JKW-KABUM-21-ZHA-002-004

🚧 This website is under continued development. We appreciate your patience!

Previous Section Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 2, sde tshan 4, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

ཀུན་རིག་སྒྲུབ་མཆོད་རྡུལ་ཚོན་ལ་བརྟེན་པའི་སྤྲོས་བཅས་སྐབས་སུ་ཡོ་བྱད་ཇི་ལྟར་དགོས་པའི་ཐོ་རགས་རིམ། ཀུན་རིག་སྒྲུབ་མཆོད་རྡུལ་ཚོན་ལ་བརྟེན་པའི་སྤྲོས་བཅས་སྐབས་སུ་ཡོ་བྱད་ཇི་ལྟར་དགོས་པའི་ཐོ་རགས་རིམ་བཞུགས་སོ། །ཨོཾ་སྭསྟི་སིདྡྷཾ། ངོར་ལུགས་ཀུན་རིག་རྡུལ་ཚོན་ལ་བརྟེན་པའི་སྒྲུབ་མཆོད་རྒྱས་པའི་སྐབས། ཐོག་མར་དཀྱིལ་འཁོར་འབྲི་བའི་གཞི་ས་སྟེགས་ཤར་ནུབ་བར་ཁྲུ་དྲུག་ཡོད་པའི་ཟླུམ་སྐོར། དེའི་ཕྱིར་ཤིང་གི་སྒབ་སྐོར་རྩ་བ་མཐོ་རེ་ལས་མི་ཆུང་བ། དཔངས་མཐོ་མཁྱིད་དོ། །རྩེའི་ཁ་རྒྱ་སོར་ལྔ་དྲུག་གང་བདེ་རྒྱབ་རྩ་རྩེའི་བར་བགས་ཀྱིས་གཞོལ་བ་ལ་མེ་རི་པ་ཏྲ་བརྐོ། ནང་དུ་དྲང་ཐ་ལེར་སོང་བ་ལ་ཕྱོགས་མཚམས་བརྒྱད་དུ་སྒེག་སོགས་བརྒྱད། དེ་དག་གི་བར་དུ་ཁྱད་པར་གྱི་མཆོད་པ་ཉེར་བཞི་ཚང་མ། རྒྱལ་སྲིད་བདུན། འདོད་ཡོན་ལྔ་བཅས་རབ་བརྐོས་ལ། དེ་མིན་སྐྱོ་འབུར་བཅས་བྲིས་པ། སྟེང་དུ་ཕྱོགས་བཞིར་རྒྱལ་མཚན་ཕྱར་ཁྲུའམ་བསྐུམ་ཁྲུ་གང་། མཚམས་བཞིར་བ་དན་རྩེ་གསུམ་པ་དེ་མཚུངས། རྒྱལ་མཚན་གྱི་ཡུ་བ་དངོས་གཞི་ལས་མཐོ་ཕྱེད་དོ་ཙམ་རིང་བ་དང་། བ་དན་གྱི་ཡུ་བ་ཟངས་ཀྱིས་བརྡུངས་པའི་རྔ་ཡོག་ལྟ་བུ་དེ་མཚུངས། སྟེང་གི་བར་སྣང་མཐོ་དམའ་མཚམས་བར་ཀ་བ་ལ་བཞི་སྐོར་གྱི་ཐག་པ་དང་། དེ་ལ་རྒྱ་གྲམ་བྲན་པའི་དབུས་སུ་གདུགས་དཀར་པོ་ཆེ་ཆུང་དཀྱིལ་འཁོར་དང་འཚམས་པ་ཏོག་བཅས། ཕྱོགས་བཞིའི་ཐག་པ་ལ་ལྡ་ལྡི་དབྱིབས་མིག་རས་དྲུབ་པ་ལྟ་བུ་ཞིང་མཐོ་གང་ཙམ་ཕྱོགས་ཤར་སྔོ། ལྷོ་སེར། ནུབ་དམར། བྱང་ལྗང་། ཕྱོགས་རེར་ཧ་ལམ་འདོམ་གསུམ་རེ་ཙམ། དེ་ལ་ཕྱོགས་བཞིར་རྔ་ཡབ་ཤར་དཀར་མཇུག་ཏུ་འདབ་བརྒྱད་རྩེར་ནོར་བུས་མཚན་པ་ལ་ཨ་ལོང་ཅན་བཏགས་པ་གཉིས། དེ་བཞིན་ཕྱོགས་མདོག་གཉིས་རེ། གདུགས་ཀྱི་སྟེང་གི་ཐད་གནམ་རྒྱན་ངོས་ལ་བླ་རེ་ལེགས་པ་གཅིག །མཆོད་པའི་བུམ་པ་གྲ་འགྲིགས་དཔངས་སོར་བཅུ་གཉིས་ཀྱིས་མཚོན་གང་འོས་དང་། ཞབས་ར་ཅུང་ཆེ་ཞིང་བརྟན་པ། ཁར་བཀྲ་ཤིས་རྫས་རྟགས་སྤེལ་མ་བརྒྱད་བུམ་གོས་ཕྱོགས་མདོག །ཁ་རྒྱན་ཀུ་ཤ་ཧྲིལ་བུ་ཟངས་སྦུབས་སྟོད་གསེར་སྐུད་ཀྱིས་དཀྲིས་པ་ཅུང་སྦོམ་ཞད་བུམ་པའི་ཁ་དང་ཧ་ལམ་འགྲིགས་པ། བུམ་གདན། ༨ བདུན་ཚར་དཔེ་ལྟར་ཞབས་ར་ཆ་གཅིག །དངོས་གཞི་ཆ་གཉིས་ཀྱི་ཁར་འབུ་དཀྲིས་ཀྱིས་བརྒྱན་པ། དངོས་གཞིར་པདྨ་འདབ་བརྒྱད་ཕྱི་ནས་འབུར་ཞིང་ནང་ནས་ཀྱོང་བ། ཐིལ་ཅུང་ཟད་མ་ཐོབ་ལ་ནོར་བུ་དགའ་འཁྱིལ་གྱིས་མཚན་པ་དཀར་ཡོལ་དག་བན་འབྲིང་ཚད་ཙམ་པ། སྤྱི་མཆོད་གཅིག །སྒོས་མཆོད་ཞེ་དྲུག་བཅས་ཁྱོན་སྤོས་གཏའ། ༤༧ མར་མེ། ༤༧ ཞལ་ཟས་སྣོད་ཤོང་ན་པད་ཀ ༤༧ །མར་མེ་ཆེ་ཆུང་མཚན་ཐུབ་ཙམ་ཡུ་བ་པད་འདབ་ཅན་སྔར་གྱི་བཟོ་རྒྱུན་ལྟར། ཆ་གསུམ་ལ་གཏོར་སྣོད་ཐེབས་ཆེ་བ་ལྔ་ཚར། བདུན་ཚར་གཅིག །རྐང་བཞི་འབོར་ནར་མོ་གཅིག །སློབ་དཔོན་གྱི་མདུན་དུ་རྣམ་བུམ་ཆེ་བ་གཅིག །ཆུང་བ་གྲ་འགྲིག་བཞི། དེ་ལ་བུམ་མཚན་འཁོར་ལོ། རྡོ་རྗེ། རིན་ཆེན། པདྨ། སྣ་ཚོགས་རྡོ་རྗེ། བུམ་གོས་མདོག་ཅི་མཛེས། པྲོག་ཁ་དོག་ལྔ་གོས་ཆེན་རྒྱུ་བཟང་སྲབ་མོའམ། གོས་ལིང་རྒྱུ་བཟང་ལྟ་བུ་ལས་མིག་རས་ལྟར་དྲུབ་པ་ཞིང་སོར་དོ་ཙམ། རིང་ཐུང་འདམ་གང་ཙམ། སོ་སོར་ཁ་རྒྱན་དབུས་མ་སྤྱི་ཁྱབ་དང་། ཕྱོགས་བཞི་ཧྲིལ་བུ། དུང་ཆོས་གཅིག །གཟུངས་རྡོར་གཅིག །པད་གདན་ལྔ། དེའི་སྟེགས་གཅིག ། ༈ ཚོགས་པའི་གྲངས་མཉམ་རིགས་ལྔ། དར་དཔྱངས། རྩ་ཆིངས། པང་ཁེབ་བཅས་འགྲིགས་ན་ལེགས། ། ༈ སྦྱིན་སྲེག་ལ། དབུ་རྒྱན་ནོར་༡བུའི་རྩེ་བྲན་དཔེ་ལྟར་ཁ་དོག་དཀར། སེར་དམར་སྔོ་སོ་སོར་དབུས་ཀྱི་མཚན་མ་འཁོར་ལོ། རིན་ཆེན། པདྨ། རྡོ་རྗེ་རྭ་གདེངས་ཀྱིས་མཚན་པ། ཐོར་ཚུགས་རྩེ་མོར་ལས་བཞིའམ་ནོར་བུའི་ཏོག་གིས་མཚན་པ། དབུ་རྒྱན་གྱི་འོག་ཏུ་རིགས་སོ་སོའི་རྩ་ཆིངས་འཁོར་ལོ་ལ་སོགས་ཀྱིས་མཚན་པའི་གཡས་གཡོན་འཕན་ཐུང་། གར་གོས་དཀར། སེར། དམར། སྔོ། སྟོད་གཡོགས་དང་། སྨད་གཡོགས་ཀྱང་ཁ་དོག་དེ་མཚུངས། སྒོ་ཁང་སོགས་གང་བདེར་ལས་བཞིའི་ཐབ་སྟེགས་ཁྲུ་དོ་རེ་ལས་མི་ཆུང་བ་བཞི། དགང་གཟར་བླུགས་དཀར། དངུལ། སེར། ཚ་གསེར། དམར། ཟངས། ནག་བཞི། ལྕགས། བསྲེག་རྫས་སྣོད་པད་ཀ་ཆེ་བ་ཁ་རྒྱ་མཐོ་ཆུང་བཞི་ལྔ་ཙམ་ཡོད་པ་ལས་བཞིའི་མདོག་ཅན་བཞི། དེ་ལས་ཆུང་བ་པད་ཀ་མཐོ་ཆུང་བའི་ཕྱེད་གསུམ་ཙམ་གསུམ། བདུན་ཚར་ཆ་བཞི། བསྲེག་རྫས་ཀྱི་གཞི་ཁེབས་ལས་མདོག་བརྒྱད་སོ་སོའི་སྟེགས་བཅས། སློབ་དཔོན་བཞུགས་གདན་ལས་མདོག་བཞི་དང་། དེའང་རྒྱས་པ་ལ་ཁྲིའུ་ཤིང་། མེ་ཡོལ་རྡོ་ལ་གངས་རིའི་གཟུགས་བརྐོས་པ། ཝྃ། གྱིས་མཚན་པ་བཞི། བསང་ཆུ་སྣོད་དུང