JKW-KABUM-22-ZA-012-057

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 12, sde tshan 57, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

བསྐྱེད་རིམ་རྫོགས་པར་ཤར་བའི་རྡོ་རྗེའི་ཐོལ་གླུ་གྲུབ་པའི་རོལ་མོ། བསྐྱེད་རིམ་རྫོགས་པར་ཤར་བའི་རྡོ་རྗེའི་ཐོལ་གླུ་གྲུབ་པའི་རོལ་མོ་ཞེས་བྱ་བ། ཨ་ཧོ། ཨེ་དབྱིངས་རྡོ་རྗེ་གཞོན་ནུ་ཡེ་ཤེས་ཀྱི་ཀློང་ནས། །ཝཾ་ཡིག་འཁོར་ལོ་རྒྱས་འདེབས་དགའ་བ་ཡི་རང་གདངས། །གཉིས་མེད་སྒྱུ་འཕྲུལ་དྲྭ་བའི་འཁོར་ལོ་རུ་རོལ་པས། །དོན་དམ་རྣམ་དབྱེར་མེད་པའི་དངོས་གྲུབ་དེ་ཐོབ་བྱུང་། །རྡོ་རྗེ་ཕུང་པོ་རྩ་གནས་ཉེར་བཞི་ཡི་གྲོང་ཁྱེར། །ཡས་བབས་མས་བརྟན་དགའ་བའི་བདུད་རྩི་ཡིས་མཆོད་པས། །ཞུ་བདེ་མི་རྟོག་བདེ་སྟོང་དྲྭ་བ་ཡི་འཁོར་ལོ། །རླུང་རིག་སྣང་སེམས་ཟད་པའི་ཀློང་དུ་དེ་རྫོགས་བྱུང་། །གདོད་ནས་རྣམ་དག་ཡེ་ཤེས་ཆེན་པོ་ཡི་ངོ་བོ། །འགག་མེད་བྱ་གྲུབ་གང་ཤར་སྣང་སྟོང་གི་རང་བཞིན། །གང་འདུལ་ཐུགས་རྗེ་ཁམས་གསུམ་ཡོངས་སྒྲོལ་གྱི་ཕྲིན་ལས། །མཐའ་བརྒྱད་སྤྲོས་བྲལ་ཡེ་ཤེས་དྲྭ་བ་དེ་འགྲུབ་བྱུང་། །བསྐྱེད་རིམ་རྫོགས་པར་འཆར་བའི་ཉམས་ལེན་གྱི་གླུ་ཆུང་། །ཀུན་སྣང་ལྷ་ཡི་ཕྱག་རྒྱར་རྫོགས་པ་ཡི་ངང་ནས། །འགག་མེད་རྡོ་རྗེའི་རོལ་མོར་བསྒྱུར་བ་ཡི་དགེ་བས། །འགྲོ་རྣམས་དཔལ་ཆེན་གོ་འཕང་ཐོབ་པ་རུ་ཤོག་ཅིག ། ༈

[edit]

bskyed rim rdzogs par shar ba'i rdo rje'i thol glu grub pa'i rol mo/__ bskyed rim rdzogs par shar ba'i rdo rje'i thol glu grub pa'i rol mo zhes bya ba/__a ho/__e dbyings rdo rje gzhon nu ye shes kyi klong nas/__/waM yig 'khor lo rgyas 'debs dga' ba yi rang gdangs/__/gnyis med sgyu 'phrul drwa ba'i 'khor lo ru rol pas/__/don dam rnam dbyer med pa'i dngos grub de thob byung /__/rdo rje phung po rtsa gnas nyer bzhi yi grong khyer/__/yas babs mas brtan dga' ba'i bdud rtsi yis mchod pas/__/zhu bde mi rtog bde stong drwa ba yi 'khor lo/__/rlung rig snang sems zad pa'i klong du de rdzogs byung /__/gdod nas rnam dag ye shes chen po yi ngo bo/__/'gag med bya grub gang shar snang stong gi rang bzhin/__/gang 'dul thugs rje khams gsum yongs sgrol gyi phrin las/__/mtha' brgyad spros bral ye shes drwa ba de 'grub byung /__/bskyed rim rdzogs par 'char ba'i nyams len gyi glu chung /__/kun snang lha yi phyag rgyar rdzogs pa yi ngang nas/__/'gag med rdo rje'i rol mor bsgyur ba yi dge bas/__/'gro rnams dpal chen go 'phang thob pa ru shog cig__/_!_