JKW-KABUM-17-TSA-003-007

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 17, sde tshan 3, Text 7, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 17: 451-. Khams sde dge rdzong sar dgon: Rdzong sar blo gros phun tshogs, 2020.
Genre	Art - rtsom rig / ri mo / bris cha  ·  Guides to Paintings - bri yig

1 Texts in this Section (sde tshan or chos tshan)

7 504-523	སྒྲུབ་ཐབས་འདོད་འཇོ་བུམ་བཟང་གི་དཀྱིལ་འཁོར་བྲིས་བཀོད། sgrub thabs 'dod 'jo bum bzang gi dkyil 'khor bris bkod Art - rtsom rig / ri mo / bris cha   ·   Guides to Paintings - bri yig	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སྒྲུབ་ཐབས་འདོད་འཇོ་བུམ་བཟང་གི་དཀྱིལ་འཁོར་བྲིས་བཀོད། ཨོཾ་སྭ་སྟི། སྒྲུབ་ཐབས་འདོད་འཇོ་བུམ་བཟང་གི་དཀྱིལ་འཁོར་ལ། ། ༈ ཐོག་མར་བླ༷་མ༷་གས༷ང་འདུས༷་ཟླུམ༷་པོ༷་བཞི༷་དབ༷ང་དཀྱིལ་འཁོར་ཕོ་བྲང་གནམ་ཕབས་མར་གྲགས་པ་ནི། པདྨའི་ལྟེ་བ་ཟླུམ་པོ་མཐིང་ག །ཟེའུ་འབྲུ་ལྗང་གུ། པད་འདབ་བཞི་ཤར་དཀར། ལྷོ་སེར། ནུབ་དམར། བྱང་ལྗང་སྟེ་ཕྱོགས་མདོག །དེ་རྒྱབ་རིན་ཆེན་ཟུར་བརྒྱད་མཐིང་ག །གོང་རས་དམར་སེར་པ་ཏྲ་རིས། དེའི་ཕྱི་རོལ་དུ་སྣ་ཚོགས་པདྨ་འདབ་མ་བཅུ་དྲུག །རྡོ་ར། མེ་རི་པ་ཏྲ་བཅས་སོ། ༡། ༈ གཏོར་དབང་གནད་ཀྱི་ཤོག་གཅིག་མར་པདྨ་འདབ་བཞི་ལྟེ་བ་མཐིང་། འདབ་མ་ཕྱོགས་མདོག་ཅན་ནམ། ཡང་ན་འབྲུ་ཚོམ་པདྨ་འདབ་བཞིའི་རྣམ་པ་ཅན། ༢། ༈ ཉང༷་གཏེར་བླ༷་མ༷་ཞི༷་བ༷་ལ་ལྟེ་བ་མཐིང་ག །པདྨ་འདབ་བཞི་ཕྱོགས་མདོག །དེ་རྒྱབ་འདབ་བརྒྱད་དང་། དེ་རྒྱབ་འདབ་མ་བཅུ་དྲུག་མཛེས་ཚོན། དེ་རྒྱབ་རྡོ་ར་མེ་རི་བཅས། ལྷ་མཚན་དབུས་སུ་འཁོར་ལོ་སྨུག་ནག །ཤར་དུ་རྡོ་རྗེ། ལྷོར་རིན་ཆེན། ནུབ་ཏུ་པདྨ། བྱང་དུ་རྒྱ་གྲམ། འདབ་བརྒྱད་ལ་ཤར་ནས་བརྩམས་ཏེ་གཡས་བསྐོར་གྱིས་ཐིག་ལེ་དཀར། སེར། དམར། དམར། དམར་ལྗང་། ལྗང་། མཐིང་ནག །དེ་རྒྱབ་འདབ་མ་བཅུ་དྲུག་ལ། ཤར་ཕྱོགས་བཞི་ལ་ཐིག་ལེ་དཀར་པོ་བཞི་སོགས་ཕྱོགས་མདོག །ཡང་ན་འབྲུ་ཚོམ་པདྨ་རིས་སུ་བཀོད་ཀྱང་རུང་། ༣། ༈ ཉང༷་གཏེར༷་དྲག༷་པོ༷་དམ༷ར་ཆེན༷་ལ། ཁྲོ་དཀྱིལ་སྒོ་རྫོགས་རྟ་བབས་སྣམ་བཞི་མ། དུར་ཁྲོད་དང་བཅས་པ། དུར་ཁྲོད་ཀྱི་ཕྱི་རོལ་དུ་གསེར་གསེར་གསེར་འཁོར་རྩིབས་བརྒྱད་པ་རྩེ་མོ་ཕྱིར་བསྟན། མེ་འཁོར་རྩིབས་སྟོང་རྩེ་མོ་ནང་དུ་བསྟན་རྩེ་གཡོན་དུ་ཕྱོགས་པའི་གཡོན་འཁོར་གྱི་ཉམས། དེ་གཉིས་བར་ནས་སྡིག་པའི་ཚྭ་ཚྭ་འཕྲོ་བའོ་དང་མེ་འཁོར་བསྣོལ་མའི་བར་ནས་ལྕགས་སྡིག་འཕྲོ་བ། དེའི་ཕྱི་རོལ་དུ་རྡོ་ར་དང་མེ་རི་སྤྱི་ལྟར། དབུས་སུ་ལྟེ་བར་ཆོས་འབྱུང་མཐིང་ནག་ཟུར་གཅིག་མདུན་བསྟན། དེའི་ཕྱི་རོལ་ཟླ་གམ་གསུམ་དམར། དེའི་ཕྱི་རོལ་འཁོར་ལོ་སྔོན་པོ་རྩིབས་བཞི། དེའི་ཕྱི་རོལ་ཏུ་ཐོད་པའི་ར་བ་ཟླུམ་པོ། ཆོས་འབྱུང་གི་དབུས་སུ་པད་ཉི་དྲེགས་པའི་གདན་ལ་གུ་རུ་དྲག་དམར་གསེར་གྱི་རྡོ་རྗེ་དང་། སྡིག་པ་བསྣམས་པ། ཞབས་གཡོན་བརྐྱང་། དུར་ཁྲོད་ཆས་བརྒྱད་སོགས་སྤྱི་ལྟར། ཁྲོ་དཀྱིལ་ཕལ་ཆེར་ལ་ཁྱམས་སུ་ཁྲག་མཚོ་རིས། མི་རོའི་རྒྱལ་མཚན་དང་། མི་མགོའི་བརྩིག་པ་སོགས་དྲག་རྒྱན་སྤྱི་འདྲེ་གང་འོས་དང་། དུར་ཁྲོད་བཅས་མ་ཆད་པ་དགོས། ༤། ༈ གུ༷་རུ༷་དྲག༷་པོ༷་འབྲིང༷་པོ༷་མེའི༷་སྤུ༷་གྲི༷་ལ། ཁྲོ་དཀྱིལ་སྔ་མ་དང་འདྲ། ནང་དུ་འཁོར་ལོ་སྔོན་པོ་རྩིབས་བརྒྱད་མུ་ཁྱུད་དང་བཅས་པ། དེའི་ལྟེ་བར་གུར་དྲག་གོང་དང་འདྲ་བ་ལ། གཡས་གནམ་ལྕགས་ཀྱི་རྡོ་རྗེ་གདེངས་པའམ། ཡང་ན་སྐུའི་མལ་དུ་ཕྱག་མཚན་གནམ་ལྕགས་རྡོ་རྗེ་རྩེ་དགུ་རྭ་གདེངས་པ་རྩ་བར་ཧཱུྃ་དགུ་དང་། རྩེ་མོར་རྃ་དགུས་མཚན་པ་བྲི། ༥། ༈ བསྡུས་པ་བྱིན༷་རླབ༷ས་ལུ༷་གུ༷་རྒྱུད༷་ལ། ཟླ་གམ་དམར་པོ་སྒོ་གཅིག་པ་རྡོ་རྭ་མེ་རི་དང་བཅས་པ། ཡང་ན་ཚོམ་བུ་བཀོད་ཀྱང་རུང་། ༦ ། ༈ དྲག་དམར་འོ་བྲན་ལུགས་ལ། དྲག་པོའི་གཞལ་ཡས་ཁང་རྟ་བབས་སྣམ་བུ་བརྒྱད་མ། དུར་ཁྲོད་དང་བཅས་པ། རྡོ་རྗེའི་རྭ་བའི་བར་དུ་གསེར་གྱི་འཁོར་ལོ་རྩིབས་མང་པོའི་བར་ནས་མེ་ཕུང་དང་རྩིབས་རྩེ་ལས་ལྕགས་སྡིག་འཕྲོ་བ། ལྟེ་བར་ཆོས་འབྱུང་མཐིང་། དེ་རྒྱབ་ཟླ་གམ་གསུམ་དམར། དེ་རྒྱབ་འཁོར་ལོ་སྔོན་པོ་རྩིབས་བརྒྱད་པ་ཐོད་རྭས་བསྐོར་བ། ལྷ་མཚན་དབུས་སུ་གུ་རུ་དྲག་དམར་སྤྱི་འགྲེ་ལ། དུར་ཁྲོད་ཆས་བརྒྱད་དང་། དཔལ་གྱི་ཆས་བརྒྱད་ཚང་བར་ཡོད་པ། ཡུམ་རྡོ་རྗེ་མཁའ་འགྲོ་མ་སྔོན་མོ་གྲི་ཐོད་འཛིན་པས་འཁྱུད་པ། རྩིབས་བརྒྱད་ཕྱོགས་བཞི་ལ། གྲི་གུག་དང་། ཐོད་ཁྲག་རེ་རེ། རྩིབས་མཆན་བཞི་ལ་བུམ་པ་ཁ་རྒྱན་མགུལ་ཆིངས་དང་བཅས་པ་རེ་རེ། སྒོ་བཞིར་ཤར་ནས་རིམ་པར། ཧཱུྃ་མཐིང་། ཡ༷་སེར། ཧྲཱི་ད༷མར། ཀྵ༷་མཐིང་ནག་རེ་བྲིའོ། ༧ ། ༈ བྱང༷་གཏེར༷་དྲག༷་མཐིང༷་ལ། རིན་པོ་ཆེའི་གཞལ་ཡས་ཁང་རྟ་བབས་སྣམ་བཞིའི་སྟེང་མཆོད་རྟེན་བུམ་པ་ཡན་ཆད་ཡོད་པ། ཕྱི་རོལ་དུ་སྣ་ཚོགས་པད་འཁོར། དུར་ཁྲོད་བརྒྱད། རྡོ་ར་གཞི་ནག་པོ་ལ་རྡོ་རྗེ་རྭ་གདེངས་པ། མེ་རི་ཁ་དོག་ལྔ་ལྡན། དབུས་སུ་ལྟེ་བར་ལིང་ཚེ་དགུར་བཅད་པའི་རྡོ་རྗེའི་གདུང་བཞི་དང་། གདུང་ཟླུམ། དེའི་ཕྱི་རོལ་ཏུ་པད་འདབ་བརྒྱད། དེའི་ཕྱི་རོལ་ཏུ་ཁྱམས་ལྗང་གུ། དེའི་ཕྱི་རོལ་དུ་གསེར་སྣམ། དེའི་ཕྱི་རོལ་ཏུ་ཁྲག་ཁྱམས། ཚོན་ཐོབ་ལྟེ་བ་མཐིང་། ལིང་ཚེ་བརྒྱད་ཀྱི་ཕྱོགས་བཞི་ཕྱོགས་མདོག །མཚམས་བཞི་མཛེས་ཚོན་པད་འདབ་བརྒྱད་ཕྱོགས་བཞི་ཕྱོགས་མདོག །མཚམས་བཞིའི་ལྷོ་ནུབ་དམར། གཞན་གསུམ་མཐིང་། མུ་ཁྱུད་ནག །གྲུ་ཆོད་ལྗང་། གསེར་སྣམ་སེར། ཁྲག་ཁྱམས་དམར། སྒོ་བཞི་ཕྱོགས་མདོག །རྩིག་པ་ཕྱེ་ལམ་ན། ནང་ནས་ཕར་མཐིང་། དཀར། སེར། དམར། ལྗང་། འདོད་སྣམ་དམར། ཕ་གུ་སེར། དྲ་བ་སྔོ། དྲ་ཕྱེད་ལྗང་། མདའ་ཡབ་དཀར། རྟ་བབས་དང་། མཆོད་རྟེན་ཆོས་འཁོར་བཅས་མཛེས་ཚོན། གཞལ་ཡས་ཁང་རྒྱན་ཞི་རྒྱན། ལྷ་མཚན་དབུས་སུ་ཤོང་ན། པད་ཟླ་ཉི་མ་དྲེགས་པའི་སྟེང་དུ། ཕུར་པ་ཞལ་གསུམ་ཕྱག་དྲུག །སྐུ་དང་རྩ་ཞལ་མཐིང་ནག །གཡས་དཀར། གཡོན་དམར། ཕྱག་གཡས་གཉིས་རྡོ་རྗེ་རྩེ་དགུ། ལྔ། གཡོན་གཉིས་མེ་ཕུང་། ཁ་ཊྭཱྃ། ཐ་མ་གཉིས་ཕུར་བུ། དུར་ཁྲོད་ཆས་བརྒྱད་དང་། ཁྲོ་ཉམས་སོགས་སྤྱི་ལྟར། ཞབས་བཞི་དོར་ཐབས། ཡུམ་མཐིང་ནག་གཡས་ཡབ་ལ་འཁྱུད། གཡོན་དུང་ཁྲག་སྟོབ་པ། གཟིག་ཤམ། རུས་རྒྱན་ཅན། ཡབ་ཀྱི་སྤྱི་བོར་གནམ་ལྕགས་རྡོ་རྗེ་རྩེ་དགུ་པ་འོད་ཀྱི་ཐིག་ལེའི་ཀློང་ན་ཡོད་པ་བྲི། མ་ཤོང་ན་ཕྱག་མཚན་ཕུར་བུ་མཐིང་ནག་དང་། དེའི་སྟེང་དུ་གནམ་ལྕགས་རྡོ་རྗེ་འམ། ཡང་ན་ཐིག་ལེ་སྔོན་པོ་གཉིས་བརྩེགས་མར་བྲི། པད་འདབ་བརྒྱད་ལ་ཤར་ནས་བརྩམས་ཏེ་གཡས་བསྐོར་དུ་རྡོ་རྗེ་རྩེ་ལྔ། རྡོ་རྗེ་རྩེ་དགུ། མཚོན་ཆའི་འཁོར་ལོ། རྡོ་རྗེ་རྩེ་དགུ་རྣམས་མཐིང་ནག །རྡོ་རྗེ་རྩེ་ལྔ་དམར་པོ། ཚེ་བུམ་དམར་པོ། ཕུར་བུ་དང་། རྡོ་རྗེ་མཐིང་ནག་བཅས་སམ། ལྟེ་བར་ཕྱག་མཚན་ཙམ་ལས་མེད་ན། ཐིག་ལེ་མདོག་གོང་མཚུངས་བཀོད་ཀྱང་རུང་། གྲུ་ཆོད་བཞིའི་ཤར་ལྷོར་ཐིག་ལེ་དཀར་གཉིས། ལྷོ་ནུབ་སེར་གཉིས། ནུབ་བྱང་དམར་གཉིས། བྱང་ཤར་ལྗང་གཉིས། གསེར་སྣམ་གྱི་ཤར་དུ་ཐིག་ལེ་དཀར། མཐིང་། ལྷོར་སེར། ནུབ་ཏུ་དམར། བྱང་དུ་ལྗང་གུ་རེ་རེ། ཁྲག་ཁྱམས་ལ་ཤར་དུ་ཐིག་ལེ་དཀར་བདུན། ལྷོར་སེར་བདུན། ནུབ་ཏུ་དམར་བདུན། བྱང་དུ་ལྗང་བདུན། སྒོ་བཞིའི་ནང་དུ་ཤར་ནས་གཡས་བསྐོར་གྱིས་ཐིག་ལེ་དཀར། སེར། དམར། ལྗང་བཅས་ཡབ་ཡུམ་མཚོན་པའི་ཉིས་བརྩིགས་ཀྱི་རྣམ་པ་དང་། དེའི་ཕྱི་རོལ་ཏུ་ཤར་ནས་གཡས་བསྐོར་གྱིས་ཐིག་ལེ་དཀར། སེར། དམར། ལྗང་རྐྱང་པ་རེ་རེ་བྲིའོ། །དེ་ལྟར་འདི་ནི་ཐུགས་སྒྲུབ་དབང་ཆུ་ཆེན་མོ་དང་། འབྲེལ་བའི་སྒྲུབ་པ་སྡེ་དགུའི་དཀྱིལ་འཁོར་ཇི་ལྟ་བ་ཡིན་ལ། བྱིན་རླབས་ཐུགས་དབང་རྐྱང་པ་ལ་ནི། དཀྱིལ་འཁོར་གཞལ་ཡས་ཁང་གོང་དང་མཚུངས་པའི་ལྟེ་བར་པདྨ་འདབ་བརྒྱད་བྲིས་པའམ། སྟེགས་བུར་མེ་ཏོག་གི་ཚོམ་བུ་བཀོད་པས་ཀྱང་རུང་ངོ་། ༨། ༈ ཚེ༷་དཔ༷ག་མེད༷་ལུང༷་ལུག༷ས་ལ། ཞི་བའི་དཀྱིལ་འཁོར་རྟ་བབས་སྣམ་བུ་བརྒྱད་མ་སྤྱི་ལྟར་ལ། ལྟེ་བར་ཟླུམ་སྐོར་རེ་མིག་དགུ་པ། རྡོ་རྗེའི་གདུང་བཞི་དང་གདུང་ཟླུམ་སྔོན་པོ་རྡོ་རྗེས་མཚན་པ། དེའི་ཕྱི་རོལ་ཏུ་པདྨ་འདབ་བརྒྱད། ཚོན་ཐོབ་ལྟེ་བ་དམར། ལིང་ཚེ་བརྒྱད་ཀྱི་བྱང་ཤར་གྱི་ཕྱེད་ནས་ཤར་ལྷོའི་ཕྱེད་ཀྱི་བར་དཀར། དེ་བཞིན་དུ་ཤར་ལྷོའི་ཕྱེད་ཕྱི་མ་ནས་ལྷོ་ནུབ་ཀྱི་ཕྱེད་སྔ་མའི་བར་སེར། དེ་ནས་ནུབ་བྱང་གི་ཕྱེད་སྔ་མའི་བར་དམར། དེ་ནས་བྱང་ཤར་གྱི་ཕྱེད་སྔ་མའི་བར་ལྗང་། པད་འདབ་བརྒྱད་མཛེས་ཚོན། གྲུ་ཆད་སོགས་ཕྱོགས་མདོག །འདོད་སྣམ་དམར་པོ་སོགས་སྤྱི་ལྟར། །རྟ་བབས་རིམ་༡པར་རྟ་རྐང་སྔོན་པོ་ལ་རྡོ་རྗེའི་འགྲེང་བུ། ཆུ་སྐྱེས་དམར་༢པོ། སྒྲོམ་མཛེས་༣ཚོན། ཟར་ཚགས་དཀར་པོ་༤གཞི་ནག །སྣ་འཕྱང་སེར་༥། སྒྲིལ་འཕྱང་གཞི་ནག་པོ་ལ་དྲ་བ་དཀར། ཤར་བུ་གཞི་སྔོན་པོ་ལ་ཤར་བུ་དཀར། རྒྱ་ཕིབས་༨ཁྱུང་མགོ་མཐིང་། པདྨ་དམར། འཁོར་ལོ་རི་དྭགས་སེར། འོག་གཞིའི་འཁོར་ལོ་ཕྱོགས་མདོག །ཕྱི་ཁྱམས་ལྗང་། པད་འདབ་སྣ་ཚོགས་ལ་གེ་སར་སེར་པོ། རྡོ་ར་གཞི་མཐིང་ཀར་གསེར་རྡོར། མེ་རི་སྣ་ཚོགས་སོགས་སྤྱི་ལྟར། སྒོའི་ཕྱི་རོལ་ཏཱ་ལའི་ལྗོན་པ། དཔག་བསམ་ཤིང་། རིན་ཆེན་ཕུང་པོ། ཁྲུས་རྫིང་རྣམས་ཕྱོགས་རེར་གཉིས་རེ་སྤེལ་མ། ལྷ་མཚན་ལྟེ་བར་ཤོང་ན་ཚེ་དཔག་མེད་དམར་པོ་གཡས་རྡོ་རྗེ་རྒྱ་གྲམ་འཛིན་པས། གཡོན་མཉམ་གཞག་གི་སྟེང་ན་ཚེ་བུམ་འཛིན་པའི་ཁ་དགབ་པ། ཡུམ་དམར་མོ་གཡས་མདའ་དར་དམར་པོ་དང་། གཡོན་བུམ་པ་འཛིན་པ། གཉིས་ཀ་དར་དང་། རིན་པོ་ཆེའི་རྒྱན་སྤྱི་ལྟར། ཞབས་རྡོ་རྗེ་དང་པདྨའི་སྐྱིལ་ཀྲུང་། གདན་རྨ་བྱས་བཏེགས་པའི་རིན་པོ་ཆེའི་ཁྲི་པད་ཉི་ཟླ་བའོ། །མ་ཤོང་ན་ཚེ་བུམ་སྣ་ཚོགས་རྡོ་རྗེས་ཁ་དགབ་པ། ལིང་ཚེ་བརྒྱད་ལ་ཤར་ནས་གཡས་བསྐོར་གྱིས་ཕྱོགས་བཞིར་ཚེ་བུམ་དཀར། སེར། སྔོ། ལྗང་། མཚམས་བཞིར་ཤར་ལྷོ་ནས་གཡས་བསྐོར་གྱིས་མདའ་གཞུ་དཀར། ཁ་ཊྭཱྃ་སེར། རྒྱལ་མཚན་སེར། རྡོ་དྲིལ་ལྗང་གུ་བྲི། མ་ཤོངས་ན་ཐིག་ལེ་ཕྱག་མཚན་གྱི་མདོག་མཚུངས་བྲིས་པས་རུང་། འདབ་མ་བརྒྱད་ལ་ཕྱོགས་བཞིར། ཧཱུྃ ཏྲཱྃ ཧྲཱིཿ ཨཿ ཕྱོགས་མདོག །མཚམས་བཞིར། དྷཱུ་པུ་ཨ་གན་རྣམས་དཀར་སེར། དམར་སེར། དམར་ལྗང་། དཀར་ལྗང་དམ། ཐིག་ལེ། ཡི་གེའི་མདོག་མཚུངས། སྒོ་བཞིར། ཛཿཧཱུྃ་བྃ་ཧོཿ ཕྱོགས་མདོག་གམ། ཐིག་ལེ་ཕྱོགས་མདོག་རེ་བྲིའོ། ༩ ། ༈ རྫོགས་ཆེན་ཚེ་དབང་ལ། ཞི་བའི་གཞལ་ཡས་ཁང་སྤྱི་འགྲེ། རྟ་བབས་སྣམ་བཞི་མ། དུར་ཁྲོད་མེད། དབུས་སུ་པདྨ་འདབ་བརྒྱད་ཀྱི་ལྟེ་བ་ཡངས་པར་བསྐོར་བའི་དབུས་སུ་ཚེ་བུམ་ཆེ་བ་ཞིག་བྲི། ཚེ་བུམ་གྱི་ལྟོ་བར་པདྨ་འདབ་བཞིའི་དབུས་སུ་ཤོངས་ན་ཚེ་དཔག་མེད་ལོངས་སྤྱོད་རྫོགས་སྐུའི་ཆ་ལུགས་མཉམ་གཞག་ཚེ་བུམ་འཛིན་པ་སྐུ་མདོག་དཀར་པོ་ལ། ཡུམ་གོས་དཀར་མོ་དམར་མོ་པདྨ་ཚེ་བུམ་འཛིན་པས་འཁྱུད་ཅིང་པད་ཟླའི་གདན་ལ་བཞུགས་པ། མ་ཤོངས་ན་ཚེ་བུམ་འདབ་མ་བཞི་ལ་འཁོར་ལོ་དཀར། རིན་ཆེན་སྔོ། པདྨ་དམར། རྒྱ་གྲམ་ལྗང་གུའམ། སོ་སོའི་མདོག་མཚུངས་ཐིག་ལེ་བྲི། དེ་རྣམས་ཕྱི་བུམ་པ་ནང་དུ་ལྷ་བཞུགས་པ་ཡིན་པས་བུམ་པའི་ཁ་དོག་ཤ་མི་བསྒྲིབས་ཀྱི་ཚོན་བྱུགས་ནས་ཤེལ་སྣོད་དུ་དངོས་སམ་བཅུག་པ་ལྟ་བུ་ཞིག་བྱུང་ན་ཤིན་ཏུ་ལེགས། ཕྱི་རོལ་གྱི་འདབ་མ་བརྒྱད་ལ་ཤར་ནས་བཟུང་ཕྱོགས་བཞིར་ཚེ་བུམ་ཕྱོགས་མདོག །མཚམས་བཞིར་ཤར་ལྷོ་ནས་བདུག་སྤོས། མེ་ཏོག །མར་མེ། དྲི་ཆབ། ཡང་ན་ཐིག་ལེ་དཀར། སེར། དམར། ལྗང་། སྒོ་བཞིར། ཛཿདཀར་ཧཱུྃ་སེར་བྃ་དམར་ཧོཿསྔོན་པོའམ། ཐིག་ལེ་དེ་རྣམས་ཀྱི་མདོག་རེ་བྲིའོ། ༡༠ ། ༈ ཚེ་སྒྲུབ་ལྕགས་སྡོང་མ་ལ། པདྨ་འདབ་བརྒྱད་ལྟེ་བ་དང་འདབ་མ་སྔོན་པོ་ཅན། ༡༡ ། ༈ ཚེ༷་ཁྲིད་རྡོ༷་རྗེ༷་ཕྲེང༷་ བ༷་ལ། ཞི་དཀྱིལ་རྟ་བབས་རྣམ་བཞི་ལ་སྤྱི་འགྲེ། དུར་ཁྲོད་མེད། ལྟེ་བར་པདྨ་འདབ་བཞི། དེའི་ཕྱི་རོལ་དུ་འདབ་བརྒྱད། དབུས་སུ་ཚེ་དཔག་མེད་དམར་པོ་ལོངས་སྤྱོད་རྫོགས་སྐུའི་ཆས་ཅན་མཉམ་གཞག་ཚེ་བུམ། ཡུམ་དམར་མོ་མདའ་དར་དང་བུམ་པ་འཛིན་པ། གདན་པདྨ་ཉི་ཟླར་བཞུགས་པའམ། མ་ཤོངས་ན་ཚེ་བུམ་དམར་པོ། དེའི་མདུན་དུ་ཚེ་བུམ་དཀར་པོའམ། ཐིག་ལེ་དཀར་པོ། ནང་གི་འདབ་མ་བཞི་ལ་ཤར་དུ་ཚེ་བུམ་སྔོ། ཕྱོགས་གཞན་གསུམ་ལ་ཚེ་བུམ་ཕྱོགས་མདོག །ཕྱིའི་འདབ་མ་བརྒྱད་ལ་ཤར་ནས་ཐིག་ལེ་དཀར། མཐིང་། དམར། ལྗང་། མཚམས་བཞིར་ཤར་ལྷོ་ནས་དཀར། སེར། དམར། ལྗང་། པད་འདབ་བརྒྱད་ཀྱི་ཕྱེ། སྒོའི་ནང་ངོས་སུ་ཐིག་ལེ་ཕྱོགས་མདོག་དང་། སྒོ་བཞི་ལའང་ཐིག་ལེ་ཕྱོགས་མདོག་བཅས་བྲིའོ། ༡༢ ། ༈ འཆི་མེད་དཔལ་སྟེར་ལ་སྟེགས་བུའི་ཁར་མེ་ཏོག་གི་ཚོམ་བུ་དགོད་པས་འཐུས། ༡༣ ། ༈ ཐུག༷ས་རྗེ༷་ཆེན༷་པོ༷་རྒྱལ༷་པོ༷་ལུག༷ས་ལ༷། ཞི་བའི་གཞལ་ཡས་ཁང་རྟ་བབས་སྣམ་བཞི་སྤྱི་འགྲེ། དུར་ཁྲོད་མེད། ནང་དུ་པད་འདབ་བཞི། དེའི་ཕྱི་རོལ་དུ་པད་འདབ་བཅུ་གཉིས། ལྟེ་བར་ཐུགས་རྗེ་ཆེན་པོ་ཕྱག་བཞི་པ་སྤྱི་འགྲེའམ། པདྨ་དཀར་པོ། འདབ་མ་བཞི་ལ་ཤར་ནས་པདྨ་དཀར། རིན་ཆེན་དཀར། ལྷུང་བཟེད་བདུད་རྩིས་གང་བ། ཤེལ་ཕྲེང་རྣམས་བྲི་བའམ། ཐིག་ལེ་དཀར། དམར། དཀར་པོ་བཅས། པད་འདབ་བཅུ་གཉིས་ལ། མདུན་ནས་བརྩམས་ཏེ་གཡས་བསྐོར་གྱིས་ཐིག་ལེ་དཀར་གཉིས། སྔོ་གཉིས། སེར་གཉིས། དམར་གཉིས། ལྗང་གཉིས། དཀར་གཉིས། སྒོ་བཞིའི། ཤར་དུ་ཐིག་ལེ་དཀར་པོ་དང་༡། སྔོན་པོ། ལྷོར་སེར་༣པོ། ནུབ་ཏུ་ཐིག་ལེ་ནག་༤པོ་དང་། དམར་པོ་༥། བྱང་དུ་ནག་༦པོ་བཅས་བྲི། ༡༤ ། ༈ ནམ་མཁའ་རྒྱལ་པོ་ལ་མཎྜ་ལར་མེ་ཏོག་དཀར་པོའི་ཚོམ་བུ་གཅིག་བཀོད་པས་རུང་། ༡༥ ། ༈ ཐུག༷ས་རྗེ༷་ཆེན༷་པོ་རྒྱལ༷་བ༷་མ༷ཚོ་ལ། ཆོས་འབྱུང་དམར་པོ་བསྣོལ་མ། དེའང་འོག་མ་གདན་ཐབས། སྟེང་མ་ལངས་ཐབས། སྟེང་མའི་ཟུར་གཅིག་གི་རྩེ་མོ་མདུན་བསྟན། ཁ་ཁྱེར་རེ་ཁཱ་དཀར་པོ་ཉིས་རིམ་ཅན་ཏེ། འོག་གི་ཆོས་འབྱུང་ཉིས་བརྩེགས་ཐམས་ཅད་ཀྱང་དབྱིབས་འདི་དང་འདྲ། ལྟེ་བར་སྣ་ཚོགས་པདྨ་འདབ་མ་བཞི་པའི་དབུས་སུ་ཟླ་གདན་ལ་ཐིག་ལེ་དམར་པོ། ཆོས་འབྱུང་གི་ཟུར་དྲུག་ལ་དགའ་འཁྱིལ་དམར་སྐྱ་གཡོན་བསྐོར། ཕྱི་རོལ་གྱི་གོང་རས་ལྗང་གུ་པ་ཏྲ་རིས། མུ་ཁྱུད་སྔོན་པོ། ༡༦ ། ༈ ཡང་ཟློག་མེའི་སྤུ་གྲི་ལ་སྟེགས་བུར་འབྲུ་ཚོམ་པས་འཐུས། ༡༧ །རྟ༷་མགྲི༷ན་གས༷ང་སྒྲུབ༷་ལ། ཆོས་འབྱུང་ཟུར་གསུམ་རྐྱང་པ་དམར་པོ། ཟུར་གཅིག་མདུན་བསྟན། གྲུ་ཆད་ལྗང་གུ་མཐར་ཟླུམ་སྐོར་མེ་རི་དང་བཅས་པ། དབུས་སུ་ཉི་གདན་ལ་ཧྲཱིཿདམར་པོ། ༡༨ ། ༈ ཉང༷་གཏེར༷་རྟ༷་ནག༷་ལ། ཆོས་འབྱུང་ཟུར་གསུམ་རྐྱང་པ་ནག་པོ་མེ་རི་དང་བཅས་པའི་དབུས་སུ་ཉི་གདན་ལ་ཐིག་ལེ་ནག་པོ། ༡༩ ། ༈ ཆོས༷་དབ༷ང་རྟ༷་ནག༷་ལ། ཆོས་འབྱུང་སྔ་མ་དང་འདྲ། དབུས་སུ་ཉི་གདན་ལ་ཐིག་ལེ་ནག་པོ། དེའི་གཡས་སུ་ཐིག་ལེ་དམར་པོ་དང་། གཡོན་དུ་སེར་ནག །མདུན་དུ་ནག་པོ་བཅས་དབུས་མ་ལས་ཆུང་བ། ༢༠ ། ༈ ཕྱག་རྡོར་དྲེགས་འདུལ་ལ། བུམ་གདན་འཁོར་ལོ་རྩིབས་བཞི་མཐིང་ནག་ལྟེ་བ་དང་བཅས་མུ་ཁྱུད་རྡོ་རྭ་མེ་རིས་བསྐོར་བ། ༢༡ ། ༈ ཕྱག་རྡོར་གཏུམ་པོ་ལ་འཁོར་ལོ་རྩིབས་བཅུ་ལྟེ་བར་གྲུ་གསུམ་བཅས་མཐིང་ནག་རྡོ་ར་མེ་རིས་བསྐོར་བ། ལྟེ་བར་ཉི་གདན་ལ་ཧཱུྃ་མཐིང་ནག །རྩིབས་བཅུ་ལ་ཐིག་ལེ་མཐིང་ནག་བཅུ་བཅས། ༢༢ ། ༈ ཕྱག་རྡོར༷་ཁང༷་བརྩེག༷ས་ལ་པདྨ་འདབ་བརྒྱད་ཀྱི་ལྟེ་བར་ཉི་གདན་ལ་ཧཱུྃ་མཐིང་ནག་དང་བཅས་པ། ཡང་ན་ཚོམ་བུ་བཀོད་པས་ཀྱང་རུང་། ༢༣ ། ༈ ཉང༷་གཏེར༷་ཕག༷་མོ༷་ཞལ་གཉིས་མ་ལ། ཆོས་འབྱུང་གྲུ་གསུམ་དམར་པོ་ཉིས་བརྩེགས། གྲུ་ཆད་ལྗང་གུ། དེའི་ཕྱི་རོལ་དུ་དུར་ཁྲོད་བརྒྱད་དང་། རྡོ་རྭ། མེ་རི་བཅས་པས་བསྐོར་བ། ཆོས་འབྱུང་གི་དབུས་སུ་པདྨ་འདབ་བཞི། དེའི་ལྟེ་བར་བྃ་དམར་པོ། ཆོས་འབྱུང་གི་གྲྭ་བཞིར་དགའ་འཁྱིལ་བཅས། ༢༤ ། ༈ ཕག༷་མོ༷་དོ༷ན་གྲུབ༷་མ་ལ། ཆོས་འབྱུང་རེ་ཁཱ་དཀར་པོ་ཉིས་རིམ་ནང་དམར་པོ་བསྣོལ་མའི་དབུས་སུ་ཐིག་ལེ་དམར་པོ། གྲྭ་བཞིར་དགའ་འཁྱིལ། གྲུ་ཆད་ལྗང་གུ། མུ་ཁྱུད་སྔོན་པོ། ༢༥ ། ༈ ཕག༷་མོ༷་ད༷བུ་བཅད༷་མ༷་ལ། སྣ་ཚོགས་པདྨ་འདབ་བརྒྱད་ཀྱིས་བསྐོར་བའི་དབུས་སུ་ཆོས་འབྱུང་གོང་དང་འདྲ། ལྟེ་བར་དབུས་སུ་ཨོཾ་དམར་སེར། གཡས་སུ་ཧཱུྃ་དམར་པོ། གཡོན་དུ་ཨཱཿདཀར་ལྗང་བཅས་སུམ་བསྒྲིགས། ༢༦ ། ༈ ཕག༷་མོ༷་ཁྲོས༷་ནག༷་ལ། ཆོས་འབྱུང་སྔ་མ་དང་འདྲ་བའི་ལྟེ་བར་པདྨ་འདབ་མ་བཞི་པའི་དབུས་སུ། ཨ་ཡིག་མཐིང་ནག །འདབ་མ་བཞི་ལ་ཤར་ནས་གཡས་བསྐོར་དུ། ཤར་དུ་ཧ་དཀར། ལྷོར་རི་སེར། ནུབ་ཏུ་ནི་དམར། བྱང་དུ་ས་ལྗང་། ཆོས་འབྱུང་གི་ཕྱི་རོལ་དུ་སྣ་ཚོགས་པདྨ་འདབ་མ་བརྒྱད་པའི་ཤར་ནས་གཡས་བསྐོར་དུ་ཐིག་ལེ་དཀར། དཀར་སེར་ཕྱེད་མ། སེར། སེར་དམར་ཕྱེད་མ། དམར། དམར་ལྗང་ཕྱེད་མ། ལྗང་། ལྗང་དཀར་ཕྱེད་མ། དེའི་ཕྱི་རོལ་ཏུ་དུར་ཁྲོད། རྡོ་ར། མེ་རི་བཅས། ༢༧ ། ༈ འཇ༷མ་དཔ༷ལ་དཀ༷ར་པོ༷་མ༷་ཏི༷་ལུག༷ས་ལ། པདྨ་དཀར་པོ་འདབ་མ་བརྒྱད་པ་མུ་ཁྱུད་གྲུ་བཞི་བཅས། ༢༨ ། ༈ འཇ༷མ་དབྱངས་སྨྲ་སེ༷ང་ལ། སྣ་ཚོགས་པདྨ་འདབ་བརྒྱད་ལྟེ་བ་དམར་སེར། ༢༩ ། ༈ དབྱངས་ཅན་མ་དཀར་མོ་ལ། མཎྜ་ལར། བ་དཀར་དམར་གང་རུང་གི་དཀར་གསུམ། སྦྲང་རྩི། གུར་གུམ། གླ་རྩི། གི་ཝཾ། ཙནྡན་དཀར་པོ་བཞི་ཆ་མཉམ་སྦྱར་བའི་ཞུན་མར་གྱིས་པདྨ་འདབ་བརྒྱད། དབུས་སུ་ཧྲིཾ། འདབ་མ་བརྒྱད་ལ་མདུན་ནས་བརྩམས་ཏེ། ཨ་ཨཱ་སོགས་དབྱངས་ཡིག་བཅུ་དྲུག་འབྲུ་གཉིས་རེ་བྲི། འབྲས་དཀར་གྱི་ཕྱེ་མ་དར་གྱི་ནང་དུ་ཐུམ་སོགས་བྱས་པ་འཁོར་ལོའི་ངོས་སུ་སྙོམ་པར་བརྡལ་བས་རི་མོ་གསལ་པོ་འོང་བ་བྱ། འདི་ལ་རས་བྲིས་བྲིས་པ་འདུག་ཀྱང་། དཔེའུ་རིས་ལྟ་བུ་མ་གཏོགས་རྗེས་གནང་གི་སྐབས་སུ་གོང་ལྟར་ཕྱག་ལེན་དགོས། ༣༠ ། ༈ རྣམ༷་འཇོ༷མས་སང༷ས་རྒྱས༷་གས༷ང་བའི༷་ལུག༷ས་ལ། སྣ་ཚོགས་པདྨ་འདབ་མ་བརྒྱད་པའི་ལྟེ་བར་ཉི་གདན་ལ་གསེར་གྱི་རྡོ་རྗེ་རྩེ་ལྔ་པའི་ལྟེ་བར་ཧཱུྃ་མཐིང་ནག་གིས་མཚན་པ། ༣༡ ། ༈ རྣམ༷་འཇོ༷མས་བ༷་རི༷་ལུག༷ས་ལ༷། སྣ་ཚོགས་པདྨའི་ལྟེ་བར་ཉི་ག༷དན་ལ་ཐིག་ལེ་ལྗང་སྔོན། ༣༢ ། ༈ དྲང་སྲོང་ལོཀྟྲི་ལ། མཎྜ་ལར་མེ་ཏོག་གི་ཚོམ་བུ་གཅིག་བཀོད་པས་འཐུས། ༣༣ ། ༈ ནཱ་ག་རཀྴ་ལའང་། མཎྜ་ལར་མེ་ཏོག་གི་ཚོམ་བུ་གཅིག་བཀོད། ༢༤ ། ༈ ཆོས་སྐྱོང་སྐོར་ལས། རྒྱུད༷་མགོ༷ན་ལེག༷ས་ལྡན༷་ལ། ཕྱི་རོལ་རྡོ་རྭ་མེ་རིས་ཟླུམ་པོར་བསྐོར་བའི་དབུས་སུ་གྲུ་གསུམ་མཐིང་ནག །ཟླ་གམ་ལ་དུར་ཁྲོད་ཀྱི་བཀོད་པ། ལྟེ་བར་གྲི་གུག་ཐོད་ཁྲག་སྟེང་འོག །དེའི་གཡས་སུ་གྲི་གུག །གཡོན་དུ་སྦྲུལ་ཞགས། ཕྱོགས་བཞིའི་ཤར་ནས་གཡས་བསྐོར་དུ་ཐིག་ལེ་མཐིང་ནག །དམར་ནག །དུད་ཁ། ནག་པོ་རྣམས་བྲིའོ། ༣༥ ། ༈ མགོ༷ན་པོ༷་ཕྱག༷་བཞི༷་པ༷་ལ། ཕྱི༷་རོལ་རྡོ་རྭ་མེ་རིས་བསྐོར་བའི་དབུས་སུ་པདྨ་འདབ་བརྒྱད་ཕྱོགས་བཞི་ཕྱོགས་མདོག་དང་། མཚམས་བཞི་མཛེས་ཚོན། དེའི་དབུས་སུ་གྲུ་གསུམ་ནག་པོའི་ལྟེ་བར་རྡོ་རྗེ་ཕྱེད་པའི་ཡུ་བ་ཅན་གྱི་གྲི་གུག་རྡོ་རྗེའི་ལྟེ་བར་ཧཱུྃ་མཐིང་ནག་གིས་མཚན་པ། ཕྱི་རོལ་གྱི་པད་འདབ་བརྒྱད་ལ་ཤར་ནས་གཡས་བསྐོར་དུ་ཐིག་ལེ་མཐིང་ནག །དཀར་པོ། ནག་པོ། དམར་ནག །མཐིང་ནག །སྔོན་པོ། སྨུག་ནག །ནག་པོ་རེ་བྲིའོ། ༣༦ ། ༈ མགོན་དཀར་ཚེ་བདག་ལ། བུམ་གདན་པདྨ་དཀར་པོ་འདབ་མ་བརྒྱད་པ། ༣༧ ། ༈ མགོན་པོ༷་མ༷་ནིང༷་ལ། རྡོ་རྭ་མེ་རིས་ཟླུམ་པོར་བསྐོར་བའི་དབུས་སུ་འཁོར་ལོ་སྔོན་པོ་རྩིབས་དྲུག་པའི་ལྟེ་བར་གྲུ་གསུམ་མཐིང་ནག་གི་དབུས་སུ་ཉི་གདན་ལ་ཧཱུྃ་མཐིང་ནག །དེའི་གཡས་ཟུར་དུ་ཐིག་ལེ་ནག་པོ། གཡོན་ཟུར་དུ་དཀར་པོ། རྩིབས་དྲུག་ལ་མདུན་ནས་གཡས་བསྐོར་དུ་ཐིག་ལེ་ནག་པོ། དམར་སྨུག །མཐིང་ནག །ནག་པོ། མཐིང་ནག །ནག་པོ་བཅས་བྲིའོ། ༣༨ ། ༈ གནུབ༷ས་ལུག༷ས་སྟག༷་ཞོ༷ན་ལ། གྲུ་གསུམ་མཐིང་ནག་མུ་ཁྱུད་དང་བཅས་པའི་དབུས་སུ་ཐིག་ལེ་མཐིང་ནག །དེའི་གཡོན་དུ་ཡུམ་མཚོན་བྱེད། ཐིག་ལེ་དམར་པོ། དེ་དག་གི་གཡས་སུ་ཐིག་ལེ་སྔོ་སྐྱ། གཡོན་དུ་དམར་ནག །མདུན་དུ་ནག་པོ་རྣམས་བྲིའོ། ༣༩ ། ༈ མགོ༷ན་པོ༷་བིང༷་ལ་ཐོད་རྭ་མེ་རི་དང་བཅས་པའི་དབུས་སུ་ཆོས་འབྱུང་མཐིང་ནག་གི་ལྟེ་བར་ཐིག་ལེ་མཐིང་ནག་དང་། དེའི་གཡོན་དུ་ཐིག་ལེ་སྨུག་ནག་རེ་བྲི། ༤༠ ། ༈ ཨེ༷་ཀ༷་ཛ༷་ཊི༷་སྡེ་བ༷དུན་ལ། གྲུ་གསུམ་མཐིང་ནག་ཉིས་བརྩེགས་ཀྱི་དབུས་སུ་ཐིག་ལེ་སྨུག་ནག །ཤར་སོགས་ཕྱོགས་བཞིར་ནག་པོ། སྨུག་ནག །དམར་ནག །དམར་པོ། ཤར་གྱི་ཐིག་ལེའི་གཡོན་དུ་ནག་པོ། དེའི་གཡོན་དུ་སྔོ་ནག་རྣམས་བྲིའོ། ༤༡ ། ༈ སྙིང༷་ཏིག༷་གི༷་སྔགས་སྲུང༷་མ༷་ལ༷། སྣ་ཚོགས་པདྨ་འདབ་བརྒྱད་མེ་རི་དང་བཅས་པའི་དབུས་སུ་གྲུ་གསུམ་མཐིང་ནག་ཞིག་བྲི། ༤༢ ། ༈ རེ༷་མ༷་ཏཱི་ར༷ང་བྱུང༷་རྒྱལ༷་མོ༷་ལ། ཁྲག་མཚོ་ཐོད་རྭ་མེ་རི་དང་བཅས་པའི་དབུས་སུ་གྲུ་གསུམ་ལྟེ་བ་དམར་ནག །ཁ་ཁྱེར་ལྗང་གུ། དེའི་དབུས་སུ་ཐིག་ལེ་ནག་པོ་གཅིག་བྲིའོ། ༤༣ ། ༈ རྡོ༷་རྗེ༷་གཤོ༷ག་རྒོད༷་མ༷་ལ། ཁྲག་མཚོ་མེ་རི་དང་བཅས་པའི་དབུས་སུ་གྲུ་གསུམ་མཐིང་ནག །དེའི་ལྟེ་བར་ཐིག་ལེ་ནག་པོ་གཅིག་བྲི། ༤༤ ། ༈ ཤ༷ན་པ༷་སྲོག༷་སྒྲུབ༷་ནག༷་མོ༷་ལ། ཐོད་རྭ་དང་མེ་རིའི་དབུས་སུ་གྲུ་གསུམ་ནག་པོ། དེའི་དབུས་སུ་ཐིག་ལེ་ནག་པོ། མདུན་དུ་ནག་པོ། གཡས་སུ་དམར་པོ། གཡོན་དུ་ནག་པོ་རེ་རེ་བྲིའོ། ༤༥ ། ༈ གཟ༷འ་བདུད༷་རཱ༷་ཧུ༷་ལ༷་ལ༷། དྲག་པོའི་དཀྱིལ་འཁོར་སྒོ་རྫོགས་རྟ་བབས་སྒོ་བཞི་མ་དུར་ཁྲོད་དང་བཅས་པའི་དབུས་སུ་ཁྱམས་ཤར་སྔོ། ལྷོ་སེར་སོགས་ཕྱོགས་མདོག །དེའི་ལྟེ་བར་སྣ་ཚོགས་པདྨ་འདབ་མ་བརྒྱད་པའི་དབུས་སུ་ཉི་གདན་ལ། ཏྲི་ཡིག་དུད་ཁ། མདུན་ཟུར་གཡས་སུ་ཛ་མཐིང་ནག །གཡོན་དུ་ཕུ་དམར་ནག །འདབ་མ་བརྒྱད་ལ་ཤར་ནས་གཡས་བསྐོར་དུ་ཐིག་ལེ། དུད་ཁ། དཀར་སེར། སེར་ནག །དམར་པོ། ལྗང་ནག །མཐིང་ནག །མཐིང་ནག །དུད་ཁ་བཅས། དེའི་ཕྱི་རོལ་གྱི་ཁྱམས་ལ་ཕྱོགས་རེར་གསེར་ཐིག་བདུན་རེ། སྒོ་བཞིར་ཤར་ནས་ཐིག་ལེ་དཀར་སེར། སེར་ནག །དམར་ནག །ལྗང་ནག་རེ་རེ་བྲིའོ། ༤༦ ། ༈ གནོད༷་སྦྱིན༷་ཤན༷་པ༷་དམ༷ར་ནག༷་ལ། སྣ་ཚོགས་པདྨ་འདབ་མ་བརྒྱད་པ་མེ་རི་དང་བཅས་པས་ཟླུམ་པོར་བསྐོར་བའི་དབུས་སུ་ཁྲག་མཚོ་ལ་གནས་པའི་གྲུ་གསུམ་དམར་ནག །དེའི་ལྟེ་བར་ཐིག་ལེ་དམར་ནག །པད་འདབ་བརྒྱད་ལ་ཤར་ནས་གཡས་བསྐོར་དུ་ཐིག་ལེ་དཀར་པོ། དུད་ཁ། དམར་ནག །ལྗང་ནག །སྔོན་པོ། དུད་ཁ། ནག་པོ། སྔོན་པོ་རྣམས་རེ་རེ་བྲིའོ། ༤༧ ། ༈ དམ་ཅན་རྡོ་རྗེ་ལེགས་པ་ལ། སྟེགས་བུ་ཁེབས་དམར་པོས་བཀབ་པའི་ཁར་འབྲུའི་ཚོམ་བུ་བཀོད་པས་འཐུས། ༤༨ ། ༈ ཞིང༷་སྐྱོང༷་སེང་གདོ༷ང་ལ། ཐོད་རྭ་མེ་རི་དང་བཅས་པའི་དབུས་སུ་གྲུ་གསུམ་མཐིང་ནག་ཉིས་རིམ། འདི་གྲུ་གསུམ་ཕྱི་ནང་ལས། ཆོས་འབྱུང་བསྣོལ་མ་ཅན་མིན། དེའི་ལྟེ་བར་དབུས་སུ་ཐིག་ལེ་ནག་པོ། གཡོན་དུ་དམར་པོ། དེ་གཉིས་ཀྱི་མདུན་དུ་ཐིག་ལེ་དམར་པོ་ཆུང་དུ་རེ་བྲིའོ། ༤༩ ། ༈ ཞིང༷་སྐྱོང༷་དུར༷་ཁྲོད༷་མ༷་མོ༷་ལ། སིནྡྷུ་རའི་ཆོས་འབྱུང་གྲུ་གསུམ་བསྣོལ་མ་མུ་ཁྱུད་དང་བཅས་པའི་དབུས་སུ་བྷྱོ་ཡིག་སྨུག་ནག །དེའི་ཕྱོགས་བཞིར་ཐིག་ལེ་ཕྱོགས་མདོག་རེ་རེ་བྲིའོ། ༥༠ ། ༈ བརྟན་མ་བཅུ་གཉིས་ལ། སྣ་ཚོགས་པདྨ་འདབ་མ་བཅུ་གཉིས་པ་མུ་ཁྱུད་དང་བཅས་པ་བྲི། ཡང་ན་རས་དཀར་པོའི་གཞི་ལ་འབྲས་དཀར་གྱི་ཚོམ་བུ་ལྷ་གནས་སོ་སོར་བཀོད་ཀྱང་རུང་། ༥༡། ༈ རྒྱལ་ཆེན་པེ་ཧར་ལ། སྟེགས་བུ་ཁེབས་དང་ལྡན་པར་འབྲུ་སྣའི་སིལ་མ་བཀྲམ་པས་ཆོག ༥༢། ༈ རྣམ༷་སྲས༷་སེར༷་ཆེན༷་ལ། སྣ་ཚོགས་པདྨ་འདབ་བརྒྱད་མུ་ཁྱུད་དང་བཅས་པ་བྲི། ༥༣ ། ༈ རྣམ༷་སྲས༷་མདུང་དམ༷ར་ཅན༷་ལ། པདྨ་དམར་པོ་འདབ་མ་བརྒྱད་པ་མུ་ཁྱུད་དང་བཅས་པ། འདི་གཉིས་ལ་རྒྱས་པར་བསྒོམ་དོན་དང་མཐུན་པའི་གཞལ་ཡས་ཁང་བྲི་བར་གསུངས་ནའང་། རྟེན་གཏོར་གཞལ་ཡས་ཁང་ལྷ་དང་བཅས་པར་བསྐྱེད་པའི་དབང་དུ་བྱས་ན་གདན་མཚོན་བྱེད་དུ་པདྨ་འདབ་བརྒྱད་ཙམ་གྱིས་ཆོག་ཅིང་། ཕྱག་ལེན་ཀྱང་དེ་ལྟར་མཛད་པ་ཤས་ཆེའོ། ༥༤ ། ༈ རྣམ་སྲས་དྲག་པོ་རྟ་སྔོན་ཅན་ལ། ཐོད་ར། དུར་ཁྲོད། མེ་རི་དང་བཅས་པས་ཟླུམ་པོར་བསྐོར་བའི་དབུས་སུ་འཁོར་ལོ་སྔོན་པོ་རྩིབས་བཞི་པ། དེའི་ལྟེ་བར་དམར་པོ། དེའི་དབུས་སུ་གྲུ་གསུམ་མཐིང་ནག་གི་ལྟེ་བར་ཉི་མ་ལ་ཧཱུྃ་མཐིང་ནག །ཕྱི་རོལ་འཁོར་ལོའི་རྩིབས་བཞིའི་ཤར་ནས་གཡས་བསྐོར་ཐིག་ལེ་ནག་པོ། སེར་ནག །དམར་ནག །ལྗང་ནག །རྩིབས་མཚན་བཞིར་ཤར་ལྷོ་ནས་ཐིག་ལེ་དཀར། སྔོ། དམར། ལྗང་རེ་བྲིའོ། ༥༥ ། ༈ རྣམ་སྲས་ཡང་གསུང་ཕྱག་མཚན་བཞི་མ་ལ། པདྨ་འདབ་བརྒྱད་དམར་པོ་མུ་ཁྱུད་དང་བཅས་པ་བྲི། ༥༦ ། ༈ ཞང་བློན་རྡོ་རྗེ་བདུད་འདུལ་ལ། སྣ་ཚོགས་པདྨ་འདབ་མ་བརྒྱད་པའམ། ཡང་ན་མཎྜ་ལར་དབུས་སུ་ཚོམ་བུ་གཉིས། ཕྱོགས་བཞིར་ཚོམ་བུ་རེ་རེ་བཀོད་པས་ཀྱང་འཐུས། ༥༧ ༈ །གྲྭ་པའི་ཛཾ་དམར་ལ། པདྨ་དམར་པོ་འདབ་མ་བརྒྱད་པ་མུ་ཁྱུད་དང་བཅས་པ་བྲི། ༥༨ ། ༈ ལྷ༷་ཆེན༷་དབ༷ང་ཕྱུག༷་ཆེན༷་པོ༷་ལ། ཟླ་གམ་དམར་པོ་སྒོ་གཅིག་པ་ནུབ་ཏུ་བསྟན་པ་མུ་ཁྱུད་དང་བཅས་པའི་ལྟེ་བར་པདྨ་དམར་པོ་འདབ་མ་བཞི་པ། དེའི་དབུས་སུ་ཉི་གདན་ལ་ཐིག་ལེ་དམར་པོ་ཡུམ་མཚོན་བྱེད་གཡོན་ཕྱེད་དུ་ཉིས་བརྩེགས་ཀྱི་རྣམ་པ། མདུན་དུ་ཐིག་ལེ་དམར་པོ་དེ་ལས་ཆུང་བ། འདབ་བཞིའི་ཤར་ནས་བརྩམས་ཏེ་གཡས་བསྐོར་དུ་ཐིག་ལེ་ཕྱོགས་མདོག་རེ་རེ་བྲིའོ། ༥༩ །དེ་ལྟར་སྤྱིར་ལྔ་བཅུ་རྩ་དགུ་ལས། རས་བྲིས་འབྲི་དགོས་པ་བཞི་བཅུ་ཞེ་དྲུག་དང་། དེ་ནང་ནས་སྒོ་རྫོགས་ཅན་དགུ་ཡོད་དོ། མངྒལཾ། ། ༈

[edit]

sgrub thabs 'dod 'jo bum bzang gi dkyil 'khor bris bkod/ oM swa sti/__sgrub thabs 'dod 'jo bum bzang gi dkyil 'khor la/____/_!_thog mar blaX maX gsaXng 'dusaX zlumaX poX bzhiX dbaXng dkyil 'khor pho brang gnam phabs mar grags pa ni/__pad+ma'i lte ba zlum po mthing ga__/ze'u 'bru ljang gu/__pad 'dab bzhi shar dkar/__lho ser/__nub dmar/__byang ljang ste phyogs mdog__/de rgyab rin chen zur brgyad mthing ga__/gong ras dmar ser pa tra ris/__de'i phyi rol du sna tshogs pad+ma 'dab ma bcu drug__/rdo ra/__me ri pa tra bcas so/__1/_!_gtor dbang gnad kyi shog gcig mar pad+ma 'dab bzhi lte ba mthing /__'dab ma phyogs mdog can nam/__yang na 'bru tshom pad+ma 'dab bzhi'i rnam pa can/__2/_!_nyangaX gter blaX maX zhiX baX la lte ba mthing ga__/pad+ma 'dab bzhi phyogs mdog__/de rgyab 'dab brgyad dang /__de rgyab 'dab ma bcu drug mdzes tshon/__de rgyab rdo ra me ri bcas/__lha mtshan dbus su 'khor lo smug nag__/shar du rdo rje/__lhor rin chen/__nub tu pad+ma/__byang du rgya gram/__'dab brgyad la shar nas brtsams te g.yas bskor gyis thig le dkar/__ser/__dmar/__dmar/__dmar ljang /__ljang /__mthing nag__/de rgyab 'dab ma bcu drug la/__shar phyogs bzhi la thig le dkar po bzhi sogs phyogs mdog__/yang na 'bru tshom pad+ma ris su bkod kyang rung /__3/_!_nyangaX gteraX dragaX poX dmaXr chenaX la/__khro dkyil sgo rdzogs rta babs snam bzhi ma/__dur khrod dang bcas pa/__dur khrod kyi phyi rol du gser gser gser 'khor rtsibs brgyad pa rtse mo phyir bstan/__me 'khor rtsibs stong rtse mo nang du bstan rtse g.yon du phyogs pa'i g.yon 'khor gyi nyams/__de gnyis bar nas sdig pa'i tshwa tshwa 'phro ba'o dang me 'khor bsnol ma'i bar nas lcags sdig 'phro ba/__de'i phyi rol du rdo ra dang me ri spyi ltar/__dbus su lte bar chos 'byung mthing nag zur gcig mdun bstan/__de'i phyi rol zla gam gsum dmar/__de'i phyi rol 'khor lo sngon po rtsibs bzhi/__de'i phyi rol tu thod pa'i ra ba zlum po/__chos 'byung gi dbus su pad nyi dregs pa'i gdan la gu ru drag dmar gser gyi rdo rje dang /__sdig pa bsnams pa/__zhabs g.yon brkyang /__dur khrod chas brgyad sogs spyi ltar/__khro dkyil phal cher la khyams su khrag mtsho ris/__mi ro'i rgyal mtshan dang /__mi mgo'i brtsig pa sogs drag rgyan spyi 'dre gang 'os dang /__dur khrod bcas ma chad pa dgos/_4/_!