JKCL-KABUM-06-CHA-046-wylie
<div class="wylie-content"
gsang spyod mkha' 'gro'i snyan brgyud kyi/__/brgyud pa'i rnam thar kha skong bzhugs/__/thang stong snyan brgyud nged kyis tshar gnyis kyi dbang khrid lung gsum ka las/__dbang la chos bdag phag nag brda' dbang ma gtogs tshang bar nos pa/__mkhyen brtse rin po che'i rnam thar rgyas bsdus dang /__blo gter dbang po'i rnam thar bsdus pa rgyud btus dkar chag tu gsal ba ltar dang /__'gyur med 'jam dbyangs bstan 'phel wa shul kram khog mkhar tha ma'i nang du 'khrungs/__sa lugs kyi chos sgor zhugs/__ngor mkhan chen dpal ldan blo gros rgyal mtshan/__'jam dbyangs rin chen rdo rje/__wa ra zhabs drung rin po che 'jam dbyangs nam mkha' rgyal mtshan/__rnying phyogs dzar ka mchog sprul rin po che kun bzang rnam rgyal/__smyo shul lung rtogs bstan pa'i nyi ma gnyis las rdzogs pa chen po'i smin grol nyams khrid gsan/__khyad par du 'jam dbyangs mkhyen brtse dbang po'i zhabs pad yun ring du bcar/__gsang ba'i bdag po 'jam dbyangs blo gter dbang po/__mnga' ri chos rje kun dga' 'jam dbyangs/__me nyag mkhas pa nor bu bstan 'dzin sogs las gsar rnying gi smin grol gyi gdams pa dpag tu med pa dang /__rje blo gter zhabs las thang stong snyan brgyud gsan/__kyai rdor/__gur mgon phyi nang gsang gsum/__kun riga'abyung 'dul/__sgrol ma dkar ljang sogs yi dam gyi lha mang po'i bsnyen sgrub mthar phyin mdzad/__rnal 'byor ma'i oM gsum ma 'bru 'bum bcu dang /__sgrol ma yig bcu dung phyur/__ma Ni dung /__a mi d+he wa dung /__sgrol ma 'bum ther bzhi bcu/__mgon po'i yig bdun dung phyur rnams gnas chen pad+ma shel phug dang /__sku tshe'i smad/__khye'u'i rig 'dzin chen pos ma Ni rdo 'bum gyi gzhi bting ba thugs rje chen po'i sgrub gnas tshwa chu mjug zhes grags pa der ri ngos la bcu gcig zhal gzigs nas spyan ras gzigs kyi lha khang gsar bzhengs gnang nas de ru sku tshe 'khyol/__zab mo bdud gcod thang stong snyan brgyud dang sa ru lugs la 'brel 'jog nyams bzhes gnang /__rje btsun sgrol ma dang gur mgon gyi zhal dngos su bstan/__lha khang gi ldeb bris bcu gcig zhal gyi smin mtshams ring bsrel rang byung du 'khrungs pa dang /__dad ldan rnams kyis mjal dar phul ba gyang ris kyis 'dzin bar dka' yang bzhes pa sogs rten byin rlabs can du grags/__gtso bor mtshan bcas mtshan med kyi thugs dam nyams bzhes kho nar brtson zhing /__dad ldan gyi slob mar mkha' spyod/__/thugs chen chom bu lugs/__mgon po sogs kyi dbang khrid rjes gnang mang du gsungs/__mdor na chos brgyad kyi 'ching ba las grol zhing /__kun spangs rnal 'byor gyi dbang phyug chen por bzhugs nas dgung grangs bdun cu don gnyis la zhi ba'i dbyings su gshegs/__thugs dam gsal 'debs/__sku gdung zhugs 'bul sogs phran nas zhus pa lags/__dbang khrid dang phag nag brda dbang gtad rgya bcas lan gnyis pa kaHthog si tu o rgyan chos kyi rgya mtsho las nos pa brgyud pa'i rnam thar kha skong rje nyid kyis zhal gsungs ltar dang /__dam pa'i ming gis snyan pa'i dkor rgyal bdag ni yab rje rig 'dzin grub pa'i dbang phyug 'gyur med tshe dbang rgya mtsho dang /__tshul khrims mtsho mo gnyis kyi bur chu mo sbrul gyi lor skyes/__lo ngo bdun lon pa na rje mkhyen brtse'i dbon si tu thams cad mkhyen par kong sprul rin po ches rje mkhyen brtse'i sprul pa lnga yi nang nas phrin las kyi sprul par lung bstan/__kaHthog phrin las kyi gnas dang /__rje mkhyen brtse lang gro lo tsA'i phrin las kyi sprul pa yin rgyu/__kaHthog gter chen klong gsal yang lang gro'i skye mtha' yin pa'i bab 'brel la brten thugs bdag mdzad/__yongs 'dzin bka' drin can mkhan thub bstan rig 'dzin rgya mtsho la bsten bar khrod du lo ngo bcu gnyis la sleb bar bsdad nas bris klog sogs da lta mi sngon 'gro chog pa 'di byung /__yongs 'dzin gshegs rjes kaHthog rgyud sde'i slob grwar lo gnyis ma zin tsam bsdad nas/__mkhan rin po che kun dpal sogs las gzhung chen rnams phal cher zhus/__si tu thams cad mkhyen pa/__a 'dzom 'brug pa rin po che/__zhe chen rgyal tshab rin