JKW-KABUM-23-'A-001-041

🚧 This website is under continued development. We appreciate your patience!

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 1, sde tshan 41, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

འཕགས་མའི་ཐུགས་དམ་སྐུལ་བའི་གླུ་རྡོ་རྗེ་སྒྲ་མའི་མཆོད་སྤྲིན། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཨ་ཧོ། ཨོ༷ཾ་ཡིག་མཆོག༷་ཏུ་མི་འགྱུར་འོད་གསལ་གྱི་ཡེ་ཤེས། །བཀྲ༷་ཤིས༷་མཚན་དཔེའི་དཔལ་འབར་རྡོ་རྗེ་ཡི་མཛེས་སྐུ། །བསྐལ་བརྒྱར་ཞབས་པད་བརྟན་པའི་དགེ་ལེགས་ཀྱི་སྣང་བས། །ས་གསུམ་ཁྱབ་པར་མཛོད་ཅིག་ཡིད་བཞིན་གྱི་འཁོར་ལོ། །ཏཱ༷་རེ༷་སྙིང་རྗེའི་དབང་གྱུར༷་གཞོམ་མེད་ཀྱི་ཡེ་ཤེས། །ཆོས་ཕུང་ཡན་ལག་བརྒྱ་ལྡན་ནཱ་ད་ཡི་གསུང་གསང་། །ཞིང་འདིའི་གདུལ་བྱ་སྒྲོལ༷་ཕྱིར་འཆད་མེད་དུ་འདོམས་པའི། །རོལ་མོ་སྙན་པར་སྒྲོགས་ཤིག་ཡིད་བཞིན་གྱི་འཁོར་ལོ། །ཏུཏྟཱ་རེ༷་ཞེས་གདུང༷་སེལ༷་བདེ༷་ཆེན༷་གྱི་ཡེ་ཤེས། །སྲིད་ཞིའི་ཉམས་བརྒྱར་འཆར་བའི་བློ་འདས་ཀྱི་ཐུགས་མཆོག །གངས་ཅན་བསྟན་འགྲོའི་དོན་ལ་མཐའ་གཅིག་ཏུ་གཟིགས་པའི། །དགེ་མཚན་རྒྱས་པར་མཛོད་ཅིག་ཡིད་བཞིན་གྱི་འཁོར་ལོ། །ཏུ༷་རེ༷་ཐར་གླིང་སྣང་མཛད་འདོད་འབྱུང་གི་ཡེ་ཤེས། །ཕན་བདེའི་དངོས་ཀུན་མྱུར༷་སྩོལ་ཡོན་ཏན་གྱི་ནོར་བུ། །བསིལ་ལྡན་ཆེ་དགུའི་གཙུག་ཏུ་བགྲང་ཡས་ཀྱི་བསྐལ་པར། །འཚོ་གཞེས་བརྟན་པར་མཛོད་ཅིག་ཡིད་བཞིན་གྱི་འཁོར་ལོ། །སྭཱ༷་ཧཱ༷་གྲུབ་པ༷་ཆེན་པོའི་ཐོགས་མེད་ཀྱི་ཡེ་ཤེས། །ལེ༷གས་རྒུའི་དངོས་ཀུན་སྦྱིན༷་མཁས་ཕྲིན་ལས་ཀྱི་ཉི་མ། །སྐལ་བཟང་གླིང་བཞིའི་མཁའ་ལ་ནུབ་མེད་དུ་རྟག་པའི། །རྒྱལ་རྔ་བརྡུང་བར་མཛོད་ཅིག་ཡིད་བཞིན་གྱི་འཁོར་ལོ། །ཨ་ཧོ་ཨ་ཧོ་ཤྲཱི་བི་ཛ་ཡནྟུ། །ཞེས་པའང་གཏེར་ཆེན་ཆོས་ཀྱི་རྒྱལ་པོ་མཆོག་གྱུར་བདེ་ཆེན་གླིང་པ་ཉིད་སྐུ་ཁམས་ཅུང་རྙོགས་ཚུལ་གཞེས་པའི་སྐབས་གཉིས་སུ་མི་ཕྱེད་པའི་ཡེ་ཤེས་རོལ་པའི་རྩལ་འཆང་བ་ཨེ་ཝཾ་ཟུང་དུ་འཇུག་པའི་གསང་གསུམ་རྟག་པ་དམ་པའི་རྒྱལ་ཐབས་ལ་བདག་གིར་མཛད་ཅིང་ཡོན་ཏན་དང་ཕྲིན་ལས་རྒྱུན་གྱིས་རྟག་པའི་དགེ་མཚན་མངོན་སུམ་དུ་སྣང་བའི་སླད། འཆི་མེད་ཡིད་བཞིན་འཁོར་ལོའི་བསམ་གཏན་ལ་སྙོམས་པར་ཞུགས་པའི་ཚེ། ཐུགས་དམ་གནད་ནས་སྐུལ་བའི་རྡོ་རྗེ་སྒྲ་མའི་མཆོད་སྤྲིན་འཕགས་མ་དགྱེས་པའི་འབངས་ཡིད་ཀྱི་ཟླ་བས་སྤྲོས་པ་ན། བྱིན་རླབས་ཀྱི་ཟིལ་གཟུགས་ཅན་བཞིན་དུ་འཆར་བའི་ལེགས་བྱས་དེ་ཇི་ལྟ་བར་སིདྡྷི་རསྟུ།། །། ༈

