JKCL-KABUM-12-NA-065-wylie
bstan rgyas smon lam bkra shis dpal 'bar zhes bya ba bzhugs so/__/oM swAsti/__phyogs dus rtsa gsum rgyal ba sras bcas dang /__/snga 'gyur chos skyong srung ma'i bden stobs kyis/__/thub bstan spyi dang khyad par o rgyan rje'i/__/bstan pa'i srog shing bka' gter 'byung khungs che/__/bde gshegs spobs pa mtha' yas ring lugs mchog__/srid mtha'i bar du mi nyams dar zhing rgyas/__/khrims ldan 'dus pa'i chu gter 'phel ba dang /__/bslab gsum dri ma med pas thugs rgyud phyug__/bshad dang sgrub pa'i bya bas dus 'da' zhing /__/yang dag lta ba sgom dang spyod pa yis/__/shAkya'i bstan pa'i rgyal mtshan 'dzin pa dang /__/nges gsang snying po'i phyogs brgyar khyab gyur cig__/ces pa'ang shing khyi snron zla'i tshes brgyad la 'og min gnyis pa kaHthog gi gtsug lag khang chen por 'jam dbyangs blo gros rgya mtshos gsol ba btab pa bzhin 'grub par gyur cig__/mang+ga laM//___//
