JKCL-KABUM-08-NYA-011-017

🚧 This website is under continued development. We appreciate your patience!

Previous Text Back to Volume PageNext Text

Wylie title		page=1
Location	chos kyi blo gros bka' 'bum Volume 11, Text 17, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre

Tibetan Text

Wylie

[edit]

༈ ཀ་ཡེ་རིགས་ཀྱི་བུ་མཆོག། ཁ་རོག་སོས་དལ་མ་འདུག། ག་ལེར་འགྱོད་པའི་གནས་འོང་། །ང་ཅག་འདྲ་བའི་བ་ལང་། །ཅ་ཅོའི་སྨྲ་བ་མང་པོ། །ཆ་ལུགས་བཟང་མདོག་ཁ་པོ། །ཇ་ཆང་ཤ་ལ་སྲེད་བཞིན། །ཉ་མ་མཛེས་མའི་ངོར་བལྟས། །ཏ་ཐཱ་ག་ཏའི་བསྟན་འགལ། །ཐ་ཤལ་བདག་གི་ངང་ཚུལ། །ད་ལྟ་འདི་འདྲ་རེད་ན། །ན་བ་བརྒྱ་ལས་སྡུག་འདུག། པ་སངས་ལྟ་བུའི་བསམ་དཀར། །ཕ་རོལ་ཕྱིན་གཞུང་བསླབ་ནས། །བ་མཆོག་འོ་མ་ལྟ་བུས། །མ་ལུས་འགྲོ་ལ་ཕན་འོང་། །ཙ་མ་ར་ཡི་བསིལ་གཡབ། །ཚ་བའི་འཇིགས་པ་སྐྱོབ་ལྟར། །ཛ་ཧུའི་བུ་མོའི་རྒྱུན་བཞིན། །ཝ་ལེར་བརྩོན་འགྲུས་བསྐྱེད་མཛོད། །ཞྭ་ལྟར་མཐོ་བའི་ཁེངས་དྲེགས། །ཟ་ལྟར་རྩུབ་པའི་སྤྱོད་ལམ། །འ་འུར་མ་མང་བག་ཡོད། །ཡ་རབས་སྤྱོད་པ་བསྟེན་མཛོད། །རྭ་ལྟར་གྱོང་བའི་སེམས་འདུལ། །ལ་བ་བཟང་ལྟར་འཇམ་མཉན། །ཤ་བ་བཞིན་དུ་རང་བསྲུངས། །ས་ལྟར་འགྲོ་བའི་ཉེར་འཚོར། །ཧ་ཧུར་སྤྱོད་པ་སྤངས་ནས། །ཨ་དོན་སྐྱེ་མེད་བསྒོམ་མཛོད།། །།

[edit]

!_ka ye rigs kyi bu mchog/__kha rog sos dal ma 'dug/__ga ler 'gyod pa'i gnas 'ong /__/nga cag 'dra ba'i ba lang /__/ca co'i smra ba mang po/__/cha lugs bzang mdog kha po/__/ja chang sha la sred bzhin/__/nya ma mdzes ma'i ngor bltas/__/ta thA ga ta'i bstan 'gal/__/tha shal bdag gi ngang tshul/__/da lta 'di 'dra red na/__/na ba brgya las sdug 'dug/__pa sangs lta bu'i bsam dkar/__/pha rol phyin gzhung bslab nas/__/ba mchog 'o ma lta bus/__/ma lus 'gro la phan 'ong /__/tsa ma ra yi bsil g.yab/__/tsha ba'i 'jigs pa skyob ltar/__/dza hu'i bu mo'i rgyun bzhin/__/wa ler brtson 'grus bskyed mdzod/__/zhwa ltar mtho ba'i khengs dregs/__/za ltar rtsub pa'i spyod lam/__/'a 'ur ma mang bag yod/__/ya rabs spyod pa bsten mdzod/__/rwa ltar gyong ba'i sems 'dul/__/la ba bzang ltar 'jam mnyan/__/sha ba bzhin du rang bsrungs/__/sa ltar 'gro ba'i nyer 'tshor/__/ha hur spyod pa spangs nas/__/a don skye med bsgom mdzod//___//