_guX ruX dragaX poX 'bringaX poX me'iX spuX griX la/__khro dkyil snga ma dang 'dra/__nang du 'khor lo sngon po rtsibs brgyad mu khyud dang bcas pa/__de'i lte bar gur drag gong dang 'dra ba la/__g.yas gnam lcags kyi rdo rje gdengs pa'am/__yang na sku'i mal du phyag mtshan gnam lcags rdo rje rtse dgu rwa gdengs pa rtsa bar hU~M dgu dang /__rtse mor ra~M dgus mtshan pa bri/__5/_!_bsdus pa byinaX rlabaXs luX guX rgyudaX la/__zla gam dmar po sgo gcig pa rdo rwa me ri dang bcas pa/__yang na tshom bu bkod kyang rung /__6__/_!_drag dmar 'o bran lugs la/__drag po'i gzhal yas khang rta babs snam bu brgyad ma/__dur khrod dang bcas pa/__rdo rje'i rwa ba'i bar du gser gyi 'khor lo rtsibs mang po'i bar nas me phung dang rtsibs rtse las lcags sdig 'phro ba/__lte bar chos 'byung mthing /__de rgyab zla gam gsum dmar/__de rgyab 'khor lo sngon po rtsibs brgyad pa thod rwas bskor ba/__lha mtshan dbus su gu ru drag dmar spyi 'gre la/__dur khrod chas brgyad dang /__dpal gyi chas brgyad tshang bar yod pa/__yum rdo rje mkha' 'gro ma sngon mo gri thod 'dzin pas 'khyud pa/__rtsibs brgyad phyogs bzhi la/__gri gug dang /__thod khrag re re/__rtsibs mchan bzhi la bum pa kha rgyan mgul chings dang bcas pa re re/__sgo bzhir shar nas rim par/__hU~M mthing /__yaX ser/__hrI daXmar/__k+ShaX mthing nag re bri'o/__7_/_!_byangaX gteraX dragaX mthingaX la/__rin po che'i gzhal yas khang rta babs snam bzhi'i steng mchod rten bum pa yan chad yod pa/__phyi rol du sna tshogs pad 'khor/__dur khrod brgyad/__rdo ra gzhi nag po la rdo rje rwa gdengs pa/__me ri kha dog lnga ldan/__dbus su lte bar ling tshe dgur bcad pa'i rdo rje'i gdung bzhi dang /__gdung zlum/__de'i phyi rol tu pad 'dab brgyad/__de'i phyi rol tu khyams ljang gu/__de'i phyi rol du gser snam/__de'i phyi rol tu khrag khyams/__tshon thob lte ba mthing /__ling tshe brgyad kyi phyogs bzhi phyogs mdog__/mtshams bzhi mdzes tshon pad 'dab brgyad phyogs bzhi phyogs mdog__/mtshams bzhi'i lho nub dmar/__gzhan gsum mthing /__mu khyud nag__/gru chod ljang /__gser snam ser/__khrag khyams dmar/__sgo bzhi phyogs mdog__/rtsig pa phye lam na/__nang nas phar mthing /__dkar/__ser/__dmar/__ljang /__'dod snam dmar/__pha gu ser/__dra ba sngo/__dra phyed ljang /__mda' yab dkar/__rta babs dang /__mchod rten chos 'khor bcas mdzes tshon/__gzhal yas khang rgyan zhi rgyan/__lha mtshan dbus su shong na/__pad zla nyi ma dregs pa'i steng du/__phur pa zhal gsum phyag drug__/sku dang rtsa zhal mthing nag__/g.yas dkar/__g.yon dmar/__phyag g.yas gnyis rdo rje rtse dgu/__lnga/__g.yon gnyis me phung /__kha T+wA~M/__tha ma gnyis phur bu/__dur khrod chas brgyad dang /__khro nyams sogs spyi ltar/__zhabs bzhi dor thabs/__yum mthing nag g.yas yab la 'khyud/__g.yon dung khrag stob pa/__gzig sham/__rus rgyan can/__yab kyi spyi bor gnam lcags rdo rje rtse dgu pa 'od kyi thig le'i klong na yod pa bri/__ma shong na phyag mtshan phur bu mthing nag dang /__de'i steng du gnam lcags rdo rje 'am/__yang na thig le sngon po gnyis brtsegs mar bri/__pad 'dab brgyad la shar nas brtsams te g.yas bskor du rdo rje rtse lnga/__rdo rje rtse dgu/__mtshon cha'i 'khor lo/__rdo rje rtse dgu rnams mthing nag__/rdo rje rtse lnga dmar po/__tshe bum dmar po/__phur bu dang /__rdo rje mthing nag bcas sam/__lte bar phyag mtshan tsam las med na/__thig le mdog gong mtshungs bkod kyang rung /__gru chod bzhi'i shar lhor thig le dkar gnyis/__lho nub ser gnyis/__nub byang dmar gnyis/__byang shar ljang gnyis/__gser snam gyi shar du thig le dkar/__mthing /__lhor ser/__nub tu dmar/__byang du ljang gu re re/__khrag khyams la shar du thig le dkar bdun/__lhor ser bdun/__nub tu dmar bdun/__byang du ljang bdun/__sgo bzhi'i nang du shar nas g.yas bskor gyis thig le dkar/__ser/__dmar/__ljang bcas yab yum mtshon pa'i nyis brtsigs kyi rnam pa dang /__de'i phyi rol tu shar nas g.yas bskor gyis thig le dkar/__ser/__dmar/__ljang rkyang pa re re bri'o/__/de ltar 'di ni thugs sgrub dbang chu chen mo dang /__'brel ba'i sgrub pa sde dgu'i dkyil 'khor ji lta ba yin la/__byin rlabs thugs dbang rkyang pa la ni/__dkyil 'khor gzhal yas khang gong dang mtshungs pa'i lte bar pad+ma 'dab brgyad bris pa'am/__stegs bur me tog gi tshom bu bkod pas kyang rung ngo /__8/_!