DKYD-KABUM-03-GA-034

Previous Text Back to Volume Page Next Text

Wylie title
Location	mdo mkhyen brtse bka' 'bum Volume 3, Text 34, Pages (Folios to )
Author	མདོ་མཁྱེན་བརྩེ་
Less details More details
Tertön	མདོ་མཁྱེན་བརྩེ་ (Mdo mkhyen brtse)
Citation
Genre

[edit]

ཨྱཱྃཿ ཚེ་སྒྲུབ་བསྡུས་པ༔ ཨ་ཡུར་པུཎྱེ་མནྟྲ་གུ་ཧྱཿ རང་ཉིད་གསང་བ་ཡེ་ཤེས་ཀྱིཿ ཐུགས་ཀར་འོད་ཀྱི་ཐིག་ལེའི་དབུསཿ ཚེ་དབང་རིག་འཛིན་པདྨ་འབྱུངཿ དཀར་དམར་མདངས་ལྡན་ཞི་མ་ཁྲོཿ ཤིན་ཏུ་ཆགས་པའི་ཉམས་དང་ལྡནཿ དེ་ཡི་པང་དུ་བདེ་ཆེན་ཡུམཿ འཆི་མེད་ཚེ་ཡི་ལྷ་མོ་ནིཿ མནྡཱ་ར་ཝ་འཆི་མེད་འགྲུབཿ དམར་སྐྱ་ལོངས་སྤྱོད་རྫོགས་སྐུའི་ཆསཿ གཡས་པས་མདའ་དར་གཡོན་ཚེ་བུམཿ ཕྱག་གཉིས་ཡབ་ཀྱི་མགུལ་ནས་འཁྱུདཿ ཞབས་གཉིས་འཁྲིལ་ཞིང་ཐབས་ཤེས་སྦྱོརཿ ཁམས་གསུམ་ཀུན་གྱི་ཚེ་བཅུད་བསྡུསཿ ཡབ་ལ་ཚེ་དང་བདེ་བཅུད་སྤེལཿ ཡབ་ཀྱི་ཐུགས་ཀར་ཐབས་ཤེས་ཀྱིཿ གྭའུའི་དབུས་སུ་ཚེའི་སྙིང་པོཿ གཡོན་དུ་དྲག་ཏུ་འཁོར་བ་ཡིསཿ སྲིད་ཞིའི་ཚེ་ཡི་བཅུད་བསྡུས་ནསཿ རང་ཉིད་བཀྲག་མདངས་གཟི་བརྗིད་རྒྱསཿ འཁོར་འདས་བླ་ཡིད་འཕྲོག་པར་བསམཿ ཧྲཱིཿཨ་མ་ར་ཎ་ཚེ་བྷྲཱུྃ་ནྲྀ་ཛཿ« དམིགས་གནད་ལྡན་པས་འདི་ཉིད་ནིཿ འབུམ་ཕྲག་དག་ཏུ་བཟླས་བྱེད་ནཿ ཚེ་ཡི་རིག་འཛིན་མཆོག་འགྲུབ་ཅིངཿ ཟད་པ་གསོ་ཞིང་ཆད་པ་འཐུདཿ ཞག་གཅིག་ཚེ་ཡང་ལོ་བརྒྱར་འཚོཿ ཆོས་ཉིད་ཉམས་སྣང་གོང་འཕེལ་ཞིངཿ འཁོར་འདས་ཆོས་རྣམས་ཟད་པ་རུཿ འཆོལ་ཞིང་འོད་སྐུར་འགྲུབ་པར་ངེསཿ ས་མ་ཡཱཿ རྒྱ་རྒྱ་རྒྱཿ གུད་དུ་སྦས་པའི་གསང་ཆོས་མན་ངག་གོཿ