་ཕོར་དངོས་འབྱོར་ན་དང་། དེ་མིན་འཁར་བ་ལས་བླུགས་པ་བཞི། བསྲེག་རྫས་བཤམ་སྣོད་རྒྱ་འབོ་ཆེ་བ་བཞི། མར་ཁུ་སྣོད་ཟངས་སྐྱོགས་ཆེ་བ་བཞི། ཡམས་ཤིང་བསྐྱལ་སྣོད་རྒྱ་འབོ་ཆུང་བ་བཞི། མར་ཁུ་ཁུར་སྣོད་སྐྱོགས་ཆུང་བཞི། རྫས་ལྡེར་བཞི། ས་བཀྲའི་སྤར་གཞི་དཔེའུ་རིས་ལྟར། གཞི་བདག་གཏོར་མའི་སྣོད་ཐེབ་བཞི། ཚོམ་བུ་སྤྱན་འདྲེན་མེ་ཏོག་པད་ཕོར་བཞི། དེ་བཙུགས་མཉྫི་བཞི། སྟེགས་ཁེབས་བཞི། སྤོས་ཕོར་ཆ། སྤོས་དབྱུག་ཆ། གདུགས་གཅིག །རྒྱལ་མཚན་ཆ། བ་དན་ཆ། སྤོས་ཁུག་ཆ། རྡུལ་ཚོན་ཆུར་གཤེགས་ལ། གླང་པོ་ཆེ་ལ་རྡུལ་ཚོན་སྣོད་གོས་ཆེན་གལ་ཏ་བསྐལ་བ། ། ༈ སིལ་སྙན་གཅིག །རྔ་ཁང་ཅན་གཅིག །དུང་དཀར་ཆ་བཅས་སོ། ། ༈

[edit]

kun rig sgrub mchod rdul tshon la brten pa'i spros bcas skabs su yo byad ji ltar dgos pa'i tho rags rim/ _kun rig sgrub mchod rdul tshon la brten pa'i spros bcas skabs su yo byad ji ltar dgos pa'i tho rags rim bzhugs so/__/oM swasti sid+d+haM/__ngor lugs kun rig rdul tshon la brten pa'i sgrub mchod rgyas pa'i skabs/__thog mar dkyil 'khor 'bri ba'i gzhi sa stegs shar nub bar khru drug yod pa'i zlum skor/__de'i phyir shing gi sgab skor rtsa ba mtho re las mi chung ba/__dpangs mtho mkhyid do/__/rtse'i kha rgya sor lnga drug gang bde rgyab rtsa rtse'i bar bags kyis gzhol ba la me ri pa tra brko/__nang du drang tha ler song ba la phyogs mtshams brgyad du sgeg sogs brgyad/__de dag gi bar du khyad par gyi mchod pa nyer bzhi tshang ma/__rgyal srid bdun/__'dod yon lnga bcas rab brkos la/__de min skyo 'bur bcas bris pa/__steng du phyogs bzhir rgyal mtshan phyar khru'am bskum khru gang /__mtshams bzhir ba dan rtse gsum pa de mtshungs/__rgyal mtshan gyi yu ba dngos gzhi las mtho phyed do tsam ring ba dang /__ba dan gyi yu ba zangs kyis brdungs pa'i rnga yog lta bu de mtshungs/__steng gi bar snang mtho dma' mtshams bar ka ba la bzhi skor gyi thag pa dang /__de la rgya gram bran pa'i dbus su gdugs dkar po che chung dkyil 'khor