JKW-KABUM-10-THA-004-029-wylie
<div class="wylie-content"
mi g.yo ba dkar po'i sgrub thabs blo gros grub ster/ @#/_/mi g.yo ba dkar po'i sgrub thabs nyung gsal snying por dril ba blo gros grub ster zhes bya ba bzhugs so/__/na mo gu ru tsaN+Da ma hA ro Sha NA ya/__nges par 'byung ba dang byang chub sems gnyis kyis rgyud sbyangs shing dbang dang rjes su gnang ba legs par thob pa dam tshig dang sdom par ldan pa'i rnal 'byor pas blo gros kyi mthu phun sum tshogs par bya ba'i slad du dpal gtum po dkar po'i sgom bzlas nyams su blang ba ni/__skyabs 'gro sems bskyed tshad med bzhi bsgom pa sngon du 'gro bas/__oM swa b+ha wa shud+d+ha sarba d+hArmAHswa b+ha ba shud+d+ho\u0f85haM/__skad cig tsam gyis stong par gyur pa'i ngang /__/b+h+rU~M zhes brjod pa'i sngags kyi sgra gdangs las/__/sa phyogs thams cad mngon par dga' ba'i zhing /__/yid 'phrog ngo mtshar bkod pa 'byams klas dbus/__/pa~M las pad dkar ra~M las nyi ma'i steng /__/sems nyid hU~M yig dkar po'i 'od zer gyis/__/snod bcud dngos 'dzin sbyangs te rang la thim/__/de las rang nyid bcom ldan mi g.yo mgon/__/rab dkar ston zla gsar ba'i lang tsho la/__khro zhing 'dzum la sgeg pa'i nyams 'gyur can/__/zhal gcig phyag gnyis spyan gsum phyag g.yas kyis/__/ye shes ral gri 'bar ba mkha' la 'phyar/__/g.yon pas sdig mdzub dang bcas rdo rje'i zhags/__/thugs kar 'chang ba'i sne mo phrag gong lding /__/zhabs g.yas rting dang g.yon pa'i pus mo dag__/gdan la btsugs te bzhengs pa'i stabs su bzhugs/__/rin chen sbrul rgyan dar gyi na bzas bklubs/__/mi bskyod rigs kyi bdag po dang bcas te/__/snang snong dbang po'i gzhu bzhin gsal ba yi/__/thugs srog hU~M yig las byung 'od zer gyis/__/rang nyid ji lta'i bcom ldan mi g.yo ba/__/spyan drangs mdun du pad nyi'i gdan la bzhugs/__/bdag mdun thugs kar pad+ma dmar po ni/__/cung zad kha bye ge sar rgyas pa'i dbus/__/'khor lo dkar po rtsibs bcu'i lte ba ru/__/rang 'dra'i ye shes sems dpa' tshon gang ba/__/de yi thugs kar ting 'dzin sems dpa' hU~M/__/rab 'bar snang bas rmongs pa'i mun pa 'joms/__/rtsibs bcur rig pa'i rgyal po 'bru res mtshan/__/bzlas pa'i rkyen gyis 'khor lo g.yas 'khor zhing /__/sa bon 'khor lo'i yi ge las byung ba'i/__/sngags phreng bdag gi zhal nas mdun bskyed kyi/__/zhal du zhugs nas thugs srog nA dar thim/__/de las sngags kyi phreng ba rab 'phros pa/__/'khor lo'i yi ge so sor thim pa las/__/so so'i sngags kyi gzugs byung lte ba nas/__/rang gi lte ba'i lam brgyud hU~M yig la/__/thim ste gzi byin mchog tu 'bar ba yis/__/'jig rten 'jig rten 'das pa'i dngos grub kun/__/bsdus nas snying ga'i sa bon gsos btab pas/__/phyogs las rnam par rgyal ba'i shes rab dang /__/phun sum tshogs pa'i mthu stobs rgyas par gyur/__/oM tsaN+Da ma hA ro Sha Na hU~M phaT/__ces pa'i dmigs pa rtse gcig pas ji ltar nus pa bzlas mthar thun bsdu ba na/__mdun gyi lha hU~M gi rnam par gyur nas rang gi thugs kar thim pas rgyud byin gyis brlabs par bsams la/__dge ba 'di yis bdag sogs sems can kun/__/bcom ldan mi g.yo mgon pos rjes bzung nas/__/rig dang brtse ba nus pa rmad byung ba'i/__/thams cad gzigs pa'i go 'phang myur thob shog__/ces sogs bsngo smon gyis mtshams sbyar te lhar snang sgyu ma lta bu'i ngang nas spyod lam la 'jug__/bsnyen pa byed na/__khrus dang gtsang sbra la gnas pas grangs 'bum phrag bcu kha skong dang bcas pa dang /__/dus zhag nyer gcig gi bar du thun gsum gyi rim pas nyams su blangs ba na lha'i gsal snang sogs rtags khyad par can byung ba'i tshe bogs 'byin sdigs mdzub kyi sbyor ba dang /__leb rgan dar gyi sbyor bas lha mngon sum du bsnyen pa ni yig rnying ltar shes par bya'o/__/de ltar nyams su blangs pas gnas skabs su shes bya kun la 'jigs pa med pa'i 'chad pa dang /__snyan ngag smra ba la thogs pa med pa'i rtsom pa dang /__phyogs thams cad las rnam par rgyal ba'i rtsod pa'i mthu phun sum tshogs pa thob cing /__khyad par shes rab 'chal ba'i gegs thams cad srung ba dang /__mthar thugs lam rim gyis bgrod nas bcom ldan 'das kyi go 'phang thob pa ni nges pa'o/__/zhes pa'ang dpal ldan bla ma dam pa mchog gi sprul pa'i sku karma nges don dbang pos bka' stsal rin po che'i phreng bas bskul ba ltar mang du thos pa'i btsun pa 'jam dbyangs mkhyen brtse'i dbang pos paN+Di ta dA na shI la'i rgya gzhung dang /__tshul 'di'i sgo nas dngos grub brnyes pa mkhas pa yon tan khri'i gsung rab las snying por dril te sbyar ba'i dge bas 'gro kun thams cad gzigs pa'i go 'phang la 'dod rgur rtsen pa'i rgyur gyur cig/____//_!_
