JKW-KABUM-21-ZHA-002-066

🚧 This website is under continued development. We appreciate your patience!

Previous Text Back to Volume PageLast text in section.

Wylie title
Location	mkhyen brtse'i bka' 'bum Volume 21, sde tshan 2, Text 66, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 21: . Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

66 305-308	ཡང་གླུད་རྫས་ནི། yang glud rdzas ni Ritual Substances - rdzas	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཡང་གླུད་རྫས་ནི། གླུད་རྫས་ནི། གླུད་ཀྱི་རྒྱུ་འབྲུ་སྣ་བདུན་ཞེས། ལྷའི་འབྲུ་ནས། ཀླུའི་འབྲུ་གྲོ། གཉན་གྱི་འབྲུ་སོ་བ། བདུད་ཀྱི་འབྲུ་བྲ་བོ། ཐེའུ་རང་གི་འབྲུ་སྲན་མ། ས་བདག་གི་འབྲུ་འབྲས། གནོད་སྦྱིན་གྱི་འབྲུ་ཏིལ་བཅས་ཀྱི་དར་ཕྱེ་ཞེས་རྗེན་ཕྱེ་ལས་བྱ། བྱེ་བྲག་གི་རྫས་ལ། ཟེར་མོའི་སྒྲོའམ་མཐིང་གི་སྐྲ། ཕྱག་ཚང་ཀུ་བའི་ཐོད་པ། མུ་ཏིག་གམ་ཤེལ་གྱི་ཀླད་པ། ལུང་ཏང་གི་མིག །གྲོ་གའམ། ཨ་འབྲས་སམ། དུང་གི་རྣ་བ། ཟངས་ཁབ་ཀྱི་སྣ། མགྲོན་བུའི་སོ། །བྱེ་རུའམ་དར་ལེ་བརྒན་གྱི་ལྕེ། བསེའམ་ཨ་རུ་རུའི་ཤ །མཚལ་ལམ་ལན་ཚྭའི་ཁྲག །མེ་ཤེལ་གྱི་དྲོད། དར་སྣ་ལྔའི་དབུགས། ཆུ་ཤེལ་ལམ་འཇའ་ཤེལ་གྱི་སེམས། དུང་གི་རུས་ལ། རྡོ་རྒྱུས་བྱ་བལ་མའམ། ཤིང་གསམ་པ་བྱ་བལ་མའི་རྒྱུས་པ། སྤུ་ཤེལ་རྩེའི་རྩ། གྲོ་གའམ་བྲམ་ཤིང་གི་ཤུན་པས་ལྤགས་པ། མུ་ལེ་བྲམ་ཤིང་དངོས་སམ། མ་རྙེད་ན་འབྲུག་ཤིང་དུ་གྲགས་པའི་ཤུན་པས་ཀྱང་ཚབ་རུང་། དབང་ལག་གི་ལག་པ། ཆུ་སྲིན་སྡེར་མོ་སྟེ་ནཱ་གིའི་སེན་མོ། སྙིང་ཞོ་ཤའི་སྙིང་། གློ་བ་ཞོ་ཤའི་གློ་བ། ཤ་འབྲས། མཆིན་པ་ཞོ་བ་མཁལ་བླུག་པོའམ་གླང་མིག་ཏུ་གྲགས་པའི་དམར་སྨུག་ལེབ་མོ་ཆེ་བ་དེའོ། །ཤའི་མཆིན་པ། མཚེར་པ་ཞོ་ཤའི་གླ་གོར་ཞོ་ཤའང་ཟེར། མཚེར་པ། མཁལ་ཞོ་དཀར་ནག་གི་མཁལ་མའམ། ཡང་རིན་པོ་ཆེ་སྣ་ལྔའམ། ཡང་ན་ཛཱ་ཏི། ཅུ་གང་། གུར་གུམ། ཀ་ཀོ་ལ། སུག་སྨེལ་རྣམས་ཀྱི་དོན