JKW-KABUM-12-NA-002-001-wylie

🚧 This website is under continued development. We appreciate your patience!

<div class="wylie-content"

grub chen sangs rgyas mgon po nas brgyud pa'i bo dong lugs zab gsang seng gdong snyan brgyud kyi sgrub thabs las tshogs dang bcas pa'i man ngag gi yi ge gces btus rin chen bum bzang /__ @#/__/zab gsang seng gdong snyan brgyud kyi lo rgyus sgrub thabs las tshogs dang bcas pa'i man ngag gi yi ge gces btus rin chen bum bzang zhes bya ba bzhugs so/__/grub chen sangs rgyas mgon po nas brgyud pa'i bo dong lugs/_ 'di nang rje bla ma'i gsung dngos mi bzhugs kyang snying po'i bka' bsdu mdzad pa dang gsal byed kyi yig cha gsar mdzad rnams kha ma phral na 'chad nyan sogs bde ba'i dbang du byas so/__/mchan/_na mo gu ru DA ki siM ha mu khI yi sarba sha trUn big+h+nAM mA ra ya phaT/__byad ma 'bum rdug gi 'khor lo chen mo/__theg pa chen po las thams cad grub pa zhes bya ba'i mdo/__ye shes kyi mkha' 'gro ma seng ge'i gdong pa can ma'i lha tshogs rnams la phyag 'tshal lo/__/gang phyir rnam rtog g.yo med legs grub rgya mtsho'i dpal 'bar ma gdod nas rang byung ye shes rgyas pa'i dpal gyi 'od/__/dngos grub kun gyi 'byung gnas dpal ldan mkha' 'gro kun gyi srog__/gangs can khrod kyi bstan pa'i dpal du shar ba e ma ho/__/de la 'dir mkha' 'gro ma seng ge'i gdong can ma'i sgrub thabs las tshogs dang bcas pa 'di/__spyir rgyud drwa ba sdom pa'i rgyud nas byung bar snang zhing /__gdams ngag rgya mtsho 'dus pa 'di la/__lo rgyus dang /__las tshogs gnyis las/__/dang po ni/__'bring mtshams kyi lo tsA ba chen po ba ri ba zhes bya bas/__rgya gar skad du mdo sngags kyi gsan sbyong skad 'gyur slob tu byon pa'i dus su/__bal yul du phyir phebs nas/__bal po spyi ther ba la gtugs shing gsan sbyong smar bar yod pa'i dus/__mu stegs kyi ston pa skal ldan rgyal po zhes bya ba dang khong gnyis rtsod cing bgro gleng mdzad pas nyi ma 'ga'i bar du skal ldan rgyal po rgyal zhing lo tsA ba pham pa'i tshul bzung /__nub gcig lo tsA bas bla ma dang yi dam/__khyad par mi g.yo ba la gsol ba btab nas/__sang bgro gleng mdzad pas/__lo tsA ba shin tu rgyal zhing mu stegs skal ldan pham par gyur pas/__kho yid shin tu khros nas/__bla ma ba ri ba la da khyod langs ngan sngags kyi mthu byas nas zhag bdun gyi tshe las med par byed pas sgur sdod/__yang na khyod nged mu stegs pa'i bstan pa la 'jug dgos pa'i ngan sngags byed zer nas song ba dang /__lo tsA ba shin tu thugs skrag nas la 'ur mkhas pa chen po spyi ther ba'i drung du byon nas/__'dar ba'i ngag dang bcas pas mu stegs skal ldan rgyal po dang rtsod pa byas pa'i lo rgyus zhus shing /__bdag rgyal bas kho shin tu khros/__bdag la zhag bdun gyi tshe las med zer ba dang /__de min kho'i bstan pa la 'jug dgos zer khos ngan sngags byed pa yod pas/__gang drag ces zhus pas/__mkhas pa chen po bal po spyi ther pa'i zhal nas/__lo tsA ba de tsam rang zhad mi dgos/__kho'i bstan pa la 'jug pa las da lta rang shi ba dga' gsungs nas/__da rgya gar rdo rje gdan pa chen po'i drung du ngan sngags srog gcod nag po slob tu btang dgos gsungs nas/__par bu gcig 'dug pa de'i nang nas rkang mgyogs kyi rdzas bton zhing rkang pa la bskus gsungs gnang byung bas/__de nyid rkang pa la byugs nas bal po mthil gyi nyi ma kha dros tsam la phyin pas/__rgya gar rdo rje gdan gyi nyi ma phyed tsam la sleb nas/__bla ma rdo rje gdan pa chen po la mkhas pa spyi ther ba'i zhu yig rten dang bcas pa/__phyag rten gser zho gang yod pa phul nas mu stegs kyi ston pa dang 'gro gleng byas tshul rnams zhib par zhus pas/__bla ma rdo rje gdan pa chen po'i zhal nas/__bu lo tsA ba mu stegs kyi ston pa la de tsam zhad mi dgos/__nga la man ngag srung zlog 'dra yod de/__de las ches zab cing rno bar gyur pa tshes bcu'i nub mo/__sha khrag gi gtor tshogs bzang po shoms la/__bla ma dang dkon mchog yi dam mkha' 'gro ma'i tshogs rnams la gsol ba rtse gcig tu thob dang tho rangs mkha' 'gro mas lung bstan zhig 'ong gis gsungs pa las/__lo tsA bas gser srang bzhi'i rin gyis tshogs kyi 'khor lo bshams nas gsol ba btab pas/__bla ma dang yi dam mkha' 'gro ma'i lung bstan 'di ltar byung ste/__de yang bu lo tsA ba khyed mu stegs pa la zhad mi dgos/__nged rnams kyis bsrung gis gsungs/__de'i nang nas gtso mor gyur pa/__rje btsun ye shes kyi mkha' 'gro seng ge'i gdong can ma'i zhal nas/__man ngag kun gyi mchog tu gyur pa dmar nag khra gsum kun 'dzom pa'i bdud rtsi'i rgya mtsho lta bu rgya gar rdo rje gdan gyi shar phyogs rgyang grags gcig tsam gyis na/__lcags kyi pha wang g.yag ro 'dra ba de'i 'og tu sa nag po gru gsum gyi dbyibs lta bu zhig yod pas/__de brus dang sol dong zhig don 'ong /__de'i nang na la cha'i sgrom bu zhig yod/__la cha'i sgrom bu de'i nang na bse'i sgrom bu zhig yod/__bse'i sgrom bu de'i nang na byang chub ljon shing gi sgrom bu zhig yod/__byang chub ljon shing gi sgrom bu de'i nang na dngul gyi sgrom bu zhig yod/__dngul gyi sgrom bu de'i nang na rin po che gser gyi sgrom bu zhig yod/__gser gyi sgrom bu de'i nang na g.yu'i sgrom bu zhig yod/__g.yu'i sgrom bu de'i nang na bai DUR+Ya'i sgrom bu zhig yod/__de'i nang na pad+ma rA ga'i sgrom bu zhig yod/__pad+ma rA ga'i sgrom bu de'i nang na/__chu dar smug po dang mi lpags kyis dril ba'i nang na/__nged mkha' 'gro ma rnams kyi snying khrag las bris pa'i grog sngags drag zlog yi ge bcu bzhi pa zhes bya ba yod/__de'i mgo na oM med/__mjug na swA hA med/__gi gu zhabs kyu med/__na ro 'greng bu sogs 'brel 'dogs gang yang med/__bar na tsheg med de thon la nyi ma re la nyi shu rtsa gcig re thon dang /__des ngan sngags thams cad srung /__gnod pa thams cad zlog__/'gal rkyen bar chad thams cad zhi/__mthun rkyen dngos grub thams cad 'byung ba de lta bu'i sngags de nyid nangs ma re la nyi shu rtsa gcig re bas mang na rtsub 'gyur che bas ma 'don gsungs nas 'ja' yal ba ltar mi dmigs par song ngo /__/de nas lo tsA bas sang nyi ma shar ba dang dmar gtor chen po zhig khyer nas phyin te/__pha bong g.yag 'dra ba'i rtsar byon nas pha bong gi sa nag po gru gsum de brkos pa dang po so ya dor byung zhing /__de nas lung bstan byung ba bzhin rim par sgrom bu blangs nas bltas pas/__mkha' 'gro kun gyi srog sngags man ngag bdud rtsi'i rgya mtsho lta bu 'di byung ste/__gter tshab tu rin po che'i gser gyi glegs bam zhig bcug nas sngar bzhin sbas so/__/de nas lo tsA bas man ngag bzhin sngags nyin mtshan med par bton pas/__sa sros shing mun pa la mu stegs kyis lo tsA ba la mthu btang ba'i rtags rnams byung ste/__/de yang mu stegs kyi mkha' 'gro chos skyong rnams kyis lo tsA ba la ma tshugs par kha skyengs nas phyir zlog thub/__yang srod la 'jig rten pa'i lha 'dre thams cad sprin byung ba kun phyir zlog thub/__yang tho rangs las kyi mkha' 'gro ma thams cad sprin byung ba phyir zlog thub bo/__/de nas rje btsun mkha' 'gro kun gyi gtso mo seng ge'i gdong can ma mdun gyi nam mkhar byon nas bu ba ri ba mu stegs kyi ston pa skal ldan rgyal po kho kha nas khrag skyugs nas shi ba'i las byas yod gsungs/__de nas ba ri lo tsA ba dga' drag ngom ngom byas nas bla ma rdo rje gdan pa'i spyan sngar phyin nas zhus pas/__bla ma rdo rje gdan pa'i zhal nas/__dus ngan snyigs ma'i sems can zhe snang can nyon mongs kyis kha rgyal ba la/__slob dpon nga 'dra ba yod pa gsungs/__yud gcig la dbu btums nas bzhugs so/__/de nas ba ri pas phyag mang du 'tshal zhing gsol ba btab nas/__bla ma lags bdag zhad nas zlog pa byas pa ma gtogs kho gsod snyam mthu byas pa ma lags te/__kho'i srog bral ba'i sdig pa byas pa bzod par bzhes pa zhu/__zhes zhus pas rdo rje gdan pa chen po'i gsung gi sngags 'di lus la yod pa gcig pus chog pa yin te/__khyed kyis sngags nyin mtshan med par bgrangs pas kho bsad pa'i sdig pa chen po zhig bsags 'dug pa/__da khyed kyis sdig sbyong la 'bungs la/__sdig pa dag pa'i rtags nges pa can ma byung gi bar du/__nga'i rtsar ma 'ongs zhes gsungs nas/__lo gcig gi bar du sdig sbyong la bzhag nas/__de bar du mjal kha ma btang bas/__bla ma rdo rje gdan pa'i nye gnas ham pa ma byas pas/__shin tu brtse bar byas nas zas chang bla ma'i lkog tu rku thub tshad byin/__gzhan yang mkho ba'i yo byad rnams bskyal bas drin che bar byung /__de nas ba ri ba la sdig pa dag pa'i rtags byung zhing /__bla ma'i bka' bsgrubs pas bla ma yang mnyes te mjal kha byung /__chos mang du zhus pa mkhas par lobs shing yid ches/__bod du byon nas 'gro phan rgya cher mdzad/__phyis dpal sa skyar phyag phebs nas/__sa chen kun dga' snying po la man ngag 'di'i rjes gnang sgrub thabs las tshogs dang bcas pa gnang /__de nas rim par brgyud de/__slob dpon rin po che/__rje btsun grags pa rgyal mtshan/__sa skya paN+Di ta chen po/__rje btsun 'phags pa rin po che/__nye gnas rong po rdo rje/__rong po sangs rgyas ye shes/__rong po bla ma rin po che/__mkhas pa g.yag sde paN chen/__'dis ye shes kyi mkha' 'gro ma seng gdong ma la thun mong ma yin pa'i thugs dam du mdzad pas zhal gzigs shing dus rtag tu byin gyis brlabs/__man ngag gi yi ge yang mdzad/__de la rje btsun ma tis mu dras gsan/__de la mkhas mchog rin chen bsam gtan dpal bzang pos gsan/__de la snyigs dus kyi sngags 'chang rdo rje 'dzin pa chen po rtogs ldan nam mkha' sangs rgyas mgon pos gsan/__de la ras chen kun dga' dar pos gsan/__de la thugs sras kun dga' bzang pos gsan/__de la mkhas shing grub pa brnyes pa'i skyes bu dam pa bka' drin can gyi bla ma bka' rab 'byams smra ba byams pa chos kyi nyi mas gsan no/__/khyad par man ngag 'di'i thun mong ma yin pa'i brgyud pa'i lo rgyus ni/__rtogs ldan nam mkha' sangs rgyas mgon po zhes bya ba de nyid chos grwa chen po dpal gnas rnying gi char gtogs pa'i sar sku 'khrungs shing /__gnas rnying du/__gsan sbyong la sogs pa legs par mdzad pa'i sgang la/__sku snyung mdze drag po zhig gis thebs nas 'o brgyal zhing nyam nga ba'i tshe/__sku la nye ba'i mched grogs zhig yod pa des/__'di 'dra'i 'o brgyal ba la seng gdong ma la bsnyen pa byas na phan zer ba 'dug pas mkhan po gdan pa la lung zhu ba drag zer gros btab pa la gsan nas lung zhus te/__yi ge bcu bzhi pa'i bsnyen pa byas nas drag tu 'gro snyam pa slar log ste/__shin tu snyung ba byung /__de nas thugs dgongs la chos sde 'dir sdod kyang nad 'di ma drag na mi khyur mi tshud pa 'dug__/de bas rgyal khams la phyin na lus ma bde rung /__snang zos bde ba dang /__phung po 'don pa'i sems khral mi dgos pa 'dug snyam nas/__bdog pa gang yod dge 'dun rnams la spungs nas/__shangs zam bu phyogs la 'grims byon te/__zam bu'i ri khrod zhig tu shi ma shi med par seng ge'i gdong can ma'i bsnyen pa 'ba' zhig mdzad kyin bzhugs pas mdze ye drag tu ma song ba'i khar/__'tsho ba'i mthun rkyen yang zad nas 'o shin tu brgyal ba yod pa'i tshe/__nub gcig mnal lam du bud med gzhan las lus po cung che ba zhig byung nas/__khyod kyis gnas 'dir bsdad pas mdze mi drag__/de bas 'dir ma 'dug par rtag sna zhes bya ba'i lung pa zhig tu rgyug dang /__der dngos grub chen po zhig 'ong bar 'dug go zhes gsungs nas 'ja' yal ba ltar song ngo /__/de nas mnal sad pa dang rmi lam gyi ltas 'di la bltas na/__nga'i nad 'di drag par 'dug ste/__gang ltar na'ang rtag sna 'tshol du 'gro dgongs te/__shing nang na mar zhugs byon nas/__mi 'phrad tshad la rtag sna gang na yod ces dris pas/__ye ston mkhan ma byung /__nub cig sku thang chad de grong khyer zhig gi srang skor gzims pas/__mdze'i tsha brab dang 'khyug rnams zhi nas cung bde ba snyam byed pa'i ngang la/__mnal du song 'dug pa'i rmi lam du sngar gyi bud med de byung nas sang rtag sna rtsad chod pa yod kyis gsungs nas yal song /__de nas mnal sad pa dang thugs la rtag sna rtsad chod na/__dngos grub ci yod na nga'i mdze 'di la phan pa'i sman pa zhig dang 'phrad na dngos grub yin te/__'phrad pa 'dra e yong dkon mchog gi thugs rjes gzigs zhes gsungs shing bshum gyin bzhugs pas/__bud med gzhon pa zhig gis thug pa tog po gang dang /__zan rngog zhig khyer byung nas drung ba snyung gzhi 'o brgyal ba la/__'di bzhes/__gang nas phebs pa yin zhes 'dri zhing de sbyin byung ba dang /__mo la gnas rnying nas yin tshul rgyas par bshad cing da lan rtag sna 'tshol ba yin gsungs pas/__mo na re drung pas rtag sna ma rnyed pa yin nam zer 'drir byung ba la/__ngas ma rnyed par thang chad de 'dir bsdad pa yin/__rgyus e yod shod dang gsungs pas/__bud med de dgod cig shor byung /__drung pa rtag snar bsdad nas rtag sna 'tshol ba de dgod bro zer nas logs song ngo /__/de nas rje nyid kyis der bsnyen pa mdzad bzhin par bzhugs pas mdze drag tu ye ma song ba'i khar lod tu rang song bas thugs yi chad par bzhugs pa'i nub gcig mnal lam du sngar gyi bud med de byung nas/__'di'i phu na brag phug kha byang bstan cig yod/__der song dang dngos grub de ru thob rgyu yin gsungs nas 'ja' yal ba ltar song /__de nas rje nyid kyis yul mi rnams la dris pas/__sngar phug pa yod pa ni ma shes/__khyod rang 'tshol du byon zer/__bshad mkhan ni ma byung 'tshol du byon pas ni ma rnyed/__khar song gi bu mo zan ster ba de byung nas/__drung pa khyed sku gzugs ma bde ba la bzhugs mi tshugs pa zhig 'dug zer byung ba la/__nga sdod dang sdod de 'di na brag phug kha byang bstan zhig yod zer 'dug pas de btsal ba yin gsungs pas/__mo na re ya gi na zer khro zhing tshig rtsub mang po smra zhing 'dug pa la sku gzugs sbrid chil ba zhig dang thugs dga' yal ba zhig byung nas/__phug pa der bzhugs pas snyung zug shin tu che zhing brgyal 'gro ba tsam byung /__de nas srod po che khyer ba dang 'od 'ur sgra rdig sgra dang bcas pa shin tu che ba zhig byung ba'i mod la/__rje btsun ma seng ge'i gdong can rigs lnga 'khor 'bum tsho 'bum tshos bskor ba mngon sum du byon nas skad cig de nyid la phung po sha khrag gi gdos bcas de nyid tshogs 'khor du rol zhing /__thugs dran med du dar gcig brgyal ba'i ngang la/__brgyal sos pa dang bltas pas lus mdzes khyer rnag khrag gi rang bzhin de'i nad gdon lhag ma ma lus pa don nas/__mal dang phug pa'i nad thams cad rnag khrag gis mer khengs 'dug pa las/__lus sems nad med shin tu bde ba de la/__rje btsun ma seng ge'i gdong can rigs lngas/__phyi nang gsang gsum gyi dbang dang /__sgrub thabs las tshogs mtha' dag gnang nas mngon sum du brag phug de nyid la thim song ngo /__/de nas rje btsun rtogs ldan rnal 'byor gyi dbang phyugs chen po ras pa nam mkha' sangs rgyas mgon po de nyid sku snyung gzhi dang bral zhing /__rje btsun seng gdong ma nyid kyis rjes su bzung nas/__thugs shin tu spro ba dang bcas te bzhugs pa'i dus su/__rje de nyid kyi thugs kyi sras mchog dam pa ras chen kun dga' dar po de rjes su 'dzin pa'i rten 'brel 'grigs te/__de yang rje de nyid kyis shangs sang lung phyogs la byon nas/__'di na rnal 'byor pa chos pa dgon pa 'dzin pa ci zhig yod dris pas/__gcig na re/__'o 'di na btsun ma la tsab hral byed pa'i rtogs ldan smyo spyod pa zhig ma gtogs gzhir sdod kyi chos pa med zer logs song ba dang /__rje'i dgongs pa la ngas rjes su 'dzin pa'i rnal 'byor pa de yin nam min snyam/__dar cig DA ki la gsol ba btab pas/__mi nag po zhig byung nas khyed la ci dgos pa yin zer ba dri byung ba la/__rje rin po ches nga la 'di na don zhig yod gsungs pas/__mi nag po de na re don su la yod pa yin/__'di na ni ras chen rnal 'byor gyi dbang phyug kun dga' dar po zhes bya ba min pa gzhan med pa 'phrin yod na ngas khyer gyis zer ba la/__rjes man ngag gi sgo nyal 'dug pas la 'ur len du shog gyis gsungs pas/__mi nag po de nang la song bas de ma thag ras pa kun dga' dar po don byung ste sngar nas kyi dpon slob 'dris pa lta bu bzhin/__phyag btsal zhabs gnyis spyi bor blangs shing /__gus pa dang bcas te bdag la man ngag gnang ba thugs rje che/__mdangs rmi lam yang shin tu bzang lags zhus pas/__rmi lam ci 'dra byung lhag ma ma lus par shod cig gsungs pas/__bdag la mdangs bud med bzhin bzang ma skra spyi bor bcings pa zhig gis/__lcags kyi phur pa seng ge'i gdong byas pa zhig dang /__ka pA la nang mchod kyis bkang ba de gnyis sbyin nas gad mo dgod pa zhig rmis zhus pas/__rje shin tu mnyes nas thugs spro ba dang bcas te/__dpon slob gnyis kas nang du phebs de nas tshogs 'khor bzang po 'bul ba dang bcas te/__bdag la man ngag rnams lhag ma med par rdzogs par gnang ba zhig bka' drin che dgos zhus pas/__rje'i zhal nas rdzogs par los ster/_do nub tshes grangs du yin gsungs pa la do nub mar ngo'i tshes bcu lags zhus pas rten 'brel shin tu bgrigs 'dug__/tshogs 'khor bzang po dang /__gser gyi maN+Dal grabs kyis/__ngas sgrub mchod bdag 'jug blangs kyis gsungs/__de nas srod la phyi bka' mdzad/__nam phyed la nang bka' mdzad/__tho rangs la gsang bka' mdzad nas phyag spyi bor bzhag cing /__'o/__ngas khyod la mkha' 'gro 'di'i dbang sgrub thabs man ngag zhal shes las tshogs dkar nag khra gsum dang bcas pa ster dgos pa'i bka' rgya mkha' 'gro rang gis yod pas skyal du yongs pa yin/__da ni khyod kyis snying rus bka' spyad kyis mkha' 'gro mnyes pa'i sgrub pa rnam dag gcig bya dgos so/__/de nas snying dang 'dra ba'i slob ma re re gnyis gnyis la/__gdams ngag sna re sna gnyis byin/__las kha lag tshang ma chig brgyud las ma spel gsungs/__bka' rgya dam po mdzad cing dam la bzhag go__/de nas rje rin po che lho phyogs la theg pa'i thugs dgongs mdzad/__ras chen kun dga' dar pos sgrub pa rtse gcig tu mdzad pa'o/__/ras chen kun dga' dar po la rnal 'byor dbang phyug thugs sras kun dga' bzang pos gsan/__de la bdag gi bla ma chos kyi nyi mas gsan/__de ni phyi bka'i brgyud pa yin/__thun mong ma yin pa'i nang gsang las tshogs dkar nag khra gsum dang bcas pa'i brgyud pa ni/__chos sku kun bzang yab yum/__ye shes mkha' 'gro seng gdong ma/__mnyam med o rgyan yab yum/__rtogs ldan nam mkha' sangs rgyas mgon po/__'khrul zhig ras chen kun dga' dar po/__sngags 'chang brtson 'grus seng ge/__de'i bdag gi rtsa ba'i bla ma chos kyi nyi mas gsan no/__/de rnams ni yid ches bskyed pa brgyud pa'i lo rgyus so/__/gnyis pa de las byung ba'i gdams pas mchog thun gyi phrin las sgrub pa'i thabs la/__sgrub thabs dang /__las tshogs gnyis las/__dang po ni/____/_!_rje btsun ye shes kyi mkha' 'gro seng ge'i gdong can ma'i skor las/__phyi sgrub rdo rje mkha' 'gro phyi nang gsang gsum gyi mngon rtogs gtor bsngo dang bcas pa bzhugs so/__/na mo gu ru DA ki nI yai/__ye shes kyi mkha' 'gro ma seng ge gdong can ma'i phyi sgrub rdo rje mkha' 'gro'i mngon rtogs ni/__rang nyid stan bde ba la 'dug ste/__bdag dang bdag gi drin che ba'i pha dang ma gnyis kyis gtso byas khams gsum 'gro ba nam mkha'i mtha' dang mnyam pa'i sems can thams cad dus 'di nas bzung ste ji srid byang chub snying po la mchis kyi bar du/__chos sku kun bzang yab yum brgyud pa dang bcas pa rnams la skyabs su mchi'o/__/yi dam zhi khro rab 'byams kyi lha tshogs rnams la skyabs su mchi'o/__/dus gsum gyi bde bar gshegs pa'i sangs rgyas bcom ldan 'das rnams la skyabs su mchi'o/__/bka' rdzogs pa chen po bden gnyis gsung rab dam pa'i chos rnams la skyabs su mchi'o/__/slob pa las phyir mi ldog pa'i 'phags pa'i dge 'dun rnams la skyabs su mchi'o/__/mkha' 'gro chos skyong srung ma ye shes kyi spyan dang ldan pa rdo rje'i spyan dang bcas pa rnams la skyabs su mchi'o/__/bla ma la skyabs su mchi'o/__/sangs rgyas la skyabs su mchi'o/__/chos la skyabs su mchi'o/__/dge 'dun la skyabs su mchi'o/__/ma ye shes kyi DA ki seng ge'i gdong can ma'i dkyil 'khor chen po'i lha tshogs la bdag nyid gus pas phyag 'tshal zhing skyabs su mchi'o/__/zhes lan gsum nas nyer gcig gi bar brjod nas/__byang chub bde gshegs bla na med/__/khams gsum 'gro ba ma lus kun/__/theg mchog lam la 'god pa'i phyir/__/dam pa nye bar sems bskyed do/_/zhes tshar gsum brjod nas/__pha ma nam mkha' dang mnyam pa'i sems can thams cad kyi don du bla na med pa yang dag par rdzogs pa'i sangs rgyas kyi go 'phang rin po che ci nas kyang thob par bya/__de'i ched du bdag gis ma ye shes kyi DA ki seng ge'i gdong can ma'i lam rim pa gnyis kyi rnal 'byor zab mo nyams su blang bar bgyi'o/__/de'i mthu la brten nas pha ma nam mkha' dang mnyam pa'i sems can thams cad bde ba dang ldan sdug bsngal dang bral/__myur du DA ki ma'i go 'phang thob par gyur cig__/oM swa b+hA bi shud+d+haHsarba d+harmAHswa b+hA ba shud+d+ho\u0f85 haM/__chos thams cad rang bzhin gyis rnam par dag pa'i stong pa nyid du gyur/__stong pa'i ngang las/__rdo rje'i ra ba me ri zlum bskor dur khrod brgyad kyis bskor ba'i dbus su khrag mtsho me rlung 'tshubs mar 'khyil zhing rba klong 'khrugs pa/__e e las chos 'byung mthing nag gnyis brtsegs gru gsum rtsa ba phra ba thur du zug pa/__gdengs ka che ba gyen du bstan pa'i steng du pad nyi ru dra pho mo bsnol ba'i gdan la/__rang gi sems nyid hU~M dang rdo rje sngon po rtse lnga pa las skyes pa'i rdo rje mkha' 'gro seng ge'i gdong can sku mdog mthing nag zhal gcig phyag gnyis spyan gsum ma/__seng zhal dkar po g.yas su phyogs shing zhal drag tu gdangs pa las dbu skra lcags ral nag po thur du sprugs pa'i gseb nas me stag phur bu'i tshwa tshwa 'phro ba/__mi lpags dang glang chen gyi ko bas stod g.yogs shing /__stag sham dang dur khrod kyi chas brgyad kyis kun nas mdzes pa'i phyag g.yas rdo rje rtse lnga nam mkhar phyar ba/__g.yon thod khrag thugs kar 'dzin pas khaT+wA~M ga la 'khyud pa/__mi mgo skam rlon gyis brgyan pa'i sku zhabs gnyis brkyangs bskums rol stabs kyis ye shes kyi me dpung 'bar ba'i dbus na bzhugs par gyur/__de'i dpral bar oM dkar po/__mgrin par AHdmar po/__thugs kar hU~M sngon po/__thugs ka'i hU~M las 'od zer 'phros pas rang bzhin gyi gnas nas bsgoms pa dang 'dra ba'i ye shes pa oM badz+ra sa mA dzaHdzaHhU~M ba~M hoHgnyis su med par thim/__slar yang thugs ka'i hU~M las 'od zer 'phros/__dbang lha spyan drangs/__dbang bskur/__sku gang /__dri ma dag__/chu lhag ma yar lud pa las mi bskyod pas dbu brgyan par gyur pa la/__ar+g+haM/_pad+yaM/_puSh+pe/_d+hU paM/__dI paM/__gan+d+haM/__nai bid+ya/_shap+da/_oM AHhU~M/__hU~M b+h+yoH__gdod nas rnam dag sgrib kun nges par grol/__/'jig rten las 'das tshul ni sna tshogs ston/__/rgyal ba kun gyi yum gyur kun bzang mo/__/rje btsun seng gdong ma la phyag 'tshal lo/__/zhes mchod cing bstod la/__me tog dang ldan pa'i thal mo snying gar sbyar nas/__rdo rje mkha' 'gro seng gdong can mas bdag cag dpon slob thams cad kyi 'gal rkyen mtha' dag zhi ba dang /__mthun rkyen phun sum tshogs pa myur du 'grub pa'i phrin las mdzad du gsol nas rang nyid rdo rje mkha' 'gro seng ge'i gdong can mar gsal ba'i thugs kar nyi ma'i dkyil 'khor gyi steng du yi ge hU~M mthing nag__/de'i mtha' bskor du sngags phreng g.yon bskor du 'khor ba las 'od zer 'phros/__phyi nang snod bcud thams cad la phog pas gzhal yas khang dang DA ki'i rang bzhin du gyur/__zhes dmigs nas snod bcud lhar gsal ba thams cad kyis bzlas pa byed par bsam ste/__aHkaHsaHmaHraHtsaHshaHdaHraHsaHmaHraHyaHphaTaH__oM badz+ra DA ki siM ha mu kha hU~M hU~M phaT/__oM dz+nyA na DA ki sarba sid+d+hi pha la hoH__zhes rtsa sngags snying po las sngags dang bcas pa ci 'grub bzlas nas mchod cing bstod de/__'dod pa'i don la gsol ba gdab/__bskyed rim lha'i rnal 'byor ka dag lhun grub kyi ngang du ci gnas su mnyam par bzhag cing /__dge rtsa bla na med pa'i byang chub tu bsngo bar bya'o/__/zhes pa 'di ni chos med kyi bya btang pad+ma gar gyi dbang phyug gis sbyar ba/__a+thi+-i/____/_!