JKW-KABUM-07-JA-015-001-wylie
<div class="wylie-content"
rje btsun rdo rje rnal 'byor ma nA ro mkha' spyod kyi byin rlabs bya tshul mthong ba don ldan/ @#/__/rje btsun rdo rje rnal 'byor ma nA ro mkha' spyod kyi byin rlabs bya tshul mthong ba don ldan zhes bya ba bzhugs so// na mo gu ru bud+d+ha siM hA ya/__bla ma yi dam dbyer med dang /__/rje btsun rdo rje rnal 'byor ma'i/__/byin rlabs ji ltar bya ba'i tshul/__/cho ga'i rim pa cung zad 'bri/__/de la 'dir rje btsun rdo rje rnal 'byor ma'i byin rlabs kyi cho ga la sbyor dngos rjes gsum las/__/dang po ni/__bla chen 'phags pas mdzad pa'i byin rlabs kyi yi ge las rtogs par bya'o/__/gnyis pa dngos gzhi la gnyis las/__dang po slob dpon gyi bya ba ni/__mchod pa'i yo byad rnams la rdo rje'i rtses nang mchod gtor te/__oM sum+b+ha sogs kyis bsang /__swa b+hA bas sbyang /__stong pa'i ngang las a bdun las thod pa'i snod bdun gyi nang du hU~M zhu ba las byung ba'i mchod yon/__zhabs bsil/__me tog__/bdug spos/__mar me/__dri chab/__zhal zas/__rol mo rnams dwangs shing thogs pa med pa nam mkha'i mtha' klas par gyur/__so so'i phyag rgya dang bcas/__oM badz+ra ar+g+haM nas shab+da AHhU~M/__rol mo dang g+haN+Der Ni sogs gsum gyis byin gyis brlab/__nam mkha' dang mnyam pa'i sogs nas 'od gsal stong pa nyid du gyur par bsam/__ldang ba'i tshe rje btsun ma phyag mtshan med pa'i skur ldang zhes pa'i bar rje btsun rat+na ni da b+ho gas mdzad pa'i yig cha ltar bya'o/__/mdun bskyed bsang sbyang /__stong pa'i ngang las ya~M las rlung /__ra~M las me/__ba~M las chu/__la~M las sa/__ka~M las thod pa dkar po yangs shing rgya che ba bdud rtsi lngas yongs su gang ba'i steng du pa~M las pad+ma/__ra~M las nyi ma'i dkyil 'khor gyi steng du hU~M las sna tshogs rdo rje hU~M gis mtshan pa de las 'od zer 'phros pas rdo rje'i sa gzhi/__ra ba/__drwa ba/__gur/__bla bre/__bskal pa'i me lta bu'i ye shes kyi me 'bar ba'i srung ba'i 'khor lo'i nang du dur khrod chen po brgyad kyis bskor ba'i dbus su/__e yig nyis brtsegs las byung ba'i chos 'byung nyis brtsegs khog pa stong pa yangs shing rgya che ba'i nang du pa~M las pad+ma ra~M las nyi ma'i dkyil 'khor gyi steng du ba~M yig dmar po'i tha mar sogs nas zhes pas bskor te gnas pa/__de las 'od zer 'phros sems can gyi don byas/__tshur 'dus yongs su gyur pa las byung ba'i rje btsun rdo rje rnal 'byor ma sogs nas tsaN+Di kA'i ngo bo/__phaiM thugs ka'i sogs nas shud+d+ho\u0f85 haM/__mchod pa byin rlabs snga ma ltar las shab+da AHhU~M/__oM sarba ta thA ga ta badz+ra yo gi nI kun la sbyar ba'i ar+g+haM nas shab+da AHhU~M/__rol chen dang g+haN+Der Ni sogs brjod/__mtshan sngags sngon du 'gro ba'i oM rU pa sogs nas spaR+She kA ma gu Na pU dzi te AHhU~M/__zhes sogs phyag rgyar bcas pas mchod/__nang mchod gtor ma ltar byin gyis brlab/__phyogs bcu dus gsum gyi de bzhin gshegs pa thams cad kyi sku gsung thugs yon tan phrin las thams cad kyi ngo bo mkhyen pa'i ye shes brtse ba'i thugs rje mdzad pa'i phrin las bsam gyis mi khyab pa mnga' ba/__drin can rtsa ba'i bla ma rdo rje 'chang sangs rgyas seng ge'i zhal du oM AHhU~M/__nang mchod gtor/__rdo rje 'chang dang rdo rje rnal 'byor ma/__/grub chen nA ro pa dang pham 'thing pa/__/shes rab brtsegs dang mal gyo sa skya pa/__/rje btsun sku mched zhal du oM AHhU~M/__/sa skya paN chen 'phags pa rin po che/__/dkon mchog dpal dang chos rje brag phug pa/__bsod nams rgyal mtshan dpal ldan tshul khrims dang /__/ye shes rgyal mtshan zhal du oM AHhU~M/__/kun dga' bzang po dkon mchog rgyal mtshan dang /__/bsod nams seng ge sangs rgyas rin chen zhabs/__/lha mchog seng ge dkon mchog lhun grub dang /__/bud+d+ha siM ha'i zhal du oM AHhU~M/__gzhan yang dbang bskur sogs dang /__oM oM oM sogs nas/__rje btsun rdo rje rnal 'byor ma'i zhal du oM AHhU~M/__gzhan yang bya ba'i rgyud sogs nas/__ldan par gyur cig oM AHhU~M zhes pa'i bar ma rgyud spyi dang mthun par bya'o/__/'bru gsum gyis bdud rtsi rang gi lce la myong ngo /__/na mo chos kyi dbyings sogs nas swA hA sa yid