་ལྔ། ཚ་བ་གསུམ་གྱི་སྣོད་དམ། ཡང་ན་བཟང་པོ་དྲུག་གི་སྣོད་ཅེས། ཕོ་བའི་བཟང་པོ་སེ་འབྲུ། རྒྱུ་མའི་བཟང་པོ་དུག་མོ་ཉུང་ངམ་རྒྱམ་ཚྭ། མཁྲིས་པའི་བཟང་པོ་དོམ་མཁྲིས། ལོང་གི་བཟང་པོ་པི་ལིང་། སྒང་པའི་བཟང་པོ་རྒྱ་ཚྭ། བསམ་སེའི་བཟང་པོ་ལུང་ཏང་ངམ་བ་སྤྲུའོ། །ཐལ་ཀ་རྡོ་རྗེའི་ཕོ་མཚན། ལག་པ་གཡས་པ་གསེར། གཡོན་པ་དངུལ་ལམ་གཡུ། རྐང་པ་གཡས་པ་ལྕགས། གཡོན་པ་ཟངས་ལས་བྱ་བར་བཤད། སྤྱིར་བཏང་དུ་མཐུན་རྫས། དར་སྣ། རས་སྣ། གོས་སྣ། ཟས་སྣ། སྤོས་སྣ། གསེར། དངུལ། ཟངས། ལྕགས། གཡུ། བྱེ་རུ། སྤོས་ཤེལ་སོགས་རིན་པོ་ཆེ། ལྷོ་རྫས་ཞེས་ཚོས། བཙོད། ཞུ་མཁན། སྦ་སྨྱུག་སོགས་ལྷོ་རོང་ནས་འབྱུང་བ། བྱང་རྫས། ཞེས་ལན་ཚྭ་དང་། བུལ་ཏོག་སོགས་བྱང་ཁའི་རྫས། ལ་རྫས་ཞེས་ལ་སྨན་རིགས་ཏེ། འབྲས་བུ་གསུམ་དང་། ཙནྡན་དཀར་དམར་འབྲས་སྣ་གསུམ་སོགས་བཟང་སྨན། གླུད་རྫས་ཞེས་གོང་དུ་སྨོས་པའི་འབྲུ་སྣ་བདུན་དང་། ཁྲེ། ཙི་ཙི། ཟར་མ། གཡེར་མ། ཉུང་མ། སྒོག་པ། རམ་པ་སོགས། ཁམ་བུ། སྟར་ག །ཀུ་ཤུ། རྒུན་འབྲུམ་སོགས་ཤིང་ཏོག་སྣ་ཚོགས། གཞན་ཡང་། དཀར་འོ་མ། ཞོ། མར། མཆན། གསུམ། མངར་ཀ་ར་བུ་རམ་སྦྲང་རྩི། གསུམ། དམར་གསུམ། ཤ་ཁྲག་རུས་པའོ། །ཇ་ཕུད། ཆང་ཕུད་སོགས་འདོད་ཡོན་ཅི་འབྱོར་བའོ། །དེའང་གླུད་ཕྲན་ཆུང་ངུ་སྤར་དུ་བཏབ་པ་སོགས་ལ་གོང་གི་རྫས་ཕལ་ཆེར་ཕྱོགས་གཅིག་ཏུ་བསྡུས་ནས་ཕྱེ་མ་ཞོ། མར། མཆན། བྱས་ཏེ་བསྲེ་བའི་ཕྱག་སྲོལ་ཡང་ཡོད་པར་སྣང་། དེ་ལྟར་ན་ཁྲོལ་བུའམ། ཕྱེ་མའམ། ཡང་ན་དཀར་མངར་སོགས་ཀྱིས་སྤོལ་བའི་ཕུར་མའམ། རིལ་བུར་བྱས་ཏེ། སྔགས་དྲུག་ཕྱག་དྲུག་གམ་ནམ་མཁའ་མཛོད་ཀྱི་སྔགས་རྒྱས་རྫས་རྣམས་འདོད་རྒུ་ཐམས་ཅད་འབྱུང་བའི་རང་བཞིན་དུ་བྱིན་གྱིས་བརླབས། བདག་གི་བསམ་པའི་སྟོབས་དང་ནི་སོགས་བདེན་སྟོབས་བརྗོད། ཡེདྷརྨཱས་བརྟན་པར་བྱ་ཞིང་། འབད་དང་རྩོལ་བས་མ་གོས་པའི་སོགས་ཤིས་པ་བརྗོད་པ་བཅས་བགྱིས་ན་སྐབས་སུ་བབས་པར་འགྱུར་ཞིང་། སྤར་བུ་ལྟ་བུའི་སྣོད་བཟང་པོར་ཚགས་ནས་དགོས་པའི་དུས་སུ་ངར་ཟན་སོགས་ལ་བསྲེ་བར་བྱའོ། །མངྒ་ལཾ།། །།

