JKW-KABUM-02-KHA-001-030

🚧 This website is under continued development. We appreciate your patience!

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 1, sde tshan 30, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

རྒྱ་གར་མཁས་པའི་གཏམ་ཚོགས་ཉེ་བར་བསྡུས་པའི་སྐོར་རྣམས་དང་། གཏམ་གྱི་ཚོགས་ཉེ་བར་བསྡུས་པ་བཞུགས། །རྒྱ་གར་སྐད་དུ། ཤཱི་ལ་བ་རི་ཀ་ཐཱ། བོད་སྐད་དུ། ཚུལ་ཁྲིམས་ཀྱི་གཏམ། དཀོན་མཆོག་གསུམ་ལ་ཕྱག་འཚལ་ལོ། །རྒྱ་མཚོ་འདི་ལ་ཡོན་ཏན་ཐམས་ཅད་ཀྱི་གཞིར་གྱུར་ཚུལ་ཁྲིམས་སྦྱིན་པ་ལས་ཁྱད་པར་དུ་འཕགས་པར་བསྒྲུབས་པ། དང་ནི་གླང་རྗེས་ཀྱི། །ཁྱད་པར་དག་ནི་གང་ཡིན་པ། །སྦྱིན་པ་དང་ནི་ཚུལ་ཁྲིམས་ཀྱི། །ཁྱད་པར་དག་ནི་དེ་བཞིན་ནོ། །གང་ཞིག་དད་པའི་སེམས་ཀྱིས་ནི། །ལོ་བརྒྱར་སྦྱིན་པ་བྱིན་པ་བས། །གང་ཞིག་ཉིན་གཅིག་ཚུལ་ཁྲིམས་ནི། །བསྲུང་བ་དེ་ལས་ཁྱད་པར་འཕགས། །སྦྱིན་པ་ཤན་པ་རྣམས་དང་ནི། །རིགས་ངན་དག་ཀྱང་སྦྱིན་པར་བྱེད། གང་ཡང་རུང་བས་ཚུལ་ཁྲིམས་ནི། །ཡོངས་སུ་བསྲུང་བར་མི་ནུས་སོ། །སྦྱིན་པས་རབ་ཏུ་འབྱོར་གྱུར་ཀྱང་། །དེ་ནི་སྦྱིན་བདག་ཆེན་པོ་མིན། །ཚུལ་ཁྲིམས་རྣམ་པར་དག་པ་ཡིས། །སྦྱིན་པ་ཆེན་པོ་ཡིན་པར་བཤད། །མགོ་བྲེགས་པའམ་ཚུལ་གཞན་གྱི་བརྟུལ་ཞུགས་ལས་ཁྱད་པར་དུ་བསྒྲུབས་པ། གཙུག་ཕུད་ལྡན་པར་རྒྱུ། །ཚུལ་ཁྲིམས་ཆུ་ཡིས་རལ་པ་ཁྱབ་བར་འཆང་། །ཆ་ལུགས་སྣ་ཚོགས་དག་གིས་སྤྱོད་གྱུར་ཀྱང་། །གལ་ཏེ་ཚུལ་ཁྲིམས་མེད་ན་གཡོ་སྒྱུས་སྤྱོད། །གངྒཱ་བགྲོད་པ་ཆུ་བོ་ནཱ་དར་སོང་བའམ། །དབྱངས་ཅན་ཆུབ་མ་རྫིང་བུར་སོང་བའམ། །ནེའུ་ལེ་ཤ་ནི་བསྟེན་པར་བྱེད་པ་གང་། །གལ་ཏེ་ཚུལ་ཁྲིམས་ཀྱིས་རྒུད་དོན་ལ་དབེན། །ཇི་ལྟར་ཚུལ་ཁྱད་པར་དུ་འཕགས་པའི་ཚུལ་ཁྲིམས་དེའི་ཡོན་