JKW-KABAB-22-ZA-008

🚧 This website is under continued development. We appreciate your patience!

Previous Text Back to Volume PageNext Text

ཐེག་པ་རིམ་དགུའི་སྨོན་ལམ་ཤིན་ཏུ་བསྡུས་པ་དོན་གཉིས་ཆུ་སྐྱེས།

Wylie title	theg pa rim dgu'i smon lam shin tu bsdus pa don gnyis chu skyes
Location	mkhyen brtse'i bka' babs Volume 22, Text 8, Pages 747-748 (Folios 1a1 to 1b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. theg pa rim dgu'i smon lam shin tu bsdus pa don gnyis chu skyes. In Rdzong sar 'jam dbyangs mkhyen brtse'i dbang po'i bka' babs, Vol. 22: 747-748. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Prayers - smon lam
Karchag page	JKW-KABAB-Volume-22-ZA-Karchag
Colophon	།ཅེས་པའང་གཞོན་ནུ་འཇིགས་མེད་ཡེ་ཤེས་རྡོ་རྗེའི་རོལ་པའི་སྒྱུ་འཕྲུལ་གྱིས་འཕྲལ་དུ་གང་དྲན་བརྗོད་པའོ། །སརྦ་མངྒ་ལཾ།།
	ces pa'ang gzhon nu 'jigs med ye shes rdo rje'i rol pa'i sgyu 'phrul gyis 'phral du gang dran brjod pa'o/__/sarba mang+ga laM

Tibetan Text

Wylie

[edit]

ཐེག་པ་རིམ་དགུའི་སྨོན་ལམ་ཤིན་ཏུ་བསྡུས་པ་དོན་གཉིས་ཆུ་སྐྱེས་བཞུགས་སོ། །ཨོཾ་སྭ་སྟི་སིདྡྷཾ། སྤངས་རྟོགས་ཡོན་ཏན་ལྡན་པའི་རང་གཟུགས་ནི། །མཚན་དཔེའི་ངོ་མཚར་གསར་པའི་འཇོ་སྒེག་ཅན། །རྒྱལ་དང་དེ་སྲས་དེས་གསུངས་དམ་པའི་ཆོས། །གང་ཉིད་འཛིན་པའི་ཚོགས་རྣམས་ཀུན་ལ་འདུད། །བག་ཡོད་ཁྲིམས་ཀྱིས་རྒྱུད་བསྡམས་སོ་ཐར་དང༌། །རྟེན་འབྲེལ་འབྱུང་ལྡོག་ལམ་ཁྱེར་རང་སངས་རྒྱས། །བདག་མེད་གཞན་དོན་ལ་བརྩེ་བྱང་སེམས་ཏེ། །ཀུན་འབྱུང་འདྲེན་པའི་ཐེག་པས་རྒྱུད་གྲོལ་ཤོག །བདག་དམན་ལྷ་ལ་མཆོག་ལྟ་བྱ་བའི་རྒྱུད། །གཉིས་མེད་གྲོགས་ཀྱི་ཚུལ་བཞིན་སྤྱོད་པ་དང༌། །གཉིས་ཀ་ཡེ་ཤེས་ལྷར་བསྐྱེད་རྣལ་འབྱོར་ཏེ། །དཀའ་ཐུབ་རིག་བྱེད་ཐེག་པས་ལམ་ཁྱེར་ཤོག །སྣོད་བཅུད་དཀྱིལ་འཁོར་གསུམ་རྟོགས་མ་ཧཱ་དང༌། དབྱིངས་ཡེ་གཉིས་མེད་བདེ་སྟོང་ཨ་ནུའི་ལམ། །རང་གྲོལ་ཀ་དག་འོད་གསལ་རྫོགས་པ་ཆེ། །ཐབས་ཀྱི་ཐེག་པས་མཐར་ཐུག་ལམ་འགྲུབ་ཤོག །དེ་ལྟར་སྐུ་དང་ཡེ་ཤེས་ཟབ་གསང་ལམ། །མ་དག་སྣང་བར་སྦྱོར་དང་མི་སྦྱོར་གྱིས། །རྒྱུ་འབྲས་ཐེག་པའི་རྣམ་པར་དབྱེ་བ་ཀུན། །མ་འདྲེས་ཡོངས་རྫོགས་གྲུབ་མཐའ་རྟོགས་པར་ཤོག །འདིར་ནི་བདག་གི་གཞན་དོན་སྨོན་པའི་མཐུ། །མཆོག་གསུམ་རྩ་གསུམ་སྐུ་གསུམ་དཀྱིལ་འཁོར་ལྷས། །ཡོངས་སུ་འགྲུབ་པའི་མཐུན་འགྱུར་མཛད་ནས་ཀྱང༌། །ཕུན་ཚོགས་ཕན་བདེའི་དཔལ་གྱིས་འབྱོར་བར་ཤོག །ཅེས་པའང་གཞོན་ནུ་འཇིགས་མེད་ཡེ་ཤེས་རྡོ་རྗེའི་རོལ་པའི་སྒྱུ་འཕྲུལ་གྱིས་འཕྲལ་དུ་གང་དྲན་བརྗོད་པའོ། །སརྦ་མངྒ་ལཾ།། །།

[edit]

_theg pa rim dgu'i smon lam shin tu bsdus pa don gnyis chu skyes bzhugs so/__/oM swa sti sid+d+haM/__spangs rtogs yon tan ldan pa'i rang gzugs ni/__/mtshan dpe'i ngo mtshar gsar pa'i 'jo sgeg can/__/rgyal dang de sras des gsungs dam pa'i chos/__/gang nyid 'dzin pa'i tshogs rnams kun la 'dud/__/bag yod khrims kyis rgyud bsdams so thar dang*/__/rten 'brel 'byung ldog lam khyer rang sangs rgyas/__/bdag med gzhan don la brtse byang sems te/__/kun 'byung 'dren pa'i theg pas rgyud grol shog__/bdag dman lha la mchog lta bya ba'i rgyud/__/gnyis med grogs kyi tshul bzhin spyod pa dang*/__/gnyis ka ye shes lhar bskyed rnal 'byor te/__/dka' thub rig byed theg pas lam khyer shog__/snod bcud dkyil 'khor gsum rtogs ma hA dang*/__dbyings ye gnyis med bde stong a nu'i lam/__/rang grol ka dag 'od gsal rdzogs pa che/__/thabs kyi theg pas mthar thug lam 'grub shog__/de ltar sku dang ye shes zab gsang lam/__/ma dag snang bar sbyor dang mi sbyor gyis/__/rgyu 'bras theg pa'i rnam par dbye ba kun/__/ma 'dres yongs rdzogs grub mtha' rtogs par shog__/'dir ni bdag gi gzhan don smon pa'i mthu/__/mchog gsum rtsa gsum sku gsum dkyil 'khor lhas/__/yongs su 'grub pa'i mthun 'gyur mdzad nas kyang*/__/phun tshogs phan bde'i dpal gyis 'byor bar shog__/ces pa'ang gzhon nu 'jigs med ye shes rdo rje'i rol pa'i sgyu 'phrul gyis 'phral du gang dran brjod pa'o/__/sarba mang+ga laM//__//