JKW-KABUM-23-'A-004-015

🚧 This website is under continued development. We appreciate your patience!

Previous Text Back to Volume PageNext Text

Wylie title	'jam dbyangs mchog grub bar gnang ba'i zhal gdams smon lam
Location	mkhyen brtse'i bka' 'bum Volume 23, sde tshan 4, Text 15, Pages 249-250 (Folios 13a5 to 13b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'jam dbyangs mchog grub bar gnang ba'i zhal gdams smon lam. In 'jam dbyangs mkhyen brtse'i dbang po'i bka' 'bum, Vol. 23: 249-250. Khams sde dge rdzong sar dgon: Rdzong sar blo gros phun tshogs, 2020.
Genre	Prayers - smon lam  ·  Advice - zhal gdams
Colophon	།ཞེས་དགེ་སློང་དགེ་བའི་བཤེས་གཉེན་འཇམ་དབྱངས་མཆོག་གྲུབ་པའི་ཆེད་དུ་བརྗོད་པ་དགེ་ལེགས་སུ་གྱུར་ཅིག།
	zhes dge slong dge ba'i bshes gnyen 'jam dbyangs mchog grub pa'i ched du brjod pa dge legs su gyur cig

Tibetan Text

Wylie

[edit]

འཕགས་མཆོག་ཐུགས་རྗེའི་གཏེར་ལ་ཕྱག་འཚལ་ལོ། །སྲིད་ལས་ངེས་འབྱུང་དྲག་པོས་རྒྱུད་བསྐུལ་ནས། །རྙེད་དཀའ་འཇིག་སླའི་དལ་འབྱོར་དོན་ཡོད་ཕྱིར། །ལས་འབྲས་བླང་དོར་སྙིང་ནས་བརྩོན་པ་ཡིས། །ཐར་པའི་ས་བོན་ཐེབས་པར་བྱིན་གྱིས་རློབས། །མཁའ་ཁྱབ་འགྲོ་ཀུན་ཕ་མར་ཤེས་པའི་བློས། །ཚད་མེད་བྱམས་དང་སྙིང་རྗེ་ཆེན་པོ་དང་། །བྱང་ཆུབ་སེམས་གཉིས་བདུད་རྩིས་ཉེར་འཚོ་བས། །རྣམ་མཁྱེན་པདྨོ་རྒྱས་པར་བྱིན༴ དབང་གིས་རྒྱུད་སྨིན་སྡོམ་གསུམ་རྣམ་པར་དག །འཁོར་འདས་དབྱེར་མེད་གཉུག་མའི་དེ་ཉིད་མཐོང་། །སྣང་སེམས་ལྷ་དང་བདེ་བ་ཆེན་པོར་ཤར། །མཆོག་གི་འབྲས་བུ་འགྲུབ་པར་བྱིན༴ གནས་སྐབས་སུ་ཡང་ཆོས་བཞིན་སྤྱོད་པ་ལ། །འགལ་རྐྱེན་ཀུན་ཞི་མཐུན་རྐྱེན་ཕུན་སུམ་ཚོགས། །རིགས་བདག་བླ་མ་མཆོག་དང་མི་འབྲལ་བས། །རང་གཞན་དོན་གཉིས་འཕེལ་བར་བྱིན༴ དེ་ལྟར་རྩེ་གཅིག་སྨོན་པའི་གནས་རྣམས་ཀུན། །སྐྱབས་གནས་ཀུན་འདུས་བླ་མ་མཆོག་གསུམ་དང་། །ཡི་དམ་མཁའ་འགྲོ་ཆོས་སྲུང་བདེན་སྟོབས་ཀྱིས། །གེགས་མེད་མྱུར་དུ་འགྲུབ་པར་བྱིན་གྱིས་རློབས། །ཞེས་དགེ་སློང་དགེ་བའི་བཤེས་གཉེན་འཇམ་དབྱངས་མཆོག་གྲུབ་པའི་ཆེད་དུ་བརྗོད་པ་དགེ་ལེགས་སུ་གྱུར་ཅིག། །། ༈

[edit]

'jam dbyangs mchog grub bar gnang ba'i zhal gdams smon lam/__ 'phags mchog thugs rje'i gter la phyag 'tshal lo/__/srid las nges 'byung drag pos rgyud bskul nas/__/rnyed dka' 'jig sla'i dal 'byor don yod phyir/__/las 'bras blang dor snying nas brtson pa yis/__/thar pa'i sa bon thebs par byin gyis rlobs/__/mkha' khyab 'gro kun pha mar shes pa'i blos/__/tshad med byams dang snying rje chen po dang /__/byang chub sems gnyis bdud rtsis nyer 'tsho bas/__/rnam mkhyen pad+mo rgyas par byin=__dbang gis rgyud smin sdom gsum rnam par dag__/'khor 'das dbyer med gnyug ma'i de nyid mthong /__/snang sems lha dang bde ba chen por shar/__/mchog gi 'bras bu 'grub par byin=__gnas skabs su yang chos bzhin spyod pa la/__/'gal rkyen kun zhi mthun rkyen phun sum tshogs/__/rigs bdag bla ma mchog dang mi 'bral bas/__/rang gzhan don gnyis 'phel bar byin=__de ltar rtse gcig smon pa'i gnas rnams kun/__/skyabs gnas kun 'dus bla ma mchog gsum dang /__/yi dam mkha' 'gro chos srung bden stobs kyis/__/gegs med myur du 'grub par byin gyis rlobs/__/zhes dge slong dge ba'i bshes gnyen 'jam dbyangs mchog grub pa'i ched du brjod pa dge legs su gyur cig/___//__!_