_na mo gu ru DA ki nI yai/__nang sgrub pad+ma mkha' 'gro'i mngon rtogs ni/__skyabs 'gro sems bskyed tshad med bzhi sngon du 'gro bas/__swa b+hA bas chos thams cad stong par sbyang /__stong pa'i ngang las rdo rje'i ra ba me ri zlum bskor dur khrod brgyad kyis bskor ba'i dbus su khrag mtsho me rlung khol mar 'khyil zhing rba klong 'khrugs par/__e e las rin po che'i bum pa gter gyis gang ba las grub pa'i chos 'byung gsum brtsegs nyis brtsegs rtsa ba phra ba thur du zug pa gdengs ka che ba gyen du bstan pa'i nang du sna tshogs pad+ma dang nyi ma la/__nor bdag rgyal po chen po rnam thos sras/__tshogs kyi bdag po/__a pa ra tsi ta/__ku ru kul+le rnams kyis gus pas btud pa'i gdan la rang gi sems nyid hU~M yig dmar po dang lcags kyu las skyes pa'i pad+ma dbang sdud kyi rgyal mo gnod sbyin mo dmar mo seng ge'i gdong can zhal gcig phyag gnyis/__seng zhal ser po g.yas su phyogs shing bye ru'i ral pa thur du sprugs pa'i gseb nas/__las kyi mkha' 'gro ma dmar mo'i tshogs lcags kyu thogs pa dpag tu med pa spro bar byed pas khams gsum gyi zas nor mi gsum thams cad dbang du sdud pa/__phyag g.yas seng zhal gyis mtshan pa'i lcags kyu nam mkhar phyar ba/__g.yon gter gyis gang ba'i bum pa dkur brten nas 'dzin pa'i mchan khung du ne'u le bcug ste kha nas nor bu skyug bzhin pa dang gru mo g.yon du ti ra'i rgyal mtshan bsgreng ba/__zhing chen gyi pags pa dang glang chen gyi ko bas stod g.yogs shing /__thal chen gyi tshom bu dang khrag zhag gi zo ris sbrul sna tshogs dang rus pa'i phyag rgya mi mgo skam rlon gyis brgyan pa/__sku smad la seng ge'i pags pa'i sham thabs dkris pa/__sku lus thams cad spyan gyis gang zhing skyil krung phyed pa'i gar stabs kyis ye shes kyi me 'bar ba'i dbus na bzhugs par gyur/__de'i gnas gsum du oM AHhU~M/__hU~M las 'od 'phros rang 'dra'i ye shes pa spyan drangs/__gnyis su med par thim par gyur/__slar yang 'od 'phros dbang lha spyan drangs/__dbang bskur sku gang dri ma dag__/chu lhag ma yar lud pa las snang ba mtha' yas kyis dbu brgyan par gyur pa la/__ar+g+haM/__pA d+yaM/__puSh+pe/__d+hU paM/__dI paM/__gan+d+haM/__nai bid+ya/__shap+da/__oM AHhU~M/__hU~M b+h+yoH__khams gsum dbang sdud gnod sbyin mo/__/mthu rtsal rab ldan dbang gi lha/__/rnal 'byor 'dod pa'i don sgrub ma/__/dbang sdud rgyal mo khyod la bstod/__/ces pas mchod cing bstod nas/__me tog thal sbyar dang ldan pas/__pad+ma dbang sdud kyi rgyal mo gnod sbyin ma dmar mo nor lha gter bdag chen mo khyod kyis bdag gi 'dod pa'i don thams cad myur du sgrub pa'i phrin las mdzod/__ces brjod nas/__rang nyid pad+ma dbang sdud kyi rgyal mor gsal ba'i thugs kar nyi gdan la hU~M yig dmar po'i mthar sngags phreng kha dog dmar po g.yon du 'khor bar gyur/__de las 'od zer dmar po lcags kyu bsgril ba dzaHdang bcas pa phyogs bcur 'phros pas khams gsum gyi zas nor mi gsum thams cad skad cig nyid la dbang du 'dus par gyur par dmigs la/__aHkaHsaHmaHraHtsaHshaHdaHraHsaHmaHraHyaHphaTaH__rtsa ba'i sngags so/__/oM pad+ma DA ki siM ha mu kha hU~M hU~M phaT/__snying po'o/__/oM nik+na la/____nik+na la/___pra mo thun/__pra mo thun/___dbang po dkrug__/dbang po dkrug__/sems ts+m+yos/___sems ts+m+yos/__kh+khUg+gaH_dz+dzaH__oM b+h+g+Wan/__byan+shaM/__hU~M rak+ti naM/__ruk+tinaM/___oM doR+phuT/___doR+phuT/___sems ts+bal+s+gu/___sems ts+bal+s+gu/___mngal gyi grong khyer k+gus/___y+Yaph+phuT+TaH___s+w+hA+A/___oM rey+Ye/__ny+nyaul+la ph+phuT+Ta s+w+hA+A/__las sngags so/__/zhes zangs 'phreng ngam tsan+dan dmar po'i lde gu'i phreng ba la ci nus su bsgrang zhing mthar mchod bstod/__'dod pa'i don la gsol ba gdab nas/__bskyed rim lha'i rnal 'byor ka dag lhun grub kyi ngang du ci gnas su mnyam par bzhag cing /__dge rtsa bla na med pa'i byang chub tu bsngo bar bya'o/__/zhes pad+ma dbang sdud rgyal mo gtso rkyang ma'i mngon rtogs 'di nyid chos med kyi bya btang pad+ma gar gyi dbang phyug gis chos grwa chen po dpal gyi rtse thang du sbyar ba'i yi ge pa ni rin chen dpal ldan chos skyong grags pas bgyis pa'i dge ba'i DA ki myur du 'grub pa'i rgyur gyur cig/___/!_na mo gu ru DA ki nI yai/__gsang sgrub gcer bu khros nag gtso rkyang ma'i mngon rtogs ni/__hU~M b+h+yoH__srog gcod bdud mo seng gdong ma/__/dur khrod bdag mo 'jigs pa'i sku/__/dga' rab dbang phyug bu mo la/__/bdag ni gus pas skyabs su mchi/__/dgra bgegs rnams ni bsgral ba'i phyir/__/byang chub mchog tu sems bskyed do/__/zhes lan gsum brjod nas/__hU~M b+h+yoH__chos rnams dmigs med stong pa'i ngang /__/khams gsum dur khrod 'bar ba'i dbus/__/'byung bzhi ri rab brtsegs pa'i steng /__/pad nyi sna tshogs rdo rje las/__/'od 'phros rdo rje'i rwa gur gtams/__/me ri kha dog sna lnga 'bar/__/de yi nang du dur khrod brgyad/__/'jigs su rung bas yongs bskor ba'i/__/sna tshogs rdo rje'i lte ba ru/__/b+h+rU~M las byung ba'i gzhal yas khang /__/rin chen las grub mtshan nyid ldan/__/de yi nang du dug khrag mtsho/__/rba klong 'khrugs pa'i dbus su ni/__/dur khrod brgyad bskor bam ro las/__/grub pa'i ro gdan pho brang 'jigs/__/me rlung 'tshubs mar 'khyil ba'i nang /__/gnam lcags chos 'byung kha sbyor ldan/__/bsnol kha drug gi rtse mo gnyis/__/steng 'og phyogs shing me rlung 'bar/__/de yi dbus su gnam lcags las/__/grub pa'i chos 'byung nyis brtsegs steng /__/gnod byed dgra bgegs nyi gdan la/__/rang gi sems nyid hU~M yig nag__/de nyid yongs su gyur pa las/__/rang nyid gcer bu khros nag ma/__/seng gdong sha za 'jigs pa'i sku/__/spyan gsum zhal gdangs mche ba gtsigs/__/sdang mig spyan gyis mi mthun pa'i/__/gdug pa can gyi dgra la gzir/__/gza' nad smyo 'bog ltas ngan gyi/__/cho 'phrul sna tshogs 'gyed mdzad ma/__/phyag g.yas gnam lcags gri gug phyar/__/dgra bo'i srog rtsa myur du gcod/__/g.yon pa rtse gsum lcags kyus brgyan/__/b+han+d+ha khrag bkang dgra la sdig__/zhabs gnyis brkyangs bskums dam nyams steng /__/bro brdung sku las me dpung 'bar/__/lcags ral thur du sprugs pa'i gseb/__/me stag phur bu'i tshwa tshwa dang /__/thog ser khyab 'jug rA hu la/__/glog dang bcas pas sa gzhi khengs/__/gdug pa'i dgra bo rdul du brlag__/gling bzhi g.yo zhing ri rab bskul/__/gza' skar nyi zla thang la 'bebs/__/khrag 'thung ma mo bye ba 'bum/__/dgra la 'o dod phyogs bcur 'debs/__/khram shing grul mtshon bcas pa ni/__/bstan dgra dgos dgra'i steng du g.yugs/__/myur du bkug nas srog rtsa gcod/__/'khor du mi srun gdug pa can/__/sde brgyad snang srid lha 'dres bskor/__/rlung nag sgor rlung 'tshubs 'khyil ba'i/__/dbus na bzhugs pa khro mo'i sku/__/skad cig nyid la rang nyid gyur/__/de yis gnas gsum yig 'bru gsum/__/hU~M las 'od 'phros rang 'dra yi/__/ye shes sems dpa' spyan drangs bstim/__/slar yang 'od 'phros dbang gi lha/__/spyan drangs dbang bskur sku gang nas/__/dri ma dag cing chu rgyun gyi/__/lhag ma spyi bor 'khyil pa las/__/mi bskyod rgyal pos dbu brgyan gyur/__hU~M b+h+yoH__dgra bgegs bsgral ba'i sha khrag dang /__/bdud rtsi sman gyi mchod pa dang /__/bde chen zung 'jug kun tu ru/__/dmigs med rang rig bde bar bzhes/__hU~M b+h+yo:__drag mo gcer bu seng gdong ma/__/bstan dgra 'dul ba'i dpal mo che/__/sha za chen mo 'jigs pa'i sku/__/dur khrod bdag mo khyod la bstod/__/hU~M b+h+yoH__de yi lte bar gnam lcags las/__/grub pa'i 'khor lo rtsibs brgyad kyi/__/lte ba mu khyud rtsibs rnams la/__/sa bon hU~M yig nag po dang /__/sngags phreng gdug pa rno ngar ldan/__/dgra bgegs mi nor 'khor bcas kyi/__/mgo lus med par nyal nyal gtubs/__/me yis bsregs cing rlung gis gtor/__/dgra bgegs myur du brlag par mdzod/__/oM badz+ra DAk+ki siM ha mu kha hU~M hU~M phaT/__phaTaHyaHraHmaHsaHraHdaHshaHtsaHraHmaHsaHkaHaH__sha tri dzaHnr-iHtriHkhug:__dgra bgegs 'byung po'i sems dang bag chags ngan pa mA ra ya phaTaH__ces ci nus bzlas nas mchod bstod sngon du 'gro bas/__hU~M b+h+yoH__bdud mo drag mo seng gdong ma/__/khyod la phrin las bcol ba ni/__/bdag cag dpon slob 'khor bcas kyi/__/'gal rkyen bar chad zhi ba dang /__/mthun rkyen tshe dpal longs spyod spel/__/sangs rgyas bstan pa bsrung ba dang /__/'gro kun bde la 'god pa'i phyir/__/khyod kyis don kun sgrub par mdzod/__/ces pas 'dod don la gsol ba gdab ste/__/bskyed rim lha'i rnal 'byor DA ki'i nga rgyal dang mi 'bral bar bya zhing /__dge rtsa bla na med pa'i byang chub tu bsngo bar bya'o/__/zhes pa 'di nyid chos med kyi bya btang pad+ma gar gyi dbang phyug gis dpal rtse thang du sbyar ba'i yi ge pa ni/__rin chen dpal ldan chos skyong grags pas bgyis pa'i dge bas bdag dang sems can thams cad kyi DA ki myur du 'grub par gyur cig/____//_!_na mo gu ru DA ki ye/__rdo rje mkha' 'gro phyi nang gsang gsum gyi gtor ma 'bul bar 'dod pas/__gtor ma sha chang gis brgyan pa gsum phyag len ltar bshams shing chang chu nang mchod kyis bran nas oM badz+ra a mr-i ta kuN+Da lI ha na ha na hU~M phaT/__oM swa b+hA ba shud+d+haHsarba d+harmAHswa b+hA ba shud+d+ho\u0f85 haM/__chos thams cad rang bzhin gyis rnam par dag pa'i stong pa nyid du gyur/__stong pa'i ngang las gtor ma rnams kyi 'og tu ya~M las rlung /__ra~M las me/__ka~M las mi mgo'i sgyed pu gsum gyi steng du/__a yig las skyes pa'i thod pa dum bu gcig pa phyi dkar la nang dmar ba dpral ba rang la bstan pa yangs shing rgya che ba de'i nang du sha lnga bdud rtsi lnga yi ge lnga A li kA li dang bcas pa 'od du zhu ba las byung ba'i gtor ma kha dog gzugs sgra dri ro reg bya 'dod pa'i yon tan lnga dang ldan pa zag pa med pa'i ye shes kyi bdud rtsi'i rgya mtsho chen por gyur/__oM AHhU~M ha ho hrIH__zhes gsum gyis byin gyis brlabs nas/__rang nyid ye shes kyi DA ki seng ge'i gdong can mar gsal ba'i thugs ka'i sa bon las 'od zer 'phros pas nub phyogs u rgyan gyi dur khrod rab tu 'bar ba me lce 'khrigs pa nas ma ye shes kyi DA ki phyi sgrub rdo rje mkha' 'gro/__nang sgrub pad+ma mkha' 'gro/__gsang sgrub gcer bu khros nag ma la sogs te/__ye shes kyi mkha' 'gro ma rnams la 'khor ma mo srid pa 'bum sde bka' sdod srung ma dam can rgya mtsho'i tshogs kyis bskor ba gtor ma'i steng du badz+ra sa mA dzaH__pad+ma ka ma lA ya s+t+waM/__DA ki ma 'khor dang bcas pa'i ljags hU~M gi 'od zer gyis gtor ma'i ro bcud drangs te dgyes shing gsol bas tshims par gyur/__oM badz+ra DA ki siM ha mu kha hU~M hU~M phaT/__sarba sa pa ri bA ra i daM ba liMta kha kha khA hi khA hi swA hA/__zhes pa gsum dang /__oM pad+ma DA ki siM ha mu kha hU~M hU~M phaT/__sarba sa pa ri bA ra i daM ba liM ta kha kha khA hi khA hi swA hA/__zhes gsum dang /__oM badz+ra DA ki ni siM ha mu kha sarba sha trU~M mA ra ya hU~M hU~M phaT/__sarba sa pa ri bA ra i daM ba liM ta kha kha khA hi khA hi swA hA/__zhes gsum gyis bsngon nas/__phyi nang gis mchod cing /__hU~M b+h+yoHgdod nas rnam dag ces pa nas/__phyag 'tshal bstod/__ces pa dang /__hU~M b+h+yoH__khams gsum dbang sdud ces gnas/__khyod la bstod/__ces pa dang /__hU~M b+h+yoH__drag mo gcer bu zhes pa nas/__khyod la bstod/__phyi nang gsang gsum mkha' 'gro'i tshogs/__/bde gshegs ma mo kun 'dus pa'i/__/siM ha mu kha 'khor bcas rnams/__/mchod sbyin gtor ma 'di bzhes la/__/rnal 'byor bdag cag 'khor bcas la/__/nad med tshe dang dbang phyug dang /__/dpal dang grags dang skal ba bzang /__/longs spyod rgya chen kun thob cing /__/zhi dang rgyas la sogs pa yi/__/las kyi dngos grub bdag la stsol/__/dam tshig can gyis bdag la srungs/__/dngos grub kun gyi stong grogs mdzod/__/dus min 'chi dang nad rnams dang /__/gdon dang bgegs rnams med par mdzod/__/rmi lam ngan dang mtshan ma ngan/__/bya byed ngan pa med par mdzod/__/'jig rten bde zhing lo legs dang /__/'bru rnams 'phel dang phyugs 'phel ba/__/bde legs thams cad 'byung ba'i gnas/__/yid la 'dod pa kun 'grub mdzod/__/ces phrin las bcol nas/__oM badz+ra sa twa hU~M/__ma 'byor pa dang nyams pa dang /__/gang yang bdag rmongs blo yis ni/__/bgyis pa dang ni bgyid stsal ba/__/de kun DA kis bzod par mdzod/__/bdag dang 'gro la thugs brtse'i phyir/__/nyid kyi rdzu 'phrul mthu yis ni/__/ji srid mchod pa bdag bgyid na/__/de srid DA ki 'khor bcas kun/__/bdag la gnyis su med par thim/__/zhes pas gtor mgron rnams rang gi lus la gnyis su med par thim par bsam/__oM AHhU~M/__yi ge gsum gyis lus ngag yid gsum gyi bar chad thams cad srung bar gyur/__bdag gi dge ba'i rtsa ba 'dis/__DA ki ma myur du 'grub pa'i rgyur gyur cig__/ces DA ki phyi nang gsang gsum gyi gtor chog nye bar bsdus pa 'di nyid chos med kyi bya btang /__pad+ma gar gyi dbang phyug gis chos grwa chen po dpal gyi rtse thang du legs par sbyar ba'i yi ge pa ni bya btang rin chen dpal ldan chos skyong grags pas bgyis pa'i dge bas DA ki myur du 'grub par gyur cig__/gzhan yang phyi nang gsang ba las tshogs dang bcas 'brel ba'i sgrub thabs bsam gyis mi khyab pa zhig gsungs pa rnams gzhan du shes parabya'o/__/gnyis pa las tshogs la/__thun mong dang /__mchog gnyis/__dang po la'ang dkar nag khra gsum las/__/dang po ni/___/!_ye shes kyi mkha' 'gro seng ge'i gdong can ma'i phan byed kyi las tshogs dgos 'dod kun 'byung zhes bya ba bzhugs so/__/bla ma dang ye shes kyi mkha' 'gro seng ge'i gdong can dbyer med pa la phyag 'tshal lo/__/rab 'byams phrin las kyi rim pas rgyal sras kyi spyod pa yongs su rdzogs par byin gyis brlab tu gsol/__gnyis pa las tshogs la dkar nag khra gsum ste/__de la thog mar phan byed dkar po'i las tshogs kyi rnam grangs ni/__tshe sgrub 'byung bzhi'i bcud bsdus/__tshe sgrub 'khor lo 'bar 'dzag__/tshe sgrub rdo rje phur pa/__dbang sdud rgyal po 'gugs byed/__dbang sdud btsun mo 'gugs byed/__dbang sdud dmangs dang 'khor slob 'gugs byed/__dbang sdud zas nor longs spyod 'gugs byed/__dbang sdud 'dzad med gter chen/__nor sgrub khams gsum bang mdzod/__nor sgrub gter chen bum pa/__zlog pa yod chog rgyal po/__zlog pa phur kha rbod gtong zlog byed/__zlog pa phyogs ngan bdud gcod zlog byed/__srung ba rdo rje khro bcu/__srung ba sku gsung thugs kyi 'khor lo/__srung ba sgrib shing nag po/__lo tog sad srung 'bru'i bang mdzod/__lo tog sad srung mu ge bkag pa/__lo tog sad srung 'gro kun bde 'god/__ser ba srung ba sde brgyad 'dul byed/__ser ba srung ba gnam lcags me'i 'khor lo/__ser ba srung ba sde brgyad ar gtad 'khor lo/__char 'bebs klu rgyal ma dros dam 'dogs/__char 'bebs klu nad bsal byed 'khor lo/__char 'bebs bdud rtsi 'bru yi bang mdzod/__sri'u gso ba srog 'phel 'byung bzhi stobs skyed/__char gcod rten 'brel rdzas kyi sbyin sreg__/thog dang 'khyug srung ba/__khro bcu la brten ba'i srung ba/__rims srung sngags chus brab pa'i rten 'brel/__'brum srung lcags sran bsgril ba'i rten 'brel/__dmar bshal la sogs 'khru ba gcod pa sngags mdud kyi rten 'brel/__lug nad dang phyugs nad gcod pa'i rten 'brel nad kha bsgyur ba/__lhog pa bsrung ba'i rten 'brel sngags srung chen mo/__gre gag srung ba sngags rdzas rten 'brel/__gza' nad srung ba khyab 'jug mdud grol/__mtshon srung rdo rje go khrab dpa' bo rtsal 'gyed do/__/zhes rnam grangs sum cu rtsa lnga'o/__/zhes pa'i dang po chos byed rnal 'byor pa rnams sku tshe ring dgos pas/__de la rten 'brel sngags dang dmigs pas brgyan par bya'o/__/zhes tshig gi don 1nyams su len pa ni/__brag khung kha nub bstan du/__rang nyid kyang kha nub la phyogs te stan bde ba la 'dug nas/__tho rangs khwa ta'i skad ma bsgrags gong du/__skyabs 'gro sems bskyed spyi dang mthun pa byas nas/__pad+ma dang ro gdan nyi ma'i gdan la rang nyid skad cig gis rje btsun ma seng ge'i gdong can sku mdog ser mo zhal gcig phyag gnyis kyis tshe'i bum pa bdud rtsis gang ba thugs kar 'dzin pa/__sku la dur khrod kyis chas brgyad kyis brgyan pa/__zhabs gnyis rol stabs su bzhugs pa zhig bsgom/__de'i dpral bar oM/__mgrin par AH__thugs kar hU~M/__thugs ka'i hU~M las 'od zer 'phros pas/__shar phyogs nas seng ge'i gdong can ma dkar mos shel gyi bum pa bdud rtsis bkang ba bsnams nas byon zhing /__'byung ba chu'i bcud thams cad bsdus par bsam/__lho phyogs nas seng ge'i gdong can ser mos gser gyi bum pa 'chi med bdud rtsis bkang ba bsnams nas byon zhing /__sa'i bcud thams cad bsdus par bsam/__nub phyogs nas seng ge'i gdong can dmar mos pad+ma rA ga'i bum pa 'chi med bdud rtsis bkang ba bsnams nas byon zhing /__me'i bcud thams cad bsdus par bsam/__byang phyogs nas seng ge'i gdong can ma ljang gus margad kyi bum pa 'chi med kyi bdud rtsis bkang ba bsnams nas byon zhing /__rlung gi bcud thams cad bsdus par bsam/__mthar mkha' 'gro ma bzhi po de rnams kyis rang nyid DA ki mar gsal ba'i spyi gtsug nas mar 'chi med tshe yi bdud rtsi dang /__'byung ba bzhi'i bcud rnams blug pas/__tshangs bug nas zhugs/__lus kyi nang thams cad 'chi med tshe yi bdud rtsis mer gyis khengs/__nad gdon sdig sgrib thams cad dag__/lus kyi 'byung bzhi nyams pa thams cad sor chud cing /__tshe nyi zla dang mnyam pa'i 'chi med tshe yi dngos grub thob par bsams nas/__rtsa sngags stong bzla'o/__/khyad par gyi tshe'i sngags/__aHkaHsaHmaHraHtsaHshaHphaTaH__ces pa 'di khri tsho gcig bzla'o/__/de nas mkha' 'gro ma bzhi po 'od du zhu nas rang la thim par bsams nas/__ye shes mkha' 'gro seng gdong mas/__/bdag la tshe yi dngos grub stsol/__/'byung bzhi cha snyoms nad med cing /__/tshe yi bar chad zhi bar shog__/ces 'byung bzhi bcud sdud kyi tshe sgrub zab mo a+thi+-i/__tshe sgrub 'khor (2)lo 'bar 'dzag ni/__skyabs 'gro sems bskyed sogs gtso mo'i mngon rtogs gong dang mtshungs pa las/__rang gi lus kyi nang na yar rtsa gsum 'khor lo bzhi rim par gsal btab/__rtsa gsum 'dus pa'i sgrom mdo lte 'og sor bzhi ru ma las thob pa'i rak+ta dmar po ngo bo a shad me'i rang bzhin la/__rnam pa rje btsun ma seng ge'i gdong pa can sku mdog dmar la tsha ba lcags gong bsregs pa'i mdog lta bu phyag gnyis kyis tshe'i bum pa bsnams pa/__zhabs gnyis skyil krung phyed pa'i rol stabs kyis nyi ma'i gdan la bzhugs pa/__tshon gang ba zhig bsgom/__dbu ma'i yar snar pha las thob pa'i byang sems ngo bo bde stong thig le'i rang bzhin la rnam pa rje btsun ma seng ge'i gdong pa can sku mdog dngul chu dwangs pa'i mdangs lta bu phyag gnyis kyis tshe yi bum pa bsnams pa zhabs gnyis skyil krung phyed pa'i rol stabs kyis zla ba'i gdan la bzhugs pa tshon gang ba zhig bsgoms nas rlung sbyor thun gcig la gnad du bsnun zhing ro rkyang gi rlung gis bus pas lte 'og gi rje btsun ma las me 'bar te/__lte ba snying ga mgrin pa spyi bor dbu ma'i nang brgyud rje btsun ma la me lces reg par bsams nas rlung dang 'khrul 'khor la 'bad pas me cher 'bar te spyi bo'i rje btsun ma las thig le ngo bo bde stong gi rnam pa dngul chu lta bu skya chil gyis bab spyi bo mgrin pa snying ga lte ba kun bde bas mer gyis khengs pa la/__rlung rngub chung yang yang bskyar zhing bzung bas nyi mas yar phul zla bas mar mnan pa'i 'bar 'dzag bde stong gi rang bzhin can de la dmigs pa ma yengs la rtse gcig tu bsgom pa dang rlung sbyor ba sbrag__/bzlas pa rtsa sngags stong phrag gcig__/khyad par gyi sngags khri tsho gcig bzlas nas thun bsdu ba'i tshe/__ye shes kyi mkha' 'gro seng ge'i gdong can mas bdag la 'chi ba med pa tshe'i dngos grub thob pa dang /__rkyen ngan bar chad zhi bar mdzad du gsol/__zhes pas smon lam btab cing bsngo ba bya'o/__/tshe sgrub 'khor lo 'bar 'dzag a+thi+-i/__tshe sgrub rdo rje phur pa ni/__skyabs 'gro sems bskyed sogs gtso mo'i mngon rtogs gong dang mtshungs/__dmigs pa dngos gzhi ni/__rang lus DA ki seng ge'i gdong can mar gsal ba'i snying ga gyen du bstan pa'i nang du/__lcags kyi rdo rje rtse lnga pa gyen du langs pa'i lte bar yi ge nr-iHsmug pos mtshan pa/__rdo rje'i mtha' mar khyad par gyi sngags kyis g.yon bskor du bskor ba/__de'i mtha' mar rtsa sngags kyis g.yon bskor du bskor ba la dmigs pa rtse gcig tu bsgril nas ma yengs par bzlas pa byed cing /__ba spu'i sgo thams cad nas lcags kyi phur pa mgo bo seng zhal byas pa dpag tu med pa 'phros pas/__tshe la gnod par byed pa'i gdon bgegs thams cad bskrad cing gzir ba dang /__rengs shing rmugs pa dang /__spa bkong ba'i phrin las mdzad par bsams nas/__rtsa sngags stong phrag gcig__/khyad par gyi sngags khri tsho gcig bzla'o/__/de nas thun bsdu ba dang rang nyid rtsa sngags la thim/__rtsa sngags khyad par gyi sngags la thim/__khyad par gyi sngags rdo rje la thim/__rdo rje me long la has btab pa bzhin mtha' nas rim gyis nr-iHla thim/__nr-iH'tsher zhing snum pa la yid ma yengs par 'chi med chos sku phyag rgya chen po'i ngang la bzhag pa'i mthar/__ye shes mkha' 'gro seng gdong mas/__/bdag la tshe yi dngos grub stsol/__/'gal rkyen bar chad zhi ba dang /__/bsam pa bzhin du 'grub par shog__/ces pas smon lam btab bo/__/tshe sgrub zab mo rdo rje phur pa a+thi+-i/__/na mo gu ru/__tshe sgrub 'di gsum gyi zhal shes rdzas kyi sman sbyor bstan pa ni/__rtsa ba lus stobs bskyed pa la dbang po lag pa/__bad kan gyi gnyen por mo shag__/mkhris pa'i gnyen por cong zhi/__grang ba'i gnyen por sga skya dang drod sman pi pi ling /__/'dus pa'i gnyen por a ru ra gser mdog__/rlung gi gnyen por dzA ti dang sha chen/__'di'i tshab tu shing kun byed pa lugs gcig__/mchan/_de rnams cha snyoms par sbyar nas/__sbrang dkar gyi khaN+Da dang sbyar te ril bu lug gi ril ma tsam du bsgril/__thod pa mtshan ldan gyi nang du blug cing dar dmar gyis kha bcad de mtha' gtor tshogs kyis bskor/__rang tshe sgrub kyi mngon rtogs gang rung zhig bsgoms nas/__ril bu bdud rtsir byin gyis brlabs te bzlas pa rtsa sngags dang /__khyad par gyi sngags zhag bdun gyi bar du mi tshig gis bar mchod par bzlas par bya'o/__/de la dmigs pa ni/__rang dang bdud rtsi gnyis ka las 'od zer phyogs bcur 'phros pas/__phyogs bcu'i bla ma yi dam sangs rgyas byang sems dpa' bo mkha' 'gro srung ma thams cad kyi byin rlabs nus mthu thams cad 'chi med tshe yi bdud rtsi'i rnam par spyan drangs ril bu la thim par bsam/__slar yang 'od zer 'phros nas 'jig rten khams kyi rigs drug rnams kyi tshe dang bsod nams 'bru bcud mnga' thang gzi brjid thams cad bkug nas/__ril bu la thim par bsam mo/__/de nas mtshams grol ba dang lto stong la ril bu re re ma chag par bza'o/__/zhes pa 'di ni DA ki ma'i gsang mdzod kun gyi yang snying 'chi med tshe yi dngos grub ster ba 'chi ba bslu nges pa'i man ngag gser gyi dum bu lta bu/__blo bde thob chog tshe nyi zla dang mnyam par yid gnyis the tshom mi dgos pa'i man ngag 'di nyams su longs dang /__'chi ba'i 'jigs pa las thar nges pa yin no/__/snod min rnams la shor ra re/__snod ldan la ster ba srid na'ang gser zho re'i yon dang /__mkha' 'gro la tshogs 'khor bzang po shoms la byin/__gzhan la mi spel ba'i bka' rgya dam du gyis/__zhes tshe sgrub zab mo'i zhal shes a+thi+-i/____/_!