DKYD-KABUM-07-JA-071

🚧 This website is under continued development. We appreciate your patience!

Previous Text Back to Volume Page Next Text

Wylie title
Location	mdo mkhyen brtse bka' 'bum Volume 7, Text 71, Pages (Folios to )
Author	མདོ་མཁྱེན་བརྩེ་
Less details More details
Citation
Genre

[edit]

༄༅ཿ བདུད་མགོན་གཏོར་འབུལ་ནིཿ བྷྱོཿ རབ་ཏུ་འཇིགས་པའི་དུར་ཁྲོད་ནསཿ རླུང་ནག་འཚུབ་མའི་གུར་གྱིས་དབུསཿ བདུད་མགོན་ལེགས་གྲུབ་རྡོ་རྗེ་དངཿ ཡུམ་ཆེན་སིན་དྷ་ར་མ་ལཿ བམ་རོ་ཕོ་མོ་དྲེགས་པའི་འཁོརཿ སྤྱན་འདྲེན་བཞུགས་གསོལ་དགྱེས་པར་དགོངསཿ བཱ་ལིང་ཨ་མྲྀ་ཏ་དང་ནིཿ རཀྟའི་མཆོད་པ་བཞེས་སུ་གསོལཿ མ་ཧཱ་ཀ་ལ་སིན་དྷཱ་རཱ་མ་བཱ་ལིང་ཏ་པཉྩ་རཀྟ་སརྦ་པཱུཙྪ་ཧོཿ བདུད་མགོན་སེང་གེའི་གདོང་པ་ཅནཿ ཡུམ་མཆོག་ཁམས་གསུམ་ཟ་བྱེད་མཿ ལས་མཁན་མིང་སྲིང་ཕྲིན་ལས་སྒྲུབཿ འཁོར་དང་བཅས་ལ་བདག་བསྟོད་དོཿ ཧེ་རུ་ཀཿདང་སེང་གེས་སྒྲཿ ཁྲག་འཐུང་དཔའ་བོའི་སྤྱན་སྔ་རུཿ ཞལ་བཞེས་དགོངས་ལ་ཕྲིན་ལས་སྒྲུབསཿ སྡང་དགྲ་དམ་ཉམས་གདུག་པ་ཅནཿ རྒྱལ་བསེན་དམ་སྲི་ལོག་འདྲེན་ཚོགསཿ ཐམས་ཅད་མིང་གི་ལྷག་མར་ཐོངསཿ ཞི་དང་རྒྱས་པས་ཐམས་ཅད་སྲུངསཿ དབང་དང་དྲག་པོས་བསྡུས་ཚར་ཆོདཿ ཕྱོགས་ལས་རྣམ་པར་རྒྱལ་བར་མཛོདཿ