JKW-KABUM-23-'A-004-016

🚧 This website is under continued development. We appreciate your patience!

Previous Text Back to Volume PageNext Text

ཕྱོགས་བཅུ་དུས་བཞིའི་དབུ་ཅན་གྱི་ཞལ་གདམས།

Wylie title	phyogs bcu dus bzhi'i dbu can gyi zhal gdams
Location	mkhyen brtse'i bka' 'bum Volume 23, sde tshan 4, Text 16, Pages 250-251 (Folios 13b5 to 14a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. phyogs bcu dus bzhi'i dbu can gyi zhal gdams. In 'jam dbyangs mkhyen brtse'i dbang po'i bka' 'bum, Vol. 23: 250-251. Khams sde dge rdzong sar dgon: Rdzong sar blo gros phun tshogs, 2020.
Genre	Supplications - gsol 'debs  ·  Advice - zhal gdams
Colophon	།ཅེས་པའང་ལུང་ཟིན་སྤྲུལ་པའི་དྷཱ་ཀི་ནཱིས་བཀའ་སྩལ་རིན་པོ་ཆེའི་ཕྲེང་བས་བསྐུལ་བ་ལྟར། མཚོ་སྐྱེས་བླ་མ་དགྱེས་པའི་འབངས་འཇམ་དབྱངས་མཁྱེན་བརྩེའི་དབང་པོས་སྙིང་ནས་གསོལ་བ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ།།
	ces pa'ang lung zin sprul pa'i d+hA ki nIs bka' stsal rin po che'i phreng bas bskul ba ltar/__mtsho skyes bla ma dgyes pa'i 'bangs 'jam dbyangs mkhyen brtse'i dbang pos snying nas gsol ba btab pa de de bzhin du 'grub par bla ma rgyal ba sras dang bcas pas byin gyis brlab tu gsol

Tibetan Text

Wylie

[edit]

ན་མོ་གུ་རུ་བཛྲ་སཏྭཱ་ཡ། ཕྱོགས་བཅུ་དུས་བཞིའི་རྣམ་འདྲེན་སྲས་བཅས་ཀྱི། །སྐུ་གསུང་ཐུགས་ཡོན་ཕྲིན་ལས་ངོ་བོ་ཉིད། །སྐྱབས་གནས་ཀུན་འདུས་གཏེར་ཆེན་རྡོ་རྗེ་འཆང་། །སྙིང་ནས་འབོད་དོ་ཡེ་ཤེས་སྤྱན་གྱིས་གཟིགས། །མི་ཕྱེད་གུས་པས་ཕྱག་འཚལ་སྐྱབས་སུ་མཆི། །ལུས་དང་ལོངས་སྤྱོད་དགེ་ཚོགས་ལྟོས་མེད་འབུལ། །སྡོམ་དང་དམ་ཚིག་ཉམས་པ་མཐོལ་བཤགས་ན། །སྒྲིབ་མེད་ཚངས་པ་མཆོག་གི་དངོས་གྲུབ་སྩོལ། །བདག་ཅག་བརྒྱུད་འཛིན་སློབ་མར་བཅས་རྣམས་ཀུན། །མགོན་པོ་ཁྱོད་ལས་སྐྱབས་གཞན་མ་མཆིས་པས། །སྙིང་དབུས་མི་ཤིགས་ཐིག་ལེར་རྟག་བཞུགས་ནས། །ཐུགས་ཡིད་གཅིག་ཏུ་འདྲེས་པའི་བྱིན་ཆེན་ཕོབ། །གནས་སྐབས་དམ་ཆོས་སྒྲུབ་པའི་འགལ་རྐྱེན་ཞི། །མཐུན་རྐྱེན་མ་ལུས་ཕུན་སུམ་ཚོགས་པ་དང་། །རྣམ་པར་དཀར་བའི་ལེགས་བྱས་ཇི་སྙེད་ཀྱིས། །མགོན་ཁྱོད་ཐུགས་དགོངས་ཡོངས་སུ་རྫོགས་པར་ཤོག །མཐར་ཐུག་པདྨས་ཁེབས་པའི་ཞིང་ཁམས་སུ། །བྱང་སེམས་ཁྱུ་མཆོག་པདྨའི་མྱུ་གུ་དང་། །སྟོན་འཁོར་དགོངས་པ་དབྱེར་མེད་གཅིག་གྱུར་ཏེ། །མཁའ་མཉམ་འགྲོ་ཀུན་འདྲེན་པར་བྱིན་གྱིས་རློབས། །རྒྱལ་བ་ཀུན་དངོས་བླ་མས་རྗེས་སུ་བཟུང་། །རྒྱལ་བའི་སྲས་པོ་ཞབས་པད་བསྐལ་བརྒྱར་བརྟན། །རྒྱལ་ཁམས་དྲི་མེད་བཤད་སྒྲུབ་ཕྲིན་ལས་རྒྱས། །རྒྱལ་ཁམས་ཀུན་ཏུ་བཀྲ་ཤིས་བདེ་ལེགས་ཤོག །ཅེས་པའང་ལུང་ཟིན་སྤྲུལ་པའི་དྷཱ་ཀི་ནཱིས་བཀའ་སྩལ་རིན་པོ་ཆེའི་ཕྲེང་བས་བསྐུལ་བ་ལྟར། མཚོ་སྐྱེས་བླ་མ་དགྱེས་པའི་འབངས་འཇམ་དབྱངས་མཁྱེན་བརྩེའི་དབང་པོས་སྙིང་ནས་གསོལ་བ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ།། །། ༈

