JKW-KABUM-16-MA-029-029

Previous Text Back to Volume PageNext Text

Wylie title
Location	mkhyen brtse'i bka' 'bum Volume 16, sde tshan 29, Text 29, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 16: . Khams sde dge rdzong sar dgon: Rdzong sar blo gros phun tshogs, 2020.
Genre	Lineage Supplications - brgyud 'debs

1 Texts in this Section (sde tshan or chos tshan)

29 304-305	གྲུབ་ཆེན་ཐང་སྟོང་རྒྱལ་པོའི་ལུགས་ཀྱི་ཉེ་བརྒྱུད་ཚེ་རྟ་ཟུང་འབྲེལ་འཆི་མེད་དཔལ་སྟེར་གྱི་བརྒྱུད་འདེབས་ཁ་སྐོང་། grub chen thang stong rgyal po'i lugs kyi nye brgyud tshe rta zung 'brel 'chi med dpal ster gyi brgyud 'debs kha skong Lineage Supplications - brgyud 'debs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཕུར་བུའི་ལུགས་ཀྱི་དབྱངས་ཅན་བརྒྱུད་འདེབས་སྨོན་ལམ་མཚོ་བྱུང་དགྱེས་པའི་རོལ་མོ། བྲམ་ཟེ་ཕུར་བུའི་ལུགས་ཀྱི་དབྱངས་ཅན་མ་དཀར་མོའི་རྗེས་གནང་གི་བརྒྱུད་འདེབས་སྨོན་ལམ་དང་བཅས་པ་མཚོ་བྱུང་དགྱེས་པའི་རོལ་མོ་ཞེས་བྱ་བ་བཞུགས་སོ། །སྒྲ་དབྱངས་ལྷ་མོ་གསུང་གི་དབང་ཕྱུག་མ། །གང་དེས་རྗེས་བཟུང་བྲམ་ཟེ་ཕུར་བུའི་ཞབས། །གཏུམ་པོའི་སྡེ་དང་མཆོད་སྡོང་སེང་གེ་དང་། །ཉི་མ་སེང་གེ་རྣམས་ལ་གསོལ་བ་འདེབས། །དཔེ་མེད་མཚོ་དང་རྒྱ་མཚོ་ཆེན་པོའི་ཞབས། །སུམ་པ་ལོ་ཙཱ་སྨྲ་དབང་གཟད་རིང་པ། །བོ་དོང་རིན་རྩེ་ཐང་ཆེན་བློ་གྲོས་དཔལ། །ཆོས་དཔལ་རྒྱལ་མཚན་རྣམས་ལ༴ དབྱངས་ཅན་གྲུབ་པ་ཀུན་མཁྱེན་ཆོས་ཀྱི་རྗེ། །ཁྱབ་བརྡལ་ལྷུན་གྲུབ་སངས་རྒྱས་དཔོན་པོ་དང་། །སེམས་དཔའ་ཆེན་པོ་སངས་རྒྱས་ཡེ་ཤེས་ཞབས། །སངས་རྒྱས་རྒྱལ་མཚན་རྣམས་ལ༴ རྫ་ཡིག་ཚུལ་རྒྱལ་བསོད་ནམས་རྣམ་པར་རྒྱལ། །ཨོ་རྒྱན་བསྟན་འཛིན་པདྨ་དབང་ཆེན་དང་། །རིན་ཆེན་དར་རྒྱས་ཕྲིན་ལས་ལྷུན་གྱིས་གྲུབ། །འགྱུར་མེད་རྡོ་རྗེ་རྣམས་ལ༴ རིན་ཆེན་རྣམ་རྒྱལ་ཐེག་མཆོག་བསྟན་འཛིན་དང་། །ཀུན་བཟང་རྣམ་རྒྱལ་བསྟན་འཛིན་ཆོས་ཀྱི་རྒྱལ། །འཇམ་དཔལ་རབ་ཏུ་དགྱེས་པའི་བློ་གྲོས་ཅན། །རྩ་བའི་བླ་མ་རྣམས་ལ་གསོལ་བ་འདེབས། །དེ་ལྟར་བླ་མ་རྣམས་དང་ལྷག་པའི་ལྷར། །གུས་པས་གསོལ་བ་བཏབ་མཐུས་བདག་གཞན་འགྲོ། །བྱང་ཆུབ་བར་དུ་དལ་འབྱོར་རྟེན་ཐོབ་ནས། །ཐེག་མཆོག་བཤེས་དང་མཇལ་པར་བྱིན་གྱིས་རློབས། །ཁྱད་པར་སྒྲ་དབྱངས་ལྷ་མོའི་གདམས་ཟབ་ཀྱིས། །རྒྱུད་སྨིན་རྩེ་གཅིག་ཉམས་སུ་བླངས་པ་ལས། །འཕགས་མ་དགྱེས་པའི་འཛུམ་ཞལ་མཐོང་བ་དང་། །གསུང་གི་དབུགས་དབྱུང་ཐོབ་པར་བྱིན་གྱིས་རློབས། །དེ་མཐུས་སྲིད་ཞིའི་ཉམས་འགྱུར་ཇི་སྙེད་གཟུགས། །སྒོ་གསུམ་ནོར་བུའི་མེ་ལོང་ལ་འཆར་བས། །ལྷར་བཅས་ཡིད་ཀྱི་བརྟན་པ་འཕྲོག་བཟོད་པའི། །བཟོ་ཡི་རིག་པ་འཛིན་པར༴ གང་གི་དོན་དང་གང་ཞིག་གསོ་བ་ཡི། །གནས་ལུགས་རྟོགས་ནས་སྨན་དཔྱད་ཟས་སྤྱོད་ཀྱིས། །ཇི་ལྟར་གསོ་བའི་ཚུལ་ལ་མ་རྨོངས་པའི། །ཚེ་ཡི་རིག་པ་འཛིན་པར༴ མིང་དང་ཚིག་གི་རང་བཞིན་རྐྱེན་བདུན་དང་། །རྣམ་འགྱུར་གཉིས་ཀྱི་སྦྱོར་བས་བསྒྲུབས་པ་ལས། །ཚིག་དོན་རྣམ་པར་འབྱེད་ལ་ཟླ་མེད་པའི། །བརྡ་སྤྲོད་རིག་པ་འཛིན་པར༴ གནས་གསུམ་གཞལ་བྱའི་དོན་རྣམས་མ་ལུས་ཀུན། །མངོན་རྗེས་ཚད་མས་གཏན་ལ་འབེབས་མཁས་ཤིང་། །སྒྲུབ་དང་སུན་འབྱིན་སྤོབས་པ་མི་ཟད་པའི། །རྟོག་གེའི་རིག་པ་འཛིན་པར༴ རང་གཞན་གྲུབ་མཐའི་རྣམ་དབྱེ་ལེགས་རྟོགས་ནས། །ཟབ་མོ་དབུ་མར་སྨྲ་བའི་བསྐལ་བཟང་གིས། །མདོ་རྒྱུད་རྒྱ་མཚོའི་ངེས་གསང་འབྱེད་མཁས་པའི། །ནང་དོན་རིག་པ་འཛིན་པར་གསོལ༴ གཞན་ཡང་ཚིག་རྒྱན་སྡེབ་ལེགས་སྦྱོར་བ་དང་། །མངོན་བརྗོད་སྐར་རྩིས་ཟློས་པའི་གར་ལ་སོགས། །རྒྱལ་སྲས་རྣམས་ཀྱིས་བསླབ་པར་བྱ་བའི་གཞུང་། །མཐའ་ཡས་རིག་པ་འཛིན་པར༴ མདོར་ན་ཚུལ་གནས་ཐོས་བསམ་བསྒོམ་པ་དང་། །གཞུང་མང་འཛིན་དང་འཆད་རྩོད་རྩོམ་པ་ལ། །བློ་གྲོས་བདུད་རྩིའི་སྣང་བ་དར་བབས་པས། །ཕན་བདེའི་པདྨོ་རྒྱས་པར་བྱིན་གྱིས་རློབས། ༡༤ ༈

