JKW-KABUM-19-DZA-001-032-wylie
<div class="wylie-content"
gser smad shug sgang rig 'dzin chen por grags pa ni/_ @#/_/gser smad shug sgang rig 'dzin chen por grags pa ni/__rig 'dzin kun bzang shes rab kyi thugs sras bu chen bzhi'i ya gyal rong ston lhun grub rgya mtshos gdan sa shug sgang bla brang btab/__de'i sprul sku bla ma shAkya rgyal mtshan/__de'i sprul sku gnubs sangs rgyas ye shes kyi rnam 'phrul du lung gis zin pa'i rig 'dzin pad+ma 'dus pa rtsal zhes pa snyi khog gzhung gi sa'i char rab yid lcags rta lor 'khrungs/__rigs sad pa'i yon tan rmad du byung /__dpal yul mchog sprul rin po che karma 'gyur med sogs las zab rgyas kyi gdams pa gsan cing thugs nyams su bzhes/__nyams rtogs kyi klong brdol/__dag pa'i snang ba mtha' yas pa shar/__dngos dang dag snang gi zab gter 'dod rgu'i gter mdzod ces yang zab gu ru pad+ma rgyal po'i bsnyen sgrub phrin las rgyas pa pusti gcig gis mtshon gter gzhung chog sgrigs bka' 'bum bcas pusti bcu drug yod/__'di'i nang nas pad+ma rgyal po'i sgrub chen tshes bcu dang 'brel ba/__thugs rje chen po'i sgrub chen sogs gdan sa der dar rgyas su yod pas mtshon/__dbang lung khrid gsum gyi brgyud 'dzin thugs sras gtso bo gsum/__'gro don sgo 'byed lnga/__dkyil 'khor 'dzin pa brgyad sogs su bgrangs pa rmad du byung bas da lta'ang cung zad dar bas phyis kyi gter ston zhig la phrin las che bar mngon/__gang ltar yang rje de nyid rten bslab gtsang /__mkhas grub kyi rnam thar thams cad kyis bsngags 'os sku tshe dang sgrub pa mnyam par byung/__mthar dgung grangs re gsum pa chu sprel hor zla lnga pa'i tshes gcig la nam mkha' sum sprugs kyi sbyor bas sgra 'od zer gsum sogs ngo mtshar ba'i rtags dang bcas te gshegs/__rjes gser gdung sogs/__/rten bzhengs dgongs rdzogs rgya cher bsgrubs/__de'i skye srid sba nag phyogs su brag dkar sprel rdzong dang nye ba'i gser thang zhes par chu bya lor 'khrungs pa pad+ma mdo sngags byang chub gling pa'am mi 'gyur rdo rje ste/__lcags 'brug lor rang gnas khrir mnga' gsol ba da lta bgrang bya bco brgyad du son pa ste/__'di la'ang dag snang dgongs gter mang du 'bebs rgyu yod par grags shing spyir sprul pa bcu gsum par 'gro don rgyas par lung bstan/__ma 'ongs pa na nub phyogs pad+ma'i snying pos brgyan pa'i zhing khams su rdzogs pa'i sangs rgyas dge ba'i stobs 'phel zhes bya bar 'tshang rgya bar gsungs so/__/rnam thar snying po tsam 'di ni gsan yig mthong ba don ldan zhes pa las byung ba ltar btus pa yin zhing /__cung zad rgyas pa rje rang nyid kyi rnam thar dang /__gzigs snang skor zhal gsung ma yod do//____//_!_