ཏན་དཔེའི་སྒོ་ནས་བསྟན་པ། ཁྲིམས་བླ་མེད་ལྡན་པའི་དྲི། །དམ་པ་མཐོ་རིས་འདི་ན་མི་ཟད་ལྡན། །དེ་ལྟར་ཕྲེང་བའི་དྲི་ནི་ཁྱབ་མིན་ཅིང་། །དེ་བཞིན་བྱུགས་པའི་དྲི་ཡང་ཁྱབ་མི་འགྱུར། །འདི་ན་བདག་དང་གཞན་དུ་འགྲོ་བ་བདེ། །དེ་ལྟར་ཡོན་ཏན་བསྟན་ནས་དེའི་འབྲས་བུ་བསྟན་པ། གྲགས་དང་དགའ་ཞིང་ཀུན་གྱིས་བཀུར་བ་སྟེ། །ཆོས་ལྡན་འབྲས་བུ་དེ་དེ་མང་པོ་མཐོང་། །ཚུལ་ཁྲིམས་འབྲས་བུ་དྲང་སྲོང་ཆེན་པོས་གསུངས། །ཚུལ་ཁྲིམས་འབྲས་བུ་དེ་ཉིད་གཉེན་པོའི་དཔེ་དྲུག་གི་སྒོ་ནས་བཤད་པ། ནད་ལ་སྨན་གྱི་མཆོག་ཡིན་ཅིང་། །མུན་པའི་སྒྲོན་མ་ཉམ་ཐག་ལ་སྐྱབས་དང་། །འཇིགས་ལ་སྲུང་དང་ཕོངས་ལ་ཉེ་དུ་དང་། །འཆི་བའི་རྒྱ་མཚོ་མཐའ་མེད་གཟིངས་གྱུར་ཡིན། །གང་ཞིག་འདུལ་བའི་འབྲས་བུའི་སྒོ་ནས་གང་ཟག་གི་ཁྱད་པར་བསྟན་པ་ཚུལ་ཁྲིམས་རྣམ་འཇིག་ཚེ། །སྐྲག་ཞུགས་ཚུལ་ཁྲིམས་ལྡན་ལ་ཡོད་མ་ཡིན། །དེ་བས་དེ་ལྟར་འབྲས་བུ་བཤད་ནས་དེ་ཉིད་བསྲུང་བར་གདམས་པ། འཇིག་རྟེན་གཞན་མཐའ་བརྒལ་སེམས་ཀྱིས། །གང་ཞིག་འགྲོ་འདོད་དེས་ནི་ཚུལ་ཁྲིམས་བསྲུང་། །ཚུལ་ཁྲིམས་དེ་ཉིད་བྱེ་བྲག་ཏུ་བསྟན་པ་དང་། ཞོར་ལ་ཤེས་རབ་ཀྱི་འབྲས་བུའི་སྒོ་ནས་གདམས་པ། ཚུལ་ཁྲིམས་དྲི་མེད་མ་ལུས་ཇི་བཞིན་བཞག །ཤེས་རབ་ཞི་བས་ཡིད་ན་ཡོངས་སྨིན་འགྱུར། །འདི་ན་རྒ་ཤི་དེས་ན་ཚུལ་ཁྲིམས་ལ་རགས་ལུས་པས་མཇུག་བསྡུ་བའི་ཚུལ་གྱིས་བསྟན་པ་སྟེ་དགུའོ། །ནད་འཇིགས་རྣམ་ཐར་པ། །གང་ཞིག་ཐོབ་འདོད་དེས་ནི་ཚུལ་ཁྲིམས་བསྲུང་། །ཚུལ་ཁྲིམས་ཀྱི་གཏམ་འདིའི་འགྲེལ་པ་སློབ་དཔོན་གསལ་གྲགས་ཀྱིས་མཛད་པ་ཤིན་ཏུ་ཞལ་གསལ་བཞུགས་སོ། །མཆན། སློབ་དཔོན་དབྱིག་གཉེན་གྱིས་མཛད་པ་རྫོགས་སོ།། །།རྒྱ་གར་གྱི་ཛ་རནྡྷ་ན་དང་། ཞུ་ཆེན་གྱི་ལོ་ཙཱ་བ་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། ༈