[edit]

grub chen thang stong rgyal po'i lugs kyi nye brgyud tshe rta zung 'brel 'chi med dpal ster gyi brgyud 'debs kha skong /_ grub chen thang stong rgyal po'i lugs kyi nye brgyud tshe rta zung 'brel 'chi med dpal ster gyi brgyud 'debs kha skong ni/__kun spangs chos rje 'chi med rig 'dzin brnyes/__/kun dga' grol mchog yongs rdzogs bstan pa'i bdag__/nyi zla bzang po lung rigs rgya mtsho'i dpal/__dbang phyug dpal bzang sde snod mkhyen pa'i gter/__/ngag dbang chos grags gangs can mkhas pa'i rjer/__/gsol ba 'debs so=__byin gyis rlobs shigs=__spyan snga chen po phrin las pha mtha' yas/__/kun dga' bsod nams shes bya thams cad mkhyen/__/bsod nams dbang phyug 'jam mgon sprul pa'i gar/__/kun dga' bkra shis 'dzam gling bstan 'gro'i mgon/__/bsod nams rin chen mkhyen brtse nus pa'i gter/__/gsol ba=__byin gyis=__kun dga' blo gros chos kyi 'khor los bsgyur/__/nam mkha' 'chi med mkhas shing grub pa'i dpal/__/kun dga'i mtshan can 'chi med ye shes brnyes/__/rtsa ba'i bla ma rigs kun khyab bdag sogs/__/gdams pa'i bka' babs rtsa brgyud bla ma la/__/gsol ba=__zhes pa'ang rje grub chen rang gi gsung rdo rje'i tshig rkang dang 'gros mthun par bya bral ba mkhyen brtse'i dbang pos gsol ba btab pa dge/___/__!