mchod/__rdo rje dril bu 'dzin pas/__dpal ldan rdo rje sogs kyis bstod/__gtor ma bsang sbyang sogs nas ha ho hrIH__oM gsum ma'i rjes su oM a kA ro sogs nas phyag 'tshal lo/__/bcom ldan 'das mas bdag dang sems can thams cad la mchog dang thun mong gi dngos grub ma lus pa stsal du gsol/__chos skyong gi gtor ma gtor chog ltar phul/__mkha' 'gro spyi gtor bde mchog ltar bya'o/__/de nas bum pa bsang sbyang /__stong pa'i ngang las pa~M las pad+ma dang ra~M las nyi ma'i dkyil 'khor gyi steng du b+h+rU~M las rin po che'i bum pa yangs shing rgya che ba/__zhabs zhum pa/__lto ba ldir ba/__mgrin pa phra ba/__kha g.yel ba/__mchu 'phyangs ba/__lha rdzas kyi gos kyis mgul ba bcings pa/__dpag bsam gyi shing gis kha brgyan pa/__nang chu dang bcud sna tshogs kyis yongs su gang ba'i bum pa'i chu'i dbus su rje btsun rdo rje rnal 'byor ma pad+ma dang nyi ma'i gdan la zhabs g.yas sogs nas thim zhes pa'i bar sgrub thabs ltar brjod/__mtshan sngags re re sbyar ba'i ar+g+haM nas shab+da rol chen dang bcas pas phyi mchod/__oM gsum ma'i rjes su 'bru gsum btags nas/__rje btsun rdo rje rnal 'byor ma'i zhal du mchod pa dam pa 'bul lo/__/zhes pas nang mchod/__dpal ldan sogs kyis bstod/__gzungs thag nas bzung ste/__rang gi snying ga nas sngags kyi phreng ba gzungs thag la brten nas song bas bum nang gi rje btsun rdo rje rnal 'byor ma'i thugs rgyud bskul nas ye shes kyi bdud rtsi'i chu rgyun zag pas bum pa gang bar gyur/__oM gsum ma dang /__sum+b+ha dang /__oM sarba ta thA ga ta a b+hi She ka ta sa ma ya shri ye hU~M/__zhes ci rigs bzla/__slar yang mchod bstod gong ltar bya/__'dod don gsol gdab dang /__he ru ka'i yig brgya lan gsum brjod/__oM AHhU~M mchod yon phul ba'i rkyen gyis bum nang gi lha 'od du zhu ba las byung ba'i bum pa'i chu bdud rtsi'i rang bzhin du gyur ces brjod/__de nas slob dpon gyi mdun du maN+Dal me tog bum pa dang bcas pa sta gon byas te byin rlabs kyi 'jug pa nas brtsams te spyad du gsol gyi bar slob ma la ji ltar bskur ba bzhin bdag 'jug gi tshul du blang ngo /__/gtor ma skabs 'dir phul kyang rung bas gang bde bya chog go/__/gnyis pa slob ma la bya ba la/__bde mchog lo nag sogs gang rung gi dbang thob pa'i slob ma gcig nas nyi shu rtsa lnga'i bar zung du ma gyur pa nang gshim pa rnams khrus byas nas g.yon skor tu gral la 'khod pa la/__las kyi rdo rjes me tog bkye bsdu grub rjes/__slob dpon gyis/__'o nam mkha'i mtha' dang mnyam pa'i sems can thams cad kyi don du zung 'jug rdo rje 'chang chen po'i go 'phang thob par bya/__de'i ched du byin rlabs zab mo gsan la don tshul bzhin du nyams su blang bar bgyi'o snyam pa byang chub mchog tu thugs bskyed pa gsal btab nas gsan par zhu/__de la gsan rgyu'i byin rlabs la bsam gyis mi khyab pa zhig yod pa'i nang nas/__'dir rje btsun sa skya pa yab sras la gdams pa rgya mtsho tsam bzhugs pa'i nang tshan/__gtso bor mchog sgrub pa la dmar mo skor gsum dang /__las rgyas pa la dmar po skor gsum dang gnyis las/__'dir dmar mo skor gsum gyi phyogs yin/__de la'ang rje btsun nA ro ta pas bde mchog le'u nyi shu rtsa gcig pa la brten nas nA ro mkha' spyod kyi sgrub thabs dang lam gyi cha rkyen la sogs pa mdzad de/__de rnams la nA ro mkha' spyod ces grags so/__/yang rgyal chen in+d+ra b+hU tis rgyud de nyid la brten nas phag mo zhal gnyis ma'i byin rlabs dang /__sngags btu la sogs pa'i gdams pa dang bcas mdzad pa rnams la in+d+ra mkha' spyod ces yongs su grags pa dang /__yang grub chen mai triM pas rgyud ral pa gyen brdzes la brten nas rig pa 'dzin pa rtsen ma'i byin rlabs man ngag dang bcas mdzad pa la mai tri mkha' spyod ces grags pa rnams su yod pa las 'dir grub chen nA ro pa'i phyogs la brten pa yin/__de la'ang rje btsun rdo rje rnal 'byor ma'i byin rlabs kyi cho ga dang /__bskyed pa'i rim pa nA ro mkha' spyod/__rdzogs pa'i rim pa rtsa dbu ma/__lam gyi cha rkyen pra se nA dbab pa dang /__lang+ka lI ya la brten nas mkha' spyod sgrub pa la sogs pa bsam gyis mi khyab pa zhig yod pa las/__'dir rje btsun rdo rje rnal 'byor