JKW-KABUM-14-PHA-027-wylie
<div class="wylie-content"
dga' rab snying thig gi rdor sems brgyud 'debs/
- /_/dga' rab rdo rje'i snying tig las/__yi dam zhi ba rdo rje sems dpa'i brgyud 'debs bde chen sprin phung zhes bya ba bzhugs so/__/
rigs kun khyab bdag ston pa kun tu bzang /__/longs spyod rdzogs sku rigs lnga gang chen mtsho/__/sprul pa'i gar mdzad dga' rab rdo rje la/__/gsol ba 'debs so mchog thun dngos grub stsol/__/rtsa gsum kun 'dus pad+ma saM b+ha wa/__/ye shes mkha' 'gro'i gtso mo mtsho rgyal yum/__/'jig rten mig gcig bai ro tsa na la/__/gsol ba 'debs so mchog thun dngos grub stsol/__/'jam dpal rdo rje khri srong yab sras zhabs/__/zab gter mdzod 'dzin mchog gyur bde chen gling /__/bka' drin mnyam med rtsa brgyud bla ma la/__/gsol ba 'debs so mchog thun dngos grub stsol/__/stong nyid dbyings las ye shes rang shar ba/__/dkyil 'khor gtso mchog dpal ldan rdo rje sems/__/rigs drug zhi khro 'dus pa'i lha tshogs la/__/gsol ba 'debs so mchog thun dngos grub stsol/__/snod bcud yongs rdzogs rdo rje dbyings kyi lha/__/snang grags rtog tshogs sku dang ye shes sprin/__/bsam yas sgyu 'phrul dra ba'i 'khor lo la/__/gsol ba 'debs so mchog thun dngos grub stsol/__/de ltar gsol ba btab pa'i byin rlabs kyis/__/dad dang nges 'byung byang chub sems gnyis 'byongs/__/smin byed dbang thob dam tshig rnam par dag__/bla ma'i byin rlabs snying la 'jug par shog__/bskyed pa'i rim pas gzhi lus lha skur dag__/thabs lam zab mos rlung sems dbu mar rdzogs/__/'bras bu rnam grol ye shes rdzogs pa che'i/__/go 'phang tshe 'dir smin par byin gyis rlobs/__/zhes pa'ang mtsho skyes bla ma dgyes pa'i 'bangs pad+ma 'od gsal mdo sngags gling pa'i sdes gsol ba btab pa'i yi ge pa ni sde snod 'dzin pa lung rtogs bstan pa'i nyi mas bgyis pa dge legs su gyur cig/__//
