JKW-KABUM-22-ZA-006-007-wylie
rten 'dus ma 'dres yongs rdzogs kyi rtsa ba'i tho byang ngo mtshar rab 'byams kyi 'byung gnas/ rten 'dus ma 'dres yongs rdzogs kyi rtsa ba'i tho byang ngo mtshar rab 'byams kyi 'byung gnas bzhugs so/__/oM swa sti sid+d+hi rastu/__/grub mtha' ris bral gyi rten 'dus ma 'dres yongs rdzogs 'phags pa'i nor bu yid bzhin 'dod pa 'jo ba'i rdzogs ldan gyi sprin chen rgyas par dkrigs pa gzhan phan mkha' khyab tu rtag pa 'chi ba med pa'i dbyangs snyan mngon par bsgrags pa la gnyis/__snga 'gyur dang /__phyi 'gyur ro/__/dang po la gsum/__spyi dang /__bye brag go__/dang po ni/__yang dag par rdzogs pa'i sangs rgyas kyi ring bsrel sogs byin rten khyad 'phags rigs kho na sbyar ba rten 'dus spyi la khyab pa yid bzhin nor bu tog gi blo gros so/__/kha dog dkar po rgya dkar dwang pa'i mdangs/__gnyis pa la gsum/__spyi dang /__bye brag__/khyad par ro/__/dang po ni/__snga 'gyur/__lo paN spyi'i rten 'dus ril bu ngo mtshar nor bu'i rgyal po'o/__/mtshal mdog__/gnyis pa ni/__snga 'gyur gsang sngags rnying ma bka' gter gyi rten 'dus khungs ldan sel med gtsang dag tu sbyar ba dam rdzas grol ba bzhi ldan no/__/kha dog dmar smug tsan dmar mdangs/__gsum pa ni/__'phros don gyi tshul du smos pa tsam mo/___/__!_gnyis pa phyi 'gyur gsar ma la lnga/__sa skya/__bka' gdams/__bka' brgyud/__dge lugs/__grub mtha' sna tshogs so/__/dang po la bdun/__dpal sa ngor tshar gsum gyi rten 'dus chen mo yid bzhin nor bu/__mtshal mdog__/bi rU pa'i khrus chab sogs kyi phur ma bdud rtsi'i zil dngar/__kha che'i mdog__/tshe rdzas kun 'dus ril bu 'chi med grub ster/__dmar ser mtshal la li khri cung zad bsres pa'i mdog__/bdud rtsi ril bu kun 'dus myong grol chen mo/__ser smug kha che dang tsan dmar cung zad bsres pa'i mdog__/rten 'dam dpe bral ma gta' spel nor bu'i snying po/__ser po cung zad smug mdangs/__ljags chu ril bu bdud rtsi'i sprin gyi char rgyun/__kha che'i mdog__bdug rdzas ril bu 'od zer sprin gyi go cha/__rgya snag mdog__/rnams so/___/__!_gnyis pa ni/__dge ba'i bshes gnyen jo bo bka' gdams pa'i rten 'dus ril bu ngo mtshar u dum+bA ra'o/__/ser po yung ba'i mdog/__/__!_gsum pa la gnyis/__spyi dang /__bye brag go__/dang po ni/__bka' brgyud gong ma spyi'i rten 'dus ril bu myong grol tsin+ta ma Ni'o/__/dkar dang /__gnyis pa la lnga/__mnyam med kaM tshang bka' brgyud kyi rten 'dus ril bu dam rdzas in+d+ra nI la/__mthon ka__/dpal ldan 'brug pa'i rten 'dus ril bu dam rdzas pad+ma rA ga__/dmar por/__mgon po 'bri gung pa'i rten 'dus ril bu dam rdzas baiDUR+Ya/__ljang gu/__dpal stag lung pa'i rten 'dus dam rdzas badz+ra gar+b+ha/__ser po yung ba'i mdog__/nA ro pa'i bum chu dang lus med mkha' 'gro'i bdud rtsi ril bu gta' spel dam rdzas a mr-i ta gar+b+ha/__ser smug__/rnams so/__/bzhi pa ni/__chos rje ri bo dge ldan pa'i rten 'dus ril bu ngo mtshar dzam+bu nA da'o/__/gser mdangs yung ba dang li khri spel ba'i mdog__/lnga pa ni/__grub mtha' sna tshogs kyi rten jo zhal bo shangs zhi gcod bcas/__'dus ril bu zla ba'i 'dod 'jo'o/__/rgya dkar dwang ba'i mdog__/zhes pa'ang rab byung bcu bzhi pa'i don grub ces pa sa mo lug gi lo'i dbo zla ba'i gral tshes dge bar bris te rim pa bzhin du spel ba sarba dA shrA+e yo sid+d+haM b+ha ba tu/__/
