JKW-KABUM-20-WA-001-037

🚧 This website is under continued development. We appreciate your patience!

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 1, sde tshan 37, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

ཞབས་དྲུང་རིན་པོ་ཆེར་ལེགས་འབུལ་གྱི་ཡི་གེ། ཞབས་དྲུང་རིན་པོ་ཆེར་ལེགས་འབུལ་གྱི་ཡི་གེ། ཕྱི་མོ་མཉམ་པའི་སྡེབ་སྦྱོར་ལས་ཛཱཏིའི་འཕགས་མ་ཞེས་བྱ་བའི་པྲསྟཱརས་མཛེས་པར་བྱས་པའོ། ། བྱམ༷ས་པའི༷་བདུད་རྩིས་འགྲོ་ཀུན༷་ལ། །ཕན་བདེའི་དག༷འ་སྟོན་མཆོག་སྦྱིན་པ། །འཇ༷མ་དཔ༷ལ་དབྱངས་དངོས་ས་གསུམ་ན། །གྲ༷གས་པ༷འི་རྒྱལ་མཚན་རྒྱལ་གྱུར་ཅིག །ཞེས་དགེ་ལེགས་སུ་བྱ་བའི་ཚིག་གི་མེ་ཏོག་སྔོན་དུ་གཏོར་ནས། གུས་པ་ཆེན་པོའི་ཕྱག་དང་བཅས་ཏེ་ཞུ་བ། རིགས་དང་དཀྱིལ་འཁོར་རྒྱ་མཚོའི་ཁྱབ་བདག །སྐུ་བཞི་ཡེ་ཤེས་ལྔའི་ངོ་བོ། ལྷར་བཅས་བསྟན་འགྲོ་ཡོངས་ཀྱི་དཔལ་མགོན། སྐྱབས་གཅིག་བཀའ་དྲིན་མཉམ་མེད་རྣམ་འདྲེན་རྡོ་རྗེ་འཆང་ཆེན་པོ་གང་ཉིད། སྐྱབས་འོག་ཐ་ཤལ་པ་ཁོ་བོ་ཅག་གིས་གཉུག་མར་བསྟི་བའི་ཁང་བུར་ཞབས་ཀྱི་པདྨོ་བཀོད་ནས། བཅོམ་ལྡན་འདས་འཆི་མེད་མགོན་པོའི་དཀྱིལ་འཁོར་དུ་དབང་བསྐུར་བས་མཚོན་འབྲེལ་ཚད་དོན་ལྡན་གྱི་མཛད་པ་མཁའ་ཁྱབ་ཏུ་སྤྲོས་པའི་བཀའ་དྲིན་ནི་བྱང་ཆུབ་སྙིང་པོའི་བར་དུ་གཞལ་བྱས་དབེན་ནའང་། རེ་ཞིག་ཡིད་སྤྲུལ་གྱི་མཎྜལ་རྒྱ་ཆེར་བཀོད་པའི་མཚོན་བྱེད་དངོས་བཤམས་མདུན་སྟོང་མིན་ཙམ་དུ། བཀྲ་ཤིས་པའི་ལྷ་གོས་སོགས། ། ༈

[edit]

zhabs drung rin po cher legs 'bul gyi yi ge/ zhabs drung rin po cher legs 'bul gyi yi ge/_phyi mo mnyam pa'i sdeb sbyor las dzAti'i 'phags ma zhes bya ba'i prastAras mdzes par byas pa'o/___/_byamaXs pa'iX bdud rtsis 'gro kunaX la/___/phan bde'i dgaX' ston mchog sbyin pa/___/'jaXm dpaXl dbyangs dngos sa gsum na/___/graXgs paX'i rgyal mtshan rgyal gyur cig__/zhes dge legs su bya ba'i tshig gi me tog sngon du gtor nas/___gus pa chen po'i phyag dang bcas te zhu ba/___rigs dang dkyil 'khor rgya mtsho'i khyab bdag__/sku bzhi ye shes lnga'i ngo bo/___lhar bcas bstan 'gro yongs kyi dpal mgon/___skyabs gcig bka' drin mnyam med rnam 'dren rdo rje 'chang chen po gang nyid/___skyabs 'og tha shal pa kho bo cag gis gnyug mar bsti ba'i khang bur zhabs kyi pad+mo bkod nas/___bcom ldan 'das 'chi med mgon po'i dkyil 'khor du dbang bskur bas mtshon 'brel tshad don ldan gyi mdzad pa mkha' khyab tu spros pa'i bka' drin ni byang chub snying po'i bar du gzhal byas dben na'ang /___re zhig yid sprul gyi maN+Dal rgya cher bkod pa'i mtshon byed dngos bshams mdun stong min tsam du/__bkra shis pa'i lha gos sogs/__/_!_