po che/__rdo grub thams cad mkhyen gzigs/__yab rje dam pa sogs las rnying chos dang /__rdo rje 'chang blo gter dbang po/__'jam mgon ngag dbang legs pa/__mkhan bsam gtan blo gros/__thar rtse zhabs drung byams pa kun bzang bstan pa'i nyi ma/__rnal 'byor gyi dbang phyug brag ri bkra shis rgya mtsho sogs las sa skya pa gtso bor gyur pa'i zab chos dpag med nos/__mdor na chos 'brel nos pa bla ma brgyad cu lhag tsam las gsar rnying gi gdams zab mang du nos kyang nyams su lon pa ni gcig kyang med/__kaHthog tu sdod skabs rje yi bla brang gi ldom tshab dang /__lo bcu bzhi'i nang rdzong sar gong ma'i gdan sar 'khod nas dbyar dgun dkor sdud byas pa grangs kyi mi chod dkor zos kyi rnam smin lci bas non/__gsar rnying gi bsnyen sgrub yin mdog kha khral 'jal ba'ang lhag lha sum cu kha lhag bsnyen khul byas/__de dag gi skabs su dngos grub kyi ltas red bsam pa ni ci yang ma byung yang rang dad brtson dman pas lan/__snga phyir chos 'chad pa ni rin gter tshar gcig__/sgrub btus tshar bzhi/__lam 'bras slob bshad tshar bzhi/__gdams ngag mdzod tshar gsum/__snga 'gyur bka' ma lan bzhi lnga/__thang stong snyan brgyud tshar lnga/__rje mkhyen brtse'i dgongs gter grub chen thugs tig sogs dang /__klong snying /__mkha' spyod/__snying thig ya bzhi/__ngor dkyil sogs dang /__dus 'khor jo zhal gnyis kyi dbang chen sogs lan mang po bton/__bshad sgrub kyi grwa gsar 'dzugs dang /__kaHthog tu si tu rin po che gshegs nas lo ngo bcu bzhi tsam la kaHthog pa'i bstan khri rnams la rogs ram dang /__rje yi dgongs rdzogs rgyud sde'i slob grwa spyi rkang gtan brlag tu gyur pa nyams gsos mkhan slob bzhi bcu zhe gnyis kyi grangs yod pa dang /__thub chen khang rten dang brten pa gsar bzhengs sogs de rnams khas bshad rgyu rkyang pa ma yin par/__rang la dad sbyin rnams kyi rgyu rdzas byung rigs gtos che ba btad/__rdzong sar du'ang byams chen sogs rten bzhengs mang po dang /__rje gong ma'i gsung 'thor bu rtsol ba chen pos phyogs sdud kyi pod bcu gsum spar du bskrun/__gzhan gzhung 'grel dang /__mkha' spyod be'u bum pod gsum sogs kyi slar bzhengs/__rang lo zhe dgu nas nad tshabs chen pos lo kha shas mnar/__rang lo nga lnga nga drug la son pa'i tshe gegs bzlog ched tshe lam gsang grogs kyi rten 'brel dang /__bla ma mchog gsum gyi byin mthus da bar 'tsho tsam byung /__rang lo drug cu re gsum pa'i zla ba drug pa'i tshes nyer gsum nas rang gnas nas btegs ste/__'phags bod kyi gnas bskor la phyin par rang 'khos kyi tshogs bsags mchod 'bul/__khrus gsol/__rab gnas/__skongs chog__/'dzam gling spyi dang bod khams bde ba'i smon lam sogs yid tshim par zhu dang zhu mus/__dpal sa skya'i khri rin po che'i dbus don gnyer can mang por dbang chos yang mang du bton dang /__da dung tshe ji tsam gnas par bstan 'gror smon pa'i 'dun pa bgyid mus dang /__zhal gzigs lung bstan ni ci'ang med/__nyams rmis rab rib dag ni rgyag brdzun kho na red pas phal cher brjed/__bris kyang dgos pa chung /__sngar rdzong sar du 'byor nas lo bcu drug la son skabs yin nam snyams/__rje gong ma'i grub thob thugs tig la mos pa che zhing /__de nyid 'don khul byed skabs zhig rje yi gzi ma sbug tu grub thob chen po khru gang tsam dngos su bzhugs snyams/__mdun der shel rdo gong bu zhig bzhag nas/__rje mkhyen brtser gu ru rin po ches ngo sprod gnang ba'i/__gzung ba'i yul gyis ma gos shing /__/'dzin pa'i rtog pas ma bslad par/__/rang sems rjen par skyong ba 'di/__/sangs rgyas kun gyi dgongs pa'o/__/zhes ngo sprod gsungs pa zhig rmis pas des sems don la phan pa zhig byung ba de tsam lags/__phyi ltar bla ma'i tshul 'dzin cing /__/nang du dug lnga me ltar 'bar/__/gsang ba rnam rtog gzhan dbang can/__/ban rgan nga yi rnam thar yin/__/ces pa'ang mkhan rin po che mkhas mchog ngag dbang blo gros kyis nan tan chen pos gsungs shing /__'dar mkhan chen gyis kyang gsung bskul ngor/__thang stong snyan brgyud kyi bla rnam kha skong du chos kyi blo gros kyis bris pa'o//___//