[edit]

yang glud rdzas ni/ glud rdzas ni/__glud kyi rgyu 'bru sna bdun zhes/__lha'i 'bru nas/__klu'i 'bru gro/__gnyan gyi 'bru so ba/__bdud kyi 'bru bra bo/__the'u rang gi 'bru sran ma/__sa bdag gi 'bru 'bras/__gnod sbyin gyi 'bru til bcas kyi dar phye zhes rjen phye las bya/__bye brag gi rdzas la/__zer mo'i sgro'am mthing gi skra/__phyag tshang ku ba'i thod pa/__mu tig gam shel gyi klad pa/__lung tang gi mig__/gro ga'am/__a 'bras sam/__dung gi rna ba/__zangs khab kyi sna/__mgron bu'i so/__/bye ru'am dar le brgan gyi lce/__bse'am a ru ru'i sha__/mtshal lam lan tshwa'i khrag__/me shel gyi drod/__dar sna lnga'i dbugs/__chu shel lam 'ja' shel gyi sems/__dung gi rus la/__rdo rgyus bya bal ma'am/__shing gsam pa bya bal ma'i rgyus pa/__spu shel rtse'i rtsa/__gro ga'am bram shing gi shun pas lpags pa/__mu le bram shing dngos sam/__ma rnyed na 'brug shing du grags pa'i shun pas kyang tshab rung /__dbang lag gi lag pa/__chu srin sder mo ste nA gi'i sen mo/__snying zho sha'i snying /__glo ba zho sha'i glo ba/__sha 'bras/__mchin pa zho ba mkhal blug po'am glang mig tu grags pa'i dmar smug leb mo che ba de'o/__/sha'i mchin pa/__mtsher pa zho sha'i gla gor zho sha'ang zer/__mtsher pa/__mkhal zho dkar nag gi mkhal ma'am/__yang rin po che sna lnga'am/__yang na dzA ti/__cu gang /__gur gum/__ka ko la/__sug smel rnams kyi don lnga/__tsha ba gsum gyi snod dam/__yang na bzang po drug gi snod ces/__pho ba'i bzang po se 'bru/__rgyu ma'i bzang po dug mo nyung ngam rgyam tshwa/__mkhris pa'i bzang po dom mkhris/__long gi bzang po pi ling /__sgang pa'i bzang po rgya tshwa/__bsam se'i bzang po lung tang ngam ba spru'o/__/thal ka rdo rje'i pho mtshan/__lag pa g.yas pa gser/__g.yon pa dngul lam g.yu/__rkang pa g.yas pa lcags/__g.yon pa zangs las bya bar bshad/__spyir btang du mthun rdzas/__dar sna/__ras sna/__gos sna/__zas sna/__spos sna/__gser/__dngul/__zangs/__lcags/__g.yu/__bye ru/__spos shel sogs rin po che/__lho rdzas zhes tshos/__btsod/__zhu mkhan/__sba smyug sogs lho rong nas 'byung ba/__byang rdzas/__zhes lan tshwa dang /__bul tog sogs byang kha'i rdzas/__la rdzas zhes la sman rigs te/__'bras bu gsum dang /__tsan+dan dkar dmar 'bras sna gsum sogs bzang sman/__glud rdzas zhes gong du smos pa'i 'bru sna bdun dang /__khre/__tsi tsi/__zar ma/__g.yer ma/__nyung ma/__sgog pa/__ram pa sogs/__kham bu/__star ga__/ku shu/__rgun 'brum sogs shing tog sna tshogs/__gzhan yang /__dkar 'o ma/_zho/__mar/__mchan/_gsum/__mngar ka ra bu ram sbrang rtsi/__gsum/__dmar gsum/__sha khrag rus pa'o/__/ja phud/__chang phud sogs 'dod yon ci 'byor ba'o/__/de'ang glud phran chung ngu spar du btab pa sogs la gong gi rdzas phal cher phyogs gcig tu bsdus nas phye ma zho/__mar/__mchan/__byas te bsre ba'i phyag srol yang yod par snang /__de ltar na khrol bu'am/__phye ma'am/__yang na dkar mngar sogs kyis spol ba'i phur ma'am/__ril bur byas te/__sngags drug phyag drug gam nam mkha' mdzod kyi sngags rgyas rdzas rnams 'dod rgu thams cad 'byung ba'i rang bzhin du byin gyis brlabs/__bdag gi bsam pa'i stobs dang ni sogs bden stobs brjod/__yed+harmAs brtan par bya zhing /__'bad dang rtsol bas ma gos pa'i sogs shis pa brjod pa bcas bgyis na skabs su babs par 'gyur zhing /__spar bu lta bu'i snod bzang por tshags nas dgos pa'i dus su ngar zan sogs la bsre bar bya'o/__/mang+ga laM//__//