JKW-KABUM-02-KHA-002-044

🚧 This website is under continued development. We appreciate your patience!

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 2, sde tshan 42, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

ངག་དབང་ལེགས་གྲུབ་ནས་ཞབས་བརྟན་ཕུལ་བ་མཚན་བཟང་སྣང་བ་ཞེས་པ། ཤྲཱི་མཱཾ་སདྒུ་རོཀྵཱད་ཡོ་པདྨ་ཤ་ཏ་ཀལླེ་ཥུ་ཏིཥྛནྟུ། མཚན་བཟང་སྣང་བ་རབ་འབར་འཇ༷མ་དབྱང༷ས་སྐུ༷། །ཆོས་ཀུན་འདོམས་ལ་འཇ༷མ་དབྱང༷ས་གསུང་ཇི་བཞིན། །ཡེ་ཤེས་མཆོག་བརྙེས་འཇ༷མ་དབྱང༷ས་ཐུགས་ལ་འགྲན། །རྡོ་རྗེ་གསུམ་བདག་བླ་མ་བརྟན་བཞུགས་གསོལ། །རྒྱལ་ཀུན་མཁྱེ༷ན་བརྩེ༷འི་ཆུ་གཏེར་ཆེ་ལས་འཁྲུངས། །ཕུལ་བྱུང་མཁྱེ༷ན་བརྩེ༷འི་ཆ་ཤས་རབ་རྫོགས་ཤིང་། །མཁྱེ༷ན་བརྩེ༷འི་ཀུན་ཕན་འཕྲོ་བ་སྐལ་བཟང་གི །ཀུ་མུད་གཉེན་གཅིག་སྲིད་མཐར་བརྟན་བཞུགས་གསོལ། །གདུལ་བྱའི་ཁམས་དང་དབ༷ང་པོ༷ར་ཉེར་འཚམས་པའི། །ཆོས་ཚུལ་རྒྱལ་བའི་དབ༷ང་པོ༷འི་དགོངས་པ་བཞིན། །སྟོན་མཛད་མཁས་པའི་དབ༷ང་པོ༷ར་རབ་གྲགས་པ། །ཐུབ་བསྟན་རིང་པོར་འཚོ་ཕྱིར་བརྟན་བཞུགས་གསོལ། །སྐུ་དང་ཡེ་ཤེས་དཔལ་འབྱོར་ལྷུན་གྱིས་གྲུབ། །བསམ་ཡས་མཁྱེན་བརྩེ་ནུས་པའི་དཔལ་ཡོན་ཅན། །སྲིད་ཞིའི་དཔལ་ཀུན་སྐད་ཅིག་གིས་སྩོལ་བ། །ཡིད་བཞིན་འཁོར་ལོའི་ངོ་བོར་བརྟན་བཞུགས་གསོལ། །སྨོན་ལམ་བཟང་པོས་མདོ་སྔགས་བསྟན་པ་འཛིན། །ཐུགས་བསྐྱེད་དག་པས་འགྲོ་བའི་ཕན་བདེ་སྤེལ། །ཕྲིན་ལས་རྒྱ་མཚོས་སྐལ་ལྡན་སྨིན་གྲོལ་མཛད། །མཚོ་སྐྱེས་རྡོ་རྗེའི་ངོ་བོར་བརྟན་བཞུགས་གསོལ། །ཀ་དག་འདུས་མ་བྱས་པའི་འོད་གསལ་དང་། །ལྷུན་གྲུབ་བདེ་ཆེན་རང་སྣང་མ་འགག་པ། །ཟུང་འཇུག་སྒྱུ་འཕྲུལ་དྲྭ་བ་ཀུན་བཟང་དང་། །བདེ་ལྡན་མགོན་པོའི་ངོ་བོར་བརྟན་བཞུགས་གསོལ། །སྲིད་པར་བརྟན་བཞུགས་དབྱངས་ཀྱི་ཏམྦུ་ར། །ཟོལ་མེད་དད་པའི་སོར་རྩེས་བསྐུལ་བའི་དགེས། །བླ་མའི་ཞབས་བརྟན་རང་རྒྱུད་གྲོལ་བ་སོགས། །སྨོན་ཚད་འགྲུབ་པའི་དགེ་མཚན་འབར་གྱུར་ཅིག །ཅེས་རྗེ་བཙུན་འཇམ་པའི་དབྱངས་མཆོག་གི་སྤྲུལ་སྐུའི་རྣམ་པར་རོལ་པ་གང་གི་ཞབས་བརྟན་གསོལ་འདེབས་ཚིགས་སུ་བཅད་པ་རྒྱལ་སྲིད་རིན་པོ་ཆེའི་གྲངས་ལྡན་འདིའང་། སྐྱབས་མཆོག་དེ་ཉིད་ཀྱི་ཞབས་འབྲིང་བ་སྡོམ་བརྩོན་ཚུལ་ཁྲིམས་རྒྱ་མཚོས་རྟེན་དང་བཅས་ཏེ་བསྐུལ་བའི་ངོར་རྒྱལ་ཁམས་པ་ངག་དབང་ལེགས་གྲུབ་ཀྱིས་འཕྲལ་དུ་བྲིས་པའོ།། །། ༈

