swA hA:__sarba sid+d+hi pha la puSh+tiM ku ru oM:__/zhes khri 'bum dang*/__oM dzam+b+ha la dzA len+ta ye swA hA:__sarba sid+d+hi pha la puSh+tiM ku ru oM:__/zhes gong gi lnga cha las mi nyung ba bzlas mthar/__yig 'bru+u sa bon sngags phreng dang bcas pa 'od du zhu/__gzungs chab dang 'dres pas/__chu yi rdul phra rab re re bzhin/__bde bar gshegs pa'i dpal yon las grub pa'i nor bu'i rgyal por gyur par bsam/__dbyangs gsal/__yig brgya/__rten snying gis sngags kyi lhag chad bskang zhing nus pa brtan/__stong tshig 'bul/__khrus khang bskyed pa nas/__mdun rten la khrus gsol zhing*/__sku phyis/__na bza' 'bul/__de nas maN+Dal sogs 'bul/__brtan cing 'dod don gsol ba ni/__bcom ldan 'das ma nor rgyun lha mo dang*/__yab dzam+b+ha la/__'khor lha mo brgyad/__yab brgyad/__rtsa gsum nor lha gter bdag bye ba'i tshogs dang bcas pa rnams kyi byin rlabs rten 'dir bzhugs nas/__sbyin pa'i bdag po la 'dod rgu'i dpal 'byor dam pa spyi dang*/__khyad par yul gyi sa bcud rgyas shing*/__lha klu gzhi bdag 'byung po'i gdug rtsub zhi nas/__sad ser btsa' than 'bu srin sogs mi 'byung zhing*/__lo tog phun sum tshogs pa 'phel ba dang*/__'jig rten khams kyi 'bru g.yang 'dzad med gter gyi longs spyod thams cad 'du ba'i phrin las dang*/__dngos grub rgya chen po rgyun mi chad pa bstsal zhing brtan par mdzad du gsol/__/zhes 'dod don gsol ba bcas bya/__de ltar thun bzhi'am/__gsum sogs bskyal ba'i thun rjes mar gtor 'bul rjes tshogs mchod sogs mthar dbyung*/__sgrub pa thon zin nas/__lha khrus kyi khrus chab dang*/__gzungs chab lhan cig bsres nas sa bon la bran pas/__lo tog legs shing*/__btsa' sad ser ba'i gnod pa zhi/__'bru yi khang par gtor bas/__bsris sme bar 'gyur ro/__/gnyis pa srid zhi'i dpal 'byor phya g.yang 'gugs pa ni/__bum sgrub dang*/__'bru spel ba'i skabs g.yang 'gugs byed par spro na/__sbyor ba'i skabs/__gtor ma gser skyems sogs mchod pa'i dpung bskyed/__g.yang mda' rgyan ldan sogs 'du bya/__gnyis ka'i mdun bskyed stong tshig grub ma thag par/__thugs dam bskul zhing srid zhi'i dwangs bcud 'gugs pa ni/__bdag gi thugs ka'i 'od zer gyis:__mdun bskyed 'khor bcas thugs rgyud bskul:__rab tu dgyes pa'i gzi byin bskyed:__rdo rje'i sngags kyi sgra chen bsgrags:__ye shes 'od zer mkha' khyab 'phros:__stong gsum 'jig rten khams kun g.yos:__'khor 'das kun gyi bcud dang dpal:__lha klu mi yi longs spyod tshogs:__rang dbang med par 'ubs kyis bsdus:__bdag gi bang mdzod gnas khang dang :__yul phyogs thams cad phyur bur khengs:__dwangs ma rten rdzas rnams la thim:__yid bzhin 'dod 'jo'i dpal du bsam:__/zhes pa'i dmigs pa gsal gdab la/__sbyar spos bsreg__/dbyangs rol gdungs shugs dang bcas pas mda' dar g.yab la/__hU~M:__bkra shis yid 'ong grub pa'i zhing :__longs spyod gter gyi pho brang nas:__rigs kyi khyab bdag nor gyi rgyun:__dpal ldan mgon po dzam+b+ha la:__mched brgyad yab yum sgo skyong dang :__rtsa gsum nor lha rab 'byams sogs:__rtse gcig gus pas bsgrub lags na:__byams pa'i zhal bzang dus 'dir ston:__dgyes pa chen po'i gzi byin bskyed:__dngos bshams yid las byung ba yi:__nyer spyod 'dod yon sprin ltar gtibs:__snod bcud ri gling 'byor pa'i tshogs:__bkra shis rdzas rtags rgyal srid bdun:__bum bzang 'dod 'jo dpag bsam shing :__gtor ma skyems phud ro bcud ldan:__zad mi shes pa'i longs spyod kyis:__g.yar dam bskang zhing nyams chag bshags:__mos shing gdung bas rgyud bskul na:__thugs rje thugs dam dbyings nas dgongs:__stong gsum 'khor 'das rab 'byams kyi:__snod kyi 'byung ba'i phywa g.yang khug:__bcud kyi 'byor pa'i phywa g.yang khug:__mdzes sdug gzugs kyi phywa g.yang khug:__snyan 'jebs sgra yi phywa=__bsung zhim dri yi phywa=__bcud ldan ro yi phywa=__'jam 'khril reg bya'i phywa=__yid mthun chos kyi phywa=__lha yi bdud rtsi'i =__klu yi nor bu'i =__gnod sbyin gter gyi =__gling bzhi mi yi =__pho brang mkhar gyi =__rigs brgyud sras kyi=__mnga' ris bde skyid=__dpa' rtsal stobs kyi=__sra brtan go cha'i=__rkang bzhi phyugs kyi=__lo tog 'bru bcud=__bza' shing sman gyi/__zhim mngar zas kyi=__bkrag can gos kyi=__yid 'phrog rgyan gyi=__brjid can nor gyi=__mkhas pa'i mkhyen rtsal=__grub pa'i nus mthu'i=__'phags pa'i spang rtogs=__dam pa'i chos kyi=__bshad sgrub bstan pa'i=__'chi med tshe yi=__bsod nams dbang thang phywa g.yang khug:__snyan cing grags pa'i=__dbang dang 'byor ba'i=__nad med bde ba'i=__rgas med lang tsho'i=__ci bsam 'grub pa'i=__phywa khug g.yang skyob dngos grub stsol:__bkra shis bde legs rgyas par mdzod:__oM shrI ba sud+hA ri nI dzam+b+ha la dza len+t+ra ye swA hA:__sarba sid+d+hi sdus sdus:__rat+na puSh+tiM wa shaM ku ru hoH__zhes bskul mthar/__maN+Dal sogs thun mtshams kyi mchod 'bul so sor 'jug go__/bde gshegs dbang bcu'i nyi ma yis/__/dbul ba'i mun pa kun bsal te/__/phan bde'i pad tshal ci dgar bzhad/__/don gnyis dpal gyis 'byor gyur cig__/ces pa'ang gter ma'i phyogs dang/__khyad par bla med kyi rgyud sde ltar byon pa ches dkon pas/__'di nyid gyi rgyun chad par phangs shing*/__mchog gling rigs chos kyi brgyud 'dzin/__sprul sku bsam gtan rgya mtshos gsungs bskul gnang ba dang*/__nyer mkho'i cha rkyen du gyur pas mtshams sbyar/__lhag bsam bzang pos kun nas bslangs te/__sangs rgyas karma pa'i mtshan gyi cod pan 'chang ba'i rig 'dzin gyi btsun pa/__kun bzang mkha' khyab rang byung bde ba'i rdo rjes/__gter gzhung rtsa bar bzung*/__kha 'geng dang*/__las phran/__g.yang 'gugs sogs phal cher kun mkhyen bla ma nyid kyi gter kha las btus te/__nyung du rnam gsal du mkha' spyod thugs kyi 'khor lo mtshur mdo'i gan+d+ho la chen po'i rgyab ri/__nor sbyin snying rje'i gter 'chang gi pho brang*/__brag ri rin chen brtsegs 'dra'i lte ba/__sgrub sde chen mo lhun grub pho brang du sbyar ba'i yi ge gnyis par 'god pa po ni dge slong bla ma 'jam dpal tshul khrims kyis bgyis pa'i dge bas 'gro rnams tshogs gnyis dpal gyi 'byor pas phyug pa'i dpyid du 'babs par gyur cig__/phrin las dang dbang chog gnyis zur rgyan ltar nag 'gros su bgyid pa po ni phun tshogs rnam rgyal lo/__//__
