JKW-KABUM-01-KA-002-105

🚧 This website is under continued development. We appreciate your patience!

First text in section. Back to Volume PageNext Text

Wylie title	rdo rje 'dzin pa dpal ldan phrin las kyi rnam thar gsol 'debs byin rlabs myur 'jug
Location	mkhyen brtse'i bka' 'bum Volume 1, sde tshan 2, Text 105, Pages -344 (Folios to 143b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	(rdo rje 'dzin pa dpal ldan phrin las)
Citation	'jam dbyangs mkhyen brtse'i dbang po. rdo rje 'dzin pa dpal ldan phrin las kyi rnam thar gsol 'debs byin rlabs myur 'jug. In 'jam dbyangs mkhyen brtse'i dbang po'i bka' 'bum, Vol. 1: -344. Khams sde dge rdzong sar dgon: Rdzong sar blo gros phun tshogs, 2020.
Genre	Biographies - Hagiography - rnam thar  ·  Supplications - gsol 'debs
Colophon	།ཅེས་མཚུངས་མེད་རྡོ་རྗེ་འཛིན་དབང་དཔལ་ལྡན་ཕྲིན་ལས་ལ་གསོལ་བ་འདེབས་པ་འདིའང་། རང་ཉིད་ཀྱིས་མི་ཕྱེད་པའི་གུས་པ་ལ་གནས་པའི་རྒྱུ་དང་། །བློ་གྲོས་ཀྱི་ནོར་ཅན་འཇམ་དབྱངས་ཡོན་ཏན་མཐའ་ཡས་ཀྱིས་གསོལ་བ་བཏབ་པའི་རྐྱེན་ལ་བརྟེན་ནས། །རྗེ་བཙུན་དམ་པ་གང་དེའི་གསུང་གི་བདུད་རྩིས་སྐལ་པ་བཟང་པོར་གྱུར་པ། ཤར་མདོ་ཁམས་ཀྱི་བཙུན་པ་འཇམ་དབྱངས་མཁྱེན་བརྩེའི་དབང་པོས་དཔལ་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་དཀར་ཕྱོགས་ཀྱི་ཚེས་བཅུའི་དུས་བཟང་པོར་སྦྱར་བ་བདག་གཞན་གྱི་རྒྱུད་ལ་དཔལ་ལྡན་བླ་མའི་ཡེ་ཤེས་གཟིགས་པའི་བྱིན་རླབས་མྱུར་དུ་འཇུག་པའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།།
	ces mtshungs med rdo rje 'dzin dbang dpal ldan phrin las la gsol ba 'debs pa 'di'ang /__rang nyid kyis mi phyed pa'i gus pa la gnas pa'i rgyu dang /__/blo gros kyi nor can 'jam dbyangs yon tan mtha' yas kyis gsol ba btab pa'i rkyen la brten nas/__/rje btsun dam pa gang de'i gsung gi bdud rtsis skal pa bzang por gyur pa/__shar mdo khams kyi btsun pa 'jam dbyangs mkhyen brtse'i dbang pos dpal e waM chos ldan gyi bla brang thar pa rtser dkar phyogs kyi tshes bcu'i dus bzang por sbyar ba bdag gzhan gyi rgyud la dpal ldan bla ma'i ye shes gzigs pa'i byin rlabs myur du 'jug pa'i rgyur gyur cig__/sarba dA ka l+yA NaM b+ha ba tu/
Notes	The pecha seems to be missing a page. The title and the first few lines are missing from the pdf, though the rest of the work appears on pp. 342-344.

1 Texts in this Section (sde tshan or chos tshan)

105 -344	རྡོ་རྗེ་འཛིན་པ་དཔལ་ལྡན་ཕྲིན་ལས་ཀྱི་རྣམ་ཐར་གསོལ་འདེབས་བྱིན་རླབས་མྱུར་འཇུག rdo rje 'dzin pa dpal ldan phrin las kyi rnam thar gsol 'debs byin rlabs myur 'jug Biographies - Hagiography - rnam thar   ·   Supplications - gsol 'debs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

