DKR-KABUM-05-CA-012-wylie
<div class="wylie-content"
@#/__sgos bka' so so'i mngon rtogs bsgyur so las/_/brgyad pa dregs pa kun 'dul gyi mngon rtogs ni/_rgyu yig mthing nag gdan steng babs pa las/_/dregs pa kun 'dul zhal gsum phyag drug kham/_/g.yas dkar g.yon mthing dbus kham khro zhing gtum/_/spyan bgrad zhal gdangs ljags 'dril mche ba gtsigs/_/smin ma sma ra dbu skra dmar ser 'bar/_/dang po'i phyag gnyis rdo rje dung khrag bsnams/_/lhag rnams lha brgyad klu brgyad mgo bo 'dzin/_/dpal dang dur khrod chas kyis rnam par brgyan/_/zhabs bzhi g.yas bskum g.yon brkyang dor stabs bgrad/_/khams gsum spyi 'dul rdo rje thod 'dzin 'khyud/_/mdun du dbang phyug seng zhon gri snying 'dzin/_/shar du gshin rje glang zhon be con dbyug_/lho ru bskos rje rta zhon khram dgra s+t+wa/_/nub tu glog phreng 'brug zhon thog ser 'phen/_/byang du me dbal stag zhon rin chen gri/_/lnga ka'ang rang rang yum dang lhan gcig gnas/_/srid rgyal la sogs sde dpon sum cu gnyis/_/cha lugs bzhon pa ma nges cir yang bsgyur//__// @#/_sgos bka' so so'i mngon rtogs bsgyur so las/_dgu pa drag sngags kyi mngon rtogs ni/_rgyu yig mthing nag gdan steng babs pa las/_/stobs ldan nag po zhal gsum phyag drug pa/_/spyan bgrad zhal gdangs ljags 'dril mche ba gtsigs/_/smin ma sma ra dbu skra kham ser 'bar/_/rtsa ba'i phyag gnyis rdo rje ra gdengs mtshon/_/lcang lor bcas pa'i b+han+d+ha khrag gang can/_/lhag rnams lha brgyad klu brgyad don snying 'dzin/_/dpal dang dur khrod chas kyis rnam par brgyan/_/zhabs bzhi g.yas bskum g.yon brkyang dor stabs bgrad/_/'byung lnga'i bdag mo mkhar 'degs sa gnon 'khyud/_/shar du 'chi bdag gshin rje gri thod 'dzin/_/lhor bdud me yi kha rlangs khram shing zhags/_/nub tu srin po gsod byed gri thod bsnams/_/byang du gnod sbyin gang bzang gri mdung 'dzin/_/bzhi ka'ang yum bcas mu stegs kA la sogs/_/nyi shu rtsa brgyad lha srin dregs pa'i tshogs/_/sna tshogs rgyan dang rnam 'gyur cir yang ston/_/bskal pa'i me dpung 'bar ba'i dbus na bzhugs//__//
