JKW-KABUM-06-CHA-001-002

From Khyentse Lineage - A Tsadra Foundation Project
Revision as of 17:10, 2 March 2022 by Mort (talk | contribs) (Text replacement - "|editortib=རྫོང་སར་བློ་གྲོས་ཕུན་ཚོགས་" to "|editortib=")
Previous Text Back to Volume PageNext Text

སངས་རྒྱས་གསང་བའི་ལམ་རྣམ་བཀོད་ཀྱི་ལེའུ་དང་པོའི་བསྡུས་དོན།
Wylie title sangs rgyas gsang ba'i lam rnam bkod kyi le'u dang po'i bsdus don JKW-KABUM-06-CHA-001.pdf
Location mkhyen brtse'i bka' 'bum
Volume 6, sde tshan 1, Text 2, Pages 5-47 (Folios 3a3 to 24a4)
Author འཇམ་དབྱངས་མཁྱེན་བརྩེའི་དབང་པོ་
Less details More details
Source Author(s) སངས་རྒྱས་གསང་བ་ (Buddhaguhya)
Citation 'jam dbyangs mkhyen brtse'i dbang po. sangs rgyas gsang ba'i lam rnam bkod kyi le'u dang po'i bsdus don. In 'jam dbyangs mkhyen brtse'i dbang po'i bka' 'bum, Vol. 6: 5-47. Khams sde dge rdzong sar dgon: Rdzong sar blo gros phun tshogs, 2020.
Genre Commentary Synoptic - bsdus don 'grel pa

1 Texts in this Section (sde tshan or chos tshan)

2
5-47
སངས་རྒྱས་གསང་བའི་ལམ་རྣམ་བཀོད་ཀྱི་ལེའུ་དང་པོའི་བསྡུས་དོན།
 sangs rgyas gsang ba'i lam rnam bkod kyi le'u dang po'i bsdus don
Commentary Synoptic - bsdus don 'grel pa
 Text page
View PDF
[[|འཇམ་དབྱངས་མཁྱེན་བརྩེའི་དབང་པོ་ ()]]
[edit]
སངས་རྒྱས་གསང་བའི་ལམ་རྣམ་བཀོད་ཀྱི་ལེའུ་དང་པོའི་བསྡུས་དོན། ༄༅། །ན་མོ་གུ་ར་བེ། དཔལ་ལྡན་སྲིད་དང་ཞི་བའི་ཐིག་ལེར་མི་ཕྱེད་རྡོ་རྗེའི་མཚན་དཔེ་ནི། །བརྟན་བསྡུས་རྟོགས་པའི་སེམས་དཔར་ཡོངས་ཤར་རྣམ་ཀུན་མཆོག་ལྡན་ཡེ་ཤེས་ཀྱིས། །ཐབས་ཤེས་ཟུང་འཇུག་སྒྱུ་འཕྲུལ་དྲྭ་བའི་ཟློས་གར་གསར་པ་ལྷུར་ལེན་པའི། །སྐུ་གསུམ་དབྱེར་མེད་ཧེ་རུ་ཀ་དཔལ་དེ་རིང་བདག་ལ་རྩེ་དགེས་སྐྱོངས། །གང་གི་ཞལ་ལུང་བདུད་རྩིའི་བརླན་ཆགས་པས། །ཕྱེ་བའི་ཞལ་དོན་ལམ་རིམ་ཨུཏྤ་ལ། །གྲུབ་པའི་སློབ་དཔོན་རྣམས་ཀྱི་རྗེས་འབྲངས་ནས། །གཟུར་གནས་རྣ་བའི་རྒྱན་དུ་དགོད་ལ་ཕྱོགས། །དཔལ་རྡོ་རྗེ་སེམས་དཔའ་སྒྱུ་འཕྲུལ་དྲྭ་བའི་མན་ངག་ལམ་གྱི་རིམ་པ་རིན་པོ་ཆེ་རྣམ་པར་བཀོད་པ་འདི་འཆད་པ་ལ་བཞི་སྟེ། མཚན་གྱི་དོན། འགྱུར་གྱི་ཕྱག །གཞུང་གི་དོན། མཇུག་གི་དོན་ནོ། །དང་པོ་ནི། རྒྱ་གར་འཕགས་པའི་ཡུལ་དུ་སྐད་རིགས་ཆེན་པོ་རྣམ་པ་བཞི་ཡོད་པ་ལས། ལེགས་སྦྱར་སཾ་སྐྲྀ་ཏ་མི་སྐད་དུ་བསྟན་བཅོས་འདིའི་མཚན་ལ། གུ་ཧྱ་མནྟྲ་བཛྲ་ཡ་ན་ཨུ་པ་དེ་ཤ་པ་ཐཿཀྲ་མ་རཏྣ་བི་ཨཱུ་ཧ་ནཱ་མའོ། །དེ་ཉིད་བོད་སྐད་དུ་བསྒྱུར་ན། གསང་སྔགས་རྡོ་རྗེ་ཐེག་པའི་མན་ངག་ལམ་གྱི་རིམ་པ་རིན་པོ་ཆེ་རྣམ་པར་བཀོད་པ་ཞེས་བྱ་བ། ཞེས་འབྱུང་སྟེ། དོན་ནི། ཐུན་མོང་གི་ཡུལ་དུ་མ་གྱུར་པའི་གསང་བ་དམ་པ་དེ་ལ་ཡིད་ཤེས་བདེ་མྱུར་གྱིས་སྐྱོབ་པར་བྱེད་བའི་ཕྱིར་སྔགས་དང་མི་ཕྱེད་པ་དང་མི་ཤིགས་པ་དང་ཐོགས་པ་མེད་པའི་རང་བཞིན་སངས་རྒྱས་ཐམས་ཅད་ཀྱི་སྐུ་གསུང་ཐུགས་དབྱེར་མི་ཕྱེད་པ་གང་ཡིན་པ་ལ། རྒྱུ་དང་འབྲས་བུ་ལྷུན་གྲུབ་ཏུ་སྤྱོད་པར་བྱེད་པའི་ལམ་འདིས་འདོང་བར་བྱེད་པས་ན་རྡོ་རྗེ་ཐེག་པ་སྟེ། དེ་ཉིད་ལས་བརྩམས་ཏེ་ཚེགས་ཆུང་ངུས་དོན་དཔག་ཏུ་མེད་པ་རྟོགས་སླ་བའི་ཐབས་སུ་གྱུར་པའི་མན་ངག །བགྲོད་བྱའི་ཕྱིར་ལམ། དེའང་རིམ་པ་བཞིན་དུ་འཇུག་པས་ན་རིམ་པ། འབྱུང་བར་དཀོན་པ་རིན་པོ་ཆེ་ལྟ་བུ་སྟེ། གདུལ་བྱའི་དབང་ཤེས་ཀྱི་རྒྱུད་ལ་མངོན་སུམ་རྣམ་པར་བཀོད་པའི་ཕྱིར་ན་ཡོན་ཏན་གྱི་སྒོ་ནས་བཏགས་པའོ། །གཉིས་པ་ནི། དཔལ་གྱི་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཞེས་པ་ནི་ལོ་པཎ་གཉིས་ཀྱིས་འགྱུར་མཛད་པའི་སྔ་ལོགས་སུ་འདོད་པའི་ལྷ་ལ་ཕྱག་འཚལ་བས་དགོས་པ་འགྲུབ་པར་བྱེད་པའི་ཕྱིར་འདོད་པའི་ལྷ་ལ་ཕྱག་འཚལ་བའོ། །གསུམ་པ་ལ་གསུམ་སྟེ། མན་ངག་རྩོམ་པ་ལ་འཇུག་པ་ཀླད་ཀྱི་དོན་དང་། མན་ངག་རྩོམ་པ་རང་གི་ངོ་བོ་གཞུང་གི་དོན་དང་། མན་ངག་བརྩམས་པ་མཐར་ཕྱིན་པ་མཇུག་གི་དོན་བསྟན་པའོ། །དང་པོ་ལ་གཉིས་ཏེ། མཆོད་པར་བརྗོད་པ་དང་། བརྩམ་པར་དམ་བཅའ་བའོ། །དང་པོ་ནི། བར་ཆད་བསལ་ཞིང་ཚོགས་རྫོགས་པ་སོགས་དགོས་ཆེད་དུ་མ་དང་ལྡན་པའི་ཕྱིར་གཞུང་བརྩམ་པའི་ཐོག་མར་ལྷག་པའི་ལྷ་དཔལ་རྡོ་རྗེ་སེམས་དཔའ་ལ་ཕྱག་འཚལ་བ་སྟེ། འདི་ལ་དབྱེ་ན་བཞི་སྟེ། མཚན་གྱི་ཟུར་དང་པོ་དཔལ་གྱི་དོན་ལ་གཉིས། ཐུན་མོང་དང་ཐུན་མོང་མ་ཡིན་པའོ། །དང་པོ་ནི། འཇིག་རྟེན་གྱི་ཕུན་སུམ་ཚོགས་པ་ཐམས་ཅད་ཀྱི་བསྟེན་པ་ལའང་དཔལ་འབྱོར་གྱི་སྒྲས་བསྙད་པ་བཞིན། ཐེག་པ་འོག་མའི་རང་སའི་འབྲས་བུ་ལའང་དཔལ་དུ་བཏགས་ཏེ། དེ་ཡང་རྟོགས་པ་བདག་གི་དཔལ་ནི་ཆོས་ཉིད་ཕྱོགས་རེ་རྟོགས་པ་དང་། ཐུགས་རྗེ་གཞན་གྱི་དཔལ་ནི་དེས་གདུལ་བྱའི་དོན་ཕྱོགས་རེ་བྱེད་པའོ། །གཉིས་པ་ནི། སྔ་མའི་དཔལ་དེ་རྣམས་ཀྱི་དཔལ་དུ་གྱུར་པ་ནི་རྣམ་པ་གསུམ་སྟེ། འཁོར་འདས་སྣང་སྲིད་ཀྱི་ཆོས་ཐམས་ཅད་ཆོས་ཉིད་དེ་བཞིན་ཉིད་ཀྱིས་ཁྱབ་པར་བཞུགས་པ་གནས་པ་གཞིའི་དཔལ། དེ་ལ་གློ་བུར་གྱི་དྲི་མ་བྲལ་ཏེ་གཞི་འབྲས་དབྱེར་མི་ཕྱེད་པའི་གོ་འཕང་མངོན་དུ་བྱས་པ་རྟོགས་པ་མཆོག་གི་དཔལ། དེས་མཐའ་ཡས་པའི་གདུལ་བྱའི་དོན་དུ་གཟུགས་སྐུ་གཉིས་ཀྱི་ཕྲིན་ལས་བསམ་གྱིས་མི་ཁྱབ་པ་རྣམ་པར་འཕྲུལ་པ་ནི་ཐུགས་རྗེ་གཞན་གྱི་དཔལ་ཏེ། དེ་ཉིད་གང་ལ་ལྡན་པ་ནི་དཔལ་རྡོ་རྗེ་སེམས་དཔའོ། །མཚན་གྱི་ཟུར་གཉིས་པ་གཉིས་སུ་མེད་པའི་ཡེ་ཤེས་དེ་ལ་རྡོ་རྗེར་འཇོག་པའི་རྒྱུ་མཚན་ནི་ལྔ་སྟེ། དང་པོ་ཕྲིན་ལས་ཀྱི་སྒོ་ནས་འཇོམས་པའི་རྡོ་རྗེ་ནི། ཇི་ལྟར་ཐུན་མོང་རྫས་ཀྱི་རྡོ་རྗེ་ཕ་ལམ་ལའང་ཆོས་བདུན་དང་ལྡན་པ་བཞིན་དུ། གཉིས་མེད་ཀྱི་ཡེ་ཤེས་དེས་ཀྱང་གློ་བུར་གྱི་ཀུན་དཀྲིས་ཐམས་ཅད་འཇོམས་པར་བྱེད་པའི་ཕྱིར་རྡོ་རྗེ་ལྟ་བུའི་ཡེ་ཤེས་སོ། །གཉིས་པ་ངོ་བོའི་སྒོ་ནས་རྒྱུ་རྐྱེན་འདུས་མ་བྱས་པའི་ཕྱིར་འདུས་མ་བྱས་པའི་རྡོ་རྗེའོ། །གསུམ་པ་ཡོན་ཏན་གྱི་སྒོ་ནས་འབྲས་ཆོས་ཉེར་ལྔ་པོ་ཐམས་ཅད་མ་བཙལ་བར་ངང་གིས་རྫོགས་པའི་ཕྱིར་བཙལ་བ་མེད་པའི་རྡོ་རྗེའོ། །བཞི་པ་མཚན་ཉིད་ཀྱི་སྒོ་ནས། དང་པོར་རྒྱུ་རྐྱེན་དང་བྲལ་བའི་ཕྱིར། མཐའ་མ་ཡང་རྒྱུ་རྐྱེན་གྱིས་མི་ཤིགས་པ་སྟེ་སྐྱེ་འཇིག་མེད་པའི་རྡོ་རྗེའོ། །ལྔ་པ་རང་བཞིན་གྱི་སྒོ་ནས། དབྱིངས་གཟོད་ནས་དག་པའི་ཀློང་དུ་རིག་པའི་ཡེ་ཤེས་འདུ་འབྲལ་སྤངས་པའི་ཕྱིར་དབྱེར་མེད་པའི་རྡོ་རྗེའོ། །དེ་ལྟར་གཉིས་མེད་ཀྱི་ཡེ་ཤེས་དེ་ཉིད་རྒྱུ་མཚན་ལྔ་ཡིས་རྡོ་རྗེར་གྲུབ་པ་ཉིད་དོ། །མཚན་གྱི་ཟུར་གསུམ་པ་སེམས་ཞེས་པ། སྭ་ཏྭའི་སྒྲ་ལས་དྲངས་ན། མ་ཧཱ་སྭ་ཏྭཱ་ནི་སེམས་ཆེན་པོ། བཱའི་སྒྲ་ལས་དྲངས་ན་མ་ཧཱ་བཱི་ར་ནི་དཔའ་བོ་སྟེ། དེ་ལ་སྔ་མར་དོན་བཞི་སྟེ། དང་པོ་སྣང་ཚུལ་གྱི་སྒོ་ནས་ལྟ་བའི་སེམས་ནི། སྣང་སྟོང་གཉིས་སུ་མེད་པའོ། །གཉིས་པ་རང་བཞིན་གྱི་སྒོ་ནས་སྤྱོད་པའི་སེམས་ནི། སེམས་ཉིད་ངང་གིས་འོད་གསལ་བའོ། །གསུམ་པ་ངོ་བོའི་སྒོ་ནས་སྒོམ་པའི་སེམས་ནི། རྣམ་པར་རྟོག་པས་མི་གཡོ་བའོ། །བཞི་པ་འབྲས་བུའི་སྒོ་ནས་ཁྱད་པར་དུ་གྱུར་པའི་སེམས་ནི། གློ་བུར་གྱི་རྣམ་པར་རྟོག་པས་སྤང་བའི་ཕྱིར་མི་སེམས་ཤིང་། བླ་ན་མེད་པའི་ཡེ་ཤེས་དང་ལྡན་པས་སེམས་ཆེན་པོ་སྟེ་རྟག་ཆད་ཀྱི་མཐར་མ་ལྷུང་བའོ། །མཚན་གྱི་ཟུར་བཞི་པ་དཔའ་བོ་ནི། ཞི་རྒྱས་དབང་དྲག་གི་ཕྲིན་ལས་རྣམ་པ་བཞིས་བདུད་བཞི་བཅོམ་པས་དཔའ་བོ་སྟེ། དེ་ཡང་རིམ་པར། ཉོན་མོངས་པ་ཡེ་ཤེས་ལྔར་ཞི་བས་ཉོན་མོངས་པའི་བདུད། ཕུང་པོ་ལྔ་རིགས་ལྔའི་ངོ་བོར་རྣམ་པར་དག་ཅིང་ཡོན་ཏན་རྒྱས་པས་ཕུང་པོའི། གཉིས་མེད་ཀྱི་དོན་དབང་དུ་བྱས་པས་ལྷའི་བུའི། སྐྱེ་མེད་ཀྱི་དོན་མངོན་དུ་སྤྱོད་པས་འཆི་བདག་གི་བདུད་བཅོམ་པའོ། །དེ་ལྟ་བུའི་དཔལ་རྡོ་རྗེ་སེམས་དཔའ་རང་བཞིན་བདེན་པ་དབྱེར་མེད་པ་ཉིད་འཇིག་རྟེན་པ་དང་། འཇིག་རྟེན་ལས་འདས་པ་ཐེག་པ་འོག་མའི་དཀྱིལ་འཁོར་གྱི་གཙོ་བོ་ཀུན་ལས་ཆེས་ཁྱད་པར་དུ་གྱུར་པ་ཁ་སྦྱོར་ཡན་ལག་བདུན་ལྡན་གྱི་ངོ་བོར་བཞུགས་པའི་ཕྱིར་ལྷ་ཡི་ལྷ་དང་ལྷའི་ལྷ་སོགས་ལ་བཤད་པ་རྒྱས་པ་ཞིག་ཡོད་དེ། མངོན་བརྗོད་བླ་མ་ལས་ཤེས། ཡང་ལྷ་སྟེ་གང་ལ་ཕྱག་འཚལ་བའི་ཡུལ་ལོ། །གང་གིས་ཕྱག་འཚལ་ན། གཞུང་མཛད་པ་པོ་སློབ་དཔོན་སངས་རྒྱས་གསང་བས་སོ། །ཚུལ་ཇི་ལྟར་འཚལ་ན་གསུམ་སྟེ། སྤྱོད་པ་རབ་ཀྱི། སྒྲུབ་པ་ཐབས་ཀྱི། མི་ཕྱེད་འདྲེས་པའི་ཕྱག་དང་གསུམ་ལས། འདིར་མི་ཕྱེད་པ་སྟེ། ཕྱག་འཚལ་ཡུལ་དང་འཚལ་མཁན་དགོངས་པ་གཉིས་སུ་མེད་པར་གྱུར་ཀྱང་། རྣམ་པ་ཙམ་དུ་དད་པའམ་མོས་པའི་ཚུལ་གྱིས་རང་ཞལ་མཇལ་བ་ལ་དེའི་ཐ་སྙད་བཞག་པའི་ཕྱིར་ལྟ་བ་མཇལ་བའི་ཕྱག་གོ། །དགོས་པ་ནི་སྟོན་པ་དང་བསྟན་བཅོས་ལ་དད་པར་བྱ་བ་དང་། ཚོགས་རྫོགས་པ་དང་། མཐར་ཕྱིན་པའི་ཆེད་དུའོ། །གཉིས་པ་ཁས་བླངས་པས་དམ་བཅའ་ཡལ་བར་མི་འདོར་བའི་བརྩམ་པར་དམ་བཅའ་བ་ལ་གཉིས། ལོ་རྒྱུས་ཀྱི་སྒོ་ནས་བརྩམ་པར་དམ་བཅའ་བ་འཐད་པ་དང་བཅས་པ་དང་། བསྡུས་ཚུལ་གྱི་སྒོ་ནས་བཤད་པར་དམ་བཅའ་བ་དངོས་སོ། །དང་པོ་ལ་གཉིས་ཏེ། གསང་སྔགས་མི་ཡུལ་དུ་ཇི་ལྟར་དར་བའི་ཚུལ་དང་། དེ་ཚོགས་སྒྲུབ་ཀྱི་སྒོ་ནས་འབྲས་བུ་ཐོབ་པའི་ཚུལ་ལོ། །དང་པོ་ལའང་གཉིས་ཏེ། གསང་བདག་གིས་རིགས་ཅན་དྲྭ་མ་ལྔ་ལ་གསུངས་པའི་དུས་དང་། རྒྱལ་པོ་ཛཿལ་གསང་སྔགས་གནང་བའི་དུས་བསྟན་པའོ། །དང་པོ་ནི། བདག་ཅག་གི་སྟོན་པ་མྱ་ངན་ལས་འདས་ནས་ལོ་ཉི་ཤུ་རྩ་བརྒྱད་ལོན་པ་ན་དམ་པའི་རིགས་ཅན་དྲྭ་མ་ལྔ་པོས་ནང་དུ་ཡང་དག་པར་འཇོག་པ་ལས་རང་རང་གི་མངོན་པར་ཤེས་པས་མཁྱེན་ནས། རྒྱ་གར་ཤར་ཕྱོགས་ཟ་ཧོར་གྱི་ཡུལ་དང་ཉེ་བའི་ལངྐའི་ཡུལ། སྔོན་བཅོམ་ལྡན་འདས་ལངྐའི་རྒྱལ་པོ་སྒྲ་སྒྲོགས་ཀྱི་བུ་མགྲིན་བཅུས་སྤྱན་དྲངས་ནས་བློ་གྲོས་ཆེན་པོས་ཞུས་པའི་ངོར་ལང་གཤེགས་ཀྱི་མདོ་གསུངས་པའི་གནས་ཏེ། ཡུལ་དེ་སྔོན་སྲིན་པོས་བཟུང་ཞིང་། ཕྱིས་རྒྱལ་པོ་རཱ་མ་ཎས་བཅོམ་ཞིང་། སྐབས་ཤིག་དེད་དཔོན་སེང་གེ་བཟང་པོས་བཟུང་བས་སིངྒ་ལའི་གླིང་དུའང་གྲགས་པ་སྟེ། དེའི་ནང་ཚན་དྲག་ཡོན་ཏན་གསུམ་དང་ལྡན་པའི་ཤུལ་ཅན་གྱི་རི་མ་ལ་ཡ་གནམ་ལྕགས་ཡོད་པའི་རྩེ་མོར་འདུས་ཏེ་གདུང་ཚིག་ཉི་ཤུ་རྩ་གསུམ་བཏོན་པས། སྟོན་པ་རིགས་དྲུག་པ་ཀུན་ཏུ་བཟང་པོ་ཉིད་ཀྱིས་མངོན་པར་མཁྱེན་ནས། དམ་པའི་མཛོད་གསུམ་གྱི་གསང་བ་འཛིན་པའི་བདག་པོ་ལག་ན་རྡོ་རྗེའི་རྣམ་རོལ་དུ་བསྟན་པས། རྫུ་འཕྲུལ་གྱི་ཞབས་ཀྱིས་སྐད་ཅིག་ལ་གནས་དེར་གཤེགས་ཏེ། ལྷ་གྲགས་ལྡན་ཆོས་སྐྱོང་བློ་གྲོས་མཐའ་ཡས། ཀླུ་རྒྱལ་མགྲིན་པ་ནག་པོ་བློ་གྲོས་རྒྱ་མཚོ། གནོད་སྦྱིན་སྐར་མདའ་གདོང་བློ་གྲོས་དད་སེལ། སྲིན་པོ་ལངྐའི་བདག་པོ་བློ་གྲོས་ཐབས་ལྡན། མི་དགེ་སློང་ལི་ཙཱ་བི་དྲི་མེད་གྲགས་པ་བློ་གྲོས་རབ་ཞི་སྟེ་གསང་སྔགས་ཉན་པའི་སྣོད་དང་སྐལ་བར་ལྡན་པ་འདུས་པའི་ཚོགས་ལ། སྟོན་པ་ཤཱཀྱའི་དབང་པོས་མདོ་སྡེ་གདམས་ངག་འབོགས་པའི་རྒྱལ་པོ་ལ་སོགས་པ་ལས། ང་ནི་འདི་ནས་མི་སྣང་ནས། །ལོ་ནི་བརྒྱ་དང་བཅུ་གཉིས་ན། །ལྷ་གནས་གསུམ་དུ་གྲགས་པ་ཡི། །བསྟན་པའི་སྙིང་པོ་དམ་པ་ཞིག །འཛམ་གླིང་ཤར་ལྷོའི་ཕྱོགས་མཚམས་ཀྱི། །རྒྱལ་པོ་ཛཿཞེས་བྱ་བ་ལ། །ལག་ན་རྡོ་རྗེའི་མཐུས་སྣང་འགྱུར། །ཞེས་ཇི་ལྟར་ལུང་བསྟན་པའི་བདེན་པའི་འབྲས་བུ་མངོན་སུམ་སྨིན་པའི་དུས་དེར། སྔར་འོག་མིན་སོགས་སུ་གསུངས་པ་ཉིད་སླར་ཡང་བཟླས་ཏེ་སྟོན་པར་མཛད་ཅིང་། དེ་རྣམས་སྲིན་པོ་བློ་གྲོས་ཐབས་ལྡན་གྱིས་གསེར་གྱི་གླེགས་བམ་ལ་བཻཌཱུཪྻ་ཞུན་མས་བྲིས་ནས་དགོངས་པའི་རྩལ་བདུན་གྱིས་ནམ་མཁར་སྦས་སོ། །གཉིས་པ་ནི། དེའི་ཚེ་དེའི་དུས་ན་ས་ཧོ་རའི་རྒྱལ་པོ་ཨ་པརྔྷ་མུ་ཞེས་པའི་བུ་ཐེག་པ་མཆོག་གི་རིགས་ཅན་རྒྱལ་པོ་ཛཿཞེས་བྱ་བ་ཉིད་ཕྱི་རྒྱུད་ཀྱི་སྒྲུབ་པ་ལ་བཞུགས་པའི་ཚེ་རྨི་ལྟས་ངོ་མཚར་བ་བདུན་ཤར་ཏེ། ཇི་སྐད་དུ། སྐུ་གསུང་ཐུགས་རྟགས་ཐིམ་པ་དང་། །རིན་ཆེན་གླེགས་བམ་བབས་པ་དང་། །ཆོས་ཀྱི་བགྲོ་བ་བྱས་པ་དང་། །ཀུན་གྱིས་དམ་པར་བསྒྲགས་པ་དང་། །མཆོད་པ་ཆེན་པོ་བྱས་པ་དང་། །རིན་ཆེན་ཆར་དུ་འབབ་པ་དང་། །སངས་རྒྱས་ས་ལ་ལུང་བསྟན་པའོ། །ཞེས་པའི་ཉིང་འཁྲུལ་ཇི་ལྟ་བ་དང་མཐུན་པར་བསྐྱེད་པ་མ་ཧཱ་ཡོ་གའི་རྒྱུད་ཀྱི་གླེགས་བམ་བབས་ཏེ། དེ་ཉིད་སྔོན་གྱི་བསོད་ནམས་དང་། སངས་རྒྱས་ཀྱི་ཐུགས་རྗེས་འབྲེལ་ནས་སྣང་བའི་གླེགས་བམ་ལ་དགའ་བ་ཁྱད་པར་ཅན་སྐྱེས་ནས་དབང་པོས་མངོན་སུམ་དུ་བརྟགས་པས་བརྡ་མ་འཇལ་ཏེ། དགེ་སློང་ཀུ་ཀུ་རཱ་ཛ་ལ་བསྲིངས་པས་དེས་ཀྱང་མ་འཚལ་བར་སླར་བསྲིངས་པས། རྒྱལ་པོ་ཉིད་ཀྱིས་སླར་ཡང་གསོལ་བ་བཏབ་པས་རྡོ་རྗེ་སེམས་དཔའ་ཞལ་མཐོང་གི་ལེའུ་ཐུགས་ཀྱི་སྒྲུབ་པའི་ཐབས་དེ་མངོན་པར་རྟོགས་ཏེ། དེ་ཉིད་ཀྱི་སྒོ་ནས་ཟླ་བ་དྲུག་ཏུ་སྒྲུབ་པ་མཛད་པར། རྡོ་རྗེ་སེམས་དཔའ་དེ་ཉིད་ཀྱིས་གྲུབ་སྟེ་ཞལ་མཇལ་བས། རིགས་ཀྱི་བུ་ཅི་འདོད་ཅེས་གསུངས་པ་ན། གླེགས་བམ་འདི་རྣམས་རྟོགས་པར་འཚལ་ལོ་ཞུས་པས། རིགས་ཀྱི་བུ་རང་གི་ཕུང་པོ་སྦྱོངས་དང་། གསང་བའི་བདག་པོས་ལུང་སྟོན་པར་འགྱུར་རོ། །ཞེས་མི་སྣང་བར་གྱུར་ཏོ། །དེ་ནས་ཕྱག་ན་རྡོ་རྗེས་རྗེས་སུ་བཟུང་སྟེ་སྒྲིབ་པ་སྦྱངས་ནས་གསང་སྔགས་ཀྱི་ལམ་བསྟན་པས་ཐམས་ཅད་མཁྱེན་པའི་དངོས་གྲུབ་ཉིད་དུས་དེ་ཙམ་ནས་ཐོབ་ཅིང་ལུང་གི་ཆོས་ལ་མངའ་བསྒྱུར། སྣོད་རྒྱལ་པོ་ཛཿལ་དོན་དམ་ངེས་པའི་ཐེག་པ་བཅུད་ཏནྟྲ་སྡེ་བཅོ་བརྒྱད་ཀྱིས་དུས་དེ་ཙམ་ནས་བློ་གྲོས་རྒྱས་པར་བྱས་པས་རྟོགས་པའི་ཡོན་ཏན་ཕུལ་དུ་བྱུང་བ་ཐོབ། འདོད་པའི་བསམ་པ་གླེགས་བམ་རྟོགས་པར་བརྣག་པའང་དེ་ནས་གྲུབ་ཅིང་། ཚེ་རབས་ཀུན་ཏུ་སྨོན་པའི་ལྷ་དཔལ་ཕྱག་ན་རྡོ་རྗེ་དང་དུས་དེ་རུ་མཇལ་ཏེ་དོན་གཉིས་ལྷུན་གྱིས་གྲུབ་པར་གྱུར་ཏོ། །གཉིས་པ་ཚོགས་སྒྲུབ་ཀྱི་སྒོ་ནས་འབྲས་བུ་ཐོབ་ཚུལ་ནི། དེ་ལྟར་གསང་སྔགས་ཀྱི་ཐེག་པ་རིན་པོ་ཆེ་འཇིག་རྟེན་དུ་བྱུང་བའི་རྗེས་དེ་ནས་འཕགས་པའི་ཡུལ་དབུས་འགྱུར་འཆང་བྱང་ཆུབ་སྙིང་པོ་རྡོ་རྗེ་གདན་སྟེང་གི་བྱང་ཤར་མཚམས། འཛམ་བུའི་རྐང་འཐུང་གིས་ཉེ་བར་མཚན་པའི་ཤར་གྱི་ཕྱོགས་དང་བྱང་གི་ཕྱོགས་གཉིས་ཀྱི་མཚམས་སུ། ཕྱག་ན་རྡོ་རྗེའི་ཕོ་བྲང་དུ་བྱིན་གྱིས་བརླབས་པའི་གནས་ཀྱི་དམ་པ་ཨ་སུ་རའི་བྲག་ཕུག་ཅེས་ནང་རིན་པོ་ཆེ་ཟུར་བརྒྱད་པའི་དབྱིབས་ཅན། སྒོ་ཟླ་གམ་དུ་གནས་པ་ན། དཔལ་གསང་བ་འཛིན་པའི་བདག་པོས་ཞབས་ཀྱིས་བཅགས་པའི་བཀྲ་ཤིས་ཤིང་བྱིན་རླབས་ཆེ་བའི་གནས་ཀྱི་དམ་པ་སྟེ་མཆོག་གི་བསམ་གཏན་གྱི་ཁང་བུ་དེ་རུ། ཟ་ཧོར་གྱི་དགེ་སློང་ཀུ་ཀུ་རཱ་ཛ་སྟེ་ཁྱིའི་རྒྱལ་པོར་གྲགས་པ་ཚོམ་བུ་ཁྲི་ཕྲག་འབུམ་དུ་བཤད་དང་བཅས་པ། རྒྱལ་པོ་ཛཿཉིད་ཀྱི་སྲས་ཨིནྡྲ་བྷཱུ་ཏི་སྟེ་འབྱུང་པོའི་དབང་པོ་ཚོམ་བུ་ཁྲི་ཕྲག་དང་བཅས་པ། སིངྒ་ལའི་རྒྱལ་པོའི་སྲས་ཨུ་པ་རཱ་ཛ་སྟེ་ཉེ་བའི་རྒྱལ་པོ་ཚོམ་བུ་སྟོང་ཕྲག་དང་བཅས་པ། ཨིནྡྲ་བྷཱུ་ཏིའི་སྲས་མོ་གོ་མ་ས་སྟེ་མཐོ་རིས་ལྡན་མའམ། གོ་མ་དེ་བཱི་སྟེ་རྡོ་རྗེ་ཅན་གྱི་ལྷ་མོ་འཁོར་ཚོམ་བུ་ལྔ་བརྒྱ་དང་བཅས་པ་སྟེ། དེ་ལ་སོགས་པ་རྣམས་དཔལ་རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་གསང་བ་སྙིང་པོའི་དཀྱིལ་འཁོར་དུ་ཕན་ནུས་ཟབ་མོའི་དབང་རྣམས་ལེགས་བར་ཐོབ་ནས་ཐོས་བསམ་གྱི་ལྟ་བ་རྟོགས་ཤིང་། ཚོགས་ལམ་གྱི་རྣལ་འབྱོར་བཞི་མཐར་ཕྱིན་ནས་སྦྱོར་ལམ་ཞི་ཁྲོའི་ཚོམ་བུ་ཚོགས་ཀྱི་དཀྱིལ་འཁོར་རྒྱས་འབྲིང་བསྡུས་གསུམ་གང་ཡང་རུང་བ་མངོན་པར་བསྒྲུབས་ཏེ། གནས་སྐབས་ལམ་གྱུར་གྱི་འབྲས་བུ་རིག་འཛིན་བཞི་དང་། དེ་ལ་བརྟེན་ནས་མཐར་ཐུག་མི་སློབ་པའི་སྐུ་གསུམ་རྡོ་རྗེ་འཆང་གི་གོ་འཕང་དུ་མངོན་སུམ་དུ་གཤེགས་པར་མཛད་དོ། །གཉིས་པ་དམ་བཅའ་བ་དངོས་ལ། ལུང་མཆོག་བླ་མ་ལས། ཐོས་ཆུང་གསར་བུ་ཡིད་ཆེས་བསྐྱེད་པའི་ཕྱིར། །མན་ངག་རྩིས་མགོ་ལྔ་ཡིས་ཀླད་ནས་གཞོམ། །ཞེས་གསུངས་པ་དང་མཐུན་པར་འཆད་ན། དང་པོ་ཁུངས་བཙུན་ཅིང་ཡིད་ཆེས་པར་བྱ་བའི་ཕྱིར་སློབ་དཔོན་གང་གིས་མཛད་པ་ནི། དེ་ལྟར་རྨད་དུ་བྱུང་བའི་ལོ་རྒྱུས་ཕུན་སུམ་ཚོགས་པ་དེ་ལྟ་བུ་དང་ལྡན་པའི་ཕྱིར་ན། ཆོས་ཉིད་ཀྱི་བདེན་པ་མངོན་སུམ་དུ་གཟིགས་ཤིང་ཡི་དམ་གྱི་ལྷའི་ཞལ་མཐོང་བ་དང་། རིམ་པར་བརྒྱུད་པའི་ཕྱི་མ་སྲས་མོ་གོ་མ་དེ་ཝཱིས་རྗེས་སུ་བཟུང་ཞིང་སྒྱུ་འཕྲུལ་གྱི་ཕྱོགས་ལ་ལྷག་པར་མཁས་པས་ན་བསྟན་བཅོས་བརྩམས་པའི་མཚན་ཉིད་གསུམ་ཀ་དང་ལྡན་པ་བུདྡྷ་གུཔྟ་སྟེ་སངས་རྒྱས་གསང་བར་གྲགས་པ་སངས་རྒྱས་ཀྱི་མཚན་ཐོབ་པ་ངས་བཤད་པར་བྱའོ། །གཉིས་པ་བརྩམས་པ་དོན་ཡོད་པར་བྱ་བའི་ཕྱིར་དགོས་ཆེད་གང་གི་ཕྱིར་དུ་མཛད་པ་ནི། དམ་པ་སྟེ་གསང་སྔགས་རྡོ་རྗེ་ཐེག་པ་མཉན་པའི་སྐལ་བ་དང་ལྡན་པ་ཡ་རབས་དྲྭ་མའི་ངང་ཚུལ་ཅན། གནུབས་ནམ་མཁའི་སྙིང་པོ། རླངས་སུ་ཏ་གོ་ཆ། གཉགས་ཁམས་པའི་ལྷ། བྲན་ཀ་མུ་ཏི་ཤྲཱི། སློབ་དཔོན་སྦ་ཁྲི་གཞེར་དང་ལྔ་བརྒྱུད་ནས་དེ་ཡི་རྗེས་སུ་འབྱུང་འགྱུར་མ་འོངས་པའི་སྐལ་བ་དང་ལྡན་པ་རྣམས་ཀྱི་ཕྱིར་དུའོ། །གསུམ་པ་བཀའ་དང་མི་འགལ་ཞིང་ཐེག་པའི་གཞུང་ཚུགས་པའི་ཕྱིར་རྒྱུད་གང་ནས་བཏུས་ཤིང་ཕྱོགས་གར་གཏོགས་པ་ནི། སྒྱུ་འཕྲུལ་དྲྭ་བ་ལེའུ་སྟོང་ཕྲག་བརྒྱ་པའི་རྒྱུད་ལ་བརྟེན་ནས། དུས་གསུམ་གྱི་སངས་རྒྱས་ཐམས་ཅད་ཀྱི་བགྲོད་པ་གཅིག་པའི་གཤེགས་ཤུལ་གྱི་མན་ངག་ཟབ་མོ་ཉེ་བར་བརྩམས་པའོ། །བཞི་པ་སྟོན་པ་ལ་མཚན་ངེས་ཤིང་དོན་གྱི་མདོ་ཆིངས་རྟོགས་པར་བྱ་བའི་ཕྱིར་མཚན་ཅི་ལ་བཏགས་པ་ནི། སྤྱིར་ལམ་ནི་བགྲོད་པར་བྱ་བ་སྟེ། དེ་ཡང་ཐེག་པ་ཐུན་མོང་དང་། ཐུན་མོང་མ་ཡིན་པ་གཉིས་སོ། །མཆོག་ནི་ཐེག་པ་འོག་མ་ལས་ཉེ་བ་དང་། བདེ་བ་དང་། རྫོགས་པ་གསུམ་གྱིས་ཁྱད་པར་དུ་བྱས་པ་སྟེ། དེ་ལྟ་བུའི་དོན་སྟོན་པའི་ལམ་འདི་ཉིད་ལའང་ལམ་མཆོག་གི་རིམ་པའི་སྒྲས་སྨོས་པའི་ཕྱིར་མཚན་ལ་འདོགས་ལུགས་ལྔ་ལས་ངོ་བོའི་སྒོ་ནས་བཏགས་པའོ། །ལྔ་པ་དོན་ཁོང་དུ་ཆུད་པར་སླ་བའི་ཕྱིར་དངོས་པོའི་དོན་ངེས་པར་བསྟན་པ་ནི་འོག་ཏུ། རང་བཞིན་ཡེ་ཤེས་རང་གནས་དང་། །སོགས་ཀྱིས་འཆད་དོ། །དེས་ན་དེ་ལྟ་བུའི་ལམ་འདི་བརྩམ་པར་རིགས་པ་སྟེ། ཉོན་མོངས་པ་དང་། དུས་དང་། ཚེ་དང་། ལྟ་བ་དང་། སེམས་ཅན་གྱི་སྙིགས་མར་གྱུར་པའི་ཕྱིར་ཉོན་མོངས་རྒྱུད་དྲག་ཅིང་གཉེན་པོ་སྟོབས་ཞན་པའི་དུས་ཀྱི་ཚེ་འདིར་ནི། སྤོང་འགེགས་སྦྱོང་བསྒྱུར་གྱི་ལམ་གྱིས་ཐུལ་བ་མིན་ཏེ། གསང་སྔགས་རྡོ་རྗེ་ཐེག་པ་བླ་མེད་ཀྱི་ལམ་ཁོ་ནས་འདུལ་བའི་དུས་ལ་བབ་པའི་ཕྱིར་བསྟན་པར་བྱའོ། །ཞེས་པ་སྟེ། རྒྱུད་གཞན་ལས་ཀྱང་། རྩོད་ལྡན་བཞི་པ་བླ་མེད་རྒྱུད། །ཅེས་དང་། ཧེ་རུ་ཀ་དཔལ་གཟུགས་བྱས་ན། །སྙིགས་མའི་དུས་སུ་འགྲུབ་པར་འགྱུར། །ཞེས་སོགས་རྒྱ་ཆེར་བསྟན་པ་དང་དགོངས་པ་མཐུན་ནོ། །སྤྱི་དོན་གཉིས་པ་མན་ངག་རྩོམ་པ་རང་གི་ངོ་བོ་ལ་གཉིས། གང་ལ་སྦྱིན་པར་བྱ་བའི་མན་ངག་གི་སྣོད་བསྟན་པ་དང་། གང་སྦྱིན་པར་བྱ་བའི་མན་ངག་རང་གི་ངོ་བོའོ། །དང་པོ་ལ་གསུམ། སྣོད་ཀྱི་དགོས་ཆེད། སྣོད་བསྟན་པའི་ཐབས། སྣོད་ཀྱི་བྱེ་བྲག་གོ། །དང་པོ་ལ་གཉིས་ཏེ། གཞན་སེལ་བའི་དགོས་ཆེད་སྣོད་ངན་གྱིས་མི་འགྲུབ་པར་དཔེའི་སྒོ་ནས་བསྟན་པ་དང་། དོན་དུ་གཉེར་བའི་དགོས་ཆེད་བླ་མ་བཀུར་ཐབས་ཕན་ཡོན་དང་བཅས་པའོ། །གཞན་དུ། རྒྱུད་ཀྱི་མན་ངག་མེད་ན་རང་ཉམས་ཀྱིས་མི་རྟོགས་པས་མན་ངག་དང་ལྡན་པའི་བླ་མ་བརྟེན་དགོས་པ་དང་། མན་ངག་མི་ཉམས་པར་བྱ་བའི་ཕྱིར་སྣོད་བརྟག་ཅིང་སྦྱིན་མི་སྦྱིན་གྱི་དམིགས་བསལ་དང་། སྣོད་ལྡན་ལ་སྦྱིན་པའི་མན་ངག་རང་གི་ངོ་བོ་བསྟན་པའོ། །དང་པོ་ལ་གཉིས། བརྒྱུད་པའི་མན་ངག་མེད་པར་རང་ཉམས་ཀྱིས་མི་རྟོགས་པ་དང་། དེས་ན་བརྒྱུད་པའི་བླ་མ་མན་ངག་དང་ལྡན་པར་བརྟེན་དགོས་པའོ། །དང་པོ་ནི། སྤྱན་བཟང་པོ་སྟེ་མིག་མི་གསལ་འདི་ཨུ་མུ་ཏྲ་ཤ་ཀ་སྟེ་ལོང་བ་རང་གི་མིང་དུ་བཤད་པས་བརྟག་བས་འགྲོ་བའི་མཐུ་མེད་པ་དེ་ལོང་བར་གྱུར་པ་ཡི། དམིགས་བུ་སྟེ་ལམ་མཁན་བྲལ། རང་དགར་འགྲོ་བའི་ཉམས་མེད་དེ་ལམ་སྟོར་བས་ལམ་ལས་བགྲོད་ཅིང་འདོད་པའི་གནས་སུ་ཕྱིན་པར་ནམ་ཡང་མི་ནུས་ཏེ། དེ་བཞིན་དུ་བླ་མ་མེད་པར་བློ་རྩིང་པོ་མ་སྦྱངས་ཤིང་མ་དུལ་བའི་དམུ་རྒོད་དེ་ལྟ་བུའི་རང་བཟོའི་ཉམས་ཀྱིས་གསང་བ་སྙིང་པོའི་དོན་རྟོགས་ཤིང་མཐར་ཕྱིན་པར་མི་འགྱུར་ཏེ། འདི་ལྟར་བུ་ལ་ཤིང་སྟེ་ཐང་ཤིང་སྨུག་པོར་གྲགས་པར་གནས་སྐབས་མེ་ཏོག་དང་མཐར་ཐུག་གི་འབྲས་བུ་གཉིས་མེད་པ་བཞིན་དོན་གཉིས་འགྲུབ་པར་མི་འགྱུར་རོ། །གཉིས་པ་ལ་གཉིས། བླ་མ་བཀུར་བའི་ཐབས་དང་། བཀུར་བའི་ཡོན་ཏན་ནོ། །དང་པོ་ནི། རྒྱུ་མཚན་དེ་བས་ན་བླ་མ་རྡོ་རྗེ་སློབ་དཔོན་དེ་ཉིད་རྒྱུད་ལུང་ནས་ཇི་ལྟར་བཤད་པ་བཞིན་བླ་མ་དང་སངས་རྒྱས་མཉམ་པ་དང་། ཐ་མི་དད་པ་དང་། ལྷག་པའི་ཚུལ་གྱིས་བཀུར་ཞིང་། སློབ་དཔོན་གྱིས་སློབ་བུ་བརྟག་པར་བྱ་བའི་ཕྱིར་སྐྱོ་བར་བྱས་ཏེ་མཚངས་འདྲུ་བ་དང་། ཞེ་གཅོད་པའི་ཚིག་ངན་ཇི་ལྟར་སྨྲ་ཡང་བཟོད་པ་སྟེ། ཅིའི་ཕྱིར་ན། གནས་སྐབས་འཇིག་རྟེན་གྱིས་མཐོང་བའི་གདུང་བ་ཅི་བྱུང་ཡང་ཁུར་དུ་མི་བལྟ་སྟེ། བཏགས་སྤྱོ་ཞེ་གཅོད་པ་ལ་སོགས་པ་དེ་ཀུན་མཐར་ཐུག་སངས་རྒྱས་ཐོབ་པར་བྱ་བའི་ཡུན་གྱི་དོན་དུ་བཟོད་པར་འོས་པའོ། །གཉིས་པ་ལ་གཉིས། བླ་མ་ཁུར་བའི་ཡོན་ཏན་གདམས་ངག་གནང་བ་དང་། དེའི་ཡོན་ཏན་སངས་རྒྱས་ཐོབ་པའོ། །དང་པོ་ནི། དེ་ལྟ་བུའི་དཀའ་བ་དང་དུ་བླངས་ནས་བླ་མ་དམ་པའི་ཞབས་པད་ལ་ལྟེམ་རྐྱངས་མེད་པར་བསྟེན་པར་ནུས་ན། ནམ་ཞིག་སྟོན་པ་རྡོ་རྗེ་རྒྱལ་པོ་སློབ་དཔོན་དེ་ཉིད་ཐུགས་རྗེ་གཡོས་ནས་མན་ངག་སྦྱིན་པར་ཞལ་གྱིས་འཆེས་པས་ཉམས་ཀྱི་གནང་བ་ཐོབ་པར་འགྱུར་ཏེ། དེའི་ཚེ་ན། རྒྱུད་ཆེན་གསང་བ་སྙིང་པོའི་གཞུང་གི་ལེའུ་ལས། རྒྱལ་སྲིད་དང་ནི་རང་གི་ལུས། །བུ་དང་ཆུང་མ་ནོར་གྱི་དབྱིག །རབ་ཏུ་གཅེས་དང་ཡིད་འཐད་དབུལ། །ཞེས་གསུངས་པའི་ཡོན་ཕུལ་ནས་ནན་ཏན་གྱིས་གསོལ་བ་བཏབ་པས་སློབ་དཔོན་གྱི་ཐུགས་ཀྱི་ཉིང་ཁུའི་གདམས་ངག་རྣམས་སློབ་བུ་དེ་ལ་སྟེར་བར་འགྱུར་རོ། །གཉིས་པ་ནི། མན་ངག་ཐོབ་པའི་གང་ཟག་དེ་ཡིས་ཅང་ཤེས་ལ་སོགས་པའི་བཞོན་པ་བཟང་པོ། མྱུར་བ་དང་། བདེ་བ་དང་། བརྟན་པ་ལ་ཞོན་ནས་འགྲོ་བར་འདོད་པའི་གནས་སུ་སྐད་ཅིག་ལ་གེགས་མེད་པར་ཕྱིན་པར་བྱེད་པ་བཞིན་དུ། གསང་བ་བླ་ན་མེད་པའི་རྫུ་འཕྲུལ་རྟ་དང་། སྟོབས་གླང་པོ་ཆེར་མཚུངས་པའི་ཐེག་པ་ལ་ཞོན་པས། རྒྱུ་ཤེས་པའི་མཚན་ཉིད་ལྟ་བ་མཐོང་ཞིང་། རྐྱེན་འཇུག་པའི་མཚན་ཉིད་ཚོགས་ལམ་རྣལ་འབྱོར་བཞི་དང་། སྦྱོར་ལམ་བར་ཆད་མེད་པ་ཚོམ་བུ་ཚོགས་སྒྲུབ་ལ་བརྟེན་ནས། གནས་སྐབས་ཀྱི་འབྲས་བུ་མཐར་ཕྱིན་པ་རིག་འཛིན་བཞིའི་ལམ་ལ་བཀོད་ནས། མཐར་གྱིས་སྐུ་དང་ཡེ་ཤེས་ཕྲིན་ལས་རྒྱ་མཚོ་ལྟ་བུ་ལ་དབང་འབྱོར་པ་བྱང་ཆུབ་སྙིང་པོའི་གནས་སུ་ཕྱིན་པར་བྱེད་པའོ། །གཉིས་པ་བརྟག་པ་ལ། སྣོད་བརྟག་པའི་ཚུལ་དངོས་དང་། སྣོད་དང་ལྡན་པ་ལ་སྦྱིན་ཅིང་། སྣོད་དང་མི་ལྡན་པ་ལ་མི་སྦྱིན་པའི་ཚུལ་ལོ། །དང་པོ་ནི། སྣོད་བཅུད་འཛོམ་ན་ཟབ་མོའི་ལམ་གྱི་དངོས་གྲུབ་མྱུར་དུ་ཐོབ་པའི་ཕྱིར་དེ་བས་ན་བླ་མ་རྡོ་རྗེ་སློབ་དཔོན་སློབ་བུ་ཡལ་བར་མི་འདོར་བོའི་གཉེར་དང་ལྡན་པས་ཐོག་མར་སྣོད་བརྟག་པ་གལ་ཆེ་སྟེ། དེ་ཡང་རྒྱང་ནས་རིགས་དང་། ངང་ཚུལ་བཟང་ངན་དང་། དད་པ་དང་། ཤེས་རབ་ཆེ་ཆུང་གཞན་ལ་དྲིས་པ་དང་། དྲུང་དུ་སྒོ་གསུམ་གྱི་བྱ་བྱེད་བརྩོན་འགྲུས་སོགས་བརྟག་པ་དང་། ཀུན་འདུས་དང་རྔམས་གློག་སོགས་ལས་གསུངས་པ་ལྟར། བྱིས་པ་གཙང་མའི་སེམས་ལ་པྲ་ཕབ་སྟེ་བརྟག་པ་དང་། ལས་ཀྱི་མཁའ་འགྲོ་ལ་གཏོར་མ་བྱིན་པས། དེ་ཡིས་གསང་སྔགས་སྟོན་དུ་རུང་མི་རུང་གི་ལྟས་ཉམས་དང་རྨི་ལམ་སོགས་སུ་སྟོན་པས་བརྟག་པ་དང་། མཚངས་ནས་འདྲུ་བ་དང་སྤྱོ་བར་བྱ་བས་དད་པ་སོགས་ལྡོག་གམ་མི་ལྡོག་པར་བརྟག་པ་སྟེ། དེ་ལྟར་བརྟག་ཐབས་རྣམ་པ་ལྔ་ཡི་སྒོ་ནས་ལན་གཅིག་མ་ཡིན་པར་ཅི་ནས་ཀྱང་བརྟག་པར་བྱའོ། །གཉིས་པ་ནི། དེ་ལྟར་བརྟགས་པས་སྣོད་བཟང་བའི་མཚན་ཉིད་དང་ལྡན་ན་ཐེག་དམན་དུ་བློ་མི་ལྡོག་ཅིང་། གསང་བ་མཆོག་གི་ལམ་འདིར་ཡིད་བརྟན་པར་བྱ་བའི་ཆེད་དུ་དབང་བསྐུར་བ་སྔོན་དུ་འགྲོ་བས་དམ་ཚིག་དང་སྡོམ་པས་རྒྱུད་སྨིན་ཅིང་བརྟས་པར་བྱས་པ་ཡི། ཤིཥྱཱ་སྟེ་སློབ་མ་གང་ཡིན་པ་དེའི་ལག་ཏུ་མན་ངག་ཟབ་མོ་འདི་གདམས་ཤིང་གཏད་པར་བྱའོ། །གསུམ་པ་ལ་གཉིས་ཏེ། སྣོད་ངན་ལ་མི་སྦྱིན་ཅིང་འཚམས་པར་དོན་བྱ་བ་དང་། བྱིན་པའི་ཉེས་དམིགས་སོ། །དང་པོ་ནི། གལ་ཏེ་ངན་པའི་མཚན་ཉིད་ཀྱི་རྟགས་མཐོང་བའམ་མངོན་སུམ་དུ་ཤེས་པས་རྟགས་འདི་ལྟར་འབྱུང་སྟེ། ཚེ་འདིའི་འདོད་པ་ཕྲ་མོའི་རྒྱུར་དམིགས་ནས་ཆོས་བྱེད་པ་དང་། འཇིག་རྟེན་གྱི་ཁེ་དང་རྙེད་བཀུར་ལ་སོགས་པ་ཐོབ་པའི་རྒྱུར་ཆོས་བྱེད་ཅིང་། ཁྱད་པར་མན་ངག་གི་བཅུད་ཆེན་བརྗེད་ངས་ཀྱིས་མི་ཐུབ་པར་འཛག་པ་ནི་སྣོད་ཞབས་རྡོལ་ལྟ་བུ། རང་གིས་མ་རྟོགས་པར་གཞན་ལ་འདོམས་པར་རིངས་པ་ནི་གསང་སྒོ་ཡལ་བར་དོར་བས་བཅུད་དབོ་བ་སྟེ་སྣོད་གཞོག་རལ་ལྟ་བུའི་སྐྱོན། མན་ངག་ཟབ་མོ་བསྟན་ཀྱང་མི་གོ་བ་ནི་མི་ཆགས་པ་སྟེ་སྣོད་ཁ་སྦུབས་ལྟ་བུའི་སྐྱོན། གྲུབ་མཐའ་གཞན་དང་འདྲེས་ནས་རང་གི་ཆོས་ལ་ཐེ་ཚོམ་ཟ་བ་ནི་མ་རུངས་པར་བྱེད་པ་སྟེ་སྣོད་དུག་ཅན་ལྟ་བུའི་སྐྱོན་ཏེ་བཞི་དང་། གཞན་ཡང་ཟང་ཟིང་གི་དངོས་པོ་མཐའ་མ་དེ་ཉིད་བླ་མ་ལ་གཏོང་ཞིང་དབུལ་ཏེ་རང་གི་ཡིད་ལ་མཛའ་བ་དེ་ཉིད་མི་ཕུལ་བར་ཕུག་ཏུ་འཆིང་སྟེ་མི་སྦྱིན་པ་དང་། སེམས་རྒྱུད་ལ་གཡོ་སྒྱུ་ཤས་ཆེ་བ་ཅན། དངོས་སུ་དགའ་བ་དང་གུས་པ་ལྟར་བྱེད་ཅིང་། འགལ་བ་ལྟག་སྤྲོད་ཀྱི་རྣམ་པས་ལྐོག་ཏུ་སྐུར་པ་འདེབས་པ་དང་། བླ་མས་མ་མཐོང་བའི་ལྐོག་ཏུ་གྱུར་པའི་ཚེ་ན་རང་གང་དགའ་བར་བྱེད་ཅིང་དམ་ཚིག་མི་སྲུང་བ་དང་། ངག་ལ་རིགས་ངེས་ཏེ་བཟང་པོར་བློ་ཡང་བསམ་པ་ལ་མི་ངེས་པར་གཅིག་ཤོས་སེམས་པ། བུད་མེད་ཡིན་ཡང་སེམས་འདོད་ཆགས་ཀྱི་གཞན་དབང་དུ་སོང་བས། གཉེན་པོ་ངོ་ཚ་མེད་པར་གང་འདོད་པ་རང་གར་ཤོར་བའི་ཕྱལ་བ་སྟེ། འདི་ཉིད་སྐྱེས་པ་ལའང་མཚུངས་སོ། །མུན་པའི་ཁྲོད་དང་མི་མེད་པའི་ལྐོག་ཏུ་གང་དང་ཕྲད་པར་འདོད་ཆགས་སྤྱོད་པ་མངོན་པར་སྙེགས་པ་སྟེ། མདོར་ན་གང་ཟག་ཕོ་མོ་གང་ཡིན་ཡང་རུང་སྟེ། ཏནྟྲ་སྟེ་རྒྱུད་ཀྱི་རྡོ་རྗེའི་གནས་ཆེན་པོ་རྣམས་ལས་སྣོད་དུ་མ་བསྔགས་པ་རྣམས་ལ་ནི། བསྐལ་པར་ལུས་དང་གྲིབ་མ་བཞིན་དུ་འཁོར་བར་འགྱུར་ཡང་། བླ་ན་མེད་པའི་ཐུགས་ཀྱི་བདེ་བ་སྟེ་དུས་གསུམ་གྱི་རྒྱལ་བའི་དགོངས་བཅུད་མཐར་ཐུག་པ་འདི་རླུང་ཕྱོགས་ཙམ་དུའང་སྤྲོ་བར་མི་བྱའོ། །འོ་ན་ཐུགས་རྗེ་གཏན་ནས་མེད་དམ། གདམས་ངག་མི་སྦྱིན་ནམ་ཞེ་ན། གདུལ་བྱ་སོ་སོའི་བློ་དང་འཚམས་པར་ལྷའི་སྐུ་བསྒོམ་པའི་ཐབས་ཐུན་མོང་ཙམ་བསྟན་པ་དང་། རྩ་བ་དང་ཡན་ལག་གི་དམ་ཚིག་གཅན་གཟན་གྱི་འཕྲང་དང་འདྲ་བ་སྦྱིན་ཅིང་། ཐེག་པ་ཐུན་མོང་བའི་ལམ་ནས་རིམ་པར་བློ་འཁྲིད་པར་བྱ་སྟེ། འདིའི་ཚུལ་གཞན་དུའང་། དང་པོར་གསོ་སྦྱོང་སྦྱིན་པར་བྱ། །དེ་རྗེས་བསླབ་པའི་གནས་བཅུ་ཉིད། །སོགས་དང་མཐུན་པ་ཉིད་དོ། །གཉིས་པ་ནི། དེ་ལྟར་མིན་པར་རང་དགར་བསྟན་ན། བེའུ་བཟང་ངན་གཉིས་སྦྲེལ་ནས་གཡང་སར་གཏོང་ན་གཅིག་ཤོས་ལྷུང་བའི་ཞར་ལ་གཅིག་པོ་ཡང་བསྐྱུར་བ་བཞིན་དཔོན་སློབ་གཉིས་ཀ་ངན་སོང་དུ་འགྲོ་བར་འགྱུར་བ་དང་། སློབ་དཔོན་དེས་ཟས་ནོར་གྱི་འདོད་པའི་ཁེ་ལ་བསམ་པས་བློ་འཕྲོགས་ཏེ། མི་ཆོས་ལ་བློ་གཅམ་ཞིང་འཕྱར་བས་འཆལ་བར་གཏོང་བའི་མཐུས། སྣོད་ཀྱི་སྐྱོན་མ་རྟོགས་པར་སྤྲོས་ན་བསིལ་བའི་ཚལ་སོགས་གདོད་ནས་གྲུབ་པའི་དུར་ཁྲོད་ཀྱི་གླིང་བརྒྱད་ཀྱི་ལས་ལས་གྲུབ་པའི་མ་མོ་དང་མཁའ་འགྲོ་མ་རྣམས་དུར་ཁྲོད་ཀྱི་རོ་ལ་འདུས་པ་བཞིན་དུ་འདུས་ནས། ཉམས་པ་ཅན་དེའི་ཤ་ཟ་ཞིང་སྲོག་ལ་ཆད་པ་འབེབས་ནས་མྱུར་དུ་འཆི་བའི་དུས་བྱེད་ལ། དེའི་འོག་ཏུའང་ངན་སོང་དུ་ལྟུང་བའི་སྐྱོན་ཆེན་པོ་འགྱུར་བའི་ཕྱིར་ཞིབ་ཏུ་བརྟག་པ་གཅེས་སོ། །སྤྱི་དོན་གསུམ་པ་སྣོད་ལྡན་ལ་སྦྱིན་པའི་མན་ངག་རང་གི་ངོ་བོ་བསྟན་པ་ལ་གཉིས། ལུས་མདོར་བསྟན་པ་དང་། ཡན་ལག་རྒྱས་པར་བཤད་པའོ། །དང་པོ་ནི། དེ་ལྟར་བརྟགས་པས་སྐལ་བ་དང་ལྡན་པར་མཐོང་བའི་སློབ་མའི་ཕྱིར་གང་སྦྱིན་པར་བྱ་བའི་མན་ངག་གི་ལམ་གྱི་རིམ་པ་ནི་གཞི་ལམ་འབྲས་གསུམ་གྱི་སྒོ་ནས་དཀྲི་བ་སྟེ། དང་པོ་ནི། གཟོད་མ་ནས་བྲལ་ཐོབ་སྤངས་པའི་རང་བྱུང་གི་ཡེ་ཤེས་ལམ་དང་འབྲས་བུ་ཐམས་ཅད་ཀྱི་ཁྱབ་བྱེད་བདེན་གཉིས་དབྱེར་མེད་ཆེན་པོར་རང་རྒྱུད་ལ་གནས་པ་གང་ཡིན་པ་སྟེ་ལེའུ་དང་པོས་སྟོན་ནོ། །གཉིས་པ་ལ་གསུམ་སྟེ། རྒྱུ་ཤེས་པའི་མཚན་ཉིད་ལྟ་བ། རྐྱེན་འཇུག་པའི་མཚན་ཉིད་ཏིང་ངེ་འཛིན། ལམ་གྱུར་གྱི་འབྲས་བུ་རིག་འཛིན་བཞིའོ། །དང་པོ་ནི། ཡེ་ནས་གནས་པའི་དོན་དེ་ཉིད་ཤེས་རབ་ཀྱི་སྤྱན་གྱིས་ཕྱིན་ཅི་མ་ལོག་པར་མཐོང་བ་སྟེ་ལེའུ་གཉིས་པས་རྒྱས་པར་སྟོན། གཉིས་པ་ནི། དེར་འཇུག་ཅེས་དབང་རྣོན་གཅིག་ཅར་འཇུག་པའི་ཚུལ་ལེའུ་དང་པོའི་སྟོད་དང་། དབང་རྟུལ་རིམ་གྱིས་འཇུག་པ་ལ་ཚོགས་སྦྱོར་གཉིས་ལས། དང་པོ་ལ་སྟོང་པ་ཆེན་པོ་དང་། སྙིང་རྗེ་སྒྱུ་མ་དང་། ཕྱག་རྒྱ་གཅིག་པ་དང་། ཕྱག་རྒྱ་སྤྲོས་པ་སྟེ་རྣལ་འབྱོར་བཞི་པོ་རྣམས་རིམ་པར་ལེའུ་གསུམ་པ་ནས་དྲུག་པའི་བར་གྱིས་སྟོན། སྦྱོར་ལམ་བར་ཆད་མེད་པའི་ལམ་དུ་ཚོགས་ཀྱི་སྒྲུབ་པ་ནི་ལེའུ་བདུན་པས་སྟོན་ནོ། །གསུམ་པ་ལ། མཐོང་ལམ་དུ་ཡིད་ཀྱི་རྣམ་པ་ལྷ་སྐུར་སྨིན་པ་དང་། རང་གི་ཚེ་ལ་མི་འཆི་བར་དབང་བསྒྱུར་བ་དང་། སྒོམ་ལམ་དུ་རང་བཞིན་གྱི་ཕྱག་རྒྱ་མངོན་དུ་བྱེད་ཅིང་། མཚན་མའི་ཕྱག་རྒྱ་ཡིད་ལ་བྱེད་པ་དང་། མཐར་ལམ་དུ་སྐུ་གསུང་ཐུགས་ཡོན་ཏན་ལྷུན་གྱིས་གྲུབ་པ་སྟེ་རིག་འཛིན་བཞི་པོ་ནི་ལམ་དུ་གྱུར་པའི་འབྲས་བུ་སྟེ་ལེའུ་བརྒྱད་པས་སྟོན། གསུམ་པ་མཐར་ཐུག་གི་འབྲས་བུ་མི་སློབ་པའི་གོ་འཕང་མངོན་དུ་བྱས་པ་ནི་ལེའུ་དགུ་པས་རྒྱས་པར་སྟོན་པ་སྟེ། དེ་ལྟར་རིམ་པ་བཞིན་དུ་བརྗོད་པར་བྱ་བ་སྟེ། བརྗོད་བྱའི་དོན་ལ་བཅུ་གཉིས་དང་། རྗོད་བྱེད་ཀྱི་ཚིག་ལ་ལེའུ་དགུ་ཡོད་དོ། །གཉིས་པ་ཡན་ལག་རྒྱས་པར་བཤད་པ་ལ་གསུམ་སྟེ། གཞི་ཡེ་ཤེས་རང་ལ་གནས་པ་དང་། ལམ་རང་གནས་རྟོགས་ཤིང་གོམས་པར་བྱ་བའི་ཐབས་དང་། འབྲས་བུ་རང་གནས་མངོན་དུ་བྱེད་པའི་སངས་རྒྱས་ཀྱི་དགོངས་པའོ། །དང་པོ་ལ་གསུམ་སྟེ། མདོར་བསྟན་པ་དང་། རྒྱས་པར་བཤད་པ་དང་། ལེའུའི་མཚན་ནོ། །དང་པོ་ནི། མདོར་བསྟན་པ་ལེའུ་དགུ་པོ་དེ་ལ། དང་པོ་གཞི་ཡེ་ཤེས་རང་གནས་ཉིད་ལའང་སྤྲོས་ཏེ་རྒྱས་པར་བཤད་པའི་གཞི་ཡི་གནས་ལུགས་དེ་ཉིད་སྐལ་བ་དང་ལྡན་པ་དེ་ཡིས་ཐོག་མ་ཉིད་དུ་ཤེས་པར་བྱ་བའི་ཡུལ་ལོ། །གཉིས་པ་ལ་གསུམ་སྟེ། རང་བཞིན་ཡེ་ཤེས་རང་ལ་གནས་ཚུལ། དེ་མ་རྟོགས་པར་འཁྲུལ་བའི་ཚུལ། འཁྲུལ་ཡང་ལམ་དང་འབྲས་བུ་ལ་གནས་པའི་ཚུལ་ལོ། །དང་པོ་ལའང་གཉིས་ལས། དང་པོ་གཞི་ཆོས་ཀུན་རང་སྣང་ལ་འཁོར་འདས་གཉིས་སུ་མེད་པར་བསྟན་པ་ནི། ཕྱོགས་བཅུ་དུས་བཞིའི་རང་བཞིན་འདི་ཆོས་ཅན། དེ་བཞིན་གཤེགས་པའི་ངོ་བོ་ཉིད་ཡིན་པར་ཐལ། འཁོར་བ་སེམས་ཉིད་རང་སྣང་ཙམ་ཡིན་པའི་ཕྱིར། དེ་སྐད་དུའང་མདོ་ལས། དེ་བཞིན་གཤེགས་ཉིད་དེ་ཡི་ཕྱིར། །འགྲོ་ཀུན་དེ་ཡི་སྙིང་པོ་ཅན། །ཞེས་སོ། །སེམས་ཉིད་དེ་ཡང་བརྟགས་ན་དངོས་པོར་གྲུབ་པའི་བདག་དང་བདག་གིར་འཛིན་པ་རྡུལ་ཙམ་ཡང་གྲུབ་པ་མེད་དེ། དེའི་ཕྱིར་རིན་པོ་ཆེའི་གླིང་དུ་ས་རྡོ་ཕལ་པ་མི་རྙེད་པ་བཞིན་དུ་དེ་བཞིན་གཤེགས་པའི་རྣམ་པར་འཕྲུལ་པ་ལས་སྣང་སྲིད་བསམ་ཡས་སུ་ཤར་བའི་ཕྱིར་མ་དག་པའི་དངོས་པོར་ནམ་ཡང་མི་དམིགས་སོ། །འོ་ན་མྱང་འདས་ཕྱོགས་གཅིག་པའི་མཐར་ལྷུང་ངོ་ཞེ་ན། རྒྱུ་འཁོར་བའི་རང་བཞིན་ཕྱོགས་གཅིག་ཏུ་མི་དམིགས་པའི་ཕྱིར། དེ་ལ་ལྟོས་པའི་འབྲས་བུ་ཆོས་ཉིད་མྱ་ངན་ལས་འདས་པ་ཡང་ཕྱོགས་གཅིག་ཏུ་ཡོད་པ་མ་ཡིན་ཏེ། འཁོར་འདས་དབྱེར་མེད་པ་མཐའ་གཉིས་ལས་གྲོལ་བ་ནི་གདོད་མའི་སྤྱི་གཞི་ཆེན་པོ་སྟེ། ཧེ་བཛྲ་ལས། འདི་ཉིད་འཁོར་བ་ཞེས་བྱ་སྟེ། །འདི་ཉིད་མྱ་ངན་འདས་པའང་ཡིན། །འཁོར་བ་སྤངས་ནས་གཞན་དུ་ནི། །མྱ་ངན་འདས་པ་ཐོབ་མི་འགྱུར། །ཞེས་སོ། །དེ་ལས་མ་རྟོགས་པ་སེམས་ཅན་རྣམས་འཁྲུལ་བའི་གཞི་ནི་ལྷན་ཅིག་སྐྱེས་པའི་མ་རིག་པ་དང་། རྟོགས་པ་སངས་རྒྱས་ཀྱི་གྲོལ་གཞི་ནི་སྟོང་ཉིད་རྟོགས་པའི་ཤེས་རབ་ཏུ་བཞག་སྟེ། དོན་གྱིས་འདིར་ཡང་བདེན་གཉིས་དབྱེར་མེད་ཀྱིས་ཁྱབ་པའི་དགོངས་པ་ལོངས་པར་བྱའོ། །གཉིས་པ་འཁོར་འདས་ཐ་དད་པའི་སྐྱོན་བརྗོད་པ་ལ་གཉིས་ཏེ། དང་པོ་འཁོར་བ་རང་བཞིན་ཐ་དད་པའི་སྐྱོན་ནི། དེ་ལྟར་མྱ་ངན་ལས་འདས་པའི་རིགས་དང་། འཁོར་བའི་རྒྱུད་གཉིས་ངོ་བོ་ཐ་དད་པར་གྲུབ་པ་མེད་པས། གནས་ལུགས་བྱང་ཆུབ་ཀྱི་སེམས་བདེན་གཉིས་ཟུང་འཇུག་མཆོག་གི་ངོ་བོ་དེ་ལ་འཁོར་འདས་ཀྱི་རྫས་ཐ་དད་དུ་ངེས་སོ་ཞེ་ན། འཁོར་བ་དེ་ཡང་དག་པའི་ལམ་གྱིས་མྱ་ངན་ལས་འདས་པར་བསྒྱུར་ཞིང་བཅོས་སུ་མེད་དེ། དེ་ཐ་དད་པ་ཡིན་པའི་ཕྱིར་རོ། །གཉིས་པ་ངོ་བོ་ཐ་དད་པའི་སྐྱོན་དཔེ་དང་བཅས་པ་ནི་ཡང་དག་པའི་ས་ལ་གཤེགས་པའི་སངས་རྒྱས་དང་། ལོག་པར་རྟོག་པས་སྲིད་པར་འཁྲུལ་པའི་སེམས་ཅན་གཉིས་སོ། །ངོ་བོ་ཉིད་ཀྱིས་རྫས་ཐ་དད་དུ་གནས་པར་གྱུར་ན། དེ་ལ་ལམ་གྱིས་བཅོས་ཤིང་མྱ་ངན་ལས་འདས་པར་བསྒྱུར་དུ་མེད་དེ། དཔེར་ན་མཆིང་བུ་ལ་ཕྱག་མཆོད་བྱས་ན་ནོར་བུ་རིན་པོ་ཆེ་དང་མཚུངས་པའི་དགོས་འདོད་འབྱུང་བར་མི་འགྱུར་བ་བཞིན་དུ་འཁོར་བ་ལས་མྱང་འདས་འབྱུང་བར་ནམ་དུའང་མི་རིགས་པའི་ཕྱིར་རོ། །གཉིས་པ་མ་རྟོགས་འཁྲུལ་པའི་ཚུལ་ནི། དེ་བས་འཁོར་འདས་དབྱེར་མེད་པ་ཡིན་པ་དེ་ལྟ་ནའང་གློ་བུར་གྱི་རྣམ་པར་རྟོག་པའི་ཀུན་དཀྲིས་ཀྱི་ཚུལ་འདི་བཞིན་དུ་འཁྲུལ་པས་འཁོར་བའི་རྒྱ་མཚོ་མུ་མཐའ་མེད་པར་འཁྱམས་པ་སྟེ། རྒྱུ་༡ལྷན་ཅིག་སྐྱེས་པའི་མ་རིག་པས་རང་ངོ་མ་ཤེས་ཤིང་། ཀུན་ཏུ་བརྟགས་པའི་མ་རིག་པས་ལོག་པར་རྟོག་པ་སྣ་ཚོགས་པ་ཞགས་པ་དང་འདྲ་བས་འཁོར་བའི་རྒྱུ་བྱས། ལས་༢དགེ་སྡིག་བར་མ་གསུམ་དང་། རྩ་བའི་ཀུན་དཀྲིས་ཉོན་མོངས་ལྔ་སྟེ་བརྒྱད་ཀྱིས་འཁོར་བའི་གནས་རིགས་མཐོ་དམན་དུ་འཕེན་པའི་རྐྱེན་གྱིས་སོ། །འཁོར་༣ཚུལ་མ་རིག་པ་ལས་འདུ་བྱེད་དང་། དེ་ལས་རྣམ་པར་ཤེས་པ་དང་། མིང་གཟུགས་དང་། སྐྱེ་མཆེད་དྲུག་དང་། རེག་པ་དང་། ཚོར་བ་དང་། སྲེད་པ་དང་། ལེན་པ་དང་། སྲིད་པ་དང་། སྐྱེ་བ་དང་། རྒ་ཤིའི་བར་དུ་བཅུ་གཉིས་པོ་འཁོར་ལོ་བཞིན་དུ་འབྱུང་བས་སྲིད་པའི་གནས་སུ་ཡང་དང་ཡང་དུ་བསྐྱལ་ཞིང་། འབྲས་༤བུ་ནི་རྟེན་ཕྱི་སྣོད་འཇིག་རྟེན་གྱི་སྣང་བ་དང་། བརྟེན་པ་ནང་བཅུད་སེམས་ཅན་གྱི་ལུས་ལོངས་སྤྱོད་འདོད་པ་སོགས་ཐ་དད་པས། གནས་སྐབས་བདེ་བ་ལྟར་སྣང་བ་རྣམས་ནི་ཁྱབ་པ་འདུ་བྱེད་ཀྱི་སྡུག་བསྔལ། ད་ལྟར་བདེ་ཡང་སྐད་ཅིག་གིས་འགྱུར་བ་ནི་འགྱུར་བའི་སྡུག་བསྔལ། སྡུག་བསྔལ་གྱི་སྟེང་དུ་སྡུག་བསྔལ་གྱིས་གདུང་བ་ནི་སྡུག་བསྔལ་གྱི་སྡུག་བསྔལ་ཏེ་དེ་ལྟ་བུའི་ཚུལ་གྱིས་གནས་རིས་གསུམ་པོ་ཐམས་ཅད་ཉམ་ཐག་པར་བྱས་པས་ཐར་པ་ཐམས་ཅད་མཁྱེན་པའི་ལམ་དང་བྲལ་བའོ། །དུས་ནི་འཁོར་བ་༥དང་པོ་བརྩམས་པའི་ཐོག་མ་མེད་པ་ནས་དུས་བཞིའི་དུས་ཀུན་ཏུ་ཉམས་ཀྱང་། ལ་བཟླ་༦བ་ནི། རང་བཞིན་བདེ་གཤེགས་སྙིང་པོ་ཉིད་ལས་གཞན་དུ་ཉམས་པའམ་དམན་པར་གྱུར་པ་ནམ་ཡང་མེད་པའོ། །གསུམ་པ་འཁྲུལ་པ་ཡང་ལམ་དང་གཞན་ན་མེད་པར་བསྟན་པ་ལ་གཉིས་ཏེ། དཔེ་དང་སྦྱར་ཏེ་མདོར་བསྟན་པ་དང་། དོན་རྒྱས་པར་བཤད་པའོ། །དང་པོ་ནི། དེ་ལྟར་འཁྲུལ་པའི་གནས་སྐབས་ནའང་། དཔེར་ན་རྒྱལ་པོའི་ཕྲུ་གུ་དམངས་སུ་འཁྱམས་ཀྱང་རྒྱལ་པོའི་རིགས་ལས་འགྱུར་བ་མེད་པ་དེ་བཞིན་དུ་སེམས་ཅན་ཐམས་ཅད་ཀྱང་ཆོས་དབྱིངས་གནས་པའི་རིགས་ལ་འཕོ་འགྱུར་གྱི་མཚན་མ་མ་དམིགས་ཏེ། རྒྱལ་བ་བྱམས་པས། ཇི་ལྟར་སྔར་བཞིན་ཕྱིས་དེ་བཞིན། །འགྱུར་བ་མེད་པའི་ཆོས་ཉིད་དོ། །ཞེས་སོ། །རྒྱུ་དེས་ན་ཤུལ་ཏེ་ལམ་དང་། དོན་ཏེ་དེའི་འབྲས་བུའང་རང་ལས་གཞན་མིན་ཏེ། དཔེར་ན་འཕྲུལ་དགའི་ལྷ་རྣམས་ཀྱིས་རང་གིས་སྤྲུལ་པའི་ཡོ་བྱད་ལ་རང་གིས་ལོངས་སྤྱད་པའི་ཚུལ་དེ་རང་ཉིད་ལས་གཞན་པའི་རྫས་ཐ་དད་པས་བསྡུས་པ་མ་ཡིན་པ་བཞིན་ནོ། །གཉིས་པ་ལ་གཉིས་ཏེ། མདོར་བསྟན་པ་དང་། རྒྱས་པར་བཤད་པའོ། །དང་པོ་ལ་གཉིས་ཏེ། ལམ་རང་ལ་གནས་ཚུལ་དང་། འབྲས་བུ་རང་ལ་གནས་ཚུལ་ལོ། །དང་པོ་ལ་བཞི་སྟེ། བསྟན་པ་རང་ལ་གནས་པའི་ཚུལ་དང་། གླིང་གཞི་རང་ལ་གནས་པའི་ཚུལ་དང་། གྲོལ་ལམ་རྒྱུད་དོན་རང་ལ་གནས་པའི་ཚུལ་དང་། ཐབས་ལམ་རང་ལ་གནས་པའི་ཚུལ་ལོ། །དང་པོ་ལ་གཉིས་ཏེ། ཀུན་རྫོབ་ལམ་དང་འབྲས་བུ་གཞན་ན་མེད་དེ་རང་ལ་གནས་པ་དང་། དོན་དམ་དུ་དང་། དབྱེར་མེད་དུའོ། །དང་པོ་ལ་གསུམ་སྟེ། ཀུན་རྫོབ་ཏུ་གཞི་ཡེ་ཤེས་ལྔ་རང་ལ་གནས་པ་དང་། ལམ་རང་ལ་གནས་པ་དང་། འབྲས་བུ་རང་ལ་གནས་པའོ། །དང་པོ་ནི། དེ་ཡང་རྒྱས་པར་སྤྲོ་ན། ཀུན་རྫོབ་དང་། དོན་དམ་པ་དང་། དབྱེར་མེད་པ་རྣམ་པ་གསུམ་དུ་གནས་པའི་ཚུལ་བཞག་པར་བྱ་སྟེ། དེ་ལ་དང་པོ་མཚོན་བྱ་དོན་གྱི་བསྟན་པ་རང་ལ་གནས་པའི་ཚུལ་ནི། དེ་ཡང་འགྲོ་བ་རྒྱུད་ལྔ་བསྐྱེད་པའི་ཡི་གེ་དྲུག་ལ་དེ་ཉིད་སྦྱོང་བྱེད་སྤྱི་བོ་ལ་སོགས་པའམ། སྙིང་གའི་རྩ་འདབ་ལྔ་ལ་ཨོཾ་ཨཱཿཧཱུྃ་སྭཱ་ཧཱ་སྟེ་ཡི་གེ་ལྔར་གནས་པ་ནི་ཡེ་ཤེས་ལྔ་ཡིན་པའི་ཕྱིར་ཐབས་ཆེན་པོ་སྟེ། འགྲོ་བ་ཀུན་ལ་རང་བཞིན་གྱིས་གནས་པའོ། །གཉིས་པ་མཚོན་བྱེད་ཚིག་གི་བསྟན་པ་གནས་ཚུལ་ནི། སྤྱི་བོ་བདེ་ཆེན་གྱི་རང་བཞིན་ཐིག་ལེ་ཧྃ་ཡིག་གི་གཟུགས་སུ་གནས་པའི་འཁོར་ལོ། མགྲིན་པ་རོ་དྲུག་གི་ལོངས་སྤྱོད་ཉམས་སུ་མྱོང་པའི་འཁོར་ལོ། སྙིང་ག་ཆོས་ཅན་དང་ཆོས་ཉིད་ཀྱི་དྲན་པ་འཕྲོ་འདུ་བྱེད་པའི་འཁོར་ལོ། ལྟེ་བ་ལུས་ཐམས་ཅད་སྐྱེད་པར་བྱེད་བའི་ཕྱིར་སྤྲུལ་པའི་འཁོར་ལོ་སྟེ་དཀྱིལ་འཁོར་བཞི་དང་། གཡས་རོ་མ་དྲི་ཆུ་རྒྱུ་བ། གཡོན་རྐྱང་མ་ཁྲག་རྒྱུ་བ། དབུས་དབུ་མ་བྱང་སེམས་རྒྱུ་བ་སྟེ་གཟུང་བ་དང་། འཛིན་པ་དང་། གཉིས་ཀ་སྤངས་པའི་སྲོག་ཤིང་གི་ཚུལ་དུ་གནས་པའི་རྩ་གསུམ་དང་བཅས་པའི་གནས་དེ་ན། ཀཱ་ལི་སྟེ་སྒྲ་ཡི་ཡི་གེ་དང་། ཨཱ་ལི་སྟེ་དབྱངས་ཀྱི་ཡི་གེའི་ཕྲེང་བ། སྤྱི་བོ་རྩ་འདབ་སོ་གཉིས་ན་ཀཱ་ལི་སོ་གཉིས་གཡོན་སྐོར་ཨཱ་ལི་ཚར་གཉིས་གཡས་སྐོར་དང་། དང་། མགྲིན་པའི་རྩ་འདབ་བཅུ་དྲུག་ན་ཨཱ་ལི་བཅུ་དྲུག་གཡས་སྐོར་དང་། སྙིང་གའི་རྩ་འདབ་བརྒྱད་ན་ཨ་ཀ་ཙ་ཊ་ཏ་པ་ཡ་ཤ་སྟེ་མ་ནིང་གི་ཡི་གེ་བརྒྱད་དང་། ལྟེ་བའི་རྩ་འདབ་རེ་གཉིས་ན་སྒྲ་ཡིག་སོ་གཉིས་གཡས་སྐོར་དང་གཡོན་སྐོར་དུ་ལྡན་པའོ། །གཉིས་པ་གླེང་གཞི་རང་ལ་གནས་ཚུལ་ལ་གསུམ་སྟེ། གསང་བའི་གླེང་གཞི་རང་ལ་གནས་པའི་ཚུལ་ལ། ཨེས་མཚོན་པའི་ཡུམ་གྱི་པདྨོ་སྒོ་གྲུ་གསུམ། ཁྱམས་གྲུ་བཞི། སྐྱེ་གནས་ཟླ་གམ། དབྱིངས་ཕྱུག་གི་སྣེ་རྩ་ཟླུམ་པོ་སྟེ་དེ་ནི་གསང་བའི་སྟོན་འཁོར་བཞུགས་པའི་གནས་དང་། ཡབ་ཀྱི་རྡོ་རྗེ་རྩེ་མོར་ཀུན་རྫོབ་ཀྱི་ཐིག་ལེ་ཝྃ་ཡིག་གི་གཟུགས་སུ་གནས་པ་བདེ་བ་གསལ་བར་སྟོན་པའི་ཕྱིར་སྟོན་པ། མ་དཱ་ན་མ་ནུ་ཞེས་པའི་སྒྲ་ལས་ཡིད་སྡོམ་བྱེད་དེ་འདུ་ཤེས་གསུམ་ལྡན་གྱི་སྡོམ་པ་ལ་ཞུགས་པས་མཚན་རྟོག་སྡོམ་པར་བྱེད་པ་གསང་བའི་རྣམ་ཤེས་ཀྱིས་རེག་བདེ་ཉམས་སུ་མྱོང་བར་བྱེད་པའི་ཆ་ནས་འཁོར། པ་ར་མ་ཡཱ་ན་ཞེས་པའི་སྒྲ་ལས་དྲངས་ན་ཐབས་བདེ་བ་ཆེན་པོའི་ཡེ་ཤེས་ཀྱིས་བཅུ་དྲུག་གི་དགའ་བ་རྣམ་པ་བཞིའི་རང་བཞིན་ལྷན་ཅིག་སྐྱེས་པ་ནི་ངེས་དོན་གྱི་ཐེག་པ་སྟེ་ཆོས། ཡེ་ཤེས་དེ་ཉམས་སུ་མྱོང་བའི་ཚེ་དུས་འདི་ཞེས་མཚོན་དུ་མེད་པ་ནི་དུས་ཕུན་སུམ་ཚོགས་པ་སྟེ་དེ་ཉིད་ཡུམ་གྱི་མཁའ་གསང་དུ་ལྡན་པའོ། །འདི་ནི་བཤད་རྒྱུད་ཐལ་བ་དང་སྦྱར་ནས་བཤད་པའོ། །གཉིས་པ་ནང་གི་གླེང་གཞི་རང་ལ་གནས་པའི་ཚུལ་ནི་སྙིང་ག་ཆོས་ཀྱི་འཁོར་ལོའི་དབུས་ན་རྩ་འདབ་བརྒྱད་ཡོད་པ་ལ་རིགས་བསྡུ་ན། ཨེ་སོགས་ལས་བཞིའི་དབྱིབས་སུ་གནས་པ་ནི་གནས། དེའི་སྙིང་པོར་འབྱུང་བ་ལྔའི་རླུང་ལྔའི་དྭངས་མའི་སྒྲོམ་བུའི་དབུས་ན་མི་ཤིགས་པའི་ཐིག་ལེ་བྃ་ཡིག་གི་གཟུགས་སུ་ཡོད་པ་ནི་སྟོན་པ། མ་མ་ནུའི་སྒྲ་ལས་དྲངས་ན་ཡིད་དེ། དེས་མཚོན་པའི་ཀུན་གཞི་དང་། ཡིད་དང་། ཉོན་ཡིད་དང་། སྒོ་ལྔའི་རྣམ་ཤེས་རྣམས་རྩ་འདབ་བཞི་པོར་གནས་པ་འཁོར། ཡཱ་པ་ར་མཱརྠ་ཡཱ་ནའི་སྒྲ་ལས་དྲངས་ན་སྟེང་སྒོའི་ལམ་ཉམས་སུ་བླངས་པ་ལས་ཡེ་ཤེས་ནམ་མཁའི་གཟུགས་ཅན་མངོན་སུམ་དུ་སྐྱེས་པ་ནི་ངེས་དོན་གྱི་ཆོས། དེའི་ཚེ་སྐྱེ་འགགས་གནས་གསུམ་གྱི་མཚན་མ་དང་བྲལ་བ་བསམ་གྱིས་མི་ཁྱབ་པ་ནི་དུས་ཕུན་སུམ་ཚོགས་པ་སྟེ། ཐབས་ལམ་སྟེང་སྒོ་དང་སྦྱར་ནས་བཤད་རྒྱུད་རྒྱ་མཚོའི་རྗེས་སུ་འབྲང་བའི་བཤད་པའོ། །གསུམ་པ་གླེང་གཞིའི་ངེས་ཚིག་ནི། དེ་ལྟ་བུའི་ཕུན་སུམ་ཚོགས་པ་ལྔ་འཛོམ་པའི་དུས་ན་ཏནྟྲ་སྟེ་རྒྱུད་ཀྱི་དོན་འབྱིན་པར་བྱེད་པས་ན་ནི་དཱ་ན་སྟེ་ངེས་པར་སྦྱིན་པའམ་གླེང་གཞི་ཞེས་ཀྱང་བྱའོ། །གཉིས་པ་གྲོལ་ལམ་རྒྱུད་དོན་རང་ལ་གནས་ཚུལ་ལ་བརྒྱད་དེ། དང་པོ་ཏིང་ངེ་འཛིན་རང་ལ་གནས་པའི་ཚུལ་ནི། དེ་ལྟ་བུའི་རྒྱུད་དོན་དེ་ནི་སྙིང་ག་ཆོས་ཀྱི་འཁོར་ལོ་དེ་ཉིད་ན་གནས་ཏེ། མདུན་དུ་ཆོས་ཉིད་ཀྱི་རྩ་གསུམ་དཀར་པོ་ཟླུམ་པོའི་ནང་དུ་ཐིག་ལེ་མི་རྟོག་པའི་ཚུལ་དུ་གནས་པ་ནི་སྟོང་པ་ཆེན་པོའི་ཏིང་འཛིན། གཡས་སུ་ཡེ་ཤེས་ཀྱི་རྩ་གཅིག་སེར་པོ་གྲུ་བཞི་པའི་ནང་དུ་ཐིག་ལེ་མ་འགག་པར་གནས་པ་ནི་སྙིང་རྗེ་སྒྱུ་མ། གཡོན་ན་ཡོན་ཏན་གྱི་རྩ་གཅིག་མདོག་དམར་པོ་ཟླ་གམ་གྱི་དབྱིབས་སུ་ཐིག་ལེ་ཁྱབ་པར་གནས་པ་ནི་ཕྱག་རྒྱ་གཅིག་པ། རྒྱབ་ན་རྩ་གསུམ་གཉིད་རྨུགས་ཀྱི་ལས་བྱེད་པ་ནི་རང་རྒྱུད་པའི་རྩ་ཞེས་དབྱིབས་གྲུ་གསུམ་དམར་ནག་གི་རྣམ་པར་ཐིག་ལེ་སྣ་ཚོགས་པའི་ཚུལ་དུ་གནས་པ་ཕྱག་རྒྱ་སྤྲོས་པའི་ཏིང་ངེ་འཛིན་ཏེ། དེ་ལྟར་རྩ་འདབ་བརྒྱད་པོ་ཉིད་ཀྱི་དངོས་པོ་ནི། རྣལ་འབྱོར་བཞི་ཡི་ལམ་གྱི་རིམ་པར་རང་བཞིན་གྱིས་གྲུབ་པས་རྟོགས་ཤིང་གོམས་པའི་སྦྱོར་བས་མངོན་སུམ་དུ་འཆར་བའི་རྟེན་ནམ་གནས་བྱེད་པའོ། །གཉིས་པ་ཕྲིན་ལས་བཞི་རང་ལ་གནས་ཚུལ་ལ་གཉིས་ཏེ། ཕྲིན་ལས་བཞི་རང་ལ་གནས་ཚུལ་དངོས་དང་། སྦྱིན་སྲེག་རང་ལ་གནས་ཚུལ་ལོ། །དང་པོ་ལའང་གཉིས་ཏེ། ནང་ལྟར་གནས་ཚུལ་དང་། གསང་བ་ལྟར་གནས་ཚུལ་ལོ། །སྔ་མ་ལའང་གཉིས་ཏེ། དང་པོ་ཆོས་ཀྱི་འཁོར་ལོ་ལ་གནས་ཚུལ་ནི། སྔར་སྨོས་པའི་རྩ་འདབ་རིགས་བཞིར་སྣོད་ཀྱི་འོད་དེ་ཁ་དོག་དཀར་པོ་དང་། དབྱིབས་ཟླུམ་པོ་ལ་སོགས་པ་ནི་ཞི་རྒྱས་དབང་དྲག་གི་ཕྲིན་ལས་བཞིར་གནས་པའོ། །གཉིས་པ་ཕྱི་འཁོར་ལོ་བཞི་ལ་གནས་ཚུལ་ནི། གཞང་ཁ་རླུང་ཟླ་གམ། ལྟེ་བ་ཆུ་ཟླུམ་པོ། སྙིང་ཁ་ས་གྲུ་བཞི། ལྐོག་མ་མེ་གྲུ་གསུམ་མམ། ཡང་ན། ལྟེ་བ་ས། སྙིང་ག་ཆུ། མགྲིན་པ་མེ། སྤྱི་བོ་རླུང་སྟེ། དེ་ལྟར་གྱི་གནས་བཞི་པོར་འབྱུང་བ་བཞི་གནས་པས་ཕྲིན་ལས་རྣམ་པ་བཞི་བྱེད་པའོ། །གཉིས་པ་ནི། གསང་བ་དབྱིངས་ཕྱུག་གི་མཁའ་ལ་སྒོ་གྲུ་གསུམ་སོགས་ལས་བཞིའི་དབྱིབས་སུ་རང་བཞིན་གྱིས་ལྡན་པའང་ཕྲིན་ལས་རྣམ་པ་བཞིའོ། །གཉིས་པ་སྦྱིན་སྲེག་ནི། སུམ་མདོར་རྃ་ལས་མེ། སྒྲོམ་མདོར་ཡྃ་ལས་རླུང་། དེ་བསྐྱོད་པས་མེ་འབར། གཡས་ཀྱི་རྩ་རོ་མ་ནི་དགང་གཟར། གཡོན་རྐྱང་མ་ནི་བླུགས་གཟར། དབུས་ཀྱི་ཨ་ཝ་དྷཱུ་ཏི་ནི་མེ་ལྷ། ཡེ་ཤེས་སྙིང་པོ་ནི་སྲེག་ལྷ། ཉོན་མོངས་ལ་སོགས་པའི་རྣམ་པར་རྟོག་པའི་ཚོགས་ནི་སྲེག་རྫས་ཏེ། དེ་ལྟར་སྦྱིན་སྲེག་ཀྱང་ཡེ་ནས་རང་ལ་གནས་ཤིང་ལྡན་པའོ། །གསུམ་པ་བསྙེན་སྒྲུབ་རང་ལ་གནས་ཚུལ་ནི། ཆོས་ཉིད་ཀྱི་རྩ་ཡི་ཐིག་ལེ་དེ་བཞིན་ཉིད་ཀྱི་ངོ་བོ་སྟེ་བསྙེན་པ། ཡེ་ཤེས་ཀྱི་རྩའི་ཐིག་ལེ་ཀུན་སྣང་གི་ངོ་བོ་སྟེ་ཉེ་བསྙེན། ཡོན་ཏན་གྱི་རྩའི་ཐིག་ལེ་ཕྱག་རྒྱ་གཅིག་པའི་ངོ་བོ་སྟེ་སྒྲུབ་པ། རང་རྒྱུད་ཀྱི་རྩ་ཡི་ཐིག་ལེ་ཕྱག་རྒྱ་སྤྲོས་པའི་ཏིང་ངེ་འཛིན་གྱི་ངོ་བོ་སྒྲུབ་ཆེན་ཏེ། དེ་ལྟར་རང་བཞིན་གྱིས་ལྡན་པ་ཉིད་དོ། །དེ་ཡང་ཇི་ལྟར་རྫོགས་པའི་ཚུལ་ནི། རྩ་འདབ་ཐིག་ལེས་གང་བ་བསྙེན་པ། དེ་ལས་བདེ་བ་འབྱུང་བ་ཉེ་བསྙེན། དེ་ལྟར་ངོས་ཟིན་ནས་ཉམས་སུ་བླངས་པ་སྒྲུབ་པ། བདེ་བ་རྒྱས་པ་དེ་མངོན་སུམ་ཉམས་སུ་མྱོང་བ་ནི་སྒྲུབ་པ་ཆེན་པོའོ། །བཞི་པ་དཀྱིལ་འཁོར་རང་ལ་གནས་ཚུལ་ནི། སྙིང་གའི་རྩ་བཞིའམ། དེ་ལས་གྱེས་པའི་འདབ་མ་བརྒྱད་དང་ལྡན་པའི་ཤིང་སྟེ་རྩའི་མཎྜ་ལ་ཞེས་པ་ནི་བདེ་བ་ཆེན་པོའི་སྙིང་པོ་ལེན་ཅིང་འཛིན་པར་བྱེད་པས་ན་དཀྱིལ་འཁོར་རོ། །ལྔ་པ་དབང་རང་ལ་གནས་ཚུལ་ནི། གནས་པ་རྩ་དང་། བརྟེན་པ་ཐིག་ལེ་དག་ལ། ཕྱི་ཕན་པའི་དབང་བཅུ། ནང་ནུས་པ་འཇུག་པའི་དབང་ལྔ། གསང་བ་ཟབ་མོའི་དབང་གསུམ་རྣམས་རང་བཞིན་གྱིས་ལྡན་པ་སྟེ། དེའང་ཞིབ་ཏུ་དབྱེ་ན། དང་པོ་ནི། རྣམ་ཤེས་ཚོགས་བརྒྱད་ཡེ་ཤེས་ལྔར་གནས་པ་དབུ་རྒྱན། རྩ་རོ་རྐྱང་གཡས་གཡོན་ན་དར་འཕྱངས་ཀྱི་ཚུལ་དུ་གནས་པ་ཅོད་པན། འཁོར་ལོ་བཞིར་ཐབས་ཤེས་ཀྱི་ཡི་གེ་ཕྲེང་བའི་ཚུལ་དུ་སྤེལ་བར་གནས་པ་ཕྲེང་བ། སྤྱི་བོའི་ཧཾ་ལས་ལུས་མགོ་མཇུག་ཁྱབ་པའི་རྩའི་དྲྭ་བས་འབྲེལ་པ་གོ་ཆ། རྣམ་ཤེས་དང་དབང་པོ་མི་སྒྲིབ་པར་རང་གསལ་བ་རྒྱལ་མཚན། རྟོག་ཚོགས་ལྷའི་དཀྱིལ་འཁོར་དུ་གནས་པ་ཕྱག་རྒྱ། ཀླད་པ་བདེ་ཆེན་གྱི་འཁོར་ལོའི་འདབ་མ་ཧཾ་ཡིག་ལ་གདུགས་རྩིབ་ཀྱི་ཚུལ་དུ་བརྟེན་པ་གདུགས། རྩ་གནས་འཁོར་ལོ་བཞི་ཐིག་ལེས་གང་བ་བུམ་པ་དམ་ཚིག་ལྔ་རང་བཞིན་གྱིས་གནས་ཤིང་བཟའ་བཏུང་ལ་ལོངས་སྤྱོད་པ་བཟའ་བཏུང་། ཡིག་འབྲུ་ལྔ་རང་བཞིན་གྱིས་གནས་པ་སྙིང་པོའི་དབང་ངོ་། །གཉིས་པ་ནི། རྣ་བའི་རྩའི་འདོམ་རྩ་ན་སྒྲ་ཐོས་པའི་ཐིག་ལེའི་ཚུལ་དུ་ཡོད་པ་ཉན་པའི། མགྲིན་པ་དང་ལྕེ་ལས་སྒྲ་འབྱུང་བ་ཐིག་ལེ་དབྱངས་ཡིག་དང་ཨོཾ་གནས་པ་འཆད་པའི། ཨ་བ་དྷཱུ་ཏི་དང་། སྲོག་གི་མི་ཤིགས་པའི་ཐིག་ལེ་རྣམ་པར་མི་རྟོག་པ་སྒོམ་པའི། སྙིང་གའི་རྩ་འདབ་བཞིར་ལས་བཞི་ལྷུན་གྲུབ་ཏུ་གནས་ཤིང་ཡན་ལག་བཞིས་བྱ་བ་བྱེད་པ་ཕྲིན་ལས་ཀྱི། རྩ་དང་ཐིག་ལེའི་བྱ་བ་ཐམས་ཅད་བྱེད་ཅིང་། ཡན་ལག་ལྔ་རིགས་ལྔ་དང་ཆོས་ཀུན་རང་ལ་རྫོགས་པས་རྡོ་རྗེ་རྒྱལ་པོ་བཀའ་རབ་འབྱམས་ཀྱི་དབང་རང་ལ་གནས་པའོ། །གསུམ་པ་ནི། རྩ་འདབ་ཐམས་ཅད་ཀུནྡ་བྱང་ཆུབ་སེམས་ཀྱིས་གང་བ་གསང་བའི། དེ་ལས་བདེ་བ་ཆེན་པོ་སྐྱེ་བས་ཤེས་རབ་ཡེ་ཤེས་ཀྱི། དེ་ཉིད་བདེ་སྟོང་ཟུང་དུ་འཇུག་པས་བཞི་པའི་དབང་ངོ་། །དྲུག་པ་མཆོད་པ་རང་ལ་གནས་ཚུལ་ལ་གསུམ་སྟེ། དང་པོ་གསང་བའི་མཆོད་པ་རང་ལ་གནས་ཚུལ་ནི། ཐབས་ཤེས་སྙོམས་པར་འཇུག་པའི་དགའ་བས་དྲངས་པའི་རང་བཞིན་གསང་བའི་ལྷ་མོ་བཅུ་གཉིས་སུ་ཤར་བའི་ཚུལ་ནི། འགུགས་པ་ལྕགས་ཀྱུ་མ། འཛིན་པ་ཞགས་པ་མ། སྡོམ་པ་ལྕགས་སྒྲོག་མ། བསྐྱོད་པ་དྲིལ་བུ་མ། ཆས་ཀྱིས་སྒེག་པ་ལ་སྱ། ཐུགས་འཕྲིང་བ་མཱ་ལྱ། ཨ་ཧཾ་གི་སྒྲ་གྲགས་པ་གཱིརྟི། ཕྱག་རྒྱ་བསྐྱོད་པ་ནཱིརྟི། བདེ་བས་རྒྱུད་ཚིམས་པ་དྷཱུ་པེ། འཐོར་བ་པུཥྤེ། གསལ་བར་བྱེད་པ་མར་མེ། བསིལ་དྲོད་སྙོམས་པ་གནྡྷེའོ། །གཉིས་པ་འདོད་ཡོན་དབང་པོ་དྲུག་གིས་ཉམས་སུ་མྱོང་བའི་གཟུགས་སྒྲ་དྲི་རོ་རེག་བྱ་དང་། གསུམ་པ་དམ་རྫས་ཀྱི་མཆོད་པ་རང་ལ་ལྡན་པ་ནི། ལྟེ་བའི་རྩ་བ་ནས་ཤ་ཆེན། ལོང་ཁའི་རྩ་བ་ནས་དྲི་ཆེན། དྷཱུ་ཏི་ནས་བྱང་སེམས། རྐྱང་མ་ནས་དྲི་ཆུ། རོ་མ་ནས་རཀྟ་སྟེ་ལྔ་པོ་རང་བཞིན་གྱིས་གནས་པའོ། །བདུན་པ་དམ་ཚིག་རང་ལ་གནས་པ་ནི། གོང་དུ་བསྟན་པ་དེ་དག་རང་ལ་གནས་ཤིང་དེ་ལས་མི་འདའ་བར་ཆོ་ག་གསུམ་གྱི་རང་བཞིན་གཟོད་མ་ནས་ལྷག་པར་གནས་པའི་ཕྱིར་ས་མ་ཡ་སྟེ་དམ་ཚིག་གོ། །བརྒྱད་པ་སྤྱོད་པ་རང་ལ་གནས་པ་ནི། སྒོ་གསུམ་གྱི་རང་བཞིན་ཕྱི་ལྟར་ན་ལུས། ངག་ཡིད་གསུམ་དངོས་དང་། ནང་ལྟར་ན་རྩ་རླུང་ཐིག་ལེ། གསང་བ་ཡུམ་གྱི་པདྨ་དང་ཐབས་ཀྱི་རྡོ་རྗེ། གསང་བའི་རྣམ་ཤེས་སམ། ཡང་ན། ཕྱི་ལུས། ནང་ངག །གསང་བ་ཡིད་ཀྱི་འདུ་བྱེད་ཀྱི་སྤྱོད་ཡུལ་ཐམས་ཅད་རྒྱལ་བའི་མཛད་པ་ཉག་གཅིག་ཏུ་ཤར་བས་རང་བཞིན་ངང་གིས་གནས་པའོ། །གཉིས་པ་ཐབས་ལམ་རང་ལ་གནས་ཚུལ་ནི། གཞན་ལུས་ལ་བརྟེན་པའི་འདོད་ཆགས་རང་ག་མ་དེས་འཁོར་བའི་ཁམས་འགྲུབ་པར་བྱེད་ལ། གཅིག་ཤོས་ཏེ་ཐབས་ཀྱིས་ཟིན་པས་ནི་བདེ་སྟོང་ཟུང་འཇུག་གི་རང་བཞིན་ཤིན་ཏུ་རྣམ་པར་དག་པའི་ཡེ་ཤེས་འགྲུབ་པའི་ཉེ་རྒྱུ་བྱེད་པའི་ཕྱིར་ཐབས་ལམ་གཞི་འང་རང་ལ་གནས་པའོ། །གཉིས་པ་འབྲས་བུ་རང་ལ་གནས་ཚུལ་ལ་གཉིས་ཏེ། དང་པོ་རྟོག་ཚོགས་ལྷའི་དཀྱིལ་འཁོར་དུ་གནས་པ་དང་ལུང་དང་རིག་པས་སྒྲུབ་པ་ནི། ཆོས་ཀུན་ངོ་བོའི་འདུས་མ་བྱས་པའི་ཡེ་ཤེས་དང་མི་ཕྱེད་པར་གནས་པའི་ཕྱིར་རྡོ་རྗེ་ཕུང་པོ་ལྔ་དང་། དེའི་ཡན་ལག་འབྱུང་བ་ལྔ་པོ་ཀུན་རྫོགས་པའི་སངས་རྒྱས་ཡབ་ཡུམ་ལྔར་གྲགས་པ་སོགས་རྟོག་པ་ཞེ་གཉིས་ལྟར་གྱུར་པའི་ཚུལ་རྒྱུད་ཀྱི་རྡོ་རྗེའི་གནས་ལས་གསལ་བ་ལྟར། དེ་ཡི་རིག་པས་དེ་ཙམ་དུ་མ་ཟད་དངོས་པོར་སྣང་བ་འདི་ཀུན་གྱི་གཟུང་བའི་ཡུལ་ལ་ཆགས་པ་རྣམས་རྡོ་རྗེ་བཙུན་མོ་དང་། ནང་འཛིན་པའི་སེམས་ལ་ཆགས་པ་རྣམས་རྡོ་རྗེ་སེམས་དཔའི་ཚུལ་གྱིས་འབྲས་བུར་གྲུབ་པ་སྟེ། དེ་ལ་བསྒོམས་པའི་བྱེད་ལས་དང་རང་གི་ངོ་བོས་ཀྱང་འབྲས་བུ་གཟོད་ནས་གནས་པའོ། །གཉིས་པ་ལྷག་པ་ཀུན་རྫོབ་ཀྱི་མཚན་ཉིད་དཔེའི་སྒོ་ནས་བསྟན་པ་ནི། ཆུ་ཟླ་སྒྱུ་མ་སྤྲུལ་པ་བཞིན། །ཅེས་པའི་དཔེ་གསུམ་པོས་ནི། འདི་ལྟར་ཕུང་པོ་ལྔ། ཁམས་བཅོ་བརྒྱད། སྐྱེ་མཆེད་བཅུ་གཉིས་རྣམས་རྒྱུ་རྐྱེན་གྱིས་རང་རྒྱུད་པར་གྲུབ་པ་མེད་ཀྱང་རྟེན་འབྲེལ་རྣམས་འདུས་ནས་སྒྱུ་མ་ལྟ་བུར་གྲུབ་པ་ནི་ལོག་རྟོག་སྒྱུ་མ། ཡུལ་དམ་ཚིག །བྱེད་པ་ལས། གསལ་བ་ཆོས། སྟོང་པ་ཕྱག་རྒྱ་ཆེན་པོ་བཞི་ཡེ་ནས་རྫོགས་པས་ལྷའི་དཀྱིལ་འཁོར་གྱི་ཕྱག་རྒྱར་མ་འདྲེས་ཤིང་སྣང་ལ་རང་བཞིན་མེད་པ་ཆུ་ཟླ་ལྟ་བུར་གསལ་བ་ཕྱག་རྒྱ་སྒྱུ་མ། དེ་ལྟ་བུའི་ལྷའི་སྐུ་དེ་ཡང་གདུལ་བྱའི་མོས་པ་དང་མཐུན་པར་ཅིར་ཡང་འཆར་བས་སྣ་ཚོགས་སུ་འགྱུར་ཞིང་། བསམ་པ་ལྟར་སྣང་བས་ཅིར་ཡང་འགྲུབ་ཀྱང་འགྲོ་འོང་མ་དམིགས་པ་སྤྲུལ་པ་ལྟ་བུ་ནི་རིག་པ་སྒྱུ་མའོ། །འདི་ལ་འཆད་ཚུལ་གཞན་ཡང་སྣང་ཞིང་། དཔེ་ལ་ལར་གཞི་རྫོགས་ཞེས་བྲིས་པ་ལྟར་ན་ཕུང་ཁམས་སྐྱེ་མཆེད་རྣམས་ལྷའི་དཀྱིལ་འཁོར་དུ་གཞི་ནས་རྫོགས་པའི་དོན་དུ་འཆད་དགོས་པར་སྣང་ངོ་། །གོང་གི་སྒྱུ་མ་གསུམ་པོ་དེའི་རྣམ་པ་ལ་མིང་གི་རྣམ་གྲངས་གཞན་དངོས་པོ་སྒྱུ་མ་དང་། ཡང་དག་སྒྱུ་མ་དང་། ཐབས་སྒྱུ་མ་ཞེས་ཀྱང་བརྗོད་དོ། །ཡང་ཕུང་ཁམས་སྐྱེ་མཆེད་རྣམས་ཆུ་ཟླ། སྒྱུ་མ། སྤྲུལ་པ་བཞིན་དུ་སྣང་ལ་རང་བཞིན་མེད་པ་ལྷའི་དཀྱིལ་འཁོར་དུ་ཡེ་ནས་གནས་པས། དཀྱིལ་འཁོར་བཞི་རྫོགས་ཕྱག་རྒྱ་མ་འདྲེས་པར་གསལ་ཞིང་། དེ་ཉིད་བསམ་པ་བཞིན་དུ་བསྒོམས་ཤིང་ཉམས་སུ་བླངས་པས། ཅི་ལྟར་བསམ་པ་བཞིན་དུ་འབྱུང་བར་བཤད་པའང་སྣང་ངོ་། །གཉིས་པ་ལྷག་པ་དོན་དམ་གྱི་ཡེ་ཤེས་རང་ལ་གནས་པའི་ཚུལ་ལ་དྲུག་སྟེ། འདི་ལའང་དོན་དམ་རང་ལ་གནས་པའི་ཚུལ་ལ་བཞི། དོན་དམ་དུ་གཞི་ཡེ་ཤེས་རང་ལ་གནས་པ་དང་། འབྲས་བུ་རང་ལ་གནས་པ་གཏན་ཚིགས་དང་བཅས་པ་དང་། ལམ་རང་ལ་གནས་པ་གཏན་ཚིགས་དང་བཅས་པ་དང་། དེས་ན་དོན་དམ་ཀུན་གྱི་དངོས་གཞིར་བསྟན་པའོ། །དང་པོ་ལ་གསུམ་སྟེ། དོན་དམ་ལ་ཆོས་ཀུན་མ་འདྲེས་པར་ཡོངས་སུ་རྫོགས་པ་དང་། དོན་དམ་ལ་དཀོར་བདུན་ངོ་བོ་ཉིད་ཀྱིས་རྒྱུར་གནས་པ་དཔེ་དང་བཅས་པ། དོན་དམ་ལྷག་པའི་ཆོས་སྐུར་གནས་པའོ། །བཞི་པ་ལ་གཉིས། རང་བྱུང་གི་ཡེ་ཤེས་ཀུན་གྱི་ངོ་བོ་ཉིད་ཀྱི་རྒྱུར་གནས་པ་དང་། དེའི་མིང་གི་རྣམ་གྲངས་བཤད་པའོ། །ཞེས་སྣང་ངོ་། །དང་པོ་ལྷག་པའི་དོན་དམ་ལ་ཆོས་ཀུན་མ་འདྲེས་ཡོངས་སུ་རྫོགས་པར་བསྟན་པ་ནི། ཀུན་རྫོབ་དོན་དམ་དབྱེར་མེད་གསུམ་དུ་བསྟན་པའི་བར་མ་དོན་དམ་པའི་དབང་དུ་བྱས་ན། བགྲོད་བྱའི་ཆོས་ལམ་དང་། གྲུབ་པ་འབྲས་བུའི་ཆོས་རྣམས་ཐམས་ཅད་ཀྱང་རང་ལ་གནས་པར་ཐལ། གང་ཡང་རིགས་རྒྱུད་དང་སོ་སོའི་ཕྱོགས་སུ་རྟག་པར་གྲུབ་པ་མིན་པས། ཆོས་ཀུན་རང་གི་སེམས་སུ་འདུས་པའི་ཕྱིར་རོ། །དེ་བཞིན་དུ་ཤེས་བྱའི་ཆོས་ཀུན་ཀྱང་དེ་དང་དེ་བཞིན་དུ་མཚུངས་ཏེ། འདོད་ཁམས་སུ་ཕོ་མོ་གཉིས་ཀྱི་གཟུགས་དང་། མ་ནིང་གི་མཚན་མ་སྟེ་གསུམ། གཟུགས་ཁམས་རགས་པའི་ལུས་རྟེན་ཡོད་པ་དང་། ཁམས་གོང་མར་མེད་པ་སྟེ། དེ་ལྟ་བུའི་སྲིད་པ་གསུམ་གྱི་གནས་མཐོ་དམན་དང་། སོ་སོའི་ནང་ཚན་གྱི་རིས་དང་། སྡེ་ཚན་གྱི་ཆ་ཤས་མ་འདྲེས་པར་སྣང་བ་ཐམས་ཅད་དོན་དམ་པར་དངོས་པོར་གྲུབ་པའི་ཆོས་རྡུལ་ཙམ་ཡང་ཡོད་པ་མིན་ཏེ་ཐམས་ཅད་ཡུལ་མེད་རང་གསལ་ཉག་གཅིག་གི་ངང་དུ་རྫོགས་པ་སྟེ་རྣམ་པ་ཀྱེ་རྡོར་དུ་གསལ་ཀུན་གྱི་མཆོག་དང་ལྡན་པའི་ཡེ་ཤེས་ཞེས་བྱའོ། །གཉིས་པ་ལྷག་མ་དོན་དམ་གྱི་ངོ་བོ་ཆོས་ཉིད་ཀྱི་རྒྱུ་རུ་བསྟན་པ་ནི། ཆོས་ཀུན་ངོ་བོ་གཉིས་སུ་མེད་པ་ཡུལ་ཅན་དང་བྲལ་བཞིན་དུ་རང་བཞིན་གང་དུའང་མ་འགག་པ་ཡོངས་སུ་རྫོགས་པ་དང་ལྡན་པའི་དོན་དམ་པའི་བདེན་པའི་མཆོག་དེ་ལ་སྐུ་གསུང་ཐུགས་ཡོན་ཏན་ཕྲིན་ལས་ལྔ་ཡི་འབྲས་བུའི་དོན་དམ་པ་དང་། རང་བཞིན་ཡེ་ཤེས་དོན་དམ་པ་དང་། ངོ་བོ་ཉིད་དབྱིངས་དོན་དམ་པ་སྟེ་རྒྱས་པར་དབྱེ་ན་བདུན་དང་། བསྡུ་ན་དབྱིངས་ཡེ་འབྲས་བུའི་དོན་དམ་པ་གསུམ་པོ་ལ་འཁོར་འདས་ཀྱི་ཆོས་ཀུན་རྫོགས་པར་གནས་ཏེ། དཔེར་ན་དཔག་བསམ་གྱི་ཤིང་དང་། ནོར་བུ་རིན་པོ་ཆེ་ལ་དགོས་འདོད་འབྱུང་བའི་རྒྱུ་རང་བཞིན་དུ་གནས་པ་ལྟར། བདུན་ནམ་གསུམ་པོ་དེ་ཀུན་ངོ་བོ་ཉིད་ཀྱི་རྒྱུར་གནས་པའོ། །གསུམ་པ་ལྷག་པ་དོན་དམ་དེ་ཉིད་ཆོས་སྐུར་གནས་པར་བསྟན་པ་ནི། འཇིག་རྟེན་གྱི་ཁམས་ཕྱི་བརྟན་པ་སྣོད་དང་། ནང་གཡོ་བ་བཅུད་ཀྱི་འགྲོ་བ་ཐམས་ཅད་ཀྱང་རང་བྱུང་གི་ཡེ་ཤེས་ལས་རང་སྣང་བ་ཙམ་ཉིད་ན་ངོ་བོ་དངོས་པོར་གྲུབ་པ་མེད་པ་དེ་ཉིད་ལྷག་པའི་ཆོས་སྐུ་ཆེན་པོ་ཡིན་ཏེ། ཆོས་ཀུན་ངོ་བོའི་སྟོང་པ་གང་། །རྡུལ་བྲལ་ཆོས་ཀྱི་སྐུ་རུ་བཤད། །ཅེས་གསུངས་པ་བཞིན་ཏེ། དེ་ཡང་རང་བཞིན་ངང་གིས་དེ་ལྟར་དུ་གནས་པ་ལས་བཅོས་མ་གློ་བུར་བའི་འདུ་བྱེད་པ་ལས་གྱུར་པ་མ་ཡིན་ནོ། །བཞི་པ་ལྷག་པའི་དོན་དམ་དེ་ལ་ལམ་དང་འབྲས་བུ་གཞན་ན་མེད་པར་བསྟན་པ་ནི། དེ་ལས་གཞན་པའི་འབྲས་བུ་གུད་ནས་ཐོབ་བྱ་རྡུལ་ཙམ་ཡང་མེད་དེ། ཅིའི་ཕྱིར་ན་ཆོས་ཀུན་ཀྱང་འབྲས་བུའི་ངོ་བོར་གདོད་ནས་སྨིན་ཟིན་པའི་ཕྱིར་དེ་ལས་གཞན་དུ་བགྲོད་པར་བྱ་བའི་ཡུལ་མེད་པས་སོ། །དེ་ལྟར་ན་དོན་དམ་དེ་ཉིད་ལམ་གྱི་ཡང་ངོ་བོ་ཡིན་ཏེ། དེ་ལ་འཇུག་པར་བྱེད་པ་གཞི། གནས་ཤིང་གོམས་པར་བྱེད་པ་ལམ། རང་བཞིན་ཁམས་ཀྱི་ཡོན་ཏན་མངོན་སུམ་དུ་འབྱིན་པ་འབྲས་བུ་སྟེ། ལམ་གྱི་གཞི་ལམ་འབྲས་གསུམ་ཡང་ཆེད་དུ་བྱ་བ་གོང་གི་ལྡོག་ཆ་ཁོ་ན་ལས་སྒྲོ་བཏགས་ཏེ་ཕྱེ་བ་ཡིན་ནོ། །ལྔ་པ་ལྷག་པ་དོན་དམ་དེ་ཉིད་ཆོས་ཀུན་གྱི་རང་བཞིན་དང་རྒྱུ་ཡིན་པར་བསྟན་པ་ལ་གཉིས། སྤྱིར་བསྟན་པ་དང་། བྱེ་བྲག་ཏུ་བསྟན་པའོ། །དང་པོ་སྤྱིར་བསྟན་པ་ནི། འཇིག་རྟེན་དྲུག་གིས་བསྡུས་པའི་ཕྱོགས་བཅུ་མ་ལུས་པ་ཐམས་ཅད་ལ། རང་བྱུང་གི་ཡེ་ཤེས་ཆེན་པོ་དེ་ཡིས་ཏིལ་ལ་ཏིལ་མར་བཞིན་ཀུན་ཏུ་ཁྱབ་པར་ཧེ་བཛྲ་ལས་གསལ་གནས་ཏེ། རང་བྱུང་གི་ཡེ་ཤེས་དེ་ཉིད་དངོས་པོ་དང་མཚན་མར་གྲུབ་པ་མེད་པར་ཕྱོགས་དང་རིས་སུ་མ་ཆད་པར་སྣང་བས། ཆོས་ཀུན་ལ་རྒྱས་འདེབས་པའི་ཕྱག་རྒྱ་དང་རྒྱུ་ཡི་ཚུལ་དུ་གནས་པ་ཡིན་པའི་ཕྱིར་རོ། །དེས་ན་ཆོས་ཐམས་ཅད་དེ་ལྟ་བུའི་ངང་དུ་གནས་ཤིང་འབྱུང་བར་ངེས་སོ། །གཉིས་པ་བྱེ་བྲག་ཏུ་བསྟན་པ་ནི། དོན་དམ་བཅོས་བསླད་མེད་པ་ཇི་ལྟ་བར་གནས་པའི་དེ་བཞིན་ཉིད་བསམ་གྱིས་མི་ཁྱབ་པའི་དབྱིངས། རང་བཞིན་འོད་གསལ་བའི་ཡེ་ཤེས་ཏེ། དེ་ཉིད་མ་འགག་པར་ཐབས་ཀྱི་ཕྱག་རྒྱ་སྣ་ཚོགས་སུ་སྣང་བས་འཁོར་འདས་ཀུན་གྱི་ངོ་བོ་ཉིད་ཀྱི་རྒྱུའོ། །དྲུག་པ་རྒྱུ་ཡི་མིང་གི་རྣམ་གྲངས་བསྟན་པ་ནི། དོན་དམ་པ་དེ་ལ་མིང་གི་རྣམ་གྲངས་སུ། རང་གི་ངོ་བོ་མཚན་མར་གྲུབ་པ་མེད་པ་ལས། ཀུན་རྫོབ་ཏུ་སྣ་ཚོགས་འབྱུང་བའི་རྒྱུ་ཡིན་པས་ན་མེད་པའི་རྒྱུ་དང་། འཁོར་འདས་ཀྱི་ཆོས་ཀུན་མ་འདྲེས་པ་ཟད་པར་གནས་པས་ཡོངས་སུ་རྫོགས་པ་ཞེས་ཀྱང་བརྗོད་དོ། །ཀྱང་གི་སྒྲས་ནི། དེ་བཞིན་ཉིད་དང་། ཡང་དག་པའི་མཐའ་དང་། ཆོས་ཀྱི་དབྱིངས་དང་། སྟོང་པ་ཉིད་སོགས་མཐའ་ཀླས་པ་དག་སྡུད་པའོ། །གསུམ་པ་ལྷག་པ་བདེན་པ་དབྱེར་མེད་ཀྱི་ཡེ་ཤེས་རང་ལ་གནས་པའི་ཚུལ་བསྟན་པ་ལ་བཞི་སྟེ། གཞི་འཁོར་འདས་ཆོས་ཀུན་བདེན་པ་དབྱེར་མེད་དུ་གཅིག་པའི་དཔེ་དོན་དང་། བདེན་པ་དབྱེར་མེད་དུ་བརྗོད་པའི་དགོས་ཆེད་དང་། བདེན་པ་གཉིས་མེད་ཡེ་ཤེས་སུ་རང་སྣང་དུ་བསྟན་པ་དང་། ལམ་དང་འབྲས་བུའང་བདེན་པ་གཉིས་མེད་ལས་གཞན་དུ་མེད་པར་བསྟན་པའོ། །དང་པོ་ནི། གསུམ་པ་བདེན་པ་དབྱེར་མེད་དུ་བསྟན་པ་ལ། བདེན་པ་དེ་གཉིས་པོ་ཐ་དད་པའི་དངོས་པོར་ཞེན་པའི་བློས། ཀུན་རྫོབ་འཁོར་བ་དང་། དོན་དམ་མྱ་ངན་ལས་འདས་པ་ཞེས་ཆོས་ཐ་དད་དུ་གདགས་སུ་ཡོད་པ་མ་ཡིན་ཏེ། ཅིའི་ཕྱིར་ཞེ་ན། ཡེ་གདོད་མ་ནས་འཁོར་འདས་ཞེས་རིགས་རྒྱུད་སོ་སོར་གྲུབ་པའི་རྟག་པ་ཞིག་མིན་པས་སོ། །བྱེ་བྲག་ཏུ་གནས་རིགས་སོ་སོའི་གཟུགས་སྒྲ་དྲི་རོ་རེག་བྱ་དང་ཆོས་ཀྱི་བྱེ་བྲག་ཐ་སྙད་དུ་བཏགས་པ་ཀུན། ཀུན་རྫོབ་ཙམ་དུ་འཇའ་ཚོན་ལྟར་མ་འདྲེས་པར་ཤར་ཡང་། དོན་དམ་དུ་ནམ་མཁའ་ལྟར་རོ་གཅིག་པའི་ཕྱིར་རྣམ་གྲངས་སུ་འཛིན་པ་དང་བྲལ་བའོ། །འཁོར་བ་གཟུགས་དང་སྒྲ་ལ་སོགས། །འཁོར་བ་ཚོར་བ་ལ་སོགས་པ། །འཁོར་བ་དབང་པོ་རྣམས་ཉིད་དོ། །འཁོར་བ་ཞེ་སྡང་ལ་སོགས་པ། །འདི་རྣམས་ཆོས་ནི་མྱ་ངན་འདས། །ཞེས་སོ། །དེ་ལྟར་མ་འདྲེས་པར་སྣང་བ་དེ་ཡང་རང་བྱུང་གི་ཡེ་ཤེས་འདུས་མ་བྱས་པ་ཉིད་འདུས་བྱས་སུ་སྣང་ལ། འདུས་བྱས་སུ་སྣང་བའི་དུས་ནའང་འདུས་མ་བྱས་པ་དང་ངོ་བོ་དབྱེར་མི་ཕྱེད་པས་ན་རྡོ་རྗེའོ། །གཉིས་པ་ནི། རང་བཞིན་བདེན་པ་དབྱེར་མེད་ཀྱི་དོན་དེ་རྒྱལ་བ་ཡང་དག་པར་རྫོགས་པའི་སངས་རྒྱས་སྒམ་པོས་མ་མཛད། འགྲོ་སེམས་སེམས་ཅན་གྱི་ཤེས་པ་སྒྲིན་པོས་མ་བཅོས་པར་རང་བཞིན་ངང་གིས་བདེན་པ་དབྱེར་མེད་པར་གནས་པ་དེའང་། གནས་ལུགས་ལ་སྣང་སྟོང་དབྱེར་མེད་དུ་འཛིན་པ་ཙམ་ཡང་བྲལ་ཀྱང་། དེ་ལྟར་མ་རྟོགས་པར་དེ་ལྟ་བུའི་མིང་ཚིག་ལ་མཚན་མར་ཞེན་པ་རྣམས་ཀྱི་བློ་རྒྱུད་དགྲོལ་བའི་ཕྱིར་དུ་དོན་དབྱེར་མེད་དུ་བསྟན་པ་ཙམ་ལས། ཐ་སྙད་ཀྱི་ཚིག་དང་བདེན་གཉིས་དབྱེར་མེད་པར་འཛིན་པའི་བསམ་བརྗོད་ལས་རིང་དུ་འདས་པ་སྟེ། མདོ་ལས། ཡི་གེ་མེད་པའི་ཆོས་རྣམས་ལ། །ཉན་ཅིང་འཆད་པར་བྱེད་པའང་ཡིན། །ཅེས་དང་། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །ཅེས་སོགས་དང་མཐུན་པའོ། །གསུམ་པ་ལ་གསུམ་སྟེ། དང་པོ་ཡུལ་ཤེས་གཉིས་མེད་རང་སྣང་དུ་བསྟན་པ་ནི། འོ་ན་ཤེས་བྱ་དང་ཤེས་བྱེད་ཀྱི་ཡུལ་སེམས་སོ་སོར་སྣང་བ་འདི་ཅི་ཞིག་ཡིན་ཞེ་ན། ཡུལ་དང་ཤེས་པར་སྣང་བ་དེ་ཡང་རྒྱུ་རྐྱེན་དང་བྲལ་བའི་རང་བྱུང་གི་ཡེ་ཤེས་དེ་རང་སྣང་བར་ཟད་དོ། །གཉིས་པ་རྒྱུ་འབྲས་གཉིས་མེད་དུ་བསྟན་པ་ནི། རྒྱུ་མེད་པ་ལས་འབྲས་བུ་མི་འབྱུང་བའི་ཕྱིར། རྒྱུ་སེམས་ཅན་ལས་འབྲས་བུ་སངས་རྒྱས་འབྱུང་བ་ལྟར་སྣང་ཡང་། དོན་དུ་གཉིས་སུ་མེད་དེ་ཐམས་ཅད་ལ་རང་བྱུང་གི་ཡེ་ཤེས་ཀྱིས་ཁྱབ་པའི་ཕྱིར། སེམས་ཀྱི་རང་བཞིན་འོད་གསལ་གང་ཡིན་པ། །དེ་ནི་ནམ་མཁའ་བཞིན་དུ་འགྱུར་བ་མེད། །ཅེས་སོགས་གསུངས་པའི་ཕྱིར་རོ། །གསུམ་པ་ཕྱི་ནང་ངམ་སྣོད་བཅུད་གཉིས་མེད་དུ་བསྟན་པ་ནི། ཕྱི་ཕུང་པོ་དང་། ནང་ཤེས་པའམ། ཕྱི་སྣོད་དང་ནང་བཅུད་ལ་སོགས་པའི་གཟུང་འཛིན་གྱི་རྫས་རྟེན་དང་བརྟེན་པར་བཅས་པ་མ་འགག་པར་གསལ་བ་ཡང་དོན་དམ་པར་ན་བདེན་པ་དབྱེར་མེད་ཀྱི་ངང་དུ་རྫོགས་པའོ། །བཞི་པ་ནི། དེ་ལྟར་ཆོས་ཀུན་ཡེ་ཤེས་རང་ལ་གནས་པ་དེ་ལྟ་བུ་བདེན་གཉིས་དབྱེར་མེད་ཀྱི་གནས་ཚུལ་ཇི་ལྟ་བ་བཞིན་ཡིན་ཏེ། ལམ་དང་འབྲས་བུ་ཀུན་གྱི་དངོས་པོ་སྟེ་ངོ་བོར་གྱུར་པའི་འབྲེལ་བ་ནི། ངོ་བོ་བདག་གཅིག་གིས་འབྲེལ་བའི་ཕྱིར། འབྲས་བུ་ཐོབ་པར་བྱེད་པ་འོག་མའི་ཐབས། སྤོང་བ། འགོག་པ། སྦྱོང་བ། བསྒྱུར་བ་ལ་སོགས་པ་ལས་ཆོས་ཁྱད་པར་དུ་འཕགས་པ་ཆོས་ཀུན་མཉམ་པར་བལྟ་བའི་ཕྱིར་མ་ཧཱ་ཡོ་ག་སྟེ་རྣལ་འབྱོར་ཆེན་པོའི་ལམ་ཉམས་སུ་བླངས་པས། གཞི་འབྲས་དབྱེར་མེད་པའི་གོ་འཕང་མངོན་སུམ་དུ་བྱེད་དེ། དེ་ཡང་གཞན་ནས་ཐོབ་པ་མ་ཡིན་ཏེ། རང་གི་ངོ་བོའི་ཆོས་ཉིད་ལས་བྱུང་བར་ཟད་དོ། །དེ་སྐད་དུའང་། རྨོངས་ཕྱིར་འཁོར་བའི་གཟུགས་ཅན་ཉིད། །རྨོངས་མེད་འཁོར་བ་དག་པ་ནི། །འཁོར་བ་མྱ་ངན་འདས་པར་འགྱུར། །བྱང་ཆུབ་སེམས་ནི་མྱ་ངན་འདས། །ཞེས་སོགས་རྒྱ་ཆེར་བསྟན་པ་བཞིན་ནོ། །གཉིས་པ་ལེའུའི་མཚན་བསྟན་པ་ནི། ཀུན་རྫོབ་དོན་དམ་དབྱེར་མེད་པ་ལྷག་པའི་ཡེ་ཤེས་ཆེན་པོ་རང་རྒྱུད་ལ་ལྷུན་གྲུབ་ཏུ་བཞུགས་པའི་ལུས་དང་སེམས་དངོས་པོའི་གནས་ལུགས་གསལ་བར་བྱེད་པའི་ལེའུ་སྟེ་པ་རི་ཙྪེ་དཾ་གཞུང་གི་ཚིག་རྣམས་གཅོད་མཚམས་འཛིན་པར་བྱེད་པ་སྟེ། དེ་ཡང་རིམ་པར་ཕྱེ་བ་དགུ་ལས་དང་པོའོ།། །། ༈
[edit]

sangs rgyas gsang ba'i lam rnam bkod kyi le'u dang po'i bsdus don/___ @#/_/na mo gu ra be/__dpal ldan srid dang zhi ba'i thig ler mi phyed rdo rje'i mtshan dpe ni/__/brtan bsdus rtogs pa'i sems dpar yongs shar rnam kun mchog ldan ye shes kyis/__/thabs shes zung 'jug sgyu 'phrul drwa ba'i zlos gar gsar pa lhur len pa'i/__/sku gsum dbyer med he ru ka dpal de ring bdag la rtse dges skyongs/__/gang gi zhal lung bdud rtsi'i brlan chags pas/__/phye ba'i zhal don lam rim ut+pa la/__/grub pa'i slob dpon rnams kyi rjes 'brangs nas/__/gzur gnas rna ba'i rgyan du dgod la phyogs/__/dpal rdo rje sems dpa' sgyu 'phrul drwa ba'i man ngag lam gyi rim pa rin po che rnam par bkod pa 'di 'chad pa la bzhi ste/__mtshan gyi don/__'gyur gyi phyag__/gzhung gi don/__mjug gi don no/__/dang po ni/__rgya gar 'phags pa'i yul du skad rigs chen po rnam pa bzhi yod pa las/__legs sbyar saM skr-i ta mi skad du bstan bcos 'di'i mtshan la/__gu h+ya man+t+ra badz+ra ya na u pa de sha pa thaHkra ma rat+na bi U ha nA ma'o/__/de nyid bod skad du bsgyur na/__gsang sngags rdo rje theg pa'i man ngag lam gyi rim pa rin po che rnam par bkod pa zhes bya ba/__zhes 'byung ste/__don ni/__thun mong gi yul du ma gyur pa'i gsang ba dam pa de la yid shes bde myur gyis skyob par byed ba'i phyir sngags dang mi phyed pa dang mi shigs pa dang thogs pa med pa'i rang bzhin sangs rgyas thams cad kyi sku gsung thugs dbyer mi phyed pa gang yin pa la/__rgyu dang 'bras bu lhun grub tu spyod par byed pa'i lam 'dis 'dong bar byed pas na rdo rje theg pa ste/__de nyid las brtsams te tshegs chung ngus don dpag tu med pa rtogs sla ba'i thabs su gyur pa'i man ngag__/bgrod bya'i phyir lam/__de'ang rim pa bzhin du 'jug pas na rim pa/__'byung bar dkon pa rin po che lta bu ste/_gdul bya'i dbang shes kyi rgyud la mngon sum rnam par bkod pa'i phyir na yon tan gyi sgo nas btags pa'o/__/gnyis pa ni/__dpal gyi dpal rdo rje sems dpa' la phyag 'tshal lo/__/zhes pa ni lo paN gnyis kyis 'gyur mdzad pa'i snga logs su 'dod pa'i lha la phyag 'tshal bas dgos pa 'grub par byed pa'i phyir 'dod pa'i lha la phyag 'tshal ba'o/__/gsum pa la gsum ste/__man ngag rtsom pa la 'jug pa klad kyi don dang /__man ngag rtsom pa rang gi ngo bo gzhung gi don dang /__man ngag brtsams pa mthar phyin pa mjug gi don bstan pa'o/__/dang po la gnyis te/__mchod par brjod pa dang /__brtsam par dam bca' ba'o/__/dang po ni/__bar chad bsal zhing tshogs rdzogs pa sogs dgos ched du ma dang ldan pa'i phyir gzhung brtsam pa'i thog mar lhag pa'i lha dpal rdo rje sems dpa' la phyag 'tshal ba ste/__'di la dbye na bzhi ste/__mtshan gyi zur dang po dpal gyi don la gnyis/__thun mong dang thun mong ma yin pa'o/__/dang po ni/__'jig rten gyi phun sum tshogs pa thams cad kyi bsten pa la'ang dpal 'byor gyi sgras bsnyad pa bzhin/__theg pa 'og ma'i rang sa'i 'bras bu la'ang dpal du btags te/__de yang rtogs pa bdag gi dpal ni chos nyid phyogs re rtogs pa dang /_thugs rje gzhan gyi dpal ni des gdul bya'i don phyogs re byed pa'o/__/gnyis pa ni/__snga ma'i dpal de rnams kyi dpal du gyur pa ni rnam pa gsum ste/__'khor 'das snang srid kyi chos thams cad chos nyid de bzhin nyid kyis khyab par bzhugs pa gnas pa gzhi'i dpal/__de la glo bur gyi dri ma bral te gzhi 'bras dbyer mi phyed pa'i go 'phang mngon du byas pa rtogs pa mchog gi dpal/__des mtha' yas pa'i gdul bya'i don du gzugs sku gnyis kyi phrin las bsam gyis mi khyab pa rnam par 'phrul pa ni thugs rje gzhan gyi dpal te/__de nyid gang la ldan pa ni dpal rdo rje sems dpa'o/__/mtshan gyi zur gnyis pa gnyis su med pa'i ye shes de la rdo rjer 'jog pa'i rgyu mtshan ni lnga ste/__dang po phrin las kyi sgo nas 'joms pa'i rdo rje ni/__ji ltar thun mong rdzas kyi rdo rje pha lam la'ang chos bdun dang ldan pa bzhin du/__gnyis med kyi ye shes des kyang glo bur gyi kun dkris thams cad 'joms par byed pa'i phyir rdo rje lta bu'i ye shes so/__/gnyis pa ngo bo'i sgo nas rgyu rkyen 'dus ma byas pa'i phyir 'dus ma byas pa'i rdo rje'o/__/gsum pa yon tan gyi sgo nas 'bras chos nyer lnga po thams cad ma btsal bar ngang gis rdzogs pa'i phyir btsal ba med pa'i rdo rje'o/__/bzhi pa mtshan nyid kyi sgo nas/__dang por rgyu rkyen dang bral ba'i phyir/__mtha' ma yang rgyu rkyen gyis mi shigs pa ste skye 'jig med pa'i rdo rje'o/__/lnga pa rang bzhin gyi sgo nas/__dbyings gzod nas dag pa'i klong du rig pa'i ye shes 'du 'bral spangs pa'i phyir dbyer med pa'i rdo rje'o/_/de ltar gnyis med kyi ye shes de nyid rgyu mtshan lnga yis rdo rjer grub pa nyid do/__/mtshan gyi zur gsum pa sems zhes pa/__swa twa'i sgra las drangs na/__ma hA swa twA ni sems chen po/__bA'i sgra las drangs na ma hA bI ra ni dpa' bo ste/__de la snga mar don bzhi ste/__dang po snang tshul gyi sgo nas lta ba'i sems ni/__snang stong gnyis su med pa'o/__/gnyis pa rang bzhin gyi sgo nas spyod pa'i sems