ma'i sin+d+hu ra'i dkyil 'khor du byin rlabs zab mo sgrub par byed pa yin/__de la gang gis sgrub par byed pa'i slob dpon ni/__'khor lo bde mchog lo nag sogs gang rung gi dkyil 'khor du dbang thob pa/__'di'i byin rlabs thob cing chag med rgyun du byed pa zhig dgos/__gang la bya ba'i slob ma ni/__dbang thob cing byin rlabs don du gnyer ba dam tshig dang sdom pa srung sdom byed pa'i slob ma zhig la brten par bya ba yin la/__nam bya ba'i dus ni rtsa rgyud las/__tshes bcu la ni de rab mchod/__/ces gsungs pas gtso bor 'gal rkyen sdig sgrib sbyong bar byed pa la mar ngo'i tshes bcu dang /__mthun rkyen bsod nams dang ye shes kyi tshogs gsog par byed pa la yar ngo'i tshes bcu gnyis yod pa las/__da lan yar ngo'i tshes bcu'i skabs su babs pa yin/__de las gzhan pa'i tshes grangs la mi bya ste/__dus tshes ma dag par 'gyur ba'i phyir ro/__/tshul ji ltar bya ba'i cho ga la sngon du 'gro ba slob dpon gyi bya ba dang dngos gzhi slob ma la bya ba gnyis las/__dang po sngon du 'gro ba slob dpon gyi bya ba la/__mchod pa byin rlabs sngon tu 'gro ba'i sgo nas bdag bskyed bzlas pa dang bcas pa/__mdun bskyed sgrub cing mchod bstod bya ba/__gtor ma 'bul ba/__bum pa sgrub pa/__slob ma la ji tsam bskur ba'i byin rlabs thams cad slob dpon rang nyid kyis bdag 'jug gi tshul du blang dgos pa rnams sngon du legs par grub zin/__gnyis pa dngos gzhi slob ma la bya ba lha dang skal pa mnyam pa'i ched du dkyil 'khor du 'jug pa/__zhugs nas byin rlabs dbang bzhi'i tshul du bskur ba rnam pa gnyis yod pa las/__thog mar byin rlabs kyi 'jug pa'i chos rnams zhu ba'i yon du slob dpon la rje btsun rdo rje rnal 'byor ma dngos yin snyam pa'i mos gus dang ldan pa'i sgo nas maN+Dal 'bul bar zhu/__de nas maN+Dal phul nas phyag snyims pa me tog dang bcas pas thal mo sbyar te gsol ba 'debs pa 'di'i rjes zlos lan gsum mdzod/__gang gi drin gyi bde chen nyid/__/skad cig nyid la 'char ba gang /__/bla ma rin chen lta bu'i sku/__/rdo rje can zhabs pad la 'dud/__/sangs rgyas kun gyi rang bzhin sku/__/slob dpon la ni bdag skyabs mchi/__/dpal ldan rdo rje mkha' 'gro ma nas/__/'gro ba skyob la phyag 'tshal lo/__/dpal ldan rdo rje rnal 'byor mas/__/bdag la byin gyis brlab tu gsol/__/zhes gsol ba btab nas/__sngon chad rje btsun rdo rje rnal 'byor ma'i sin+d+hU ra'i dkyil 'khor du ma zhugs pa'am/__zhugs kyang bskyar nas 'jug pa'i mtshon byed du ras yug dmar po res gdong dam du bcings pa'i mos pa mdzod/__/A khaM wI ra hU~M/__zhes gdong bcings nas/__de nas dkyil 'khor gyi lha dang mjal ba'i tshe phyag stong du mjal du mi btub pas u dum+WA ra la sogs pa'i me tog gi phreng ba re byin par mos pa mdzod/__A khaM wI ra hU~M zhes pas me tog gi phreng ba gtad la dmigs pa 'di bzhin mdzod/__/slob dpon gyi thugs ka nas khaN+Da ro hi'i tshogs dpag tu med pa spros te/__khyed rang rnams la byin gyis brlab pa sgrub pa la bar du gcod pa'i bgegs dang log 'dren thams cad rgyang ring du bskrad par mos pa mdzod/__sum+b+ha sogs brjod cing bum chu gtor/__slob dpon gyis bdud rtsi khyed rang rnams kyi ljags thog dang sku la gtor te bsrung ba byas par mos pa mdzod/__oM AHhU~M zhes brjod cing de ltar lus thams cad ye shes kyi bdud rtsis gang zhing zag med kyi bde bas byin gyis brlabs pa yin snyam du mos pa mdzod/__de nas sems bskyed pa'i slad du khyed rang rnams kyi thugs kar kun rdzob byang chub sems kyi ngo bo zla ba'i dkyil 'khor cha shas yongs su rdzogs pa nya gang ba lta bu skya chil ba re gsal btab la/__de'i steng du don dam byang chub sems kyi ngo bo rdo rje dkar po rtse lnga pa 'od zer 'phro ba dang bcas pa gyen du langs pa re byung bar mos te/__bden gnyis dbyer med du sems bskyed par bgyi'o snyam pas 'di'i rjes zlos mdzod/__/oM sarba yo ga tsit+ta ut+pa dA yA mi zhes brjod nas/__slob dpon gyis khyed rang rnams kyi snying gar rdo rje bzhag pa'i sgo nas brtan par byas pa'i mos pa mdzod/__/su ra ti sa ma ya s+t+waM ho sid+d+hi badz+ra ya thA su khaM/__zhes pas bden gnyis dbyer med du sems bskyed nas/__gzhan yang 