_tsheX dpaXg medaX lungaX lugaXs la/__zhi ba'i dkyil 'khor rta babs snam bu brgyad ma spyi ltar la/__lte bar zlum skor re mig dgu pa/__rdo rje'i gdung bzhi dang gdung zlum sngon po rdo rjes mtshan pa/__de'i phyi rol tu pad+ma 'dab brgyad/__tshon thob lte ba dmar/__ling tshe brgyad kyi byang shar gyi phyed nas shar lho'i phyed kyi bar dkar/__de bzhin du shar lho'i phyed phyi ma nas lho nub kyi phyed snga ma'i bar ser/__de nas nub byang gi phyed snga ma'i bar dmar/__de nas byang shar gyi phyed snga ma'i bar ljang /__pad 'dab brgyad mdzes tshon/__gru chad sogs phyogs mdog__/'dod snam dmar po sogs spyi ltar/__/rta babs rim 1par rta rkang sngon po la rdo rje'i 'greng bu/__chu skyes dmar 2po/__sgrom mdzes 3tshon/__zar tshags dkar po 4gzhi nag__/sna 'phyang ser 5/__sgril 'phyang gzhi nag po la dra ba dkar/__shar bu gzhi sngon po la shar bu dkar/__rgya phibs 8khyung mgo mthing /__pad+ma dmar/__'khor lo ri dwags ser/__'og gzhi'i 'khor lo phyogs mdog__/phyi khyams ljang /__pad 'dab sna tshogs la ge sar ser po/__rdo ra gzhi mthing kar gser rdor/__me ri sna tshogs sogs spyi ltar/__sgo'i phyi rol tA la'i ljon pa/__dpag bsam shing /__rin chen phung po/__khrus rdzing rnams phyogs rer gnyis re spel ma/__lha mtshan lte bar shong na tshe dpag med dmar po g.yas rdo rje rgya gram 'dzin pas/__g.yon mnyam gzhag gi steng na tshe bum 'dzin pa'i kha dgab pa/__yum dmar mo g.yas mda' dar dmar po dang /__g.yon bum pa 'dzin pa/__gnyis ka dar dang /__rin po che'i rgyan spyi ltar/__zhabs rdo rje dang pad+ma'i skyil krung /__gdan rma byas btegs pa'i rin po che'i khri pad nyi zla ba'o/__/ma shong na tshe bum sna tshogs rdo rjes kha dgab pa/__ling tshe brgyad la shar nas g.yas bskor gyis phyogs bzhir tshe bum dkar/__ser/__sngo/__ljang /__mtshams bzhir shar lho nas g.yas bskor gyis mda' gzhu dkar/__kha T+wA~M ser/__rgyal mtshan ser/__rdo dril ljang gu bri/__ma shongs na thig le phyag mtshan gyi mdog mtshungs bris pas rung /__'dab ma brgyad la phyogs bzhir/__hU~M_trA~M_hrIH__aH__phyogs mdog__/mtshams bzhir/__d+hU pu a gan rnams dkar ser/__dmar ser/__dmar ljang /__dkar ljang dam/__thig le/__yi ge'i mdog mtshungs/__sgo bzhir/__dzaHhU~M ba~M hoH__phyogs mdog gam/__thig le phyogs mdog re bri'o/__9_/_!_rdzogs chen tshe dbang la/__zhi ba'i gzhal yas khang spyi 'gre/__rta babs snam bzhi ma/__dur khrod med/__dbus su pad+ma 'dab brgyad kyi lte ba yangs par bskor ba'i dbus su tshe bum che ba zhig bri/__tshe bum gyi lto bar pad+ma 'dab bzhi'i dbus su shongs na tshe dpag med longs spyod rdzogs sku'i cha lugs mnyam gzhag tshe bum 'dzin pa sku mdog dkar po la/__yum gos dkar mo dmar mo pad+ma tshe bum 'dzin pas 'khyud cing pad zla'i gdan la bzhugs pa/__ma shongs na tshe bum 'dab ma bzhi la 'khor lo dkar/__rin chen sngo/__pad+ma dmar/__rgya gram ljang gu'am/__so so'i mdog mtshungs thig le bri/__de rnams phyi bum pa nang du lha bzhugs pa yin pas bum pa'i kha dog sha mi bsgribs kyi tshon byugs nas shel snod du dngos sam bcug pa lta bu zhig byung na shin tu legs/__phyi rol gyi 'dab ma brgyad la shar nas bzung phyogs bzhir tshe bum phyogs mdog__/mtshams bzhir shar lho nas bdug spos/__me tog__/mar me/__dri chab/__yang na thig le dkar/__ser/__dmar/__ljang /__sgo bzhir/__dzaHdkar hU~M ser ba~M dmar hoHsngon po'am/__thig le de rnams kyi mdog re bri'o/__10_/_!_tshe sgrub lcags sdong ma la/__pad+ma 'dab brgyad lte ba dang 'dab ma sngon po can/__11_/_!_tsheX khrid rdoX rjeX phrengaX _baX la/__zhi dkyil rta babs rnam bzhi la spyi 'gre/__dur khrod med/__lte bar pad+ma 'dab bzhi/__de'i phyi rol du 'dab brgyad/__dbus su tshe dpag med dmar po longs spyod rdzogs sku'i chas can mnyam gzhag tshe bum/__yum dmar mo mda' dar dang bum pa 'dzin pa/__gdan pad+ma nyi zlar bzhugs pa'am/__ma shongs na tshe bum dmar po/__de'i mdun du tshe bum dkar po'am/__thig le dkar po/__nang gi 'dab ma bzhi la shar du tshe bum sngo/__phyogs gzhan gsum la tshe bum phyogs mdog__/phyi'i 'dab ma brgyad la shar nas thig le dkar/__mthing /__dmar/__ljang /__mtshams bzhir shar lho nas dkar/__ser/__dmar/__ljang /__pad 'dab brgyad kyi phye/__sgo'i nang ngos su thig le phyogs mdog dang /__sgo bzhi la'ang thig le phyogs mdog bcas bri'o/__12__/_!_'chi med dpal ster la stegs bu'i khar me tog gi tshom bu dgod pas 'thus/__13__/_!_thugaXs rjeX chenaX poX rgyalaX poX lugaXs laX/__zhi ba'i gzhal yas khang rta babs snam bzhi spyi 'gre/__dur khrod med/__nang du pad 'dab bzhi/__de'i phyi rol du pad 'dab bcu gnyis/__lte bar thugs rje chen po phyag bzhi pa spyi 'gre'am/__pad+ma dkar po/__'dab ma bzhi la shar nas pad+ma dkar/__rin chen dkar/__lhung bzed bdud rtsis gang ba/__shel phreng rnams bri ba'am/__thig le dkar/__dmar/__dkar po bcas/__pad 'dab bcu gnyis la/__mdun nas brtsams te g.yas bskor gyis thig le dkar gnyis/__sngo gnyis/__ser gnyis/__dmar gnyis/__ljang gnyis/__dkar gnyis/__sgo bzhi'i/__shar du thig le dkar po dang 1/__sngon po/__lhor ser 3po/__nub tu thig le nag 4po dang /__dmar po 5/__byang du nag 6po bcas bri/__14__/_!_nam mkha' rgyal po la maN+Da lar me tog dkar po'i tshom bu gcig bkod pas rung /__15_/__!_thugaXs rjeX chenaX po rgyalaX baX maXtsho la/__chos 'byung dmar po bsnol ma/__de'ang 'og ma gdan thabs/__steng ma langs thabs/__steng ma'i zur gcig gi rtse mo mdun bstan/__kha khyer re khA dkar po nyis rim can te/__'og gi chos 'byung nyis brtsegs thams cad kyang dbyibs 'di dang 'dra/__lte bar sna tshogs pad+ma 'dab ma bzhi pa'i dbus su zla gdan la thig le dmar po/__chos 'byung gi zur drug la dga' 'khyil dmar skya g.yon bskor/__phyi rol gyi gong ras ljang gu pa tra ris/__mu khyud sngon po/__16__/_!