ni/__sems nyid ngang gis 'od gsal ba'o/__/gsum pa ngo bo'i sgo nas sgom pa'i sems ni/__rnam par rtog pas mi g.yo ba'o/__/bzhi pa 'bras bu'i sgo nas khyad par du gyur pa'i sems ni/__glo bur gyi rnam par rtog pas spang ba'i phyir mi sems shing /__bla na med pa'i ye shes dang ldan pas sems chen po ste rtag chad kyi mthar ma lhung ba'o/__/mtshan gyi zur bzhi pa dpa' bo ni/__zhi rgyas dbang drag gi phrin las rnam pa bzhis bdud bzhi bcom pas dpa' bo ste/__de yang rim par/__nyon mongs pa ye shes lngar zhi bas nyon mongs pa'i bdud/__phung po lnga rigs lnga'i ngo bor rnam par dag cing yon tan rgyas pas phung po'i/__gnyis med kyi don dbang du byas pas lha'i bu'i/__skye med kyi don mngon du spyod pas 'chi bdag gi bdud bcom pa'o/__/de lta bu'i dpal rdo rje sems dpa' rang bzhin bden pa dbyer med pa nyid 'jig rten pa dang /__'jig rten las 'das pa theg pa 'og ma'i dkyil 'khor gyi gtso bo kun las ches khyad par du gyur pa kha sbyor yan lag bdun ldan gyi ngo bor bzhugs pa'i phyir lha yi lha dang lha'i lha sogs la bshad pa rgyas pa zhig yod de/__mngon brjod bla ma las shes/__yang lha ste gang la phyag 'tshal ba'i yul lo/_/gang gis phyag 'tshal na/__gzhung mdzad pa po slob dpon sangs rgyas gsang bas so/__/tshul ji ltar 'tshal na gsum ste/__spyod pa rab kyi/__sgrub pa thabs kyi/__mi phyed 'dres pa'i phyag dang gsum las/__'dir mi phyed pa ste/__phyag 'tshal yul dang 'tshal mkhan dgongs pa gnyis su med par gyur kyang /__rnam pa tsam du dad pa'am mos pa'i tshul gyis rang zhal mjal ba la de'i tha snyad bzhag pa'i phyir lta ba mjal ba'i phyag go/__/dgos pa ni ston pa dang bstan bcos la dad par bya ba dang /__tshogs rdzogs pa dang /__mthar phyin pa'i ched du'o/__/gnyis pa khas blangs pas dam bca' yal bar mi 'dor ba'i brtsam par dam bca' ba la gnyis/__lo rgyus kyi sgo nas brtsam par dam bca' ba 'thad pa dang bcas pa dang /__bsdus tshul gyi sgo nas bshad par dam bca' ba dngos so/__/dang po la gnyis te/__gsang sngags mi yul du ji ltar dar ba'i tshul dang /__de tshogs sgrub kyi sgo nas 'bras bu thob pa'i tshul lo/__/dang po la'ang gnyis te/__gsang bdag gis rigs can drwa ma lnga la gsungs pa'i dus dang /__rgyal po dzaHla gsang sngags gnang ba'i dus bstan pa'o/__/dang po ni/__bdag cag gi ston pa mya ngan las 'das nas lo nyi shu rtsa brgyad lon pa na dam pa'i rigs can drwa ma lnga pos nang du yang dag par 'jog pa las rang rang gi mngon par shes pas mkhyen nas/__rgya gar shar phyogs za hor gyi yul dang nye ba'i lang+ka'i yul/__sngon bcom ldan 'das lang+ka'i rgyal po sgra sgrogs kyi bu mgrin bcus spyan drangs nas blo gros chen pos zhus pa'i ngor lang gshegs kyi mdo gsungs pa'i gnas te/__yul de sngon srin pos bzung zhing /__phyis rgyal po rA ma Nas bcom zhing /__skabs shig ded dpon seng ge bzang pos bzung bas sing+ga la'i gling du'ang grags pa ste/__de'i nang tshan drag yon tan gsum dang ldan pa'i shul can gyi ri ma la ya gnam lcags yod pa'i rtse mor 'dus te gdung tshig nyi shu rtsa gsum bton pas/__ston pa rigs drug pa kun tu bzang po nyid kyis mngon par mkhyen nas/__dam pa'i mdzod gsum gyi gsang ba 'dzin pa'i bdag po lag na rdo rje'i rnam rol du bstan pas/__rdzu 'phrul gyi zhabs kyis skad cig la gnas der gshegs te/__lha grags ldan chos skyong blo gros mtha' yas/__klu rgyal mgrin pa nag po blo gros rgya mtsho/__gnod sbyin skar mda' gdong blo gros dad sel/__srin po lang+ka'i bdag po blo gros thabs ldan/__mi dge slong li tsA bi dri med grags pa blo gros rab zhi ste gsang sngags nyan pa'i snod dang skal bar ldan pa 'dus pa'i tshogs la/__ston pa shAkya'i dbang pos mdo sde gdams ngag 'bogs pa'i rgyal po la sogs pa las/__nga ni 'di nas mi snang nas/__/lo ni brgya dang bcu gnyis na/__/lha gnas gsum du grags pa yi/__/bstan pa'i snying po dam pa zhig__/'dzam gling shar lho'i phyogs mtshams kyi/__/rgyal po dzaHzhes bya ba la/__/lag na rdo rje'i mthus snang 'gyur/__/zhes ji ltar lung bstan pa'i bden pa'i 'bras bu mngon sum smin pa'i dus der/__sngar 'og min sogs su gsungs pa nyid slar yang bzlas te ston par mdzad cing /__de rnams srin po blo gros thabs ldan gyis gser gyi glegs bam la baiDUR+Ya zhun mas bris nas dgongs pa'i rtsal bdun gyis nam mkhar sbas so/__/gnyis pa ni/__de'i tshe de'i dus na sa ho ra'i rgyal po a par+ng+ha mu zhes pa'i bu theg pa mchog gi rigs can rgyal po dzaHzhes bya ba nyid phyi rgyud kyi sgrub pa la bzhugs pa'i tshe rmi ltas ngo mtshar ba bdun shar te/__ji skad du/__sku gsung thugs rtags thim pa dang /__/rin chen glegs bam babs pa dang /__/chos kyi bgro ba byas pa dang /__/kun gyis dam par bsgrags pa dang /__/mchod pa chen po byas pa dang /__/rin chen char du 'bab pa dang /__/sangs rgyas sa la lung bstan pa'o/__/zhes pa'i nying 'khrul ji lta ba dang mthun par bskyed pa ma hA yo ga'i rgyud kyi glegs bam babs te/__de nyid sngon gyi bsod nams dang /__sangs rgyas kyi thugs rjes 'brel nas snang ba'i glegs bam la dga' ba khyad par can skyes nas dbang pos mngon sum du brtags pas brda ma 'jal te/__dge slong ku ku rA dza la bsrings pas des kyang ma 'tshal bar slar bsrings pas/__rgyal po nyid kyis slar yang gsol ba btab pas rdo rje sems dpa' zhal mthong gi le'u thugs kyi sgrub pa'i thabs de mngon par rtogs te/__de nyid kyi sgo nas zla ba drug tu sgrub pa mdzad par/__rdo rje sems dpa' de nyid kyis grub ste zhal mjal bas/__rigs kyi bu ci 'dod ces gsungs pa na/__glegs bam 'di rnams rtogs par 'tshal lo zhus pas/__rigs kyi bu rang gi phung po sbyongs dang /__gsang ba'i bdag pos lung ston par 'gyur ro/__/zhes mi snang bar gyur to/__/de nas phyag na rdo rjes rjes su bzung ste sgrib pa sbyangs nas gsang sngags kyi lam bstan pas thams cad mkhyen pa'i dngos grub nyid dus de tsam nas thob cing lung gi chos la mnga' bsgyur/__snod rgyal po dzaHla don dam nges pa'i theg pa bcud tan+t+ra sde bco brgyad kyis dus de tsam nas blo gros rgyas par byas pas rtogs pa'i yon tan phul du byung ba thob/__'dod pa'i bsam pa glegs bam rtogs par brnag pa'ang de nas grub cing /__tshe rabs kun tu smon pa'i lha dpal phyag na rdo rje dang dus de ru mjal te don gnyis lhun gyis grub par gyur to/__/gnyis pa tshogs sgrub kyi sgo nas 'bras bu thob tshul ni/__de ltar gsang sngags kyi theg pa rin po che 'jig rten du byung ba'i rjes de nas 'phags pa'i yul dbus 'gyur 'chang byang chub snying po rdo rje gdan steng gi byang shar mtshams/__'dzam bu'i rkang 'thung gis nye bar mtshan pa'i shar gyi phyogs dang byang gi phyogs gnyis kyi mtshams su/__phyag na rdo rje'i pho brang du byin gyis brlabs pa'i gnas kyi dam pa a su ra'i brag phug ces nang rin po che zur brgyad pa'i dbyibs can/__sgo zla gam du gnas pa na/__dpal gsang ba 'dzin pa'i bdag pos zhabs kyis bcags pa'i bkra shis shing byin rlabs che ba'i gnas kyi dam pa ste mchog gi bsam gtan gyi khang bu de ru/__za hor gyi dge slong ku ku rA dza ste khyi'i rgyal por grags pa tshom bu khri phrag 'bum du bshad dang bcas pa/__rgyal po dzaHnyid kyi sras in+d+ra b+hU ti ste 'byung po'i dbang po tshom bu khri phrag dang bcas pa/__sing+ga la'i rgyal po'i sras u pa rA dza ste nye ba'i rgyal po tshom bu stong phrag dang bcas pa/__in+d+ra b+hU ti'i sras mo go ma sa ste mtho ris ldan ma'am/__go ma de bI ste rdo rje can gyi lha mo 'khor tshom bu lnga brgya dang bcas pa ste/__de la sogs pa rnams dpal rdo rje sems dpa' sgyu 'phrul drwa ba gsang ba snying po'i dkyil 'khor du phan nus zab mo'i dbang rnams legs bar thob nas thos bsam gyi lta ba rtogs shing /__tshogs lam gyi rnal 'byor bzhi mthar phyin nas sbyor lam zhi khro'i tshom bu tshogs kyi dkyil 'khor rgyas 'bring bsdus gsum gang yang rung ba mngon par bsgrubs te/__gnas skabs lam gyur gyi 'bras bu rig 'dzin bzhi dang /__de la brten nas mthar thug mi slob pa'i sku gsum rdo rje 'chang gi go 'phang du mngon sum du gshegs par mdzad do/__/gnyis pa dam bca' ba dngos la/__lung mchog bla ma las/__thos chung gsar bu yid ches bskyed pa'i phyir/__/man ngag rtsis mgo lnga yis klad nas gzhom/__/zhes gsungs pa dang mthun par 'chad na/__dang po khungs btsun cing yid ches par bya ba'i phyir slob dpon gang gis mdzad pa ni/__de ltar rmad du byung ba'i lo rgyus phun sum tshogs pa de lta bu dang ldan pa'i phyir na/__chos nyid kyi bden pa mngon sum du gzigs shing yi dam gyi lha'i zhal mthong ba dang /__rim par brgyud pa'i phyi ma sras mo go ma de wIs rjes su bzung zhing sgyu 'phrul gyi phyogs la lhag par mkhas pas na bstan bcos brtsams pa'i mtshan nyid gsum ka dang ldan pa bud+d+ha gup+ta ste sangs rgyas gsang bar grags pa sangs rgyas kyi mtshan thob pa ngas bshad par bya'o/__/gnyis pa brtsams pa don yod par bya ba'i phyir dgos ched gang gi phyir du mdzad pa ni/__dam pa ste gsang sngags rdo rje theg pa mnyan pa'i skal ba dang ldan pa ya rabs drwa ma'i ngang tshul can/__gnubs nam mkha'i snying po/__rlangs su ta go cha/__gnyags khams pa'i lha/__bran ka mu ti shrI/__slob dpon sba khri gzher dang lnga brgyud nas de yi rjes su 'byung 'gyur ma 'ongs pa'i skal ba dang ldan pa rnams kyi phyir du'o/__/gsum pa bka' dang mi 'gal zhing theg pa'i gzhung tshugs pa'i phyir rgyud gang nas btus shing phyogs gar gtogs pa ni/__sgyu 'phrul drwa ba le'u stong phrag brgya pa'i rgyud la brten nas/__dus gsum gyi sangs rgyas thams cad kyi bgrod pa gcig pa'i gshegs shul gyi man ngag zab mo nye bar brtsams pa'o/__/bzhi pa ston pa la mtshan nges shing don gyi mdo chings rtogs par bya ba'i phyir mtshan ci la btags pa ni/__spyir lam ni bgrod par bya ba ste/__de yang theg pa thun mong dang /__thun mong ma yin pa gnyis so/__/mchog ni theg pa 'og ma las nye ba dang /__bde ba dang /__rdzogs pa gsum gyis khyad par du byas pa ste/__de lta bu'i don ston pa'i lam 'di nyid la'ang lam mchog gi rim pa'i sgras smos pa'i phyir mtshan la 'dogs lugs lnga las ngo bo'i sgo nas btags pa'o/__/lnga pa don khong du chud par sla ba'i phyir dngos po'i don nges par bstan pa ni 'og tu/__rang bzhin ye shes rang gnas dang /__/sogs kyis 'chad do/__/des na de lta bu'i lam 'di brtsam par rigs pa ste/__nyon mongs pa dang /__dus dang /__tshe dang /__lta ba dang /__sems can gyi snyigs mar gyur pa'i phyir nyon mongs rgyud drag cing gnyen po stobs zhan pa'i dus kyi tshe 'dir ni/__spong 'gegs sbyong bsgyur gyi lam gyis thul ba min te/__gsang sngags rdo rje theg pa bla med kyi lam kho nas 'dul ba'i dus la bab pa'i phyir bstan par bya'o/__/zhes pa ste/__rgyud gzhan las kyang /__rtsod ldan bzhi pa bla med rgyud/__/ces dang /__he ru ka dpal gzugs byas na/__/snyigs ma'i dus su 'grub par 'gyur/__/zhes sogs rgya cher bstan pa dang dgongs pa mthun no/__/spyi don gnyis pa man ngag rtsom pa rang gi ngo bo la gnyis/__gang la sbyin par bya ba'i man ngag gi snod bstan pa dang /__gang sbyin par bya ba'i man ngag rang gi ngo bo'o/__/dang po la gsum/__snod kyi dgos ched/__snod bstan pa'i thabs/__snod kyi bye brag go/__/dang po la gnyis te/__gzhan sel ba'i dgos ched snod ngan gyis mi 'grub par dpe'i sgo nas bstan pa dang /__don du gnyer ba'i dgos ched bla ma bkur thabs phan yon dang bcas pa'o/__/gzhan du/__rgyud kyi man ngag med na rang nyams kyis mi rtogs pas man ngag dang ldan pa'i bla ma brten dgos pa dang /__man ngag mi nyams par bya ba'i phyir snod brtag cing sbyin mi sbyin gyi dmigs bsal dang /__snod ldan la sbyin pa'i man ngag rang gi ngo bo bstan pa'o/__/dang po la gnyis/__brgyud pa'i man ngag med par rang nyams kyis mi rtogs pa dang /__des na brgyud pa'i bla ma man ngag dang ldan par brten dgos pa'o/__/dang po ni/__spyan bzang po ste mig mi gsal 'di u mu tra sha ka ste long ba rang gi ming du bshad pas brtag bas 'gro ba'i mthu med pa de long bar gyur pa yi/__dmigs bu ste lam mkhan bral/__rang dgar 'gro ba'i nyams med de lam stor bas lam las bgrod cing 'dod pa'i gnas su phyin par nam yang mi nus te/__de bzhin du bla ma med par blo rtsing po ma sbyangs shing ma dul ba'i dmu rgod de lta bu'i rang bzo'i nyams kyis gsang ba snying po'i don rtogs shing mthar phyin par mi 'gyur te/__'di ltar bu la shing ste thang shing smug por grags par gnas skabs me tog dang mthar thug gi 'bras bu gnyis med pa bzhin don gnyis 'grub par mi 'gyur ro/__/gnyis pa la gnyis/__bla ma bkur ba'i thabs dang /__bkur ba'i yon tan no/__/dang po ni/__rgyu mtshan de bas na bla ma rdo rje slob dpon de nyid rgyud lung nas ji ltar bshad pa bzhin bla ma dang sangs rgyas mnyam pa dang /__tha mi dad pa dang /__lhag pa'i tshul gyis bkur zhing /__slob dpon gyis slob bu brtag par bya ba'i phyir skyo bar byas te mtshangs 'dru ba dang /__zhe gcod pa'i tshig ngan ji ltar smra yang bzod pa ste/__ci'i phyir na/__gnas skabs 'jig rten gyis mthong ba'i gdung ba ci byung yang khur du mi blta ste/__btags spyo zhe gcod pa la sogs pa de kun mthar thug sangs rgyas thob par bya ba'i yun gyi don du bzod par 'os pa'o/__/gnyis pa la gnyis/__bla ma khur ba'i yon tan gdams ngag gnang ba dang /__de'i yon tan sangs rgyas thob pa'o/__/dang po ni/__de lta bu'i dka' ba dang du blangs nas bla ma dam pa'i zhabs pad la ltem rkyangs med par bsten par nus na/__nam zhig ston pa rdo rje rgyal po slob dpon de nyid thugs rje g.yos nas man ngag sbyin par zhal gyis 'ches pas nyams kyi gnang ba thob par 'gyur te/__de'i tshe na/__rgyud chen gsang ba snying po'i gzhung gi le'u las/__rgyal srid dang ni rang gi lus/__/bu dang chung ma nor gyi dbyig__/rab tu gces dang yid 'thad dbul/__/zhes gsungs pa'i yon phul nas nan tan gyis gsol ba btab pas slob dpon gyi thugs kyi nying khu'i gdams ngag rnams slob bu de la ster bar 'gyur ro/__/gnyis pa ni/__man ngag thob pa'i gang zag de yis cang shes la sogs pa'i bzhon pa bzang po/__myur ba dang /__bde ba dang /__brtan pa la zhon nas 'gro bar 'dod pa'i gnas su skad cig la gegs med par phyin par byed pa bzhin du/__gsang ba bla na med pa'i rdzu 'phrul rta dang /__stobs glang po cher mtshungs pa'i theg pa la zhon pas/__rgyu shes pa'i mtshan nyid lta ba mthong zhing /__rkyen 'jug pa'i mtshan nyid tshogs lam rnal 'byor bzhi dang /__sbyor lam bar chad med pa tshom bu tshogs sgrub la brten nas/__gnas skabs kyi 'bras bu mthar phyin pa rig 'dzin bzhi'i lam la bkod nas/__mthar gyis sku dang ye shes phrin las rgya mtsho lta bu la dbang 'byor pa byang chub snying po'i gnas su phyin par byed pa'o/__/gnyis pa brtag pa la/__snod brtag pa'i tshul dngos dang /__snod dang ldan pa la sbyin cing /__snod dang mi ldan pa la mi sbyin pa'i tshul lo/__/dang po ni/__snod bcud 'dzom na zab mo'i lam gyi dngos grub myur du thob pa'i phyir de bas na bla ma rdo rje slob dpon slob bu yal bar mi 'dor bo'i gnyer dang ldan pas thog mar snod brtag pa gal che ste/__de yang rgyang nas rigs dang /__ngang tshul bzang ngan dang /__dad pa dang /__shes rab che chung gzhan la dris pa dang /__drung du sgo gsum gyi bya byed brtson 'grus sogs brtag pa dang /__kun 'dus dang rngams glog sogs las gsungs pa ltar/__byis pa gtsang ma'i sems la pra phab ste brtag pa dang /__las kyi mkha' 'gro la gtor ma byin pas/__de yis gsang sngags ston du rung mi rung gi ltas nyams dang rmi lam sogs su ston pas brtag pa dang /__mtshangs nas 'dru ba dang spyo bar bya bas dad pa sogs ldog gam mi ldog par brtag pa ste/_de ltar brtag thabs rnam pa lnga yi sgo nas lan gcig ma yin par ci nas kyang brtag par bya'o/__/gnyis pa ni/__de ltar brtags pas snod bzang ba'i mtshan nyid dang ldan na theg dman du blo mi ldog cing /__gsang ba mchog gi lam 'dir yid brtan par bya ba'i ched du dbang bskur ba sngon du 'gro bas dam tshig dang sdom pas rgyud smin cing brtas par byas pa yi/__shiSh+yA ste slob ma gang yin pa de'i lag tu man ngag zab mo 'di gdams shing gtad par bya'o/__/gsum pa la gnyis te/__snod ngan la mi sbyin cing 'tshams par don bya ba dang /__byin pa'i nyes dmigs so/__/dang po ni/__gal te ngan pa'i mtshan nyid kyi rtags mthong ba'am mngon sum du shes pas rtags 'di ltar 'byung ste/__tshe 'di'i 'dod pa phra mo'i rgyur dmigs nas chos byed pa dang /__'jig rten gyi khe dang rnyed bkur la sogs pa thob pa'i rgyur chos byed cing /__khyad par man ngag gi bcud chen brjed ngas kyis mi thub par 'dzag pa ni snod zhabs rdol lta bu/__rang gis ma rtogs par gzhan la 'doms par rings pa ni gsang sgo yal bar dor bas bcud dbo ba ste snod gzhog ral lta bu'i skyon/__man ngag zab mo bstan kyang mi go ba ni mi chags pa ste snod kha sbubs lta bu'i skyon/__grub mtha' gzhan dang 'dres nas rang gi chos la the tshom za ba ni ma rungs par byed pa ste snod dug can lta bu'i skyon te bzhi dang /__gzhan yang zang zing gi dngos po mtha' ma de nyid bla ma la gtong zhing dbul te rang gi yid la mdza' ba de nyid mi phul bar phug tu 'ching ste mi sbyin pa dang /__sems rgyud la g.yo sgyu shas che ba can/__dngos su dga' ba dang gus pa ltar byed cing /__'gal ba ltag sprod kyi rnam pas lkog tu skur pa 'debs pa dang /__bla mas ma mthong ba'i lkog tu gyur pa'i tshe na rang gang dga' bar byed cing dam tshig mi srung ba dang /__ngag la rigs nges te bzang por blo yang bsam pa la mi nges par gcig shos sems pa/__bud med yin yang sems 'dod chags kyi gzhan dbang du song bas/__gnyen po ngo tsha med par gang 'dod pa rang gar shor ba'i phyal ba ste/__'di nyid skyes pa la'ang mtshungs so/__/mun pa'i khrod dang mi med pa'i lkog tu gang dang phrad par 'dod chags spyod pa mngon par snyegs pa ste/__mdor na gang zag pho mo gang yin yang rung ste/__tan+t+ra ste rgyud kyi rdo rje'i gnas chen po rnams las snod du ma bsngags pa rnams la ni/__bskal par lus dang grib ma bzhin du 'khor bar 'gyur yang /__bla na med pa'i thugs kyi bde ba ste dus gsum gyi rgyal ba'i dgongs bcud mthar thug pa 'di rlung phyogs tsam du'ang spro bar mi bya'o/__/'o na thugs rje gtan nas med dam/__gdams ngag mi sbyin nam zhe na/__gdul bya so so'i blo dang 'tshams par lha'i sku bsgom pa'i thabs thun mong tsam bstan pa dang /__rtsa ba dang yan lag gi dam tshig gcan gzan gyi 'phrang dang 'dra ba sbyin cing /__theg pa thun mong ba'i lam nas rim par blo 'khrid par bya ste/__'di'i tshul gzhan du'ang /__dang por gso sbyong sbyin par bya/__/de rjes bslab pa'i gnas bcu nyid/__/sogs dang mthun pa nyid do/__/gnyis pa ni/__de ltar min par rang dgar bstan na/__be'u bzang ngan gnyis sbrel nas g.yang sar gtong na gcig shos lhung ba'i zhar la gcig po yang bskyur ba bzhin dpon slob gnyis ka ngan song du 'gro bar 'gyur ba dang /__slob dpon des zas nor gyi 'dod pa'i khe la bsam pas blo 'phrogs te/__mi chos la blo gcam zhing 'phyar bas 'chal bar gtong ba'i mthus/__snod kyi skyon ma rtogs par spros na bsil ba'i tshal sogs gdod nas grub pa'i dur khrod kyi gling brgyad kyi las las grub pa'i ma mo dang mkha' 'gro ma rnams dur khrod kyi ro la 'dus pa bzhin du 'dus nas/__nyams pa can de'i sha za zhing srog la chad pa 'bebs nas myur du 'chi ba'i dus byed la/__de'i 'og tu'ang ngan song du ltung ba'i skyon chen po 'gyur ba'i phyir zhib tu brtag pa gces so/__/spyi don gsum pa snod ldan la sbyin pa'i man ngag rang gi ngo bo bstan pa la gnyis/__lus mdor bstan pa dang /__yan lag rgyas par bshad pa'o/__/dang po ni/__de ltar brtags pas skal ba dang ldan par mthong ba'i slob ma'i phyir gang sbyin par bya ba'i man ngag gi lam gyi rim pa ni gzhi lam 'bras gsum gyi sgo nas dkri ba ste/__dang po ni/__gzod ma nas bral thob spangs pa'i rang byung gi ye shes lam dang 'bras bu thams cad kyi khyab byed bden gnyis dbyer med chen por rang rgyud la gnas pa gang yin pa ste le'u dang pos ston no/__/gnyis pa la gsum ste/__rgyu shes pa'i mtshan nyid lta ba/__rkyen 'jug pa'i mtshan nyid ting nge 'dzin/__lam gyur gyi 'bras bu rig 'dzin bzhi'o/__/dang po ni/__ye nas gnas pa'i don de nyid shes rab kyi spyan gyis phyin ci ma log par mthong ba ste le'u gnyis pas rgyas par ston/__gnyis pa ni/__der 'jug ces dbang rnon gcig car 'jug pa'i tshul le'u dang po'i stod dang /__dbang rtul rim gyis 'jug pa la tshogs sbyor gnyis las/__dang po la stong pa chen po dang /__snying rje sgyu ma dang /__phyag rgya gcig pa dang /__phyag rgya spros pa ste rnal 'byor bzhi po rnams rim par le'u gsum pa nas drug pa'i bar gyis ston/__sbyor lam bar chad med pa'i lam du tshogs kyi sgrub pa ni le'u bdun pas ston no/__/gsum pa la/__mthong lam du yid kyi rnam pa lha skur smin pa dang /__rang gi tshe la mi 'chi bar dbang bsgyur ba dang /__sgom lam du rang bzhin gyi phyag rgya mngon du byed cing /__mtshan ma'i phyag rgya yid la byed pa dang /__mthar lam du sku gsung thugs yon tan lhun gyis grub pa ste rig 'dzin bzhi po ni lam du gyur pa'i 'bras bu ste le'u brgyad pas ston/__gsum pa mthar thug gi 'bras bu mi slob pa'i go 'phang mngon du byas pa ni le'u dgu pas rgyas par ston pa ste/__de ltar rim pa bzhin du brjod par bya ba ste/__brjod bya'i don la bcu gnyis dang /__rjod byed kyi tshig la le'u dgu yod do/__/gnyis pa yan lag rgyas par bshad pa la gsum ste/__gzhi ye shes rang la gnas pa dang /__lam rang gnas rtogs shing goms par bya ba'i thabs dang /_'bras bu rang gnas mngon du byed pa'i sangs rgyas kyi dgongs pa'o/__/dang po la gsum ste/__mdor bstan pa dang /__rgyas par bshad pa dang /__le'u'i mtshan no/__/dang po ni/__mdor bstan pa le'u dgu po de la/__dang po gzhi ye shes rang gnas nyid la'ang spros te rgyas par bshad pa'i gzhi yi gnas lugs de nyid skal ba dang ldan pa de yis thog ma nyid du shes par bya ba'i yul lo/__/gnyis pa la gsum ste/__rang bzhin ye shes rang la gnas tshul/__de ma rtogs par 'khrul ba'i tshul/__'khrul yang lam dang 'bras bu la gnas pa'i tshul lo/__/dang po la'ang gnyis las/__dang po gzhi chos kun rang snang la 'khor 'das gnyis su med par bstan pa ni/__phyogs bcu dus bzhi'i rang bzhin 'di chos can/__de bzhin gshegs pa'i ngo bo nyid yin par thal/__'khor ba sems nyid rang snang tsam yin pa'i phyir/__de skad du'ang mdo las/__de bzhin gshegs nyid de yi phyir/__/'gro kun de yi snying po can/__/zhes so/__/sems nyid de yang brtags na dngos por grub pa'i bdag dang bdag gir 'dzin pa rdul tsam yang grub pa med de/__de'i phyir rin po che'i gling du sa rdo phal pa mi rnyed pa bzhin du de bzhin gshegs pa'i rnam par 'phrul pa las snang srid bsam yas su shar ba'i phyir ma dag pa'i dngos por nam yang mi dmigs so/__/'o na myang 'das phyogs gcig pa'i mthar lhung ngo zhe na/__rgyu 'khor ba'i rang bzhin phyogs gcig tu mi dmigs pa'i phyir/__de la ltos pa'i 'bras bu chos nyid mya ngan las 'das pa yang phyogs gcig tu yod pa ma yin te/__'khor 'das dbyer med pa mtha' gnyis las grol ba ni gdod ma'i spyi gzhi chen po ste/__he badz+ra las/__'di nyid 'khor ba zhes bya ste/__/'di nyid mya ngan 'das pa'ang yin/__/'khor ba spangs nas gzhan du ni/__/mya ngan 'das pa thob mi 'gyur/__/zhes so/__/de las ma rtogs pa sems can rnams 'khrul ba'i gzhi ni lhan cig skyes pa'i ma rig pa dang /__rtogs pa sangs rgyas kyi grol gzhi ni stong nyid rtogs pa'i shes rab tu bzhag ste/__don gyis 'dir yang bden gnyis dbyer med kyis khyab pa'i dgongs pa longs par bya'o/__/gnyis pa 'khor 'das tha dad pa'i skyon brjod pa la gnyis te/__dang po 'khor ba rang bzhin tha dad pa'i skyon ni/__de ltar mya ngan las 'das pa'i rigs dang /__'khor ba'i rgyud gnyis ngo bo tha dad par grub pa med pas/__gnas lugs byang chub kyi sems bden gnyis zung 'jug mchog gi ngo bo de la 'khor 'das kyi rdzas tha dad du nges so zhe na/__'khor ba de yang dag pa'i lam gyis mya ngan las 'das par bsgyur zhing bcos su med de/__de tha dad pa yin pa'i phyir ro/__/gnyis pa ngo bo tha dad pa'i skyon dpe dang bcas pa ni yang dag pa'i sa la gshegs pa'i sangs rgyas dang /__log par rtog pas srid par 'khrul pa'i sems can gnyis so/__/ngo bo nyid kyis rdzas tha dad du gnas par gyur na/__de la lam gyis bcos shing mya ngan las 'das par bsgyur du med de/__dper na mching bu la phyag mchod byas na nor bu rin po che dang mtshungs pa'i dgos 'dod 'byung bar mi 'gyur ba bzhin du 'khor ba las myang 'das 'byung bar nam du'ang mi rigs pa'i phyir ro/__/gnyis pa ma rtogs 'khrul pa'i tshul ni/__de bas 'khor 'das dbyer med pa yin pa de lta na'ang glo bur gyi rnam par rtog pa'i kun dkris kyi tshul 'di bzhin du 'khrul pas 'khor ba'i rgya mtsho mu mtha' med par 'khyams pa ste/__rgyu 1lhan cig skyes pa'i ma rig pas rang ngo ma shes shing /__kun tu brtags pa'i ma rig pas log par rtog pa sna tshogs pa zhags pa dang 'dra bas 'khor ba'i rgyu byas/__las 2dge sdig bar ma gsum dang /__rtsa ba'i kun dkris nyon mongs lnga ste brgyad kyis 'khor ba'i gnas rigs mtho dman du 'phen pa'i rkyen gyis so/__/'khor 3tshul ma rig pa las 'du byed dang /__de las rnam par shes pa dang /__ming gzugs dang /__skye mched drug dang /__reg pa dang /__tshor ba dang /__sred pa dang /__len pa dang /__srid pa dang /__skye ba dang /__rga shi'i bar du bcu gnyis po 'khor lo bzhin du 'byung bas srid pa'i gnas su yang dang yang du bskyal zhing /__'bras 4bu ni rten phyi snod 'jig rten gyi snang ba dang /__brten pa nang bcud sems can gyi lus longs spyod 