JKW-KABUM-20-WA-001-048

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 1, sde tshan 48, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

གསང་བདག་དགྱེས་པའི་འབངས་རཏྣ་སྤུ་རིས་ལ་སྤྲིངས་པ། གསང་བདག་དགྱེས་པའི་འབངས་རཏྣ་སྤུ་རིས་ལ་སྤྲིངས་པའོ། །སུ་ཤྲཱེ་ཡནྟུ། ཉི་མས་པདྨ་གཞོན་ནུ་ཁ་ཕྱེ་ཞིང་། །པདྨའང་ཉིན་མོར་བྱེད་ལ་ཕྱོགས་པ་ལྟར། །ཕན་ཚུན་ཆོས་ཀྱི་བརྩེ་བས་རྗེས་དགོངས་ནས། །ལྷ་རྫས་ཤིང་བཅུད་ཟུང་བཅས་སྩལ་བ་སོན། །དེ་ཚེ་དབྱར་གྱི་འབྲུག་སྒྲ་དལ་བུ་ཡིས། །རྨ་བྱ་མྱོས་པའི་ཟློས་གར་རྩེ་བ་ལྟར། །སྔར་ནས་དགའ་བའི་ས་བོན་མ་ཉམས་པ། །སླར་ཡང་གཟུགས་ཅན་བཞིན་དུ་གསལ་བར་གྱུར། །འབྱུང་འགྱུར་གསང་བའི་བདག་པོ་མངོན་སུམ་པའི། །ཞལ་མཐོང་ཙམ་གྱིས་ཐར་པ་ཐོབ་ངེས་ན། །སྐུ་ཡི་རིམ་གྲོ་བགྱིས་པའི་བསོད་ནམས་མཐའ། །ཚངས་དང་ཕུར་བུའི་བློས་ཀྱང་གཞལ་དུ་ཅི། །དེ་སླད་སྔར་བཞིན་ཐུགས་ཀྱི་བཞེད་པ་དང་། །གསུང་གི་བསྒོ་བ་རྩེ་གཅིག་ལྷུར་ལེན་བཞིན། །བསྔགས་འོས་འཚོ་ཁམས་མ་ཉམས་དར་བ་ནས། །འདིར་ཡང་དགྱེས་པའི་འཛུམ་དཀར་ལྷུག་པར་སྟོན། །གང་ཤར་མང་དུ་གསོལ་བ་ལ། །རྟེན་གྱི་དངོས་པོ་རབ་ཕྲ་ཡང་། །ལྷག་བསམ་དཀར་པའི་ལྷ་རྫས་དང་། །རྣམ་བཀྲའི་རེག་བྱ་ཟུང་བཅས་དགེ། །སརྦ་དཱ་མངྒ་ལཾ།། །། ༈

[edit]

gsang bdag dgyes pa'i 'bangs rat+na spu ris la springs pa/ gsang bdag dgyes pa'i 'bangs rat+na spu ris la springs pa'o/___/su shrA+e yan+tu/___nyi mas pad+ma gzhon nu kha phye zhing /___/pad+ma'ang nyin mor byed la phyogs pa ltar/___/phan tshun chos kyi brtse bas rjes dgongs nas/___/lha rdzas shing bcud zung bcas stsal ba son/___/de tshe dbyar gyi 'brug sgra dal bu yis/___/rma bya myos pa'i zlos gar rtse ba ltar/___/sngar nas dga' ba'i sa bon ma nyams pa/___/slar yang gzugs can bzhin du gsal bar gyur/____/'byung 'gyur gsang ba'i bdag po mngon sum pa'i/___/zhal mthong tsam gyis thar pa thob nges na/___/sku yi rim gro bgyis pa'i bsod nams mtha'/___/tshangs dang phur bu'i blos kyang gzhal du ci/___/de slad sngar bzhin thugs kyi bzhed pa dang /___/gsung gi bsgo ba rtse gcig lhur len bzhin/___/bsngags 'os 'tsho khams ma nyams dar ba nas/___/'dir yang dgyes pa'i 'dzum dkar lhug par ston/___/gang shar mang du gsol ba la/___/rten gyi dngos po rab phra yang /___/lhag bsam dkar pa'i lha rdzas dang /___/rnam bkra'i reg bya zung bcas dge/___/sarba dA mang+ga laM//__//__!