JKW-KABUM-16-MA-029-036

First section in volume.Last section in volume.

Wylie title		page=1
Location	mkhyen brtse'i bka' 'bum Volume 29, sde tshan 36, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

སྒྲ་མི་སྙན་གྱི་ཚེ་སྒྲུབ་བརྒྱུད་འདེབས། སྒྲ་མི་སྙན་གྱི་ཚེ་སྒྲུབ་ཟབ་མོ་ཉེ་བརྒྱུད་ཀྱི་བླ་མ་བརྒྱུད་པའི་གསོལ་འདེབས་འཆི་མེད་གྲུབ་པ་ཞེས་བྱ་བ་བཞུགས་སོ། །སྣང་མཐའ་ཚེ་དཔག་མེད་མགོན་སྤྱན་རས་གཟིགས། །པདྨ་འབྱུང་གནས་བརྒྱུད་སྲོལ་ཀུན་འདུས་པ། །ཆོས་ཀྱི་གྲགས་པ་དཀོན་མཆོག་ལྷུན་གྲུབ་དང་། །དཀོན་མཆོག་ཕྲིན་ལས་བཟང་པོར་གསོལ་བ་འདེབས། །དོན་གྲུབ་ཆོས་རྒྱལ་དཀོན་མཆོག་བསྟན་འཛིན་དང་། །ཆོས་ཀྱི་རྒྱལ་མཚན་ཆོས་ཀྱི་ཉི་མའི་ཞབས། །པདྨའི་རྒྱལ་མཚན་འཆི་མེད་གྲུབ་པའི་དཔལ། །རྩ་བའི་བླ་མ་རྣམས་ལ་གསོལ་བ་འདེབས། །དངོས་བརྒྱུད་བླ་མ་ཡི་དམ་ལྷ་ཚོགས་ལ། །གུས་པས་གསོལ་བཏབ་བསྒོམ་བཟླས་རྣལ་འབྱོར་མཐུས། །དུས་མིན་འཆི་དང་བར་ཆད་ཀུན་ཞི་ཞིང་། །དབང་བཅུའི་ཡེ་ཤེས་བརྙེས་པར་བྱིན་གྱིས་རློབས། །ཞེས་མགོན་པོ་འབྲི་གུང་པ་རིག་འཛིན་ཆོས་ཀྱི་གྲགས་བའི་དག་སྣང་སྒྲ་མི་སྙན་གྱི་ཚེ་སྒྲུབ་ཟབ་མོའི་བརྒྱུད་འདེབས་འདིའང་། །དཔལ་སྟག་ལུང་ཐང་པ་རིན་པོ་ཆེ་ངག་དབང་བསྟན་པའི་ཉི་མ་ལས་ཆོས་ཚུལ་འདི་ཉིད་ཀྱི་བཀའ་དྲིན་ཐོབ་པའི་སྐབས་སུ་རྒྱལ་ཁམས་ཉུལ་བའི་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པ་སིདྡྷི་ར་སྟུ། ། ༈

[edit]

byang gter yang tig gces sgron gyi brgyud 'debs kha skong /__ byang gter yang tig gces pa'i sgron ma'i khrid kyi brgyud 'debs kha skong ni/__/gter ston yab sras kyi rjes/__/lung zin bshad sgrub chos kyi pho brang nas/__/rig 'dzin sangs rgyas byams bzang la gsol ba 'debs/__/dpal ldan brgya mkhar gsang sngags gling mchog tu/__/se ston nyi ma bzang po la gsol ba 'debs/__/gong ma'i gdan sa chos kyi pho brang du/__/se ston mgon po bzang po la gsol ba 'debs/__/mkhas shing grub pa'i gnas mchog de nyid du/__/se ston rin chen rgyal mtshan la gsol ba 'debs/__/sa dam zhes bya'i dben pa'i ri khrod du/__/spyan tshab mgon po zla ba la gsol ba 'debs/__/nub dgon zhes bya chos kyi pho brang du/__/byams pa chos kyi rgyal mtshan la gsol ba 'debs/__/gang de'i gdan sa grub pa'i bsti gnas su/__/thugs sras blo gros rgyal mtshan la gsol ba 'debs/__/ngam rings dga' ldan byams pa'i 'dun sa ru/__/mkhan chen byams pa bzang po la gsol ba 'debs/__/phyogs med ri khrod dben pa'i sman ljongs su/__/grub chen kun bzang nyi ma la gsol ba 'debs/__/srid gsum rnam par rgyal ba'i chos grwa ru/__/rig 'dzin 'brug sgra bzang po la gsol ba 'debs/__/gra nang dar rgyas chos kyi gling mchog tu/__/gsang bdag phrin las lhun grub la gsol ba 'debs/__/gung thang bde ba'i rdo rje'i gzhal yas su/__/zur chen chos dbyings rang grol la gsol ba 'debs/__/thub bstan rdo rje brag gi chos grwa ru/__/rig 'dzin pad+ma phrin las la gsol ba 'debs/__/khams lung la sogs grub pa'i gnas mchog tu/__/gnyags ston pad+ma dbang rgyal la gsol ba 'debs/__/thub bstan e waM chos kyi pho brang du/__/rig 'dzin rdo rje thogs med la gsol ba 'debs/__/o rgyan 'gro 'dren gling gi gnas mchog tu/__/grub chen pad+ma bshes gnyen la gsol ba 'debs/__/phu chung zhes bya grub pa'i gnas mchog tu/__/o rgyan bstan 'dzin phun tshogs la gsol ba 'debs/__/myang stod yang zab bla ma'i gdan sa ru/__/kun bzang gsang sngags bstan 'dzin la gsol ba 'debs/__/spyi gtsug nyi zla sogs/___/__!_