dang 'tshams pa tog bcas/__phyogs bzhi'i thag pa la lda ldi dbyibs mig ras drub pa lta bu zhing mtho gang tsam phyogs shar sngo/__lho ser/__nub dmar/__byang ljang /__phyogs rer ha lam 'dom gsum re tsam/__de la phyogs bzhir rnga yab shar dkar mjug tu 'dab brgyad rtser nor bus mtshan pa la a long can btags pa gnyis/__de bzhin phyogs mdog gnyis re/__gdugs kyi steng gi thad gnam rgyan ngos la bla re legs pa gcig__/mchod pa'i bum pa gra 'grigs dpangs sor bcu gnyis kyis mtshon gang 'os dang /__zhabs ra cung che zhing brtan pa/__khar bkra shis rdzas rtags spel ma brgyad bum gos phyogs mdog__/kha rgyan ku sha hril bu zangs sbubs stod gser skud kyis dkris pa cung sbom zhad bum pa'i kha dang ha lam 'grigs pa/__bum gdan/__8_bdun tshar dpe ltar zhabs ra cha gcig__/dngos gzhi cha gnyis kyi khar 'bu dkris kyis brgyan pa/__dngos gzhir pad+ma 'dab brgyad phyi nas 'bur zhing nang nas kyong ba/__thil cung zad ma thob la nor bu dga' 'khyil gyis mtshan pa dkar yol dag ban 'bring tshad tsam pa/__spyi mchod gcig__/sgos mchod zhe drug bcas khyon spos gta'/__47_mar me/__47__zhal zas snod shong na pad ka__47__/mar me che chung mtshan thub tsam yu ba pad 'dab can sngar gyi bzo rgyun ltar/__cha gsum la gtor snod thebs che ba lnga tshar/__bdun tshar gcig__/rkang bzhi 'bor nar mo gcig__/slob dpon gyi mdun du rnam bum che ba gcig__/chung ba gra 'grig bzhi/__de la bum mtshan 'khor lo/__rdo rje/__rin chen/__pad+ma/__sna tshogs rdo rje/__bum gos mdog ci mdzes/__prog kha dog lnga gos chen rgyu bzang srab mo'am/__gos ling rgyu bzang lta bu las mig ras ltar drub pa zhing sor do tsam/__ring thung 'dam gang tsam/__so sor kha rgyan dbus ma spyi khyab dang /__phyogs bzhi hril bu/__dung chos gcig__/gzungs rdor gcig__/pad gdan lnga/__de'i stegs gcig_/__!