JKW-KABUM-11-DA-001-003-wylie
<div class="wylie-content"
sum pa lo tsA ba'i blo sbyong snyan brgyud kyi bla ma brgyud pa'i gsol 'debs/ sum pa lo tsA ba'i blo sbyong snyan brgyud kyi bla ma brgyud pa'i gsol 'debs bzhugs so/__/bla ma dang dkon mchog gsum la phyag 'tshal lo/__/zag med bde chen sgyu ma'i sku/__/rdo rje phag mo la phyag 'tshal/__/rgyal ba'i phrin las gcig bsdus pa/__/rje btsun sgrol ma la phyag 'tshal/__/mkhas pa grub pa brnyes gyur pa/__/sum pa lo tsA la phyag 'tshal/__/gnas lnga rig pa chos kyi rje/__/sa skya paN chen la phyag 'tshal/__/yon tan rin chen dpag med ldan/__/chos rgyal 'phags pa la phyag 'tshal/__/dam chos tshul bzhin sgrub mdzad pa/__/zhang ston dkon mchog dpal la 'dud/__/sgrub la brtson pas dngos grub brnyes/__/chos rje brag phug pa la 'dud/__/'gran zla med pa'i chos kyi rje/__/bsod nams rgyal mtshan la phyag 'tshal/__/kha skong ni/__spyan ras gzigs dngos rgyal ba'i sras/__/thogs med bzang po dpal la 'dud/__/byang chub rtse mo bka' bzhi pa/__/dpal ldan bzang po la phyag 'tshal/__/gnas brtan bsam grol gsan du gnas brtan bsam 'phan pa/__nam mkha' rdo rje zhes yod kyang /__khrid brgya'i brgyud 'debs su dkyus ltar ro/__/'phan yon tan dpal/__/kun dga' mchog grub zhabs la 'dud/__/'jam dbyangs grol mchog lha dbang grags/__/kun dga' snying po la phyag 'tshal/__/phrin las dbang mo rin chen mtshan/__/snying po mtha' yas zhabs la 'dud/__/kun bzang dbang po rig pa 'dzin/__/tshe dbang nor bu la phyag 'tshal/__/ngag dbang rnam rgyal chos 'byor dpal/__/blo bzang mthu stobs zhabs la 'dud/__/nyi ma chos 'phel sems dpa' che/__/blo gsal bstan skyong la phyag 'tshal/__/lam 'di'i bka' drin stsol mdzad pa'i/__/bshes gnyen mchog gi zhabs la 'dud/__/de ltar gsol ba btab pa'i mthus/_/bdag dang mkha' mnyam 'gro ba kun/__/skye zhing skye ba thams cad du/__/mtshan ldan bla mas rjes bzung shog__/gang byung des chog blo bde dang /__/rang sems bkol du btub pa yis/__/blo dang chos 'dres 'chi med kyi/__/gdeng chen tshe 'dir rnyed par shog__/mdor na dus dang gnas skabs kun/__/bde sdug 'byor rgud ci byung yang /__/blo sbyong zab mo'i nyams len gyis/__/byang chub lam du 'gyur bar shog__/sum pa lo tsA ba'i snyan brgyud kyi/_/brgyud pa'i bla ma rnams la phyag 'tshal ba 'di/__/mi nyag gi dge bshes shAkya ye shes kyis bskul nas/__chos smra ba'i btsun pa thogs med kyis dngul chu'i chos rdzong du sbyar ba'o/__/brgyud pa'i kha skong dang smon lam tshigs bcad gsum mkhyen brtse'i dbang pos bris pa dge/____/_!_