'dod pa sogs tha dad pas/__gnas skabs bde ba ltar snang ba rnams ni khyab pa 'du byed kyi sdug bsngal/__da ltar bde yang skad cig gis 'gyur ba ni 'gyur ba'i sdug bsngal/__sdug bsngal gyi steng du sdug bsngal gyis gdung ba ni sdug bsngal gyi sdug bsngal te de lta bu'i tshul gyis gnas ris gsum po thams cad nyam thag par byas pas thar pa thams cad mkhyen pa'i lam dang bral ba'o/__/dus ni 'khor ba 5dang po brtsams pa'i thog ma med pa nas dus bzhi'i dus kun tu nyams kyang /__la bzla 6ba ni/__rang bzhin bde gshegs snying po nyid las gzhan du nyams pa'am dman par gyur pa nam yang med pa'o/__/gsum pa 'khrul pa yang lam dang gzhan na med par bstan pa la gnyis te/__dpe dang sbyar te mdor bstan pa dang /__don rgyas par bshad pa'o/__/dang po ni/__de ltar 'khrul pa'i gnas skabs na'ang /__dper na rgyal po'i phru gu dmangs su 'khyams kyang rgyal po'i rigs las 'gyur ba med pa de bzhin du sems can thams cad kyang chos dbyings gnas pa'i rigs la 'pho 'gyur gyi mtshan ma ma dmigs te/__rgyal ba byams pas/__ji ltar sngar bzhin phyis de bzhin/__/'gyur ba med pa'i chos nyid do/__/zhes so/__/rgyu des na shul te lam dang /__don te de'i 'bras bu'ang rang las gzhan min te/__dper na 'phrul dga'i lha rnams kyis rang gis sprul pa'i yo byad la rang gis longs spyad pa'i tshul de rang nyid las gzhan pa'i rdzas tha dad pas bsdus pa ma yin pa bzhin no/__/gnyis pa la gnyis te/__mdor bstan pa dang /__rgyas par bshad pa'o/__/dang po la gnyis te/__lam rang la gnas tshul dang /__'bras bu rang la gnas tshul lo/__/dang po la bzhi ste/__bstan pa rang la gnas pa'i tshul dang /__gling gzhi rang la gnas pa'i tshul dang /__grol lam rgyud don rang la gnas pa'i tshul dang /__thabs lam rang la gnas pa'i tshul lo/__/dang po la gnyis te/__kun rdzob lam dang 'bras bu gzhan na med de rang la gnas pa dang /__don dam du dang /__dbyer med du'o/__/dang po la gsum ste/__kun rdzob tu gzhi ye shes lnga rang la gnas pa dang /__lam rang la gnas pa dang /__'bras bu rang la gnas pa'o/__/dang po ni/__de yang rgyas par spro na/__kun rdzob dang /__don dam pa dang /__dbyer med pa rnam pa gsum du gnas pa'i tshul bzhag par bya ste/__de la dang po mtshon bya don gyi bstan pa rang la gnas pa'i tshul ni/__de yang 'gro ba rgyud lnga bskyed pa'i yi ge drug la de nyid sbyong byed spyi bo la sogs pa'am/__snying ga'i rtsa 'dab lnga la oM AHhU~M swA hA ste yi ge lngar gnas pa ni ye shes lnga yin pa'i phyir thabs chen po ste/__'gro ba kun la rang bzhin gyis gnas pa'o/__/gnyis pa mtshon byed tshig gi bstan pa gnas tshul ni/__spyi bo bde chen gyi rang bzhin thig le ha~M yig gi gzugs su gnas pa'i 'khor lo/__mgrin pa ro drug gi longs spyod nyams su myong pa'i 'khor lo/__snying ga chos can dang chos nyid kyi dran pa 'phro 'du byed pa'i 'khor lo/__lte ba lus thams cad skyed par byed ba'i phyir sprul pa'i 'khor lo ste dkyil 'khor bzhi dang /__g.yas ro ma dri chu rgyu ba/__g.yon rkyang ma khrag rgyu ba/__dbus dbu ma byang sems rgyu ba ste gzung ba dang /__'dzin pa dang /__gnyis ka spangs pa'i srog shing gi tshul du gnas pa'i rtsa gsum dang bcas pa'i gnas de na/__kA li ste sgra yi yi ge dang /__A li ste dbyangs kyi yi ge'i phreng ba/__spyi bo rtsa 'dab so gnyis na kA li so gnyis g.yon skor A li tshar gnyis g.yas skor dang /__dang /__mgrin pa'i rtsa 'dab bcu drug na A li bcu drug g.yas skor dang /__snying ga'i rtsa 'dab brgyad na a ka tsa Ta ta pa ya sha ste ma ning gi yi ge brgyad dang /__lte ba'i rtsa 'dab re gnyis na sgra yig so gnyis g.yas skor dang g.yon skor du ldan pa'o/__/gnyis pa gleng gzhi rang la gnas tshul la gsum ste/__gsang ba'i gleng gzhi rang la gnas pa'i tshul la/__es mtshon pa'i yum gyi pad+mo sgo gru gsum/__khyams gru bzhi/__skye gnas zla gam/__dbyings phyug gi sne rtsa zlum po ste de ni gsang ba'i ston 'khor bzhugs pa'i gnas dang /__yab kyi rdo rje rtse mor kun rdzob kyi thig le wa~M yig gi gzugs su gnas pa bde ba gsal bar ston pa'i phyir ston pa/__ma dA na ma nu zhes pa'i sgra las yid sdom byed de 'du shes gsum ldan gyi sdom pa la zhugs pas mtshan rtog sdom par byed pa gsang ba'i rnam shes kyis reg bde nyams su myong bar byed pa'i cha nas 'khor/__pa ra ma yA na zhes pa'i sgra las drangs na thabs bde ba chen po'i ye shes kyis bcu drug gi dga' ba rnam pa bzhi'i rang bzhin lhan cig skyes pa ni nges don gyi theg pa ste chos/__ye shes de nyams su myong ba'i tshe dus 'di zhes mtshon du med pa ni dus phun sum tshogs pa ste de nyid yum gyi mkha' gsang du ldan pa'o/__/'di ni bshad rgyud thal ba dang sbyar nas bshad pa'o/__/gnyis pa nang gi gleng gzhi rang la gnas pa'i tshul ni snying ga chos kyi 'khor lo'i dbus na rtsa 'dab brgyad yod pa la rigs bsdu na/__e sogs las bzhi'i dbyibs su gnas pa ni gnas/__de'i snying por 'byung ba lnga'i rlung lnga'i dwangs ma'i sgrom bu'i dbus na mi shigs pa'i thig le ba~M yig gi gzugs su yod pa ni ston pa/__ma ma nu'i sgra las drangs na yid de/__des mtshon pa'i kun gzhi dang /__yid dang /__nyon yid dang /__sgo lnga'i rnam shes rnams rtsa 'dab bzhi por gnas pa 'khor/__yA pa ra mAr+tha yA na'i sgra las drangs na steng sgo'i lam nyams su blangs pa las ye shes nam mkha'i gzugs can mngon sum du skyes pa ni nges don gyi chos/__de'i tshe skye 'gags gnas gsum gyi mtshan ma dang bral ba bsam gyis mi khyab pa ni dus phun sum tshogs pa ste/__thabs lam steng sgo dang sbyar nas bshad rgyud rgya mtsho'i rjes su 'brang ba'i bshad pa'o/__/gsum pa gleng gzhi'i nges tshig ni/__de lta bu'i phun sum tshogs pa lnga 'dzom pa'i dus na tan+t+ra ste rgyud kyi don 'byin par byed pas na ni dA na ste nges par sbyin pa'am gleng gzhi zhes kyang bya'o/__/gnyis pa grol lam rgyud don rang la gnas tshul la brgyad de/__dang po ting nge 'dzin rang la gnas pa'i tshul ni/__de lta bu'i rgyud don de ni snying ga chos kyi 'khor lo de nyid na gnas te/__mdun du chos nyid kyi rtsa gsum dkar po zlum po'i nang du thig le mi rtog pa'i tshul du gnas pa ni stong pa chen po'i ting 'dzin/__g.yas su ye shes kyi rtsa gcig ser po gru bzhi pa'i nang du thig le ma 'gag par gnas pa ni snying rje sgyu ma/__g.yon na yon tan gyi rtsa gcig mdog dmar po zla gam gyi dbyibs su thig le khyab par gnas pa ni phyag rgya gcig pa/__rgyab na rtsa gsum gnyid rmugs kyi las byed pa ni rang rgyud pa'i rtsa zhes dbyibs gru gsum dmar nag gi rnam par thig le sna tshogs pa'i tshul du gnas pa phyag rgya spros pa'i ting nge 'dzin te/__de ltar rtsa 'dab brgyad po nyid kyi dngos po ni/__rnal 'byor bzhi yi lam gyi rim par rang bzhin gyis grub pas rtogs shing goms pa'i sbyor bas mngon sum du 'char ba'i rten nam gnas byed pa'o/__/gnyis pa phrin las bzhi rang la gnas tshul la gnyis te/__phrin las bzhi rang la gnas tshul dngos dang /__sbyin sreg rang la gnas tshul lo/__/dang po la'ang gnyis te/__nang ltar gnas tshul dang /__gsang ba ltar gnas tshul lo/__/snga ma la'ang gnyis te/__dang po chos kyi 'khor lo la gnas tshul ni/__sngar smos pa'i rtsa 'dab rigs bzhir snod kyi 'od de kha dog dkar po dang /__dbyibs zlum po la sogs pa ni zhi rgyas dbang drag gi phrin las bzhir gnas pa'o/__/gnyis pa phyi 'khor lo bzhi la gnas tshul ni/__gzhang kha rlung zla gam/__lte ba chu zlum po/__snying kha sa gru bzhi/__lkog ma me gru gsum mam/__yang na/__lte ba sa/__snying ga chu/__mgrin pa me/__spyi bo rlung ste/__de ltar gyi gnas bzhi por 'byung ba bzhi gnas pas phrin las rnam pa bzhi byed pa'o/__/gnyis pa ni/__gsang ba dbyings phyug gi mkha' la sgo gru gsum sogs las bzhi'i dbyibs su rang bzhin gyis ldan pa'ang phrin las rnam pa bzhi'o/__/gnyis pa sbyin sreg ni/__sum mdor ra~M las me/__sgrom mdor ya~M las rlung /__de bskyod pas me 'bar/__g.yas kyi rtsa ro ma ni dgang gzar/__g.yon rkyang ma ni blugs gzar/__dbus kyi a wa d+hU ti ni me lha/__ye shes snying po ni sreg lha/__nyon mongs la sogs pa'i rnam par rtog pa'i tshogs ni sreg rdzas te/__de ltar sbyin sreg kyang ye nas rang la gnas shing ldan pa'o/__/gsum pa bsnyen sgrub rang la gnas tshul ni/__chos nyid kyi rtsa yi thig le de bzhin nyid kyi ngo bo ste bsnyen pa/__ye shes kyi rtsa'i thig le kun snang gi ngo bo ste nye bsnyen/__yon tan gyi rtsa'i thig le phyag rgya gcig pa'i ngo bo ste sgrub pa/__rang rgyud kyi rtsa yi thig le phyag rgya spros pa'i ting nge 'dzin gyi ngo bo sgrub chen te/__de ltar rang bzhin gyis ldan pa nyid do/__/de yang ji ltar rdzogs pa'i tshul ni/__rtsa 'dab thig les gang ba bsnyen pa/__de las bde ba 'byung ba nye bsnyen/__de ltar ngos zin nas nyams su blangs pa sgrub pa/__bde ba rgyas pa de mngon sum nyams su myong ba ni sgrub pa chen po'o/__/bzhi pa dkyil 'khor rang la gnas tshul ni/__snying ga'i rtsa bzhi'am/__de las gyes pa'i 'dab ma brgyad dang ldan pa'i shing ste rtsa'i maN+Da la zhes pa ni bde ba chen po'i snying po len cing 'dzin par byed pas na dkyil 'khor ro/__/lnga pa dbang rang la gnas tshul ni/__gnas pa rtsa dang /__brten pa thig le dag la/__phyi phan pa'i dbang bcu/__nang nus pa 'jug pa'i dbang lnga/__gsang ba zab mo'i dbang gsum rnams rang bzhin gyis ldan pa ste/__de'ang zhib tu dbye na/__dang po ni/__rnam shes tshogs brgyad ye shes lngar gnas pa dbu rgyan/__rtsa ro rkyang g.yas g.yon na dar 'phyangs kyi tshul du gnas pa cod pan/__'khor lo bzhir thabs shes kyi yi ge phreng ba'i tshul du spel bar gnas pa phreng ba/__spyi bo'i haM las lus mgo mjug khyab pa'i rtsa'i drwa bas 'brel pa go cha/__rnam shes dang dbang po mi sgrib par rang gsal ba rgyal mtshan/__rtog tshogs lha'i dkyil 'khor du gnas pa phyag rgya/__klad pa bde chen gyi 'khor lo'i 'dab ma haM yig la gdugs rtsib kyi tshul du brten pa gdugs/__rtsa gnas 'khor lo bzhi thig les gang ba bum pa dam tshig lnga rang bzhin gyis gnas shing bza' btung la longs spyod pa bza' btung /__yig 'bru lnga rang bzhin gyis gnas pa snying po'i dbang ngo /__/gnyis pa ni/__rna ba'i rtsa'i 'dom rtsa na sgra thos pa'i thig le'i tshul du yod pa nyan pa'i/__mgrin pa dang lce las sgra 'byung ba thig le dbyangs yig dang oM gnas pa 'chad pa'i/__a ba d+hU ti dang /__srog gi mi shigs pa'i thig le rnam par mi rtog pa sgom pa'i/__snying ga'i rtsa 'dab bzhir las bzhi lhun grub tu gnas shing yan lag bzhis bya ba byed pa phrin las kyi/__rtsa dang thig le'i bya ba thams cad byed cing /__yan lag lnga rigs lnga dang chos kun rang la rdzogs pas rdo rje rgyal po bka' rab 'byams kyi dbang rang la gnas pa'o/__/gsum pa ni/__rtsa 'dab thams cad kun+da byang chub sems kyis gang ba gsang ba'i/__de las bde ba chen po skye bas shes rab ye shes kyi/__de nyid bde stong zung du 'jug pas bzhi pa'i dbang ngo /__/drug pa mchod pa rang la gnas tshul la gsum ste/__dang po gsang ba'i mchod pa rang la gnas tshul ni/__thabs shes snyoms par 'jug pa'i dga' bas drangs pa'i rang bzhin gsang ba'i lha mo bcu gnyis su shar ba'i tshul ni/__'gugs pa lcags kyu ma/__'dzin pa zhags pa ma/__sdom pa lcags sgrog ma/__bskyod pa dril bu ma/__chas kyis sgeg pa la s+ya/__thugs 'phring ba mA l+ya/__a haM gi sgra grags pa gIrti/__phyag rgya bskyod pa nIrti/__bde bas rgyud tshims pa d+hU pe/__'thor ba puSh+pe/__gsal bar byed pa mar me/__bsil drod snyoms pa gan+d+he'o/__/gnyis pa 'dod yon dbang po drug gis nyams su myong ba'i gzugs sgra dri ro reg bya dang /__gsum pa dam rdzas kyi mchod pa rang la ldan pa ni/__lte ba'i rtsa ba nas sha chen/__long kha'i rtsa ba nas dri chen/__d+hU ti nas byang sems/__rkyang ma nas dri chu/__ro ma nas rak+ta ste lnga po rang bzhin gyis gnas pa'o/__/bdun pa dam tshig rang la gnas pa ni/__gong du bstan pa de dag rang la gnas shing de las mi 'da' bar cho ga gsum gyi rang bzhin gzod ma nas lhag par gnas pa'i phyir sa ma ya ste dam tshig go/__/brgyad pa spyod pa rang la gnas pa ni/__sgo gsum gyi rang bzhin phyi ltar na lus/__ngag yid gsum dngos dang /__nang ltar na rtsa rlung thig le/__gsang ba yum gyi pad+ma dang thabs kyi rdo rje/__gsang ba'i rnam shes sam/__yang na/__phyi lus/__nang ngag__/gsang ba yid kyi 'du byed kyi spyod yul thams cad rgyal ba'i mdzad pa nyag gcig tu shar bas rang bzhin ngang gis gnas pa'o/__/gnyis pa thabs lam rang la gnas tshul ni/__gzhan lus la brten pa'i 'dod chags rang ga ma des 'khor ba'i khams 'grub par byed la/__gcig shos te thabs kyis zin pas ni bde stong zung 'jug gi rang bzhin shin tu rnam par dag pa'i ye shes 'grub pa'i nye rgyu byed pa'i phyir thabs lam gzhi 'ang rang la gnas pa'o/__/gnyis pa 'bras bu rang la gnas tshul la gnyis te/__dang po rtog