JKW-KABUM-21-ZHA-021-003

🚧 This website is under continued development. We appreciate your patience!

Previous Text Back to Volume PageNext Text

གཟུངས་བུམ་སྒྲུབ་ཚུལ་སྤྱིར་བཏང་ངག་འདོན་ཤིན་ཏུ་བསྡུས་པ།

Wylie title	gzungs bum sgrub tshul spyir btang ngag 'don shin tu bsdus pa
Location	mkhyen brtse'i bka' 'bum Volume 21, sde tshan 21, Text 3, Pages 563-566 (Folios 12a4 to 13b2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gzungs bum sgrub tshul spyir btang ngag 'don shin tu bsdus pa. In 'jam dbyangs mkhyen brtse'i dbang po'i bka' 'bum, Vol. 21: 563-566. Khams sde dge rdzong sar dgon: Rdzong sar blo gros phun tshogs, 2020.
Genre	Vase Consecration - bum sgrub
Colophon	Colophon page 564: །ཞེས་པའང་རྒྱ་གཞུང་ཚད་ལྡན་གྱི་དགོངས་པ་ལྟར་མཉྫུ་གྷོ་ཥས་བྲིས་པས་དགེ།
	Colophon page 564: zhes pa'ang rgya gzhung tshad ldan gyi dgongs pa ltar many+dzu g+ho Shas bris pas dge