_na mo gu ru DA ki siM ha mu khA ya/__'dir rnal 'byor pas gdul bya'i dgos skabs dang bstun nas/__thog mar gtso che ba rgyal po dbang 4du sdud dgos pa/__de la sbyor ba/__dngos gzhi/__rjes gsum las/__sbyor ba rdzas bsags pa ni/__rgyal po de'i sku 'bag mtho gang las mi chung ba zhig bzhengs/__sku 'bag gi rgyu ya le/__de la bsre ba'i rdzas ni/__de'i lus kyi dri ma dang skra sen gos zas kyi dum bu byung na rab/__de rnams ma byung na rkang rjes kyi sa dang grib ma phog pa'i sa bsres pa'o/__/sku 'bag gi nang du srog sngags ni/__pA shaM ku ru hU~M rgyal po ch+gai mo khug khug dzaHdzaH__sngags 'di'i 'khor lo'i bca' thabs ni/__rgya shog tshos ma skyon med la/__mtshal gyis 'khor lo rtsibs bcu gnyis lte ba dang bcas pa bris/__lte bar gser gyi yi ges rgyal po'i sems rtsa sgul 'bangs su khug dzaH__zhes pa bri/__shar nas brtsams te 'khor lo rtsibs bcu gnyis gyi dang po la bA/__gnyis pa la shaM/__gsum pa la ku/__bzhi pa la ru/__lnga pa la hU~M/__drug pa la ch+gai mo/__bdun pa la khug__/brgyad pa la khug__/dgu pa la dzaH__bcu pa la dzaH__bcu gcig pa la khug__/bcu gnyis pa la khug__/ces pa bri/__zangs gzhong ngam mkhar gzhong gi nang du zas sna tshogs dang /__'bru sna tshogs dang /__rin chen sna lnga dang dar zab sna tshogs kyis bkang nas de'i steng du srog 'khor la gi waM la sogs te dri bzang byugs nas bzhag de'i steng du rgyal po'i sku 'bag lag pa gnyis kyis rin po che'i snod zas sna tshogs pas bkang nas 'bul ba dang /__phyag 'tshal pa'i tshul du byon pa dang /__rkang pa gnyis kyi pus mo btsugs te gus pa'i tshul kho rang ji lta ba bzhin du byas nas/__sus kyang mi mthong bar 'jog cing /__gtor ma dang tshogs 'khor bzang po bsham/__rang nyid mtshams shin tu dam pas las tshogs 'di byed pa sus kyang ma tshor bar byed pa gnad che/__de la rdzas 'di rnams bsregs pa'i dud pa rgyun ma chad pa dgos te/__gi waM/__gu gul/__gla rtsi/__kha che/__dzA ti/__li shi de rnams cha snyoms par zhib par btags nas/__gzhi mkhan pa dmar po zla ba drug pa'i tshes brgyad kyi tho rengs rtsa rtse med par brkos nas grib skam byas pa/__de la sbyar ba'i spos kyi dri rgyun ma chad par btang ba ni sbyor ba rdzas bsags pa'o/__/dngos gzhi 'gugs pa'i cho ga la/__thog mar skyabs 'gro sems bskyed sngon du 'gro bas/__rang nyid skad cig gis ye shes kyi mkha' 'gro ma seng ge'i gdong pa can sku mdog dmar mo zhal gcig phyag gnyis spyan gsum zhal gdangs ljags 'dril mche ba gtsigs pa/__dbu skra lcags ral mthur du sprugs pas rgyal po dbang du sdud pa'i lcags kyu mang po 'phro ba sku la mi mgo skam rlon dang /__zhing lpags/__thal chen/__khrag zhag gi thig le rnams dang /__sbrul sna tshogs/__stag sham/__rus pa'i phyag rgya lngas brgyan pa/__phyag g.yas seng zhal gyis mtshan pa'i lcags kyu bsnams nas/__dmigs yul bsgrub pa'i snying gar bzung zhing bka' nyan 'bangs dang bcas pa dbang du sdud pa/__g.yon pas rin po che pad+ma ra ga'i bum pa dgos 'dod 'byung ba'i bdud rtsis bkang ba dkur brten cing 'dzin pa/__gru mo na kha T+wA~M gas brgyan cing zhabs gnyis rol stabs kyis pad+ma dang gter gyi bum pa'i gdan la bzhugs par gyur/__rgyas gdab dgug gzhug dbang bskur sogs med do/__/de nas rang gi snying gar nyi ma'i dkyil 'khor gyi steng du/__yi ge dzaHdmar po de'i mtha' bskor du pA shaM ku ru hU~M rgyal po ch+gai mo khug dzaH__zhes pa'i sngags phreng gis bskor ba rang gi kha nas 'thon bsgrub bya dmigs yul gyi kha nas zhugs te/__sems rtsa sgul nas 'bangs su gyur par bsam/__de'i bar la mi tshig gis bar ma shor bar bzlas pa zla ba gcig gi bar du 'bad/__des ni rgyal po dbang du 'dus mi 'dus kyi the tshom mi dgos pas/__'bungs la sgrub dang rtags thon pa yin no/__/zhes rgyal po dbang sdud zab mo a+thi+-i/__/man ngag dbul phongs dang bral ba 'di'i zhal shes ni/__rgyal po'i sku 'bag la rang gis dgug bya'i rgyal po de nyid kyi lus ngag yid gsum kha rje dbang thang longs spyod 'khor 'bangs dang bcas pa thams cad bkug nas/__rdo tshan la kha ba babs pa ltar sku 'bag la sib sib thim par bsam/__sku 'bag gi khar smyug ma'i gshor shing dam par sbyar nas sngags bgrangs ba'i nus pa yungs kar la bstims pa de nyid smyug gshor nas rlung gis phul te/__sku 'bag nang du sib sib btang bas/__rgyal po sems rang dbang med par 'gul shing longs spyod 'khor dang bcas pa phul bar bsam pa ni 'di'i zhal shes/__a+thi+-i/__rnal 'byor pa bde ba 'phel bar byed pa'i rten gyi mchog__/longs spyod kyi 'dod yon phun sum tshogs pa ster ba'i rgyal po'i btsun mo dbang du sdud pa ni/__de'i thog mar rdzas bsags dgos te/__de yang rab btsun mo nyid kyi skra sen so dang lud pa/__'bring gcin shul gyi sa dang zos lhag__/tha ma rkang rjes kyi sa dang dri ma phog pa'i gos kyi spu/__rdzas rab 'bring gsum po gang rung gcig dang bag zan bsres pa la btsun mo'i gzugs byad ci 'dra ba bzos pa'i snying gi dkyil du/__pA shaM ku ru hU~M yid du 'ong ba'i che ge mo 'di'i sems rtsa sgul yid dung dung khug dzaH__zhes bris pa dar dmar po'i nang du gtums nas 'jug__/de nas zangs kyi dbang phyug chen po mig gdangs shing pags pa phyi lhogs pa chu rtsa sbubs seng yod pa de nyid mtshan ma'i nang du btsud de tshon skud sna lnga btags shing skabs su sngags kyis brab pa ni rdzas bsags pa'o/__/de nas bskyed rim bzlas pa'i dmigs pa ni/__skyabs 'gro sems bskyed spyi dang mtshungs pa byas/__rang nyid skad cig gis rje btsun ma seng ge'i gdong can ma sku mdog dmar mo/__zhal gcig phyag gnyis ma/__g.yas pas zangs kyi dbang phyug chen po 'bras bu 'dzags pa dang bcas pa bsnams pa/__g.yon pa lcags kyu 'dzin zhing dmigs bya rang dbang med par 'gugs pa/__dur khrod kyi chas kyis sku la brgyan pa/__zhabs gnyis rol stabs kyis nyi ma'i gdan la ye shes kyi me dpung 'bar ba'i dbus na bzhugs par gyur/__de nas gong du bstan pa'i sngags bzlas pas btsun mo de nyid kyi lus ngag yid gsum bag zan gyi byad gzugs de nyid la thim zhing /__de nyid 'dod chags kyi rlangs pa rdol nas rang dbang med par gus par bsam mo/__/de lta bu'i bzlas pa mi tshig gis bar mchod par zla ba gcig byas pas/__btsun mo rang dbang med par khug par the tshom med do/__/lag bcangs ma yin pas nyams su long zhig__/btsun mo 'gugs byed kyi gdams pa zab mo a+thi+-i/__bde ba ster zhing longs spyod ma lus pa 'byung ba'i btsun mo phyag rgya 'gugs pa'i zhal shes ni/__rdzas gtum gyi srog sngags ni/__yig mgo phyir bstan rim pa gnyis bri/__shog bu bod shog skyon med kyis gtub/__b+ha gar btsug pa'i zangs kyi ling+gar/__skabs su sngags kyis 'bud pa'o/__/bus pa btsun mo'i rtags rang dbang med par khol nas/__skad cig nyid la rang gi 'bangs su gyur par bsam mo/__/de nas mtshams grol ba dang /__bag zan btsun mo'i khog la ster thub na rab/__ma thub na zhib par btags te gos la 'thor thub pa bya'o/__/khug mi khug the tshom mi dgos pas/__'bad nas 'bud par bya'o/__/rtsa sngags kyi mjug tu sgos kyi sngags btags nas bzla ba yin/__zhal shes zab mo a+thi+-i/__/DA ki chen mo la na mo/__snyigs ma lnga'i dus su/__dad pa dang ldan pa'i 'khor 'du bar dka' bas/__des na dbang sdud zab mo 'di dgos te/__'di la rdzas dang sngags ting nge 'dzin gsum las/__thog mar rdzas bsags pa ni/__mi che dgu thams cad kyi zas lhag dang /__sngags pa btsun pa/__mdor na mi phal pa thams cad kyi za ma'i lhag__/'bru sna tshogs tshad/__dar zab gser dngul tshogs tshad/__sa sna tshogs tshad/__chu sna/__shing sna thams cad bsags nas/__rdza'i bum pa sngar bed ma spyad pa so btang ba/__bre gsum tsam 'gro ba'i nang du blugs nas g.yab dar btsugs shing /__de'i mtha' bskor kun bag zan mi sna mi gcig pa mang pos bskor/__gtor tshogs bzang po bsham/__khams sa gzhi byas pa'i dbang sdud kyi spos sbyor rgyun ma chad par bsregs pa ni rdzas bsags pa'o/__/dngos gzhi'i ting nge 'dzin sngags dang bcas pa ni/__skyabs 'gro sems bskyed spyi dang mthun pa las/__pad+ma ro dang nyi ma'i gdan gyi steng du/__rang nyid skad cig gis dbang sdud kyi mkha' 'gro ma seng ge'i gdong can sku mdog dmar po zhal gcig phyag gnyis ma/__g.yas lcags kyus 'dzam bu gling gi skye 'gro thams cad dbang du sdud par mdzad pa/__g.yon zhags pa bsnams nas skye bo thams cad 'bangs su 'ching pa/__sku la dur khrod kyi chas brgyad dang /__rin po che'i rgyan sna tshogs kyis brgyan pa'i sku/__nyi ma 'bum gyi gzi brjid dang ldan pa zhig bsgoms nas sngags bzla ba ni/__rtsa sngags kyi mjug tu/__pA shaM ku ru hU~M nr-i dza khug__/skye bo phal pa rnams kyi snying rtsa dkrugs la dbang du sdus/__zhes pa thun re la khri tsho re bzlas la thun gsum du bcad de/__thun mjug tu g.yab dar lag g.yas su thogs/__g.yon du rang gi rtags pa sgrings nas thogs te/__thog khar kun gyis mi mthong bar phyin nas g.yab dar g.yug pa dang ngag tu 'di skad brjod de/__rje btsun dbang sdud kyi rgyal mos/__'dzam bu gling gi skyes pa bud med phyug po phyug mo btsun pa btsun ma dge bshes gnas brtan rtogs ldan pho mo sngags bon sogs mdor na mgo nag gi mi thams cad bdag gi dbang du sdud pa'i phrin las mdzod cig__/bdag gi dbang du 'du bar gyur cig__/ces dmod bor nas dung gsum bus shing nang du logs 'ong ste/__nas la sngags kyis brabs pa'i sngags nas kyis bum pa la rab gnas bya'o/__/de lta bu'i bzlas pa zla ba gcig las mi nyung ba mi tshig gis bar ma shor bar byas pas 'gro ba thams cad dbang du 'du bar the tshom med do/__/nyams su long dang nges shes skye bar 'gyur ro/__/zhes 'khor 'gugs pa'i gdams pa zab mo a+thi+-i/__/'di'i zhal shes zab mo ni/__tshes grangs rgyal phur 'dzom pa kho na yin/__sbyor ba 'phel ba la byed pa gnad che/__dus tshod tshes gcig nas brtsams te byed/__de nas bum pa zas sna la sogs pa'i rin po che sna tshogs kyis bkang ste de nyid nas khal phyed las mi nyung ba la pad+ma'i dbyibs bzos nas de'i khar 'jog__/bum pa la 'dzugs pa'i g.yab dar ni/__rab rkun po'i rkang pa g.yas pa'i rkang dung mdzo sna gnyis ma nyams pa la/__dar sna tshogs la 'phan gyi dbyibs bzos nas gi waM/__gur gum/__rdo rje'i mda' ma phog pa'i rak+ta gsum la sbyangs pa'i mtshal gyi yi ge__/rtsa sngags sbrul mjugs su bris pa'i mjug tu 'dod don gyi sngags kyang sbrul mjugs su dar sna tshogs la bris nas mdzo sna gnyis la 'dogs pa'o/__/dmigs pa ni 'dzam bu gling gi skye 'gro thabs cad 'od zer lcags kyu dang bcas pas dbang du 'ub 'ub bsdus par bsam mo/__/mtshams grol nas bum pa'i nang gi rdzas dang bag zan kun zhib thag chod par btags nas sbrang dkar gyis khaN+Da byas nas ril bu ra yi ril ma tsam byas pa/__grib ma la legs par bskam ste tshags byas nas 'gro ba 'brel pa thogs tshad la mngon dang mi mngon gnyis ka'i sgo nas sbyin par bya'o/__des ni 'gro ba dbang du mi 'du mi srid pas/__nyams su blangs na dngos grub chen po yod/__le lo dang snyom las kyi dbang du song na dngos grub yal 'gro bas go bar gyis/__'khor slob 'gugs byed kyi dbang sdud zab mo'i zhal shes a+thi+-i/__/DA ki byin rlabs can la na mo/__snyigs ma'i dus kyi sems can dad pa chung zhing longs spyod bkren pas/__de'i dus dang chos byed rnal 'byor pa rnams la zas dang longs spyod 'gugs dgos te/__de la thog mar DA ki chen mo'i phyi nang gsang gsum gyi bsnyen pa them nges pa zhig gal che/__de nas las 'di brtsam pas 'grub pa yin te/__de la rdzas dang sngags dang ting 'dzin no/__/rdzas ni thod pa mtshan ldan gyi nang du/__'bru sna zas sna kun gyis bkang nas/__chos 'byung bris pa'i maN+Dala'i khar bzhag__/thod pa de'i steng du yang mtshan ldan gyi thod pa bdud rtsis bkang bzhig ba zhag pa'i kha dar gyis bcad nas/__de'i steng du maN+Da lar sin+d+hu ra'i chos 'byung bris pa la rdzas bkod pa ni shar du bu ram/__lhor lug sha__/nub tu shing kun/__byang du tshwa tshogs tshad/__dbus su sha chen/__byang shar du rgun 'brum/__shar lhor gla rtsi/__lho nub tu li khri/__nub byang du gi waM/__de rnams tshogs par byas nas gtor tshogs shin tu bzang zhing mkha' 'gro 'du ba'i spos sbyor gyi dud pa ma chad par btang ba sogs de rnams 'dzom pa ni rdzas bsags pa'o/__/lha bsgom zhing sngags bzla ba ni/__skyabs 'gro sems bskyed spyi dang mthun pa las/__rang nyid skad cig gi zas nor char ltar 'bebs pa'i mkha' 'gro ma seng ge'i gdong pa can sku mdog dmar mo gcer bu rgyan med pa zhal gcig phyag gnyis kyi/__g.yas zas sna tshogs kyis bkang ba'i ka pA la dang /__g.yon khams gsum gyi zas nor mi gsum 'gugs pa'i lcags kyu bsnams pa/__pad nyi ro'i gdan la bzhugs par gyur/__aHkaHsaHmaHraHtsaHshaHdaHraHsaHmaHraHyaHphaTaHpA shaM ku ru hU~M khams gsum gyi zas nor mi gsum thams cad khug khug dzaHdzaH__zhes thun re la khri tsho re bgrang nas/__DA ki ma la tshogs dang gtor ma phul zhing dngos grub zhu ba'o/__/'dis zas nor mi gsum longs spyod thams cad char ltar 'bab cing khyad par mo chags kyi rigs kun byams par 'gyur ro/__/zhes zas nor mi gsum longs spyod 'gugs pa'i gdams pa zab mo a+thi+-i/__/man ngag thun mong ma yin pa 'di'i zhal shes ni/__thog mar chos 'byung dmar po me ri dang bcas pa lte ba la hU~M dmar po bris pa gcig__/de'i steng du maN+Dal bzhag__/de'i steng du rdzas thod dang /__nang mchod kyi thod pa gnyis brtsegs nas 'jog__/de'i steng du dgos 'dod 'byung ba'i rdzas maN+Dal sin+d+hu ra'i chos 'byung rdzas dang bcas pa bkod/__mthar tshogs gtor bzang pos bskor nas/__mdun bskyed kyi bya thabs ni/__chos 'byung gru gsum me ri dang bcas pa/__dbus su rdzas thod kyi gdan/__de'i steng du nang mchod thod pa dang bcas pa'i gdan/__de'i steng du nyi ma'i dkyil 'khor dang /__maN+Dal sin+d+hu ra'i chos 'byung dang bcas pa'i steng du dgos 'dod thams cad 'byung ba'i rdzas de'i steng du/__bdag bskyed ci 'dra ba bzhin lha mo bskyed nas rtsa sngags sham bu dang bcas pa thun re la stong phrag gsum bzlas pa'i mthar/__rje btsun ma 'od du zhu nas rdzas rnams la thim pas de nyid las 'od zer phyogs bcur 'phros pas/__khams gsum lha mir bcas pa'i zas nor 'bru bcud thams cad bsdus nas/__rdzas rnams la sib sib thim par bsams nas/__rje btsun ye shes kyi mkha' 'gro seng ge'i gdong can ma zas nor longs spyod kyi rgyal mos bdag la zas dang longs spyod char bzhin tu 'bab pa'i phrin las mdzad du gsol/__bdag la bud med kyi phrin las sgrub cing mo chags sprin bzhin du 'thibs pa'i phrin las mdzad du gsol/__de nas gtor tshogs mchod pa rnying pa rnams bsdus slar so ma bcas nas bdag bskyed kyi bzlas pa mdun bskyed kyi bzlas pa brtan bzhugs dang bcas pa'o/__/de lta bu'i bzlas pa gzhan gyis ma tshor bar zla ba gcig gi bar du snyom las kyi lhad ma zhugs par phyag len nges pa can gyis sgrub nus na rtags thon par the tshom med do/__/de nas mtshams grol ba dang /__rdzas rnams gcig tu bsres nas zhib par btags te skyes pa stag lo pa'i rlig pa'i khud du gtums nas/__lus kyi drod dang ma bral bar bya'o/__/gal te longs spyod cung zhig dkon pa tsam byung na/__rdzas 'thor lugs kyi man ngag gzhan las shes/__man ngag thun mong ma yin pa zas dang longs spyod 'gugs pa'i zhal shes zab mo a+thi+-i/__/DA ki byin rlabs can la na mo/__snyigs ma'i dus kyi sgrub pa po rnams la mthun rkyen dkon zhing 'tsho ba ngan pa'i dus yin pas/__de la nor longs spyod dgos pas/__thun mong ma yin pa'i gdams pa/__nor sgrub 'dzad med gter chen zhes bya ba 'di la/__rdzas sngags ting nge 'dzin gsum ste/__thog mar rdzas bsags pa ni/__rkun po'i lag pa g.yas pa'i gzhu mchog dang lpags pa'i bar na mar mdzu gu shongs pa tsam gyi dbyug pa btsud nas/___sor mo rnams rang rang thad du nang la mgo gug tsam yod par byas nas dud pa yong ba'i grib mar bskam/__tsho thub tsam la shing bton nas/__de'i nang du gzungs shog dril du byas pa 'dzud/_____kha spra tshil gyis bcad/__mthe bong nas brtsam ste/__mthe chung gi bar du sngags 'di rnams bkod de/__rgya shog la gser gyis bris pa'i hU~M ha ri ni sa/_zhes pa'i yig 'bru lnga po 'di/__sen mo kun la bkod/__lag mthil du b+h+yoH__de'i mtha' bskor du/__aHkaHsaHmaHraHtsaHshaHdaHraHsaHmaHraHyaHphaTaH__sid+d+hi pha la hU~M/__zhes pas bskor ba bri/__de nas sor mo lnga la/__dar dkar dmar sngo ser nag po dang lnga dbyibs 'phan gyi gzugs lta bur byas nas btags/__de rnams la rtsa sngags tsheg med dkyus mtshungs pa bris nas mjug rnams kyi dar dkar po la/__ha sid+d+hi pha la hU~M/__khams gsum gyi zas nor mi gsum thams cad ma lus pa khug dzaH__dmar po la/__ri sid+d+hi pha la hU~M/__khams gsum gyi zas nor mi gsum thams cad ma lus pa khug dzaH__sngon po la/__ni sid+d+hi pha la hU~M/__khams gsum gyi zas nor mi gsum thams cad ma lus pa khug dzaH__ser po la/__sa sid+d+hi pha la hU~M/__khams gsum gyi zas nor mi gsum thams cad ma lus pa khug dzaH__nag po la/__hU~M sid+d+hi pha la hU~M/__khams gsum gyi 'bru bcud gser dngul zangs lcags ma lus pa thams cad khug dzaH__de lta bu'i g.yab dar srod dang tho rangs dus su ma gtogs gtsang sa ru gces spras byas te mi mngon par bzhag go__/de nas skyabs 'gro sems bskyed tshad med bzhi spyi dang mthun par byas nas/__rang nyid skad cig gis gter gyi bum pa'i khri dang nyi ma'i gdan la nor lha'i rgyal mo seng ge'i gdong can sku mdog nag mo gcer bu rgyan dang bral ba/__zhal gcig phyag gnyis kyi g.yas yid bzhin gyi nor bu rin po che'i rgyal mtshan nam mkhar phyar ba/__g.yon gser dngul la sogs rin po che sna tshogs dang /__'bru sna tshogs kyis gang ba'i bum pa bsnams pa zhig bsgoms nas/__rang gi lag tu thogs te gsol ba 'di ltar btab bo/__/hU~M b+h+yoH__ring cha bcas pa nyer gcig brjod nas/__DA ki chen mo nor lha'i rgyal mo bdag la 'dod pa khams gsum gyi gser dngul zangs lcags g.yu go khrab/__'bru rin po che dar zab/__zas gos sha mar thud gsum/__bza' btung 'dod yon sna dgu/__dkor nor sna tshogs rta dang glang po 'dod 'jo'i ba/__khrag chags gnag lug nor gyi bang mdzod ma lus pa sogs dpal 'byor longs spyod thams cad bdag gi tshe 'di la dbang du 'du bar mdzod cig__/dbang du 'dus par gyur cig__/ces phrin las bcol zhing smon lam btab bo/__/man ngag zab mo 'di mi tshig gis bar ma shor bar zla ba gsum sgrub nus na/__tshe 'dir dbul phongs kyi sdug bsngal grol zhing /__zad mi shes pa'i longs spyod 'byung bar the tshom med pa lag tu longs shig myong bas grub pa yin no/__/sgrub thag ring snyam ma byed brtson 'grus myur bar bskyed dang 'dod don skad cig nyid la 'byung bar gda'o/__/ces pa 'di ni DA ki chen mo'i nor sgrub 'dzad med gter chen zhes bya ba'i gdams pa a+thi+-i/__/nor lha'i rgyal mo don thams cad grub pa la phyag 'tshal lo/__/gdams pa 'di'i zhal shes thun mong ma yin pa la/__g.yab dar gyi yig 'bru rnams bkod tshul ni/__lag ngar gyi gzhung la shog dril 'dzud pa'i yi ge 'bri ba'i shog bu ni/__rgya shog tshos ma la yi ge mtshal gyis 'bri ba yin/__rtsa sngags yi ge bcu bzhi pa sbrul mjug bris pa rnams kyi 'gab tu/__sid+d+hi pha la hU~M khams gsum gyi zas nor mi gsum longs spyod ma lus pa khug dzaH__dkyus su 'bri ba yin/__de mgo gzhug ma log par sgril nas gi waM li khri gnyis kyis byugs nas/__yig mgo sen mo rnams la gtad de 'dzud pa yin/__de'i kha spra tshil gyis bcad/__sen mo lnga'i 'gab tu yi ge bkod pa rnams 'di lta ste/__rgya shog la gser gyis bris pa'i yig 'bru rnams tha dad du phral te/__mtheb chen gyi mgul par hU~M/__mdzub mo'i mgul par ha/__gung mo'i mgul par ri/__srin lag gi mgul par ni/__mthe'u chung gi mgul du sa/__yig 'bru 'god pa gzhung dang mtshungs so/__/'phan rnams sor mo lnga la 'dogs pa ni/__sor mo lnga po'i rtse la bug pa phug nas/__nag po mtheb chen la/__dkar mo mdzub mo la/__dmar po gung mo la/__sngon po srin mdzub la/__ser po mthe'u chung la/__de ltar g.yab dar gyi 'phan rnams de bzhin du btags nas/__lag ngar 'gugs byed kyi mkha' 'gro mar bsam/__sor mo lnga po mkha' 'gro sde lngar bsams nas/__zas nor mi gsum ma lus pa char ltar bkug par dmigs nas/__nyin mtshan phrug gcig la/__thun gsum byas pa'i thun gzhug thams cad du/__gtor ma yam de phul nas/__g.yab dar lag pa g.yas su thogs shing g.yon du mkha' 'gro 'du ba'i spos sbyor bsregs pa thogs nas spu shu'i rtser phyin te/__hU~M b+h+yoH__ring cha dang bcas brjod nas/__phrin las 'dod dgu stsol ba'i smon lam gdab cing g.yab dar g.yab bo/__/nges par srod dang tho rongs thun chen par g.yab bo/__/'di'i las tshogs 'di shin tu gsang bas 'grub pa yin pas/__su gang gis kyang ma tshor bar mchu la 'byar rtsi dam par bkus nas gsang sgrub tu nyams su blangs na/__rnam sras/__dzaM b+ha la/__nor rgyun ma/__tshogs kyi bdag po la'ang mi smon par longs spyod de kun dang mnyams dang 'dzad mi srid pa'i nor 'byung ngo gsungs pa'o/__/nor sgrub 'dzad med gter chen gyi gzhung du mi gsal ba'i zhal shes zab mo a+thi+-i/__/rje btsun DA ki chen mo seng gdong ma la phyag 'tshal lo/__/de yi las tshogs dbul phongs sdug bsngal sel bar byed pa'i nor sgrub kyi gdams pa 'di bri bar bya'o/__/de la nor sgrub khams gsum bang mdzod ces bya ba 'di la don gsum ste/__dang por rdzas bsags pa dang /__gnyis pa lha bsgom zhing sngags bzla ba dang /__gsum pa las la sbyar ba'o/__/dang po rdzas bsags pa ni skyes pa gri khar bsad pa'i gsang rdor cha lag ma nyams pa/__mig sbur ha re ba byas pa/__de'i nang du rdzas dang sngags 'dzud pa las la sbyar ba'i gnad rnams zhal las shes so/__/gnyis pa/__lha bsgom zhing sngags bzlas pa ni rin po che 'bar ba dang gter gyi bum pa'i steng du/__rang gi sems nyid yi ge dzaHyongs su gyur pa las/__rang nyid nor gyi bdag mo gnod sbyin gyi bu mo seng ge'i gdong can sku mdog smug nag gcer bu zhal gcig phyag gnyis kyis/__g.yas khams gsum gyi nor ma lus pa 'gugs pa'i lcags kyu dang /__g.yon 'dzad med gter chen gyi bum pa bsnams pa/__sku las 'od zer gyi sna la lcags kyu mang po 'phros pas khams gsum na yod pa'i nor bu rin po che la sogs te nor dang dkor mdzod thams cad skad cig nyid la 'gugs pa/__zhabs gnyis skyil krung phyed pa'i rol stabs kyis