_yang zlog me'i spu gri la stegs bur 'bru tshom pas 'thus/__17__/rtaX mgriXn gsaXng sgrubaX la/__chos 'byung zur gsum rkyang pa dmar po/__zur gcig mdun bstan/__gru chad ljang gu mthar zlum skor me ri dang bcas pa/__dbus su nyi gdan la hrIHdmar po/__18__/_!_nyangaX gteraX rtaX nagaX la/__chos 'byung zur gsum rkyang pa nag po me ri dang bcas pa'i dbus su nyi gdan la thig le nag po/__19_/__!_chosaX dbaXng rtaX nagaX la/__chos 'byung snga ma dang 'dra/__dbus su nyi gdan la thig le nag po/__de'i g.yas su thig le dmar po dang /__g.yon du ser nag__/mdun du nag po bcas dbus ma las chung ba/__20__/_!_phyag rdor dregs 'dul la/__bum gdan 'khor lo rtsibs bzhi mthing nag lte ba dang bcas mu khyud rdo rwa me ris bskor ba/__21_/__!_phyag rdor gtum po la 'khor lo rtsibs bcu lte bar gru gsum bcas mthing nag rdo ra me ris bskor ba/__lte bar nyi gdan la hU~M mthing nag__/rtsibs bcu la thig le mthing nag bcu bcas/__22__/_!_phyag rdoraX khangaX brtsegaXs la pad+ma 'dab brgyad kyi lte bar nyi gdan la hU~M mthing nag dang bcas pa/__yang na tshom bu bkod pas kyang rung /__23__/_!_nyangaX gteraX phagaX moX zhal gnyis ma la/__chos 'byung gru gsum dmar po nyis brtsegs/__gru chad ljang gu/__de'i phyi rol du dur khrod brgyad dang /__rdo rwa/__me ri bcas pas bskor ba/__chos 'byung gi dbus su pad+ma 'dab bzhi/__de'i lte bar ba~M dmar po/__chos 'byung gi grwa bzhir dga' 'khyil bcas/__24__/_!_phagaX moX doXn grubaX ma la/__chos 'byung re khA dkar po nyis rim nang dmar po bsnol ma'i dbus su thig le dmar po/__grwa bzhir dga' 'khyil/__gru chad ljang gu/__mu khyud sngon po/__25_/_!__phagaX moX daXbu bcadaX maX la/__sna tshogs pad+ma 'dab brgyad kyis bskor ba'i dbus su chos 'byung gong dang 'dra/__lte bar dbus su oM dmar ser/__g.yas su hU~M dmar po/__g.yon du AHdkar ljang bcas sum bsgrigs/__26__/_!_phagaX moX khrosaX nagaX la/__chos 'byung snga ma dang 'dra ba'i lte bar pad+ma 'dab ma bzhi pa'i dbus su/__a yig mthing nag__/'dab ma bzhi la shar nas g.yas bskor du/__shar du ha dkar/__lhor ri ser/__nub tu ni dmar/__byang du sa ljang /__chos 'byung gi phyi rol du sna tshogs pad+ma 'dab ma brgyad pa'i shar nas g.yas bskor du thig le dkar/__dkar ser phyed ma/__ser/__ser dmar phyed ma/__dmar/__dmar ljang phyed ma/__ljang /__ljang dkar phyed ma/__de'i phyi rol tu dur khrod/__rdo ra/__me ri bcas/__27__/_!_'jaXm dpaXl dkaXr poX maX tiX lugaXs la/__pad+ma dkar po 'dab ma brgyad pa mu khyud gru bzhi bcas/__28_/_!_'jaXm dbyangs smra seXng la/__sna tshogs pad+ma 'dab brgyad lte ba dmar ser/__29__/_!_dbyangs can ma dkar mo la/__maN+Da lar/__ba dkar dmar gang rung gi dkar gsum/__sbrang rtsi/__gur gum/__gla rtsi/__gi waM/__tsan+dan dkar po bzhi cha mnyam sbyar ba'i zhun mar gyis pad+ma 'dab brgyad/__dbus su hriM/__'dab ma brgyad la mdun nas brtsams te/__a A sogs dbyangs yig bcu drug 'bru gnyis re bri/__'bras dkar gyi phye ma dar gyi nang du thum sogs byas pa 'khor lo'i ngos su snyom par brdal bas ri mo gsal po 'ong ba bya/__'di la ras bris bris pa 'dug kyang /__dpe'u ris lta bu ma gtogs rjes gnang gi skabs su gong ltar phyag len dgos/__30__/_!_rnamaX 'joXms sangaXs rgyasaX gsaXng ba'iX lugaXs la/__sna tshogs pad+ma 'dab ma brgyad pa'i lte bar nyi gdan la gser gyi rdo rje rtse lnga pa'i lte bar hU~M mthing nag gis mtshan pa/__31___/_!_rnamaX 'joXms baX riX lugaXs laX/__sna tshogs pad+ma'i lte bar nyi gaXdan la thig le ljang sngon/__32__/_!_drang srong lok+t+ri la/__maN+Da lar me tog gi tshom bu gcig bkod pas 'thus/__33__/_!_nA ga rak+sha la'ang /__maN+Da lar me tog gi tshom bu gcig bkod/__24_/__!_chos skyong skor las/__rgyudaX mgoXn legaXs ldanaX la/__phyi rol rdo rwa me ris zlum por bskor ba'i dbus su gru gsum mthing nag__/zla gam la dur khrod kyi bkod pa/__lte bar gri gug thod khrag steng 'og__/de'i g.yas su gri gug__/g.yon du sbrul zhags/__phyogs bzhi'i shar nas g.yas bskor du thig le mthing nag__/dmar nag__/dud kha/__nag po rnams bri'o/__35__/__!_mgoXn poX phyagaX bzhiX paX la/__phyiX rol rdo rwa me ris bskor ba'i dbus su pad+ma 'dab brgyad phyogs bzhi phyogs mdog dang /__mtshams bzhi mdzes tshon/__de'i dbus su gru gsum nag po'i lte bar rdo rje phyed pa'i yu ba can gyi gri gug rdo rje'i lte bar hU~M mthing nag gis mtshan pa/__phyi rol gyi pad 'dab brgyad la shar nas g.yas bskor du thig le mthing nag__/dkar po/__nag po/__dmar nag__/mthing nag__/sngon po/__smug nag__/nag po re bri'o/__36_/__!_mgon dkar tshe bdag la/__bum gdan pad+ma dkar po 'dab ma brgyad pa/__37__/_!_mgon poX maX ningaX la/__rdo rwa me ris zlum por bskor ba'i dbus su 'khor lo sngon po rtsibs drug pa'i lte bar gru gsum mthing nag gi dbus su nyi gdan la hU~M mthing nag__/de'i g.yas zur du thig le nag po/__g.yon zur du dkar po/__rtsibs drug la mdun nas g.yas bskor du thig le nag po/__dmar smug__/mthing nag__/nag po/__mthing nag__/nag po bcas bri'o/__38__/_!