[edit]

rgya gar mkhas pa'i gtam tshogs nye bar bsdus pa'i skor rnams dang /__ gtam gyi tshogs nye bar bsdus pa bzhugs/_/rgya gar skad du/_shI la ba ri ka thA/_bod skad du/_tshul khrims kyi gtam/_dkon mchog gsum la phyag 'tshal lo/_/rgya mtsho 'di la yon tan thams cad kyi gzhir gyur tshul khrims sbyin pa las khyad par du 'phags par bsgrubs pa/_dang ni glang rjes kyi/_/khyad par dag ni gang yin pa/_/sbyin pa dang ni tshul khrims kyi/_/khyad par dag ni de bzhin no/_/gang zhig dad pa'i sems kyis ni/_/lo brgyar sbyin pa byin pa bas/_/gang zhig nyin gcig tshul khrims ni/_/bsrung ba de las khyad par 'phags/_/sbyin pa shan pa rnams dang ni/_/rigs ngan dag kyang sbyin par byed/_gang yang rung bas tshul khrims ni/_/yongs su bsrung bar mi nus so/_/sbyin pas rab tu 'byor gyur kyang /_/de ni sbyin bdag chen po min/_/tshul khrims rnam par dag pa yis/_/sbyin pa chen po yin par bshad/_/mgo bregs pa'am tshul gzhan gyi brtul zhugs las khyad par du bsgrubs pa/_gtsug phud ldan par rgyu/_/tshul khrims chu yis ral pa khyab bar 'chang /_/cha lugs sna tshogs dag gis spyod gyur kyang /_/gal te tshul khrims med na g.yo sgyus spyod/_/gang+gA bgrod pa chu bo nA dar song ba'am/_/dbyangs can chub ma rdzing bur song ba'am/_/ne'u le sha ni bsten par byed pa gang /_/gal te tshul khrims kyis rgud don la dben/_/ji ltar tshul khyad par du 'phags pa'i tshul khrims de'i yon tan dpe'i sgo nas bstan pa/_khrims bla med ldan pa'i dri/_/dam pa mtho ris 'di na mi zad ldan/_/de ltar phreng ba'i dri ni khyab min cing /_/de bzhin byugs pa'i dri yang khyab mi 'gyur/_/'di na bdag dang gzhan du 'gro ba bde/_/de ltar yon tan bstan nas de'i 'bras bu bstan pa/_grags dang dga' zhing kun gyis bkur ba ste/_/chos ldan 'bras bu de de mang po mthong /_/tshul khrims 'bras bu drang srong chen pos gsungs/_/tshul khrims 'bras bu de nyid gnyen po'i dpe drug gi sgo nas bshad pa/_nad la sman gyi mchog yin cing /_/mun pa'i sgron ma nyam thag la skyabs dang /_/'jigs la srung dang phongs la nye du dang /_/'chi ba'i rgya mtsho mtha' med gzings gyur yin/_/gang zhig 'dul ba'i 'bras bu'i sgo nas gang zag gi khyad par bstan pa tshul khrims rnam 'jig tshe/_/skrag zhugs tshul khrims ldan la yod ma yin/_/de bas de ltar 'bras bu bshad nas de nyid bsrung bar gdams pa/_'jig rten gzhan mtha' brgal sems kyis/_/gang zhig 'gro 'dod des ni tshul khrims bsrung /_/tshul khrims de nyid bye brag tu bstan pa dang /_zhor la shes rab kyi 'bras bu'i sgo nas gdams pa/_tshul khrims dri med ma lus ji bzhin bzhag__/shes rab zhi bas yid na yongs smin 'gyur/_/'di na rga shi des na tshul khrims la rags lus pas mjug bsdu ba'i tshul gyis bstan pa ste dgu'o/_/nad 'jigs rnam thar pa/_/gang zhig thob 'dod des ni tshul khrims bsrung /_/tshul khrims kyi gtam 'di'i 'grel pa slob dpon gsal grags kyis mdzad pa shin tu zhal gsal bzhugs so/_/mchan/_slob dpon dbyig gnyen gyis mdzad pa rdzogs so//__//rgya gar gyi dza ran+d+ha na dang /_zhu chen gyi lo tsA ba rin chen bzang pos bsgyur cing zhus te gtan la phab pa'o//___//_!_