bzhugs par gyur/__de'i ngang nas/__aHkaHsaHmaHraHtsaHpA shaM ku ru hU~M sid+d+hi pha la khugaHkhugaHdzaHdzaH__zhes pa'i bzlas pa thun gsum du bcad pa'i thun re la khri tsho re las mi nyung bar bzla'o/__/sgrub dus tshogs dang gtor mas mnyes par byas nas/__zla ba gcig tsam mi tshig gis bar ma shor bar sgrub nus na/__gnod sbyin a pa ra tsi ta bas nor che bar 'byung ba the tshom med do/__/nor sgrub khams gsum bang mdzod ces bya ba a+thi+-i/__/DA ki nyid la gus pas phyag 'tshal lo/__/man ngag 'di'i zhal shes gnad kyi lde mig ces bya ba ni/__skyes pa gri khar bsad pa'i gsang rdor cha lag ma nyams pa zhes pa ni/__skyes pa 'thab mo byas shing phyi dbugs song ba'i drod ma yal ba de'i/__gsang rdor rmangs spu dang bcas pa pags pa mtha' bskyed nas bregs te tshags byas nas/__rlon pa de nyid la sog mig na mar shing mdzub gang tsam la sbom phra mtheb chung gi tshad tsam btsud nas ma rul bar tshags byed pa'o/__/de nyi de tsho thub pa dang shing bton la/__de'i tshab tu dmar tshos kyis brgyang nas skam du 'jug__/de nas rang gi srog sngags dang rdzas ni 'di rnams yin/__rgya shog skyon med la/__gi waM/__gla rtsi/__li khri gsum gyis sngags rnams 'di ltar bris te/__srog sngags drug po 'bru tshags su dkyus gcig la 'bri/__pA shaM ku ru yig 'bru lnga 'bru tshags su dkyus la 'bri/__sid+d+hi pha la yig 'bru brgyad mjug tu dkyus gcig la 'bri/__de la gur gum sogs dri bzang byugs nas/__sngags brgya rtsa gcig bzla/__rtsa sngags drug po gnod sbyin nor bdag mar bskyed/__ha mang du btab nas rab gnas bya'o/__/gzungs de nyid mgo mjug ma log par byas nas/__'bru dang bcas par bsgril nas/__dar ras dmar po bzang pos bstum/__stong skud dam pos cha cha skyigs su byas nas sog mig gi mgor yong bar byas nas btsud de/__kha la chas bkag__/de'i lpags pa rnams gcig tu bsdus pa tshon skud sna lngas skyigs pa'i lhag ma 'dom gang tsam yod pa byas nas thun gzhug thams cad du rdzas de nyid lag pa g.yas su thogs nas/__thog khar phyin te/__hU~M b+h+yoH__ring cha dang bcas pa brjod nas/__DA ki seng ge'i gdong can mas 'gro ba pho mo thams cad kyi snying rtsa rang dbang med par bskul nas/__nor dang longs spyod thams cad phongs pa med par bdag gi dbang du 'du bar mdzod cig__/dbang du 'dus par gyur cig__/ces phrin las bcol zhing smon lam btab pas/__rdzas phyi nang du g.yug cing gtor ma mchod pa'o/__/de nas nang du sleb nas gtor ma sgrub gtor ma yin pa'i mchod gtor rnams gsar pa dang bcas te kun la 'jug pa yin no/__/zhes pa 'di lta bu'i nor sgrub yod pas dbul phongs kyi sdug bsngal bral lo/__/zhes nor sgrub khams gsum bang mdzod kyi zhal shes a+thi+-i/__/DA ki seng gdong ma la gus pas 'dud/__de yi las tshogs nor sgrub gter chen bum pa zhes bya ba la/__rdzas dang sngags ting nge 'dzin gsum yod de/__thog mar rdzas kyi bca' gzhi bstan pa ni/__phye dkar mo'i bum pa bzhengs dgos te/__de'i khu ba chang gar ma la/__sga/__go snyod/__g.yer ma/__lan tshwa/__de rnams btab nas/__khong mar ma chung ba'i rten 'brel dang bstun pa'i bum pa che chung ci rigs pa'i khar nor bu 'bar ba bzhag pa gcig__/bum pa'i nang du zas sna tshogs tshad dang 'bru sna tshogs tshad rin po che sna tshogs pa bcug__/de nyid rin po che'i snod kyi nang du bcug nas/__mtha' tshogs 'khor gyis bskor ba'o/__/de nas skyabs 'gro sems bskyed spyi dang mthun pa las/__rang nyid skad cig gis gnod sbyin longs spyod kyi rgyal mo DA ki seng ge'i gdong can sku mdog dmar mo zhal gcig phyag gnyis kyis gter chen gyi bum pa rin po ches mtshan pa bsnams pa sku mdog smug nag__/gnod sbyin mo'i cha byad can/__bum pa'i khri'i gdan la/__gsang ba'i skyil krung gis bzhugs par gyur/__aHkaHsaHmaHraHtsaHshaHdaHraHsaHmaHraHyaHphaTaH__ma ma pA shaM ku ru hU~M/__sid+d+hi pha la khug khug dzaHdzaH__zhes pa thun re re la khri tsho re re bzla'o/__/DA ki seng ge'i gdong pa can gyi sgo nas nor sgrub gter chen bum pa zhes bya ba a+thi+-i/__/DA ki myur mgyogs rgyal mos byin gyis rlobs/__gdams pa 'di'i zhal shes/__mi gsal ba gsal bar ston pa la/__/tshe bum ni mdog dmar po yin/__tshe bum gyi 'og tu pad+ma 'dab brgyad dmar po/__lte bar chos 'byung dmar po nyis brtsegs/__dbus su hrIHyig gis mtshan pa zhig bkod/__de'i steng du many+dzi'i khar gter chen gyi bum pa bzhag__/de'i mtha' gtor tshogs nang mchod bzang po dang bcas pas bskor/__bum pa la mda' dar dmar po sgro bzhi ma btsugs pa'i mda' sgro bzhi'i bar du rtsa sngags sbrul mjug gi mthar sid+d+hi khug dzaH__zhes bzhi bri/__dar la rtsa sngags sbrul mjug gi mthar ma ma pa shaM ku ru hU~M/__sid+d+hi khug dzaH__zhes pa bris pa bsangs sbyangs byas nas/__pad+ma dang chos 'byung dmar po nyis brtsegs kyi steng du pa~M las hrIHyig dmar po ba~M gyis mtshan pa/__de nyid yongs su gyur pa las/__gter chen gyi bum pa mchu 'phyang zhing mgrin pa ring ba/__dgos 'dod thams cad 'byung ba'i lto ba ldir ba/__nor bu rin po ches mtshan pa/__kha rgyan mda' dar dmar pos brgyan cing zas nor longs spyod phun sum tshogs pas gang bar gyur/__mda' dar la rdo rje gzungs thag btags nas/__bzlas pa byas pas/__gzungs thag la sngags phreng 'khril nas rdzas rnams la phog pas/__rdzas rnams bsam 'phel yid bzhin nor bur gyur par bsam mo/__/de nas rang gi lag pa g.yas su mda' dar thogs te/__hrIHkhug dzaHDA ki myur mgyogs kyi rgyal mo seng ge'i gdong can mas/__lha klu btsan bdud ma mo gshin rje the'u rang dri za mkha' lding mi'am ci la sogs pa dang 'jig rten khams kyi skyes pa bud med thams cad dang bla ma dge ba'i bshes gnyen thams cad kyi tshe dang bsod nams dpal dang gzi brjid/__snyan pa dang grags pa nor longs spyod thams cad skad cig nyid la bdag gi dbang du 'dus par gyur cig__/dzaHdzaHdzaH__brtan par gyur cig__/ces 'dod don gyi gsol ba btab cing mda' dar g.yab bo/__/de lta bu'i sgrub pa zla ba gcig byas par gyur na/__longs spyod 'byung ba dang 'gro ba pho mo dbang du 'du ba lta ci smos te/__tshe nyi zla dang mnyam par 'gyur ro/__/zhes pa 'di ni nor sgrub gter chen bum pa'i zhal shes a+thi+-i/__/DA ki chen mo seng ge'i gdong can ma la gus pas phyag 'tshal lo/__/'dir rnal 'byor pa chos zab mo nyams su len pa la/__/rkyen ngan bar chad 'byung bas de bzlog pa la/__/DA ki chen mo seng ge'i gdong can ma'i sgo nas bzlog pa yod chog rgyal po zhes bya ba 'di bya dgos te/__de la thog mar skyabs 'gro sems bskyed sngon du 'gro bas/__rang nyid skad cig gis rje btsun ma seng ge'i gdong can sku mdog nag mo zhal gcig phyag gnyis spyan gsum nyi ma'i dkyil 'khor ltar gdangs shing /__zhal bgrad cing mche ba gtsigs shing ljags 'dril ba/__lcags ral nag po thur du sprugs pas me mdag phur bu'i tshwa tshwa 'phro ba/__phyag g.yas pa nyi ma'i dkyil 'khor/__phyag g.yon pa zla ba'i dkyil 'khor/__de gnyis kyi bar du gnod byed 'byung po mi dang mi ma yin pa thams cad btsud pa/__/sku rgyan med gcer bu la me dpung gi tshwa tshwa 'phro ba zhig tu bsgoms nas/_aHkaHsaHmaHraHtsaHshaHdaHraHsaHmaHraHyaHphaTaH__ces pa'i sngags 'di stong phrag gcig tsam bzlas nas/__rang la gang gnod pa'i dmigs bya thams cad bsams la/__lag pa thal mo sbyar te/__na mo/__sangs rgyas kyi bka' bden pa dang /__chos kyi bka' bden pa dang /__dge 'dun gyi bka' bden pa dang /__DA ki chen mo seng ge'i gdong can ma'i lha tshogs rnams kyi bka' bden pa dang /__rnal 'byor pa bdag gi ngag bden pa'i mthu dang /__bden pa chen po'i byin rlabs kyi mthus/__gnod byed 'byung po ma rungs pa gdug pa can/__bla ma'i sku dgra byed pa/__dge 'dun gyi sde bshig cing dkor 'phrog pa/__sangs rgyas kyi bstan pa rin po che 'jig pa'i bsam sbyor ngan pa sgom pa/__'gro ba pha mar gyur pa rnams la gnod cing 'tshe ba rnams dang /__chos bzhin du byed pa'i sgrub pa pho mo rnams la bar du gcod pa'i ma rungs pa rnams dang /__khyad par du rnal 'byor pa bdag la gnod cing 'tshe bar byed pa'i 'byung po mi dang mi ma yin pa thams cad kyi lus ngag yid gsum gyi bsam sbyor ngan pa thams cad thal ba'i rdul phran bzhin du brlag par gyur cig__/zhes thal mo lan gsum brdab bo/__/thal mo'i bar du gnod byed 'byung po thams cad kyi lus ngag yid gsum thams cad 'dzir 'dzir rdul phran bzhin du brlag par bsam mo/__/zhes pa 'di ni/__rje btsun ma seng ge'i gdong can ma'i sgo nas zlog pa yod chog rgyal po zhes bya ba'i gdams pa zab mo ste a+thi+-i/__/DA ki chen mo seng ge'i gdong can ma yis byin gyis brlab tu gsol/__'dir rnal 'byor pa chos byed sgrub pa kho na nyams su len pa'i dus su/__bsam sbyor ngan pa sgom pa'i sngags bon la sogs te/__gnod 'tshe ma rungs pa byed pa rnams bzlog pa phur kha rbod gtong zlog byed ces bya ba 'di dgos pas/__de la thog mar skyabs 'gro sems bskyed sngon du btang nas/__chos thams cad rang bzhin gyis mi dmigs pa'i ngang du stong par sbyang /__stong pa'i ngang las rang nyid skad cig gis rje btsun ma seng ge'i gdong can sku mdog du ba'i mdog bzhin du nag la rngam pa/__zhal gcig phyag gnyis kyi g.yas gri gug g.yon thod khrag 'dzin pa khaT+wA~M ga dang dur khrod kyi chas brgyad kyis brgyan pa'i sku ye shes kyi me dpung 'bar ba'i dbus na/__chos 'byung ro'i gdan la zhabs gnyis rol stabs kyis bzhugs par gyur/__de'i sku lus thams cad las mkha' 'gro pa dpag tu med pa 'phros pas de rnams kyis g.yas lcags kyu zhags pa lcags sgrog dril bu mda' mdung dbyug pa kha T+wA~M ga 'khor lo ral gri tho ba la sogs pa'i mtshon cha sna tshogs pa/__g.yon sdigs mdzub las me 'bar ba/__de rnams gnod byed log par 'dren pa rnams kyi steng du thog 'bab pa ltar/__gang la yang thogs rdug med par btang bas/__sngags bon ban+de rnams kyi sha zos khrag 'thung bas skad cig nyid la thal ba'i rdul du brlag par bsam nas/_aHkaHsaHmaHraHtsaHshaHdaHraHsaHmaHraHyaHphaTaH_ces stong phrag gcig bzlas nas lag pa thal mo sbyar zhing /__ngag tu 'di skad brjod de/__ma ye shes kyi mkha' 'gro seng ge'i gdong can ma'i lha tshogs rnams kyis/__bdag cag la gnod par byed pa/__bgegs rigs stong phrag brgyad cu zhi bar gyur cig bzlog par gyur cig__/gdon rigs sum brgya drug cu zhi bar gyur cig__/nad rigs bzhi brgya rtsa bzhi zhi bar gyur cig__/steng gdon gza' dang rgyu skar gyi gnod pa thams cad zhi bar=__'og gdon sa bdag klu gnyan gyi gnod pa thams cad zhi bar=__bar gdon btsan dang rgyal po'i gnod pa thams cad zhi bar=__bdud dang gshin rje ma mo'i gnod pa thams cad zhi bar=__lo kag zla kag zhag kag dus kag thams cad zhi bar=__gsum kag bzhi gshed bdun zur thams cad zhi bar=__rmi lam ngan pa mtshan ma ngan pa ltas ngan pa thams cad zhi bar=__blo bur yed drogs sum brgya drug cu'i gnod pa thams cad zhi bar=__zhang zhung bon po'i gtor kha zug pa thams cad zhi bar=__sngags pa nag po'i gdab las kyi phur kha zug pa thams cad zhi bar=__ban+de dang skye bo bud med kyi dmod kha zug pa thams cad zhi bar gyur cig__/mdor na gnod byed mi mthun pa'i phyogs thams cad las bdag srungs shig rak+Sha rak+Sha swA hA/__zhes srung 'khor bsgoms shing bsngo ba smon lam byas nas/__phyag chen gyi ngang la mnyam par bzhag go__/zhes pa 'di ni DA ki seng ge'i gdong can ma'i sgo nas phur kha rbod gtong zlog pa'i man ngag zab mo a+thi+-i/__/DA ki mthu stobs can ma la gsol ba 'debs so/__/bstan pa'i spyi dgra dang rnal 'byor pa'i sgos dgra dam nyams phyogs ngan bdud kyi spyod pa 'ba' zhig byed pa rnams bzlog cing bsgral dgos na/__de la DA ki seng ge'i gdong can ma'i sgo nas/__zlog la phyogs ngan bdud gcod nag po zhes bya ba byed dgos te/__thog mas skyabs 'gro sems bskyed sngon du btang nas/__chos rnams rang bzhin gyis ma grub pas stong par sbyangs/__stong pa'i ngang las b+h+rU~M yongs su gyur pa las/__gzhi gnam lcags las grub pa'i chos 'byung gru gsum mthing nag me ri 'bar bas dgra bgegs sreg par byed pa/__de'i dbus su pad+ma nyi ma dgra bgegs brdzis pa'i steng du/__rang gi sems nyid kyi ngo bo yi ge hU~M mthing nag__/de yongs su gyur pa las rang nyid skad cig gis DA ki seng ge'i gdong pa can nag mo/__gcer bu rgyan med pa thal chen dang khrag gis byugs pa/__lcags ral nag po mthur du sprugs pas stong gsum mkha' 'gro'i dmag gis 'gengs pa/__phyag g.yon gyi mthe bong gser gyi s+t+wa gri dang mdzub mo dngul gyi gtan par byas pa/__zhabs gnyis brkyangs bskums kyis bzhugs pa de'i mtheb mdzub gnyis kyi bar du dgra bgegs kyi ske rbad rbad gcod par mdzad pa/__g.yas pa dgra bo 'gugs pa'i lcags kyu bsnams shing /__ye shes kyi me dpung 'bar ba'i dbus na bzhugs par gyur/__aHkaHsaHmaHraHtsaHshaHdaHraHsaHmaHraHyaHphaTaH__gnod byed 'byung po log 'dren ma rungs pa thams cad sarba sha trU~M mA ra ya phaT/__ces pa stong phrag gcig tsam bzlas nas/__thal mo rdeb pa dang /__rnal 'byor pa bdag cag la pha rol gyi rbod gtong 'dre ngan byad kha gtad mnan byed pa'i ban bon sngags nag la sogs pa'i bsam sbyor ngan pa rnams dang /__dam nyams dgra bo spyi dgra dang sgos dgrar gtogs pa thams cad kyi lus chings shig__/ngag chings shig__/yid chings shig__/lus ngag yid gsum rlag par gyis shig__/kho rang gi srog kho rang gis chod cig__/rang gshed rang la phob cig__/rang mtshon rang la rgyob cig__/kho rang gi mthu kho rang la bzlog par gyur cig__/kho rang gi bla ma lha srung kho rang la bdud du phob cig__/klu nad thengs dgu thong zhig__/btsan gyi gzer kha thong zhig__/gzhan yang ltas ngan mtshan ngan rmi lam ngan pa rnams dam nyams dgra bo kho la myur bar thong zhig do nub thong zhig__/ces dmod bor nas phyag chen gyi ngang la bzhag go/__/zhes pa 'di ni zlog pa phyogs ngan bdud gcod ces bya'i gdams pa zab mo a+thi+-i/__/gdams pa 'di gsum gyi zhal shes gnad che ba rnams ni 'di lta ste/__zlog pa gsum ka byed pa'i dus ni/__nyi ma mdung gang tsam nas srod 'khor gyi bar yin/__sngags 'dren pa'i phreng ba phyi sgyur yin/__sngags lugs zlog tu 'dren pa zab pa'i gnad yin/__gos phyir slog mgo mjug slog nas gyon pa gnad yin/__nyi ma la rgyab lta gsungs kyang sgra gcan mig 'og tu tshud pa gnad yin/__zlog pa ma grub bar du mchil ma mi mid pa gnad yin/__ngag ma shor ba zhe sdang che ba gnad yin/__phreng ba lag nas ma shor ba dang /__zlog pa ma grub par sa gcig tu sdod pa gnad yin/__de rnams ni zlog pa gsum ka'i zhal shes so/__/khyad par phyogs ngan bdud gcod kyi zlog pa'i zhal shes ni/__dmigs pa nyi ma 'gro ba'i la phar rgyab tu lcags kyi chos 'byung kha che la gting ring ba phyi nang gnyis ka me'i 'obs lta bu'i nang na mar/__phreng ba dgra bgegs kyi lus su bsams nas/__phreng ba re dang bstun nas dgra bgegs kyi ske rbad rbad bcad nas de'i nang du skyur bar bsam/__sgra gcan yang bsnon khar rgyab ste/__rdul phran tsam du tshig par bsam mo/__/'di'i dus su mchod rten la sogs te rten gsum gyi grib ma ma phog pa gnad che/__zlog pa grub pa dang kha chus bshal ba gnad yin/__rten 'brel brtag pa ni/__phreng ba ling ste mdun du bskyur nas cha snyam du tha dad tsho bzung na bzang /__gcig thog tu gcig brtsegs na ngan pas bskyar nas zlog pa la 'bad par bya'o/__/phreng ba rgya gram du byung na 'bring /__mdud 'dzin rang la gtad ci dgos sna zin na bzang /__zhes pa 'di ni phyogs ngan bdud gcod kyi zlog pa'i zhal shes zab mo a+thi+-i/__rje mo byin rlabs can la phyag 'tshal lo/__/'dir gzhan phan phrin las kyi sgo nas/__'gro ba pho mo rnams la phan pa'i srung ba rdo rje khro bcu zhes bya ba/__DA ki chen mo'i las tshogs kyi sgo nas bya bar gsungs pa ni 'di ltar ro/__/shog bu bod shog skyon med la/__/'khor lo dpe chung ltar du bri/__/snying po brgya dang 'bru gsum gyi/__/rab gnas rten 'brel snying pos bya/__/gi waM la sogs dri bzang byugs/__/tshon skud sna lnga dkris bya zhing /__/skogs ni nag po yin par bzhed/__/'dod don sngags sogs 'bri lugs ni/__/zhal las shes pas go bar gyis/__/zhes pa 'di ni srung ba rdo rje khro bcu'i gdams pa zab mo a+thi+-i/__/kun gyi mgon skyabs mdzad par gyur pa'i/__ma gcig jo mo DA ki ma la phyag 'tshal lo/__/deng 'dir 'gro ba rnams la phan thogs pa'i/__/sku gsum thugs kyi 'khor lo'i srung ba bya/__/tsakra dpe chung bzhin du legs bris nas/__/gi waM la sogs dri bzang dag gis byugs/__/rtsa sngags brgya dang yi ge 'bru gsum bzlas/__/has brgyab bya ba rab gnas yang dag ste/__/tshon skud sna lnga'i dkris ni legs byas nas/__/skogs ni nag po dag ni bzhed par byed/__/slar yang rten 'brel snying pos rab gnas bya/__/de ni DA ki chen mo seng gdong ma'i srung ba sku gsung thugs kyi 'khor lo'o/__/a+thi+-i/__/DA ki chen mo seng ge'i gdong can ma la phyag 'tshal zhing skyabs su mchi'o/__/byin gyis brlab tu gsol/__de yi las tshogs srung ba sgrib shing nag__/rdzas dang sngags dang 'dod don tsakra'o/__/rdzas rnams 'di ltar yin gyis shes par bya/__/shing gi sna ni stag pa glang ma dang /__/shug pa tsher ma gla ba lcang nag dang /__/lcang dkar pho gsom mo gsom gnyis la sogs/__/de rnams kun gyi rdzas su bstan pa yin/__/sngags dang 'dod don tsakra la sogs ni/__/dpe chung zur na yod pas shes par byos/__/bkra shis skogs dang rab gnas la sogs kun/__/de rnams gong dang 'dra bas shes par bya/__/'di yi phan yon 'di dag thams cad ni/__/gza' dang klu dang bdud dang btsan rnams dang /__/rgyal po gri pho gri mo la sogs rnams/__/srung ba 'di dag yod na 'khor mi nus/__/zhes pa DA ki chen mo'i las tshogs kyi sgo nas srung ba sgrib shing nag po zhes bya ba'i gdams pa zab mo a+thi+-i/__/DA ki chen mo thugs rje can la phyag 'tshal lo/__/gzhan phan 'gro ba rnams la phan pa'i phyir du/__DA ki chen mo'i las tshogs kyi sgo nas/__lo thog kyi sad srung ba'i man ngag 'bru'i bang mdzod ces bya ba 'di la rnal 'byor pa nyid kyis sngon tu bsnyen pa khri tsho gcig byas/__zangs gas zhom med pa'i nang du/__ba'i 'o ma sna tshogs tshad ra dang lug dang 'bri la sogs pa'i 'o ma/__de rnams chu gtsang la sbyangs nas zangs bkang ste/__de la klu'i sman tshogs tshad btab/__gla rtsi'i g.ya' med pa gnad che/__zangs de nyid steng phyogs su bzhag nas/__zangs kyi nang du sa bdag klu gnyan lha srin sde brgyad thams cad dgug gzhug byas la/__de'i nang na mngon sum du yod par bsams nas/__klu dang sa bdag lha srin sde brgyad rnams kyi nad dang sdug bsngal thams cad zhi bar bya ba'i phyir du/__sngags sum brgya tsam zangs nang gi chu la btab pas lha srin sde brgyad rnams kyis sprin gtibs par bsam mo/__/klu dang lha srin sde brgyad rnams la dkar gtor zhig phul/__de nas sa bdag klu gnyan lha srin sde brgyad rnams rang gnas su gshegs su gsol zhing /__zangs kyi chu phyogs bzhir gtor bar bya'o/__/des ni sad thub mi thub the tshom med pas nyams su longs shig__/DA ki chen mo seng ge'i gdong can ma'i las tshogs kyi sgo nas/__sad srung ba 'bru'i bang mdzod ces bya ba'i gdams pa zab mo a+thi+-i/__/DA ki chen mo la phyag 'tshal lo/__/yang lugs gcig la zangs kyi bum pa skyon med cig gi nang du/__mngar gsum chu dang bcas pa'i 'o mas bkang /__de la klu sman btab nas/__rtsa sngags kyi mjug tu/__nA ga rA dza puSh+tiM ku ru ye oM/__zhes pa'i bzlas pa gzungs thag dang bcas pa'i khri tsho gsum tsam bzlas nas ka to ra'am gzhong pa chen po'i nang du/__tshon gyis pad+ma 'dab brgyad bris nas/__spra tshil lam bag zan gyis klu'i rgyal po ma dros pa la klu chen po brgyad kyis bskor ba bzos te/__gnas gsum byin brlab/__ye shes dgug gzhug rnams byas shing /__de rnams la bum chus khrus byas nas klu rnams kyi nad dang sdug bsngal sdig sgrib thams cad dag__/dbang po dang yan lag nyams pa thams cad sos nas/__lus lha'i lus lta bur gyur te/__khong rnams dga' mgu yi rang nas nam mkha' la sprin rang dbang med par gtibs par bsam mo/__/de nas chu de phyogs bzhir gtor bar bya'o/__/'dis ni sad srung thub mi thub the tshom med do/__/DA ki chen mo seng ge'i gdong can ma'i las tshogs kyi sgo nas sad srung ba mu ge bkag pa zhes bya ba'i gdams pa zab mo a+thi+-i/__/DA ki byin rlabs can la phyag 'tshal lo/__/yang lugs gcig la chu mig kha byang bstan gyi chu sna bsags la zangs dri med kyi nang du klu sman dkar gsum mnga' gsum dang bcas pa sbyar nas/__chu mig rnams kyi chus bkang /__sgyed bu gsum gyi steng du bkal nas/__mkhan pa spru ma shug pa rnams kyi dud pa chen po btang zhing chu la rtsa sngags kyi mjug tu/__sprin 'dus sprin 'dus sprin g.yob sprin g.yob/__shar nas skyi ser lhags pa mda' bas tsha ba 'byung bar gyur cig__/ces pa khri tsho gsum tsam bzlas nas rgyag pa'o/__/chu de nam ma langs bar du 'thor ba gnad yin/__byed pa'i gnas ni ri mtho sar byed pa yin no/__/zhes pa 'di ni sad thub nges pas sems bskyed kyi sgo nas 'bad de bsgrub par bya'o/__/DA ki chen mo seng ge'i gdong can ma'i las tshogs kyi sgo nas sad srung ba 'gro kun bde 'god ces bya ba'i gdams pa zab mo a+thi+-i/__/DA ki byin rlabs can la phyag 'tshal lo/__/sde brgyad ma rungs pas lo thog la ser ba gtong bas/__de la ser ba'i rigs rnams 'di lta ste/__'jab ser the'u rang gi ser ba/__khyab 'jug rA hu las rgyab byed/__'bru ser lcags kyi sran ma/__nag po btsan dang ma mo gshin rje'i lag nas yong /__khyab 'jug rA hu las sna 'dren byed/__las ser nag po klu dang bdud gnyis kyi lag nas yong /__rting bskul khyab 'jug rA hu las byed/__ser ba 'di gsum srung ba'i man ngag ni/__dang po rdzas bsag pa dang /__dus kyi sgrub pa bya ba'o/__/rdzas la/__sad khyer byi khrag dang /__mi'i ro nyi shu dgu la bsregs pa'am/__yang na gza' nyi ma la bsregs pa'i thal chen/__yungs kar rgyal po/__bye ma dul ma gsum bsags nas sngags kyis brab cing tshags byed pa ni rdzas bsag pa'o/__/dus kyi sgrub pa ni/__rta'i zla ba'i dus su thun sgrub cing bsnyen pa bya'o/__/de nas/__rang nyid ye shes kyi mkha' 'gro ma seng ge'i gdong pa can sku me dpung gi phung po ltar tshab rtsub cing 'bar ba/__phyag g.yas kyis gnam lcags kyi 'khor lo dmar la tsha ba me'i tshwa tshwa 'phro ba re phyar thabs dang sdigs thabs su bsnams pa de lta bu zhig bsgoms pa'i ngang nas/_aHkaHsaHmaHraHtsaHshaHdaHraHsaHmaHraHyaHphaTaH__sde brgyad kyi gnod pa lo thog gi ser ba shAn+tiM ku ru ye swA hA/__zhes pa 'di zla ba gcig gis bsnyen par byas nas yang yang thun la brab bo/__/de nas las la sbyor ba'i dus su/__nam mkha' ni me dpung 'bar ba lta bur bsgom/__thun ni me'i tshwa tshwa lta bu sprin dang ser ba'i sna la 'thor zhing /__sdigs mdzub chos 'byung ris su 'bri'o/__/'dis ni ser ba thub par the tshom med do/__/sems bskyed kyi sgo nas nyams su longs shig__/ye shes DA ki seng ge'i gdong can ma'i las tshogs kyi sgo nas ser ba srung ba sde brgyad 'dul byed ces bya ba'i gdams pa zab mo a+thi+-i/__/DA ki mthu stobs can la phyag 'tshal lo/__/yang ser ba srung ba'i lugs gcig la/__thun dang sgrub thabs bzlas pa la sogs gong dang 'dra ba las/__rang nyid DA ki seng gdong can mar gsal ba'i spyi bo mgrin pa snying ga lte ba gsang gnas la sogs te gnas