_gnubaXs lugaXs stagaX zhoXn la/__gru gsum mthing nag mu khyud dang bcas pa'i dbus su thig le mthing nag__/de'i g.yon du yum mtshon byed/__thig le dmar po/__de dag gi g.yas su thig le sngo skya/__g.yon du dmar nag__/mdun du nag po rnams bri'o/__39__/_!_mgoXn poX bingaX la thod rwa me ri dang bcas pa'i dbus su chos 'byung mthing nag gi lte bar thig le mthing nag dang /__de'i g.yon du thig le smug nag re bri/__40__/_!_eX kaX dzaX TiX sde baXdun la/__gru gsum mthing nag nyis brtsegs kyi dbus su thig le smug nag__/shar sogs phyogs bzhir nag po/__smug nag__/dmar nag__/dmar po/__shar gyi thig le'i g.yon du nag po/__de'i g.yon du sngo nag rnams bri'o/__41__/_!_snyingaX tigaX giX sngags srungaX maX laX/__sna tshogs pad+ma 'dab brgyad me ri dang bcas pa'i dbus su gru gsum mthing nag zhig bri/_42__/_!_reX maX tI raXng byungaX rgyalaX moX la/__khrag mtsho thod rwa me ri dang bcas pa'i dbus su gru gsum lte ba dmar nag__/kha khyer ljang gu/__de'i dbus su thig le nag po gcig bri'o/__43__/_!_rdoX rjeX gshoXg rgodaX maX la/__khrag mtsho me ri dang bcas pa'i dbus su gru gsum mthing nag__/de'i lte bar thig le nag po gcig bri/__44__/_!_shaXn paX srogaX sgrubaX nagaX moX la/__thod rwa dang me ri'i dbus su gru gsum nag po/___de'i dbus su thig le nag po/___mdun du nag po/___g.yas su dmar po/___g.yon du nag po re re bri'o/__45_/_!_gzaX' bdudaX rAX huX laX laX/__drag po'i dkyil 'khor sgo rdzogs rta babs sgo bzhi ma dur khrod dang bcas pa'i dbus su khyams shar sngo/__lho ser sogs phyogs mdog__/de'i lte bar sna tshogs pad+ma 'dab ma brgyad pa'i dbus su nyi gdan la/__tri yig dud kha/__mdun zur g.yas su dza mthing nag__/g.yon du phu dmar nag__/'dab ma brgyad la shar nas g.yas bskor du thig le/__dud kha/__dkar ser/__ser nag__/dmar po/__ljang nag__/mthing nag__/mthing nag__/dud kha bcas/__de'i phyi rol gyi khyams la phyogs rer gser thig bdun re/__sgo bzhir shar nas thig le dkar ser/__ser nag__/dmar nag__/ljang nag re re bri'o/__46_/_!_gnodaX sbyinaX shanaX paX dmaXr nagaX la/__sna tshogs pad+ma 'dab ma brgyad pa me ri dang bcas pas zlum por bskor ba'i dbus su khrag mtsho la gnas pa'i gru gsum dmar nag__/de'i lte bar thig le dmar nag__/pad 'dab brgyad la shar nas g.yas bskor du thig le dkar po/__dud kha/__dmar nag__/ljang nag__/sngon po/__dud kha/__nag po/__sngon po rnams re re bri'o/__47__/_!_dam can rdo rje legs pa la/__stegs bu khebs dmar pos bkab pa'i khar 'bru'i tshom bu bkod pas 'thus/__48__/_!_zhingaX skyongaX seng gdoXng la/__thod rwa me ri dang bcas pa'i dbus su gru gsum mthing nag nyis rim/__'di gru gsum phyi nang las/__chos 'byung bsnol ma can min/__de'i lte bar dbus su thig le nag po/__g.yon du dmar po/__de gnyis kyi mdun du thig le dmar po chung du re bri'o/__49___/_!_zhingaX skyongaX duraX khrodaX maX moX la/__sin+d+hu ra'i chos 'byung gru gsum bsnol ma mu khyud dang bcas pa'i dbus su b+h+yo yig smug nag__/de'i phyogs bzhir thig le phyogs mdog re re bri'o/__50_/__!_brtan ma bcu gnyis la/__sna tshogs pad+ma 'dab ma bcu gnyis pa mu khyud dang bcas pa bri/__yang na ras dkar po'i gzhi la 'bras dkar gyi tshom bu lha gnas so sor bkod kyang rung /_51/___!_rgyal chen pe har la/__stegs bu khebs dang ldan par 'bru sna'i sil ma bkram pas chog__52/__!__rnamaX srasaX seraX chenaX la/__sna tshogs pad+ma 'dab brgyad mu khyud dang bcas pa bri/__53__/_!_rnamaX srasaX mdung dmaXr canaX la/__pad+ma dmar po 'dab ma brgyad pa mu khyud dang bcas pa/__'di gnyis la rgyas par bsgom don dang mthun pa'i gzhal yas khang bri bar gsungs na'ang /__rten gtor gzhal yas khang lha dang bcas par bskyed pa'i dbang du byas na gdan mtshon byed du pad+ma 'dab brgyad tsam gyis chog cing /__phyag len kyang de ltar mdzad pa shas che'o/__54__/_!_rnam sras drag po rta sngon can la/__thod ra/__dur khrod/__me ri dang bcas pas zlum por bskor ba'i dbus su 'khor lo sngon po rtsibs bzhi pa/__de'i lte bar dmar po/__de'i dbus su gru gsum mthing nag gi lte bar nyi ma la hU~M mthing nag__/phyi rol 'khor lo'i rtsibs bzhi'i shar nas g.yas bskor thig le nag po/__ser nag__/dmar nag__/ljang nag__/rtsibs mtshan bzhir shar lho nas thig le dkar/__sngo/__dmar/__ljang re bri'o/__55__/_!_rnam sras yang gsung phyag mtshan bzhi ma la/__pad+ma 'dab brgyad dmar po mu khyud dang bcas pa bri/__56__/_!_zhang blon rdo rje bdud 'dul la/__sna tshogs pad+ma 'dab ma brgyad pa'am/__yang na maN+Da lar dbus su tshom bu gnyis/__phyogs bzhir tshom bu re re bkod pas kyang 'thus/__57_!_/grwa pa'i dzaM dmar la/__pad+ma dmar po 'dab ma brgyad pa mu khyud dang bcas pa bri/__58__/_!_lhaX chenaX dbaXng phyugaX chenaX poX la/__zla gam dmar po sgo gcig pa nub tu bstan pa mu khyud dang bcas pa'i lte bar pad+ma dmar po 'dab ma bzhi pa/__de'i dbus su nyi gdan la thig le dmar po yum mtshon byed g.yon phyed du nyis brtsegs kyi rnam pa/__mdun du thig le dmar po de las chung ba/__'dab bzhi'i shar nas brtsams te g.yas bskor du thig le phyogs mdog re re bri'o/__59__/de ltar spyir lnga bcu rtsa dgu las/__ras bris 'bri dgos pa bzhi bcu zhe drug dang /_de nang nas sgo rdzogs can dgu yod do/__mang+galaM/____/_!_