'og nas 'byung ba'i gsang sngags kyi kun spyod thams cad snod dang mi ldan pa rnams kyi mdun du ma smra zhig ces gsang bar gdams pa ni mgo bor rdo rje bzhag ste/__deng khyod rdo rje rnal 'byor ma'i rigs su zhugs kyi/__de bzhin gshegs pa thams cad kyi gsang chen dam pa 'di/__de bzhin gshegs pa thams cad kyi dkyil 'khor du ma zhugs pa rnams kyi mdun du smra bar mi bya ste/__ma dad pa rnams la yang ma yin no/__/zhes pas gsang bar gdams nas/__nang 'jug gi slad du slob dpon gyi lag gi rdo rje la 'jus te dkyil 'khor gyi phyogs la me tog dang bcas thal mo sbyar nas mgo dud pa dang bcas pas 'di'i rjes zlos mdzod/__dzaHhU~M ba~M hoH__zhes pas sin+d+hU ra'i dkyil 'khor gyi drung du khrid nas shar du 'khod par mos pa mdzod/__rgyud dag par bya ba'i slad du dmigs pa 'di bzhin mdzod/__dkyil 'khor gyi dbus na bzhugs pa'i bla ma dang rje btsun rdo rje rnal 'byor ma gnyis su med pa la gzhan yang sangs rgyas dang byang chub sems dpa' dpa' bo dang rnal 'byor ma'i tshogs bsam gyis mi khyab pas bskor ba sprin phung 'thibs pa ltar bzhugs par mos pa byas/__de dag gi spyan sngar rang gzhan gyi pha mas thog drangs mkha' mnyam gyis bsdus pa'i sems can thams cad kyis tshe 'khor ba thog ma med pa nas bsags pa'i sdig pa bshags pa la sogs pa'i yan lag bdun pa bgyid snyam pas 'di'i rjes zlos mdzod/__dkon mchog gsum la sogs lan gsum brjod/__ces rgyud dag par byas nas mdor na rigs lnga spyi dang khyad par gyi dam tshig dang sdom pa thams cad tshul bzhin du 'dzin snyam pas 'di'i rjes zlos mdzod/__sras bcas sangs rgyas sogs gsum/__zhes pas sdom pa thams cad tshul bzhin tu bzung nas/__slar yang de dag gi spyan sngar dam tshig nyi shu rtsa gnyis bzung snyam pas 'di'i rjes zlos mdzod/__sangs rgyas chos dang dge 'dun la/__/rtag par bdag ni skyabs su mchi/__rnal 'byor gsang sngags mkha' 'gro ma/__/'khor lo gsum gyi bdag nyid can/__/kun la rtag tu skyabs su mchi/__/dpa' bo dpa' mo dbang lha mo/__/byang chub sems dpa' bdag nyid che/__/khyad par du yang slob dpon la/__/rtag par bdag ni skyabs su mchi/__/dpal ldan khrag 'thung sogs dpa' bo/__/rnal 'byor ma dang snang mdzad sogs/__/byang chub sems dpa' dpag med pa/__/thams cad bdag la dgongs su gsol/__/bdag gis dus 'di nas bzung ste/__/ji srid gnyis med la gnas par/__/de yi tshangs spyod gnyis med pa/__/nyi shu rtsa gnyis legs par gzung /__/zhes dam tshig bzung ba dang bcas pa ni sngon 'gro yin/__dngos gzhi la khyed rang rnams dmigs pa 'di bzhin mdzod/__sin+d+hU ra'i dkyil 'khor gyi dbus su bla ma dang gnyis su med pa'i rje btsun rdo rje rnal 'byor ma bzhugs pa de nyid sangs rgyas thams cad 'dus pa'i ngo bo yin snyam pa'i mos gus byas pa'i rkyen gyis bcom ldan 'das ma'i thugs ka nas 'od zer bsam gyis mi khyab pa 'phros pas khyed rang rnams kyi lus kyi phyi nang thams cad khyab par gang bas tshe thog ma med pa nas bsags pa'i nad gdon sdig pa dang sgrib pa thams cad bsregs shing sbyangs/__'od zer rnams tshur 'dus te khyed rang rnams kyi lte ba'i nang du e las chos kyi 'byung gnas gru gsum nyis brtsegs kyi nang du a las zla ba'i dkyil 'khor gyi steng du ba~M yig sogs nas/__swA hA zhes pa dmar khyil gyis 'khor ba'i mos pa mdzod/__de las 'od zer 'phros snod thams cad la phog pas yongs su dag pa'i gzhal yas khang dang /__bcud kyi sems can la phog pas rje btsun rdo rje rnal 'byor ma'i skur gyur/__'od zer de rnams tshur 'dus te khyed rang rnams kyi lte ba'i ba~M yig sngags phreng dang bcas pa la thim par mos pa mdzod/__de yongs su gyur pa las khyed rang rnams rje btsun rdo rje rnal 'byor ma sogs nas/__tsaN+Di kA'i ngo bo ste go cha rnams kyang ngo bo lha yin pa la rnam pa yig 'bru'i gzugs su gsal lam gyis btab nas/__bla ma dang gnyis su med pa'i rje btsun rdo rje rnal 'byor ma la gsol ba 'debs pa 'di'i rjes zlos lan gsum mdzod/__slob dpon khyed kyis de bzhin gshegs pa thams cad kyi sku gsung thugs yon tan phrin las dang bcas pa'i dngos grub dang 'jig rten dang 'jig rten las 'das pa'i dngos grub rnams stsal zhing brtan par mdzad