lnga nas/__ngo bo DA ki la rnam pa ye shes kyi khyung rigs lnga/__mchu sder thams cad gnam lcags las byas pa/__sku smad kyi me 'bar ba lta bu/__sprin nag 'dus pa'i steng du gza' bdud khyab 'jug rA hu la la sogs te sde brgyad rnams rang dbang med par skad cig nyid la thal ba rdul phran bzhin du brlag par bsams nas thun 'thor ba gong dang 'dra'o/__/'dis ni ser ba mi thub mi srid pas nyams su longs shig__/ye shes kyi DA ki seng ge'i gdong can ma'i las tshogs kyi sgo nas ser ba srung ba gnam lcags me'i 'khor lo zhes bya ba'i gdams pa zab mo a+thi+-i/__/DA ki chen mo mthu stobs kyi bdag mo la phyag 'tshal lo/__/yang ser ba srung ba'i lugs gcig la/__mngon rtogs dang rdzas sngags rnams gong dang 'dra ba las/__rang gi lus gcer bu gsang rdor bsgrengs pa/__lus la thal chen dang sre nag phyed mar byug__/lag pa gnyis su shing rdor re re thogs nas/__ser ba chas byung ba'i gdong la mtshan bsgrags dang bcas te rgyug pas thub nges so/__/zhes DA ki chen mo seng ge'i gdong can ma'i las tshogs kyi sgo nas ser ba srung ba sde brgyad ar gtad 'khor lo zhes bya ba'i gdams pa zab mo a+thi+-i/__/DA ki don grub pa'i rgyal mo la phyag 'tshal lo/__/gdams pa 'di gsum gyi zhal shes 'di ni/__ser ba srung ba la thog mar tho gnad che ste/__rang gi ser ba srung ba'i sa khongs gang yin gyi phyogs bzhir tho chen po rigs gsum gyi dbyibs 'dra ba re re/__de rnams kyi nang du skyer phur mtho re la zur gyi 'debs la rtsa sngags 'dod don dang bcas pa 'bri/__thun rdzas de dang bcas te mi mngon par sbed pa'o/__/tho rnams la skyed chog gzhung dang mthun pa'i mkha' 'gro mar bskyed/__ye shes dgug gzhug rab gnas la sogs pa bya zhing /__rol mo'i sgra dang dung 'bud dar phyar ro/__/tho re gso ba dang /__tshogs 'khor re bya ba gnad che/__rang zhwa sgrub kyi zhwa nag po gyon pa gnad che/__ser ba srung ba'i dam tshig ni 'di rnams yin gyis lo thog gnod pa dang ma bral gyi bar du/__rang gis srus dang nyungs ma sogs za ba lta ci smos sngo yi rigs mi za/__lo gseb la ba glang la sogs te phyugs mi gtong /__rbab dang chu mi dkrugs/__'jab ser snga dro yong bas tho rang 'bungs/__'bru ser nyin phyed la 'ong bas snga dro 'bungs/__las ser nam yong mi shes par rig pa rgyun du bsgrim/__sprin gyi rigs ni/__dkar po lha dang dmar po btsan/__glog skya dang chu ris can ma mo gshin rje the'u ngang /__mthing nag klu dang bdud nyid do/__/kun la khyab 'jug yod par shes pas de lugs kyi srung ba'i gdams pa dgos gnad che ba rnams zhal shes so/__/DA ki chen mo seng ge'i gdong can ma'i las tshogs kyi sgo nas ser ba srung ba'i zhal shes kyi gdams pa zab mo a+thi+-i/__/DA ki chu lha'i rgyal mo la phyag 'tshal/__skye 'gro 'jig rten khams la phan par bya ba'i phyir/__char 'bebs par 'dod pas/__'di la rdzas bsag pa dang lha sgom zhing sngags bzla ba'o/__/dang po rdzas bsag pa ni/__skyer pa'i phur pa sor bzhi pa zhig la/__rtsa sngags tshar gsum bris nas gla rtsi gu gul ga bur gsum byugs la/__aHkaHsaHmaHraHtsaHshaHdaHraHsaHmaHraHyaHphaTaH__oM hi li hi li ma hA hi li phruM phruM swA hA/__zhes pa mi tshig gis bar ma shor bar/__'bum tsho gsum bzlas shing phur pa la btab nas/__chu mig kha shar bstan du sbas nas klu thams cad dbang du bsdus par bsams la/__phyogs bzhir klu gtor cher btang chu mig gi phyogs bzhir tho bzhi rje btsun mar bskyed nas btsugs/__de nas rang nyid ye shes kyi mkha' 'gro ma klu thams cad dbang du sdud pa'i rgyal mo/__sku mdog char sprin ltar 'thibs la nag pa/__zhal gcig phyag gnyis kyis g.yas 'brug dang g.yon sprin bsnams pa rgya mtsho chen po'i klong na bzhugs par gyur/__de lta bu'i skur bsgoms nas/__sngags nyin mtshan med par zhag gsum bgrang na char 'bab par the tshom med do/__/'di la bka' rgya dang yon gser zho re yod/__DA ki chen mo seng gdong ma'i las tshogs kyi sgo nas/__char 'bebs pa klu rgyal ma dros dam 'dogs zhes bya ba'i gdams pa zab mo a+thi+-i/__/DA ki chu lha'i rgyal mo la phyag 'tshal lo/__/yang lugs gcig la/__chu mig gnyan sa dgur phyin te/__tshon dkar po'i pad+ma 'dab brgyad chu mig kun gyi 'dzoms su bris la/__lte bar DA ki seng gdong ma'i rtsa sngags tsaklir bris pa'i mjug tu/__klu rnams kyi sngags kyi mjug tu char phob cig swA hA/__zhes bris lte bar btsugs/__shar gyi rtsibs la/__oM b+hak+Sha b+hak+Sha sa ma ya tiSh+Tha dzuM phruM phruM swA hA/__klu'i rgyal po mtha' yas dang nor rgyas 'jog po dang /__stobs kyi rgyu khyed rnams kyi g.yog 'bangs dang bcas pa rnams kyis 'jig rten gyi khams su char chen po phob/__lho'i pad+ma'i steng du/__tsakli la pad+ma dang pad+ma chen po dung skyong rigs ldan khyed rnams kyi g.yog 'bangs dang bcas pa rnams kyis 'jig rten gyi khams su char chen po phob/__nub kyi pad+ma'i steng du tsakli la/__lha mo lha mo chen mo zla ba'i spyi gtsug chen po khyed rnams kyi g.yog 'bangs dang bcas pas 'jig rten gyi khams su char chen po phob/__byang gi pad+ma'i steng du tsakli la/__oM b+hak+Sha b+hak+Sha sa ma ya tiSh+Tha dz+ruM phruM phruM swA hA/__dbyug 'dzin dbyug 'dzin chen po sog med hu laN+Da khyed rnams kyi g.yog 'khor dang bcas pas 'jig rten gyi khams su char chen po phob/__shar lho'i pad+ma'i steng du tsakli la/__oM b+hak+Sha b+hak+Sha sa ma ya tiSh+Tha dz+ruM phruM phruM swA hA/__dga' bo nye dga' rgya mtsho chen po khyed rnams kyi g.yog 'khor dang bcas pas 'jig rten gyi khams su char chen po phob/__lho nub kyi pad+ma'i steng du tsaklil/__oM b+hak+Sha b+hak+Sha sa ma ya tiSh+Tha dz+ruM phruM phruM swA hA/__tsha ba tsha ba chen po dpal 'od 'od po che khyed rnams kyi g.yog 'khor dang bcas pas 'jig rten gyi khams su char chen po phob/__nub byang gi pad+ma'i steng du tsakli la/__oM b+hak+Sha b+hak+Sha sa ma la tiSh+Tha dz+ruM phruM phruM swA hA/__rin chen gzugs mdzes dang gzugs mdzes chen po sprul bzang khyed rnams kyi g.yog 'khor dang bcas pas 'jig rten gyi khams su char chen po phob/__byang shar gyi pad+ma'i steng du tsakli la/__lto 'phye chen po tshi li tshi li chen po khyed rnams kyi g.yog 'khor dang bcas pas 'jig rten gyi khams su char chen po phob/__ces pa kun la lhag chad med par mdun du klu rnams kyi gzugs dang /__rgyab la sngags dang 'dod gsol de ltar 'bri'o/__/de rnams mtha' mchod pa bzang po mngar gsum dang /__dkar gsum gyis bskor nas/__klu'i gtor ma brgyad bsham/__khrus bum dang rtsi sman gyi bum pa gnyis bsham/__de rnams kyi rdzas bshams pa dang bcas pa grub pa dang /__thog mar sngon 'gro gtor ma spyi dang mthun par btang nas/__skyabs 'gro sems bskyed sngon du 'gro bas/__rang nyid skad cig gis rje btsun ma seng ge'i gdong pa can klu'i nad dang sdug bsngal thams cad zhi bar mdzad cing char 'bebs kyi rgyal mo sku mdog dkar mo sprin dang na bun gyis brgyan pa phyag gnyis kyis klu'i nad dang sdug bsngal thams cad zhi bar byed pa'i rtsi sman gyi bum pa bsnams pa/__zhabs gnyis pad+ma'i skyil krung gis rgya mtsho chen po'i klong na pad+ma'i gdan la bzhugs par gyur/__rtsa sngags kyi mjug tu/__oM b+hak+Sha zhes pa'i sngags mjug nas bzlas pa 'bum phrag gsum byas nas klu rnams la khrus gsol bas char zhag ma 'gyang bar 'bab par 'gyur ro/__/klu la gtor ma phul zhing rjes chog byas nas klu rnams rang rang gi gnas su gshegs par bya'o/__/'di'i chu 'khor 'dzug lugs dang klu rnams spyan 'dren lugs ni zhal las shes par 'gyur ro/__/DA ki chen mo seng ge'i gdong pa can ma'i las tshogs kyi sgo nas/__char 'bebs klu nad bsal byed 'khor lo zhes bya ba'i gdams pa zab mo a+thi+-i/__/DA ki chu lha'i rgyal mo la phyag 'tshal lo/__/yang char 'bebs pa'i lugs gcig la/__chu mig gang gnyen sa gcig tu phyin nas/__spra tshil gyis klu'i gzugs dang sbal lcong nya sbrul la sogs pa dpag tu med pa bzos nas der bcug__/klu la phan pa'i sman mang du btab/__dkar gtor cig klu dang gzhi bdag rnams la sbyin nas rang nyid ye shes kyi DA ki seng gdong mar sngar bzhin bsgoms nas/__rtsa sngags kyi mjug tu nA ga rA dza klu rnams kyis chu'i dngos grub ma lus pa da lta nyid du dbab tu gsol/__zhes pa khri tsho gsum tsam bzlas pas char skad cig nyid la 'bebs par 'gyur ro/__/DA ki chen mo seng gdong ma'i las tshogs kyi sgo nas char 'bebs pa bdud rtsi 'bru'i bang mdzod ces bya ba'i gdams pa zab mo a+thi+-i/__/DA ki srid pa'i rgyal mo la phyag 'tshal lo/__/'gro ba byis pa rnams la 'tshe bar byed pa sri'u gso ba'i man ngag ni rdzas dang /__sngags mdud/__rten bca' ba gsum gyis gso ba'o/__/rdzas ni mi gri khar bsad pa'i rus pa/__gu gul/__rta bon pa/__spos dkar/__kha che/__dri chen/__dri chu/__sha chen rnams la sku gsung thugs kyi mkha' 'gro ma gsum du bskyed nas sngags khri tsho gsum btab/__de nas rdzas rnams zhib par btags te lcags kyi par bu'i nang du tshags byas shing phru gu pho mo gang yin skyes ma thag pa/__de nyid kyi dri chu la sbyangs nas lte thag ma chad pa la/__spyi bo/__sna gnyis/__rna ba gnyis/__srin mdzub gnyis/__snying ga__/lte ba/__'og sgo gnyis/__rkang mthil/__de rnams la rdzas kyi thig le byas nas hU~M nag po re rer bsam/__hU~M de rnams DA ki seng gdong can mar bsgom/__skud pa nag po sum sgril la mdud pa bcu bzhi bor ba lnga bzos la/__yan lag dang sked la btags/__mda' rgod sgro ma nyams pa mda' dar nag po rtsa sngags byas pa'i ming spel dang bcas pa mtshal gyis bris nas rten du bca'/__man ngag 'di lag len bzhin byung na byis pa ngu ba'i lugs med cing /__'dre gdon gang gis kyang mi tshugs par skye stobs che zhing tshe ring bar 'gyur ro/__/'di zhu ba la gser zho re'i yon dang bka' rgya yod/__DA ki chen mo seng ge'i gdong can ma'i las tshogs kyi sgo nas sri'u gso ba srog 'phel 'byung bzhi stobs skyed ces bya ba'i gdams pa zab mo a+thi+-i/__/DA ki rten 'brel gyi rgyal mo la phyag 'tshal lo/__/phrin las gzhan phan che bar bya ba'i phyir/__tshar gcod pa'i lag len ni 'di ltar bya ste/__rdzas dang dmigs pa gnyis yod pa las/__rdzas ni gla rtsi/__gu gul/__khyi lud/__mi lud/__btsan dug gi 'bru/__skyes pa bud med gang rnyed kyi rmad spu rigs mi 'dra ba brgyad/__phag rgod kyi sna/__de rnams zhib par byas te me chen po'i nang du bsregs shing klu rnams kyis tshar gcod par bsams nas/__rang nyid DA ki seng gdong can ma phyag g.yas sdigs mdzub bsgreng pa'i rtse nas me 'bar ba/__g.yon klu rnams dbang du sdud pa'i lcags kyu bsnams pa/__sku la dur khrod kyi chas brgyad kyis brgyan pa/__klu gnyan khri tsho 'bum gyi gdan la bzhugs pa/__sku mdog dmar po bskal pa'i me lta bu'i gzi brjid can/__dus mtha'i me dpung 'bar ba'i dbus na bzhugs par gyur pa las/__nam mkha' lcags kyi 'khor lo rtsibs 'bum dang ldan pa me dpung 'bar ba'i tshwa tshwa lta bu 'phro ba/__g.yas phyogs su 'khor bzhin la/__sa la lcags kyi pad+ma 'dab ma 'bum dang ldan pa g.yon phyogs su 'khor ba/__dmigs bde rnams bsgoms nas char gtong ba'i lha srin sde brgyad thams cad bya sgro me nang du bsregs pa ltar gzhob thul gyis song bar bsams nas/__aHkaHsaHmaHraHtsaHshaHdaHraHsaHmaHraHyaHphaTaH__kA la ru dra shaHdaHraHsaHmaHraHyaHphaTaH__ces khri tsho gcig tsam bzlas nas/__thun gtor sdigs mdzub bsgrengs nas phus 'debs pa dang /__ri mgo thams cad me dpung gis khengs par bsam mo/__/'dis ni char chod par the tshom med do/__/DA ki chen mo seng ge'i gdong can ma'i las tshogs kyi sgo nas char gcod pa rten 'brel rdzas kyi sbyin sreg ces bya ba'i gdams pa zab mo a+thi+-i/__/DA ki chen mo the'u ngang bdud 'dul gyi rgyal mo la phyag 'tshal lo/__/thog dang 'khyugs bsrung bar 'dod na/__rang nyid skad cig gis ye shes kyi mkha' 'gro ma seng ge'i gdong can sku mdog nag mo zhal gcig phyag gnyis spyan gsum ma/__phyag g.yas gser gyi 'khor lo rtsibs stong dang ldan pa/__steng 'og phyogs mtshams kun tu khro bo bcus gtams pa/__g.yon bdud rtsis gang ba'i ka pA la thugs kar 'dzin pa/__kha T+wAM ga dang dur khrod kyi chas brgyad kyi rgyan gyis brgyan pa/__chos 'byung ro'i gdan la zhabs gnyis skyil krung phyed pa'i rol stabs kyis ye shes kyi me dpung 'bar ba'i dbus na bzhugs par bsams nas/__rang gi spyi bor gser gyi 'khor lo rtsibs stong dang ldan pa g.yas phyogs su 'khor bar dmigs pa dang /__rang gi lus la yi ge bcu bzhi rgya shog la gser gyis bris nas btags na thub nges pas/__dmigs pa de dang ldan pa'i ngang nas sngags khri tsho re bzlas na/__thog dang 'khyugs thub par the tshom med do/__/DA ki chen mo seng ge'i gdong can ma'i las tshogs kyi sgo nas/__thog dang 'khyugs srung ba khro bcu bsdams pa'i srung ba zhes bya ba'i gdams pa zab mo a+thi+-i/__/DA ki byin rlabs can la phyag 'tshal lo/__/rims nad bsrung bar 'dod na/__tho rangs kyi cha la rang nyid skad cig gis rje btsun ma seng ge'i gdong pa can sku mdog mthing nag gcer bu thal chen gyis byugs pa/__phyag gnyis kyis sgrib shing gi 'khor lo bsnams pa/__zhabs g.yas bskum pa'i rting b+ha ga la gtad pa/__g.yon brkyang pa'i stabs kyis rtog med mi ro'i gdan la bzhugs pa/__sku la ye shes kyi me 'bar ba zhig bsams te/__de'i ngang la rtsa sngags stong phrag gsum bgrang nas/__rang gi dri chu bar pa la sngags kyis grabs pa lto stong la 'thungs shing gdong pa bkrus na 'go ba'i rims nad gang yang thub par 'gyur ro/__/zhes DA ki chen mo seng ge'i gdong can ma'i las tshogs kyi sgo nas/__rims nad srung ba sngags chu brab pa'i rten 'brel zhes bya ba'i gdams pa zab mo a+thi+-i/__/DA ki mthu stobs kyi rgyal mo la phyag 'tshal lo/__/'brum pa bsrung bar 'dod na/__sran ma bdun la sngags brgya brgyad btab nas btags na thub nges so/__/de'i zhal shes ni/__lcags sran nag po nyi shu dgu la skyes pa stag lo pas btab pa dang btogs pa gnyis ka byas pa/__gnam mi mthong bar byed pa gnad yin/__lcags sran gnam ma mthong ba bdun la/__sngags stong phrag re re btab nas/__lcags sbugs kyi nang du la chas kha bcad de btags shing sran ma bdun po seng gdong ma sgrib shing gi 'khor lo bsnams pa re re bskyed na thub par the tshom med do/__/rab gnas zhal las shes so/__/DA ki chen mo seng ge'i gdong can ma'i las tshogs kyi sgo nas 'brum pa lcags sran bsgril ba'i rten 'brel zhes bya ba'i gdams pa zab mo a+thi+-i/__/DA ki mthu stobs kyi rgyal mo la phyag 'tshal lo/__/dmar bshal dang 'khru ba gcod par 'dod na/__nyi ma ma shar gong du bu mo gtsang mas/__khyi rgya bo mig bzhi pa'i spu btogs nas skyes ba stag lo pas snyod/__bu mo skyes pa'i skyon med pa stag lo mas bsgrims pa'i srad bu sum bsgril la mdud pa bcu bzhi bor nas/__mdud pa re la rtsa sngags sum brgya sum brgya btab ste/__brla sbom phra'i mtshams su btags pas 'khru ba them bu bcad pa ltar 'gro ba la the tshom med do/_/'di ni lag len ma nor ba yin pas 'gro ba kun la phan thogs par gyis shig__/gser gyis bslu dgos pa'i man ngag lags so/__/DA ki chen mo seng ge'i gdong can ma'i sgo nas dmar bshal la sogs 'khru ba gcod pa sngags mdud kyi rten 'brel zhes bya ba'i gdams pa zab mo a+thi+-i/__/DA ki mthu stobs dbang sgyur gyi rgyal mo la phyag 'tshal lo/__/phyugs nad dang lug nad bsrung bar 'dod pas/__thog mar rdzas bsag pa ni/__dkar gong srin med phye mar brdung pa'i bre do tsam zhig dug rigs kun gyi chus dkar gong kyis phye ma de bran/__rang nyid skad cig gis DA ki seng ge'i gdong can ma srid pa'i rtse mor sleb pa zhig bsgoms nas/__sngags kyi mjug tu phyugs nad lug nad thams cad shAn+tiM ku ru ye swA hA/__zhes pa 'bum tsho gsum mi tshig gis bar ma shor bar bgrangs nas/__dkar gong gi phye ma la nang re bzhin brgyab/__phyugs nad dang lug nad thams cad bya sgro mes tshig pa bzhin thul thul song bar bsams nas phyugs lug kun gyi mgo zhabs med par rdzas de nyid kyis brabs shing /__nad gdon thams cad bshang lam nas mngon sum du don par bsam mo/__/de lta bu lan bdun byas na/__phyugs lug kun gyi nad dang gdon thams cad gzhan la kha bsgyur 'gro'o/__/nad kha bsgyur ba'i rten 'brel zab mo zhal shes so/__/DA ki chen mo seng ge'i gdong can ma'i las tshogs kyi sgo nas/__lug nad dang phyugs nad gcod pa'i rten 'brel nad kha bsgyur ba zhes bya ba'i gdams pa zab mo a+thi+-i/__DA ki mthu stobs kyi rgyal mo la phyag 'tshal lo/__/lhog pa bsrung bar 'dod pas tshon skud sna lnga la/__mdud pa bcu bzhi btab nas yan lag lnga la bcings te/__mdud pa rnams seng gdong mar bskyed sngags kyis brab na lhog pa thub par the tshom med do/__/gal te lhog pa byung na sngags kyis 'bul ba ni/__chu phul gang la rtsa sngags khri btab nas/__nad pa la blud na lhog rigs kun sel lo/__/DA ki'i las tshogs lhog pa bsrung ba'i rten 'bre+el sngags srung chen mo zhes bya ba a+thi+-i/__/DA ki rten 'brel gyi rgyal mo la phyag 'tshal lo/__/gre 'gag srung zhing bcos par 'dod na/__dang po bsrung ba skud pa dkar dmar gsum bsgril la/__mdud pa bcu bzhi bor nas seng ge'i gdong can mar bskyed de/__sngags kyis brabs nas ye shes dgug gzhug ye d+har gyis rab gnas byas te/__ske la btags na gre 'gag nges par srung thub bo/__/byung nas bcos pa ni/__rdzas 'di rnams 'dogs te/__co ga'i lce/__rgya khra'i lce/__gong mo'i lce/__bong bu'i ol stong pa/__byi'u nas zan gyi brun/__srin bya spu shud gnyis kyi brun/__rdzas 'di rnams zhib par btags te/__chang gar ma la spyo ma tsam du btsos nas/__grang thal btab ste/__tshwa rad chag pa dang /__gre ba na ba'i skor la sngags kyis bran/__kun la rdzas de lan 'ga' zhig byugs pas nges par gre 'gag sel lo/__/yang na rdzas de nyid la gla rtsi dum tsam zhig bsres nas sngags chus phul nas btang bas nges par sel lo/__/DA ki chen mo seng gdong can ma'i las tshogs kyi sgo nas/__gre 'gag bsrung ba rdzas kyi rten 'brel zhes bya ba'i gdams pa zab mo a+thi+-i/__/DA ki chen mo dug 'joms kyi rgyal mo la phyag 'tshal lo/__/gza' nad bcos par 'dod pas/__gu gul nag po la sngags stong btab nas lto stong la sngags chus phul nas btang na khyab 'jug gi nad las skad cig nyid las grol bar 'gyur ro/__/yang lugs gcig la rdzas 'di bsag dgos te/__spyang ki'i brun/__gu gul/__btsan dug__/yugs mo'i rmang spu/__rta nag po dkar tsag med pa'i rta bon/__mi brun/__khyi brun/__sha chen/__rma bya'i mdongs/__de rnams zhib par btags nas ro sol nag po'i me la bsregs nas/__smyug sbub rtsa ba gcig pa rtse mo kha gnyis pas sna bug la bdugs na/__khyab 'jug nag po'i zer dug gang rung phog kyang skad cig nyid la nges par grol bar the tshom med do/__/srung skud kyi 'dogs lugs zhal las shes so/__/DA ki chen mo seng ge'i gdong can ma'i las tshogs kyi sgo nas gza' nad srung ba khyab 'jug mdud grol zhes bya ba'i gdams pa zab mo a+thi+-i/__/DA ki go cha'i rgyal mo la phyag 'tshal/__/mtshon bsrung bar 'dod na/__rgya shog tshos ma skyon med la/__zangs kyis tsakra dpe chung ltar bris nas/__gser gyi yi ge ltag sprod bri lugs sngar ltar bya/__de la byis pa 'bras su ma nyams pa'i chu 1dang /__bu mo rdo rje'i mda' ma phog pa'i rak+ta rnyed na rab/__ma rnyed na sin+d+hu ra/__mtsho rdo dang 3bcas pa gnam ma mthong ba de gsum yig 'bru rnams la byugs nas lteb dang dkris rnams phyag len ltar byed/__lkogs ni dar nag dang lcags kyi chos 'byung gi dbyibs lta bu'i nang du btsud nas/__dpung pa g.yas pa la btags na/__mtshon gyi rigs thub par the tshom med do/__/bskyed chog rab gnas zhal las shes so/__/DA ki chen mo seng ge'i gdong can ma'i las tshogs kyi sgo nas/__mtshon srung ba rdo rje'i go khrab dpa' bo rtsal 'gyed ces bya ba'i gdams pa zab mo a+thi+-i/__/DA ki chen mo mthu stobs rgyal mo mchog__/ye shes mkha' 'gro seng ge'i gdong can ma'i/__/rang byung yi ge drag po bcu bzhi las/__/'gro kun bde la 'god pa'i man ngag ni/__/phan byed dkar po'i las tshogs su bcu lnga/__/kho bo chos med nam mkha' sangs rgyas kyis/__/nyams su myong zhing lag tu lan mang blangs/__/DA ki chen mos dngos su gnang ba'i chos/__kun la med pa'i man ngag zab mo 'di/__/bod yul 'jig rten khams kyi dpal du shar/__/khyad par 'gro kun sdug bsngal kun grol phyir/__/nam mkha' sangs rgyas bdag gis sbyar ba'o/__/dge des sems can ma lus thams cad kun/__/ye shes mkha' 'gro seng ge'i gdong can mas/__/rjes su 'dzin zhing nub phyogs o rgyan gyi/__/mkha' 'gro'i gling mchog dag tu skye bar shog__/des zhi rgyas dbang gsum las 'phros pa'i phan byed dkar po'i las tshogs mdo tsam bstan nas/__gnyis pa nag po gsod byed dang /__gsum pa khro bo phan gnod sna tshogs pa'i las rab 'byams dkrug sngags la brten nas sgrub pa'i tshul mang du 'byung ba ni glegs bam du shes par bya la/__'dir yang zlog zab mo'i man ngag khyad par can phyogs gcig tsam 'bri na/____/_!