JKW-KABUM-22-ZA-012-110

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 12, sde tshan 110, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

བར་སྐབས་ཀྱི་ཚིགས་སུ་བཅད་པ་ཤློ་ཀ་གཉིས། ངོ་མཚར་ཚིག་གི་གླུ་དབྱངས་སྙན་པོའི་ཁུ་བྱུག་དངོས་ཏེ་འདོད་པའི་ཕོ་ཉ་དེ་མ་ཡིན། །དོན་བཟང་སྤྲིན་གྱི་བཞད་ལྡན་མ་འདི་མདོངས་མཐའ་ཉིད་ཡིན་ལག་འགྲོའི་ཟས་ཅན་དེ་མ་ཡིན། །གྲུབ་གཉིས་བདུད་རྩིའི་བཀོ་བཤའ་འགྱེད་འདི་ཟླ་ཤེལ་དངོས་ཏེ་རྡུལ་གྱི་ཐིག་ལེ་དེ་མ་ཡིན། དེས་ཀྱང་སྐུ་བཞིའི་སྣང་བ་སྦྱིན་འདི་ཉིན་བྱེད་དངོས་ཡིན་ཚ་བའི་འོད་ཟེར་ཅན་དེ་མ་ལགས་སོ། །དེ་སླད་དབང་རྣོན་སྐལ་བཟང་ནི། །བཀའ་ཞིག་སྲིད་ན་བློ་གྲོས་ཀྱི། །བུང་བ་རྣམ་པར་གཡོ་བ་ཡིས། །དོན་བཟང་སྦྲང་རྩིའི་བཅུད་འཐུངས་ཤིག །ཅེས་པའང་བར་སྐབས་ཀྱི་ཆེད་དུ་བརྗོད་པའོ། །འདི་ཡན་རང་ལོ་བཅུ་ཕྲག་གཅིག་ལ་བརྒྱད་ཀྱིས་ལྷག་པར་སོན་པ་མེ་ཁམས་ཡན་ལག་དྲུག་པ་སྟེ་གསེར་འཕྱང་གི་ལོའི་དབོ་ཟླའི་དཀར་ཕྱོགས་ཀྱི་རྒྱལ་བ་དང་པོར་ཕྱོགས་གཅིག་ཏུ་བསྡེབས་པའོ། ། ༈

[edit]

bar skabs kyi tshigs su bcad pa sh+lo ka gnyis/__ ngo mtshar tshig gi glu dbyangs snyan po'i khu byug dngos te 'dod pa'i pho nya de ma yin/__/don bzang sprin gyi bzhad ldan ma 'di mdongs mtha' nyid yin lag 'gro'i zas can de ma yin/__/grub gnyis bdud rtsi'i bko bsha' 'gyed 'di zla shel dngos te rdul gyi thig le de ma yin/__des kyang sku bzhi'i snang ba sbyin 'di nyin byed dngos yin tsha ba'i 'od zer can de ma lags so/__/de slad dbang rnon skal bzang ni/__/bka' zhig srid na blo gros kyi/__/bung ba rnam par g.yo ba yis/__/don bzang sbrang rtsi'i bcud 'thungs shig__/ces pa'ang bar skabs kyi ched du brjod pa'o/__/'di yan rang lo bcu phrag gcig la brgyad kyis lhag par son pa me khams yan lag drug pa ste gser 'phyang gi lo'i dbo zla'i dkar phyogs kyi rgyal ba dang por phyogs gcig tu bsdebs pa'o/__/__!