du gsol zhes gsol ba btab pas/__mdun bskyed kyi de bzhin gshegs pa thams cad kyi thugs ka nas rje btsun rdo rje rnal 'byor ma'i sku gsung thugs yon tan phrin las dang bcas pa'i byin rlabs dang /__ye shes thams cad gcig tu bsdus pa'i ngo bo rje btsun rdo rje rnal 'byor ma'i sku mthe bong gi tshad tsam mar me gcig las gnyis chad kyi tshul gyis byung ste/__khyed rang rnams kyi zhal du zhugs/__mgrin pa dang snying ga nas dmar hril gyis song bas lte ba'i nang gi chos 'byung nyis brtsegs kyi dbus kyi ba~M yig la thim pas/__de yongs su gyur pa las rje btsun rdo rje rnal 'byor ma'i sku can gsal lam par gyur pa'i mos pa mdzod/__slob dpon gyis oM gsum ma brjod cing ting lo sbyin/__khyed rang rnams dmigs pa 'di bzhin du mdzod/__khyed rang rnams kyi lte ba'i chos 'byung gi nang gi rje btsun rdo rje rnal 'byor ma'i sku bde ba chen pos yongs su gang bas lus kyi gnas nyi shu rtsa bzhir bde ba chen po'i gar stabs bsam gyis mi khyab pa bsgyur bas khyed rang rnams kyi thugs rgyud la bde stong gi ye shes skyes pa'i mos pa mdzod/__yang dmigs pa 'di bzhin du mdzod/__lte ba'i nang gi chos 'byung gi mdun rgyab gnyis spangs pa'i grwa bzhir dga' ba 'khyil ba g.yon skor du 'khor ba la sems gtad pas bde ba chen po'i ye shes skyes par mos pa mdzod/__/slar yang dmigs pa 'di bzhin mdzod/__khyed rang rnams rje btsun rdo rje rnal 'byor mar gsal ba'i phyi'i smin mtshams kyi thad kar dga' ba 'khyil pa g.yon skor du dmar khyil gyis 'khor ba la sems gtad pas mi rtog pa'i ye shes skyes par mos pa mdzod/__yang dmigs pa 'di bzhin mdzod/__snying ga'i ba~M yig gi mtha' skor gyi sngags kyi phreng ba g.yon skor tu 'khor ba dang /__chos 'byung gi dga' ba 'khyil pa g.yon skor du 'khor ba dang /__phyi'i smin mtshams kyi thad ka'i dga' ba 'khyil pa g.yon skor du 'khor ba rnams la dus gcig tu shes pa gtad pas khyed rang rnams kyi rgyud la bde ba dang stong pa gnyis su med pa'i ye shes skyes par mos pa mdzod/__de'i tshe slob dpon gyi thugs ka'i sa bon las 'od zer lcags kyu dang zhags pa lta bu bsam gyis mi khyab pa 'phros pas/__phyogs bcu'i sangs rgyas dang byang chub sems dpa' dpa' bo dang rnal 'byor ma yul nyi shu rtsa bzhi na bzhugs pa thams cad kyi thugs rgyud bskul/__de rnams kyi thugs ka nas rje btsun rdo rje rnal 'byor ma'i sku che ba ri rab tsam/__chung ba rdul phran tsam bsam gyis mi khyab pa spyan drangs te/__khyed rang rnams kyi spyi bo'i gtsug ba spu'i bu ga dbang po'i sgo thams cad nas mar mtsho chen po la kha ba babs pa ltar gnyis su med par thim par mos pa mdzod/__slar yang slob dpon mdun bskyed dang bcas pa'i thugs ka nas kyang rje btsun rdo rje rnal 'byor ma'i sku bsam gyis mi khyab pa spyan drangs te khyed rang rnams sogs nas/__thim pas lus ngag yid gsum dang dbyer med ro gcig tu byin gyis brlabs pa yin snyam du mos pa mdzod/__slob dpon gyis Da dril rol mo sogs dang /__ngag tu oM gsum pa brjod/__ces pas byin gyis brlabs nas/__de ltar byin rlabs kyi rgyun brtan par bya ba'i phyir du rdo rje rgya gram du bzhag ste brtan par byas pa'i mos pa mdzod/__oM tiSh+Tha badz+ra zhes pas brtan par byas nas dkyil 'khor gyi lha la me tog dor ba ni 'di na rje btsun rdo rje rnal 'byor ma'i sin+d+hU ra'i dkyil 'khor bzhugs pa yin te/__rim pa ltar byon nas g.yon pa'i phyag gis me tog de rje btsun ma'i dbu la phul bar mos te/__oM pra tIts+tsha badz+ra hoH__zhes gsung zhing me tog dor bo zhu/__de nyid slob dpon gyis blangs te khyed rang rnams kyi spyi bor bzhag ste sngags kyi phreng bar byin gyis brlabs pa'i mos pa mdzod/__oM pra ti gr-ih+Na i maM satwa ma hA bA la oM/__zhes pas byin gyis brlabs nas/__slob dpon gyis oM badz+ra nai tra a pa hA ra pa Ta laM hrIH__zhes pas khyed rang rnams kyi ma rig pa'i ling thog dang mig ras lhan cig tu phyes nas dkyil 'khor gyi lha ngo bstan pa ni/__'di na rje btsun rdo rje rnal 'byor ma'i sin+d+hu ra'i dkyil 'khor bzhugs pa yin te 'og gi rdul tshon gyi dkyil 'khor 'di ni kun rdzob brdar btags pa'i dkyil 'khor brda'am mtshan ma tsam yin la/__de'i