_rdo rje DA ki seng gdong ma'i chos skor las/__yang zlog zab mo khrom shing 'bru bkra la brten nas bsad pa'i man ngag bzhugs so/__/ma mo kun gyi gtso mo phrin las rdo rje'i dbang phyug seng gdong can la phyag 'tshal zhing skyabs su mchi'o/__/de la 'dir slob dpon pad+ma'i man ngag zlog pa kun gyi nang nas yang zlog zab mo khrom shing 'bru bkra la brten nas dgra bo bsad pa'i 'khor lo ni/__shing se skyar gla ba gsum gang rung sbom phra 'khyid gang gis bskor ba'i tshad/__ring thung bskum khru gang gru bzhi pa'i rtse la seng zhal dkar po spyan gsum pa/__rtsa ba phur bu'i dbal can zur gsum pa ste/__'di dag dpe ris ltar 'bri ba'i rdzas ni/__btsan dug__bong dug__/re lcag__/lug dug__/ra dug__/spyang dug__/bya rgod spos/__'dre dug__/thang phrom ste dug sna dgu/___khyi/__phag__/byi la/__rta/__drel/__bong bu/__mdzo pho/__mdzo mo/__'di rnams nag po kho na'i gson khrag__/rabs chad mo'i mngal khrag 'di rnams dang /__snag tsha gang byung lag len mthong ba ltar sbyar bas/__gza' skar phur dbyug 'dzom pa'i 'chi sbyor gyi dus su/__mun khang shin tu gnag pa la mi gri khar bsad pa'i tshil rkang zhun 'dul byas pa'i zhun sde dang /__ro ras kyi sdong bu'i snang gsal gyi 'od la/__bla ma'i man ngag phyag khrid dang ldan pas/__pho 'ug gnyis dang /__srin bya/__de mo ste 'di bzhi gang rung gi rkang gi smyug gus mgo mjug ma log par byas shing 'bri ba ste/__de'ang khrom mig chos 'byung re mig bcu bzhi gnyis yod pa'i rtsa ba'i chos 'byung dang po gsum la/__aHkaHsaH__de'i rjes chos 'byung kha sbyar gnyis la bdag gi lus la bar du gcod pa'i sngags bon gyi gnod pa thams cad phyir bzlog par gyur cig__/rtsa ba'i chos 'byung gnyis pa'i bzhi la/__tsaH__shaH__maH__raH__de'i rjes rtsa ba'i chos 'byung gcig dang g.yas g.yon gyi chos 'byung gnyis la/__bdag gi ngag la pha rol rig sngags kyis byad stems kyi gnod pa gtad mnan thams cad phyir zlog par gyur cig__/rtsa ba'i chos 'byung gsum pa'i gsum la/__daH__raH__saH__de'i rjes g.yas g.yon gyi chos 'byung gnyis la/__bdag gi yid la gzir mnan bcings pa rgyud 'khrug gi gnod pa thams cad phyir zlog par gyur cig__/rtsa ba'i chos 'byung bzhi pa'i bzhi la/__maH__raH__yaH__phaTaH__de'i rjes chos 'byung brgyad la/__bdag gi lus ngag yid gsum la sde brgyad 'byung po'i gnod pa byad byur phur kha gtor kha dmod kha rbod gtong la sogs pa sngags bon ban+de'i srung ma rnams dang gshin rje ma mo'i gnod pa thams cad phyir bzlog par gyur cig__/ces lhag chad nor 'khrul med par khrom shing gi logs gzhan gsum la'ang legs par bris nas gsod pa'i sngags dmod ni/__phur pa'i dbal gsum la/__gdug pa'i dgra bgegs che ge mo 'di 'khor dang bcas pa mA ra ya phaT/__ces pa 'di nyid shin tu gal che ba yin gsungs/__de nas khrom shing las DA ki phra men sha za nag mo phyir zlog zhal gcig phyag gnyis gnam lcags las grub pa'i phur bu re re bsnams pa/__gcer bu rgyan med sku lus thams cad spyan gyis gang ba'i sku smad phur bu rtse gcig pa dam nyams dgra bo'i snying la gzir ba/__ye shes kyi me dpung 'bar ba'i dbus na bzhugs pa de'i khrom mig chos 'byung nang gi 'bru bkra rtsa ba'i yi ge bcu bzhi las mtshon cha'i tshogs dpag tu med pa 'phros/__'jig rten dang 'jig rten las 'das pa'i mthu dang nus pa stobs dang rdzu 'phrul thams cad mtshon cha sna tshogs pa'i rnam par spyan drangs/__khrom shing DA ki mar gsal ba la thim pas mtshon cha'i phung po nus pa mchog dang ldan par gyur par dmigs nas/__'bru bkra bcu bzhi dmod bcol dang bcas pa ngag smra ba shin tu dam po'i sgo nas zhag bdun bzla ba dang bstim gzhugs yang yang byed pa gnad yin gsungs/__de nas mtshams kyi bcad rgya grol ba dang /__phung shul dgu'i sa bsag dgos te/__gtsug lag khang mes tshig pa'i 'grams/__bzhugs khri gog pa'i 'gram sa/__mchod rten bshig pa'i 'gram sa/__rdzong gzhis brlag pa'i 'gram sa/__ro bsregs pa'am sbas pa'i shul gyi sa/__g.yul nyes pa'i 'khrugs shul gyi sa/__dge 'dun gyi sde 'khrugs pa'i gnas kyi sa/__zam pa zhig pa'i sa/__grong khyer brlag pa'i sa ste 'di rnams dang /__khyi lud/__spyir mi lud/__sgos mdze pho mdze mo'i lud/__phag brun/__rdo las rdo chags pa byas/__shing las byas/__shing chag pa/__ro g.yam/__rang thag kha sbyar/__de rnams gsog pa dang /__gza' dang skar ma rtsi mi dgos pas/__nam srod kyi dus/__klu bdud gnas nges pa'i 'gram/__shing sdong gi rtsa ba'am/__chu mig gi dkyil/__'di gsum gang rung las dong gru gsum rked nub tsam brus pa'i logs rnams g.yam sgrom gru gsum pa/__de'i steng du dgra bgegs gang yin gyi ling+ga bag zan la gzhi byas pa'i dgra bo'i sku dang dri ma phog pa'i gos kyi dum bu dang /__zag pa che chung dang /__snabs dang lud pa/__sngags bon ban+de yin na de rnams kyi phreng ba yin nges pa/__kho'i chos skyong gi gtor ma dang /__chos skyong gi gzungs sngags bris pa'i shog dril 'di rnams chab gcig tu sbyar ba mthong ba brgyud pa ltar bya/__byad gzugs dbang po rnams dod pa de nyid gan rkyal bsgyel ba'i snying gar khrom shing gi rtsa ba phur bu'i rtse mo btsugs te ya yo med par byas nas/__de'i mtha' sa sna dang /__mi gtsang ba'i rdzas rnams kyis gtams shing /__gzhan yang /__rus sna tshogs tshad/__rwa sna tshogs tshad/__tsher sna tshogs tshad rnams kyi steng nas g.yogs pa dang /__ro g.yam la sngar gyi rdzas kyis rdo rje rgya gram bris pas mnan pa ste/__'di'i man ngag rdo rje rgya gram gyi mtha' la dgra bo che ge mo 'di mi nor 'khor dang bcas pa s+t+waM b+ha ya nan/__dzaM b+ha ya nan/__mo ha ya nan/__zhes pa 'di gang shong 'bri ba'o/__/de'i steng du rang 'thag kha sbyar go ldog gis mnan nas/__sa rdo gang byung gis thims par bsdams shing /__chags chags nan che bar byas pa dag kun gyis mi mngon par sa gre ma log par byed rjes mi mngon pa'o pa gal shin tu che'o/__/de ltar grub pa'i rjes su gzhi bdag la gtor ma sbyin zhing /__las ma 'grub kyi bar bcol dam dmod bcol dang bcas pa byed pa dang /__dus rgyun du bzlas dmigs rang srung zab mo 'bru bkra sho mig gi man ngag phul du phyin pa'i bsrung ba lus la 'dogs phyir zlog gi srung 'khor spyi mthun gyis kyang rung /__pa zhal las shes par bya'o/__/de ltar lag len gyi gnad ma 'khrul bar kun gyis ma tshor bar nyams su blangs na zla bar ma 'gyang par rtags thon par 'gyur ba la the tshom yod re kan no/__/de ltar dgra bo mi nor 'khor dang bcas pa gtan brlag la song ngam/__de ltar ma song rung kho'i mi nor rdzas gsum la god chen po 'byung ba ni/__man ngag 'di'i rtags slu ba med pa yin pas/__de nas rdzas dang 'khor lo'i bca' gzhi rnams bton cing /__de nyid du lhag ma ma lus par byas nas/__rdo rje rnam 'joms sam/__yig brgya'i khrus chog legs par byas pa nyid chu bo chen por dor bar bya'o/__/zhes pa ma mo kun gyi gtso mo phrin las rdo rje'i dbang phyug seng gdong can ma'i las mthar zlog pa kun gyi nang nas yang zlog zab mo khrom shing 'bru bkra la brten nas dgra bo bsad pa'i 'khor lo 'di nyid bstan pa dang sems can la gnod pa'i dam nyams dgra bo 'dul ba'i ched du/__slob dpon pad+mas gsungs pa rje bla ma paN chen gyi bka' drin las byung ba/__rang nyid brjed pas 'jigs pa dang /__rjes 'jug rnams la phan pa'i phyir/__chos med kyi bya btang pad+ma gar gyi dbang phyug gis/__shing mo yos kyi lo'i dgun zla ra ba'i dkar po'i phyogs kyi zla ba nya ba'i tshes la me long bkra shis rab brtan bde chen chos 'khor gling du legs par sbyar ba'i yi ge pa ni/__stan thog gcig gi brtul zhugs 'dzin pa gnas brtan chos bzang nyi mas bgyis pa'i dge bas/__bdag dang sems can thams cad kyis nyon mongs pa'i dgra bo thul nas/__lhan cig skyes pa'i ye shes rdzogs pa chen po myur du rtogs par gyur cig__/'di bris dge bas bdag dang sems can thams cad kyis DA ki nI'i zhal mngon sum du mthong nas/__las bzhi kun gyi phrin las thogs pa med par 'grub pa'i rgyur gyur cig__/gzhan yang sbyin sreg la brten nas las rab 'byams sgrub pa la/__rdo rje mkha' 'gro gtso bor gyur pa'i rigs lnga'i sgo nas zhi ba'i sbyin sreg__/rin chen mkha' 'gro la brten pa'i rgyas pa'i sbyin sreg__/pad+ma mkha' 'gro gnod sbyin dbang sdud mo la brten pa'i dbang gi sbyin sreg__/gsang sgrub gcer bu khros nag can la brten pa'i drag po'i sbyin sreg bya ba'i tshul rnams ni/__so so'i yig cha las shes shing /__yig cha dngos ma 'byor na'ang /__gsang ba spyi'i sbyin sreg la lha sngags kha bsgyur bas grub pa yin no/__/'khor lo'i sgo nas las rab 'byams sgrub pa la/__lus la 'chang ba'i 'khor lo dang /__rlung la las sbyar ba'i 'khor lo gnyis las/__dang po ni/____/_!_seng gdong ma'i las sbyor 'khor lo'i man ngag mdor bsdus pa bzhugs so/__/DA ki nI siM ha mu khI yai na maH__las tshogs thams cad sgrub pa'i 'khor lo ni/__tshes bco lnga rgyal phur 'dzom pa'i dus kha nub tu phyogs pas/__rdo rje'i skyil krung gis 'dug la/__bri gzhi rgya shog mi lpags kyi g.yang gzhi dang /__smyu gu seng gdong ma'i mche ba dang /__yig 'bru seng gdong ma'i skur bsgom zhing /__kha che/__gi waM/__gu gul/__gla rtsi/__sman chen/__byang sems dkar dmar rnams sbyar ba'i snag tshwas gnas mun khang du bri ste/__mu khyud cha phran re rim pa bzhi bskor ba'i lte bar cha chen gcig bya/__de'i nang du gru bzhi'i zur mu khyud nang ma la reg tsam bya/__de'i dbus su yang gru bzhi cha chen gcig lte ba'o/__/de'i mdun rgyab ling rtse bzhi bzhi re/__g.yas su ling tshe lnga sprag gnyis/__g.yon du yang de dang 'dra bar bya/__lte bar oM mgo nub bstan/__lte ba'i mthar byang shar du oM/__nub byang du AH__lho nub tu hU~M/__shar lhor ha/__steng du hoH__'og tu hrIHrnams mgo phyir bstan/__mdun shar ngos kyi re mig bzhi la g.yas bskor du yig 'bru mgo sprod du/__saHshaHdaHraH__rgyab kyi ling tshe bzhi la/__mAHraHyaHphaTaH__lho'i ling tshe nang ma gsum la/__aHkaHsaH__byang gi nang ma gsum la/__maHraHtsaH__de drug mgo nang bstan/__phyi'i lho phyogs re mig lnga la/__aHsaHkaHraHmaH__byang gi re mig la/__tsaHdaHshaHsaHraH__bcu po yig mgo phyir bstan no/__/nang gi re mig gi mtshams bzhi la/__lho nub nas g.yas bskor du/__ma ra ya phaT ces mgo nang bstan te re mig nyer brgyad po thams cad la yig 'bru'i g.yas su raM/__g.yon tu phaT bri'o/__/mu khyud dang ling tshe'i bar du gling bzhi gling phran bcu gnyis gzugs kha dog dang bcas pa bri'o/__/de'i mu khyud la byang shar nas g.yas bskor du rtsa sngags bcu bzhi pa tshar gnyis re bri/__de rgyab mu khyud la/__dbyangs yig bcu drug gi mjug tu/__bdag gi dbang du 'gro ba phor snang ba thams cad sdus sdus khug khug dzaHdzaH__mu khyud gsum pa la gsal byed so gnyis pa'i mjug tu/__bdag gi dbang du 'gro ba mor snang ba thams cad sdus sdus khug khug dzaHdzaH__de rgyab mu khyud bzhi pa'i phyogs bzhir rdo rje dang /__de'i bar rnams su mi mgo skam rlon gyi phreng ba/__de mthar mu khyud la me ri kha dog sna tshogs g.yon bskor bri/__tshon skud kyis 'byung ba rim brtsegs ltar ljang dmar sngo ser nag rnams kyis rim par dkris la bsrung bya'i gnas rnams su 'khor lo des reg cing dbang bskur te/__spyi bo/__dpral ba/__mgrin pa/__snying ga__/lte ba/__gsang gnas drug tu rim pa ltar/__raHphaTaHtsaHsaHraHmaH__zhes drug dang /__rna ba/__sna/__mig__/kha/__dpung pa/__lag mthil/__rkang mthil rnams su rim pa ltar/__shaHkaHyaHdaHmaHsaHaHraH__rnams so/__/rna ltag__/dpung pa/__dpyi mgo rnams la rna ltag g.yas nas rim pa ltar aHkaHsaH__mas nas yar/__maHraHtsaH__zhes go bgo zhing dbang bskur nas zangs dmar gyi ga'ur bcug la mchan khung g.yon du 'chang ngo /__/snang ba dbang sdud 'khor lo 'dis/__/snang ba thams cad dbang du 'du/__/zab pa'i gnad yig 'khor lo'o/__/lte ba'i shar nub yig 'bru brgyad/__/shar gyi bzhi po dbang sdud yin/__/nub kyi bzhi po zlog sngags yin/__/lho byang phyi yi yig 'bru bcu/__/pho mor snang ba'i 'gro ba kun/__/thams cad dbang du 'du bar 'gyur/__/mtshams bzhir bkod pa'i yig 'bru bzhis/__/dgra rnams thams cad gsod byed cing /__/bdud rigs bar chad bzlog par 'gyur/__/rdzas sna bdun pos khams gsum gyi/__/mi nor zas gsum dbang du sdud/__/snang ba sku yi 'khor lo'o/__/sngags kyi bsgyur kha ma gtogs pa/__/'og ma thams cad 'di dang mtshungs/__/a+thi+-i/__/dbang sdud gsung gi 'khor lo ni/__lte bar oM gyi tshab tu A bri/__dbyangs gsal mjug tu snang grags thams cad bdag gi dbang du sdus sdus khug khug dzaHdzaH__zhes bri/__gzhan gong ltar ro/__/a+thi+-i/__/sgrib sbyong thugs kyi 'khor lo ni/__lte bar hU~M bri/__dbyangs gsal mjug tu bdag 'khor dang bcas pa'i sdig sgrib nyes ltung thams cad byang zhing dag par gyur cig bri/__gzhan gong ltar ro/__/a+thi+-i/__/zlog byed mtshon ma'i 'khor lo ni/__lte bar phaTaH__dang dbyangs gsal mjug tu bdag 'khor dang bcas pas byad zor mnan gtad phur kha rbod gtong rmis ltas mtshan ma ngan pa thams cad phyir bzlog par gyur cig bri/__gzhan gong ltar ro/__/a+thi+-i/__/thog srung gnam lcags 'khor lo ni/__lte bar chos 'byung bsnol ma'i lte bar AHmgo gtugs bzhi'i dbus su AHgcig__/rtsibs drug la sngar gyi yig 'bru drug bkod/__dbyangs gsal mjug tu bdag cag 'khor dang bcas par gnam gdon thog 'khyug gi gnod pa thams cad las srungs shig rak+ShaH__gzhan gong dang 'dra/__/a+thi+-i/__/tshe sgrub srog gi 'khor lo ni/__lte bar hrIHmu khyud dbyangs gsal mjug tu/__bdag cag 'khor dang bcas pa tshe ring zhing rgyas pa dang /__tshe'i bar chad thams cad nye bar zhi nas tshe mthar phyin par gyur cig__/gzhan gong ltar ro/__/a+thi+-i/__/gnyan nad 'joms pa'i 'khor lo ni/__lte bar ra~M dang /__mu khyud dbyangs gsal mjug tu/__bdag cag 'khor dang bcas pa'i gnyan shu mdze phol gyi nad thams cad nye bar zhi bar gyur cig__/gzhan gong ltar ro/__/a+thi+-i/__/zho chang legs pa'i 'khor lo ni/__lte bar yaM dang /__mu khyud dbyangs gsal mjug tu/__bdag cag 'khor dang bcas pa'i zho'am chang gi bcud phebs shing ro bcud dang ldan pa/__'dre tshogs mkha' la rgyu ba'i gnod pa las srungs shig rak+ShaH'khor lo glang ma dang stag pa'i byang bu mig drug ma dang /__se ba skyer pa'i byang bu mig drug de rnams kyi nang logs la sngar bshad pa'i rdzas drug gis zho nyes bzlog par gyur cig bris nas rgya gram du btags la tshon skud sna lngas sngar ltar bcings shing stag lpags kyis bstums nas rab gnas legs par byas te zho'am chang gi rdza ma la btag go__/a+thi+-i/__/lo legs longs spyod 'khor lo ni/__lte bar hi dang mu khyud dbyangs gsal gyi mjug tu/__bdag cag 'khor dang bcas pa'i so nas zhing las 'bru bcud 'phel zhing lo legs 'gyur ba la sad ser dang bral bar gyur cig__/tshon skud sna lngas dkris/__mi lpags kyis bstum/__la chas dril te rdza'i ga'ur bcug ste zhing dkyil du sbas la rab gnas bya'o/__/a+thi+-i/__/sris sme g.yang sgrub 'khor lo ni/__lte bar dzaM dang /__mu khyud dbyangs gsal mjug tu bdag cag 'khor dang bcas pa'i longs spyod rnams sris sme zhing 'phel ba dang /__sris rkun gyi gnod pa thams cad las srungs shig rak+ShaH__khrom chen po tshogs pa'i gos kyi spu rdul/__'bru sna tshogs/__gos dar sna tshogs/__rin po che sna tshogs/__zas sna tshogs/__bla ma dge bshes mi dbang bsod nams can gyi gsol ras rnams dang /__'khor lo stag phrug dar ma'i blud bur bcug ste/__sngar gyi rdzas drug 'dres pa'i snag tshas/__oM nig nal/__nig nal/__phra mo thun/__phra mo thun/__dbang po dkrugs/__dbang po dkrugs/__sems rtsa myos/__sems rtsa myos/__khug khug dzaHdzaH__oM b+ha wA na bya shan/__hU~M rak+ti nan/__rug ti nan/__oM dar phud dor phud/__sems rtsa sgul/__sems rtsa sgul/__mngal gyi grong khyer dkrugs/__ya ya phud phud swA hA/__oM re ya le/__nyol nyol phud phud swA hA/__sngags 'di stag phrug gi mgrin pa la gtad nas bris/__rab gnas byas nas nor mdzod kyi sgo rgyab bam/__snod spyad gang rung gi rkel mis ma mthong bar btags na sris sme zhing nor 'du'o/__/a+thi+-i/__/gnyan nad 'brum srung 'khor lo ni/__dbus su rak+Sha/__mu khyud dbyangs gsal mjug tu bdag cag 'khor dang bcas pa'i klu dang sa bdag las byung ba'i 'brum nad kyi gnod pa las srungs shig thar bar gyur cig__/gla rkang /__gra ma/__skyer pa/__se ba/__skyi pa/__gze ma/__spyang tsher/__mdzo mo shing /__de rnams kyi rtse mo ma nyams pa tshon skud kyis rtse mo bzhi bzhi phyir bstan la bsdams nas/__lug phrug nag po snying dkar gyi snying shun la dril nas rab tu gnas te spyi bor btags na 'brum nad kyi gnod pa las thar ro/__/a+thi+-i/__/'dre 'dul mnan pa'i 'khor lo ni/__lte bar rdo rje rgya gram gyi lte bar tri nag po lte ba'i zur bzhi steng 'og tu yig 'bru drug__/mu khyud dbyangs gsal mjug tu/__gnod cing 'tshe bar byed pa'i 'byung po 'dre gdon mkha' la rgyu ba'i tshogs thams cad dang /__che ge mo mA ra ya nan b+han+d+ha s+t+waM b+ha ya nan/__tshon skud sna lngas bsdam/__rabs chad mo'i dor gta' dang /__re nag gis bstum/__rang 'thag kha sbyar du bcug__/ro thag gis rgya gram du bcings nas them 'og gam lam rgya gram mam gtun gyi 'og tu mnan te dgug gzhug sogs bya'o/__/a+thi+-i/__/'brum srung yang gsang ni/__gla ba'i snying shun la/__nA ga ge sar/__rta bon/__gu gul/__btsan dug__/shu dag__/shing kun/__kha che/__gi waM/__gla rtsi rnams sbyar ba'i khu ba khyi phag ra dang pho rog bzhi'i khrag dang sbyar la gling bzhi'i gzugs phan chad bri lugs gong ltar las/__dbus kyi re mig bdun pa lnga phreng gi dbus phreng la/__'brum nad las ni rgyal gyur cig__/'og gi re mig bdun la/__maHphaTaHmaHshaHdaHraHtsaH__de tshar gnyis mgo sprod steng gi bdun la/__raHsaHraHyaHsaHkaHaH__de rnams tshar gnyis mgo sprod bya/__g.yogs nag po byas shing lcags kyi ga'ur bcug la btags na 'brum nad thams cad las thar bar 'gyur te/__'di'i dbyangs gsal mjug tu/__bdag cag 'khor dang bcas pa kun/__/klu gnyan las byung 'brun nad rigs/__/kun las srungs shig thar gyur cig__/ces bri/__gzhan thams cad ni sku'i 'khor lo dang khyad par med do/__/a+thi+-i/__/don rgyal ba'i 'khor lo la/__ling tshe dbus ma bdun la/__bdag gi don rgyal bar gyur cig__/dbyangs gsal la'ang de sbyar/__mdun rgyab ling tshe la/__maHmaHraHraHraHsaHsaHdaHaHkaHshaHphaTaHyaH__dung mgron bur gan zangs li zha nye drug nang du bstum pa'am phyir btags/__gnas mun nag__/dus bco lnga sogs dang rab gnas sku yi 'khor lo dang khyad par med do/__/a+thi+-i/__/sho rgyal ba'i 'khor lo ni/__bdag gi shwa rgyal bar gyur cig__/ces dbus dang dbyangs gsal la'o/__/shaHkaHyaHdaHmaHsaHaHraHmaHraHsaHkaHphaTaHraH__nas/__sran ma/__yungs kar/__gro/__byang sems dkar dmar dang bcas bco lnga sogs dus dang /__nub tu kha gyu ba sogs rab gnas sku'i 'khor lo dang 'dra ba las shwa lag pa g.yas g.yon gang gis rgyab pa'i mchan khung 'og tu btag go__/a+thi+-i/__/rgyan rgyal 'khor lo ni/__ling tshe dbus ma dang dbyangs gsal la/__bdag gi rgyan rgyal bar gyur cig__/phyi nang gi ling tshe la/__daHshaHmaHaHyaHsaHkaHtsaHraHphaTaHraHmaHraHraH__rdzas ni gser g.yu ra gan mu tig mu men bye ru dang bcas/__dus gza' skar rab gnas sogs sku'i 'khor lo ltar ro/___/a+thi+-i/__/las sbyor 'khor lo dkrug sngags kyi rim pa a rA gas bkod pa re zhig rdzogs so/__/gzhan yang 'khor lo'i man ngag 'byams klas pa ni glegs bam du shes so/____/gnyis pa ni/__phyi sgrub rdo rje mkha' 'gro lha dgu'i rbod gtor phyir zlog pa rlung gi 'khor los mtshon mang du bzhugs pa'ang glegs bam du shes par bya ba las 'dir yi ges 'jigs pas ma bkod do/__/rtsa ba'i sa bcad gnyis pa mchog gi las tshogs la/__sngon 'gro dang /__dngos gzhi gnyis/__dang po la'ang thun mong dang /__thun mong ma yin pa dang /__khyad par gyi sngon 'gro ste gsum las dang po ni/__dal 'byor rnyed dka'/__'chi ba mi rtag pa/__las rgyu 'bras/__'khor ba'i nyes dmigs/__thar pa'i phan yon rnams re re nas zhib tu bsam pas nges 'byung gi blo bcos pa'i rim pa spyi dang mthun gnyis pa ni/____/_!_ye shes kyi mkha' 'gro ma seng ge'i gdong pa can gyi bskyed rdzogs nyams su blang ba'i sngon 'gro bzhi sbyor bzhugs so/__/oM AHhU~M gu ru badz+ra DA ki siM ha mu khA ye na maH__de la 'dir rdo rje mkha' 'gro seng gdong can ma'i chos skor las/__phyi sgrub bskyed rdzogs kyi sngon 'gro ngag 'don bzhi sbyor bri bar bya'o/__/'di la bzhi/__skyabs 'gro sems bskyed/__kun bzang sgom bzlas/__maN+Dal tshogs bsag__bla ma'i rnal 'byor ro/__/dang po ni/__/oM swa b+hA wa shud+d+haHsarba d+harmAHswab+hA ba shud+d+ho \u0f85haM/__chos thams cad rang bzhin gyis rnam par dag pa'i stong pa nyid du gyur/__stong pa'i ngang las/__rang gi mdun gyi nam mkhar rin po che'i khri lnga tshom gyi dbus su/__chos sku kun bzang yab yum la brgyud pa'i bla ma rnams kyis bskor ba/__shar du yi dam zhi khro rab 'byams kyi lha tshogs/__lhor sangs rgyas dkon mchog gi tshogs/__nub tu dam chos dkon mchog gi tshogs/__byang du dge 'dun dkon mchog gi tshogs/__de rnams kyi mtha' bskor la mkha' 'gro chos skyong srung ma rdo rje'i spun rnams bzhugs par gyur par dmigs nas/__bdag gi drin chen pha dang ma gnyis gyi gtso byas khams gsum 'gro ba nam mkha'i mtha' dang mnyam pa'i sems can thams cad dus 'di nas bzung ste ji srid byang chub snying po la mchis kyi bar du chos sku kun bzang yab yum brgyud pa dang bcas pa rnams la skyabs su mchi'o/_/yi dam zhi khro rab 'byams kyi lha tshogs rnams la=__dus gsum bde bar gshegs pa'i sangs rgyas rnams la=__bka' rdzogs pa chen po bden gnyis gsung rab dam chos rnams la=__bslab pa las phyir mi ldog pa'i 'phags pa'i dge 'dun rnams la=__mkha' 'gro chos skyong srung ma ye shes kyi spyan dang ldan pa rdo rje'i spun dang bcas pa rnams la=__bla ma la skyabs su 'chi'o/__/sangs rgyas la=__chos la=__dge 'dun la=__ma ye shes kyi DA ki seng ge'i gdong can ma'i dkyil 'khor chen po'i lha tshogs rnams la bdag nyid gus pas phyag 'tshal zhing skyabs su mchi'o/__/zhes ci nus su nyams su blang /__byang chub bde gshegs bla na med/__/khams gsum 'gro ba ma lus kun/__/theg mchog lam la bkod pa'i phyir/__/dam pa nye bar sems bskyed do/__/zhes lan gsum brjod nas/__pha ma nam mkha' dang mnyam pa'i sems can thams cad rdzogs pa'i sangs rgyas kyi go 'phang rin po che ci nas kyang thob par bya/__de'i phyir du bdag gis rje btsun ma seng ge'i gdong can ma'i lam rim gnyis kyi rnal 'byor zab mo nyams su blang bar bgyi'o/__/de'i mthu la brten nas pha ma nam mkha' dang mnyam pa'i sems can thams cad bde ba dang ldan/__sdug bsngal dang bral/__myur du DA ki ma'i go 'phang thob par gyur cig__/ces blo dang 'dres nges par ci mang brjod nas/__skyabs yul rnams rang gi lus la bstim zhing rig pa gtad med kyi ngang la ci gnas su mnyam par bzhag go__/gnyis pa ni/__sems bskyed sngon du 'gro bas/__oM swa b+ha ba shud+d+haHsarba d+harmAHswab+hA ba shud+d+ho \u0f85haM/__chos thams cad rang bzhin gyis rnam par dag pa'i stong pa nyid du gyur/__stong pa'i ngang las/__rang tha mal pa'i spyi bor pad zla'i gdan la bla ma kun bzang he ru ka yab yum sku mdog dkar po zhal gcig phyag gnyis skyil krung ting nge 'dzin gyi phyag rgya zung 'jug bde ba chen po'i rang bzhin du bzhugs pa'i yab yum gnyis kyi thugs kar zla gdan la hU~M yig dkar po re re las bdud rtsi'i rgyun dpag tu med pa bab pas/__sku lus thams cad ltem khengs/__sku'i cha dang sbyor mtshams nas bdud rtsi'i rgyun babs/__tshangs bug nas mar zhugs/__lus phyi nang thams cad gang zhing nad gdon sdig sgrib nyes ltung dri ma'i tshogs thams cad sangs dag par bsams nas/__ngag tu hU~M hU~M zhes ci nus bzla ba dang /__mthar bla ma kun bzang he ru ka yab yum gyis bdag gi nad gdon sdig sgrib nyes ltung dri ma'i tshogs thams cad rtsa ba nas byang zhing dag par byin gyis brlab tu gsol/__zhes gsol ba btab pas he ru ka yab yum 'od du zhu nas rang gi lus ngag yid gsum la gnyis su med par thim par gyur pa'i ngang la mnyam par bzhag go__/dge ba 'di yis myur du bdag__/kun bzang yab yum 'grub gyur nas/__/'gro ba gcig kyang ma lus pa/__/de yi sa la 'god par shog__/ces sogs bsngo ba smon lam ci shes gdab par bya'o/__/gsum pa ni/__sems bskyed pa sngon du 'gro bas/__rgyu rin po che gang rung las grub pa'i maN+Dal zlum po dri bzang gis byugs pa'i khar/__rlan dang ldan pa'i me tog gi tshom bu lnga/__mtha' bskor dang bcas pa bkod nas phyag len ltar stegs mtho bar bzhag la/__de rnams skyabs yul ltar gsal gdab ste/__mchod pa'i maN+Dal ni/__chos sku'i maN+Dal bde chen la/__/longs sku rigs lnga'i tshom bu bkod/__/sprul sku mi zad rgyan gyis spras/__/sku gsum lhun grub 'di 'bul lo/__/bzhes nas dngos grub stsol ba dang /__/tshogs gnyis rdzogs par byin gyis rlobs/__/gu ru i daM rat+na maN+Dal kaM niR+YA ta ya mi/__zhes tshogs rdzogs pa'i rtags ma byung gi bar du dbul zhing tshogs zhing rnams rang gi lus la gnyis su med par thim par gyur pa'i ngang la ci gnas su mnyam par bzhag go__/bzhi pa ni/__sems bskyed sngon du 'gro bas/__swa b+hA bas chos thams cad stong par sbyangs/__stong pa'i ngang las/__rang tha mal par gsal ba'i mdun gyi nam mkhar bdud rtsi 'o ma'i rgya mtsho chen po kun nas 'khyil zhing nor bu sna tshogs kyis gtams pa'i dbus na yar/__dpag bsam gyi sdong po yal ga lo 'dab me tog 'bras bu g.yur za ldem pa'i lte bar seng ge brgyad kyis btegs pa'i rin po che'i khri bkod phun sum tshogs pa lha