རྡོ་རྗེ་འཛིན་པ་དཔལ་ལྡན་ཕྲིན་ལས་ཀྱི་རྣམ་ཐར་གསོལ་འདེབས་བྱིན་རླབས་མྱུར་འཇུག་ཅེས་བྱ་བ་བཞུགས་སོ། །དཀྱིལ་འཁོར་ཀུན་གྱི་ཁྱབ་བདག་རྡོ༷་རྗེ༷་འཆ༷ང་། །དཔ༷ལ་ལྡ༷ན་སྲས་བཅས་རྒྱལ་བའི་ཡེ་ཤེས་སྐུ། །མཁས་བཙུན་བཟང་པོའི་ཕྲི༷ན་ལས་མཐའ་ཡས་པའི། །རྗེ་བཙུན་བླ་མའི་ཞབས་ལ་གསོལ་བ་འདེབས། ༡ །མགོན་ཁྱོད་གཟོད་ནས་རྣམ་གྲོལ་མཆོག་བརྙེས་ཀྱང་། །སྲིད་པར་རྗེས་སུ་ཆགས་པའི་སྒྱུ་འཕྲུལ་ནི། །རིས་མེད་གདུལ་བྱའི་ཁམས་དབང་བསམ་པ་བཞིན། །གང་འདུལ་ཅིང་ཡང་འཆར་ལ་གསོལ་བ༴ ༢ ཁྱད་པར་བོད་ཆེན་ལྗོངས་ཀྱི་ནོར་འཛིན་གཞིར། །མཚན་དཔེའི་མེ་ཏོག་ཐོག་མར་བཞད་ཙམ་ནས། །དད་སོགས་དཀར་པོའི་དགེ་མཚན་ཡོངས་རྫོགས་པའི། །རིགས་ཀྱི་ནུས་པ་སད་ལ༴ ༣ མཁས་པའི་འབྱུང་གནས་ཨེ་ཝྃ་ཆོས་གྲྭ་རུ། །ཐུབ་བསྟན་རིན་ཆེན་ཁང་བཟང་སྒོར་ཞུགས་ནས། །ཚུལ་གནས་ཁྲིམས་ཀྱི་བསླབ་ལ་མི་འདའ་བའི། །གནས་བརྟན་འདུལ་བ་འཛིན་པར་གསོལ༴ ༤ བྱམས་དང་སྙིང་རྗེའི་ས་བོན་ལས་འཁྲུངས་པའི། །བྱང་ཆུབ་སེམས་གཉིས་ནོར་བུའི་ལྗོན་པ་ཡིས། །རང་གཞན་ཕན་བདེའི་འབྱོར་པས་ཚིམ་མཛད་པ། །རྒྱལ་སྲས་དཔའ་བོ་མཆོག་ལ༴ རྒྱུ་དུས་དབང་བཞིའི་ས་བོན་མ་ཉམས་པ། །ལམ་དུས་དབང་བཞིའི་བདུད་རྩིས་བསྐྱེས་བསྲིངས་པས། །འབྲས་དུས་དབང་བཞིའི་སྙེ་མ་གཡུར་ཟ་བའི། །རྡོ་རྗེ་འཛིན་པའི་དབང་པོར༴ ༦ ཆོས་དང་སྲིད་ཀྱི་འབྱོར་པས་མངོན་མཐོ་བའི། །ཆེ་དགུའི་གཙུག་གི་ནོར་བུས་གུས་བཏུད་ཀྱང་། །ཁེངས་དང་དྲེགས་པའི་སྐྱོན་གྱིས་རིང་བཏང་བ། །རྣལ་འབྱོར་དབང་ཕྱུག་ཆེན་པོར༴ ༧ ཀློག་པ་ཐོས་བསམ་འཁོར་ལོའི་ཕ་རོལ་སོན། །སྤོང་བ་བསམ་གཏན་བདུད་རྩིས་རྟག་ཏུ་དགྱེས། །བྱ་བ་ལས་ཀྱི་འཁོར་ལོས་བསྟན་དང་འགྲོར། །དོན་གཉིས་དགའ་སྟོན་སྤེལ་ལ༴ ༨ མདོར་ན་རྒྱལ་བ་སྲས་བཅས་གཤེགས་པའི་ལམ། །ཚུལ་བཞིན་ཉམས་སུ་བཞེས་ལས་མི་གཡེལ་བས། །འབྲེལ་ཚད་ཐར་པའི་གོ་འཕང་ལ་སྦྱོར་བའི། །རྣམ་ཐར་མཚུངས་པ་མེད་ལ་གསོལ་བ་འདེབས། ༩ །སྐྱབས་གནས་ཀུན་འདུས་དཔལ་ལྡན་བླ་མ་ཡི། །སྐུ་གསུམ་ཐུགས་ཀྱི་གསང་བ་དྲན་བཞིན་དུ། །མི་ཕྱེད་སྙིང་ནས་གུས་པས་གསོལ་འདེབས་ན། །བྱང་ཆུབ་བར་དུ་འབྲལ་མེད་རྗེས་བཟུང་ནས། ༡༠ །ཚུལ་གནས་ཐོས་དང་བསམ་པས་རྒྱུད་སྦྱངས་ཤིང་། །ངེས་འབྱུང་བྱང་སེམས་ཡང་དག་ལྟ་བ་རྟོགས། །གསང་ཆེན་ཟབ་མོའི་ཐབས་ཀྱིས་ཟུང་འཇུག་གི །གོ་འཕང་མྱུར་དུ་འགྲུབ་པར་བྱིན་གྱིས་རློབས། ༡༡ །ཅེས་མཚུངས་མེད་རྡོ་རྗེ་འཛིན་དབང་དཔལ་ལྡན་ཕྲིན་ལས་ལ་གསོལ་བ་འདེབས་པ་འདིའང་། རང་ཉིད་ཀྱིས་མི་ཕྱེད་པའི་གུས་པ་ལ་གནས་པའི་རྒྱུ་དང་། །བློ་གྲོས་ཀྱི་ནོར་ཅན་འཇམ་དབྱངས་ཡོན་ཏན་མཐའ་ཡས་ཀྱིས་གསོལ་བ་བཏབ་པའི་རྐྱེན་ལ་བརྟེན་ནས། །རྗེ་བཙུན་དམ་པ་གང་དེའི་གསུང་གི་བདུད་རྩིས་སྐལ་པ་བཟང་པོར་གྱུར་པ། ཤར་མདོ་ཁམས་ཀྱི་བཙུན་པ་འཇམ་དབྱངས་མཁྱེན་བརྩེའི་དབང་པོས་དཔལ་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་དཀར་ཕྱོགས་ཀྱི་ཚེས་བཅུའི་དུས་བཟང་པོར་སྦྱར་བ་བདག་གཞན་གྱི་རྒྱུད་ལ་དཔལ་ལྡན་བླ་མའི་ཡེ་ཤེས་གཟིགས་པའི་བྱིན་རླབས་མྱུར་དུ་འཇུག་པའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