steng du 'byung bzhi ri rab kyi steng du thod pa dkar po shin tu yangs shing rgya che ba bdud rtsi lngas gang ba'i steng du pad+ma'i lte bar nyi ma'i dkyil 'khor gyi steng du rdo rje'i sa gzhi/__ra ba/__drwa ba/__gur/__bla bre/__ye shes kyi me rab tu 'bar ba dang bcas pa'i srung ba'i 'khor lo yangs shing rgya che ba'i nang du dur khrod chen po brgyad kyis bskor ba'i dbus su rnam thar sgo gsum gyi rang bzhin chos kyi 'byung gnas gru gsum nyis brtsegs yangs shing rgya che ba'i nang du rje btsun rdo rje rnal 'byor ma pad+ma dang nyi ma'i dkyil 'khor gyi steng du zhabs g.yas brkyangs pas sogs nas bzhugs pa ste/__mdor na rje btsun rdo rje rnal 'byor ma'i sin+d+hU ra'i dkyil 'khor rten dang brten par bcas pa'i dkyil 'khor gdos bcas kyi rnam pa ma yin par me long nang gi gzugs brnyan ltar mngon sum lta bur gzigs pa yin snyam du mos pa mdzod/__/des 'jug pa'i cho ga grub nas/__dbang bzhi byin rlabs kyi tshul du bskur ba zhu ba'i yon du maN+Dal 'bul bar zhu/__maN+Dal phul nas gsol ba 'debs pa 'di'i rjes zlos mdzod/__rnal 'byor ma dpal dbang bskur ba/__/'gro ba skyob pa'i gzi brjid can/__/ji ltar mkha' spyod ma dpal gtso/__/de bzhin bdag la'ang deng stsol cig__/lan gsum/__dmigs pa 'di bzhin mdzod/__sin+d+hU ra'i dkyil 'khor gyi shar phyogs su khru gsum gyi sar/__rin po che'i khri'i steng du pad+ma dang nyi ma'i dkyil 'khor gyi steng khyed rang rnams bcom ldan 'das ma rje btsun rdo rje rnal 'byor ma'i sku can re rer gsal bar gyur pa'i steng du bla bre/__g.yas su gdugs/__g.yon du rgyal mtshan/__mtha' skor kun tu mchod pa'i tshogs bsam gyis mi khyab pas bskor te bzhugs par mos pa mdzod/__phaiM slob dpon gyi thugs ka nas 'od zer 'phros pas dbang bskur gyi lha 'khor lo bde mchog drug cu rtsa gnyis mdun gyi nam mkhar byon/__/zhes spyan drangs te/__dbang gi lhas mdun gyi nam mkha'i ltos thams cad khyab nas bzhugs par mos par byas te/__khyed rnams kyi phyogs su bum pa cung zad yo ba dang bcas pas me tog gi char dbab cing bkra shis kyis mnga' gsol bar mos pa mdzod/__bkra shis gang zhig ces sogs sh+loka gsum bya/__nam mkhar bzhags pa'i dbang gi lha'i gtso mo rje btsun rdo rje rnal 'byor ma dang rigs lngas bum pa dkar po ye shes kyi bdud rtsis gang bas khyed rang rnams kyi spyi bo nas dbang bskur/__dpa' bo rnams kyis bkra shis brjod/__dpa' mo rnams kyis glu len/__sgo mtshams ma rnams kyis bgegs bskrad pa dang bcas pa'i sgo nas dbang bskur ba'i mos par mdzod/__slob dpon gyis bum pa spyi bor bzhag cing /__ngag tu ji ltar bltams pa nas shri ye hU~M tsakra bI ras+t+waM a b+hi Shiny+tsa mI/__badz+rI b+ha ba a b+hi Shiny+tsa hU~M/__zhes gsung zhing bum pa'i chus spyi bo nas dbang bskur bas spyi gtsug nas rkang mthil yan chad gang /__dri ma thams cad dag__/dbang thams cad thob/__chu lhag ma yar lud pa las spyi bor rnam par snang mdzad kyis dbur brgyan par mos pa mdzod/__slob dpon nam mkhar bzhugs pa'i dbang gi lha rje btsun ma 'khor dang bcas pa rnams kyis mgrin gcig tu/__khams gsum chos kyi rgyal po'i rgyal tshab tu rab tu gnas par byas pa'i mos pa mdzod/__oM su pra tiSh+Tha sogs dang me tog spyi bor bzhag go/__/des rdo rje slob dpon du dbang bskur ba yin/__sngags kyi bzlas lung gi slad du dmigs pa 'di bzhin mdzod/__slob dpon la rje btsun ma dngos yin snyam pa'i gus 'dud drag po byas pas thugs ka'i sa bon sngags phreng dang bcas pa las sngags kyi phreng ba bye ru bstar la brgyus pa ltar bsam gyis mi khyab pa byung /__slob dpon gyi zhal nas thon/__de las 'od zer 'phros pas phyogs bcu'i sangs rgyas dang byang chub sems dpa' dpa' bo dang rnal 'byor ma thams cad kyi thugs ka nas gnyis su med pa'i ye shes dang /__byin rlabs thams cad sngags kyi phreng ba'i rnam par spyan drangs te/__zhal nas 'thon pa'i sngags phreng dbyer med du gyur pa de nyid khyed rnams rje btsun ma'i sku can du gsal ba'i zhal du zhugs thugs ka'i ba~M yig gi mtha' nas phar g.yas skor du dmar khyil gyis 'khod par mos pa byas nas sngags 'di'i rjes zlos mdzod/__oM oM oM sogs lan gsum