[edit]

ngag dbang legs grub nas zhabs brtan phul ba mtshan bzang snang ba zhes pa/__ shrI mAM sad+gu rok+ShAd yo pad+ma sha ta kal+le Shu tiSh+Than+tu/_mtshan bzang snang ba rab 'bar 'jaXm dbyangaXs skuX/_/chos kun 'doms la 'jaXm dbyangaXs gsung ji bzhin/_/ye shes mchog brnyes 'jaXm dbyangaXs thugs la 'gran/_/rdo rje gsum bdag bla ma brtan bzhugs gsol/_/rgyal kun mkhyeXn brtseX'i chu gter che las 'khrungs/_/phul byung mkhyeXn brtseX'i cha shas rab rdzogs shing /_/mkhyeXn brtseX'i kun phan 'phro ba skal bzang gi__/ku mud gnyen gcig srid mthar brtan bzhugs gsol/_/gdul bya'i khams dang dbaXng poXr nyer 'tshams pa'i/_/chos tshul rgyal ba'i dbaXng poX'i dgongs pa bzhin/_/ston mdzad mkhas pa'i dbaXng poXr rab grags pa/_/thub bstan ring por 'tsho phyir brtan bzhugs gsol/_/sku dang ye shes dpal 'byor lhun gyis grub/_/bsam yas mkhyen brtse nus pa'i dpal yon can/_/srid zhi'i dpal kun skad cig gis stsol ba/_/yid bzhin 'khor lo'i ngo bor brtan bzhugs gsol/_/smon lam bzang pos mdo sngags bstan pa 'dzin/_/thugs bskyed dag pas 'gro ba'i phan bde spel/_/phrin las rgya mtshos skal ldan smin grol mdzad/_/mtsho skyes rdo rje'i ngo bor brtan bzhugs gsol/_/ka dag 'dus ma byas pa'i 'od gsal dang /_/lhun grub bde chen rang snang ma 'gag pa/_/zung 'jug sgyu 'phrul drwa ba kun bzang dang /_/bde ldan mgon po'i ngo bor brtan bzhugs gsol/_/srid par brtan bzhugs dbyangs kyi tam+bu ra/_/zol med dad pa'i sor rtses bskul ba'i dges/_/bla ma'i zhabs brtan rang rgyud grol ba sogs/_/smon tshad 'grub pa'i dge mtshan 'bar gyur cig__/ces rje btsun 'jam pa'i dbyangs mchog gi sprul sku'i rnam par rol pa gang gi zhabs brtan gsol 'debs tshigs su bcad pa rgyal srid rin po che'i grangs ldan 'di'ang /_skyabs mchog de nyid kyi zhabs 'bring ba sdom brtson tshul khrims rgya mtshos rten dang bcas te bskul ba'i ngor rgyal khams pa ngag dbang legs grub kyis 'phral du bris pa'o//___//_!_