DKYD-KABUM-06-CHA-037

Previous Text Back to Volume PageNext Text

Wylie title
Location	mdo mkhyen brtse bka' 'bum Volume 6, Text 37, Pages (Folios to )
Author	མདོ་མཁྱེན་བརྩེ་
Less details More details
Tertön	མདོ་མཁྱེན་བརྩེ་ (Mdo mkhyen brtse)
Citation
Genre

Tibetan Text

[edit]

༄༅། །སྐྱེས་བུ་ཡེ་ཤེས་རྡོ་རྗེས་ཆོས་སྦྲང་གི་ཁ་སྐོང་ངོ༌། །

༄༅། །གེ་སར་སྐྱེས་བུའི་སྒྲུབ་ཐབས་ཡིད་བཞིན་དབང་རྒྱལ་བཞུགས་སོ། དྷཱི༔ ཨེ་མ་ཧོཿ རང་སྣང་མི་དམིགས་ཆོས་ཉིད་ངངཿ སྐད་ཅིག་མཁའ་ལ་འཇའ་ཤར་བཞིན༔ མཚན་དཔེ་འབར་བ་རྡོ་རྗེའི་སྐུ༔ ཧེ་རུ་ཀ་དང་དབྱེར་མེད་པའི༔ གེ་སར་སྐྱེས་བུ་དོན་འགྲུབ་རྒྱལ༔ མི་སྨུག་དུང་གི་སོ་ཞོ་ལ༔ གདོང་དམར་བྱེ་རུའི་ཤ་བཀྲག་ཅན༔ གདུག་པ་འདུལ་འཚལ་ཁྲོ་བོའི་ཚུལ༔ དགྲ་བླའི་གོ་མཚོན་སྣ་དགུ་གསོལ༔ མདོ་རྗེ་རྐྱང་པོ་ཁ་དཀར་ལ༔ མི་མིན་ལས་ཟོག་རྒྱན་ལྡན་གང་༔ རྫུ་འཕྲུལ་སྟོབས་ཀྱི་འགྱིང་ཚུལ་ཁྱིམཿ ལྷ་བློན་བཞི་བཅུ་རྩ་གསུམ་དང༔ དྭངས་སྨན་རྟེན་འབྲེལ་སྣ་འདྲེན་ཚང༔ ལྷ་ཀླུ་གཉན་དམག་རྡུལ་འཁྲིགས་བཞིན༔ མ་ལུས་འཁོར་བཅས་གསལ་བ་ཡི༔ བདག་ཉིད་སྐྱེས་བུའི་ཐུགས་གུར་དབུས༔ སྲོག་ཡིག་ཐ་མ་སྔགས་འཁོར་བས༔ རང་སྒྲའི་འོད་ཀྱི་འཇིག་རྟེན་ཁྱབ༔ སྣོད་བཅུད་དག་པ་རབ་འབྱམས་ངང༔ ཨོཾ་མ་ཎི་རཏྣ་དཱེ་ཝ་སིདྡྷི་ཧཱུྃ༔ «ཞེས་བཟླས་ཐུན་མཐར་མཆོད་བསྟོད་ནས༔ སླར་ཡང་བསྔོ་སྨོན་འདི་ལྟར་བྱ༔ »ལེགས་བྱས་འདི་ཀུན་འགྲོ་ལ་བསྔོ༔ སྐྱེས་བུའི་གོ་འཕང་མྱུར་ཐོབ་ནས༔ དུག་གསུམ་དགྲ་བགེགས་ཡོངས་བསྒྲལ་བས༔ ཁམས་གསུམ་དག་པའི་བཀྲ་ཤིས་ཤོག༔ «རྫོགས་རིམ་སྤྲོས་མེད་ངང་དུ་བཞག༔ དགེ་ལེགས་འཕེལ། བཀྲ་ཤིས། སརྦ་མངྒ་ལཾ། ཛ་ཡན་ཏུ། བྷ་ཝན་ཏུ། སུ་པྲ་ཏིཥྛ། དགེའོ། །དགེའོ། །དགེའོ། །