_tshogs pa'i grangs mnyam rigs lnga/__dar dpyangs/__rtsa chings/__pang kheb bcas 'grigs na legs/___/___!_sbyin sreg la/__dbu rgyan nor 1bu'i rtse bran dpe ltar kha dog dkar/__ser dmar sngo so sor dbus kyi mtshan ma 'khor lo/__rin chen/__pad+ma/__rdo rje rwa gdengs kyis mtshan pa/__thor tshugs rtse mor las bzhi'am nor bu'i tog gis mtshan pa/__dbu rgyan gyi 'og tu rigs so so'i rtsa chings 'khor lo la sogs kyis mtshan pa'i g.yas g.yon 'phan thung /__gar gos dkar/___ser/__dmar/__sngo/__stod g.yogs dang /__smad g.yogs kyang kha dog de mtshungs/__sgo khang sogs gang bder las bzhi'i thab stegs khru do re las mi chung ba bzhi/__dgang gzar blugs dkar/__dngul/__ser/__tsha gser/__dmar/__zangs/__nag bzhi/__lcags/__bsreg rdzas snod pad ka che ba kha rgya mtho chung bzhi lnga tsam yod pa las bzhi'i mdog can bzhi/__de las chung ba pad ka mtho chung ba'i phyed gsum tsam gsum/__bdun tshar cha bzhi/__bsreg rdzas kyi gzhi khebs las mdog brgyad so so'i stegs bcas/__slob dpon bzhugs gdan las mdog bzhi dang /__de'ang rgyas pa la khri'u shing /__me yol rdo la gangs ri'i gzugs brkos pa/__wa~M/__gyis mtshan pa bzhi/__bsang chu snod dung phor dngos 'byor na dang /__de min 'khar ba las blugs pa bzhi/__bsreg rdzas bsham snod rgya 'bo che ba bzhi/__mar khu snod zangs skyogs che ba bzhi/__yams shing bskyal snod rgya 'bo chung ba bzhi/__mar khu khur snod skyogs chung bzhi/__rdzas lder bzhi/__sa bkra'i spar gzhi dpe'u ris ltar/__gzhi bdag gtor ma'i snod theb bzhi/__tshom bu spyan 'dren me tog pad phor bzhi/__de btsugs many+dzi bzhi/__stegs khebs bzhi/__spos phor cha/__spos dbyug cha/__gdugs gcig__/rgyal mtshan cha/__ba dan cha/__spos khug cha/__rdul tshon chur gshegs la/__glang po che la rdul tshon snod gos chen gal ta bskal ba/___/___!_sil snyan gcig__/rnga khang can gcig__/dung dkar cha bcas so/___/___!