1 Texts in this Section (sde tshan or chos tshan)

3 563-566	གཟུངས་བུམ་སྒྲུབ་ཚུལ་སྤྱིར་བཏང་ངག་འདོན་ཤིན་ཏུ་བསྡུས་པ། gzungs bum sgrub tshul spyir btang ngag 'don shin tu bsdus pa Vase Consecration - bum sgrub	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །གཟུངས་བུམ་སྒྲུབ་ཚུལ་སྤྱིར་བཏང་ངག་འདོན་ཤིན་ཏུ་བསྡུས་པ་བཞུགས་སོ། །ཨོཾ་སྭསྟི། བྱབས་ཁྲུས་སོགས་ཀྱི་སྐབས་བུམ་པ་ཚུལ་བཞིན་ཏུ་སྒྲུབ་མ་ནུས་པའི་ཚེ། གཟུངས་བུམ་སྒྲུབ་ཚུལ་སྤྱིར་བཏང་གི་ངག་འདོན་ནི། སངས་རྒྱས་ཆོས་ཚོགས་སོགས་སྐྱབས་སེམས་ལན་གསུམ་དང་། སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་བསྒོམ། རང་ཉིད་སྐད་ཅིག་གིས་འདིར་སོ་སོའི་མཚན་བརྗོད་ཀྱང་ལེགས། ལྷག་པའི་ལྷའི་སྐུར་གྱུར་པར་བསམ་ལ་སྔགས་ཅི་ནུས་བཟླས་མཐར། བུམ་པ་བསངས་སྦྱངས། སྟོང་པའི་ངང་ལས་པཾ་ལས་པདྨ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་བྷྲཱུྃ་ལས་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བ། ལྟོ་བ་ལྡིར། ཞབས་ཞུམ་པ། མགྲིན་པ་ཕྲ་བ། ཁ་གཡེལ་བ། མཆུ་འཕྱང་བ། ལྷ་རྫས་ཀྱི་གོས་ཀྱིས་མགུལ་བ་བཅིངས་པ། དཔག་བསམ་གྱི་ཤིང་གིས་ཁ་བརྒྱན་པ། ནང་ཆུ་དང་བཅུད་སྣ་ཚོགས་ཀྱིས་ཡོངས་སུ་གང་བའི་དབུས་སུ་ཟླ་བ་ཁྲོ་བོ་ཡིན་ན་ཉི་མ་ཞེས་བསྒྱུར་ལ་གཟུངས་སྔགས་ཀྱི་ཕྲེང་བས་མཚན་པ། དེ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྗེའི་བྱིན་རླབས་ནུས་མཐུ་ཐམས་ཅད་བསྡུས་ནས་སྔགས་ཕྲེང་ལ་ཐིམ། དེ་ལས་བདུད་རྩིའི་རྒྱུན་དཔག་ཏུ་མེད་པ་བབ་པས་བུམ་པ་གང་བར་གྱུར། ཅེས་བརྗོད་ཅིང་བསམ་ལ་བཟླ་བྱའི་སྔགས་ཅི་ནུས་བཟླས་མཐར། སྔགས་ཕྲེང་གདན་དང་བཅས་པ་འོད་དུ་ཞུ་བ་ལས་བྱུང་བའི་བུམ་པའི་ཆུ་ནུས་པ་དང་ལྡན་པར་གྱུར། ཅེས་དང་བསྔོ་སྨོན་ཤིས་བརྗོད་ཅི་རིགས་པ་བྱའོ། །ཞེས་པའང་རྒྱ་གཞུང་ཚད་ལྡན་གྱི་དགོངས་པ་ལྟར་མཉྫུ་གྷོ་ཥས་བྲིས་པས་དགེ། ། ༈ ཤྲེ་ཡནྟུ། ཉེས་སེལ་གྱི་བུམ་གཏེར་ལ། དབུས་སུ་དུས་ཀྱི་འཁོར་ལོ་ལྷན་སྐྱེས་སྐུ་མདོག་སྔོན་པོ་རྡོར་དྲིལ་འཛིན་པ། ཞབས་གཡོན་དཀར་པོ་བསྐུམ་པ་དབང་ཕྱུག་དཀར་པོ་དང་། གཡས་དམར་པོ་བརྐྱངས་པས་འདོད་ལྷ་དམར་པོ་མནན་པའི་དོར་སྟབས། །རལ་པའི་ཐོར་ཚུགས་དང་། ཡིད་བཞིན་གྱི་ནོར་བུ་དང་ཟླ་བ་ཕྱེད་པས་དབུ་ལ་རྒྱན་པ། རྡོ་རྗེའི་རྒྱན་དང་སྟག་ཤམ་ཅན། ཡུམ་སེར་མོ་གྲི་ཐོད་འཛིན་པས་ཡབ་ལ་འཁྱུད་པ། ཡབ་ཡུམ་གཉིས་ཀ་ཁྲོ་ཆགས་ཀྱི་ཉམས་ཅན། སྤྱན་གསུམ་པ། མེ་རི་ཁ་དོག་སྣ་ལྔའི་དབུས་ན་བཞུགས་པ། གདན། རླུང་མེ་ཆུ་ས་རི་རབ་སྣ་ཚོགས་པདྨ་ཟླ་བ་ཉི་མ་དུས་མེ་རྣམས་བརྩེགས་པའི་སྟེང་དུ་དབང་ཕྱུག་དང་། བདུད་ཀྱི་སྟེང་འགྱིང་བའི་རྒྱབ་ཏུ། ཨོཾ་ཨཱཿཧཱུྃ་ཧོ་ཧྃ་ཀྵ། ཨོཾ་a་སྭཱ་ཧཱ། ཕྱི་ནང་གཞན་གསུམ་གྱི་གཟའ་དང་རྒྱུ་སྐར་ས་བདག་ལྷ་ཀླུ་རྫུ་འཕྲུལ་ཅན་གྱི་ཚོགས་རྣམས་ཀྱིས་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ལ་གནམ་ས་རི་བྲག་ཆུ་ཤིང་གི་ས་དཔྱད་ཉེས་པའི་རྒུད་པ་ཐམས་ཅད་ཞི་བ་དང་། །སའི་དཔལ་དང་། གཟི་བརྗིད་ཕུན་སུམ་ཚོགས་པར་འཕེལ་བས་བཀྲ་ཤིས་དང་བདེ་ལེགས་སུ་མཛད་དུ་གསོལ། ཨོཾ་ཨ་ནི་ཀ་ནི་ཨ་བྷི་ལ་མཎྜལ་མ་ཡེ་སྭཱ་ཧཱ། ཨོཾ་ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུནྟཱེ་ཥཱནྟ་ཐཱ་ག་ཏོ་ཧྱ་བ་དཏྲ། ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དཱི་མ་ཧཱ་ཤྲ་མ་ཎཱ་ཡ་སྭཱ་ཧཱ། འབྱུང་པོ་གང་དག་འདིར་ནི་ལྷག་གྱུར་ཏམ། །སའམ་འོན་ཏེ་བར་སྣང་འཁོད་ཀྱང་རུང་། སྐྱེ་རྒུ་རྣམས་ལ་རྟག་ཏུ་བྱམས་བྱེད་ཅིང་། །ཉིན་དང་མཚན་དུ་ཆོས་ལ་སྤྱོད་པར་ཤོག །སརྦ་དཱ་ཤུབྟ་ཤྩ་ཀ་ལྱཱ་ཎཾ་བྷ་བ་ཏུ། །ཞེས་བྲིས་པ་དང་། སཙྪ་རབ་གནས་ཅན་རྣམས་ལྷན་ཅིག་ཏུ་སྙིང་པོར་བཅུག །གཞན་ཡང་མཐིལ་དུ་ས་སྣ་ཆུ་སྣ་དང་། དེ་སྟེང་བུམ་རྫས་ཉེར་ལྔ། རིན་པོ་ཆེ་དང་། འབྲུ་སྨན་སོགས་ཀྱིས་བཀང་། ཁ་གཅོད་སོགས་ལེགས་པར་བརྒྱབ་པའི་རྒྱབ་ཏུ་རྩི་ལྗང་གུ་དང་། མདུན་རྟགས་རྣམ་བཅུ་དབང་ལྡན་བྲིའོ། །མངྒ་མཾ། ༈

