JKW-KABAB-14-PHA-001-wylie
<div class="wylie-content"
@#/__/'chi med 'phags ma'i snying thig gi bla sgrub byin rlabs snying po'i brgyud 'debs byin rlabs snang ba zhes bya ba bzhugs/__/kun bzang yab yum che mchog he ru ka__/rigs lnga zhi khro rdor sems gsang ba'i bdag__/las kyi dbang mo rgyal ba dgongs brgyud la/__/gsol ba 'debs so smin grol byin rlabs stsol/__/skal ldan rgyal po dzaHdang dga' rab rje/__/rig 'dzin mchog brgyad slob dpon shrI sing ha/__/pad+ma sam+b+ha rig 'dzin brda brgyud la/__/gsol ba 'debs so smin grol byin rlabs stsol/__/mnga' bdag chos kyi rgyal po yab sras rje/__/bai ro tsa na mkhar chen mtsho rgyal grogs/__/snod dang skal ldan snyan brgyud rig 'dzin la/__/gsol ba 'debs so smin grol byin rlabs stsol/__/rgya chen bka' dang zab mo rin chen gter/__/bka' babs bdun ldan thub bstan yongs kyi bdag__/'jam dpal chos kyi bshes gnyen mdo sngags gling*/__/mdzod lnga'i shing rta lo chen gu Na'i zhabs/__/thub bstan chos rdor 'gyur med tshe dbang grub/__/brgyud srol kun 'dus ye shes rdo rje la/__/gsol ba 'debs so smin grol byin rlabs stsol/__/srid las nges 'byung mchog gsum skyabs su bzung*/__zhi ba'i mtha' spang gzhan phan g.yar dam brtan/__/bsags dang sbyangs pas rgyud dag byin rlabs 'bebs/__/smin grol snod du rung bar byin gyis rlobs/__/snang srid lha sngags chos sku'i rol mor shar/__/ye shes rtsa rlung thig le bde stong smin/__/zung 'jug rdo rje'i sa lam yongs rdzogs nas/__/rig 'dzin bla ma'i go 'phang mngon gyur mdzod/__/gzung 'dzin mdud grol sems sde'i lta ba rtogs/__/klong chen sgom pas 'od gsal lhums su zhugs/__/rig pa ka dag rang grol spyod pa yis/__/lhun grub 'bras bu'i ye shes mngon byed shog__/ces pa'ang nges gsang chos kyi 'byung nas pad+ma'i e waM chos kyi sgar chen gyi byang 'dren mkhyen yon rmad byung pad+ma bkra shis nas ched bskul bzhin snying po'i lam 'dir 'jug pa'i skal ba dge ba rang byung 'od gsal thugs mchog rdo rjes bris shing gsol ba btab pas rgyal kun yon tan spyi dpal rig 'dzin bla ma'i rdo rje'i ye shes chen po'i gsang ba dang gnyis med grub pa'i rgyur gyur cig/__//