tshogs lha'i dkyil 'khor du gnas pa dang lung dang rig pas sgrub pa ni/__chos kun ngo bo'i 'dus ma byas pa'i ye shes dang mi phyed par gnas pa'i phyir rdo rje phung po lnga dang /__de'i yan lag 'byung ba lnga po kun rdzogs pa'i sangs rgyas yab yum lngar grags pa sogs rtog pa zhe gnyis ltar gyur pa'i tshul rgyud kyi rdo rje'i gnas las gsal ba ltar/__de yi rig pas de tsam du ma zad dngos por snang ba 'di kun gyi gzung ba'i yul la chags pa rnams rdo rje btsun mo dang /__nang 'dzin pa'i sems la chags pa rnams rdo rje sems dpa'i tshul gyis 'bras bur grub pa ste/__de la bsgoms pa'i byed las dang rang gi ngo bos kyang 'bras bu gzod nas gnas pa'o/__/gnyis pa lhag pa kun rdzob kyi mtshan nyid dpe'i sgo nas bstan pa ni/__chu zla sgyu ma sprul pa bzhin/__/ces pa'i dpe gsum pos ni/__'di ltar phung po lnga/__khams bco brgyad/__skye mched bcu gnyis rnams rgyu rkyen gyis rang rgyud par grub pa med kyang rten 'brel rnams 'dus nas sgyu ma lta bur grub pa ni log rtog sgyu ma/__yul dam tshig__/byed pa las/__gsal ba chos/__stong pa phyag rgya chen po bzhi ye nas rdzogs pas lha'i dkyil 'khor gyi phyag rgyar ma 'dres shing snang la rang bzhin med pa chu zla lta bur gsal ba phyag rgya sgyu ma/__de lta bu'i lha'i sku de yang gdul bya'i mos pa dang mthun par cir yang 'char bas sna tshogs su 'gyur zhing /__bsam pa ltar snang bas cir yang 'grub kyang 'gro 'ong ma dmigs pa sprul pa lta bu ni rig pa sgyu ma'o/__/'di la 'chad tshul gzhan yang snang zhing /__dpe la lar gzhi rdzogs zhes bris pa ltar na phung khams skye mched rnams lha'i dkyil 'khor du gzhi nas rdzogs pa'i don du 'chad dgos par snang ngo /__/gong gi sgyu ma gsum po de'i rnam pa la ming gi rnam grangs gzhan dngos po sgyu ma dang /__yang dag sgyu ma dang /__thabs sgyu ma zhes kyang brjod do/__/yang phung khams skye mched rnams chu zla/__sgyu ma/__sprul pa bzhin du snang la rang bzhin med pa lha'i dkyil 'khor du ye nas gnas pas/__dkyil 'khor bzhi rdzogs phyag rgya ma 'dres par gsal zhing /__de nyid bsam pa bzhin du bsgoms shing nyams su blangs pas/__ci ltar bsam pa bzhin du 'byung bar bshad pa'ang snang ngo /__/gnyis pa lhag pa don dam gyi ye shes rang la gnas pa'i tshul la drug ste/__'di la'ang don dam rang la gnas pa'i tshul la bzhi/__don dam du gzhi ye shes rang la gnas pa dang /__'bras bu rang la gnas pa gtan tshigs dang bcas pa dang /__lam rang la gnas pa gtan tshigs dang bcas pa dang /__des na don dam kun gyi dngos gzhir bstan pa'o/__/dang po la gsum ste/__don dam la chos kun ma 'dres par yongs su rdzogs pa dang /__don dam la dkor bdun ngo bo nyid kyis rgyur gnas pa dpe dang bcas pa/__don dam lhag pa'i chos skur gnas pa'o/__/bzhi pa la gnyis/__rang byung gi ye shes kun gyi ngo bo nyid kyi rgyur gnas pa dang /__de'i ming gi rnam grangs bshad pa'o/__/zhes snang ngo /__/dang po lhag pa'i don dam la chos kun ma 'dres yongs su rdzogs par bstan pa ni/__kun rdzob don dam dbyer med gsum du bstan pa'i bar ma don dam pa'i dbang du byas na/__bgrod bya'i chos lam dang /__grub pa 'bras bu'i chos rnams thams cad kyang rang la gnas par thal/__gang yang rigs rgyud dang so so'i phyogs su rtag par grub pa min pas/__chos kun rang gi sems su 'dus pa'i phyir ro/__/de bzhin du shes bya'i chos kun kyang de dang de bzhin du mtshungs te/__'dod khams su pho mo gnyis kyi gzugs dang /__ma ning gi mtshan ma ste gsum/__gzugs khams rags pa'i lus rten yod pa dang /__khams gong mar med pa ste/__de lta bu'i srid pa gsum gyi gnas mtho dman dang /__so so'i nang tshan gyi ris dang /__sde tshan gyi cha shas ma 'dres par snang ba thams cad don dam par dngos por grub pa'i chos rdul tsam yang yod pa min te thams cad yul med rang gsal nyag gcig gi ngang du rdzogs pa ste rnam pa kye rdor du gsal kun gyi mchog dang ldan pa'i ye shes zhes bya'o/__/gnyis pa lhag ma don dam gyi ngo bo chos nyid kyi rgyu ru bstan pa ni/__chos kun ngo bo gnyis su med pa yul can dang bral bzhin du rang bzhin gang du'ang ma 'gag pa yongs su rdzogs pa dang ldan pa'i don dam pa'i bden pa'i mchog de la sku gsung thugs yon tan phrin las lnga yi 'bras bu'i don dam pa dang /__rang bzhin ye shes don dam pa dang /__ngo bo nyid dbyings don dam pa ste rgyas par dbye na bdun dang /__bsdu na dbyings ye 'bras bu'i don dam pa gsum po la 'khor 'das kyi chos kun rdzogs par gnas te/__dper na dpag bsam gyi shing dang /__nor bu rin po che la dgos 'dod 'byung ba'i rgyu rang bzhin du gnas pa ltar/__bdun nam gsum po de kun ngo bo nyid kyi rgyur gnas pa'o/__/gsum pa lhag pa don dam de nyid chos skur gnas par bstan pa ni/__'jig rten gyi khams phyi brtan pa snod dang /__nang g.yo ba bcud kyi 'gro ba thams cad kyang rang byung gi ye shes las rang snang ba tsam nyid na ngo bo dngos por grub pa med pa de nyid lhag pa'i chos sku chen po yin te/__chos kun ngo bo'i stong pa gang /__/rdul bral chos kyi sku ru bshad/__/ces gsungs pa bzhin te/__de yang rang bzhin ngang gis de ltar du gnas pa las bcos ma glo bur ba'i 'du byed pa las gyur pa ma yin no/__/bzhi pa lhag pa'i don dam de la lam dang 'bras bu gzhan na med par bstan pa ni/__de las gzhan pa'i 'bras bu gud nas thob bya rdul tsam yang med de/__ci'i phyir na chos kun kyang 'bras bu'i ngo bor gdod nas smin zin pa'i phyir de las gzhan du bgrod par bya ba'i yul med pas so/__/de ltar na don dam de nyid lam gyi yang ngo bo yin te/__de la 'jug par byed pa gzhi/__gnas shing goms par byed pa lam/__rang bzhin khams kyi yon tan mngon sum du 'byin pa 'bras bu ste/__lam gyi gzhi lam 'bras gsum yang ched du bya ba gong gi ldog cha kho na las sgro btags te phye ba yin no/__/lnga pa lhag pa don dam de nyid chos kun gyi rang bzhin dang rgyu yin par bstan pa la gnyis/__spyir bstan pa dang /__bye brag tu bstan pa'o/__/dang po spyir bstan pa ni/__'jig rten drug gis bsdus pa'i phyogs bcu ma lus pa thams cad la/__rang byung gi ye shes chen po de yis til la til mar bzhin kun tu khyab par he badz+ra las gsal gnas te/__rang byung gi ye shes de nyid dngos po dang mtshan mar grub pa med par phyogs dang ris su ma chad par snang bas/__chos kun la rgyas 'debs pa'i phyag rgya dang rgyu yi tshul du gnas pa yin pa'i phyir ro/__/des na chos thams cad de lta bu'i ngang du gnas shing 'byung bar nges so/__/gnyis pa bye brag tu bstan pa ni/__don dam bcos bslad med pa ji lta bar gnas pa'i de bzhin nyid bsam gyis mi khyab pa'i dbyings/__rang bzhin 'od gsal ba'i ye shes te/__de nyid ma 'gag par thabs kyi phyag rgya sna tshogs su snang bas 'khor 'das kun gyi ngo bo nyid kyi rgyu'o/__/drug pa rgyu yi ming gi rnam grangs bstan pa ni/__don dam pa de la ming gi rnam grangs su/__rang gi ngo bo mtshan mar grub pa med pa las/__kun rdzob tu sna tshogs 'byung ba'i rgyu yin pas na med pa'i rgyu dang /__'khor 'das kyi chos kun ma 'dres pa zad par gnas pas yongs su rdzogs pa zhes kyang brjod do/__/kyang gi sgras ni/__de bzhin nyid dang /__yang dag pa'i mtha' dang /__chos kyi dbyings dang /__stong pa nyid sogs mtha' klas pa dag sdud pa'o/__/gsum pa lhag pa bden pa dbyer med kyi ye shes rang la gnas pa'i tshul bstan pa la bzhi ste/__gzhi 'khor 'das chos kun bden pa dbyer med du gcig pa'i dpe don dang /__bden pa dbyer med du brjod pa'i dgos ched dang /__bden pa gnyis med ye shes su rang snang du bstan pa dang /__lam dang 'bras bu'ang bden pa gnyis med las gzhan du med par bstan pa'o/__/dang po ni/__gsum pa bden pa dbyer med du bstan pa la/__bden pa de gnyis po tha dad pa'i dngos por zhen pa'i blos/__kun rdzob 'khor ba dang /__don dam mya ngan las 'das pa zhes chos tha dad du gdags su yod pa ma yin te/__ci'i phyir zhe na/__ye gdod ma nas 'khor 'das zhes rigs rgyud so sor grub pa'i rtag pa zhig min pas so/__/bye brag tu gnas rigs so so'i gzugs sgra dri ro reg bya dang chos kyi bye brag tha snyad du btags pa kun/__kun rdzob tsam du 'ja' tshon ltar ma 'dres par shar yang /__don dam du nam mkha' ltar ro gcig pa'i phyir rnam grangs su 'dzin pa dang bral ba'o/__/'khor ba gzugs dang sgra la sogs/__/'khor ba tshor ba la sogs pa/__/'khor ba dbang po rnams nyid do/__/'khor ba zhe sdang la sogs pa/__/'di rnams chos ni mya ngan 'das/__/zhes so/__/de ltar ma 'dres par snang ba de yang rang byung gi ye shes 'dus ma byas pa nyid 'dus byas su snang la/__'dus byas su snang ba'i dus na'ang 'dus ma byas pa dang ngo bo dbyer mi phyed pas na rdo rje'o/__/gnyis pa ni/__rang bzhin bden pa dbyer med kyi don de rgyal ba yang dag par rdzogs pa'i sangs rgyas sgam pos ma mdzad/__'gro sems sems can gyi shes pa sgrin pos ma bcos par rang bzhin ngang gis bden pa dbyer med par gnas pa de'ang /__gnas lugs la snang stong dbyer med du 'dzin pa tsam yang bral kyang /__de ltar ma rtogs par de lta bu'i ming tshig la mtshan mar zhen pa rnams kyi blo rgyud dgrol ba'i phyir du don dbyer med du bstan pa tsam las/__tha snyad kyi tshig dang bden gnyis dbyer med par 'dzin pa'i bsam brjod las ring du 'das pa ste/__mdo las/__yi ge med pa'i chos rnams la/__/nyan cing 'chad par byed pa'ang yin/__/ces dang /__smra bsam brjod med shes rab pha rol phyin/__/ces sogs dang mthun pa'o/__/gsum pa la gsum ste/__dang po yul shes gnyis med rang snang du bstan pa ni/__'o na shes bya dang shes byed kyi yul sems so sor snang ba 'di ci zhig yin zhe na/__yul dang shes par snang ba de yang rgyu rkyen dang bral ba'i rang byung gi ye shes de rang snang bar zad do/__/gnyis pa rgyu 'bras gnyis med du bstan pa ni/__rgyu med pa las 'bras bu mi 'byung ba'i phyir/__rgyu sems can las 'bras bu sangs rgyas 'byung ba ltar snang yang /__don du gnyis su med de thams cad la rang byung gi ye shes kyis khyab pa'i phyir/__sems kyi rang bzhin 'od gsal gang yin pa/__/de ni nam mkha' bzhin du 'gyur ba med/__/ces sogs gsungs pa'i phyir ro/__/gsum pa phyi nang ngam snod bcud gnyis med du bstan pa ni/__phyi phung po dang /__nang shes pa'am/__phyi snod dang nang bcud la sogs pa'i gzung 'dzin gyi rdzas rten dang brten par bcas pa ma 'gag par gsal ba yang don dam par na bden pa dbyer med kyi ngang du rdzogs pa'o/__/bzhi pa ni/__de ltar chos kun ye shes rang la gnas pa de lta bu bden gnyis dbyer med kyi gnas tshul ji lta ba bzhin yin te/__lam dang 'bras bu kun gyi dngos po ste ngo bor gyur pa'i 'brel ba ni/__ngo bo bdag gcig gis 'brel ba'i phyir/__'bras bu thob par byed pa 'og ma'i thabs/__spong ba/__'gog pa/__sbyong ba/__bsgyur ba la sogs pa las chos khyad par du 'phags pa chos kun mnyam par blta ba'i phyir ma hA yo ga ste rnal 'byor chen po'i lam nyams su blangs pas/__gzhi 'bras dbyer med pa'i go 'phang mngon sum du byed de/__de yang gzhan nas thob pa ma yin te/__rang gi ngo bo'i chos nyid las byung bar zad do/__/de skad du'ang /__rmongs phyir 'khor ba'i gzugs can nyid/_/rmongs med 'khor ba dag pa ni/__/'khor ba mya ngan 'das par 'gyur/__/byang chub sems ni mya ngan 'das/__/zhes sogs rgya cher bstan pa bzhin no/__/gnyis pa le'u'i mtshan bstan pa ni/__kun rdzob don dam dbyer med pa lhag pa'i ye shes chen po rang rgyud la lhun grub tu bzhugs pa'i lus dang sems dngos po'i gnas lugs gsal bar byed pa'i le'u ste pa ri ts+tshe daM gzhung gi tshig rnams gcod mtshams 'dzin par byed pa ste/__de yang rim par phye ba dgu las dang po'o//__//__!

Footnotes

Other Information

Retrieved from "https://khyentselineage.tsadra.org/index.php?title=JKW-KABUM-06-CHA-001-002&oldid=39599"
Khyentse Lineage
Collected Works of the Masters
A Tsadra Foundation initiative designed to house the writings and revelations of the masters of the Khyentse lineage.
Join the Tsadra Foundation mailing list:

Tsadra Foundation
Translation & Transmission Conference
DharmaCloud Tibetan eBooks
Buddha-Nature
Śāntideva's Life and Works
Rinchen Terdzö Chenmo
Damngak Rinpoche Dzö
Dharma Dictionary

About us
Privacy policy
General disclaimer
Site guide

Project Description

Welcome to the Khyentse Lineage Project, a Tsadra Foundation initiative designed to house the writings and revelations of the masters of the Khyentse lineage in a digital format that allows for open access to these materials in authoritative modern Tibetan editions for the sake of scholars, translators, and practitioners the world over.

About us

© Tsadra Foundation. Please feel free to use this website and its content in accordance with fair use policies for teaching, scholarship, education, and research.
See General disclaimer for more information.