DKYD-KABUM-03-GA-012

🚧 This website is under continued development. We appreciate your patience!

Previous Text Back to Volume Page Next Text

Wylie title
Location	mdo mkhyen brtse bka' 'bum Volume 3, Text 12, Pages (Folios to )
Author	མདོ་མཁྱེན་བརྩེ་
Less details More details
Citation
Genre

[edit]

༄༅ཿ« བླ་མ་ནང་ལྟར་སྒྲུབ་པའི་རིམ་པ་ནིཿ» རང་ལུས་འཇའ་ཚོན་ལྟར་གསལ་ལུས་དབུས་སུཿ ཙིཏྟ་རིན་ཆེན་འོད་ཀྱི་གུར་ཁང་དབུསཿ པདྨ་ཉི་ཟླ་བརྩེགས་པའི་གདན་སྟེང་ནསཿ སྐུ་གསུམ་ཀུན་འདུས་རྩ་བའི་བླ་མ་ནིཿ དྲི་མ་མེད་པར་ལོངས་སྐུའི་ཆ་ལུགས་རྫོགསཿ རྡོ་རྗེ་སྐྱིལ་ཀྲུང་ཕྱག་གཉིས་མཉམ་བཞག་ཅནཿ རིན་ཆེན་རྒྱན་སྤྲས་གསེར་རྡོར་རྩེ་ལྔ་བསྣམསཿ ཐུགས་ཀར་འོད་ཀྱི་ཐིག་ལེ་ཨ་དཀར་མཚནཿ སུམ་མདོར་འོད་དམར་ཐིག་ལེ་ཨ་ཐུང་ལསཿ ཡེ་ཤེས་མེ་ཡི་ལུས་ཀྱི་སྨད་ཁྱབ་ཅིངཿ ལུས་ཀྱི་ནང་ཁོངས་བུམ་ནང་མེར་མེར་བཞིནཿ གསལ་ཞིང་ཚ་བའི་དབལ་གྱི་ཤུགས་དྲག་པོསཿ བཟོད་བརླགས་མེད་པའི་བདེ་དྲོད་འབར་བར་སྒོམསཿ «སྙིང་པོ་ལྔ་བརྒྱ་རྩ་བརྒྱད་བགྲང་ངོ་ཿ »ཨཱ་ཨཱ་ཨཱ་ཨཱ་ཨཱཿ «ཤེས་པ་ཨཱ་ཐུང་ལ་གཏད་དམིགས་མེད་ངངཿ འོད་གསལ་སྦུབས་འཇུག་སྦའམ་རྗེས་ཐོབ་སྐྱོང༌། སྐབས་འགར་བླ་མ་རང་སེམས་དབྱེར་མེད་ངངཿ གཉུག་མ་མ་བཅོས་ངང་དུ་རྗེན་པར་བཞགཿ འདི་ནི་གནད་ཀྱི་མན་ངག་ཟབ་མོ་སྟེཿ རང་སེམས་ཆོས་སྐུ་རྟོགས་པའི་གདམས་པའོཿ སངས་རྒྱས་རང་ལ་ཡོད་པ་ངོ་འཕྲོད་ཕྱིརཿ བླ་མ་བསྒྲུབས་པའི་རིམ་པ་བྱིན་རླབས་སྤྲིནཿ དྲི་མ་མེད་པའི་ཁྱད་ཆོས་ཟབ་མོ་འདིཿ ཀློང་བྱང་མཁའ་འགྲོའི་བརྡ་རིས་ལས་ཕབ་བཞིནཿ ཕྱི་རབས་རྗེས་འཇུག་སྙིང་ལ་འཆོངས་ཤིག་གུ༔ ས་མ་ཡཱཿ གུ་ཧྱཿ »ཡེ་ཤེས་ལྷ་ཚོགས་སྤྱན་འདྲེན་གཤེགས་སུུ་གསོལཿ ཕྱི་ནང་«སོགས། ཡི་གེ་བརྒྱ་པ་བརྗོད།» དགེ་བ་འདི༴ རིག་འཛིན་བླ་མ་འགྲུབ་གྱུར་ནས«་སོགས།»