DKYD-KABUM-03-GA-023
༄༅། །གསོལ་འདེབས་བྱིན་རླབས་སྤྲིན་ཕུང་བཞུགས། ཨེ་མ་ཧོ། །ཆོས་དབྱིངས་སྐྱེ་མེད་དག་པའི་ཞིང་ཁམས་སུ། །ཀུན་བཟང་རིགས་ལྔའི་རྒྱལ་བ་རྡོ་རྗེ་སེམས། །དྲུག་ལྡན་བརྒྱུད་པའི་བླ་མ་ཀུན་ཀྱི་དངོས། །རྩ་བའི་བླ་མའི་ཞབས་ལ་གསོལ་བ་འདེབས། །གང་གི་ཡེ་ཤེས་ཐུགས་རྗེའི་སྒྱུ་འཕྲུལ་གྱི། །རྣམ་རོལ་ཡི་དམ་ཞི་ཁྲོའི་ལྷ་ཚོགས་དང༌། །གནས་གསུམ་དཔའ་བོ་མཁའ་འགྲོ་ཐམས་ཅད་དང༌། །ཆོས་སྐྱོངས་བསྲུང་མར་བཅས་ལ༴ །དེ་ལྟར་རྩེ་གཅིག་གསོལ་བ་བཏབ་པའི་མཐུས། །བདག་རྒྱུད་སྒྲིབ་གཉིས་མུན་པ་ཡོངས་བསལ་ནས། །ཉམས་རྟོགས་ཡེ་ཤེས་སྣང་བ་གོང་འཕེལ་ངེས། །བདག་གཞན་དོན་གཉིས་འགྲུབ་པར་བྱིན་གྱིས་རློབས།