[edit]

phyogs bcu dus bzhi'i dbu can gyi zhal gdams/__ na mo gu ru badz+ra satwA ya/__phyogs bcu dus bzhi'i rnam 'dren sras bcas kyi/__/sku gsung thugs yon phrin las ngo bo nyid/__/skyabs gnas kun 'dus gter chen rdo rje 'chang /__/snying nas 'bod do ye shes spyan gyis gzigs/__/mi phyed gus pas phyag 'tshal skyabs su mchi/__/lus dang longs spyod dge tshogs ltos med 'bul/__/sdom dang dam tshig nyams pa mthol bshags na/__/sgrib med tshangs pa mchog gi dngos grub stsol/__/bdag cag brgyud 'dzin slob mar bcas rnams kun/__/mgon po khyod las skyabs gzhan ma mchis pas/__/snying dbus mi shigs thig ler rtag bzhugs nas/__/thugs yid gcig tu 'dres pa'i byin chen phob/__/gnas skabs dam chos sgrub pa'i 'gal rkyen zhi/__/mthun rkyen ma lus phun sum tshogs pa dang /__/rnam par dkar ba'i legs byas ji snyed kyis/__/mgon khyod thugs dgongs yongs su rdzogs par shog__/mthar thug pad+mas khebs pa'i zhing khams su/__/byang sems khyu mchog pad+ma'i myu gu dang /__/ston 'khor dgongs pa dbyer med gcig gyur te/__/mkha' mnyam 'gro kun 'dren par byin gyis rlobs/__/rgyal ba kun dngos bla mas rjes su bzung /__/rgyal ba'i sras po zhabs pad bskal brgyar brtan/__/rgyal khams dri med bshad sgrub phrin las rgyas/__/rgyal khams kun tu bkra shis bde legs shog__/ces pa'ang lung zin sprul pa'i d+hA ki nIs bka' stsal rin po che'i phreng bas bskul ba ltar/__mtsho skyes bla ma dgyes pa'i 'bangs 'jam dbyangs mkhyen brtse'i dbang pos snying nas gsol ba btab pa de de bzhin du 'grub par bla ma rgyal ba sras dang bcas pas byin gyis brlab tu gsol//___//___!_