rdzas kyi gos kyis bkab ba'i steng du pad+ma zla nyi brtsegs pa'i gdan la rtsa ba'i bla ma dang gnyis su med pa'i slob dpon chen po pad+ma 'byung gnas sku mdog dkar la dmar ba'i mdangs chags pa zhal gcig phyag gnyis rdo rje dang thod pa 'dzin pas kha T+wAM ga la 'khyud pa/__zhabs gnyis rdo rje'i skyil mo krung gis bzhugs pa'i sku la za 'og gi ber phyam dang chos gos ngur smrig gis brgyan pa'i dbu la paN zhu rgod 'phru can gsol ba mtshan dang dpe byad kyis spras pa kun 'dus yid bzhin gyi nor bur bzhugs par gyur par dmigs nas/__mchod pa bzhi 'bul ba ni/__oM=__'dod pa'i yon tan rnam lnga dang /__AH__/zag med bde chen bdud rtsi lnga/__hU~M/__/snang stong zung 'jug lhan cig skyes/__hrIH__'khor gsum dmigs med ngang du bzhes/__/zhes blo dang 'dres nges pas phul zhing /__brgyud pa'i gsol 'debs ni/__/rje na mo gu ru b+h+yaH__/gnas 'og min chos dbyings pho brang du/__/chos sku kun bzang yab yum la gsol ba 'debs/__/mi rtag rgyud skyes tshe 'di blos thongs nas/__/'chi med 'ja' lus 'grub par byin gyis rlobs/__/gnas dur khrod 'bar ba'i pho brang du/__/mkha' 'gro siM ha mu kha la gsol ba=__mi rtag=__'chi med=_/gnas u rgyan dag pa'i pho brang du/__/mnyam med u rgyan yab yum la gsol ba=__gnas rig 'dzin mkha' spyod kyi pho brang du/__/rtogs ldan sangs rgyas mgon po la=__gnas gang shar chos sku'i pho brang du/__/'khrul zhig ras chen kun dar la=__gnas bsnyen sgrub mthar phyin gyi pho brang du/__/thugs sras kun dga' bzang po la=__gnas 'gyur med thig le'i pho brang du/__/kun mkhyen byams pa chos nyi la=__gnas 'od gsal bde chen gyi pho brang du/__/drin can pad+ma gar dbang la=__kha skong ni/__/gnas shes bya kun mkhyen gyi pho brang du/__/'jam dbyangs grags pa 'od zer la/__/gnas sde snod rgya mtsho'i pho brang du/__/mkhas mchog rab 'byams chos rje la=__gnas bslab gsum rnam dag pho brang du/__/mtshungs med rat+na'i mtshan can la=__gnas zab gsal dbyer med pho brang du/_/gar dbang 'dus chen rab rgyas la=__gnas grub pa mchog gi pho brang du/__/brtul zhugs nam mkha'i rnal 'byor la=__gnas bshad sgrub chos kyi pho brang du/__/mi 'gyur rin chen bzang po la gsol ba=__gnas bslab grol mthar phyin pho brang du/__/kun mkhyen dge legs rgyal mtshan la=__gnas zab gsang snyan brgyud pho brang du/__/'gro 'dul rig 'dzin chen po la=__gnas gzhan don mkha' khyab kyi pho brang du/__/skal bzang 'jam dbyangs rnam rgyal la gsol ba=__gnas sku gsum dbyer med pho brang du/__kun mkhyen phrin las lhun grub la=__gnas mkhas shing grub pa'i pho brang du/__/gar dbang rig 'dzin rnam rgyal la=__gnas 'og min mkha' spyod pho brang du/__/khyab bdag rdo rje btsun mo la=__gnas 'bral med snying gi thig le ru/__/drin can rtsa ba'i bla ma la=_/zhes so/__/gnas rang lus rgyal ba'i pho brang du/__/chos sku ye shes mkha' 'gro la=__gnas 'khor lo lnga yi pho brang du/__/mchog ster yum chen sde lnga la=__gnas dngos grub kun 'byung gi pho brang du/__/yi dam zhi khro rab 'byams la=__gnas phrin las bzhi yi pho brang du/__/las mdzad mkha' 'gro sde lnga la=__gnas ka dag gdod ma'i pho brang du/__/dam chos DA ki gsang khrid la=__gnas bar chad kun sel gyi pho brang du/__/chos skyong ma mgon lcam dral la=__gnas dag pa rab 'byams kyi pho brang du/__/mched lcam rdo rje'i spun grogs la gsol ba 'debs/__/mi rtag rgyud skyes tshe 'di blos btang nas/__/'chi med 'ja' lus 'grub par byin gyis rlobs/__/mtshungs med bla ma rin po che/__/kun 'dus yid bzhin nor bu mkhyen/__/bdag la brtse bas nyer dgongs te/__/sku gsung thugs kyis byin brlabs nas/__/dbang bzhi bskur bar mdzad du gsol/__/sgrib bzhi dag par mdzad du gsol/__/rgyud bzhi smin par mdzad du gsol/__/sku bzhi 'grub par byin gyis rlobs/__/zhes gsol ba drag tu btab pas/__bla ma gdan khri dang bcas pa 'od du ltems zhu/__bdag gi spyi bo tshangs pa'i bu ga nas mar zhugs pas/__lus kyi nang thams cad mer khengs shing /__bla ma'i sku gsung thugs dang rang gi lus ngag yid gsum dbyer med gcig tu khrug gis 'dres par gyur pa'i ngang la rig pa chos nyid skye ba med pa khyab gdal gdod ma'i gshis lhun grub rdzogs pa chen po ka dag gi ngang la ci gnas su mnyam par bzhag cing /__/dge ba 'di yis myur du bdag__/dpal ldan bla ma 'grub gyur nas/__/'gro ba gcig kyang ma lus pa/__/de yi sa la 'god par shog__/ces sogs bsngo ba smon lam rgya cher gdab par bya'o/__/zhes pa rdo rje DA ki seng ge'i gdong can ma'i chos skor las/__phyi sgrub kyi bskyed rdzogs sngon 'gro ngag 'don bzhi sbyor 'di nyid/__shar kong po'i sgom chen gnas lugs rtogs pa'i bya btang rin chen byams pa dpal bzang sogs kyis yang yang nan gyis bskul ba'i ngor/__chos med kyi bya btang pad+ma gar gyi dbang phyug gis paN chen bla ma'i gsung bzhin kun ldan zhes bya lcags pho byi ba'i lo'i dbyar zlar ba'i dkar po'i phyogs kyi bzang po gnyis pa'i tshes la dben gnas bde chen shugs sdings su legs par sbyar ba'i yi ge pa ni dpon yig bsod nams rgyal mtshan gyis bgyis pa'i dge bas bdag dang sems can thams cad kyis DA ki nI'i zhal mngon sum du mthong nas las bzhi kun gyi phrin las thogs pa med par 'grub pa'i rgyur gyur cig__/_!_gsum pa ni/____/lam thams cad kyi rtsa ba zab mo bla sgrub 'khor lo bzhi ma tshe gcig sangs rgyas rab ster zhes bya ba bzhugs so/__/na mo gu ru/__'dir lam thams cad kyi rtsa ba zab mo bla ma'i rnal 'byor bsgom pa ni/__bdag dang mkha' mnyam sems can thams cad kun/__/bla ma yi dam mkha' 'gro srung ma'i tshogs/__/ma lus mchod 'os rnams la skyabs su mchi/__/'gro la phan phyir byang chub sems bskyed do/__/sems can thams cad tshad med bzhi ldan gyi/__/bde chen mchog gi lam la gnas par shog__/chos kun dmigs med rang bzhin stong pa'i ngang /__/rang nyid DA ki seng ge'i gdong can mar/__/gsal ba'i stong ra 'ja' tshon lta bu'i nang /__/rtsa gsum 'khor lo bzhi ldan gsal ba yi/__/spyi bor bla ma sku yi rdo rje dkar/__/mgrin par bla ma gsung gi rdo rje dmar/__/snying gar bla ma thugs kyi rdo rje sngo/__/lte bar bla ma ye shes rdo rje ljang /__/kun kyang zhal gcig phyag gnyis rdor dril 'dzin/__/yum mchog rang 'dra'i mdog can gri gug dang /__/thod khrag 'dzin zhing gnyis med 'khril sbyor mdzad/__/dar dang rin chen rus pa'i rgyan gyis spras/__/zhabs gnyis rdo rje pad+ma'i skyil krung gis/__/'khor lo'i dbus bzhugs phyi rol rang rang gi__/rtsa 'dab grangs mnyam bla ma yab yum kun/__/gsal stong bde chen ngang du bzhugs par gyur/__/oM gu ru sarba sa pa ri bA ra pU dza pra tits+tsha swA hA/__bla ma sku bzhi rnams kyi thugs ka ru/__/oM dkar AHdmar hU~M mthing hoHljang gi__/mtha' bskor rnams la rang rang mdog mtshungs ltar/__/snying po'i sngags kyi phreng bas bskor bar gyur/__/de nas bla ma sku rdo rje la dmigs nas/__oM AHgu ru kA ya badz+ra sid+d+hi m+me pra yats+tsha hU~M/__bla ma gsung rdo rje la dmigs nas/__oM AHgu ru bA ka badz+ra sid+d+hi m+me pra yats+tsha hU~M/__bla ma thugs rdo rje la dmigs nas/__oM AHgu ru tsit+ta badz+ri sid+d+hi m+me pra yats+tsha hU~M/__bla ma ye shes rdo rje la dmigs nas/__oM A gu ru dz+nyA na badz+ra sid+d+hi m+me pra yats+tsha hU~M/__zhes 'di rnams rab brgya rtsa re/__'bring lnga bcu rtsa re/__tha ma nyi shu rtsa gcig re bzlas pa'i mthar/__'khor lo'i gnas so sor dmigs te/__rlung bum can ci nus su bzung /__sku bzhi'i bdag nyid bla ma 'od du zhu/__/bdag gi sgo gsum thim pas dbang bzhi ni/__/stan thog gcig tu thob cing gnas skabs kyi/__/sgrib bzhi dag nas sku bzhi mngon du gyur/__/don gnyis dpal 'byor lhun grub stsal du gsol/__/dge ba 'di yis myur du bdag__/dpal ldan bla ma 'grub gyur nas/__/'gro ba gcig kyang ma lus pa/__/de yi sa la 'god par shog__/ces smon lam rgya cher gdab bo/__/zhes pa 'di ni gus ldan gyi slob ma rig byed pa rin chen phun tshogs kyis gsol ba btab pa'i ngor/__chos med kyi bya btang pad+ma gar gyi dbang phyug gis sbyar ba'i yi ge pa ni spong ba pa shAkya'i dge slong rin chen bstan pa rab rgyas kyis bgyis pa'i dge bas bla ma myur du 'grub pa'i rgyur gyur cig__/gnyis pa dngos gzhi la/__rten bskyed pa'i rim pa dang /__brten pa rdzogs pa'i rim pa'o/__/dang po ni/__ye shes kyi mkha' 'gro ma seng ge'i gdong pa can kyi phyi sgrub rdo rje mkha' 'gro'i lta khrid nor bu'i phreng mdzes kyi snying po zhes bya ba bzhugs so/__/oM AHgu ru badz+ra DA ki nI siMha mu kha ye na maH__sku gnyis dbyer med zag bral bde ba che/__/lhan skyes zung 'jug 'od gsal thig le'i sku/__/'gyur med ka dag lhun grub rdzogs sangs rgyas/__/dang po'i mgon po paN chen zhabs la 'dud/__/de la 'dir rdo rje mkha' 'gro seng ge'i gdong pa can ma'i bskyed rim lta khrid kyi snying po mdor bsdus pa la gsum/__sngon 'gro/__dngos gzhi/__rjes so/__/dang po ni/__dbang dang rjes su gnang bas rgyud smin pa'i gang zag gis dur khrod la sogs pa gnas dben zhing zil che bar phyi nang gi 'du 'dzi'i spros pa thams cad bcad de/__thun mong dang thun mong ma yin pa'i sngon 'gro la blo sbyong ba'i tshul zur du gsal ba ltar nyams su blangs shing blo rgyud dang 'dres nges par bya'o/__/gnyis pa dngos gzhi la bdun/__srung ba'i 'khor lo gsal gdab pa/__rten gzhal yas khang dang /__brten pa lha bsgom pa/__mchod cing bstod pa/__dag pa dran pa/__sems 'dzin pa/__bzlas pa bya ba'o/__/dang po srung 'khor ni/__sngon 'gro bzhi sbyor rgyas par bya ba'am/__skyabs sems tsam sngon du 'gro bas/__swa b+hA ba'i sngags brjod pa dang chab gcig tu gzung 'dzin gyi snang ba thams cad 'od gsal stong pa nyid kyi dbyings su thim par bsams la rig pa brjod med du gnas tshad bzhag__/de nas stong pa'i ngang las paM las pad+ma dang ra~M las nyi ma'i dkyil 'khor gyi steng du hU~M las sna tshogs rdo rje rtse mo bcu gnyis pa las 'od zer phyogs bcur 'phros pas 'og thams cad rdo rje'i sa gzhi/__steng thams cad rdo rje'i gur dang bla bre/__khor yug thams cad rdo rje'i ra ba dang drwa ba/__phyi rol thams cad ye shes kyi me kha dog sna lnga pa 'bar ba'i srung ba'i 'khor lo yangs shing rgya che ba dang ldan par gyur par bsams la/__oM badz+ra rak+Sha rak+Sha hU~M hU~M hU~M phaT phaT swA hA/__zhes lan gsum gyis byin gyis brlab pa'o/__/gnyis pa rten ni/__srung 'khor de'i nang du dur khrod chen po brgyad yongs su grub pa'i dbus su/__sna tshogs rdo rje'i lte bar b+h+rU~M sna tshogs mdog can 'od du zhu ba las byung ba'i rin po che sna tshogs las grub pa'i thar pa chen po'i gzhal yas khang gru bzhi sgo bzhi rgyan rta babs mtshan nyid thams cad yongs su rdzogs pa'i gzhal yas khang du gyur bar bsam mo/__/gsum pa brten pa ni/__gzhal yas khang gi dbus su khrag mtsho me rlung khol mar 'khrugs shing rba klong 'khyil ba'i dbus su e e las chos 'byung nag po nyis brtsegs gru gsum pa/__rtsa ba phra ba thur du zug pa/__gdeng ka che ba gyen du bstan pa'i nang du/__sna tshogs pad+ma ru dra pho mo dang nyi ma'i gdan/__de'i steng du rang gi sems nyid kyi ngo bo hU~M dang rdo rje las skyes pa'i rdo rje mkha' 'gro seng ge'i gdong can sku mdog mthing nag char sprin ltar 'khrugs shing khros pa/__zhal gcig phyag gnyis seng zhal dkar po g.yas su phyogs shing lcags ral nag po thur du sprugs pas me stag phur bu'i tshwa tshwa 'phro ba/__g.yas rdo rje rtse lnga nam mkhar phyar zhing /__g.yon thod khrag thugs kar 'dzin pas kha T+wAM ka la 'khyud pa/__stag sham/__mi mgo skam rlon/__rus phreng /__zhing lpags/__sbrul sna tshogs dang lte bar nyi zlas brgyan pa/__skyil krung phyed pa'i gar stabs kyis ye shes kyi me dpung 'bar ba'i dbus na bzhugs par gyur par bsam pas dam tshig pa bskyed pa ni bsnyen pa'i yan lag go__/de'i dpral bar oM/__mgrin par AH__thugs kar hU~M/__oM AHhU~M zhes gsum brjod cing gnas gsum byin gyis brlab pa ni nye bar sgrub pa'i yan lag go__/thugs ka'i hU~M las 'od zer 'phros pas nub phyogs o rgyan gyi dur khrod rab tu 'bar ba 'khrigs pa nas ma ye shes kyi DA ki seng ge'i gdong can ma la 'khor ma mo dregs pa 'bum sde bka' sdod srung ma rgya mtsho'i tshogs dang bcas pas bskor ba spyan drangs/__dza hU~M ba~M hoH__gnyis su med par thim par gyur par bsam pa ni ye shes pa bcug pa sgrub pa'i yan lag go/__/slar yang thugs ka'i hU~M las 'od zer 'phros/__dbang gi lha de gzhin gshegs pa rgyal ba rigs lnga'i tshogs dpag tu med pa spyan drangs/__bdag la mngon par dbang bskur du gsol/__zhes gsol ba btab pas/__oM sarba ta thA ga ta ab+hi She ka te sa ma ya shrI aHhU~M/__zhes gsungs shing bum pa'i chus spyi bo nas dbang bskur/__sku gang /__dri ma dag__/chu lhag ma yar lud pa las mi bskyod pas dbu brgyan par gyur par bsam pa ni dbang bskur zhing rgyas 'debs pa sgrub pa chen po'i yan lag go__/bzhi pa mchod bstod ni/__rang gi thugs ka nas sprul pa'i rdo rje lha mo'i tshogs kyis mchod cing bstod pas mnga' dbul bar bsams la/__hU~M b+h+yoH__mchod yon zhabs bsil me tog spos/__/snang gsal dri chab zhal zas rol/__/zag med 'dod yon bdud rtsi lnga/__/mi 'gyur gdod ma'i dbyings nas bzhes/__/mchog dang thun mong dngos grub stsol/__/ces dang /__oM badz+ra DA ki nI siM ha mu kha sa pa ri bA ra ar+g+haM nas/__shap+da pany+tsa kA ma gu Na ma hA a mr-i ta pU dza hoH__zhes pas mchod cing /__hU~M b+h+yoH__chos dbyings dmigs med mkha' ltar dag__/spros pa'i mtshan ma nye bar zhi/__/mthu rtsal rab ldan bdud dpung 'joms/__dbyings phyug seng gdong ma la bstod/__/ces bstod par bsam mo/__/lnga pa dag dran ni/__dkyil 'khor gzhal yas zhes bshad pa/__/'og gzhi sna tshogs rdo rje ni/__/rten 'brel bcu gnyis dag tu bshad/__/rdo rje'i rwa dra gur bla re/__/'jigs tshogs lta ba 'joms byed do/__/me ri kha dog sna lnga 'bar/__/nyon mongs bud shing kun nas bsreg__/chu skyes pad+ma 'bum ldan dag__/skyon gyis ma gos pa nyid mtshon/__/'byung bzhi ri rab dang bcas pa/__/lha mo bzhi yi ngo bo nyid/__/yid kyi dbang po gzhal med khang /__/mi mnyam mnyam pa'i rang bzhin te/__/ngos bzhi dga' ba bzhi ru bshad/__/zur bzhi tshad med bzhi po nyid/__/sgo bzhi dran pa nyer bzhag bzhi/__/rta babs yang dag spong pa bzhi/__/sgo khyud rnam pa bzhi bshad pa/__/rdzu 'phrul gyi ni rkang pa bzhi/__/rtsig pa lnga ni dbang po lnga/__/'khor lo bzhi dang nor bu'i tog__/stobs lnga por ni rnam par bzhag__/'dod snam pha gu dra phyed dang /__/mda' yab spu shus yongs bskor ba/__/byang chub yan lag bdun du 'dod/__/ka ba brgyad du mngon brjod pa/__/'phags lam brgyad du rab bsngags so/__/rnga yab gdugs dang rgyal mtshan 'phan/__/ba dan ri dwags pho mos mdzes/__/do shal do shal phyed pa 'phyang /__/mu tig chun 'phyang dag gis spras/__/'di rnams pha rol phyin bcu yi/__/yon tan rdzogs par bstan pa'o/__/phyi rol dur khrod brgyad po ni/__/mi rtag skyo shas skye phyir dang /__/nyon mongs rnam rtog 'joms pa'i phyir/__/chos kun bdag med ston pa'o/__/chos nyid brten pa'i rnam dag ni/__/dbyings phyug rdo rje mkha' 'gro ma/__/chu khams rnam dag ye shes sku/__/'gyur med thig le nam mkha'i mdog__/seng zhal dkar po gdangs pa'i zhal/__/rgol ngan ri dwags skrag par mdzad/__/phyag gnyis thabs dang shes rab kyis/__/rdo rje rtse lnga thod khrag bsnams/__/ye shes lnga ni 'gro la chags/__/kha T+wAM ga ni bde chen yab/__/mchog tu gsang ba'i zung 'jug gis/__/dga' bzhi lhan skyes 'khor du rol/__/dug gsum rtog pa dag pa'i phyir/__/zhing lpags glang chen sku stod g.yogs/__/nga rgyal bdud dpung 'joms phyir du/__/stag gi pags pa'i smad dkris can/__/gug skyed phyag rgya lngas brgyan zhing /__/thal chen khrag zhags tshom bus brjid/__/sde brgyad ma lus skrag byed do/__/gdengs can gdug pa 'dul ba'i slad/__/klu chen brgyad kyis rnam par mdzes/__/rnam thar sgo bzhi chos 'byung dang /__/skyon gyis ma gos pad+ma'i dbus/__/bdud dang log 'dren zil gnon pas/__/rU dra pho mo bsgral ba'i gdan/__/de steng nyi ma'i dkyil 'khor la/__/rak+ta dmar po 'dzin phyir du/__/srid dang zhi la mi gnas pa'i/__/zhabs gnyis brkyang bskum gar gyis bzhugs/__/nyon mongs zad pa'i thod skam lnga/__/rgyal ba rigs lnga'i rang bzhin no/__/sems byung lnga bcu dag pa las/__/khrag 'dzag lnga bcu'i do shal can/__/de nyid gsum la rab spyod pas/__/spyan gsum po ni rnam par bsgrad/__/longs spyod rdzogs ldan DA ki'i gtso/__/mtshan dpe'i rgyan gyis spras pa yi/__/mtshan nyid thams cad yongs su rdzogs/__/yon tan lhun grub sku nyid do/__/zhes brjod cing don dran par byas la tha mal gyi snang zhen lha dang gzhal yas khang du shar ba nyid/__ye shes dang yon tan bsam gyis mi khyab pa'i ngo bor rnam par dag pa'i nges shes bskyed do/__/drug pa sems 'dzin la gsum/__lus gnad/__sems 'dzin/__rlung sbyor ro/__/dang po ni/__bde ba'i stan la rkang pa rdo rje'i skyil krung drang por bsrang /__lag gnyis khu tshur brlar bzhag__/mig smin mtshams kyi thad sor bcu drug gi nam mkhar g.yo ba med par gtad/__lus drang por cha cha nas bsgrim par bya'o/__/gnyis pa ni/__srung ba'i 'khor lo/__rten gzhal yas khang /__brten pa lha rnams rim pa bzhin du sems 'dzin te/__de'ang thog mar mngon rtogs nas ji skad bshad pa ltar gyi srung ba'i 'khor lo'i gsal snang shugs drag tu bskyed/__gsal theb pa na de dang sems dbyer med du bsres te bzung /__sems zin pa na rang rig rang gsal gyi gnas lugs ka dag rdzogs pa chen po tha mal gyi shes pa bcos bslad dang bral ba'i ngang du ngal bso/__de lta bu'i tshul gyis bsgrim glod spel mar bskyang pa la bslab par bya ste/__ji skad du/__thun chung grangs mang bsgom pa'i gnad/__/gsal la drag la yun thung ba/__/bskyed pa'i rim pa dag la bslab/__/ces gsungs pas na/__bskyed rim gsal na gsal te 'phro bcad nas bsgom bshig ste cung zad glod pa dang /__slar yang bskyed rim zab mo'i rnal 'byor la 'jug par bya'o/__/yang bskyed rim mi gsal na mi gsal te 'phro bcad nas rig pa rten gzhan la spos te cung zad glod pa dang /__slar yang bskyed rim zab mo'i rnal 'byor la 'jug par bya'o/__/de ltar bskyed rim gyi ting nge 'dzin la mnyam par bzhag pa'i tshe de dag la mi gnas par 'phro na 'phro mkhan gyi ngo bo la 'phro mkhan kho rang gis cer gyis bltas pas/__'phro mkhan dang lta mkhan gnyis su med par kho rang gnyis gcig la gcig thim pa lta bur gyur nas/__rang bzhin gang du'ang ma grub pa'i gnas lugs brjod pa dang bral ba'i nyams skyes pa na had de chad de mnyam par bzhag__/rnam rtog gi rnyog ma zhi ba na slar yang sngar bzhin sems bzung /__des mtshon te rten gzhal yas khang dur khrod dang bcas pa brten pa lha sku gdan dang bcas pa rnams la sems bzung zhing gsal snang 'don par bya'o/__/gsum pa rlung sbyor ni/__mjug tu gsal snang rtse gcig pa'i ngang ma shor bar rlung ro bsal/__'jam rlung bum pa can kha sbyar du 'dzin pa nyer gcig sogs kyis brtan par bya ba'ang man ngag gi gnad khyad par can yin no/__bdun pa bzlas pa la gnyis/__rdo rje'i bzlas pa dang /__ngag bzlas so/__/dang po ni/__lus gnad chos bdun drang por bsrang /__rlung ro sangs kyis bus/__rlung 'jug gnas 'gro gsum rang bab nyid ngo shes par byas la/__dran tsam gyi ngang du sems bzung /__thun rer 'jug gnas 'gro gsum gcig tu bsdams pa'i stong rtsa bzla/__'dis nad gdon zhi/__tshe dang ye shes rgyas/__'chi med grub pa sogs phan yon dpag tu med/__de la 'byongs pa na/__nang du 'jug pa oM dkar po/__gnas pa AHdmar po/__phyir 'gro ba hU~M sngon po rnams so so'i gdangs dang bcas par bsams la sems bzung /__phan yon gong dang 'dra zhing /__srung ba dang /__phyir zlog pa'i mchog tu'ang gsungs so/__/gnyis pa ngag bzlas ni/__phreng ba bsang sbyang /__hU~M brgya rtsa brgyad yongs su gyur pa las seng gdong ma'i sku chung ngu brgya rtsa brgyad du gyur/__de zhu ba las mi mgo'i phreng ba khrag 'dzag par bsams la/__lag gnyis nyi zla'i dkyil 'khor gyi steng du dbyangs dang gsal byed bkod pas phreng ba snyim par bzung /__oM ru tsi ra ma Ni pra bAr+d+ha ye swA hA/__zhes nyer gcig bzlas shing phus gdab pas phreng ba brlab/__zhi ba la mdzub mo/__rgyas par gung mo/__dbang la srin lag__/drag po la mthe'u chung gi steng du bzung zhing mthe bong gis 'dren/__dmigs pa ni/__rang nyid DA ki seng gdong mar gsal ba'i thugs kar nyi ma la gnas pa'i hU~M mthing nag gi mthar g.yon bskor bar bsams la/__AHkaHsaHmaHraHtsaHshaHdaHraHsaHmaHraHyaHphaTaH__zhes rtsa ba'i sngags so/__/oM badz+ra DA ki siM ha mu kha hU~M hU~M phaT/__ces snying po'o/__/oM dz+nyA na DA ki sarba sid+d+hi pha la hoH__zhes las sngags so/__/'di dag rnams bzla ba'i tshe sa bon ma gtogs rtsa sngags snying po las sngags rnams/__zhi ba la kha dog dkar po bdud rtsi dkar pa'i char 'bebs pas nad gdon bar chad thams cad zhi ba'i las sgrub pa/__rgyas pa la kha dog ser po bdud rtsi ser po'i char 'bebs pas tshe dbang bsod nams dpal 'byor 'khor slob ting nge 'dzin nyams rtogs thams cad rgyas pa'i las sgrub pa/__dbang la kha dog dmar po bdud rtsi dmar po'i char 'bebs pas khams gsum gyi zas nor mi gsum thams cad dbang du bsdu ba'i las sgrub pa/__drag po la kha dog nag po khro chu khol ma dang mtshon cha sna tshogs kyi char 'bebs pas gnod byed dgra bgegs gdug pa can thams cad rdul phran bzhin du phye mar brlag pa'i las sgrub par dmigs la bzla/__/de'ang bskyed rdzogs zung 'jug snang stong dbyer med chu zla lta bu'i gsal snang gi ngang nas/__snang grags rtog gsum ye shes kyi mkha' 'gro'i sku gsung thugs rdo rje'i ngo bor shes par bya/__khyad par bzlas pa drug gi sbyor ba zhes thun mong ma yin pa'i snyan brgyud kyi zhal shes ni/__tho rangs tshe sgrub kyi bzlas pa/__nam langs nas nyi shar gyi bar la zhi ba'i bzlas pa/__snga dro rgyas pa'i bzlas pa/__gung gnyis la mchog sgrub kyi bzlas pa/__phyi dro dbang gi bzlas pa/__srod la drag po bsad zlog gi bzlas pa'o/__/dang po tho rangs tshe sgrub kyi bzlas pa ni/__rang nyid DA ki mar gsal ba'i thugs ka'i sa bon las 'od zer 'phros pa'i sna la/__'byung ba lnga'i lha mo g.yas lcags kyu dang /__g.yon gser dngul pad+ma rA ga margad beDUR+Ya rnams kyi bum pa thogs pa dpag tu med pa spros pas de rnams kyis phyi 'byung ba bzhi'i ro bcud dwangs ma dang /__nang bcud kyi sems can thams cad kyi tshe dang bsod nams dpal 'byor thams cad dang /__gsang ba phyogs bcu'i bde gshegs thams cad kyi sku gsung thugs yon tan phrin las/__drag shul mthu stobs dang rdzu 'phrul nus pa tshe dang bsod nams ye shes thams cad dang /__khyad par bdag gi tshe zad yar brkus 'phrog nyams rgud pa thams cad mkha' 'gro ma rnams kyi lcags kyus bkug cing bum pa'i nang du blugs nas mdun gyi nam mkhar byon/__bdag gi spyi bo tshangs pa'i bu ga nas mar blugs/__lus kyi nang thams cad 'chi med tshe'i bdud rtsi kha dog sna tshogs pas khrig mer gyis khengs/__bdag gi 'byung ba bzhi'i khams dang tshe bsod nams dpal 'byor nyams rtogs ting nge 'dzin 'gro don phrin las nyams pa thams cad sor chud cing mi nyams shing gong nas gong du 'phel zhing rgyas par gyur