JKW-KABUM-08-NYA-004-001-wylie
<div class="wylie-content"
thugs chen rgyal po lugs kyi brgyud 'debs dang nyams len/ @#/__/thugs rje chen po rgyal po lugs kyi brgyud 'debs bzhugs so// chos sku snang mtha' longs sku spyan ras gzigs/__/sprul sku gangs can lha gcig srong btsan dang /__/rgyal kun spyi gzugs pad+ma 'byung gnas la/__/gsol ba 'debs so snying po'i don rtogs shog__/zab gter sgo 'byed grub thob dngos grub dang /__/gter chen myang ral nyi ma 'od zer zhabs/__/mi bskyod rdo rje lce btsun shAka bzang la/__/gsol ba 'debs so snying po'i don rtogs shog__/lha rje dge 'bum lcam mo ye shes mchog__/grub thob chu sgom mtha' bzhi bya bral ba/__/'jam dbyangs tshul chen bkra shis rgyal mtshan la/__/gsol ba 'debs so snying po'i don rtogs shog__/drin can sku 'bum pa dang nor bzang mtshan/__/bzang po rgyal mtshan dpal ldan sangs rgyas dang /__/ngag dbang grags pa shes rab dpal 'byor la/__/gsol ba 'debs so=__kun dgar grol mchog sna tshogs rang grol zhabs/__/bstan 'dzin grags pa mdo sngags bstan 'dzin bzang /__/dam chos bzang po phrin las lhun grub la/__/gsol ba 'debs so=___kha skong ni/__gter bdag gling pa d+harma shrI dang /__/rin chen rnam rgyal 'gyur med don ldan zhabs/__/phrin las rnam rgyal chos kyi sgron ma la/__/gsol ba 'debs so=__zhes so/__/bka' drin mnyam med rtsa ba'i bla ma dang /__/dngos grub mchog stsol 'phags mchog spyan ras gzigs/__/chos bdag ye shes mkha' 'gro'i tshogs bcas la/__/gsol ba 'debs so snying po'i don rtogs shog__/sngon 'gros rgyud 'byongs dbang bzhis legs smin nas/__/snang grags 'gyu ba lha sngags 'od gsal gyis/__/rgyas btab zab lam gnad kyis sgo gsum dri/__/yongs byang sku gsum snying po'i don rtogs shog___/ces thugs rje chen po rgyal po lugs 'gro 'dul gyi dbang dang sku gsum snying po'i don khrid dang bcas pa'i brgyud 'debs 'di ni sgrub chen chos mdzad kyi gsung ngor d+harma shrIs so/__/slar yang brgyud pa'i zhal skong sh+lo ka gcig mkhyen brtse'i dbang pos bris pa dge/____//__!