[edit]

gzungs bum sgrub tshul spyir btang ngag 'don shin tu bsdus pa/ @#/_/gzungs bum sgrub tshul spyir btang ngag 'don shin tu bsdus pa bzhugs so/__/oM swasti/__byabs khrus sogs kyi skabs bum pa tshul bzhin tu sgrub ma nus pa'i tshe/__gzungs bum sgrub tshul spyir btang gi ngag 'don ni/__sangs rgyas chos tshogs sogs skyabs sems lan gsum dang /__sems can thams cad bde ba dang sogs tshad med bzhi bsgom/__rang nyid skad cig gis 'dir so so'i mtshan brjod kyang legs/__lhag pa'i lha'i skur gyur par bsam la sngags ci nus bzlas mthar/__bum pa bsangs sbyangs/__stong pa'i ngang las paM las pad+ma dang a las zla ba'i dkyil 'khor gyi steng du b+h+rU~M las rin po che'i bum pa yangs shing rgya che ba/__lto ba ldir/__zhabs zhum pa/__mgrin pa phra ba/__kha g.yel ba/__mchu 'phyang ba/__lha rdzas kyi gos kyis mgul ba bcings pa/__dpag bsam gyi shing gis kha brgyan pa/__nang chu dang bcud sna tshogs kyis yongs su gang ba'i dbus su zla ba khro bo yin na nyi ma zhes bsgyur la gzungs sngags kyi phreng bas mtshan pa/__de las 'od zer 'phros/__'phags pa mchod/__sems can gyi don byas/__sangs rgyas dang byang chub sems dpa' thams cad kyi thugs rje'i byin rlabs nus mthu thams cad bsdus nas sngags phreng la thim/__de las bdud rtsi'i rgyun dpag tu med pa bab pas bum pa gang bar gyur/__ces brjod cing bsam la bzla bya'i sngags ci nus bzlas mthar/__sngags phreng gdan dang bcas pa 'od du zhu ba las byung ba'i bum pa'i chu nus pa dang ldan par gyur/__ces dang bsngo smon shis brjod ci rigs pa bya'o/__/zhes pa'ang rgya gzhung tshad ldan gyi dgongs pa ltar many+dzu g+ho Shas bris pas dge/___/___!_shre yan+tu/__nyes sel gyi bum gter la/__dbus su dus kyi 'khor lo lhan skyes sku mdog sngon po rdor dril 'dzin pa/__zhabs g.yon dkar po bskum pa dbang phyug dkar po dang /__g.yas dmar po brkyangs pas 'dod lha dmar po mnan pa'i dor stabs/__/ral pa'i thor tshugs dang /__yid bzhin gyi nor bu dang zla ba phyed pas dbu la rgyan pa/__rdo rje'i rgyan dang stag sham can/__yum ser mo gri thod 'dzin pas yab la 'khyud pa/__yab yum gnyis ka khro chags kyi nyams can/__spyan gsum pa/__me ri kha dog sna lnga'i dbus na bzhugs pa/__gdan/__rlung me chu sa ri rab sna tshogs pad+ma zla ba nyi ma dus me rnams brtsegs pa'i steng du dbang phyug dang /__bdud kyi steng 'gying ba'i rgyab tu/__oM AHhU~M ho ha~M k+Sha/__oM [a] swA hA/__phyi nang gzhan gsum gyi gza' dang rgyu skar sa bdag lha klu rdzu 'phrul can gyi tshogs rnams kyis bdag cag dpon slob yon mchod 'khor dang bcas pa la gnam sa ri brag chu shing gi sa dpyad nyes pa'i rgud pa thams cad zhi ba dang /__/sa'i dpal dang /__gzi brjid phun sum tshogs par 'phel bas bkra shis dang bde legs su mdzad du gsol/__oM a ni ka ni a b+hi la maN+Dal ma ye swA hA/__oM ye d+harmA he tu pra b+ha bA he tun+tA+e ShAn+ta thA ga to h+ya ba datra/__te ShAny+tsa yo ni ro d+ha e waM bA dI ma hA shra ma NA ya swA hA/__'byung po gang dag 'dir ni lhag gyur tam/__/sa'am 'on te bar snang 'khod kyang rung /__skye rgu rnams la rtag tu byams byed cing /__/nyin dang mtshan du chos la spyod par shog__/sarba dA shub+ta sh+tsa ka l+yA NaM b+ha ba tu/__/zhes bris pa dang /__sats+tsha rab gnas can rnams lhan cig tu snying por bcug__/gzhan yang mthil du sa sna chu sna dang /__de steng bum rdzas nyer lnga/__rin po che dang /__'bru sman sogs kyis bkang /__kha gcod sogs legs par brgyab pa'i rgyab tu rtsi ljang gu dang /__mdun rtags rnam bcu dbang ldan bri'o/__/mang+ga maM/__!_