rdo 'dzin dpal ldan phrin las kyi rnam thar gsol 'debs byin rlabs myur 'jug_ rdo rje 'dzin pa dpal ldan phrin las kyi rnam thar gsol 'debs byin rlabs myur 'jug ces bya ba bzhugs so/__/dkyil 'khor kun gyi khyab bdag rdoX rjeX 'chaXng /__/dpaXl ldaXn sras bcas rgyal ba'i ye shes sku/__/mkhas btsun bzang po'i phriXn las mtha' yas pa'i/__/rje btsun bla ma'i zhabs la gsol ba 'debs/__1__/mgon khyod gzod nas rnam grol mchog brnyes kyang /__/srid par rjes su chags pa'i sgyu 'phrul ni/__/ris med gdul bya'i khams dbang bsam pa bzhin/__/gang 'dul cing yang 'char la gsol ba=__2__khyad par bod chen ljongs kyi nor 'dzin gzhir/__/mtshan dpe'i me tog thog mar bzhad tsam nas/__/dad sogs dkar po'i dge mtshan yongs rdzogs pa'i/__/rigs kyi nus pa sad la=__3__mkhas pa'i 'byung gnas e wa~M chos grwa ru/__/thub bstan rin chen khang bzang sgor zhugs nas/__/tshul gnas khrims kyi bslab la mi 'da' ba'i/__/gnas brtan 'dul ba 'dzin par gsol=__4__byams dang snying rje'i sa bon las 'khrungs pa'i/__/byang chub sems gnyis nor bu'i ljon pa yis/__/rang gzhan phan bde'i 'byor pas tshim mdzad pa/__/rgyal sras dpa' bo mchog la=__rgyu dus dbang bzhi'i sa bon ma nyams pa/__/lam dus dbang bzhi'i bdud rtsis bskyes bsrings pas/__/'bras dus dbang bzhi'i snye ma g.yur za ba'i/__/rdo rje 'dzin pa'i dbang por=__6__chos dang srid kyi 'byor pas mngon mtho ba'i/__/che dgu'i gtsug gi nor bus gus btud kyang /__/khengs dang dregs pa'i skyon gyis ring btang ba/__/rnal 'byor dbang phyug chen por=__7__klog pa thos bsam 'khor lo'i pha rol son/__/spong ba bsam gtan bdud rtsis rtag tu dgyes/__/bya ba las kyi 'khor los bstan dang 'gror/__/don gnyis dga' ston spel la=__8__mdor na rgyal ba sras bcas gshegs pa'i lam/__/tshul bzhin nyams su bzhes las mi g.yel bas/__/'brel tshad thar pa'i go 'phang la sbyor ba'i/__/rnam thar mtshungs pa med la gsol ba 'debs/__9__/skyabs gnas kun 'dus dpal ldan bla ma yi/__/sku gsum thugs kyi gsang ba dran bzhin du/__/mi phyed snying nas gus pas gsol 'debs na/__/byang chub bar du 'bral med rjes bzung nas/__10__/tshul gnas thos dang bsam pas rgyud sbyangs shing /__/nges 'byung byang sems yang dag lta ba rtogs/__/gsang chen zab mo'i thabs kyis zung 'jug gi__/go 'phang myur du 'grub par byin gyis rlobs/__11__/ces mtshungs med rdo rje 'dzin dbang dpal ldan phrin las la gsol ba 'debs pa 'di'ang /__rang nyid kyis mi phyed pa'i gus pa la gnas pa'i rgyu dang /__/blo gros kyi nor can 'jam dbyangs yon tan mtha' yas kyis gsol ba btab pa'i rkyen la brten nas/__/rje btsun dam pa gang de'i gsung gi bdud rtsis skal pa bzang por gyur pa/__shar mdo khams kyi btsun pa 'jam dbyangs mkhyen brtse'i dbang pos dpal e waM chos ldan gyi bla brang thar pa rtser dkar phyogs kyi tshes bcu'i dus bzang por sbyar ba bdag gzhan gyi rgyud la dpal ldan bla ma'i ye shes gzigs pa'i byin rlabs myur du 'jug pa'i rgyur gyur cig__/sarba dA ka l+yA NaM b+ha ba tu//____//_!