brjod/__de ltar bzlas pas dang pos rgyud byin gyis brlabs/__gnyis pas dbyer med du byas/__gsum pas brtan par mos te slob dpon la drin lan gyi tshul du me tog gtor te gsol ba 'debs pa 'di'i rjes zlos mdzod/__bcom ldan bdag la sogs lan gsum/__khyed rnams kyis me tog gi phreng ba phul ba de nyid slob dpon gyis sngags kyi phreng ba'i rang bzhin du byas te khyed rang rnams kyi spyi bor bzhag ste byin gyis brlabs par mos pa mdzod/__/bcom ldan 'di la sogs brjod/__rdo rje slob ma 'di rnams kyi rgyud la bcom ldan 'das ma'i gsang sngags kyi byin rlabs dang nus mthu thams cad 'jug par gyur cig__/ces sngags kyi rjes su gnang ba yin/__dam bca' ba'i lung gi slad du nyin re bzhin la sngags ji tsam bzla ba'i dam bca' khas len du bcug la/__dus de nas bzung ste ji srid byang chub ma thob kyi bar du rje btsun rdo rje rnal 'byor ma yi dam gyi lhar bzung zhing de'i gsang sngags oM gsum ma nyin re bzhin nyi shu rtsa gcig la sogs pa ma chags par dam bca' snyam pas 'di'i rjes zlos mdzod/__phyogs bcu na bzhugs pa'i sangs rgyas dang byang chub sems dpa' thams cad dang /__slob dpon bdag la dgongs su gsol/__bdag ming 'di zhes bgyi bas dus de nas bzung ste ji srid byang chub snying po la mchis kyi bar du rje btsun rdo rje rnal 'byor ma yi dam gyi lhar bzung zhing de'i gsang sngags oM gsum ma nyi ma re re bzhin nyi shu rtsa gcig la sogs pa ma chags par 'don par dam 'cha' lags so/__/de rnams brtan pa'i phyir slob dpon gyis g.yon pa'i srin lag gis sin+d+hU ra'i rdul tshon blangs te khyed rang rnams kyi gnas gsum du reg pas rje btsun rdo rje rnal 'byor ma'i sku gsung thugs gyi dngos grub ma lus pa thob par byas pa yin snyam du mos pa mdzod/__slob dpon gyis ngag tu oM gsum ma brjod/__de ltar na bum pa'i dbang bskur ba byin rlabs kyi tshul du thob/__lus kyi dri ma dag__/lam bskyed pa'i rim pa sgom pa la dbang /__'bras bu sprul pa'i sku'i sa bon dang bag chags rgyud la bzhag pa yin snyam du mos pa mdzod/__gsang dbang byin rlabs kyi tshul du bskur ba la dmigs pa 'di bzhin mdzod/__sin+d+hU ra'i dkyil 'khor gyi dbus na bzhugs pa'i bcom ldan 'das ma rje btsun rdo rje rnal 'byor ma'i b+ha ga nas byang chub kyi sems dkar dmar bsam gyis mi khyab pa byung ste/__maN+Dal gyi 'og gi thod pa'i bdud rtsi dang 'dres pa de nyid slob dpon gyis blangs te khyed rang rnams kyi lce thog tu bzhag par mos pa mdzod/__oM gsum ma dang /__oM AHhU~M/__zhes brjod cing /__zhes byin pa'i bdud rtsi de sangs rgyas thams cad 'dus pa'i ngo bor mos nas myang bas bdud rtsi des lus thams cad la khyab pas rang bzhin brgyad cu'i rnam rtog rags rim 'gags nas gsal stong bde bas brgyan pa'i ting nge 'dzin khyad par can rgyud la skyes par mos nas de'i ngang la cung zad cig mnyam par 'jog par zhu/__de ltar na gsang ba'i dbang bskur ba byin rlabs kyi tshul du thob/__ngag gi dri ma dag__/lam tsaN+Da lI'i rnal 'byor sgom pa la dbang /__'bras bu longs spyod rdzogs pa'i sku'i sa bon dang bag chags rgyud la bzhag pa yin snyam du mos par mdzod/__shes rab ye shes kyi dbang byin rlabs kyi tshul du bskur ba la dmigs pa 'di bzhin mdzod/__slob dpon gyi g.yon pa'i srin lag gis sin+d+hU ra'i rdul tshon blangs te/__khyed rnams kyi dpral ba mgrin pa snying ga gsang gnas rnams su yas rim gyis reg pas nam mkhar bzhugs pa'i dbang bskur gyi lha 'khor lo bde mchog gi lha tshogs rnams thabs shes rab snyoms par zhugs pa las byung ba'i byang chub kyi sems dkar la dmar ba'i mdangs chags pa de khyed rang rnams rje btsun mar gsal ba'i b+ha ga'i nang nas zhugs te lus thams cad la khyab pas rim pa bzhin lte bar byon pas dga' ba/__lte ba nas snying gar byon pas mchog dga'/__snying ga nas mgrin par byon pas dga' bral gyi dga' ba/__mgrin pa nas spyi bor byon pas lhan cig skyes pa'i dga' ba'i ye shes mngon du byas pa yin snyam du mos par byas te/__lus thams cad la byang chub kyi sems kyis khyab pas nyams myong lhan cig skyes pa'i ye shes rgyud la skyes pa'i mos pa mdzad nas 'khyud rgya dang bcas pas 'di'i rjes zlos mdzod/__oM sarba ta thA ga