JKW-KABUM-19-DZA-001-041-wylie
grwa thang mkhan chen kun dga' mkhyen brtse phun tshogs ni/ @#/_/grwa thang mkhan chen kun dga' mkhyen brtse phun tshogs ni/__dam pa'i skyes bu du ma brgyud mar 'byung ba'i gnas dpal grwa thang gi 'dab 'byor du yab yi ge'i rig byed mkhas pa dam chos bstan 'dzin dang /__yum bsod nams sgrol ma'i sras su shing mo lug gi lor ngo mtshar ba'i ltas dang bcas te sku bltams/__chung ngu nas mkhyen rab kyi sgo yangs shing /__cung zad nar son pa na yi ge 'bri klog__/rtsis skar nag sogs dang /__smin gling du snyan ngag__/'bras spungs bsam blo sgra ram pa las tsAn+d+ra byA ka ra Na sogs tha snyad rig lam rgya mtshor mkhas shing byang chub pa dang /__dgung grangs bcu dgu par grwa thang gi seng ge'i khrir phebs shing /__nyi shu par lo chen d+harma shrI las bsnyen par rdzogs/__grwa thang mkhan chen bstan 'dzin phun tshogs dang /__de'i thugs sras ngag dbang 'jam dpal bstan 'dzin gtso bor gyur ba'i smin grol gling gter chen sku mched dbon bcas sogs yongs 'dzin du ma las sa ka lugs gtso bor gyur pa'i gsan bsam rgya cher mdzad cing/__nyams bzhes dang 'chad spel gyi phrin las kha)lam 'bras lhag par bskyang /__khyad par du smin gling du rgyal sras rin chen rnam rgyal/__rdo rje brag tu skal bzang ka)pad+ma dbang phyug_/dga' ldan rab rgyas kyi bla ma dge 'dun bcas la bka' 'gyur rin po che ljags lung tshar gsum gnang bas bstan pa'i sgron me rgya cher sbar/__zhal slob kyang smos ma thag pa dang /__'on rgyal sras rin po che/__da la'i hu grog thu/__gzim phug sprul sku che chung/__khams bla pad+ma dar rgyas/__bla ma dkon mchog lhun grub sogs dbus gtsang khams gsum du mang bar byon pa bcas rnam thar rgyas pa skal bzang dad pa'i rlabs phreng mu tig 'khri shing zhes dga' ldan rab rgyas pa ngag dbang blo bzang dbang phyug gis mdzad pa las shes so//____//_!_
