JKW-KABUM-23-'A-003-015-wylie
<div class="wylie-content"
yang zhal gdams dal 'byor rnyed dka' sogs/ rje btsun bla ma'i zhabs la phyag 'tshal lo/__/dal 'byor rnyed dka' nam 'chi nges pa med/__/las kyi 'bras bu nam yang mi bslu zhing /__/'khor ba gar skyes sdug bsngal rang bzhin phyir/__/nges 'byung drag pos srid las 'da' bar mdzod/__/rang nyid gcig pur 'khor ba las thar yang /__/nyan rang dman pa'i lam las ma 'das pas/__/ma gyur 'gro la byams dang snying rje dang /__/smon 'jug byang chub sems gnyis rtag tu bskyed/__/gzung ba'i yul kun rmi lam sgyu ma 'dra/__/'dzin pa'i sems kyang stong gsal 'dus ma byas/__/spros med ngang nas snang grag rtog tshogs kun/__/lha sngags chos nyid gnyug mar lam khyer 'tshal/__/zhes bya bral ba 'jam dbyangs mkhyen brtse'i dbang pos gdams pa don dang ldan par gyur cig/___//__!_
