JKCL-KABUM-08-NYA-010-003

🚧 This website is under continued development. We appreciate your patience!

Previous Text Back to Volume PageNext Text

རྗེ་བླ་མའི་ཞབས་ལ་ཕྱག་འཚལ་ལ་སོགས་དཔག་བསམ་རྒྱ་མཚོའི་ངོར་གསུངས་པ།

Wylie title	rje bla ma'i zhabs la phyag 'tshal la sogs dpag bsam rgya mtsho'i ngor gsungs pa
Location	chos kyi blo gros bka' 'bum Volume 8, sde tshan 10, Text 3, Pages 243 (Folios 4a1 to 4a6)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. rje bla ma'i zhabs la phyag 'tshal la sogs dpag bsam rgya mtsho'i ngor gsungs pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 8: 243. Bir, H.P.: Khyentse Labrang, 2012.
Genre	Advice - zhal gdams
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/instruction-on-great-perfection
Colophon	།དེ་རྫོགས་པ་ཆེན་པོའི་གདམས་པ་ལགས། །ཚིག་དེ་སྐད་ཆོས་ཀྱི་བློ་གྲོས་པས། །གང་དྲན་ཤར་མར་བྲིས་པ་འདིས། །ང་དང་འཕྲད་པར་ཁྱད་མེད་སྨོན།།
	/de rdzogs pa chen po'i gdams pa lags/__/tshig de skad chos kyi blo gros pas/__/gang dran shar mar bris pa 'dis/__/nga dang 'phrad par khyad med smon//

1 Texts in this Section (sde tshan or chos tshan)

3 243	རྗེ་བླ་མའི་ཞབས་ལ་ཕྱག་འཚལ་ལ་སོགས་དཔག་བསམ་རྒྱ་མཚོའི་ངོར་གསུངས་པ། rje bla ma'i zhabs la phyag 'tshal la sogs dpag bsam rgya mtsho'i ngor gsungs pa Advice - zhal gdams	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

༈ རྗེ་བླ་མའི་ཞབས་ལ་ཕྱག་འཚལ་ལོ། །བུ་སྣོད་ལྡན་མཆོག་གསུམ་སྐྱབས་ཁྱོད་ཉོན། །དད་པ་དང་བློ་གྲོས་རབ་ཏུ་བརྟན། །ངེས་འབྱུང་དང་སྐྱོ་ཤས་སྙིང་རྗེ་ལྡན། །ཁྱོད་འདྲ་ལ་ལམ་གྱི་ཡོན་ཏན་རྣམས། །ཟླ་བ་བཞིན་གོང་འཕེལ་འགྲོ་བར་འགྱུར། །ངེད་འདྲ་བའི་དཀོར་ཟན་རྒྱལ་པོ་ལ། །བྱིན་རླབས་དང་ཐུགས་རྗེ་ཆེས་ཕྲ་ཡང་། །སྐལ་ལྡན་གྱི་སློབ་མའི་ཤེས་རྒྱུད་ཀྱི། །མེ་ལོང་ནི་དྭངས་པའི་ངོས་ཡངས་པར། །བྱིན་རླབས་ཀྱི་གཟུགས་བརྙན་འཆར་བར་ངེས། །སེམས་གདོད་ནས་ཀ་དག་སྟོང་པའི་དབྱིངས། །ལྷུན་གྲུབ་ཀྱི་འོད་གདང་རང་ཆས་རྫོགས། །རང་རིག་གི་རང་ཞལ་བལྟ་བ་ལ། །གཟུང་འཛིན་གྱི་དྲི་མའི་སྐྱོན་དང་གྲལ། །དེ་མ་བཅོས་རང་བཞག་སྒོམ་པ་དང་། །གང་ཤར་གྱི་སྤྱོད་པར་རེ་དོགས་མེད། །ཅིར་སྣང་དང་གང་ཤར་རང་སར་གྲོལ། །དེ་རྫོགས་པ་ཆེན་པོའི་གདམས་པ་ལགས། །ཚིག་དེ་སྐད་ཆོས་ཀྱི་བློ་གྲོས་པས། །གང་དྲན་ཤར་མར་བྲིས་པ་འདིས། །ང་དང་འཕྲད་པར་ཁྱད་མེད་སྨོན།། །།

[edit]

!_rje bla ma'i zhabs la phyag 'tshal lo/__/bu snod ldan mchog gsum skyabs khyod nyon/__/dad pa dang blo gros rab tu brtan/__/nges 'byung dang skyo shas snying rje ldan/__/khyod 'dra la lam gyi yon tan rnams/__/zla ba bzhin gong 'phel 'gro bar 'gyur/__/nged 'dra ba'i dkor zan rgyal po la/__/byin rlabs dang thugs rje ches phra yang /__/skal ldan gyi slob ma'i shes rgyud kyi/__/me long ni dwangs pa'i ngos yangs par/__/byin rlabs kyi gzugs brnyan 'char bar nges/__/sems gdod nas ka dag stong pa'i dbyings/__/lhun grub kyi 'od gdang rang chas rdzogs/__/rang rig gi rang zhal blta ba la/__/gzung 'dzin gyi dri ma'i skyon dang gral/__/de ma bcos rang bzhag sgom pa dang /__/gang shar gyi spyod par re dogs med/__/cir snang dang gang shar rang sar grol/__/de rdzogs pa chen po'i gdams pa lags/__/tshig de skad chos kyi blo gros pas/__/gang dran shar mar bris pa 'dis/__/nga dang 'phrad par khyad med smon//___//