JKCL-KABUM-12-NA-073

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	chos kyi blo gros bka' 'bum Volume 12, Text 73, Pages (Folios 1a to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. '. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: . Bir, H.P.: Khyentse Labrang, 2012.
Genre	Prayers - smon lam

1 Texts in this Section (sde tshan or chos tshan)

339	ཨོཾ་སྭཱསྟི། དུས་གསུམ་རྒྱལ་བ་ཀུན་གྱི་སོགས་གསང་སྙིང་རྒྱུད་བཤད་བསྟན་རྒྱས། oM swAsti/ dus gsum rgyal ba kun gyi sogs gsang snying rgyud bshad bstan rgyas Prayers - smon lam	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

ཨོཾ་སྭཱསྟི། དུས་གསུམ་རྒྱལ་བ་ཀུན་གྱི་དགོངས་པའི་མཐིལ། །ནང་རྒྱུད་ཐེག་པའི་ཡང་བཅུད་སྒྱུ་འཕྲུལ་ཆེ། །དཔལ་ལྡན་གསང་བའི་སྙིང་པོའི་རྒྱུད་ཀྱི་དོན། །བཤད་དང་སྒྲུབ་པས་ས་སྟེང་ཁྱབ་གྱུར་ཅིག །བདེན་གཉིས་དབྱེར་མེད་ཆོས་སྐུའི་དོན་རྟོགས་ཤིང་། །དག་མཉམ་ཆེན་པོའི་ཏིང་འཛིན་རོལ་མོ་འཁྲོལ། །ལམ་གྱུར་རིག་འཛིན་རྣམ་བཞིའི་འབྲས་བུ་བརྙེས། །རྡོ་རྗེ་སེམས་དཔའི་རྒྱལ་ས་ཐོབ་གྱུར་ཅིག །རྒྱུད་ཀྱི་རྒྱལ་པོའི་ཆོས་ཉིད་བདེན་སྟོབས་ཀྱིས། །ནག་ཕྱོགས་དུས་ཀྱི་རྒུད་པ་ཀུན་ཞི་ཞིང་། །རྒྱལ་བསྟན་སྤྱི་དང་ངེས་གསང་སྙིང་པོ་ཡི། །བསྟན་པ་དར་ཞིང་རྒྱས་པའི་བཀྲ་ཤིས་ཤོག །ཅེས་པའང་ས་ཁྱི་ཟླ་༧ཚེས་༡༦ལ་དབུ་བཙུགས་ནས་རྡོ་རྗེ་གླིང་དུ་རྒྱུད་ཀྱི་རྒྱལ་པོ་འདུས་པ་ཉུང་ཤས་ལ་ཟླ་བ་དེའི་ཚེས་༢༨ལ་རྒྱལ་ཕུར་འགྲུབ་འབྱོར་བཟང་པོར་འཆད་གྲུབ་པའི་རྗེས་ཐོགས་སུ་འཇམ་དབྱངས་བློ་གྲོས་རྒྱ་མཚོས་སྨོན་ཚིག་ཏུ་བྲིས་པ་དགེ་ལེགས་འཕེལ།། །།

[edit]

oM swAsti/__dus gsum rgyal ba kun gyi dgongs pa'i mthil/__/nang rgyud theg pa'i yang bcud sgyu 'phrul che/__/dpal ldan gsang ba'i snying po'i rgyud kyi don/__/bshad dang sgrub pas sa steng khyab gyur cig__/bden gnyis dbyer med chos sku'i don rtogs shing /__/dag mnyam chen po'i ting 'dzin rol mo 'khrol/__/lam gyur rig 'dzin rnam bzhi'i 'bras bu brnyes/__/rdo rje sems dpa'i rgyal sa thob gyur cig__/rgyud kyi rgyal po'i chos nyid bden stobs kyis/__/nag phyogs dus kyi rgud pa kun zhi zhing /__/rgyal bstan spyi dang nges gsang snying po yi/__/bstan pa dar zhing rgyas pa'i bkra shis shog__/ces pa'ang sa khyi zla 7tshes 16la dbu btsugs nas rdo rje gling du rgyud kyi rgyal po 'dus pa nyung shas la zla ba de'i tshes 28la rgyal phur 'grub 'byor bzang por 'chad grub pa'i rjes thogs su 'jam dbyangs blo gros rgya mtshos smon tshig tu bris pa dge legs 'phel//___//