nas/__'chi med tshe'i rig 'dzin brnyes par gyur par dmigs shing /__rtsa sngags yi ge bcu bzhi ba stong phrag gcig dang /__khyad par gyi sngags yi ge brgyad pa ni/__aHkaHsaHmaHraHtsaHshaHphaTaH__'di nyid kyang stong phrag gcig bzla ba dang /__oM badz+ra A yuShe hU~M b+h+rU~M nr-i dzaHsid+d+hi pha la hU~M/__zhes pa 'di'ang stong phrag gcig bzlas pa'i rjes su tshe 'gugs kyi lha mo rnams rang gi lus la gnyis su med par thim par gyur pa'i ngang la/__sems nyid 'od gsal rdzogs pa chen po'i ngang du ci gnas su mnyam par bzhag__/gnyis pa nam langs nas nyi shar gyi bar zhi ba'i bzlas pa ni/__rang nyid rdo rje mkha' 'gro seng ge'i gdong can mar gsal ba'i stong ra'i dbus na yar rtsa gsum 'khor lo lnga ldan du gsal ba'i spyi bo'i 'khor lo'i lte bar chos 'byung dkar po nyis brtsegs kyi nang du/__pad+ma ru dra pho mo dang nyi ma'i gdan la zhi ba'i mkha' 'gro seng gdong can dkar mo gri gug dang /__bdud rtsis gang ba'i thod pa 'dzin pas kha T+wAM ga la 'khyud pa rus pa'i phyag rgya lnga dang mi mgo skam rlon sogs kyis brgyan pa'i 'khor du/__rang 'dra'i lha mo sum cu rtsa gnyis kyis bskor ba'i gtso 'khor rnams kyi thugs kar nyi gdan la/__hU~M dkar po'i mthar sngags phreng kha dog dkar pos g.yon du 'khor ba las/__bdud rtsi dkar po'i rgyun yi ge bcu bzhi'i sgra dang ldan pa dpag tu med pa babs pas/__lus kyi nang thams cad ltems khengs shing de'i nus pas nad gdon bar chad thams cad zhi bar gyur par dmigs nas/__rtsa sngags yi ge bcu bzhi pa stong phrag gcig dang /__oM bud+d+ha DA ki nI siM ha mu kha hU~M hU~M phaT/__ces snying po 'di nyid kyang stong phrag gcig dang /__oM sarba shAn+tiM ku ru ye sid+d+hi pha la hU~M/__zhes las sngags te 'di nyid kyang stong phrag gcig bzlas pa'i mthar/__rje btsun ma gtso 'khor rnams 'od du ltems zhu nas rang gi lus ngag yid gsum la gnyis su med par thim pa'i ngang la skye med brjod bral du ci gnas su mnyam par bzhag__/gsum pa snga dro rgyas pa'i bzlas pa ni/__lte ba'i 'khor lo'i lte bar chos 'byung ser po nyis brtsegs kyi nang du pad+ma ru dra pho mo rang nyi ma'i gdan la rgyas pa'i mkha' 'gro seng gdong can ser mo rin po che dang /__ne'u le nor bu skyug pa 'dzin pas kha T+wAM la 'khyud pa/__rus pa'i phyag rgya lnga dang mi mgo skam rlon sogs kyis brgyan pa'i 'khor du rang 'dra'i lha mo drug cu rtsa bzhis bskor ba'i gtso 'khor rnams kyi thugs kar nyi gdan la/__hU~M ser po'i mthar sngags phreng kha dog ser pos g.yon du 'khor ba las/__bdud rtsi ser po'i rgyun yi ge bcu bzhi'i sgra dang ldan pa dpag tu med pa babs pas lus kyi nang thams cad ltems khengs shing de'i nus pas tshe dang bsod nams dpal 'byor 'khor slob 'gro don nyams rtogs ting nge 'dzin thams cad gong nas gong du 'phel zhing rgyas par gyur par dmigs nas/__rtsa sngags yi ge bcu bzhi pa stong phrag gcig dang /__oM rat+na DA ki siM ha mu kha hU~M hU~M phaTaH__ces snying po 'di nyid kyang stong phrag gcig dang /__oM sarba puSh+tiM ku ru ye oM sid+d+hi pha la hU~M/__zhes pa 'di nyid kyang stong phrag gcig bzlas pa'i mthar/__rje btsun ma gtso 'khor rnams 'od du ltems zhu nas rang gi lus ngag yid gsum la gnyis su med par thim pa'i ngang la skye med brjod bral du ci gnas mnyam par bzhag__/bzhi pa gung gnyis la mchog sgrub kyi bzlas pa ni/__snying ga'i 'khor lo'i lte bar chos 'byung nag po nyis brtsegs kyi nang du/__pad+ma ru dra pho mo dang nyi ma'i gdan la rdo rje mkha' 'gro seng ge'i gdong can mthing nag rdo rje dang /__thod khrag 'dzin pas kha T+wAM ga la 'khyud pa/__rus pa'i phyag rgya lnga dang mi mgo skam rlon sogs kyis brgyan pa'i 'khor du/__rang 'dra'i lha mo brgyad kyis bskor ba'i gtso 'khor rnams kyi thugs kar nyi gdan la hU~M mthing nag gi mthar sngags phreng kha dog mthing nag g.yon du 'khor ba las bdud rtsi mthing nag gi rgyun yi ge bcu bzhi'i sgra dang ldan pa dpag tu med pa babs pas/__lus kyi nang thams cad ltems khengs shing de'i nus pas sdig sgrib nyes ltung dri ma'i tshogs thams cad sangs dag par gyur par dmigs nas/__rtsa sngags yi ge bcu bzhi stong phrag gcig dang /__oM badz+ra DA ki siM ha mu kha hU~M hU~M phaTaH__ces snying po 'di nyid stong phrag gcig dang /__oM dz+nyA na DA ki sarba sid+d+hi pha la hU~M/__zhes pa 'di nyid kyang stong phrag gcig bzlas pa'i mthar/__rje btsun ma gtso 'khor rnams 'od du ltems zhu nas rang gi lus ngag yid gsum la gnyis su med par thim pa'i ngang la skye med brjod bral du ci gnas mnyam par bzhag__/lnga pa phyi dro dbang gi bzlas pa ni/__mgrin pa'i 'khor lo'i lte bar chos 'byung dmar po nyis brtsegs kyi nang du/__pad+ma ru dra pho mo dang nyi ma'i gdan la pad+ma mkha' 'gro seng gdong can dmar mo lcags kyu dang /__gter gyis gang ba'i bum pa 'dzin pas kha T+wAM ga la 'khyud pa/__rus pa'i phyag rgya lnga dang mi mgo skam rlon sogs kyis brgyan pa'i 'khor du/__rang 'dra'i lha mo bcu drug gis bskor ba'i gtso 'khor rnams kyi thugs kar nyi gdan la hU~M dmar po'i mthar sngags phreng kha dog dmar pos g.yon du 'khor ba las/__bdud rtsi dmar po'i rgyun yi ge bcu bzhi'i sgra dang ldan pa dpag tu med pa bab pas lus kyi nang thams cad ltems khengs shing /__de'i nus pas khams gsum gyi zas nor mi gsum thams cad dbang du 'dus par gyur par dmigs nas/__rtsa sngags yi ge bcu bzhi stong phrag gcig dang /__oM pad+ma DA ki siM ha mu kha hU~M hU~M phaTaH__ces snying po 'di nyid kyang stong phrag gcig dang /__oM sarba pA shaM ku ru ye hoH__sid+d+hi pha la hU~M/__zhes pa 'di nyid kyang stong phrag gcig bzlas pa'i mthar/_rje btsun ma gtso 'khor rnams 'od du ltems zhu nas rang gi lus ngag yid gsum la gnyis su med par thim pa'i ngang la skye med brjod bral du ci gnas mnyam par bzhag_/drug pa srod la drag po zlog dgug bsad gsum gyi bzlas pa ni/__gsang gnas kyi 'khor lo'i lte bar chos 'byung ljang nag nyis brtsegs kyi nang du/__pad+ma ru dra pho mo dang nyi ma'i gdan la las kyi mkha' 'gro srog gcod sha za khrag 'thung dbugs len seng ge'i gdong can ljang nag ral gri dang /__thod khrag 'dzin pas kha T+wAM ga la 'khyud pa/__rus pa'i phyag rgya lnga dang mi mgo skam rlon sogs kyis brgyan pa'i 'khor du/__rang 'dra'i lha mo sum cu rtsa gnyis kyis bskor ba'i gtso 'khor rnams kyi thugs kar nyi gdan la hU~M ljang nag gi mthar sngags phreng kha dog ljang nag mtshon cha'i rang bzhin can me 'bar bas g.yon du 'khor ba las/__gsang gnas kyi 'khor lo'i 'og tu me rlung mtshon cha 'dzings pa'i klong du rnal 'byor pa la gdug cing sdang sems dang ldan pa/__drag shul gyi sems dang ldan pa/__bsam pa ngan pa/__sbyor ba rtsub par byed pa'i dam nyams che ge mo dpon g.yog mi nor 'khor dang bcas pa thams cad tshud pa'i steng du rje btsun ma 'khor dang bcas pa'i sku las mtshon cha sna tshogs dang khro chu khol ma'i char rgyun zlog dgug bsad gsum gyi sngags rgod kyi sgra dang ldan pa dpag tu med pa bab pas/__gnod byed dgra bgegs dam nyams log par 'dren pa thams cad kyi mgo lus thams cad dum bu dum bur gtub pa dang /__mes bsregs rlung gis gtor chus bshal bas lus ngag thal ba'i rdul du brlag par gyur par dmigs nas/__phaTaHyaHraHmaHsaHraHdaHshaHtsaHraHmaHsaHkaHaHsha tri dza n+ri tri khug dgra bgegs 'byung po'i sems dang bag chags ngan pa mA ra ya phaT/__ces pa 'di nyid stong phrag gcig dang /__oM karma DA ki nI siM ha mu kha hU~M hU~M phaT/__ces snying po 'di nyid kyang stong phrag gcig dang /__khyad par gyi phyir zlog gi sngags ni/__oM pra t+yAM gir/__g+hr-i du g+hr-i du/__dz+wa ra g+hr-i du/__yak+mo phro ma b+h+yo zlog__/yak+mo phro ma b+h+yo zlog__/DA ki ma sri ka phreM b+h+yo zlog__/ces pa'ang stong phrag gcig bzlas pa'i mthar/__dgra bgegs kyi rnam par shes pa hU~M yig gi rnam par rje btsun ma'i thugs kar thim pas/__de'i rkyen gyis rje btsun ma gtso 'khor rnams 'od du ltems zhu nas rang gi lus ngag yid gsum la gnyis su med pa'i ngang la skye med brjod bral du ci gnas su mnyam par bzhag go__/thun de las ldang bar brtsams pa na mchod cing bstod la/__bcom ldan 'das ma mkha' 'gro seng ge'i gdong can 'khor dang bcas pas bdag dang sems can thams cad la thun mong dang mchog gi dngos grub ma lus pa stsal du gsol/__ces 'dod don gsol/__gsum pa rjes la drug__/nyer bsdu'i rnal 'byor/__gtor ma'i rnal 'byor/__khrus kyi rnal 'byor/__kha zas kyi rnal 'byor/__nyal ba'i rnal 'byor/__ldang ba'i rnal 'byor ro/__/dang po ni/__rlung phyir rim par bus pas snod bcud/__srung 'khor dang dur khrod/__gzhal yas khang rang lha skur gsal ba/__snying ga'i sngags phreng rnams la phog__/de rnams rim pa bzhin 'od du zhu nas phyi ma phyi ma rnams nang ma rnams la thim/__mthar sngags phreng kyang hU~M yig gi nA da'i bar du thim ste/__nA da yang mi dmigs pa'i ngang du gyur par mos la 'od gsal rdzogs pa chen po'i dbyings su mnyam par bzhag__/thun mtshams kyi bya ba la 'jug pa na/__slar yang rang dang snang ba thams can ye shes kyi mkha' 'gro'i lha sngags chos sku'i ye shes su gyur par bsams la bsngo smon gyis mtshams sbyar te spyod lam la 'jug go__/gnyis pa la gnyis/__phyi dang /__nang ngo /__/dang po ni/__gtor chog nas ji skad bshad pa bzhin thun bzhi'am gsum mam/__ma mtha' 'ang nyin rer thun re'i mjug tu phul/__gnyis pa ni/__sems bskyed sngon du 'gro bas/__rang sems pa~M yig gi rnam pa nam mkhar spar ba rnal 'byor ma'i skur gyur/__phung po rnying pa bdud rtsir bsgyur te mgron rigs bzhi la tshogs mchod kyi tshul du phul ba spyi ltar nyams su blang /__gsum pa la gnyis/__phyi dang /__nang ngo /__/dang po ni/__bum pa tshul bzhin du bshams la/__bdag bskyed bzlas pa bcas sngon du 'gro bas bsang sbyang /__stong pa'i ngang las pad zla'i gdan la pa~M las byung ba'i rin po che'i bum pa mtshan nyid thams cad yongs su rdzogs pa/__bdud rtsi'i bcud sna tshogs chu gtsang dang bcas pas sum gnyis gang ba'i chu'i steng bum pa'i nang du pad nyi la gnas pa'i hU~M mthing nag gi mthar sngags phreng kha dog baiDUR+Ya'i mdog lta bus g.yon du 'khor bar gyur par dmigs nas/__rang gi snying ga'i 'od zer gyis phyogs bcu'i bde gshegs thams cad dang /__DA ki seng gdong can 'khor ma mo srid pa 'bum sde thams cad kyi thugs rje dang nus mthu byin rlabs thams cad sngags rgod yi ge bcu bzhi'i rnam par spyan drangs shing /__bum nang gi sa bon sngags phreng dang bcas pa la thim par gyur par dmigs nas/__slar yang rang gi snying ga'i sa bon sngags phreng dang bcas pa las chad pa'i sa bon sngags phreng dang bcas pa zhal nas thon gzungs thag la 'khril te song bas rdo rje'i lte ba'i hU~M dang sngags phreng la phog__/de las bdud rtsi sngags chu'i rgyun dpag tu med pa babs pas dung chos mer khengs te/__chil chil lud/__bum nang gi sa bon sngags phreng dang bcas pa la phog pas/__de nyid las bdud rtsi sngags kyi chu rgyun babs pas bum chu dang dbyer med ro gcig tu 'dres par gyur par bsams la/__gzungs thag bzung nas/__rtsa sngags yi ge bcu bzhi khri tsho gcig dang /__las sngags stong phrag gcig__/oM sarba ta thA ga ta ab+hiShe ka ta sa ma ya shrI AHhU~M/__zhes stong phrag gcig bzlas pa'i mthar/__phyi nang gis mchod cing gtor ma'ang phul/__gzungs thag sgril zhing he ru ka'i yi ge brgya pa brjod pa dang /__dung chos kyi chu bum nang du blugs pas sa bon sngags phreng dang bcas pa la phog__/de'i rkyen gyis 'od du ltems zhu bum pa'i chu dang dbyer med gcig tu 'dres shing nus ldan gyi bum pa'i chur gyur ces brjod cing bsam/__de lta bu'i bum pa'i chu rang gzhan gyis btung zhing bkru ba dang /__bum chu'i rgyun mi 'chad par byas te nam dgos pa'i dus las la sbyar na nad gdon sdig sgrib nyes ltung nyams chags thams cad byang zhing /__ting nge 'dzin 'phel bar 'gyur ro/__/gnyis pa ni/__rang seng gdong mar gsal ba'i lus kyi dbus su rtsa gsum 'khor lo gsum du gsal btab ste/__spyi bo'i rtsa 'dab so gnyis kyi dbus su oM/__'dab ma rnams oM AHhU~M hoHsa sna drangs pa'i yi ge bcu bzhi pa tshar gnyis bcas yig 'bru so gnyis/__rtsa dang yi ge thams cad kyang kha dog dkar por gsal/__yi ge bcu bzhi pa stong tsam bzlas pas bdud rtsi dkar po yi ge bcu bzhi'i sgra dang bcas pa babs pas lus gang /__lus kyi nad gdon sdig sgrib thams cad sbyang bar bsam/__de bzhin du mgrin pa'i rtsa 'dab bcu drug gi dbus su AHrtsa 'dab rnams la AHdang hrIHsa sna drangs pa'i yi ge bcu bzhi pa dmar pos bskor ba bzlas pa'i rkyen gyis bdud rtsi dmar po yi ge bcu bzhi'i sgra dang bcas pa babs pas lus gang /__ngag gi nad gdon sdig sgrib thams cad sbyang bar bsam/__snying gar 'dab brgyad kyi lte bar hU~M/__'dab ma rnams la aHkaHsaHmaHraHtsaHshaHphaTaHces sngon pos mtshon pa bzlas pa'i rkyen gyis bdud rtsi sngon po yi ge bcu bzhi'i sgra dang bcas pa babs pas lus gang /__yid kyi nad gdon sdig sgrib thams cad sbyangs par bsam/__mthar sngags phreng sa bon dang bcas pa rim bzhin du rang gi sgo gsum dang dbyer med du 'dres par bsams la 'od gsal rdzogs pa chen po'i ngang du bzhag go__/'di ni nang gi khrus kyi sbyor ba khyad par can te/__nad gdon sdig sgrib dam tshig nyams chags thams cad sbyong ba la mchog tu bsngags so/__/bzhi pa ni/__kha zas bdud rtsir byin gyis brlabs la phung khams kyi lha mchod pa'i bsam pas longs spyod pa'am/__stong nyid gsal khyab chen po'i ngang du tshim par rol pa'i mthar/__zas kyi lhag ma/__oM uSh+tsiSh+ta ba liM ta b+hak+Sha sI swA hAs 'byung po lhag ma la dbang ba rnams la sbyin cing bsngo smon gyis rgyas gdab/__lnga pa ni/__nub mo nyal ba'i tshe skyil krung ngam/__tsog pu'am/__seng ge'i nyal stabs kyis 'khod pa'i snying gar nyi zla kha sbyor gyi dbus su rtsa ba'i bla ma pad+ma 'byung gnas yab yum gyi rnam pa skyabs gnas kun 'dus su gsal ba la yid gtad de/__rig pa brjod med kyi ngang du nyal bas gnyid 'od gsal du 'char bar 'gyur ro/__/drug pa ni/__tho rangs ldang ba'i dus la bab pa na/__nam mkha' nas DA ki ma bzhis DA ma ru'i sgra sngags kyi gdangs su bsgrags pa'i rkyen gyis 'od gsal las zung 'jug gi skur bzhengs par mos te lhar gsal bzhin pa'i ngang nas ldang /__phyi nang gi khrus kyi rnal 'byor gang rung sngon du 'gro bas thor thun la 'jug par bya'o/__/de ltar nyams su blang ba'i skabs gegs sel dang bogs 'don gyi mthar thug pa lam zab bla ma'i rnal 'byor la gnad du bsnun cing /__bskyed rim gyi gsal snang dang /__de la brten nas snang stong zung 'jug gi nyams myong ci rigs pa skyes par gyur pa na/__bla ma nyams myong can gyis ngo sprad cing lam du bslang bar bya'o/__/bskyed rim gyi gsal snang rag phra la brtan pa thob nas/__rdzogs rim rang byin gyis brlab pa'i man ngag gis mtshams sbyar te/__rlung dbu mar zhugs gnas kyi rtsal rdzogs pas/__yul yul can bde stong dbyer med pa'i ye shes mngon du byas te/__sa dang lam gyi rim pa myur du bgrod par 'gyur ro/__/bsnyen pa byed na gnas dben par bris sku'i mdun du/__sha chang gi dam rdzas dang bcas pa'i gtor ma dang /__chu gnyis sngon 'gro'i nyer spyod bsham/__mtshams dam par bcad/__ji skad bshad pa'i nyams len thun drug gam bzhi sogs su bya zhing /__thun gnyis sam srod thun gyi mthar gtor ma phul/__rtsa sngags yi ge bcu bzhi pa 'bum phrag bcu bzhi/__snying po 'bum phrag bzhi/__las sngags 'bum phrag gcig rnams kha skong bcas dang /__spro zhing nus na khyad par gyi las sngags drug po'ang dus gnad dang bstun te zhag bdun tsam bzlas pa'i mthar/__'di'i yig cha dngos sam/__gsang ba spyi'i lugs kyi cho ga ltar kha skong gi sbyin sreg kyang bgyis pas las rab 'byams pa thogs pa med pa'i nus pa rnyed par 'gyur ro/__/e ma/__rgyal ba'i rgyal tshab sprul pa'i sku/__/kun mkhyen bstan pa'i bdag po ni/__/paN chen bla ma'i gsung ngag las/__/byung ba DA ki seng gdong ma/__/lhan cig skyes ma'i bskyed rim gyi/__/man ngag nor bu'i phreng mdzes 'di/__/don gnyer sde snod 'dzin pa ni/__/bshes gnyen A tsaR+Ya shAg bstan/__zung 'jug blo bral don rtogs pa'i/__/rnal 'byor byams bzang la sogs kyis/__/yang yang nan cher bskul ba'i ngor/__/chos med pad+ma gar dbang gis/__/thams cad 'dul ba zhes bya ba/__/me mo phag gi dpyid zla yi/__/dkar po'i phyogs kyi rgyal ba ni/__/gsum pa'i tshes la dben pa'i gnas/__/shugs sdings mkha' 'gro'i bsti gnas su/__/legs sbyar yi ge'i 'du byed ni/__/dpon yig bsod nams rgyal mtshan gyis/__/bgyis pa'i mtha' yas dge ba'i tshogs/__/lus can byang chub thob phyir bsngo/__/'di'i dge bas bdag dang sems can thams cad kyis DA ki nI'i zhal mngon sum du mthong nas las bzhi kun gyi phrin las thogs pa med par 'grub pa'i rgyur gyur cig__/ces grub mchog pad+ma gar dbang gi gsung rab las snying po bsdus te bkod pa'o/__/de ni phyi bskyed pa'i rim pa yin la/__nang bskyed pa'i rim pa zab mo lus kyi dkyil 'khor nyams su blang ba'i tshul dang /__gnyis pa rdzogs rim 'khor lo bzhi'i man ngag bcas rgya cher bzhugs pa'i snying po ni/__ye shes kyi mkha' 'gro seng ge'i gdong pa can ma'i bskyed rdzogs kyi man ngag snying po bsdus pa bzhugs so/__/na mo DA ki nI siM ha mu khi yi/__'dir seng gdong ma'i nyams len la bskyed rdzogs gnyis las dang po ni/__rang skad cig gis seng gdong ma'i bskyed rim mngon rtogs ltar bsgoms nas/__phyi snod kyi 'jig rten/__nang lus kyi rtsa/__gzhan chos 'byung gru gsum gzhal yas khang gi rnam pa de gsum dbyer med par shes pa dang /__khyad par rang gi mig dang gzugs sa'i snying po yab yum/__rna ba dang sgra phyag na rdo rje yab yum/__sna dang dri nam mkha'i snying po yab yum/__lce dang ro 'jig rten dbang phyug yab yum/__lus dang reg bya sgrib pa rnam sel yab yum/__yid dang chos 'jam dpal yab yum/__tshigs kun tu bzang po yab yum/__rtsa rgyus byams pa yab yum/__lag g.yas gshin rje'i gshed yab yum/__g.yon gzhan gyis mi thub pa yab yum/__lce rta mgrin yab yum/__gsang ba bgegs mthar byed yab yum/__dpung g.yas mi g.yo ba yab yum/__g.yon 'dod rgyal yab yum/__pus mo g.yas dbyug sngon yab yum/__g.yon stobs po che yab yum/__spyi gtsug gtsug tor 'khor los sgyur ba yab yum/__rkang mthil gnyis gnod mdzes yab yum/__gzugs kyi phung po rnam snang dang nam mkha'i khams dbang phyug ma gnyis yab yum/__tshor ba'i phung po rin 'byung dang sa'i khams sangs rgyas spyan ma/__'du shes 'od dpag med dang me'i khams gos dkar mo/__/'du byed don grub dang rlung khams dam tshig sgrol ma/__rnam shes mi bskyod pa dang chu khams mA ma ki/__de thams cad bsdus pa ni kun bzang yab yum/__dpral bar sku rdo rje ma/__mgrin par gsung rdo rje ma/__thugs kar thugs rdo rje ma ste/__de thams cad kyang rang bzhin lhun gyis grub pa'i dwangs ma mi shigs pa bde ba chen po'i ngo bor rnam pa lha'i skur lam gyis gyur pa'i lha thams cad kyi thugs kar pad nyi'i steng du ye shes sems dpa' rang 'dra ba dmar po/__de'i thugs kar zla ba'i steng du ting 'dzin sems dpa' hU~M re re gnas pa ste/__gsal stong bde ba chen po'i ngo bor ye nas dag par gyur/__rang gi thugs dbus ye shes sems dpa'i thugs kar hU~M gi mthar g.yon bskor du/ aHkaHsaHmaHraHtsaHshaHdaHraHsaHmaHraHyaHphaTaH__ces rtsa sngags yi ge bcu bzhi pa dang /__oM badz+ra DA ki siM ha mu kha hU~M hU~M phaT:__ces snying po dang /__oM dz+nyA na DA ki sarba sid+d+hi pha la hoH__zhes las sngags te de rnams ci nus bzla/__zhi rgyas dbang drag gi las gang byed dkar ser dmar nag gi sngags phreng dang 'od zer spro bsdu bya'o/__/gnyis pa rdzogs rim ni/__de nas lus dkyil gyi lha tshogs gzhi'i lus la bstims nas/__rang nyid seng gdong ma'i sku'i nang stong sang nge ba'i dbus su rtsa gsum dang_ 'khor lo bzhi gsal btab pa'i sum mdor nyi gdan la ra~M/__lte bar a~M/__snying gar hU~M/__mgrin par a~M/__spyi bor ha~M/__snying ga'i rtsa 'dab brgyad la/__aHkaHsaHmaHraHtsaHshaHdaH__brgyad sngon po hU~M dang bcas pa mgo thur bstan/__mgrin pa'i rtsa 'dab bcu drug la rtsa sngags tshar gcig dang /__aHkaHgnyis dang bcu drug dmar po mgo gyen bstan/__spyi bo'i rtsa 'dab so gnyis la rtsa sngags tshar gnyis dang /__aHkaHsaHmaHbzhi dang so gnyis dkar po bde ba'i rang bzhin thur bstan/__lte ba'i rtsa 'dab re gnyis la rtsa sngags tshar bzhi dang /__aHkaHsaHmaHraHtsaHdrug dang re gnyis dmar po drod kyi rang bzhin mgo gyen bstan/__bshang sgo'i nang du ya~M las rlung gi dkyil 'khor gzhu yi dbyibs can gyen du bskyod par gsal btab nas/__rlung ro bus te rlung bzung bas ro rkyang gi rlung thur du brdas pas dbu ma nas rtse sprad de ra~M yig bus/__ra~M las me 'bar bas lte ba'i a thung yig 'bru dang bcas pa las yi ge bcu bzhi ba'i rang sgra can gyi me tsha zhing rtsub par 'bar bas snying ga'i hU~M dang yig 'bru la phog las bdud rtsi'i rgyun dngul chu lta bur yig brgyad kyi rang sgrar babs pas bde stong gi ye shes skyes par bsgom/__de bzhin du spyi mgrin gnyis la yang bsgom par bya zhing bde stong gnyis su med pa la mnyam par bzhag__/rlung bum pa can ci nus su bzung ba ni thun gyi dngos gzhi'o/__/de nas rang gi thugs ka'i hU~M las 'od zer 'phros pas/__snod bcud thams cad 'od du zhu nas srung 'khor dang chos 'byung gzhal yas khang dang bcas pa la thim/__de bdag nyid la thim/__bdag nyid thugs ka'i hU~M la thim/__hU~M yang zhabs kyu nas rim par yar thim nas nA da tsam dang /__de nas dmigs med blo 'das phyag rgya chen po la yun ring du mnyam par bzhag__/slar yang seng gdong ma gcer bu rgyan med pa'i sku sgyu ma lta bur bzhengs nas bsngo ba dang smon lam dang /__thun mtshams kyi bya ba la 'jug go__/gong du bzlas pa'i gong du phreng ba bsang sbyang /__hU~M yig brgya rtsa brgyad zhu ba las byung ba'i seng gdong ma'i sku chung ngu re rer gyur par bsams la/__oM ru tsi ra ma Ni pra bAr+d+hA ye swA hA/__zhes ci mang bzlas/__lag pa dbyangs gsal nyi zla'i bar du phreng ba phur te phus gdab pas phreng ba nus pa dang ldan par bsams pas phreng ba byin brlab bo/__/thun mtshams kyi spyod lam ni/__kha zas sreg blugs dang /__'gro 'dug bskor ba/__nyal ba'i tshe rmi lam dang 'od gsal 'dzin pa'i rnal 'byor thams cad spyi dang mthun no/__/bskyed rdzogs kyi zab gnad brjed tho 'di'ang rA ga'i ming can bdag gis bris pa ste/__'di bris nyes pa DA ki'i tshogs la bshags shing dge bas rdo rje 'chang chen tshe 'dir 'grub par gyur cig__/ces pa ni grub chen sangs rgyas mgon po'i man ngag gi gzhung ji lta bar mkhas grub karma chags med kyis zin bris su mdzad pa ste/__de ltar na de rnams kyi sgo nas bo dong grub chen sangs rgyas mgon po nas brgyud pa'i zab gsang seng gdong snyan brgyud kyi glegs bam rin po che las man ngag gi yi ge gces par btus pa'i tshul gyis mdo tsam phyogs gcig tu bkod zin te/__/de las byung ba'i legs byas nyin mo'i 'dzum 'od kyis/__sa gsum 'gro ba'i bar du gcod pa'i mun bsal nas/__/grub gnyis pad+mo'i nags klung mchog tu dar babs pas/__/phan bde'i sbrang rtsis kun dga'i dus ston rgyas gyur cig__/ces pa'ang many+dzu g+ho Shas so//___//__!