[edit]

'phags ma'i thugs dam skul ba'i glu rdo rje sgra ma'i mchod sprin/__ oM tA re tut+tA re tu re swA hA/__a ho/__oXM yig mchogaX tu mi 'gyur 'od gsal gyi ye shes/__/bkraX shisaX mtshan dpe'i dpal 'bar rdo rje yi mdzes sku/__/bskal brgyar zhabs pad brtan pa'i dge legs kyi snang bas/__/sa gsum khyab par mdzod cig yid bzhin gyi 'khor lo/__/tAX reX snying rje'i dbang gyuraX gzhom med kyi ye shes/__/chos phung yan lag brgya ldan nA da yi gsung gsang /__/zhing 'di'i gdul bya sgrolaX phyir 'chad med du 'doms pa'i/__/rol mo snyan par sgrogs shig yid bzhin gyi 'khor lo/__/tut+tA reX zhes gdungaX selaX bdeX chenaX gyi ye shes/__/srid zhi'i nyams brgyar 'char ba'i blo 'das kyi thugs mchog__/gangs can bstan 'gro'i don la mtha' gcig tu gzigs pa'i/__/dge mtshan rgyas par mdzod cig yid bzhin gyi 'khor lo/__/tuX reX thar gling snang mdzad 'dod 'byung gi ye shes/__/phan bde'i dngos kun myuraX stsol yon tan gyi nor bu/__/bsil ldan che dgu'i gtsug tu bgrang yas kyi bskal par/__/'tsho gzhes brtan par mdzod cig yid bzhin gyi 'khor lo/__/swAX hAX grub paX chen po'i thogs med kyi ye shes/__/leXgs rgu'i dngos kun sbyinaX mkhas phrin las kyi nyi ma/__/skal bzang gling bzhi'i mkha' la nub med du rtag pa'i/__/rgyal rnga brdung bar mdzod cig yid bzhin gyi 'khor lo/__/a ho a ho shrI bi dza yan+tu/__/zhes pa'ang gter chen chos kyi rgyal po mchog gyur bde chen gling pa nyid sku khams cung rnyogs tshul gzhes pa'i skabs gnyis su mi phyed pa'i ye shes rol pa'i rtsal 'chang ba e waM zung du 'jug pa'i gsang gsum rtag pa dam pa'i rgyal thabs la bdag gir mdzad cing yon tan dang phrin las rgyun gyis rtag pa'i dge mtshan mngon sum du snang ba'i slad/__'chi med yid bzhin 'khor lo'i bsam gtan la snyoms par zhugs pa'i tshe/__thugs dam gnad nas skul ba'i rdo rje sgra ma'i mchod sprin 'phags ma dgyes pa'i 'bangs yid kyi zla bas spros pa na/__byin rlabs kyi zil gzugs can bzhin du 'char ba'i legs byas de ji lta bar sid+d+hi rastu//___//__!__