DKYD-DZINDROL-014
From Khyentse Lineage - A Tsadra Foundation Project
🚧 This website is under continued development. We appreciate your patience!
࿌ སྐྱབས་ཡུལ་གསལ་གདབ་ནི། མདུན་གྱི་ནམ་མཁར་བླ་མ་ཀུན་བཟང་ཐོད་ཕྲེང་རྩལ་ལ་རྩ་གསུམ་རྒྱལ་བ་རབ་འབྱམས་སྤྲིན་ལྟར་གཏིབས་པའི་དྲུང་དུ། རང་གཞན་ཕ་མ་དགྲ་བདུད་གནས་གདོན་ལུས་གདོན་ལན་ཆགས་བགེགས་རིགས་རིགས་དྲུག་མཁའ་མཉམ་སེམས་ཅན་ཐམས་ཅད། ས་ཆེན་པོའི་རྡུལ་བཞིན་ཚོགས་ནས་སྐྱབས་སུ་འགྲོ་བར་མོས་ལ་སྐྱབས་སེམས་སོགས་བྱའོ། ། ༈ ྿ དེ་ནས་བགེགས་ཀྱི་གཏོར་མ་བྲན་ལ། ཨོཾ་བཛྲ་ཨ་མྲྀཏས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་དུ་ཁཾ་ལས་ལན་ཆགས་བགེགས་ཀྱི་གཏོར་མ་བདུད་རྩིའི་རང་བཞིན་འདོད་པའི་ཡོན་ཏན་ལྔ་དང་ལྡན་པར་གྱུར། ཨོཾ་ཨཱཿཧཱུྃ། ལན་གསུམ། ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ལྔའམ་བདུན་གྱིས་བསྔོས་ལ། ཧཱུྃཿ ཉོན་ཅིག་བགེགས་དང་ལོག་འདྲེན་ཚོགསཿ ང་ཡི་བཀའ་ལས་མ་འདའ་བརཿ འདོད་ཡོན་གཏོར་མས་ཚིམས་གྱིས་ལཿ རྒྱ་མཚོ་ཆེན་པོའི་ཕ་མཐར་དེངསཿ རྡོ་རྗེ་གསང་བའི་བཀའ་ལས་ནིཿ སྡིག་ཅན་གང་ཞིག་འདའ་བྱེད་པཿ སྟོབས་ཆེན་ཁྲོ་བོ་ཆེན་པོ་ཡིསཿ རྡུལ་དུ་བརླག་པར་གདོན་མི་ཟཿ ཧཱུྃ་བཞིའི་སྔགས་དང་ཐུན་གྱིས་གཟིར། སྲུང་འཁོར་ནི། ཧཱུྃཿ སྣང་སྲིད་ཡེ་ནས་ཆོས་སྐུ་ལཿ བགེགས་དང་བར་གཅོད་མིང་ཡང་མེདཿ ཕྱི་སྣོད་ཡེ་ནས་གཞལ་ཡས་ཁངཿ ནང་བཅུད་དཔའ་བོ་མཁའ་འགྲོའི་ངངཿ བཛྲ་རཀྵ་དྷརྨ་དྷཱ་ཏུ་ཨཿ