ta a nu rA ga Na badz+ra swa b+hA wa At+ma ko\u0f85 haM/__de'i don ni/__de bzhin gshegs pa thams cad dang rjes su chags pa'i bdag nyid nga yin no zhes pa'i don yin no/__/de ltar na shes rab ye shes kyi dbang bskur ba byin rlabs kyi tshul du thob/__yid kyi dri ma dag__/lam phyag rgya'i rnal 'byor sgom pa la dbang /__'bras bu chos sku'i sa bon dang bag chags rgyud la bzhag pa yin snyam du mos pa mdzod/__dbang bzhi pa byin rlabs kyi tshul du bskur ba ni/__slob dpon rdo rje rnal 'byor mar gsal ba'i zhal nas/__dngos po med pa'i chos nyid chos/__/nam mkha' lta bur dri ma med/__/stong nyid ye shes rdo rje yi/__/stong pa nyid du rnam par bsgom/__zhes gsungs pa'i don nyams su len par byed pa la/__lus bsam gtan gyi spyod lam dang ldan par byas/__ngag rlung rgyu ba sor bzhag__/sems kyis snang srid 'khor 'das kyis bsdus pa'i chos thams cad rang sems kyi cho 'phrul tsam du thag bcad/__rang lha'i sku snang la rang bzhin med pa sgyu ma lta bu'i phyag rgya la mnyam par sbyar ba dang /__de'i sems rgyud phyag rgya dang mnyam par sbyar ba las byung ba'i 'dzag med kyi bde bas rgyud gang ba de yid yul byas te/__de'i ngo bo la bltas pa'i tshe skye 'gag gnas pa la sogs pa thams cad kyis stong pa nam mkha' lta bu ste/__nam mkha' la skye 'gag med pa bzhin sems la skye 'gag med/__nam mkha' la 'gro 'ong med pa bzhin sems la 'gro 'ong med/__nam mkha' la rtag chad med pa bzhin sems la rtag chad med/__nam mkha' la mtha' dbus med pa bzhin sems la mtha' dbus med/__nam mkha' la 'dus byas kyi gnod pas mi brdzi ba bzhin sems la glo bur gyi rkyen gyis mi brdzi/__nam mkha' phyi nang gis bsdus pa'i chos thams cad la khyab pa ltar/__sems kyis 'khor 'das kyis bsdus pa'i chos thams cad la khyab pa ste/__mdor na spros bral nam mkha' lta bu'i ngang la blo lhod kyis klod nas sems la sems kyis lta ba'i tshul gyis gsal stong 'dzin med kyi ngang du cung zad re mnyam par 'jog par zhu/__de ltar dbang bzhi pa byin rlabs kyi tshul gyis thob/__lus ngag yid gsum gyi dri ma dag__/lam phyag rgya chen po sgom pa la dbang /__'bras bu ngo bo nyid sku'i sa bon dang bag chags rgyud la bzhag pa yin snyam du mos pa mdzod/__des dngos gzhi grub nas/__de dag gi gnas skabs su sogs rjes kyi chos gsum gzhan dang 'dra'o/__/des rje btsun rdo rje rnal 'byor ma'i byin rlabs zab mo gsan pa yin pas do nub nas bzung ste chag med la sogs par brtson pa dang rang gzhan gyi don rgya chen por mdzad par zhu/__slob dpon gyis bsod nams 'di yis sogs dang slob ma rnams rang gnas su gtang ngo /__/gsum pa rjes chog ni/__mchod pa rnams bsang sbyang nas phyi nang gi mchod bstod/__'dod don gsol btab/__he ru ka'i yig brgya lan gsum brjod pa'i bar bum bskyed ltar ro/__/ma 'byor pa dang sogs kyis nongs pa bzod par gsol/__oM khyed kyis sogs nas badz+ra muH__sin+d+hU ra'i dkyil 'khor gyi ye shes pa dang bum nang gi ye shes pa rnams rang bzhin gyi gnas su gshegs dam tshig pa rang la gnyis su med par thim/__dzaHhU~M ba~M hoH__rang gi gnas rnams su zla ba'i dkyil 'khor re re'i steng du oM ba~M sogs kyis bsrung ngo /__/dge ba 'di yis myur du bdag__/sogs bsngo smon bkra shis gang zhig sogs kyi bkra shis bya'o/__/spyod lam gyi rnal 'byor dang chos ldan gyi bya ba sogs la 'jug go/__/zhes pa 'di ni chos kyi rgyal po 'phags pas mdzad pa'i byin rlabs kyi yig char mi gsal ba rnams kyi gsal byed du bdag gi bla mas phyag len ji ltar mdzad pa'i tshul rnams las dang po rnams la phan pa'i phyir du mkhyen rab kyi dbang phyug rdo rje 'chang dkon mchog lhun grub la sogs pa'i mkhas grub rnams kyi zhabs rdul spyi bos len pa brang ti pa dge slong nam mkha' dpal bzang gis e wa~M thar pa rtser sbyar ba'o/__/slar yang phyi mo la mchan dkyus su shor ba sogs yig nor rgyun 'byams rigs cung zad dag par bgyis shing /__byin rlabs kyi skabs 'phags pa rin po'i yig char zhal 'phang mdzad pa 'ga' zhig phyogs 'dir zhal 'dris med pa'i las dang po pa la phan par bsams nas dkyus su bris pa dge/__/'dis kyang bstan pa dang sems can la phan par gyur cig____/__!
